სარჩევი:
რამდენად გავრცელებულია ეს მდგომარეობა?
რა გავლენას ახდენს ცელულიტი სხეულზე?
რა არის ცელულიტის გამომწვევი მიზეზი?
როგორ ხდება ცელულიტის დიაგნოზის დასმა
ცელულიტი ძალიან გავრცელებული და უვნებელი კანის მდგომარეობაა, რომელიც იწვევს კანის უსწორმასწორობას და ჩაღრმავებას ბარძაყებზე, თეძოებზე, დუნდულებსა და მუცელზე.
ვის ემართება ცელულიტი?
ცელულიტი ემართება როგორც ქალებს, ისე მამაკაცებს. თუმცა, ქალებში ის გაცილებით უფრო ხშირად გვხვდება.
რამდენად გავრცელებულია ეს მდგომარეობა?
ცელულიტი ძალიან გავრცელებული მდგომარეობაა. ქალთა 80-90%-ს, ვისაც პუბერტატის ასაკი გაუვლია, აღენიშნება ცელულიტი. მამაკაცებში ეს მაჩვენებელი 10%-ზე ნაკლებია.
ცელულიტის არსებობასა და გამოვლენის ხარისხს განსაზღვრავს გენეტიკა, სქესი, ასაკი, სხეულის ცხიმის რაოდენობა და კანის სისქე. ასაკთან ერთად კანი ელასტიკურობას კარგავს და ცელულიტი უფრო შესამჩნევი ხდება. წონის მომატებასაც შეუძლია ცელულიტის უფრო მეტად გამოვლენას შეუწყოს ხელი.
მიუხედავად იმისა, რომ ჭარბი წონის ადამიანებს უფრო მკვეთრად აქვთ გამოხატული ცელულიტი, ის გამხდარ ადამიანებშიც ხშირად შეინიშნება.
რა გავლენას ახდენს ცელულიტი სხეულზე?
ცელულიტი ზოგად ფიზიკურ ჯანმრთელობაზე გავლენას არ ახდენს და ტკივილსაც არ იწვევს, თუმცა ადამიანებს ხშირად არ მოსწონთ მისი გარეგნული ეფექტი და ცდილობენ მის მოშორებას.
ცელულიტის სიმპტომები
ცელულიტის სიმპტომებია კანის უსწორმასწორობასა და შებურცულობა. ზოგჯერ მას აღწერენ როგორც ფორთოხლის ქერქის მსგავს ტექსტურას.
მსუბუქი ცელულიტი შესაძლოა შესამჩნევი იყოს მხოლოდ მაშინ, თუ ცელულიტის მქონე ადგილას, მაგალითად ბარძაყებზე, კანს დავჭიმავთ. უფრო მძიმე ფორმის ცელულიტი კანს დანაოჭებულსა ხდის ამაღლებული და ჩავარდნილი უბნების მონაცვლეობით.
ცელულიტი ყველაზე ხშირად ბარძაყებისა და დუნდულების ირგვლივ გვხვდება, თუმცა ასევე შეიძლება აღინიშნებოდეს მკერდზე, მუცლის ქვედა ნაწილსა და მხრებზე.
ცელულიტს ოთხი ხარისხი აქვს:
0 ხარისხი: სხეულზე ცელულიტი არ არის.
1 ხარისხი: კანი გლუვია ფეხზე დგომის დროს, მაგრამ ჯდომისას მსუბუქი ჩაღრმავებები ჩნდება.
2 ხარისხი: კანზე სხეულის ნებისმიერ პოზაში შეინიშნება ზომიერი ჩაღრმავებები.
3 ხარისხი: როგორც დგომისას, ასევე ჯდომის დროს კანი მკვეთრად ჩაღრმავებულია. კანის ზედაპირი გამოირჩევა ღრმა ბორცვებითა და ამაღლებული და ჩავარდნილი უბნებით.
რა არის ცელულიტის გამომწვევი მიზეზი?
ცელულიტის ზუსტი გამომწვევი მიზეზი უცნობია. ცელულიტი ჩნდება, როდესაც კანის შემაერთებელი ბოჭკოვანი ზოლები, რომლებიც კანს ქვედა კუნთოვან ფენას უკავშირებს, არათანაბრად იჭიმება. ეს გაჭიმვა ქვემოთ ქაჩავს კანს, ხოლო ჩვეულებრივი ცხიმოვანი ფენა კანის ქვეშ ზემოთ იწევს. შედეგად კანი დანაოჭებულ სახეს იღებს.
ასევე უცნობია, თუ რატომ არის ცელულიტი უფრო გავრცელებული ქალებში, ვიდრე მამაკაცებში. ერთი თეორია უკავშირდება იმ ბოჭკოვან ზოლებს, რომლებიც კანს ჰიპოდერმისთან (კანქვეშა ქსოვილთან) და ღრმა კუნთოვან ფენებთან აერთებს. მამაკაცებში ეს შემაერთებელი ზოლების ბოჭკოები ერთმანეთს ჯვარედინად გადაკვეთს, ქალებში კი ისინი პარალელურად არის განლაგებული. შესაძლოა პარალელურმა ზოლებმა კანის დანაოჭება უფრო მეტად გამოავლინოს, ვიდრე ურთიერთგადაკვეთილმა.
კიდევ ერთი თეორიის თანახმად, ესტროგენის ჰორმონის მომატებამ შეიძლება ცელულიტი გამოიწვიოს. ხშირად ცელულიტი ვითარდება, როცა ქალებში ესტროგენის რაოდენობა იმატებს, მაგალითად, მოზარდობის ან ორსულობის პერიოდში.
როგორ ხდება ცელულიტის დიაგნოზის დასმა
ცელულიტის ამოცნობა ადვილია, ამიტომ აუცილებელი არ არის ექიმის მიმართვა მისი დიაგნოზისთვის. თუმცა ექიმს შეუძლია ცელულიტი ფიზიკური გასინჯვის დროს გამოავლინოს.
შეიძლება თუ არა ცელულიტის მოცილება?
ყველა ტანის ფორმის მქონე ადამიანს აქვს ცელულიტი. ეს ბუნებრივი მოვლენაა, მაგრამ დანაოჭებული და “დახვრეტილი” კანის სახე იმის გამო ჩნდება, რომ ცხიმი კანქვეშა შემაერთებელ ქსოვილზე ზეწოლას ახდენს. მისი სრული მოშორება შეუძლებელია, თუმცა არსებობს გზები მისი გარეგნული ეფექტის შესამცირებლად.
ცელულიტის მკურნალობა
ცელულიტის შესამცირებლად ეფექტურია ვარჯიშის, დიეტისა და სამკურნალო პროცედურების კომბინაცია. არსებობს ცელულიტის საწინააღმდეგო სხვადასხვა სამკურნალო საშუალება:
- Missha - მისშა გელი ცელულიტისთვის აუმჯობესებს კანის სტრუქტურას, არეგულირებს ნივთიერებათა ცვლას, ამცირებს „ფორთოხლის კანის“ ეფექტს და წვავს ცხიმებს.
- Esthederm - ესტედერმი ცელულიტის საწინააღმდეგო კრემი გასახდომ კონცენტრატ-კრემს ახასიათებს ანთების საწინააღმდეგო და დრენაჟული მოქმედება, ახდენს ცელულიტისა და „ფორთოხლის კანის“ კორექციას მის სხვადასხვა სტადიაზე.
- Ziaja - ზიაია ცელულიტის საწინააღმდეგო გამახურებელი გელი-კრემი
- Ziaja - ზიაია ცელულიტის შრატი რომელიც გახლავთ ცელულიტის ტანის შრატი, ტანის სკრაბი
- თალგოს ანტიცელულიტური კრემი მუშაობს ლოკალიზებულ ცელულიტზე, სწრაფად შეიწოვება, ტოვებს ფორთოხლის კანს შესამჩნევად გლუვს.
- Lierac - ლიერაკი BODY კონცენტრატი გამამკვრივებელი კონცენტრატის შემადგენლობაშია სამი ძირითადი და მნიშვნელოვანი კომპონენტი, რომლებიც აქტიურად მოქმედებენ სხეულის პრობლემურ ზონებზე, აღადგენენ ელასტიკურობას, მოქმედებენ კოლაგენის გამომუშავებაზე და ჭიმავენ კანს.
- Ziaja - ზიაია ანტიცელულიტური მასაჟის ზეთი აუმჯობესებს მიკროცირკულაციას. ამაგრებს და ხდის ეპიდერმისს უფრო ელასტიკურსა და გლუვს.
კოსმეტოლოგიური ქირურგია ასევე იყენებს მეთოდების ფართო სპექტრს ცელულიტის ვიზუალური ეფექტის დროებით შესამცირებლად. ეს მკურნალობებია:
- ღრმა მასაჟი კანის გასაპრიალებლად
- აკუსტიკური ტალღებით თერაპია ცელულიტის ბჯენების დასაშლელად
- ლაზერული მკურნალობა კანის გასასქელებლად
- ლიპოსაქცია ცხიმის მოსაშორებლად (თუმცა ეს ღრმა ცხიმის მოშორებაა და არა უშუალოდ ცელულიტის)
- მეზოთერაპია, როდესაც ნემსით მედიკამენტებს უშვებენ ცელულიტის ზონებში
- ნემსით კანის დაჩხვლეტა ცელულიტის გამომწვევი ბოჭკოვანი ზოლების დასაშლელად
- 0.3% რეტინოლის შემცველი კრემები და ლოსიონები
- სპა პროცედურები, რაც დროებით ნაკლებად შესამჩნევს ხდის ცელულიტს
შეიძლება თუ არა ვარჯიშით ცელულიტის პრევენცია?
ვარჯიშს შეუძლია გააუმჯობესოს ცელულიტის გარეგნული სახე. რეგულარული ვარჯიში კუნთოვან მასას ზრდის, რაც ასწორებს ცელულიტს. ასევე, ვარჯიში აძლიერებს სისხლის მიმოქცევას სხეულის გარკვეულ უბნებში, რაც აჩქარებს ცხიმის დაკარგვას. შემდეგი აქტივობები ეხმარება ცელულიტის შემცირებას:
- სირბილი
- ველოსიპედის ტარება
- წინააღმდეგობის ვარჯიშები
ქვემოთ მოცემული ინფორმაცია საჭიროა სოციალური ავტორიზაციისთვის
შესვლა
Create New Account