ტკივილი მუცლის მარცხენა მხარეს - რაზე შეიძლება მიანიშნებდეს ეს სიმპტომი?

თუკი მუცლის მარცხენა ნაწილში ტკივილი გაწუხებთ და ამ ყველაფერს განმეორებითი, ხშირი ხასიათი აქვს, შესაძლოა ეს რამდენიმე პრობლემაზე მიუთითებდეს.

პირველ რიგში, უნდა იცოდეთ, რომ ეს დისკომფორტი შეიძლება გამოვლინდეს სხვადასხვა ფორმით, მათ შორის ყრუ ტკივილით მუცლის მარცხენა მხარეს ან სხვა სიმპტომებთან ერთად.

მუცლის მარცხენა მხარის ტკივილი საკმაოდ გავრცელებულია და ინტერნეტში ხშირად იძებნება, რაც მიუთითებს მის გავრცელებულობაზე. ასეთი დისკომფორტის გამომწვევი მიზეზები მოიცავს პრობლემების ფართო სპექტრს, მსუბუქი სამედიცინო პრობლემებიდან პოტენციურად მძიმე დაავადებებამდე. აუცილებელია, ყურადღება მიაქციოთ მას, რადგან სწრაფი მოქმედება შეიძლება გადამწყვეტი ფაქტორიც აღმოჩნდეს.

რომელი ორგანოები გვაქვს მუცლის მარცხენა ნაწილში 

რაზე შეიძლება მიანიშნებდეს ტკივილი მუცლის მარცხენა არეში. იმისათვის, რომ გავიგოთ, რა შეიძლება გვაწუხებდეს, პირველ რიგში სწორედ ამის ცოდნა დაგვჭირდება - რომელი ორგანოებია მოთავსებული მუცლის მარცხენა ნაწილში?

მუცლის მარცხენა ზედა ნაწილი მოიცავს კუჭს, პანკრეასს, ელენთას, ღვიძლის მარცხენა ნახევარსა და მსხვილი ნაწლავის მარცხენა მხარეს. ხოლო ქვედა ნაწილში განლაგებულია: საკვერცხე (ქალებში), შარდსაწვეთი, საშვილოსნო (ქალებში) და წვრილი და მსხვილი ნაწლავები.

როგორც ვხედავთ, მარცხენა ნაწილში ბევრი მნიშვნელოვანი ორგანოა მოთავსებული. ტკივილის გამომწვევი პოტენციური მიზეზები კი შეიძლება იყოს როგორც რომელიმე კონკრეტულ ორგანოზე არსებული პრობლემა, ისე ორგანოთა საერთო დაავადება.

რა იწვევს მუცლის მარცხენა მხარის ტკივილს

ქალებსა და მამაკაცებში მარცხენა ნაწილის ტკივილი შეიძლება განპირობებული იყოს როგორც ერთნაირი დაავადებებით, ისე ანატომიურ აგებულებებს შორის სხვაობით.

პრობლემები, რომლებზეც მუცლის მარცხენა არეალში ტკივილი ქალებსა და კაცებს ერთნაირად შეიძლება მიანიშნებდეს, არის:

• პანკრეატიტი: პანკრეასის ანთებამ შეიძლება გამოიწვიოს მუცლის არეში ძლიერი ტკივილი, რომელიც ხშირად გადაეცემა ზურგს;
• პანკრეასის კიბო: მუცლის ტკივილი, რომელსაც თან ახლავს დაღლილობა, მადის დაქვეითება, წონის დაკლება, მუქი შარდი და ფერმკრთალი განავალი;
• სპლენომეგალია: ტკივილი ან დისკომფორტი ჩნდება მუცლის მარცხენა მხარეს;
• გასტრიტი: ტკივილი, კოლიკა და შებოჭილობა მუცლის ზედა ნაწილში. მუცლის ტკივილი შეიძლება წარმოიშვას ჭამის წინ ან მის შემდეგაც;

• კუჭის წყლული;

• კუჭის კიბო: სიმპტომები გასტრიტის მსგავსია და ხშირად დამოკიდებულია დაავადების სტადიაზე;

• ნაწლავის ანთებითი დაავადებები;

• თირკმელების ინფექცია: მუცლისა და მხრის ტკივილი, რომელსაც თან ახლავს გახშირებული შარდვა;
• თირკმლის ქვები: ტკივილი ჩნდება მუცლის ან ზურგის ორივე მხარეს და შეიძლება გავრცელდეს იღლიებში, წყვეტილი შეკუმშვით.
• დივერტიკულიტი: მსხვილი ნაწლავის კედლების გასწვრივ პატარა წარმონაქმნების ანთება ან ინფექცია.

აღსანიშნავია, რომ ამ ტიპის ტკივილი მხოლოდ ქალებში შეიძლება მიანიშნებდეს მენსტრუალურ ტკივილზე, გარეორსულობაზე, საკვერცხის სიმსივნეზე, ენდომეტრიოზსა და საშვილოსნოს კისტაზე, ხოლო კაცებში — თიაქარზე, საზარდულის თიაქარსა და სათესლე ჯირკვლის ტორსიაზე.

ნებისმიერი დისკომფორტის შემთხვევაში აუცილებელია, მიმართოთ ექიმს და სიმპტომების კვლევის შემდეგ მასთან ერთად მიიღოთ მკურნალობის შესახებ გადაწყვეტილება.