mucosa compositum - მუკოზა კომპოზიტუმი 1ამპულა

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ლორწოვანი გარსის დამცავი სამკურნალო ჰომეოპათიური საშუალება.

შემადგენლობა და გამოშვების ფორმა:

საინექციო ხსნარი: ამპულაში 2.2 მლ, შეფუთვაში 5, 10, 50 და 100 ც.

100 მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები.

ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

ორგანიზმის დამცავი ფუნქციების სტიმულაცია ლორწოვანი გარსების სხვადასხვა ტიპის დაზიანების დროს; მათ შორის,

• კუჭ-ნაწლავის ტრაქტის (წყლულებით და მათ გარეშე), ზემო და ქვემო სასუნთქი გზების, შარდგამომყოფი გზების, კონიუნქტივის, ასევე

ნაწლავთა სპაზმის, კარდიოსპაზმის, დივერტიკულიტებისას.

როგორც დამატებითი საშუალება გამოიყენება:

• პანკრეატიტის, ქოლეცისტიტის, ქოლანგიტის, ნაწლავთა გაუვალობისადმი მიდრეკილების, ნაწლავთა ატონიის, ფაღარათის, ანალური ეგზემების და ნახეთქებისას, ცხვირის წიაღების და ევსტაქის მილის ანთების, დისბაქტერიოზის, გასტრო-კარდიული სინდრომის, მომატებული მჟავიანობის, ყაბზობის, ქრონიკული ბრონქიტის, ასთმის, პიელიტის, ცისტიტის, პროსტატიტის, ურეთრიტის ვაგინიტის, სტომატიტის, ტრაქეიტის, ლარინგიტის დროს;
• კუჭის, ნაწლავების, ბრონქების, ხორხის დაავადებებისას ოპერაციამდე და ოპერაციის შემდგომ პერიოდში, აგრეთვე,
• სიმსივნეების შემთხვევაში.

მიღების წესი და დოზირება:

მწვავე მდგომარეობისას თითო ამპულა ყოველდღე, სხვა შემთხვევაში 1-3-ჯერ კვირაში; კანქვეშ, კუნთებში, ხოლო აუცილებლბისას ვენაში.

გვერდითი მოვლენები:

ერთეულ შემთხვევაში შესაძლოა კანის ალერგიული რეაქციები, რაც მოითხოვს პრეპარატის გამოყენების დაუყოვნებლივ შეწყვეტას.

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.