Ketorolac - კეტოროლაკი 30მგ/მლ 1მლ 10 ამპულა

შემადგენლობა

რას შეიცავს Ketorolac-Grindeks
- ტრომეტამოლის კეტოროლაკის აქტიურ ნივთიერებას (Ketorolacum trometamolum) 
ერთი ამპულა (1მლ) შეიცავს ტრომეტამოლის კეტოროლაკის 30 მგ-ს
სხვა კომპონენტები: ნატრიუმის ქლორიდი, ეთილის სპირტი 96%, დინატრიუმის ედეტატი, ნატრიუმის ჰიდროქსიდის 5 მ და/ან მარილმჟავას ხსნარი (პH-ის რეგულირებისთვის), საინექციო წყალი.
Ketorolac-Grindeks- ის აღწერილობა და შეფუთვა
გამჭვირვალე მოყვითალო ხსნარი
1 მლ ხსნარი I ჰიდროლითიკური კლასის უფერო ბორსილიკატის შუშის ამპულაში მოტეხვის ხაზით ან წერტილით.
5 ამპულა უჯრედოვან შეფუთვაში. 2 უჯრედოვანი შეფუთვა მუყაოს ყუთში.

ჩვენებები
Ketorolac-Grindeks- ის საინექციო ხსნარი შეიცავს კეტოროლაკის ტრომეტამოლს (შემდგომში კეტოროლაკი). კეტოროლაკი წარმოადგენს არასტეროიდულ ანთებისსაწინააღმდეგო საშუალებას (აასს) ძლიერი ტკივილისგამაყუჩებელი ეფექტით.
მას ხანმოკლედ იყენებენ ოპერაციის შემდგედ ზომიერი და ძლიერი ტკივილების დროს. Mმკურნალობის დაწყება შესაძლებელია მხოლოდ საავადმყოფოში. პრეპარატის გამოყენების მაქსიმალური ხანგრძლივობა შეადგენს 2 დღეს.

მიღების წესები და დოზები
Ketorolac-Grindeks- ით მკურნალობას ნიშნავს და აკონტროლებს ექიმი. ჩვეულებისამებრ მკურნალობა იწყება საავადმყოფოში.
კეტოროლაკს შეგიყვანენ ექიმი ან ექთანი. პრეპარატი შეგიძლიათ შეიყვანოთ კუნთში ან ვენაში (ინტრავენურად). ვენაში შეყვანისას ინექციის ხანგრძლივობა უნდა შეადგენდეს მინიმუმ 15 წამს; კუნთში პრეპარატი უნდა შეიყვანოთ ნელა და ღრმად კუნთში.
პრეპარატის არასასურველი გვერდითი მოქმედების შემცირებისთვის ექიმი ნიშნავს ყველაზე ნაკლებ ეფექტურ დოზას შეძლებისამებრ დროის უფრო მოკლე პერიოდის განმავლობაში, რომელიც აუცილებელია სიმპტომების კონტროლისთვის.
მოზრდილები
რეკომენდირებული დოზა დასაწყისში შეადგენს 10 მგ-ს. აუცილებლობის შემთხვევაში პრეპარატის მიღებას აგრძლებენ 10-30 მგ გამოყენების დროს ყოველ 4-6 საათს ტკივილების ინტენსივობის მიხედვით. ოპერაციის შემდეგ პრეპარატის შეყვანა შეიძლება ყოველ 2 საათში. ძალიან ინტენსიური ტკივილების დროს საწყისი დოზა შეიძლება იყოს 30 მგ. ექიმი ყოველთვის დაგინიშნავთ რაც შეიძლება ნაკლებ ეფექტურ დოზას.
თირკმლის ნორმალური მოქმედებისა და მინიმუმ 50 კგ სხეულის მასის მოზრდილებში მაქსიმალურმა სადღეღამისო დოზამ არ უნდა გადააჭარბოს 90 მგ-ს. ხანდაზმულ პაციენტებში, თირკმლის მოქმედების მსუბუქი დარღვევების მქონე პაციენტებში და 50 კგ-ზე ნაკლები სხეულის მასის მქონე პაციენტებში მაქსიმალურმა სადღეღამისო დოზამ არ უნდა გადააჭარბოს 60 მგ-ს (იხილეთ შემდგომ).
თუ ტკივილები ძალიან ძლიერია, ექიმს შეუძლია დამატებით დანიშნოს სხვა ტკივილგამაყუჩებელი საშუალებებიც (მაგალითად, პეტიდინი, მორფინი).
პაციენტებთში, რომლებიც იღებდნენ კეტოროლაკის ინექციებს და გადავიდნენ ამ პრეპარატის პერორალურად მიღებაზე, საერთო კომბინირებულმა სადღეღამისო დოზამ არ უნდა გადააჭარბოს 90 მგ-ს (60 მგ ხანდაზმული პაციენტებისთვის, თირკმლების მოქმედების მსუბუქი დარღვევის მქონე პაციენტებისთვის და 50 კგ-ზე ნაკლები სხეულის მასის მქონე პაციენტებისთვის). წამლის ფორმის შეცვლილას პერორალურად მისაღები პრეპარატის დოზამ არ უნდა გადააჭარბოს 40 მგ-ს. რეკომენდირებულია რაც შეიძლება მალე გადასვლა პრეპარატის პერორალურ მიღებაზე.
კეტოროლაკით მკურნალობას წყვეტენ, როგორც კი აღწევენ სასურველ ტკივილგამაყუჩებელ ეფექტს.
ბავშვები და მოზარდები
არ არსებობს საკმარისი ინფორმაცია კეტოროლაკის ბავშვებში გამოყენების უსაფრთხოებისა და ეფექტურობის შესახებ, ამიტომ 16 წლამდე ასაკის ბავშვებისთვის ამ წამლის მიღება არ შეიძლება (იხილეთ Kეტოროლაც-Gრინდეკს-ის მიღება არ შეიძლება შემდეგ შემთხვევებში).
16-დან 18 წლამდე ასაკის მოზარდებში კეტოროლაკი გამოიყენება ისევე, როგორც მოზრდილებში.
ხანდაზმული პაციენტები
65 წელზე მეტი ასაკის პაციენტებში პრეპარატის დოზა მცირდება. საერთო სადღეღამისო დოზამ არ უნდა აჭარბებდეს 60 მგ-ს (იხილეთ ადრე). ხანდაზმულ პაციენტებში მომატებულია გვერდითი მოვლენების გამოვლენის რისკი, ამიტომ ექიმი ნიშნავს რაც შეიძლება ნაკლებ ეფექტურ დოზას დროის უმოკლესი პერიოდის განმავლობაში, აგრეთვე რეგულარულად მოწმდება კნტ-ს მოქმედება. თირკმლების მოქმედების დარღვევის მქონე პაციენტები
თირკმლების მოქმედების მსუბუქი დარღვევის მქონე პაციენტებისთვის პრეპარატის დოზის შემცირებაა აუცილებელი. მაქსიმალურმა სადღეღამისო დოზამ არ უნდა გადააჭარბოს 60 მგ-ს. თირკმლების მოქმედების საშუალო და რთული დარღვევის მქონე პაციენტებისთვის პრეპარატის მიღება არ შეიძლება (იხილეთ Kეტოროლაც-Gრინდეკს-ის მიღება არ შეიძლება შემდეგ შემთხვევებში).
ღვიძლის მოქმედების დარღვევის მქონე პაციენტები
დოზის შერჩევა აუცილებელი არ არის, თუმცა პრეპარატი უნდა მიიღოთ სიფრთხილით (იხილეთ გაფრთხილებები და სიფრთხილის ზომები).
50 კგ-ზე ნაკლები სხეულის მასის მქონე პაციენტები
მაქსიმალურმა სადღეღამისო დოზამ არ უნდა გადააჭარბოს 60 მგ-ს (იხილეთ ზევით).
მკურნალობის ხანგრძლივობა
უწყვეტი მკურნალობის მაქსიმალურმა ხანგრძლივობამ არ უნდა გადააჭარბოს 2 დღეს, რადგანაც ხანგრძლივი მკურნალობისას იზრდება არასასურველი გვერდითი ეფექტების რისკი.

გვერდითი მოვლენები
ისევე, როგორც ყველა სამკურნალო საშუალება, ამ წამალმაც შეიძლება გამოიწვიოს გვერდითი ეფექტები, თუმცა ყველასთან ისინი არ ვლინდება.
ყველაზე ხშირად შემჩნეული არასასურველი გვერდითი ეფექტებია კუჭ-ნაწლავის ტრაქტის დარღვევები (იხილეთ შემდეგ).
ხშირად (შეიმჩნევა 10-დან 1-ზე ნაკლები, მაგრამ 100-დან 1-ზე მეტ პაციენტთან);
• ხელების თითების, კოჭის და/ან ტერფების შეშუპება;
• სხეულის მასის მომატება, ანორექსია;
• მაღალი ან დაბალი წნევა, გაწითლება, გაფითრება;
• ქავილი, პურპურა (მცირე წითელი სისხლჩაქცევები კანზე).
უფრო იშვიათად (შეიმჩნევა 100-დან 1-ზე ნაკლები, მაგრამ 1000-დან 1-ზე მეტ პაციენტთან);
• ოპერაციისშემდგომი სისხლდენა ჭრილობებიდან, სისხლჩაქცევები, სისხლდენა ცხვირიდან;
• მომატებული მგრძნობელობის რეაქციები – ანაფილაქსია (რთული ალერგიული რეაქცია, რომელიც ვლინდება, როგორც სხვადასხვა ორგანოების შეშუპება, გამონაყარი კანზე, სუნთქვის უკმარისობა, სისხლის წნევის სწრაფი დაქვეითება, რომელიც იწვევს თავბრუსხვევას და გონების დაკარგვას; შეიძლება იყოს ლეტალური შედეგი), ბრონქოსპაზმები, საყლაპავი მილის შეშუპება, დაბალი წნევა, კანის გაწითლება, გამონაყარი;
• გულისცემის შეგრძნება, ტკივილები მკერდის არეში;
• თავის ტკივილები, კრუნჩხვები, ასეპტიური მენინგიტი (ტვინის გარსის ანთება, რისი ნიშნებიცაა თავის ტკივილები, გულისრევა, ღებინება, კეფის კუნთების რიგიდულობა, სხეულის მაღალი ტემპერატურა);
• ძილიანობა, აზროვნების დარღვევა, კონცენტრირების უნარის დაქვეიტება, ჰალუცინაციები;
• მხედველობის დაქვეითება;
• ხმაური ყურებში, სმენის დაკარგვა, ვერტიგო;
• ქოშინი, ასთმა, ფილტვების შეშუპება;
• სიყვითლე, ჰეპატიტი;
• ჰემოლიზური ურემიული სინდრომი (ახასიათებს კრუნჩხვითი ტკივილები მუცელში, სისხლიანი ფაღარათი, მოშარდვის შეუძლებლობა, სისუსტე), თირკმლის მწვავე უკმარისობა;
• ჭინჭრის ცხელება, ექსფოლიაციური დერმატიტი (კანის ანთება წყლულებით და აქერცვლით);
• სისუსტე, დაღლილობა, უძლურობა, ციებ-ცხელება.

იშვიათად (შეიმჩნევა 1000-დან 1-ზე ნაკლები, მაგრამ 10 000-დან 1-ზე მეტ პაციენტთან);
• ტკივილი ინექციის ადგილას.
ძალიან იშვიათად (შეიმჩნევა 10 000-დან 1-ზე ნაკლებ პაციენტთან):
• განსაკუთრებით რთული კანის რეაქციები ბებერებით და ბუშტუკებით კანზე, მათ შორის სტივენსის-ჯონსის სინდრომი, ტოქსიკური ეპიდერმალური ნეკროლიზი ან ლაიელის სინდრომი.
• უცნობია (შეხვედრიანობის სიხშირე შეუძლებელია განისაზღვროს ხელმისაწვდომი მონაცემების მიხედვით):
• შესაძლო პეპტიური (კუჭ-ნაწლავის ტრაქტის) წყლულები, პერფორაცია ან კნტ-დან სისხლდენები (სისხლი განავალში, სისხლი ღებინებისას), ხანდახან ლეტალური შედეგით, განსაკუთრებით ხანდაზმულ პაციენტებში (იხილეთ სიფრთხილის ზომები); გულისრევა, ღებინება, ფაღარათი, მუცლის შებერვა, ყაბზობა, საკვების მონელების დარღვევა, ტკივილები მუცლის არეში, წყლულოვანი სტომატიტი (პირის ლორწოს ანთება), კუჭქვეშა ჯირკვლის ანთება, პირის სიმშრალე, საყლაპავი მილის ანთება, ბოყინი, კუჭში სიმძიმის შეგრძნება, გაძლიერებული გაზწარმოქმნა კუჭში ან ნაწლავში, სწორი ნაწლავიდან სისხლდენა, კოლიტის გამწვავება (მსხვილი ნაწლავის ანთება) ან კრონის დაავადება; უფრო იშვიათად შეიმჩნევა გასტრიტი (კუჭის ლორწოვანის ანთება); 
• გულის მოქმედების შენელება;
• თავბრუსხვევა, გემოვნების შეგრძნების ცვლილება, კანში ჩხვლეტის შეგრძნება, ჰიპერკინეზია (არაადეკვატური სპონტანური მოძრაობები);
• უძილობა, შფოტვა, ნერვოზულობა, აღგზნებადობა, არეულობა, დეპრესია, ეიფორია, ბოდვა, ფსიქოტური რეაქციები);
• მხედველობის ნერვის ანთება;
• თირკმლის უკმარისობა;
• თირკმლების მოქმედების დარღვევა: თირკმლების დაზიანება (ნეფროტოქსიურობა), მათ შორის ხშირი შარდვა, შარდის გამოყოფის შემცირება, ტკივილები წელის არეში (შარდში სისხლის გამოყოფით და მის გარეშე), ინტერსტიციალური ნეფრიტი (თირკმლების ანთება), შარდის შეკავება, ნეფროტული სინდრომი (სიმპტომების ერთობლიობა, რომელიც დაკავშირებულია თირკმლების მოქმედების დარღვევით, მოიცავს ცილის არსებობას შარდში, ძლიერ შეშუპებას, სისხლში ცხიმების მომატებულ დონეს);
• ჩონჩხ-კუნთოვანი და თანმხლები სისტემის ფუნქციონალური დარღვევები, უნთების ტკივილი;
• მომატებული მგრძნობელობა სინათლის მიმართ, მაკულოპაპულოზური ან წითურას მსგავსი გამონაყარი, ერყტჰემა მულტიფორმე (კანის ანთება მოწითალო ან ღია-ვარდისფერი ჩირქოვანი გამონაყარით, სუსტი ქავილით, ხშირად “მიზნის” ფორმით წითელი ან ღია-ვარდისფერი რგოლით თეთრი ცენტრის გარშემო);
• უშვილობა (ქალებთში)
• წყურვილის შეგრძნება, მომატებული ოფლიანობა;
• სისხლში ნატრიუმის შემცირებული შემცველობა, სისხლში კალიუმის მომატებული შემცველობა, შარდოვანას და კრეატინინის მომატებული დონე პლაზმაში, სისხლდენის ხანგრძლივობის მომატება, გადახრები სისხლის/სისხლის უჯრედების რაოდენობის სურათის შეცვლით (თრომბოციტოპენია, ნეიტროპენია, აგრანულოციტოზი, აპლასტიური ანემია, ჰემოლიზური ანემია), გადახრა ნორმიდან ღვიძლის ფუნქციონალურ ტესტებში.
აასს-ს გამოყენებასთან დაკავშირებით მიღებულია მონაცემები შეშუპების, მაღალი წნევისა და გულის უკმარისობის შესახებ.
ისეთი პრეპარატების გამოყენება, როგორიცაა Ketorolac-Grindeks- ი, შეიძლება დაკავშირებული იყოს გულის შეტევის (მიოკარდიუმის ინფარქტი) ან თავის ტვინში სისხლის მიწოდების დარღვევების (ინსულტი) ოდნავ მომატებულ რისკთან.
თუ თქვენ გაგაჩნიათ ნებისმიერი გვერდითი ეფექტები, მიიღეთ ექიმის ან ფარმაცევტის კონსულტაცია. ეს ეხება აგრეთვე შესაძლო გვერდით ეფექტებს, რომლებიც არ არის აღწერილი ამ ინსტრუქციაში.

უკუჩვენება
Ketorolac-Grindeks- ის არ გამოიყენება შემდეგ შემთხვევებში:
• თუ თქვენ გაქვთYალერგია კეტოროლაკის ან ამ პრეპარატის რომელიმე სხვა კომპონენტის მიმართ (აღნიშნული მე-6 განაყოფში) ან სხვა არასტეროიდული ანთებისსაწინააღმდეგო საშუალებების (აასს) მიმართ;
• თუ გაქვთ ალერგია აცეტილსალიცილის მჟავაზე (ასპირინი) ან პროსტაგლანდინების სინთეზის სხვა ინჰიბიტორების მიმართ (შეიძლება გამოვლინდეს ასთმის, ცხვირის ლორწოს ანთების, ჭინჭრის ციებ-ცხელების ან სახის, ტუჩების და/ან ენის გასიების, ან ანგიონევროტული შეშუპების სახით);
• თუ თქვენ გაქვთ ბრონქიალური ასთმა;
• თუ გაქვთ ცხვირის პოლიპების ნაწილობრივი ან სრული სინდრომი, ანგიონევროტული შეშუპება ან ბრონქოსპაზმი ; 
• თუ გაქვთ დადგენილი აქტიური კუჭის წყლული ან ადრე გქონდათ სისხლდენა კუჭ-ნაწლავის ტრაქტიდან (კნტ), წყლული ან პერფორაცია (ორგანოს კედლის შეღწევადი დაზიანება) ; 
• თუ გაქვთ გულის მძიმე უკმარისობა ; 
• თუ გაქვთ თირკმლების მოქმედების საშუალო ან მძიმე დარღვევები ; 
• თუ გაქვთ ორგანიზმში სისხლის მოცულობის შემცირება (ჰიპოვოლემია) ან თუ დაკარგეთ ბევრი სითხე (დეჰიდრატაცია) ; 
• თუ იყენებთ აცეტილსალიცილის მჟავას (ასპირინს) ; 
• თუ იყენებთ სხვა აასს-ს, პენტოქსიფილინს, პრობენეციდს ან ლითიუმის მარილებს.
• თუ იყენებთ ანტიკოაგულანტებს (მაგ, ვარფარინს, ჰეპარინს) ; 
• ინტრაკრანიალური სისხლდენის არსებობისას ან მასზე ეჭვის შემთხვევაში ; 
• თუ ჩატარებული გაქვთ ქირურგიული ოპერაცია სისხლდენის დიდი რისკით ან გაგაჩნიათ დარღვეული ჰემოსტაზი (სისხლდენის შეწყვეტა) ; 
• თუ გაქვთ მიდრეკილება სისხლდენებისკენ ან ჰემორაგიული დიათეზი (ვლინდება კანზე, კანქვეშ სისხლჩაქცევების განმეორებითი გამოჩენით, ღრძილებიდან სისხლდენით, გახანგრძლივებული სისხლდენით ზედაპირული ჭრილობებიდან), მათ შორის სისხლის შედედების (კოაგულაციის) დარღვევები;
• არ გამოიყენება პროფილაქტიკური ტკივილგამაყუჩებელი საშუალების სახით ქირურგიული ოპერაციების წინ ან ოპერაციების დროს.
• ორსულობის, მშობიარობის და ძუძუთი კვების პერიოდში;
• 16 წლამდე ასაკის ბავშვებში და მოზარდებში;
Ketorolac-Grindeks- ის საინექციო ხსნარი არ შეიძლება შეიყვანოთ ეპიდურულად (ხერხემლის არხში) ან ინტრათეკალურად (ზურგის ტვინისა და ტვინის გარსის შორის სითხეში).
სიფრთხილე გამოყენების დროს
Ketorolac-Grindeks საინექციო ხსნარის გამოყენებამდე შეატყობინეთ ექიმს ან მედდას, თუ გაგაჩნიათ რომელიმე ჩამოთვლილი მდგომარეობა:
• კუჭ-ნაწლავის ტრაქტის მოქმედების დარღვევა ან მუქი, სისხლიანი განავალი (იხილეთ შემდგომ);
• ნაწლავის ანთებითი დაავადებები-წყლულოვანი კოლიტი, კრონის დაავადება, რადგანაც შესაძლოა დაავადების გამწვავება (იხილეთ მე-4 პუნქტში);
• ღვიძლის ან თირკმლების მოქმედების დარღვევა;
• გულის მოქმედების დარღვევები, გადაიტანეთ ინსულტი ან თვლით, რომ გაქვთ ჩამოთვლილი დარღვევების რისკი (მაგალითად, მაღალი წნევა, შაქრის დიაბეტი, ქოლესტერინის მაღალი დონე ან თუ ეწევით);
• შეამჩნიეთ გამოყოფილი შარდის მოცულობის შემცირება;
• ხელების, ტერფების ან სხეულის სხვა ნაწილების შეშუპება;
• სუნთქვის გაძნელება, ასთმის შეტევები ანამნეზში;
• იყენებთ სისხლის შედედების შესამცირებელ პრეპარატებს (ანტიკოაგულანტები);
• სისხლდენა საოპერაციო ჭრილობიდან;
• გეგმავთ ორსულობას ან პრობლემა გაქვთ დაორსულებასთან დაკავშირებით (იხილეთ ორსულობა, ძუძუთი კვების პერიოდი და ფერტილობა);
• თქვენი ასაკი აჭარბებს 65 წელს (იხილეთ მე-3 პუნქტი).
კუჭ-ნაწლავის ტრაქტიდან სისხლდენა, წყლული და პერფორაცია
კნტ-ს სისხლდენა, წყლული და პერფორაცია (ასევე ფატალური შედეგით) შეიძლება წარმოიქმნას აასს-ს გამოყენების ხანგრძლივობის მიუხედავად. გვერდითი მოვლენების გამოჩენას შეიძლება მოწმობდეს გამაფრთხილებელი სიმპტომები, თუმცა ისინი შეიძლება არც გამოჩნდენ, ასევე გვერდითი მოვლენების შეიძლება გამოვლინდეს პაციენტებთან, რომლებსაც ადრე არ ჰქონდათ კნტ-ს დარღვევები. კნტ-ს სისხლდენის, წყლულის და პერფორაციის რისკი უფრო დიდია აასს-ს მაღალი დოზის გამოყენებისას ანამნეზში წყლულის მქონე პაციენტებთან, განსაკუთრებით, თუ ჩნდება გართულებები – სისხლდენა ან პერფორაცია ხანდაზმულ ადამიანებთან. ამ პაციენტებში ინიშნება რაც შეიძლება ნაკლები დოზა. ამ შემთხვევებში, როდესაც გამოიყენება ასპირინი მცირე დოზებით ან სხვა პრეპარატები, რომლებსაც შეუძლიათ გაზარდონ გვერდითი მოვლენების გაჩენის რისკი, ექიმს შეუძლია დამატებით დანიშნოს პრეპარატები, რომლებიც იცავენ კუჭის ლორწოვანს, მაგალითად, მიზოპროსტოლი ან პროტონების ტუმბოს ინჰიბიტორები.
პაციენტები (განსაკუთრებით ხანდაზმული), რომლებსაც ადრე დაუდგინდათ კნტ-ს დარღვევების დიაგნოზი, უნდა იცოდნენ მუცლის ღრუსთან დაკავშირებული ყოველი სიმპტომის შესახებ (განსაკუთრებით მკურნალობის დასაწყისში). სიფრთხილე მმართებთ პაციენტებს, რომლებიც ერთდროულად იღებენ ისეთ პრეპარატებს, რომლებიც ზრდიან წყლულის ან სისხლდენის რისკს: მაგალითად, კორტიკოსტეროიდები შინაგანი გამოყენებისთვის, ანტიდეპრესანტები (სიოზს) ან ანტითრომბული საშუალებები (მაგალითად, ასპირინი) (იხილეთ სხვა პრეპარატები და Ketorolac-Grindeks). 
თუ კეტოროლაკის გამოყენების დროს გაჩნდება წყლული ან კნტ-ს სისხლდენა, პრეპარატის მიღება უნდა შეწყვიტოთ.
სხვა გაფრთხილებები
აასს-ს გამოყენებამ შეიძლება გამოიწვიოს თირკმლების მოქმედების დაუარესება, ამიტომ თირკმლების მოქმედების უმნიშვნელო დარღვევის მქონე პაციენტებს ექიმი შეურჩევს ნაკლებ დოზას (იხილეთ მე-3 პუნქტი) და პერიოდულად შეამოწმებს თირკმლების ფუნქციას.
Ketorolac-Grindeks-ით მკურნალობის დროს შესაძლოა ღვიძლის მოქმედების პარამეტრების ცვლილებები. ეს გადახრები შეიძლება გაუჩინარდეს, დარჩეს მუდმივად ან პროგრესირებდეს მკურნალობის გაგრძელებისას.
ისეთი პრეპარატების გამოყენება, როგორიცაა, Ketorolac-Grindeks- ი, შეიძლება დაკავშირებული იყოს გულის შეტევების (მიოკარდიუმის ინფარქტი) ან თავის ტვინის სისხლისმიმოქცევის დარღვევის (ინსულტი) ოდნავ გაზრდილ რისკთან. პრეპარატის დიდი დოზებით ხანგრძლივად გამოყენების დროს შესაძლოა აღნიშნული დარღვევების რისკის მომატება. არ გამოიყენოთ პრეპარატი უფრო დიდი დოზებით და უფრო ხანგრძლივად, ვიდრე დაგენიშნათ.
მიღებულია შეტყობინებები კანის რთული რეაქციების შესახებ (რამდენიმე მათგანი ლეტალური შედეგით), მათ შორის ექსფოლიაციური დერმატიტის, სტივენს-ჯონსონის სინდრომის და ტოქსიური ეპიდერმული ნეკროლიზის (იხილეთ მე-4 პუნქტი) შესახებ. მკურნალობის დასაწყისში პირველ თვეს არასასურველი გვერდითი მოვლენების რისკი უფრო მეტია. კანზე გამონაყარის გამოჩენისას, ლორწოვანი გარსის დაზიანების ან მაღალი მგრძნობელობის ნებისმიერი სხვა ნიშნების დროს კეტოროლაკის გამოყენება უნდა შეწყვიტოთ.
ბავშვები და მოზარდები
არ არსებობს საკმარისი ინფორმაცია კეტოროლაკის ბავშვებში გამოყენების უსაფრთხოებისა და ეფექტურობის შესახებ, ამიტომ 16 წლამდე ასაკის ბავშვებისთვის ამ წამლის მიღება არ შეიძლება (იხილეთ Ketorolac-Grindeks- ის მიღება არ შეიძლება შემდეგ შემთხვევებში).

ორსულობა და ლაქტაცია
ორსულობის დროს პრეპარატის გამოყენების უსაფრთხოება დამტკიცებული არ არის. ამიტომ Ketorolac-Grindeks- ის გამოყენება ორსულობის დროს არ შეიძლება (იხილეთ Ketorolac-Grindeks- ის მიღება არ შეიძლება შემდეგ შემთხვევებში).
პრეპარატი მცირე ოდენობით ხვდება დედის რძეში, ამიტომ ბავშვის ძუძუთი კვების პერიოდში ამ პრეპარატის გამოყენება არ შეიძლება (იხილეთ Ketorolac-Grindeks-ის მიღება არ შეიძლება შემდეგ შემთხვევებში).
ამ პრეპარატის გამოყენებამ შეიძლება უარყოფითად იმოქმედოს ნაყოფიერებაზე და მისი გამოყენება არ არის რეკომენდირებული იმ ქალებისთვის, რომლებიც გეგმავენ დაორსულებას. ნაყოფიერების პრობლემის მქონე ან უშვილობაზე გამოსაკვლევ ქალებთან კეტოროლაკის გამოყენება უნდა შეწყდეს.

განსაკუთრებული მითითებები
ტრანსპორტის მართვა და მექანიზმების მომსახურეობა
• Ketorolac-Grindeks-ით მკურნალობის დროს ზოგიერთმა პაციენტებმა შეიძლება იგრძნონ თავბრუსხვევა, ძილიანობა, წონასწორობის დარღვევა, მხედველობის დარღვევა და კონცენტრირების უნარის დაქვეიტება. რომელიმე ჩამოთვლილი სიმპტომების არსებობისას არ შეიძლება ტრანსპორტის მართვა და მექანიზმების მომსახურეობა.
Ketorolac-Grindeks- ი შეიცავს ეთილის სპირტს, ნატრიუმის ქლორიდს, ნატრიუმის ჰიდროქსიდს და დინატრიუმის ედეტატს.
ეს პრეპარატი შეიცავს ეთილის სპირტის (ალკოჰოლის) 10%-ს ან 100 მგ-მდე დოზით, რაც არის 1,9 მლ ლუდის, 0,8 მლ ღვინის (აბსოლუტურ ეთილის სპირტზე გადაანგარიშებით) ექვივალენტი. ეს უნდა გაითვალისწინოთ კეტოროლაკის შეყვანის დროს მომატებული რისკის მქონე პაციენტებში: ღვიძლის დაავადების ან ეპილეპსიის მქონე პაციენტებში. პრეპარატი სახიფათოა ალკოჰოლიზმით დაავადებული პაციენტებისთვის.
ტრომეტამოლის კეტოროლაკის საინექციო ხსნარის 1 მლ შეიცავს ნატრიუმის 1,74 მგ-ს, ანუ პრეპარატი შეიცავს 1 მმოლ-ზე (23 მგ) ნაკლებ ნატრიუმს ყველა დოზაში – არსებითად ნატრიუმის არ-შემცველია. 
ქვემოთმოცემული ინფორმაცია განკუთვნილია მხოლოდ ჯანდაცვის სპეციალისტებისთვის
შეუსაბამობა
მცირე მოცულობით (მაგალითად, შპრიცში) კეტოროლაკის ტრომეტამოლის არევა (ნარევის სახით მიღება) არ შეიძლება მორფინის სულფატთან, პეტიდინის ჰიდროქლორიდთან, პრომეტაზინის ჰიდროქლორიდთან და ჰიდროქსიზინის ჰიდროქლორიდთან, რადგანაც შესაძლებელია კეტოროლაკის დალექვა. კეტოროლაკის ტრომეტამოლი თავსებადია ფიზიოლოგიურ ხსნართან, დექსტროზის 5%-ან ხსნართან, რინგერის ხსნართან, რინგერ-ლაქტატის ხსნართან ან პლაზმის შემცვლელებთან.
მითითება გამოყენების შესახებ
კეტოროლაკის ტრომეტამოლი შეიყვანება კუნთში ან ვენაში. ვენაში შეყვანისას ინექციის ხანგრძლივობა უნდა იყოს მინიმუმ 15 წამი ; კუნთში პრეპარატი შეყვანილი უნდა იყოს ნელა და ღრმად.
ანალგეზიური ეფექტის მიღწევის სიჩქარე ვენაში და კუნთში შეყვანის დროს ერთნაირია – დაახლოებით 30 წუთი. მაქსიმალური ანალგეზიური ეფექტი მიიღწევა 1-2 საათის განმავლობაში. ანალგეზიის საშუალო ხანგრძლივობა შეადგენს 4-6 საათს. კეტოროლაკის ტრომეტამოლის საინექციო ხსნართან ერთდროულად შესაძლებელია ოპიოიდების (მაგალითად, მორფინი, პეტიდინი) შეყვანა ოპტიმალური ანალგეზიის მიღწევისთვის პოსტოპერაციული პერიოდის დასაწყისში, როდესაც ტკივილები ყველაზე ძლიერია. კეტოროლაკის ტრომეტამოლი არ უწევს კონკურენციას ოპიოიდებს რეცეპტორებთან კავშირის მხრივ და არ აძლიერებს სუნთქვის დათრგუნვას, რომელიც გამოწვეულია ოპიატების მოქმედებით, ან სედაციას, რაც დამახასიათებელია ნარკოტიკული პრეპარატებისთვის. პარენტერალური სამკურნალო საშუალებების კეტოროლაკთან კომბინაციისას ოპიოიდების სადღეღამისო დოზები ჩვეულებისამებრ უფრო ნაკლებია, ვიდრე მათი ცალკე გამოყენების დროს, თუმცა მცირე ქირურგიული პროცედურის დროს ამბულატორიულ პირობებში უნდა გაითვალისწინოთ ოპიოიდების შესაძლო გვერდითი ეფექტები.
ხსნარის pH 6,9-7,9
ოსმოლარობა 0,442-0,481 ოსმოლ/კგ

ჭარბი დოზირება
რადგანაც ჩვეულებისამებრ მკურნალობას იწყებენ საავადმყოფოში და ინექციებს ატარებენ ექიმი ან ექთანი, ნაკლებად შესაძლებელია რომ თქვენ მიიღებთ პრეპარატის დანიშნულზე მეტ დოზას.
მწვავე ჭარბი დოზირებისას შესაძლებელია ძილიანობა, გულისრევა, ღებინება, ტკივილები მუცლის არეში, პეპტიკური წყლული და/ან ეროზიული გასტრიტი, კნტ-დან სისხლდენა, მაღალი წნევა, თირკმლის მოქმედების დარღვევა, სუნთქვის დარღვევა, მომატებული მგრძნობელობის რეაქციები, კომა (იშვიათად).
მკურნალობა სიმპტომატიურია და მოიცავს პაციენტზე ზედმიწევნით დაკვირვებას, ასევე თირკმლებისა და ღვიძლის ფუნქციის კონტროლს.

სხვა წამლებთან ურთიერთქმედება
შეატყობინეთ თქვენს ექიმს ან ექთანს ყველა პრეპარატის შესახებ, რომელსაც იყენებთ ბოლო დროს, იყენებდით ან შეგეძლო გამოგეყენებინად. ეს მნიშვნელოვანია, რადგანაც Ketorolac-Grindeks- ს შეუძლია შეცვალოს სხვა პრეპარატების მოქმედება, ასევე სხვა პრეპარატებს შეუძლიათ ზემოქმედება მოახდინონ Ketorolac-Grindeks- ის მოქმედებაზე.
Ketorolac-Grindeks- ის გამოყენებამდე განსაკუთრებით მნიშვნელოვანია შეატყობინოთ ექიმს ან მედდას რომელიმე ქვემოთჩამოთვლილი პრეპარატების გამოყენების შესახებ:
• სხვა აასს და ასპირინი;
• ანტიკოაგულანტები (მაგალითად, ვარფარინი)
• პრობენეციდი (იყენებენ პოდაგრის მკურნალობის დროს);
• პენტოქსიფილინი (პრეპარატი სისხლძარღვების გაფართოებისთვის და სისხლის ცირკულაციის გაუმჯობესებისთვის);
• ლითიუმი (გამოიყენება ფსიქიკური მდგომარეობების მკურნალობის დროს) თუ იყენებთ რომელიმე ჩამოთვლილ პრეპარატს, მაშინ თქვენთვის Ketorolac-Grindeks- ის გამოყენება არ შეიძლება.
შეატყობინეთ ექიმს ან მედდას, თუ იყენებდით:
• ანტითრომბული პრეპარატები;
• ანტიდეპრესანტები, ეგრეთ წოდებულ სეროტონინის უკუმიტაცების სელექციურ ინჰიბიტორებს, (მაგალითად, ფლუოქსეტინი, ციტალოპრამი);
• თრომბოლითური პრეპარატები;
• კორტიკოსტეროიდები;
• პრეპარატები სისხლის მაღალი წნევის მკურნალობისთვის (მაგალითად, ენალაპრილი);
• დიურეტული პრეპარატები, მაგალითად, ფუროსემიდი (პრეპარატი სისხლის მაღალი წნევის მკურნალობისთვის);
• გულის გლიკოზიდები (მაგალითად, დიგოქსინი);
• მეტოტრექსატი (გამოიყენება კანის პრობლემების, ართრიტის ან კიბოს მკურნალობისთვის);
• ციკლოსპორინი, ტაკროლიმი (გამოიყენება ორგანოების ტრანსპლანტაციის შემდეგ);
• ქინოლონის ჯგუფის ანტიბიოტიკები, მაგალითად, ციპროფლოქსაცინი (ინფექციების მკურნალობისთვის);
• ზიდოვუდინი, რიტონავირი (შიდსის მკურნალობისთვის);
• ანტიეპილეფსიური პრეპარატები (მაგალითად, ფენიტოინი);
• დიაბეტის საწინააღმდეგო პრეპარატები;
• მიორელაქსანტები (მაგალითად, ბაკლოფენი);
• მიფეპრისტონი (გამოიყენება ორსულობის ნაადრევად შეწყვეტისთვის ან მშობიარობის დაწყებისთვის მკვდარი ნაყოფის შემთხვევაში).

შენახვის პირობები და ვადები
ეს წამალი ინახება ბავშვებისთვის მიუწვდომელ და უხილავ ადგილას.
შეინახეთ არაუმეტეს 25^oC ტემპერატურაზე. არ გაყინოთ.
შეინახოთ ორიგინალურ შეფუთვაში სინათლისგან დაცვის მიზნით.
არ გამოიყენოთ ეს წამალი შეფუთვაზე « ვარგისიანობის ვადის » გასვლის შემდეგ. ვარგისიანობის ვადა ეხება აღნიშნული თვის ბოლო დღეს.
არ გადააგდოთ პრეპარატი კანალიზაციაში ან საყოფაცხოვრებო ნაგავში. ჰკითხეთ ფარმაცევტს პრეპარატის არასაჭირო ნარჩენების ლიკვიდაციის შესახებ. ეს ზომები დაგეხმარებიან გარემოს დაცვაში.