Ambrolitin - ამბროლიტინი სიროფი ჟოლო 100მლ

AMBROLYTIN ®15 mg/5 ml syrup

ამბროქსოლი (ambroxol)

ყურადღებით წაიკითხეთ ეს ინსტრუქცია, რადგანაც ის შეიცავს თქვენთვის მნიშვნელოვან ინფორმაციას.

ეს სამკურნალო საშუალება გაიცემა ექიმის დანიშნულების გარეშე. მიუხედავად ამისა, მკურნალობის საუკეთესო შედეგის მისაღწევად, საჭიროა ამ სამკურნალო პრეპარატის გამოყენების ინსტრუქციის საგულდაგულოდ დაცვა.

- შეინახეთ ეს ინსტრუქცია, შესაძლოა დაგჭირდეთ მისი ხელმეორედ წაკითხვა.

- თუ გესაჭიროებათ დამატებითი ინფორმაცია, ან რჩევა, მიმართეთ თქვენს ფარმაცევტს.

- თქვენ უნდა მიმართოთ ექიმს, თუ სიმპტომები უარესდება ან მდგომარეობა არ უმჯობესდება 5 დღის შემდეგ.

- თუ ნებისმიერი გვერდითი მოვლენა გახდა სერიოზული, ან შენიშნეთ სხვა გვერდითი მოვლენები, რომლებიც არ არის აღწერილი ამ ინსტრუქციაში, გთხოვთ აცნობეთ თქვენს ექიმს, ან ფარმაცევტს.

რას შეიცავს წინამდებარე ინსტრუქცია:

რას წარმოადგენს ამბროლიტინი და რისთვის გამოიყენება
ამბროლიტინის მიღების დაწყებამდე
როგორ გამოიყენება ამბროლიტინი
შესაძლო გვერდითი მოვლენები
როგორ ინახება ამბროლიტინი
დამატებითი ინფორმაცია

რას წარმოადგენს ამბროლიტინი და რისთვის გამოიყენება
ამბროლიტინი სიროფი შეიცავს აქტიურ ნივთიერებას ამბროქსოლის ჰიდროქლორიდს. ის ხელს უწყობს სქელი სეკრეტის გათხელებას ბრონქებში, რომელიც წარმოიქმნება სასუნთქი გზების სხვადასხვა დაავადებების დროს. ამ გზით პრეპარატი ხელს უწყობს მის გამოყოფას, ამსუბუქებს ხველას და აუმჯობესებს სუნთქვას. გამოიყენება ხველების და ამოხველების შესამსუბუქებლად სასუნთქი სისტემის მწვავე და ქრონიკული დაავადებების დროს, რაც დაკავშირებულია სასუნთქ გზებში სქელი სეკრეტის წარმოქმნასთან.

ამბროლიტინის მიღების დაწყებამდე
არ გამოიყენოთ ამბროლიტინი:

- თუ თქვენ გაქვთ ალერგია (ჰიპერმგრძნობელობა) აქტიური ნივთიერების ან სიროფის შემადგენლობაში შემავალ სხვა შემადგენელი ნივთიერების მიმართ.

დაიცავით განსაკუთრებული სიფრთხილე ამბროლიტინის გამოყენებისას

- თუ თქვენ გაქვთ ალერგია ზოგიერთი სამკურნალო პრეპარატის ან კვებითი პროდუქტის მიმართ;

- თუ თქვენ გაქვთ თირკმელების ან ღვიძლის დაავადებები;

- თუ მკურნალობის დროს გამოვლინდება კანის და ლორწოვანი გარსების სერიოზული დაზიანება; არის მონაცემები კანის სერიოზული რეაქციების შესახებ ამბროქსოლის მიღებისას. თუ კანზე გამონაყარი გაგიჩნდათ (მათ შორის ლორწოვანი გარსის დაზიანებები, როგორიცაა  პირი, ყელი, ცხვირი, თვალები, სასქესო ორგანოები), შეწყვიტეთ ამბროლიტინის სიროფის გამოყენება და კონსულტაციისთვის დაუყოვნებლივ მიმართეთ ექიმს.

- თუ სიროფით 5 დღიანი მკურნალობის შემდეგ არ აღგენიშნებათ ხველის შემსუბუქება და მდგომარეობის გაუმჯობესება, უნდა მიმართოთ ექიმს.

სხვა სამკურნალო საშუალებების გამოყენება

გთხოვთ, აცნობოთ თქვენს ექიმს, ან ფარმაცევტს, თუ იღებთ ან უახლოეს წარსულში იღებდით სხვა სამკურნალო პრეპარატებს, იმ პრეპარატების ჩათვლით, რომლებიც გაიცემა ურეცეპტოდ.

- ამბროქსოლის და ანტიბიოტიკების (ამოქსიცილინი, ცეფუროქსიმი, ერითრომიცინი, დოქსიციკლინი) ერთდროული გამოყენება იწვევს ანტიბიოტიკების კონცენტრაციის მატებას ფილტვის ქსოვილში.

- არ არის რეკომენდებული ამბროქსოლის და ხველის დამთრგუნველი (მაგალითად კოდეინი) პრეპარატების ერთდროული გამოყენება.

ორსულობა და ძუძუთი კვება

ნებისმიერი სამკურნალო პრეპარატის გამოყენებამდე, რჩევისთვის მიმართეთ თქვენს ექიმს, ან ფარმაცევტს.

ორსულობის პერიოდში ამ სამკურნალო საშუალების გამოყენების უსაფრთხოება არ არის დადგენილი, შესაბამისად, მისი გამოყენება ორსულობის პერიოდში არ არის რეკომენდებული, განსაკუთრებით პირველი ტრიმესტრის განმავლობაში.

ამბროქსოლი აღწევს დედის რძეში. მიუხედავად იმისა, რომ ჩვილზე პრეპარატის არასასურველი ზემოქმედება არ არის მოსალოდნელი, ამ სამკურნალო საშუალების გამოყენება ძუძუთი კვების პერიოდში არ არის რეკომენდებული.

ავტოსატრანსპორტო საშუალებების მართვა და მექანიზმებთან მუშაობა

არ არის მონაცემები ამბროლიტინის ავტოსატრანსპორტო საშუალებების მძღოლის და მანქანების ოპერატორების რეაქციის სისწრაფეზე და ყუდადღებაზე ზემოქმედებასთან დაკავშირებით.

მნიშვნელოვანი ინფორმაცია ამბროლიტინის შემადგენლობაში შემავალ ზოგიერთ კომპონენტებთან დაკავშირებით

- ამბროლიტინი შეიცავს სორბიტოლს. თუ თქვენმა ექიმა გაცნობათ, რომ გაქვთ ზოგიერთი შაქრის მიმართ აუტანლობა, ამ სამკურნალო პრეპარატის გამოყენებამდე მიმართეთ მას რჩევისთვის.

- მეთილ- და პროპილ პარაჰიდროქსიბენზოატმა, რომელიც შედის ამბროლიტინის შემადგენლობაში, შესაძლებელია გამოიწვიოს ალერგიული რეაქციები (შესაძლებელია – შენელებული ტიპის).

- ეს სამკურნალო პრეპარატი შეიცავს ნატრიუმის 1 მმოლ-ზე ნაკლებს (23 მგ) დოზაზე, ე.ი., პრაქტიკულად, არ შეიცავს ნატრიუმს.

- სამკურნალო პრეპარატი შეიცავს გლიცეროლს, რომელმაც მაღალი დოზების გამოყენებისას (10 გ/დოზა) შესაძლებელია გამოიწვიოს თავის ტკივილი, კუჭის გაღიზიანება და დიარეა.

როგორ გამოიყენება ამბროლიტინი
ყოველთვის მიიღეთ ამბროლიტინი ზუსტად ამ ინსტრუქციაში მოცემული მითითებების შესაბამისად. თუ თქვენ არ ხართ რამეში დარწმუნებული, კითხეთ თქვენს ექიმს ან ფარმაცევტს. 

ამბროლიტინი მიიღება შიგნით, კვების დროს.

ჩვეულებრივი დოზა შეადგენს:

ზრდასრულები და 12 წელზე უფროსი ასაკის ბავშვები:L 10 მლ 3-ჯერ დღეში პირველი 2-3 დღის განმავლობაში, ამის შემდეგ შესაძლებელია დოზის შემცირება – 10 მლ 2-ჯერ დღეში.

ბავშვები

6-12 წელი: 5 მლ 2-3-ჯერ დღეში.

2-6 წელი: 2,5 მლ 3-ჯერ დღეში.

ხანდაზმული ასაკის პაციენტები

ხანდაზმული ასაკის პაციენტებში გამოიყენება ზრდასრულების დოზა.

ღვიძლის და თირკმელების დაავადებების მქონე პაციენტები

პაციენტების ამ კატეგორიაში გამოიყენება ზრდასრულებისთვის რეკომენდებული დოზის 1/2.

არ გამოიყენოთ ეს სამკურნალო პრეპარატი 5 დღეზე ხანგრძლივად ექიმის რეკომენდაციის გარეშე.

თუ თქვენ თვლით, რომ სამკურნალო საშუალების ეფექტი არის ძალიან ძლიერი ან ძალიან სუსტი, გაიარეთ კონსულტაცია თქვენს მკურნალ ექიმთან.

თუ თქვენ მიიღეთ ამბროლიტინის საჭიროზე მეტი დოზა

თუ თქვენ მიიღეთ ჭარბი დოზა, რჩევის მისაღებად მიმართეთ თქვენს ექიმს.

თუ თქვენ გამოტოვეთ ამბროლიტინის მიღება

თუ თქვენ გამოტოვეთ ერთი დოზა, მიიღეთ იგი შეძლებისამებრ მალე. თუ თითქმის დადგა შემდეგი დოზის მიღების დრო, მიიღეთ ის ჩვეულებრივ. არ მიიღოთ ორმაგი დოზა გამოტოვებულის საკომპენსაციოდ. გააგრძელეთ სამკურნალო პრეპარატის მიღება ამ ინსტრუქციის მითითების შესაბამისად.

თუ გაქვთ ნებისმიერი დამატებითი კითხვა ამ სამკურნალო პრეპარატის მიღებასთან დაკავშირებით, გთხოვთ კითხეთ თქვენს ექიმს, ან ფარმაცევტს.

შესაძლო გვერდითი მოვლენები
როგორც ყველა სამკურნალო პრეპარატმა, ამბროლიტინმა შეიძლება გამოიწვიოს გვერდითი მოვლენები, მიუხედავად იმისა, რომ ისინი ყველას არ უვლინდება.

გვერდითი მოქმედება კლასიფიცირდება სიხშირის შესაბამისად:

ხშირი (ვლინდება 100-დან 1-10 პაციენტში): შემცირებული მგრძნობელობა პირის ღრუში და ყელის არეში, გულისრევა, გემოს შეგრძნების შეცვლა.

არახშირი (ვლინდება 1 000-დან 1-10 პაციენტში): პირის სიმშრალე, ღებინება, დიარეა, დისპეპსია (დისკომფორტის შეგრძნება კუჭის არეში, ბოყინი კვების შემდეგ) და ტკივილი მუცლის არეში.

იშვიათი (ვლინდება 10 000-დან 1-10 პაციენტში): კანის გამონაყარი, ჭინჭრის ციება,  ჰიპერმგრძნობელობის სხვა რეაქციები.

უცნობი სიხშირით (არსებული მონაცემებით სიხშირის დადგენა შეუძლებელია): ყელის სიმშრალე, ანაფილაქტოიდური რეაქციები, მათ შორის ანაფილაქსიური შოკის, ანგიონევროზული შეშუპების ჩათვლით (მყისიერად განვითარებული კანის, კანქვეშა ქსოვილის, ლორწოვანის ან ლორწოსქვეშა  შრის შეშუპება), კანის მძიმე გვერდითი რეაქციები (მათ შორის მულტიფორმული ერითემა სტივენს-ჯონსონის სინდრომი / ტოქსიკური ეპიდერმალური ნეკროლიზი და მწვავე გენერალიზებული ეგზანტემატოზური პუსტულეზი).

თუ ნებისმიერი გვერდითი მოვლენა ხდება სერიოზული, ან შენიშნეთ სხვა გვერდითი მოვლენები, რომლებიც არ არის აღწერილი ამ ინსტრუქციაში, გთხოვთ აცნობეთ თქვენს ექიმს, ან ფარმაცევტს

ამბროლიტინის შენახვის პირობები
შეინახეთ არაუმეტეს 25°С ტემპერატურაზე.

არ გაყინოთ!

შეინახეთ ბავშვებისთვის მიუწვდომელ ადგილას.

პრეპარატი არ გამოიყენება შეფუთვაზე მითითებული ვარგისობის ვადის  გასვლის შემდეგ.

ვარგისობის ვადა: 3 (სამი) წელი

ვარგისიანობის ვადა შეესაბამება მითითებული თვის ბოლო დღეს.

ვარგისიანობის ვადა ფლაკონის გახსნის შემდეგ: 1 (ერთი) თვე.

სამკურნალო პრეპარატები არ უნდა გადაყაროთ კანალიზაციაში, ან საყოფაცხოვრებო ნარჩენების კონტეინერში. კითხეთ თქვენს ფარმაცევტს როგორ გაანადგუროთ თქვენთვის არასაჭირო სამკურნალო პრეპარატები. ეს ღონისძიებები ხელს შეუწყობს გარემოს დაცვას.

დამატებითი ინფორმაცია
ამბროლიტინის შემადგენლობა

- აქტიური ნივთიერება: ამბროქსოლის ჰიდროქლორიდი 15 მგ 5 მლ სიროფში.

- სხვა დამხმარე ნივთიერებები: სორბიტოლი (Е420), მეთილ პარაჰიდროქსიბენზოატი (218), პროპილ პარაჰიდროქსიბენზოატი (216), გლიცეროლი, პროპილენგლიკოლი, ნატრიუმის საქარინი, ლიმონმჟავას მონოჰიდრატი, ,,ჟოლოს‘‘ თხევადი ესენცია, გასუფთავებული წყალი.

ამბროლიტინის გარეგნული სახე და შეფუთვის შემადგენლობა

გამჭვირვალე, სიროფისმაგვარი სითხე, ღია-ყვითელი ფერიდან ღია-ყავისფერ ფერამდე, ჟოლოს სუნით.

100 მლ სიროფი ,,პილფერპრუფ‘‘-ის ტიპის პოლიეთილენტერეფტალატის მუქ ყავისფერ ფლაკონში, რომელიც დახუფულია პოლიეთილენის სახრახნი თავსახურით ,,პილფერპრუფ‘‘-ის ტიპის Alkozell-ის გამამკვრივებლით.

1 (ერთი) ფლაკონი, პრეპარატის გამოყენების ინსტრუქციასთან და საზომ პლასტმასის ჭიქასთან ერთად მოთავსებულია მუყაოს კოლოფში.

გაცემის წესი: ფარმაცევტული პროდუქტის ჯგუფი III , გაიცემა რეცეპტის გარეშე

გამოყენების ნებართვის მფლობელი და მწარმოებელი

სს სოფარმა

ილიენსკოე შოსეს. ქ. 16, 1220 სოფია, ბულგარეთი