Oilsen - ოილესენი სპრეი 10მლ

შემადგენლობა:
ვიტამინი D3(ქოლეკალციფეროლი)-1000 ს.ე.(25მკგ)

D ვიტამინის წყარო

OILESEN' ვიტამინი D, 1000 - ეს პროდუქტი განკუთვნილია დამატებითი D3 ვიტამინის უზრუნველსაყოფად ზრდასრულთათვის, მათ შორის, 60 წლის და უფროსი ასაკის ადამიანებისთვის, ასევე, იმ პირებისთვის, რომლებიც ვერ ახერხებენ სახლიდან გასვლას და გაურბიან მზეზე ყოფნას.

ვიტამინი D ხელს უწყობს ძვლებისა და კბილების ნორმალური  მდგომარეობის შენარჩუნებას, კუნთების და იმუნური სისტემის ნორმალურ ფუნქციონირებას, ასევე, კალციუმის და ფოსფორის ნორმალურ შეწოვას/ათვისებას.

ვიტამინი D საჭიროა ბავშვებში ძვლების ნორმალური ზრდისა და განვითარებისთვის.

ვიტამინი D ხელს უწყობს დაცემის რისკის შემცირებას, რომელიც დაკავშირებულია პოსტურალურ არასტაბილურობასთან და კუნთების სისუსტესთან. დაცემა წარმოადგენს ძვლის მოტეხილობის რისკ-ფაქტორს 60 წელზე უფროსი ასაკის მამაკაცებსა და ქალებში. სასურველი ეფექტი მიიღწევა 20 მკგ D ვიტამინის ყოველდღიური მიღებით ყველა წყაროდან.

OILESEN' ვიტამინი D 1000 პერორალური სპრეი იძლევა D ვიტამინის უშუალოდ პირში (ენის ქვეშ ან ლოყის შიდა მხარეს) შესხურების შესაძლებლობას სწრაფი შეწოვის ეფექტით. ეს ძალზე მოსახერხებელია, რადგანაც არ არის საჭირო პერორალური სპრეის მიღება საკვებთან ერთად და შეგიძლიათ შეისხუროთ იგი დღის ნებისმიერ მონაკვეთში.

*NRV - ნუტრიენტების რეფერენს მნიშვნელობა

შემადგენლობა:
საშუალო- ჯაჭვიანი ტრიგლიცერიდები (MCT ზეთი), მარწყვის ბუნებრივი არომატიზატორი, ქოლეკალციფეროლი (ვიტამინი D3-მიღებული ატლანტიკის ოკეანის ორაგულის ღვიძლისგან), ანტიოქსიდანტი - ალფა-ტოკოფეროლი.

რა არის ვიტამინი D?

ვიტამინი D არის ცხიმში ხსნადი ვიტამინი, რომელიც სინთეზირდება ადამიანის კანის ღრმა ეპიდერმისში, როდესაც კანი ექცევა მზის ულტრაიისფერ (UV-B) დასხივების ქვეშ. D ვიტამინის მიღება ასევე შესაძლებელია მცენარეული და ცხოველური წარმოშობის საკვებიდან; თუმცა, ნატურალური პროდუქტები ამ ვიტამინს მხოლოდ მცირე რაოდენობით შეიცავს. ცხიმიანი თევზი (როგორიცაა ორაგული, ქაშაყი და გველთევზა), კვერცხის გული, ღვიძლი, კარაქი და ყველი D ვიტამინის საუკეთესო ბუნებრივი წყაროა. ადამიანები, რომლებიც ცხოვრობენ ეკვატორთან ახლოს და იღებენ მზის საკმარის სხივებს, როგორც წესი, არ განიცდიან D ვიტამინის დეფიციტს. ცნობილია, რომ ზამთრის სეზონზე ჩვენს განედზე მცხოვრები ადამიანების დაახლოებით 80% განიცდის ამ ვიტამინის ნაკლებობას.

რა არის D ვიტამინის როლი?

• ვიტამინი D თამაშობს დიდ როლს ჩვენი ორგანიზმისთვის; ყველაზე მნიშვნელოვანია შრატში კალციუმის და ფოსფორის ადექვატური კონცენტრაციის შენარჩუნება, რაც აუცილებელია უჯრედშიდა პროცესებისთვის, ძვლის მინერალიზაციისთვის და როგორც ნერვების, ისე კუნთების ფუნქციონირებისთვის. ვიტამინი D ხელს უწყობს კალციუმის და ფოსფორის გაწოვას წვრილ ნაწლავებში და ეხმარება სისხლში კალციუმის ადექვატური დონის შენარჩუნებას.

• ვიტამინი D განსაკუთრებით მნიშვნელოვანია ჩვილებისა და მცირეწლოვანი ბავშვებისთვის, რადგანაც იგი მონაწილეობს ძვლებისა და კბილების განვითარებაში. D ვიტამინის არარსებობის შემთხვევაში კალციუმის მხოლოდ 15 პროცენტი და ფოსფორის 60 პროცენტი შეიწოვება, ამიტომაც D ვიტამინი აუცილებელია ბავშვის ძვლებისა და კბილების ნორმალური განვითარებისა და ზრდისთვის.

• D ვიტამინისა და კალციუმის საკმარისი რაოდენობა ძალზე მნიშვნელოვანია ბავშვობის და მოზარდობის პერიოდში, როდესაც ძვლები იგროვებს კალციუმს, მყარდება და ინტენსიურად იზრდება; იგი განსაზღვრავს ძვლის მინერალიზაციის სტატუსს შემდგომ ცხოვრებაში.

• დადგინდა, რომ ვიტამინი D ხელს უწყობს კუნთების ნორმალური ფუნქციონირების შენარჩუნებას. კუნთების სისუსტე ორგანიზმში D ვიტამინის დეფიციტის შემთხვევაში ვლინდება.

• ვიტამინი D ასევე მნიშვნელოვანია იმუნური სისტემისთვის. იგი ხელს უწყობს იმუნური სისტემის ნორმალურ ფუნქციონირებას.

რა იწვევს D ვიტამინის დეფიციტს მოზრდილებში?

გენეტიკური ფაქტორების გარდა, არსებობს სამი ძირითადი მიზეზი.

კვებითი ჩვევები. D ვიტამინით მდიდარი საკვების არასაკმარისი მოხმარება.

მზის შუქის დეფიციტი. კანში არსებული D ვიტამინის რაოდენობა ყოველთვის არ არის საკმარისი. ზამთარში მზის ნაკლებობა, ზაფხულში მზის ულტრაიისფერი სხივებისგან დამცავი საშუალებების გამოყენება და სახლში დარჩენა ხელს უშლის კანში D ვიტამინის ადექვატური რაოდენობის სინთეზირებას.

სხეულის ზოგიერთი ფუნქციის გარკვეული დარღვევები.

D ვიტამინის რეკომენდებული მიღება

აღინიშნა, რომ ჩვილებს ჩვეულებრივ აძლევენ D ვიტამინის საკმარის რაოდენობას, მაგრამ მოგვიანებით ცხოვრებაში D ვიტამინის ადექვატური დონის შენარჩუნება, როგორც წესი, უგულებელყოფილი ხდება ხოლმე. ევროპის მრავალ ქვეყანაში ჩატარებულმა კვლევებმა აჩვენა, რომ D ვიტამინის მიღება სხვადასხვა ასაკობრივ ჯგუფში არასაკმარისია. მეცნიერები და ექიმები შეშფოთებულნი არიან D ვიტამინის დეფიციტის გამო სიცოცხლის ხარისხის დაქვეითებით, ამიტომ ტარდება კვლევები და მიმდინარეობს ინტენსიური დისკუსიები. ცოტა ხნის წინ D ვიტამინის მიღების შესახებ ცენტრალური ევროპის მოსახლეობისთვის გამოქვეყნდა შემდეგი რეკომენდაციები:

D ვიტამინის რეკომენდებული მიღება D ვიტამინის დეფიციტის რისკის ქვეშ მყოფი პირებისთვის:

როდესაც ადამიანი ზაფხულის მანძილზე დიდ დროს ატარებს გარეთ, D ვიტამინის დანამატი რეკომენდებულია მხოლოდ ოქტომბრიდან აპრილამდე. ხანდაზმულებისთვის (65 წელზე ზევით) რეკომენდებულია D ვიტამინის მიღება მთელი წლის განმავლობაში. თუ გაქვთ კითხვები D ვიტამინის ადეკვატური რაოდენობით მიღებასთან დაკავშირებით, გირჩევთ შეამოწმოთ D ვიტამინის დონე ორგანიზმში. D ვიტამინის დოზის მძიმე და ხანგრძლივი გადაჭარბება საშიშია. აუცილებელია D ვიტამინის უსაფრთხო დოზის შენარჩუნება.

D ვიტამინის შემთხვევაში გათვალისწინებულია შემდეგი რეკომენდირებული ტოლერანტული მნიშვნელობები, რომლებიც უსაფრთხოა ყოველდღიური გამოყენებისას; იგი დადგენილია ევროპის სურსათის უვნებლობის სააგენტოს (EFSA) ექსპერტების მიერ:

რეკომენდებული მიღება:
მოზრდილები, მათ შორის 60 წლის და უფროსი ასაკის ადამიანები, იღებენ დღეში 1 დოზას უშუალოდ პირის ღრუს ლორწოვან ზედაპირზე (ენის ქვეშ ან ლოყის შიგნით). გამოყენებამდე პრეპარატი უნდა შეანჯღრიოთ.

არ გადააჭარბოთ მითითებულ რეკომენდებულ დოზას. საკვები დანამატი არ უნდა იქნას გამოყენებული როგორც მრავალფეროვანი და დაბალანსებული დიეტის და ჯანსაღი ცხოვრების წესის შემცვლელი.

შენახვის წესი:
დაიცავით სიცხისა და ტენისგან; არ შეინახოთ 25 °C-ზე მაღალ ტემპერატურაზე. შეინახეთ პატარა ბავშვებისთვის მიუწვდომელ ადგილას.