პროსტამოლ უნო და მისი როლი პროსტატიტის ადენომის მკურნალობაში

პროსტატა, იგივე წინამდებარე ჯირკვალი კაცის რეპროდუქციული სისტემის ცენტრალური ნაწილია და მოიცავს პენისს, პროსტატის ჯირკვალს, სათესლე ბუშტუკებს და სათესლე ჯირკვლებს. მას მამაკაცის მეორე გულსაც უწოდებენ. 

წინამდებარე ჯირკვლის პათოლოგიებს შორის ექიმთან მიმართვიანობის დიდი პროცენტი პროსტატის ადენომაზე მოდის. პროსტატის ადენომას, მეორენაირად პროსტატის კეთილთვისებიან სიმსივნესაც ეძახიან და ის წინამდებარე ჯირკვლის მოცულობის ზრდით გამოიხატება.  

პროსტატის ადენომის სიმპტომები და რისკ-ფაქტორები

პროსტატის ადენომის დროს კაცს აღენიშნება შემდეგი სიმპტომები, როგორიცაა: შარდის ბუშტის არასრული დაცლის შეგრძნება, შარდის ნაკადის შემცირება, გახშირებული შარდვა და ა.შ.

დაავადების განვითარების ძირითადი რისკ-ფაქტორებია:

  • 40 წელს ზემოთ ასაკი;
  • გენეტიკური წინასწარგანწყობა;
  • ჰორმონების დონის ცვლილება;
  • სიმსუქნე;
  • დიაბეტისა და გულის დაავადებები.

პროსტატის ადენომის განვითარებასა და სექსუალურ აქტივობასა თუ ორიენტაციას, წამლებისა თუ ალკოჰოლის მოხმარებას, გადატანილ ანთებით თუ ვენერიულ დაავადებებს შორის კავშირი დადასტურებული არ არის.

დაავადების სიმპტომებია:

  • შარდვის გახშირება;
  • მტკივნეული შარდვა;
  • ღამით შარდვის გახშირება;
  • შარდის გამოყოფის გაძნელება ან შეწყვეტა;
  • შარდის ნაკადის შესუსტება;
  • წვეთობით შარდვა;
  • მოშარდვის შემდეგ დაუკმაყოფილებლობის შეგრძნება და სხვა

პროსტატის ადენომას, როგორც წესი, ტკივილი არ ახასიათებს. ტკივილი, სიცხესთან, საერთო სისუსტესთან და ოფლიანობასთან ერთად მხოლოდ მაშინ იჩენს თავს, თუ ჯირკვალი დაჩირქდა და ჩამოყალიბდა პროსტატის აბსცესი. 

დღესდღეობით პროსტატიტის ადენომის სამკურნალო მრავალი პრეპარატი არსებობს. ერთ-ერთი ყველაზე ეფექტური და ხშირად დანიშვნადი პრეპარატია პროსტამოლ უნო.

რა არის პროსტამოლ უნო და რას შეიცავს?

პროსტამოლ უნო მცენარეული პრეპარატია, რომელიც დამზადებულია ჯუჯა პალმის ექსტრაქტზე და გამოიყენება კომპლექსურ თერაპიაში წინამდებარე ჯირკვლის კეთილთვისებიანი ჰიპერპლაზიის (I და II სტადია) მქონე პაციენტების სამკურნალოდ. 

ჯუჯა პალმა, იგივე სერენოა რეპენსია, რომელიც ბუნებრივად იზრდება სუბტროპიკული კლიმატის მქონე სანაპირო ზონებში, განსაკუთრებით აშშ-ში. მის მოშავო-მოწითალო, კენკროვან, ცხიმოვანი მჟავებით მდიდარ ნაყოფს ამერიკელი ინდიელები იყენებდნენ საუკუნეების განმავლობაში, საშარდე და რეპროდუქციული სისტემის სამკურნალოდ. 

პრეპარატი აფერხებს პროსტატის ჯირკვლის ზრდას, ამცირებს შარდის ბუშტზე ზეწოლას და აძლიერებს შარდის ნაკადს.

პრეპარატი გამოდის რბილი კაფსულების სახით და შეიცავს: ჯუჯა პალმის (სერენოა რეპენს) ექსტრაქტს, სუქცინილირებულ ჟელატინს, გლიცერინსა და E 124, E 171, E 172 საღებავებს.

როგორია პრეპარატის მიღების წესი და დოზირება?

პროსტამოლ უნო უნდა მიიღოთ დღეში 1-ჯერ, ჭამის შემდეგ, საკმარისი რაოდენობის სითხის, უმჯობესია 1 ჭიქა წყლის მიყოლებით. კაფსულის მიღება ხდება ერთსა და იმავე დროს, დაუღეჭავად.

პრეპარატის გამოყენების ხანგრძლივობა არის არანაკლებ 1,5 თვე, თუმცა მყარი ეფექტის მიღწევის დრო დამოკიდებულია დაავადების სტადიაზე. აქედან გამომდინარე, მკურნალობის ხანგრძლივობას გადაწყვეტს ექიმი. კარგი ამტანობის გამო, პროსტამოლ უნოს გამოყენება შეიძლება ხანგრძლივი დროის განმავლობაში. 

თუ უნებლიეთ წამლის დოზა გამოტოვეთ, არ დალიოთ ორმაგი დოზა გამოტოვებული დოზის საკომპენსაციოდ.

რატომ უნდა მიიღოთ პროსტამოლ უნო ჭამის შემდეგ?

პროსტამოლ უნოს ჭამის შემდეგ მიღება რეკომენდებულია იმის გამო, რომ ჯუჯა პალმის ცხიმოვანი ექსტრაქტი ზოგჯერ იწვევს მცირე დისკომფორტს, როგორიცაა მაგალითად, გულზიდვა და მუცლის ტკივილი. შესაბამისად, სასურველია პრეპარატი ჭამის შემდეგ მიიღოთ და ამ ტიპის უსიამოვნო მოვლენების რისკი შეამციროთ. 

რა გვერდითი მოვლენები და უკუჩვენებები ახასიათებს პრეპარატს?

ზოგადად, სერენოა რეპენსის პრეპარატები კარგი ამტანობით ხასიათდება, მაგრამ იშვიათ შემთხვევებში შესაძლებელია გამოვლინდეს მსუბუქი გვერდითი მოვლენები:

  • ალერგიული რეაქციები;
  •  მუცლის ტკივილი;
  •  გულზიდვა;
  •  ღებინება;  
  • ფაღარათი;
  • იშვიათად შეიძლება აღინიშნოს კუჭის ტკივილი. 

უკუჩვენებებია:

  • პრეპარატის ინდივიდუალური აუტანლობა.

გაფრთხილება: მკურნალობის პერიოდში თავი შეიკავეთ ალკოჰოლის მიღებისგან, რადგან იგი ამცირებს პრეპარატის ეფექტიანობას.