Cipro denk - ციპრო-დენკი 750მგ 10 ტაბლეტი

ციპრო-დენკ 750

აპკიანი გარსით დაფარული ტაბლეტები –ორალურად მისაღები
ანტიბიოტიკი – ფტორქუინოლონი
აქტიური ნივთიერება: ციპროფლოქსაცინი

გამოყენების ინსტრუქცია:
ინფორმაცია მომხმარებლისათვის

მედიკამენტის მიღებამდე საჭიროა ინსტრუქციის სრულად წაკითხვა, რადგან ის შეიცავს ამ მედიკამენტის შესახებ პაციენტისთვის მნიშვნელოვან ინფორმაციას.
- საჭიროა ინსტრუქციის შენახვა, შესაძლოა წარმოიშვას მისი ხელახალი გაცნობის საჭიროება.
- თუ წარმოიშვა დამატებითი შეკითხვები, უნდა მიემართოს მკურნალ ექიმს ან ფარმაცევტს.
- აღნიშნული მედიკამენტი განკუთვნილია მხოლოდ პაციენტისთვის და არ შეიძლება მისი გადაცემა სხვისთვის. ის შეიძლება საზიანო იყოს სხვისი ჯანმრთელობისათვის, მსგავსი სიმპტომების არსებობის შემთხვევაშიც კი.
- თუ გამოვლინდა რომელიმე გვერდითი ეფექტი, უნდა მიემართოს მკურნალ ექიმს ან ფარმაცევტს. ეს ასევე ეხება იმ გვერდით ეფექტებსაც, რომელიც არ არის აღნიშნული გამოყენების ამ ინსტრუქციაში. იხილეთ პუნქტი 4.

გამოყენების ამ ინსტრუქციაში მოცემულია
1. რა არის ციპრო-დენკ 750 და რისთვის გამოიყენება
2. რა არის გასათვალისწინებელი ციპრო-დენკ 750-ის მიღებამდე
3. ციპრო-დენკ 750-ის მიღების წესი
4. შესაძლო გვერდითი ეფექტები
5. ციპრო-დენკ 750-ის შენახვის წესი
6. შეფუთვის შემადგენლობა და სხვა ინფორმაცია

1. რა არის ციპრო-დენკ 750 და რისთვის გამოიყენება
ციპრო-დენკ 750 შეიცავს აქტიურ ნივთიერება ციპროფლოქსაცინს. ციპროფლოქსაცინი არის ანტიბიოტიკი, რომელიც მიეკუთვნება ფტორქუინოლონის ჯგუფს. ციპროფლოქსაცინი კლავს ინფექციის გამომწვევ ბაქტერიას. იგი მოქმედებს მხოლოდ ბაქტერიების ზოგიერთ შტამზე.

მოზრდილები
ციპრო-დენკ 750 გამოიყენება მოზრდილებში, შემდეგი ბაქტერიული ინფექციების სამკურნალოდ:
- სასუნთქი გზების ინფექციები;
- ყურის ან სინუსის ანთების გარკვეული ფორმები
- საშარდე გზების ინფექციები;
- ქალის და მამაკაცის გენიტალური ორგანოების ინფექციები;
- გასტროინტესტინალური ტრაქტის და მუცლის ღრუს ინფექციები;
- კანის და რბილი ქსოვილების ინფექციები;
- ძვლების და სახსრების ინფექციები;
- იმ ინფექციების თავიდან ასაცილებლად, რომლის გამომწვევია ბაქტერია Nეისსერია მენინგიტიდის
- ციმბირის წყლულის ინჰალაციური მკურნალობის შემდეგ.
ციპროფლოქსაცინი შეიძლება გამოყენებული იქნას ისეთ პაციენტებში, რომელთაც აქვთ თრომბოციტების ძალიან დაბალი რაოდენობა (ნეუტროპენია) და სიცხე და მოსალოდნელია, რომ მისი გამომწვევი იყოს ბაქტერიული ინფექცია;
თუ პაციენტს აწუხებს მწვავე ან რამდენიმე ტიპის ბაქტერიით გამოწვეული ინფექცია, მას ციპრო-დენკ 750-თან ერთად შეიძლება დაენიშნოს დამატებითი ანტიბიოტიკური მკურნალობები.

ბავშვები და მოზარდები
ციპრო-დენკ 750 გამოიყენება ბავშვებსა და მოზარდებში, სპეციალისტის მეთვალყურეობის ქვეშ, შემდეგი ბაქტერიული ინფექციების სამკურნალოდ:
- ფილტვის და ბრონქიალური ინფექციები ბავშვებსა და მოზარდებში, რომლებსაც აწუხებთ კისტოზური ფიბროზი;
- საშარდე გზების გართულებული ინფექციები და პიელონეფრიტი (თირკმლის ანთების ფორმა);
- ციმბირის წყლულის ინჰალაციური მკურნალობის შემდეგ.

2. რა უნდა იცოდეთ ციპრო-დენკ 750-ის მიღებამდე
არ შეიძლება ციპრო-დენკ 750-ის მიღება:
- თუ პაციენტი ალერგიულია ციპროფლოქსაცინის, ქუინოლონის ჯგუფის სხვა ნივთიერების ან პრეპარატში შემავალი ნებისმიერი ინგრედიენტის მიმართ (ჩამოთვლილია პუნქტში 6).
- თუ პაციენტი ღებულობს ტიზანიდინს (იხილეთ პუნქტი 2 “სხვა მედიკამენტები და ციპრო-დენკ 750”)

გაფრთხილებები და სიფრთხილის ზომები:
უნდა მიემართოს მკურნალ ექიმს ან ფარმაცევტს ციპრო-დენკ 750-ის მიღებამდე:
- თუ პაციენტს ანამნეზში აღენიშნება თირკმლის მხრივ პრობლემები, რადგან შესაძლებელია საჭირო გახდეს მკურნალობის დარეგულირება;
- აწუხებს ეპილეფსია ან ცენტრალური ნერვული სისტემის სხვა დაავადებები;
- ანამნეზში აღენიშნებოდა პრობლემები მყესების მხრივ, რომელიც დაკავშირებული იყო ისეთი ანტიბიოტიკით მკურნალობასთან, როგორიც არის ციპრო-დენკ 750;
- დიაბეტის მქონე პაციენტები, რადგან ციპროფლოქსაცინის მიღებისას შესაძლოა ჰიპოგლიკემიის განვითარების რისკის გაზრდა;
- თუ პაციენტი დაავადებულია მიასთენია გრავის დაავადებით, (კუნთების დაავადების ზოგიერთი ტიპი) რადგან შესაძლებელია სიმპტომების გამწვავება;
- გულის მხრივ პრობლემები: ყურადღებაა საჭირო ამ ტიპის მედიკამენტის გამოყენებისას, თუ პაციენტს აქვს თანდაყოლილი ან მის ოჯახს ანამნეზში ჰქონდათ გახანგრძლივებული Qთ ინტერვალი (რომელიც ჩანს გულის ელექტრო კარდიოგრამაზე), აქვს სისხლში მარილების დისბალანსი (განსაკუთრებით კალიუმის ან მაგნიუმის დაბალი დონე სისხლში), აქვს გულის ძალიან შენელებული რიტმი (ე.წ. “ბრადიკარდია”), აქვს სუსტი გული (გულის უკმარისობა), ანამნეზში აღენიშნებოდა გულის შეტევა (მიოკარდიუმის ინფარქტი), თუ პაციენტი მდედრობითი სქესის წარმომადგენელია ან ხანდაზმულია ან ღებულობს სხვა მედიკამენტს, რომელიც იწვევს ელექტროკარდიოგრამის შედეგის ცვლილებას (იხილეთ პუნქტი “სხვა მედიკამენტები და ციპრო-დენკ 750”);
- სისხლძარღვების გაფართოვება ან “შეშუპება” დაზიანების დიაგნოზის შემთხვევაში (აორტის ანევრიზმა ან დიდი სისხლძარღვის პერიფერიული ანევრიზმა)
- თუ ანამნეზში აღინიშნებოდა აორტის დისექცია (ცრემლი აორტის კედელში)
- თუ პაციენტის ოჯახს ანამნეზში აქვს აორტის ანევრიზმა, აორტის დისექცია ან სხვა რისკ ფაქტორები ან მიდრეკილია (მაგ. შემაერთებელი ქსოვილის დარღვევები როგორიცაა მარფანის სინდრომი, ან სისხლძარღვთა ეჰლერ –დანლოს სინდრომი, ან სისხლძარღვთა დარღვევები როგორიცაა ტაკაიასუს არტერიტი, გიგანტური უჯრედების არტერიტი, ბეჩეტის დაავადება, მაღალი არტერიული წნევა ან ცნობილი ათეროსკლეროზი; რევმატოიდული ართრიტი [სახსრების დაავადება] ან ენდოკარდიტი [ან გულის ინფექციები];
- თუ თქვენ ან ოჯახის რომელიმე წევრს აქვს გლუკოზა-6-ფოსფატ-დეჰიდროგენაზას (G6PD) დეფიციტი, რადგან პაციენტი შეიძლება იმყოფებოდეს ანემიის რისკის ქვეშ ციპრო-დენკ 750-ით მკურნალობის დროს.
თუ წარსულში გამოვლინდა რაიმე სერიოზული უკურეაქცია ქინოლონის ან ფტორქინოლონის მიღების დროს, პაციენტმა არ უნდა მიიღოს ფტორქინოლონი/ქუინოლონის ანტიბაქტერიული მედიკამენტები, ციპრო-დენკ 750-ის ჩათვლით. ასეთ დროს, პაციენტმა რაც შეიძლება მალე უნდა მიმართოს მკურნალ ექიმს.
გენიტალური ორგანოების ინფექციების სამკურნალოდ, მკურნალმა ექიმმა ციპრო-დენკ 750-თან ერთად შეიძლება დანიშნოს სხვა ანტიბიოტიკი. თუ პაციენტის მდგომარეობა 3 დღის შემდეგ არ გაუმჯობესდება, უნდა მიემართოს მკურნალ ექიმს.

მედიკამენტის მიღების დროს
უნდა ეცნობოს მკურნალ ექიმს დაუყოვნებლივ, თუ ციპრო-დენკ 750-ით მკურნალობის პერიოდში გამოვლინდა ქვემოთ ჩამოთვლილთაგან რომელიმე. ექიმი გადაწყვეტს ციპრო-დენკ 750-ის მკურნალობის შეწყვეტის საჭიროებას.
- მწვავე, უეცარი ჰიპერმგრძნობელური რეაქცია (ანაფილაქსიური რეაქცია/შოკი, ანგიოედემა). პირველი დოზის მიღების შემდეგაც, არსებობს უმნიშვნელო რისკი იმისა, რომ შესაძლებელია პაციენტს გამოუვლინდეს ალერგიული რეაქცია, რომელიც შეიძლება გამოხატული იყოს შემდეგი ნიშნებით: მკერდზე მოჭერითი ტკივილი, თავბრუსხვევა, გულისრევა, უსუსურობის შეგრძნება ან თავბრუსხვევა ფეხზე დგომისას. ასეთ შემთხვევაში, უნდა შეწყდეს ციპრო-დენკ 750-ის მიღება და დაუყოვნებლივ მიემართოს მკურნალ ექიმს.
- ტკივილი და შეშუპება სახსრების და მყესების ანთება ან გაწყვეტა შეიძლება გამოვლინდეს იშვიათად. რისკი დიდია თუ პაციენტი ხანდაზმულია (60 წელზე ზემოთ მყოფი), გადანერგილი აქვს ორგანოები, აქვს თირკმლის პრობლემები ან მკურნალობას გადის კორტიკოსტეროიდებით. ანთება და მყესების გაგლეჯა შესაძლებელია გამოვლინდეს მკურნალობის პირველი 48 საათის განმავლობაში ან ციპროფლოქსაცინით მკურნალობის შეწყვეტიდან რამდენიმე თვის შემდეგაც კი. მყესის ტკივილის ან ანთების პირველივე ნიშნების გამოვლენისთანავე (მაგ: კოჭი, მაჯა, იდაყვი, მხარი ან მუხლი), უნდა შეწყდეს ციპრო-დენკ 750-ის მიღება, და მოხდეს სხეულის მტკივნეული ნაწილის დასვენება. პაციენტი სასურველია მოერიდოს ვარჯიშს, რადგან ამან შეიძლება გაზარდოს მყესების გაწყვეტის რისკი.
- თუ პაციენტი მუცლის, გულმკერდის ან ზურგის არეში იგრძნობს უეცარ, ძლიერ ტკივილს, რაც შეიძლება იყოს აორტის ანევრიზმის სიმპტომები და დისექცია, დაუყოვნებლივ უნდა მიმართოს სასწრაფო დახმარების ცენტრს. რისკი შეიძლება გაიზარდოს კორტიკოსტეროიდებით სისტემური მკურნალობის დროს.
- თუ აღინიშნა ქოშინი, განსაკუთრებით დაწოლის დროს, ან შეამჩნიეთ კოჭების, ტერფების ან მუცლის შეშუპება, ან გულის პალპიტაცია (გულის სწრაფი და არარეგულარული გულისცემა), დაუყოვნებლივ უნდა აცნობოთ ექიმს.
- თუ პაციენტს აღენიშნება ეპილეფსია ან ნერვული სისტემის სხვა დაავადებები, როგორიცაა ცერებრალური იშემია ან შეტევა, შესაძლებელია პაციენტს გამოუვლინდეს ისეთი გვვერდითი მოვლენები, რომლებიც დაკავშირებულია ცენტრალურ ნერვულ სისტემასთან. კრუნჩხვების გამოვლენის შემთხვევაში, უნდა შეწყდეს ციპრო-დენკ 750-ის მიღება და დაუყოვნებლივ მიემართოს მკურნალ ექიმს.
- იშვიათად შეიძლება ასევე გამოვლინდეს ნერვების დაზიანების სიმპტომები (ნეიროპათია), როგორიცაა: ტკივილი, წვის შეგრძნება, ჩხვლეტა, დაბუჟება და/ან სისუსტე, განსაკუთრებით ფეხებსა და ტერფებში ან ხელებსა და მკლავებში. ასეთ შემთხვევაში, პაციენტმა უნდა შეწყვიტოს ციპრო-დენკ 750-ის მიღება და დაუყოვნებლივ დაუკავშირდეს ექიმს, პოტენციურად შეუქცევადი მდგომარეობის განვითარების თავიდან ასაცილებლად.
- ფსიქიატრიული რეაქციები შეიძლება გამოვლინდეს ციპროფლოქსაცინის პირველი დოზის მიღების დროს. დეპრესიამ ან ფსიქოზმა შესაძლებელია გამოიწვიოს სიმპტომების გაუარესება ციპრო-დენკ 750-ით მკურნალობის დროს. იშვიათ შემთხვევებში, დეპრესიამ ან ფსიქოზმა შესაძლოა გამოიწვიოს თვითმკვლელობაზე ფიქრი, სუიციდის ცდა ან თვითმკვლელობა. თუ გამოვლინდა აღნიშნული, დაუყონებლივ უნდა მიემართოს ექიმს.
- ქინოლონის ანტიბიოტიკებმა მძიმე შემთხვევებში შეიძლება გამოიწვიონ სისხლში შაქრის დონის მომატება ნორმალურ მაჩვენებელზე მეტი (ჰიპერგლიკემია) ან სისხლში შაქრის დონის შემცირება ნორმალურ მაჩვენებელზე დაბლა, რამაც შეიძლება გამოიწვიოს ცნობიერების დაკარგვა (ჰიპოგლიკემიური კომა) (იხ. პუნქტი 4).Eეს მნიშვნელოვანია დიაბეტის მქონე ადამიანებისთვის. დიაბეტის მქონე ადამიანებში უნდა მოხდეს სისხლში შაქრის დონის მონიტორინგი.
- დიარეის განვითარება შესაძლებელია ანტიბიოტიკებით მკურნალობის დროს ან დასრულებიდან რამდენიმე კვირის შემდეგაც კი, ციპრო-დენკ 750-ის ჩათვლით. თუ დიარების მიმდინარეობა მწვავე ან მუდმივია, ან თუ განავალი სისხლიანი ან ლორწოვანია, უნდა შეწყდეს ციპრო-დენკ 750-ის მიღება და დაუყონებლივ მიემართოს მკურნალ ექიმს, რადგან ეს შეიძლება სიცოცხლისთვის საშიში იყოს. არ უნდა მოხდეს რაიმე სამკურნალო მედიკამენტის მიღება, რომელიც შეაჩერებს ან შეანელებს ნაწლავის მოქმედებას.
- დაუყოვნებლივ უნდა მოხდეს ოფთალმოლოგთან ვიზიტი კონსულტაციისთვის, მხედველობის შესუსტების ან სხვა ეფექტების გამოვლინების შემთხვევაში.
- პაციენტის კანი ხდება უფრო მგრძნობიარე მზის სხივების ან ულტრაიისფერი (UV) გამოსხივების მიმართ, როდესაც ღებულობს ციპრო-დენკ 750. აქედან გამომდინარე, პაციენტი უნდა მოერიდოს მზის სხივების ძლიერ ზემოქმედებას ან ხელოვნურად ულტრაიისფერ გამოსხივებას, როგორიცაა სოლარიუმი.
- ციპრო-დენ 750 მიღების დროს უნდა ეცნობოს მკურნალ ექიმს ან ლაბორატორიის თანამშრომლებს, საჭიროებისამებრ მოხდეს სისხლის და შარდის ნიმუშების აღება.
- უნდა ეცნობოს ექიმს ან ლაბორატორიის პერსონალს, რომ პაციენტი იღებს ციპრო დენკ 750-ს, სისხლის ან შარდის ნიმუშის მისაღებად.
- უნდა ეცნობოს მკურნალ ექიმს, თუ პაციენტს აქვს თირკმელის უკმარისობა, რათა მოხდეს დოზის დარეგულირება.
- ციპრო-დენკ 750-ის გამოყენებამ შეიძლება გამოიწვის ღვიძლის დაზიანება. თუ პაციენტმა შენიშნა რომელიმე ნიშანი, როგორიც არის მაგალითად მადის დაკარგვა, სიყვითლე (კანის სიყვითლე), მუქი ფერის შარდი, ქავილი, “მგრძნობიარე” კუჭი, დაუყოვნებლივ უნდა მიემართოს ექიმს.
- ციპრო-დენკ 750-ის გამოყენებამ შეიძლება გამოიწვიოს სისხლის თეთრი უჯრედების შემცირება და პაციენტის ინფექციების მიმართ წინააღმდეგობის გაწევის უნარის შემცირება. თუ პაციენტს აქვს ინფექციის შემდეგი ნიშნები: სიცხე, ან პაციენტის ზოგადი ნიშნები გაუარესდა, ან ადგილობრივ ნიშნებთან ერთად ცხელება როგორიცაა, ხორხის/პირის ღრუს ინფექცია, ან ტკივილი წყლის გადაყლაპვისას, დაუყოვნებლივ უნდა მიემართოს ექიმს. სისხლის ანალიზმა შეიძლება აჩვენოს სისხლის თეთრი უჯრედების შემცირება (აგრანულოციტოზი). მნიშვნელოვანია ეცნობოს ექიმს ყველა იმ მედიკამენტის შესახებ, რასაც ღებულობს პაციენტი.

გახანგრძლივებული, დარღვეული და პოტენციურად შეუქცევადი სერიოზული გვერდითი რეაქციები
ფტორქინოლონი/ქინოლონის ანტიბაქტერიული მედიკამენტები, მათ შორის ციპრო-დენკ 750, დაკავშირებული ძალიან იშვიათ, თუმცა სერიოზულ გვერდით მოვლენებთან, ზოგიერთი მათგანი მიმდინარეობს ხანგრძლივად (გრძელდება თვეები ან წლები), დარღვეული ფუნქციით ან პოტენციურად შეუქცევადი. აღნიშნული მოიცავს ზედა და ქვედა კიდურების კუნთების, მყესების და სახსრების ტკივილს, სიარულის გაძნელებას, უჩვეულო შეგრძნებებს, როგორიც არის ქინძისთავებით და ნემსებით ჩხვლეტის შეგრძნება, ტკივილის შეგრძნება, გამონაყარი ან წვის შეგრძნება (პარესთეზია), მხედველობის მხრივ დარღვევები, მათ შორის მხედველობის დაქვეითება, გემოვნების, ყნოსვის და სმენის დაქვეითება, დეპრესია, მეხსიერების დაქვეითება, ძლიერი დაღლილობის შეგრძნება და ძილის მხრივ მძიმე დარღვევები. მკურნალობის დაწყებამდე და შემდეგ, დაუყოვნებლივ უნდა მიემართოს მკურნალ ექიმს, თუ რომელიმე ზემოთ აღნიშნული გამოვლინდება ციპრო-დენკ 750-ის მიღების შემდეგ. პაციენტი და მკურნალი ექიმი გადაწყვეტს მკურნალობის გაგრძელებას, სხვა კლასის ანტიბიოტიკების გათვალისწინებით.

ციპრო-დენკ 750 და სხვა მედიკამენტები
უნდა ეცნობოს მკურნალ ექიმს ან ფარმაცევტს, თუ პაციენტი ღებულობს/მოიხმარს, უახლოეს პერიოდში ღებულობდა/მოიხმარდა, ან შესაძლოა მიიღოს ნებისმიერი სხვა მედიკამენტი.
ციპრო-დენკ 750 არ მიიღება ტიზანიდინთან ერთად, რადგან შეიძლება გამოიწვიოს გვერდითი ეფექტები, როგორიც არის დაბალი არტერიული წნევა და ძილიანობა (იხილეთ პუნქტი 2 “ციპრო-დენკ 750 არ მიიღება”).
როგორც ცნობილია, შემდეგი პრეპარატები ციპროფლოქსაცინთან კომბინირებული თერაპიის დროს, ურთიერთზემოქმედებენ. თუ ციპრო-დენკ 750 მიიღება ამ მედიკამენტებთან კომბინაციაში, მედიკამენტების თერაპიული ეფექტი შეიძლება გაუფასურდეს. ასევე შესაძლებელია გაიზარდოს გვერდითი ეფექტების განვითარების ალბათობა.

მკურნალი ექიმი ინფორმირებული უნდა იყოს, თუ პაციენტი ღებულობს შემდეგ მედიკამენტებს:
- ვიტამინი K ანაგონისტები (მაგ. ვარფარინი, აცენოკუმაროლი, ფენპროკოონი, ფლუინდიონი) ან სხვა ორალური ანტიკოაგულანტები (სისხლის გამათხელებლები);
- პრობენეციდი (პოდაგრის სამკურნალო პრეპარატი);
- მეთოტრექსატი (ზოგიერთი ტიპის სიმსივნის, ფსორიაზის, რევმატოიდული ართრიტის სამკურნალო საშუალება)
- თეოფილინი (ასთმის სამკურნალო პრეპარატი);
- თიზანიდინი (ძვალკუნთოვანი სისტემის სარელაქსაციო საშუალება);
- ოლანზაპინი (ანტიფსიქოზური საშუალება)
- კლოზაპინი (ანტიფსიქოზური საშუალება);
- როპინიროლი (პარკინსონის დაავადების სამკურნალო საშუალება);
- ფენიტოინი (ეპილეფსიის სამკურნალო საშუალება)
- მეტოკლოპრამიდი (გულისრევის და ღებინების საწინააღმდეგო საშუალება)
- ციკლოსპორინი (კანის მხრივ დარღვევები, რევმატოიდული ართრიტი და ორგანოების ტრანსპლანტაცია)
- სხვა სამკურნალო საშუალებები, რომლებსაც შეუძლიათ გამოიწვიონ გულის რითმის მხრივ ცვლილებები: მედიკამენტები, რომლებიც მიეკუთვნებიან ანტი-არითმიული პრეპარატების ჯგუფს (მაგ: ქუინიდინი, ჰიდროქუინიდინი, დისოპრამიდი, ამიოდარონი, სოტალოლი, დოფეტილიდი, იბუტილიდი), სამციკლური ანტიდეპრესანტები, ზოგიერთი ანტიმიკრობული საშუალება (რომლებიც მიეკუთვნებიან მაკროლიდების ჯგუფს), ზოგი ანტიფსიქოზური საშუალება
- ზოლპიდემი (ძილის მხვრივ დარღვევების სამკურნალო საშუალება)
ციპრო-დენკ 750-მა შესაძლებელია გაზარდოს სისხლში შემდეგი მედიკამენტების კონცენტრაცია:
- ფენტოქსიფილინის (სისხლის ცირკულაციის გასაუმჯობესებელი პრეპარატები);
- კოფეინი
- დულოქსეტინი (დეპრესიის, დიაბეტური ნევრალგიის და თავშეუკავებლობის)
- ლიდოკაინი (გულის მხრივ პრობლემების ან საანესთეზიო გამოყენებისათვის)
- სილდენაფილი (მაგალითად: გამოიყენება ერექციული დისფუნქციის დროს)
- აგომელათინი (დეპრესიის სამკურნალო საშუალება)

ზოგი მედიკამენტი ამცირებს ციპრო-დენკ 750-ის ეფექტს. უნდა ეცნობოს მკურნალ ექიმს, თუ პაციენტი ღებულობს ან აპირებს რომ მიიღოს შემდეგი მედიკამენტები:
- ანტაციდები (კუჭის წყლულის სამკურნალო საშუალება)
- ომეპრაზოლი
- მინერალური დანამატები;
- სუკრალფატი
- პოლიმერული ფოსფატის შემაკავშირებელი (მაგ: სეველამერი ან ლანთანის კარბონატი)
- მედიკამენტები ან დიეტური დანამატები, კალციუმის, მაგნიუმის, ალუმინის და რკინის შემცველობით.
თუ პაციენტი საჭიროებს აღნიშნული მედიკამენტების მიღებას, ციპრო-დენკ 750 მიიღება ამ მედიკამენტების მიღებამდე სულ მცირე 2 საათით ადრე ან 4 საათის შემდეგ.

ციპრო-დენკ 750-ის მიღება საკვებთან და სასმელთან ერთად
თუ ციპრო-დენკ 750 მიიღება კვების დროს, არ უნდა მოხდეს რძის პროდუქტების მიღება (როგორიც არის რძე ან იოგურტი) ან კალციუმის დანამატის მქონე სასმელის მიღება ტაბლეტებთან ერთად, რადგან ამან შეიძლება გავლენა იქონიოს აქტიური ნივთიერების შეწოვაზე.

ორსულობა და ლაქტაცია:
თუ პაციენტი არის ორსულად ან ლაქტაციის პერიოდში, ფიქრობს, რომ შესაძლებელია იყოს ფეხმძიმედ ან გეგმავს დაორსულებას, ამ მედიკამენტის მიღებამდე რჩევისთვის უნდა მიემართოს მკურნალ ექიმს ან ფარმაცევტს.
უმჯობესია პაციენტმა არ მიიღოს ციპრო-დენკ 750 ფეხმძიმობის დროს.
არ შეიძლება ციპრო-დენკ 750-ის მიღება ლაქტაციის დროს, რადგან ციპროფლოქსაცინი გადადის დედის რძეში და შეიძლება ავნოს ბავშვს.

გავლენა ავტომანქანის და სხვა მექანიზმების მართვის უნარზე
ციპრო-დენკ 750-მა შესაძლებელია პაციენტს თავი აგრძნობინოს ნაკლებად ფხიზელ მდგომარეობაში.
ზოგიერთი გვერდითი ეფექტი შეიძლება გამოვლინდეს ნერვული სისტემის მხრივ. აქედან გამომდინარე, პაციენტმა უნდა იცოდეს როგორ მოქმედებს მასზე ციპრო-დენკ 750, მანქანის ან სხვა მოწყობილობის მართვის დაწყებამდე. თუ რაიმე საეჭვოა, უნდა მიემართოს ექიმს.

ციპრო-დენკ 750 შეიცავს ნატრიუმს
ეს მედიკამენტი შეიცავს 1 მმოლზე ნაკლებ ნატრიუმს (23 მგ) თითო ტაბლეტზე, შეიძლება ითქვას ‘ნატრიუმისგან თავისუფალი’.

3. ციპრო-დენკ 750-ის მიღების წესი
ეს მედიკამენტი ყოველთვის მიიღება ექიმის ან ფარმაცევტის დანიშნულების შესაბამისად. უნდა მიემართოს ექიმს ან ფარმაცევტს, თუ პაციენტი არ არის რაიმეში დარწმუნებული.
მკურნალი ექიმი განსაზღვრავს ციპრო-დენკ 750-ის მიღების რაოდენობას, სიხშირეს და ხანგრძლივობას. აღნიშნული დამოკიდებულია ინფექციის ტიპზე და სიმწვავეზე.
მკურნალი ექიმი ინფორმირებული უნდა იყოს, თუ პაციენტს აღენიშნება თირკმლის მხრივ დარღვევები, რადგან ასეთ შემთხვევაში დოზა უნდა დაკორექტირდეს.
მკურნალობა როგორც წესი გრძელდება 5 დღიდან 21 დღემდე, მწვავე ინფექციის შემთხვევაში, შეიძლება უფრო ხანგრძლივი დროით გამოყენება. ციპრო-დენკ 750 მიიღება ექიმის დანიშნულების ზუსტი დაცვით.
აპკიანი გარსით დაფარული ტაბლეტი უნდა გადაიყლაპოს მთლიანად (დაუღეჭავად) საკმარისი რაოდენობით სითხესთან ერთად. არ უნდა მოხდეს ტაბლეტის დაღეჭვა, მისი არასასიამოვნო გემოს გამო.
გამყოფი ხაზი მხოლოდ ეხმარება პაციენტს ტაბლეტის გასაყოფად, თუ მას უჭირს ტაბლეტის მთლიანად გადაყლაპვა.
თუ შესაძლებელია, სასურველია ციპრო-დენკ 750 მიღებულ იქნეს, ყოველ დღე ერთსა და იმავე დროს.
ციპრო-დენკ 750-ის მიღება შესაძლებელია საკვებთან ერთად ან მისგან დამოუკიდებლად. აქტიური ნივთიერების აბსორბციის მინიმალური ეფექტი მიიღწევა ისეთ საკვებთან ერთად მიღებისას, რომელიც შეიცავს კალციუმს. არ შეიძლება ციპრო-დენკ 750-ის მიღება რძის პროდუქტებთან ერთად, როგორიც არის რძე ან იოგურტი, ან მინერალებით გამდიდრებულ სასმელებთან ერთად (მაგალითად: კალციუმით გამდიდრებული ფორთოხლის წვენი).
პაციენტი დარწმუნებული უნდა იყოს, რომ ის ღებულობს საკმარისი რაოდნობით წყალს ციპრო-დენკ 750-ით მკურნალობის პერიოდში.

ციპრო-დენკ 750-ით დოზის გადაჭარბება:
დოზის გადაჭარბების შემთხვევაში, პაციენტმა დაუყოვნებლივ უნდა მიმართოს სამედიცინო დახმარებას. თუ შესაძლებელია, პაციენტმა თან უნდა იქონიოს აპკიანი გარსით შემოგარსული ტაბლეტი ან მისი შეფუთვა, რათა აჩვენოს ექიმს.

ციპრო-დენკ 750 დოზის გამოტოვება:
პაციენტმა უნდა მიიღოს დოზა რაც შეიძლება მალე და შემდეგ მკურნალობა გაგრძელდეს დანიშნულების შესაბამისად. თუმცა, თუ მოახლოებულია მეორე დოზის დრო, მაშინ უნდა მოხდეს დავიწყებული დოზის გამოტოვება და მკურნალობა გაგრძელდეს დანიშნულების შესაბამისად. არ შეიძლება გამოტოვებული დოზის სანაცვლოდ გაორმაგებული დოზის მიღება.
პაციენტი უნდა დარწმუნდეს, რომ მან ჩაიტარა მკურნალობის სრული კურსი.

ციპრო-დენკ 750-ით მკურალობის შეწყვეტა:
ძალიან მნიშვნელოვანია მკურნალობის სრული კურსის დასრულება, მაშინაც კი, თუ პაციენტი თავსUუკეთ გრძნობს მკურნალობის დაწყებიდან რამდენიმე დღის შემდეგ. თუ პაციენტი შეწყვეტს მკურნალობას ძალიან მალე, ინფექცია შეიძლება არ იყოს ბოლომდე ნამკურნალევი, შესაძლებელია ინფექციის ნიშნები განახლდეს ან გაუარესდეს. ასევე შეიძლება ორგანიზმი გახდეს რეზისტენტული ანტიბიოტიკის მიმართ.
მედიკამენტის გამოყენების შესახებ დამატებითი შეკითხვების არსებობის შემთხვევაში, უნდა მიემართოს მკურნალ ექიმს ან ფარმაცევტს.

4. შესაძლო გვერდითი ეფექტები
ყველა სხვა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი ეფექტები, თუმცა ის ყველა პაციენტს არ უვითარდება.
შემდეგ პუნქტში მოცემულია ყველაზე სერიოზული გვერდითი ეფექტები, რომელთა ამოცნობაც შესაძლებელია:
უნდა შეწყდეს ციპრო-დენკ 750-ის მიღება და დაუყოვნებლივ მიემართოს ექიმს, რათა განხილული იქნას სხვა ანტიბიოტიკო-თერაპია, თუ გამოვლინდა ქვემოთ ჩამოთვლილი სერიოზული გვერდითი ეფექტებიდან რომელიმე.

იშვიათი: (1,000 პაციენტიდან 1 შემთხვევაში)
- კრუნჩხვები (იხ. Pპუნქტი 2 “გაფრთხილებები და სიფრთხილის ზომები”)

ძალიან იშვიათი (10,000 პაციენტიდან 1 შემთხვევაში)
- მწვავე, უეცარი ალერგიული რეაქცია ისეთი სიმპტომებით როგორიც არის: დაჭიმულობა გულმ-კერდის არეში, თავბრუსხვევის შეგრძნება, ავადმყოფობა ან სისუსტე, ან ფეხზე დგომის დროს თავბრუსხვევა (ანაფილაქსიური რეაქცია/შოკი) (იხ. პუნქტი 2 “გაფრთხილებები და სიფრთხილის ზომები”)
- კუნთების სისუსტე, მყესის ანთება, მყესის გაწყვეტა- განსაკუთრებით დიდი მყესის ტერფის უკანა ნაწილში (აქილევსის ქუსლი) (იხ. პუნქტი 2 “გაფრთხილებები და სიფრთხილის ზომები”)
- სიცოცხლისათვის საშიში გამონაყარი კანზე, ბუშტუკების ფორმით ან წყლულის სახით პირის ღრუში, ყელში, ცხვირში, თვალებში და სხვა ლორწოვანი გარსების მემბრანების, როგორიცაა სასქესო ორგანოები, რომელიც შეიძლება პროგრესირდეს ფართო გამონაყარით ან კანის აქერცვლით (სტივენს-ჯონსონის სინდრომი, ტოქსიკური ეპიდერმული ნეკროლიზი)

უცნობი სიხშირით (არსებული მონაცემებით სიხშირე ვერ დადგინდა)
- ტკივილის უჩვეულო შეგრძნება, წვის, ყურებში ხმაურის შეგრძნება, დაბუჟება ან კუნთების სისუსტე კიდურებში (ნეუროპათია) (იხ. პუნქტი 2 “გაფრთხილებები და სიფრთხილის ზომები”)
 წამლის რეაქცია, რომელიც ვლინდება გამონაყარის, ცხელების, შინაგანი ორგანოების ანთების, ჰემატოლოგიური დარღვევების სახით და სისტემური დაავადებით (DღEშშ მედიკამენტის რეაქცია ეოზინოფილიასთან და სისტემურ ნიშნებთან ერთად, AEGP მწვავე გენერალიზებული ეგზანთემატოზური პუსტულოზი)
სხვა გვერდითი ეფექტები, რომელიც გამოვლინდა ციპროფლოქსაცინით მკურნალობის დროს ჩამოთვლილია ქვემოთ, როგორც ვლინდება ისინი.

ხშირი გვერდითი ეფექტები: (10 პაციენტიდან 1 შემთხვევაში)
- გულისრევა, დიარეა
- სახსრების ტკივილი და სახსრების ანთება ბავშვებში

არახშირი გვერდითი ეფექტები: (100 პაციენტიდან 1 შემთხვევაში)
- მოზრდილებში სახსრების ტკივილი
- სოკოს სუპერინფექციები
- ეოზინოფილური გრანულოციტების მაღალი კონცენტრაცია, ლეიკოციტების გარკვეული რაოდენობა.
- მადის დაკარგვა
- ჰიპერაქტიურობა ან მოუსვენრობა
- თავის ტკივილი, მსუბუქი თავბრუსხვევა, ძილიანობა ან გემოვნების მხრივ დარღვევა;
- ღებინება, მუცლის ტკივილი, საჭმლის მომნელებელი სისტემის მხრივ დარღვევა, როგორიცაა მეტეორიზმი (სისავსის შეგრძნება/გულძმარვა) ან მეტეორიზმი
- სისხლში ზოგიერთი ნივთიერების მომატება (ტრანსამინაზები და/ან ბილირუბინი)
- გამონაყარი, ქავილი ან ჭინჭრის ციება
- თირკმელის დისფუნქცია
- კუნთების ან ძვლების ტკივილი, მუდმივად ცუდად ყოფნის შეგრძნება (ასთენია) ან ცხელება
- სისხლში ტუტე ფოსფატაზის მომატება (სისხლში გარკვეული ნივთიერება)

იშვიათი გვერდითი ეფექტები: (1,000 პაციენტიდან 1 შემთხვევაში)
- კუნთების ტკივილი, სახსრების ანთება, კუნთების მომატებული დაჭიმულობა და კრუნჩხვები
- ანტიბიოტიკებით გამოწვეული მსხვილი ნაწლავის ანთება (კოლიტი), ძალიან იშვიათად ფატალური შედეგით (იხ. პუნქტი 2 “გაფრთხილებები და სიფრთხილის ზომები”)
- სისხლის მაჩვენებლების რაოდენობის შეცვლა (ლეიკოციტოპენია, ლეიკოციტოზი, ნეიტროპენია, ანემია), სისხლის კოაგულაციური ფაქტორის მომატება (თრომბოციტები)
- ალერგიული რეაქციები, შეშუპება (ოედემა) ან სახის და ლორწოვნი გარსის სწრაფი შეშუპება (ანგიოედემა) (იხ. Pპუნქტი 2 “გაფრთხილებები და სიფრთხილის ზომები”)
- სისხლში გლუკოზის მაჩვენებლების რაოდენობის მომატება (ჰიპერგლიკემია)
- სისხლში გლუკოზის მაჩვენებლების რაოდენობის დაქვეითება (ჰიპოგლიკემია) (იხ. პუნქტი 2 “გაფრთხილებები და სიფრთხილის ზომები”)
- დაბნეულობა, დეზორიენტაცია, შფოთვა, კოშმარები, დეპრესია (თვითმკვლელობაზე ფიქრები, მცდელობები და თვითმკვლელობა) (იხ. Pპუნქტი 2 “გაფრთხილებები და სიფრთხილის ზომები”) ან ჰალუცინაციები;
- ყურებში შუილი, უჩვეულო მგრძნობელობა სენსორულ სტიმულებზე, კანის მგრძნობელობის შემცირება, კანკალი ან თავბრუსხვევა.
- მხედველობის მხრივ დარღვევები; გაორებული მხედველობის ჩათვლით (იხ. პუნქტი 2 “გაფრთხილებები და სიფრთხილის ზომები”)
- ყურებში შუილი (ტინიტუსი), სმენის დაკარგვა ან სმენის შემცირება
- გულის ფრიალი (ტაქიკარდია);
- სისხლძარღვების გაფართოება (ვაზოდილაცია), არტერიული წნევის შემცირება ან გულის წასვლა;
- სუნთქვის უკმარისობა, მათ შორის ასთმური ნიშნები;
- ღვიძლის უკმარისობა, სიყვითლე (ნაღველის დაგროვება) ან ღვიძლის ანთება;
- ფოტოსენსიტიურობა (იხ. Pპუნქტი 2 “გაფრთხილებები და სიფრთხილის ზომები”)
- თირკმელის უკმარისობა, სისხლი ან კრისტალები შარდში, საშარდე გზების ანთება;
- სითხის შეკავება ან ჭარბოფლიანობა;
- ამილაზის ფერმენტების გაზრდილი რაოდენობა

ძალიან იშვიათი გვერდითი ეფექტები: (10,000 პაციენტიდან 1 შემთხვევაში)
- სისხლის ზოგიერთი წითელი უჯრედის შემცირება (ჰემოლიზური ანემია), სისხლის თეთრი უჯრედების (ლეიკოციტების) საშიში შემცირება (აგრანულოციტოზი) (იხ. პუნქტი 2 “გაფრთხილებები და სიფრთხილის ზომები”), სიცოცხლისთვის საშიში სისხლის წითელი და თეთრი უჯრედების რაოდენობის შემცირება (პანციტოპენია) და ძვლის ტვინის უკმარისობა, რომელიც ასევე შეიძლება სიცოცხლისთვის საშიში იყოს
- ალერგიული რეაქციები, შრატში დაავადების მსგავსი რეაქციები (იხ. პუნქტი 2 “გაფრთხილებები და სიფრთხილის ზომები”)
- დარღვევები ფსიქიკის მხრივ (ფსიქიკური რეაქციები, ფიქრები სუიციდზე, სუიციდის მცდელობები ან თვითმკვლელობა) (იხ. პუნქტი 2 “გაფრთხილებები და სიფრთხილის ზომები”)
- შაკიკი, კოორდინაციის დარღვევა, არამყარი სიარული (სიარულის დარღვევა), ყნოსვის დარღვევა (ყნოსვითი აშლილობა), თავის ქალის შიდა წნევის მომატება (ინტრაკრანიალური წნევა და იდიოპათიური ძვლისშიდა ჰიპერტენზია).
- დარღვევები ფერადი მხედველობის მხრივ;
- სისხლძარღვების კედლების ანთება (ვასკულიტი);
- პანკრეასის ანთება (პანკრეატიტი);
- ღვიძლის უჯრედების სიკვდილიანობა (ღვიძლის ნეკროზი), ძალიან იშვიათად ვითარდება სიცოცხლისთვის საშიში ღვიძლის უკმარისობა (იხ. Pპუნქტი 2 “გაფრთხილებები და სიფრთხილის ზომები”)
- პატარა, ძალიან პატარა სისხლდენები კანქვეშ (პეტეხია); კანის სხვადასხვა სახის ცვლილებები და გამონაყარი
- მიასთენია გრავისის ნიშნების გაუარესება (იხ. პუნქტი 2 “გაფრთხილებები და სიფრთხილის ზომები”)

უცნობი სიხშირით: (არსებული მონაცემების საფუძველზე სიხშირე ვერ დადგინდა)
- ზედმეტად აღშფოთებული (მანია) ან ზედმეტი ოპტიმიზმი და ზედმეტი აქტივობა (ჰიპომანია)
- გულის უჩვეულოდ სწრაფი რითმი, სიცოცხლისთვის საშიში არარეგულარული რითმი, გულის რითმის ცვლილება (ე.წ “Qთ ინტერვალის გახანგრძლივება”, ელექტროკარდიოგრამაზე ვლინდება გულის ალექტრული აქტივობა)
- სისხლის შედედების მხრივ პრობლემები (იმ პაციენტებში, რომლებიც მკურნალობენ ვიტამინ K-ს ანტაგონისტებით)
- სინდრომი, რომელიც დაკავშირებულია წყლის გამოყოფის დაქვეითებასთან და ნატრიუმის დაბალ დონესთან (შIADH)
- ცნობიერების დაკარგვა, სისხლში შაქრის მაჩვენებლის მკვეთრი ვარდნის გამო (ჰიპოგლიკემიური კომა) იხ. პუნქტი 2.
ხანგრძლივი პერიოდით მოხმარების დროს (თვეები ან წლები) ძალიან იშვიათი შემთხვევები ან წამლის მუდმივი გვერდითი რეაქციები როგორიცაა: მყესის ანთება, მყესის გაწყვეტა, სახსრების ტკივილი, კიდურების ტკივილი, სიარულის გაძნელება, არანორმალური შეგრძნებები როგორიცაა: ქინძისთავებით და ნემსებით ჩხვლეტის შეგრძნება, წვის შეგრძნება, დაბუჟება ან ტკივილი (ნეიროპათია), დეპრესია, დაღლილობა, ძილის დარღვევა, მეხსიერების დაქვეითება, ასევე სმენის, მხედველობის, გემოს და ყნოსვის დაქვეითება, რომელიც ასოცირდება ქინოლონისა და ფლუოროქინოლონის ანტიბიოტიკების მიღებასთან, ზოგიერთ შემთხვევაში, მიუხედავად არსებული რისკ ფაქტორებისა.

აორტის კედლის გადიდების და შესუსტების შემთხვევები ან აორტის კედლის რღვევა (ანევრიზმა და დისექცია), რომელიც შეიძლება დაირღვეს, დასრულდეს ფატალურად და შეიძლება გამოვლინდეს გულის სარქველების გაჟონვა პაციენტებში, რომლებიც იღებენ ფტორქინოლონებს. ასევე იხ. პუნქტი 2.

შეტყობინება გვერდითი ეფექტების შესახებ
თუ გამოვლინდა გვერდითი ეფექტი, უნდა მიემართოს მკურნალ ექიმს ან ფარმაცევტს. აღნიშნული ასევე ეხება შესაძლო გვერდით ეფექტს, რომელიც არ არის ჩამოთვლილი გამოყენების ამ ინსტრუქციაში. გვერდითი ეფექტების შესახებ შეტყობინებით, პაციენტი გვეხმარება ამ მედიკამენტის უსაფრთხოების შესახებ უფრო მეტი ინფორმაციის მოპოვებაში.

5. ციპრო-დენკ 750-ის შენახვის წესი
ინახება ბავშვებისთვის მიუწვდომელ ადგილას.
მედიკამენტი არ გამოიყენება ვადის გასვლის შემდეგ, რომელიც მითითებულია შეფუთვაზე და ბლისტერზე სიტყვა “EXP”-ის შემდეგ. ვადა გულისხმობს მითითებული თვის ბოლო დღეს.
შენახვის ვადა: 3 წელი
ინახება 30°C- ზე დაბალ ტემპერატურაზე.
არ შეიძლება პრეპარატის გადაგდება საკანალიზაციო წყალში ან საყოფაცხოვრებო ნაგავში. გამოუყენებელი პრეპარატის განადგურების შესახებ, უნდა მიემართოს ფარმაცევტს. აღნიშნული ზომები საჭიროა გარემოს დასაცავად.

6. შეფუთვის შემადგენლობა და სხვა ინფორმაცია

ფარმაკოდინამიკური თვისებები:
ფარმაკოთერაპიული ჯგუფი: ფტორქინოლონები
ათქ კოდი: J01MA02

მოქმედების მექანიზმი:
როგორც ფტორქინოლონის ჯგუფის ანტიბიოტიკს, ციპროფლოქსაცინს აქვს ბაქტერიოციდული მოქმედება, ტოპოიზომერაზა II-ის (დნმ-გირაზა) და ტოპოიზომერაზა IV-ის ინფიბირებით. ორივე ფერმენტი საჭიროებს ბაქტერიული დნმ-ის გამრავლებას, ტრანსკრიფციას, რეკომბინაციას და განახლებას.

ეფექტურობის ანტიბაქტერიული სპექტრი
შეძენილი რეზისტენტული უნარის გავრცელება შეიძლება შეიცვალოს გარკვეული სახეობებისათვის, რაც დამოკიდებულია გეოგრაფიულ მდებარეობასა და კლიმატურ პირობებზე. ამიტომ, მწვავე ინფექციების მკურნალობისთვის მნიშვნელოვანია ადგილობრივი რეზისტენტული საშუალებების ცოდნა. თუ, ადგილობრივი რეზისტენტული შტამისათვის აუცილებელია ციპროფლოქსაცინის მიღება ზოგიერთი სახის ინფექციებისათვის, რჩევისათვის უნდა მიემართოს ექსპერტს.

ფარმაკოკინეტიკური თვისებები
აბსორბცია
250 მგ, 500 მგ და 750 მგ ციპროფლოქსაცინის ტაბლეტების ერთჯერადი დოზის ორალურად მიღების შემდეგ, ცოპროფლოქსაცინი ძირითადად სწრაფად და ექსტენსიურად შეიწოვება წვრილი ნაწლავიდან, მისი მაქსიმალური პლაზმური კონცენტრაცია აღინიშნება 1-2 საათში. 100-750 მგ ერთჯერადი წარმოებული დოზა-დამოკიდებული პიკური პლაზმის კონცენტრაციის ჩმახ, საშუალოდ შეადგენს 0.56 და 3.7 მგ/ლ-ს. დოზის პროპორციულად იზრდებაPპლაზმური კონცენტრაცია, 1000 მგ-ზე მეტის მიღებისას. აბსოლუტური ბიოათვისებულობა შეადგენს 70-80%-ს. დადგენილია, რომ ორალურად მიღებული დოზის 500 მგ ყოველ 12 საათში გადადის პლაზმურ კონცენტარაციასთან (AUჩ) და ექვივალენტურია 400 მგ ციპროფლოქსაცინის ინტრავენური მიღების, დანიშნული 60 წთ-ზე მეტი ხნით, ყოველ 12 საათში.

განაწილება
ციპროფლოქსაცინი მხოლოდ მცირედ უერთდება პლაზმის ცილებს (20-30%). თავიდან ციპროფლოქსაცინი სისხლის პლაზმაში არის არა-იონიზებული ფორმით და მისი განაწილების მოცულობა შეადგენს 2-3 ლ/კგ-ს სხეულის წონაზე. ციპროფლოქსაცინი აღწევს მაღალ კონცენტრაციას სხეულის ზოგიერთ სითხეებსა და ქსოვილში როგორიცაა ფილტვები (ეპითელური სითხე, ალვეოლური მაკროფაგები, ბიოფსიური ქსოვილი), ცხვირის სინუსი, ანთებითი დაზიანებები (ცანტჰარიდეს ბლისტერ ფლუიდ) და შარდსასქესო ტრაქტი (შარდი, პროსტატა, საშვილოსნოს ლორწოვანი გარსი), სადაც მთლიანი კონცენტრაცია შესაძლებელია მნიშვნელოვნად აჭარბებდეს პლაზმის კონცენტრაციას.

ბიოტრანსფორმაცია
მცირე რაოდენობით ნახეს შემდეგი 4 მეტაბოლიტი: დესეთილენის ციპროფლოქსაცინი (M1), სულფოციპროფლოქსაცინი (M2), ოქსოციპროფლოქსაცინი (M3) და ფორმილციპროფლოქსაცინი (M4). მეტაბოლიზმის ანტიბაქტერიული მოქმედების ეფექტი ჩანს ინ ვიტრო, რომელიც გამოიყოფა მცირე რაოდენობით, ვიდრე ძირითადი ნივთიერება.
ციპროფლოქსაცინი არის ჩYP 450 1A2 იზოფერმენტის ზომიერი ინჰიბიტორი.

ელიმინაცია
ციპროფლოქსაცინი ძირითადად გამოიყოფა უცვლელი სახით თირკმელებით და, უფრო ნაკლები ხარისხით ფეკალური მასების საშუალებითაც. შრატში ციპროფლოქსაცინის ნახევარგამოყოფის პერიოდი, პაციენებში ვისაც აქვს თირკმლის ნორმალური ფუნქცია, შეადგენს დაახლოებით 4-7 საათს.

ციპრო-დენკ 750-ის შემადგენლობა
• აქტიური ნივთიერება არის ციპროფლოქსაცინი. თითოეული აპკიანი გარსით დაფარული ტაბლეტი შეიცავს 750 მგ ციპროფლოქსაცინს (ციპროფლოქსაცინის ჰიდროქლორიდის სახით).
• სხვა დამხმარე ნივთიერებებია: ნატრიუმის სახამებლის გლიკოლატი (A ტიპი), მცირედ ჩანაცვლებული ჰიდროქსიპროპილის ცელულოზა, მაგნიუმის სტეარატი [მცენარეული], ჰიპრომელოზა, მაკროგოლ 400, ტიტანიუმის დიოქსიდი, ტალკი.

გაცემის რეჟიმი:
ფარმაცევტული პროდუქტის ჯგუფი - II, გაიცემა ფორმა №3 რეცეპტით

ციპრო-დენკ 750-ის აღწერილობა და შეფუთვა:
თეთრი ფერის, წაგრძელებული ფორმის, აპკიანი გარსით დაფარული ტაბლეტი, გამყოფი ხაზით ორივე მხარეს და ერთ მხარეს წარწერა “ციპრო 750”-ით.
ციპრო-დენკ 750 ხელმისაწვდომია PVჩ/PVDჩ/ალუმინის ბლისტერებში.
შეფუთვის ზომა: 10 აპკიანი გარსით შემოგარსული ტაბლეტი.

მარკეტინგული აუტორიზაციის მფლობელი
დენკ ფარმა გმბჰ & კო.კგ
პრინცრეგენტეშტრასე 79
81675 მიუნხენი
გერმანია

ბალკის მწარმოებელი, შეფუთვა და სერიის გამშვები
ალფამედ პჰარბილ არზნეიმიტტელ გმბჰ
ჰილდებრანდსტრ. 10-12
37081 გოტტინგენ
გერმანია

ეს ინსტრუქცია საბოლოოდ გადაიხედა 12/2020.