ციპროფლოქსაცინი 0.3% 10მლ თვ.წ

სავაჭრო დასახელება: ციპროფლოქსაცინი

საერთაშორისო არაპატენტირებული დასახელება - ციპროფლოქსაცინი

სამკურნალო ფორმა: 0,3% თვალის წვეთები

შემადგენლობა: აქტიური ნივთიერება: ციპროფლოქსაცინის ჰიდროქლორიდი – 3,3 მგ (3 მგ ციპროფლოქსაცინის ექვივალენტი);

დამხმარე ნივთიერებები: ნატრიუმის ქლორიდი 9 მგ;  ბენზალკონიუმის ქლორიდი – 0,05 მგ; საინექციო წყალი – 1 მლ-მდე.

აღწერილობა: უფერო, ღია-მოყვითალო ან მოყვითალო-მომწვანო შეფერილობის გამჭვირვალე სითხე.

ფარმაკოთერაპიული ჯგუფი – მიკრობების საწინააღმდეგო საშუალება, ფტორქინოლონი.

ფარმაკოლოგიური მოქმედება

ფარმაკოკინეტიკა

მიკრობების საწინააღმდეგო მოქმედების ფართო სპექტრის მქონე საშუალება, ფტორქინოლონის წარმოებული, ახდენს ბაქტერიულ დნმ-ჰირაზას ინჰიბირებას, არღვევს დნმ-ის სინთეზს, ბაქტერიების ზრდას და დაყოფას; იწვევს ბაქტერიული უჯრედის გამოხატულ მორფოლოგიურ ცვლილებებს და სწრაფ კვდომას. დაბალი ტოქსიკურობა მაკროორგანიზმის უჯრედებისათვის აიხსნება მათში დნმ-ჰირაზას არარსებობით. ციპროფლოქსაცინის მიღების ფონზე არ ხდება მდგრადობის პარალელური გამომუშავება სხვა ანტიბიოტიკებისადმი, რომლებიც არ მიეკუთვნიან ჰირაზას ინჰიბიტორების ჯგუფს, რაც ხდის მას ეფექტურს ბაქტერიების მიმართ, რომლებიც მდგრადია, მაგალითად, ამინოგლიკოზიდების, პენიცილინების, ცეფალოსპორინების, ტეტრაციკლინების და მრავალი სხვა ანტიბიოტიკების მიმართ.

“Iნ ვიტრო” პირობებში ციპროფლოქსაცინი მაღალაქტიურია უმეტესი აერობული გრამდადებითი ბაქტერიების მიმართ, Pსეუდომონას აერუგინოს ჩათვლით. პრეპარატი ასევე აქტიურია გრამდადებითი ბაქტერიების (შტაპჰყლოცოცცი, შტრეპტოცოცცი) მიმართ. ანაერობული ბაქტერიები ნაკლებად მგრძნობიარენი ან რეზისტენტულები არიან ციპროფლოქსაცინის მიმართ.

რეზისტენტობა ვითარდება ძალზედ ნელა, ვინაიდან, ერთის მხრივ, ციპროფლოქსაცინის მოქმედების შემდეგ პრაქტიკულად არ რჩება პერსისტენტული მოკროორგანიზმები, მეორეს მხრივ – ბაქტერიულ უჯრედებს არ გააჩნიათ ფერმენტები, რომლებიც ახდენენ მის ინაქტივირებას. 

ფარმაკოკინეტიკა

ადგილობრივი გამოყენებისას ციპროფლოქსაცინი აღწევს სისტემურ სისხლის მიმოქცევაში.

ციპროფლოქსაცინის პლაზმური კონცენტრაციები ვარირებენ განუზომელი მნიშვნელობებიდან 4,7 ნგ/მლ-მდე ფარგლებში.

გამოყენების ჩვენებები

ინფექციები, გამოწვეული ციპროფლოქსაცინის მიმართ მგრძნობიარე მიკროორგანიზმებით:

-           თვალის რქოვანი გარსის წყლული;

-           თვალების ზედაპირული ბაქტერიული ინფექციები;

ბაქტერიული ინფექციების პროფილაქტიკა და მკურნალობა თვალების ტრავმების და ქირურგიული ჩარევების შემდეგ.

უკუჩვენებები

მომატებული მგრძნობელობა პრეპარატის კომპონენტების და სხვა ფტორქინოლონების მიმართ. არ არის დადგენილი პრეპარატის გამოყენების ეფექტურობა და უსაფრთხოება ერთ წლამდე ასაკის ბავშვებში.

გამოყენების წესი და დოზირება

მოზრდილები და 1 წლიდან ასაკის ბავშვები:

-           რქოვანი გარსის წყლულის დროს იყენებენ ინსტილაციის სახით პირველ დღეს - 2 წვეთს ყოველ 15 წუთში 6 საათის განმავლობაში, შემდეგ 2 წვეთს ყოველ ნახევარ საათში დღის ბოლომდე. მეორე დღეს იწვეთებენ 2 წვეთს ყოველ ერთ საათში. მე-3 დღიდან მე-14 დღის ჩათვლით – 2 წვეთს ყოველ 4 საათში. მკურნალობის გაგრძელება შეიძლება 14 დღის შემდეგ, თუ არ აღინიშნება რქოვანას განმეორებითი ეპითელიზაცია;

-           თვალების ზედაპირული ბაქტერიული ინფექციების დროს ჩვეულებრივ იყენებენ 1-2 წვეთს ყოველ 4 საათში; მძიმე ინფექციების დროს - 1-2 წვეთს ყოველ 2 საათში (ფხიზლობის დროს) პირველი 2 დღის განმავლობაში, მომდევნო დღეებში - 1-2 წვეთს ყოველ 4 საათში.

ორივე შემთხვევაში მკურნალობის ხანგრძლივობა არ უნდა აღემატებოდეს 21 დღეს. 

გვერდითი მოქმედება

ადგილობრივად: თვალებში წვის, ქავილის, დისკომფორტის, უცხო სხეულის შეგრძნება, კონიუნქტივის ჰიპერემია, ცრემლდენა, ქუთუთოების კიდეების კანის აქერცვლა, თვალის სიმახვილის დაქვეითება, მხედველობის დარღვევა, სინათლის შიში, კერატიტი, კერატოპათია, ალერგიული რეაქციები, რქოვანაზე ლაქების გაჩენა, რქოვანას ინფილტრაცია, გულისრევა, იშვიათად - ჰიპერმგრძნობელობის რეაქციები; რქოვანას წყლულის დროს შესაძლებელია თეთრი კრისტალისებრი პრეციპიტატის გაჩენა (მკურნალობის დაწყებიდან 24 საათის - 7 დღის შემდეგ). პრეციპიტატის გახსნა შეიძლება აღინიშნოს მკურნალობის დაწყებიდან მაშინათვე ან 13 დღის განმავლობაში.

ფტორქინოლონების ადგილობრივი გამოყენებისას, ძალიან იშვიათ შემთხვევებში, შესაძლებელია გენერალიზებული გამონაყარის, ტოქსიკური ეპიდერმოლიზის, სტივენს-ჯინსონის სინდრომის, ჭინჭრის ციების განვითარება.

ჭარბი დოზირება

პრეპარატის ადგილობრივად გამოყენებისას ჭარბი დოზირების შესახებ მონაცემები არ არსებობს. ჭარბი დოზირებისას აუცილებელია თვალების თბილი წყლით მობანა.

ურთიერთქმედება სხვა სამკურნალო საშუალებებთან

არ ჩატარებულა სპეციალური კვლევები ციპროფლოქსაცინის გამოყენებით თვალის წვეთების ფორმით. 

მაგრამ გათვალისიწნებული უნდა იქნას ის, რომ ზოგიერთი ფტორქინოლონების (მათ შორის ციპროფლოქსაცინის) კომბინირებული სისტემური გამოყენებისას:

-           თეოფილინთან შესაძლებელია თეოფილინის კონცენტრაციის ზრდა სისხლის პლაზმაში;

-           ვარფარინთან შესაძლებელია ვარფარინის ანტიკოაგულაციური ეფექტის გაძლიერება;

-           ციკლოსპორინთან შესაძლებელია კრეატინინის დონის დროებითი ზრდა სისხლის შრატში.

განსაკუთრებული მითითებები

კლინიკური კვლევები პრეპარატის გამოყენებასთან დაკავშირებით ერთ წლამდე ასაკის ბავშვებში (განსაკუთრებით ახალშობილებში) შეზღუდულია.

ზოგიერთ პაციენტებში, რომლების იღებდნენ სისტემურ ფტორქინოლონებს, აღინიშნებოდა ჰიპერმგრძნობელიბის სერიოზული რეაქციები. პრეპარატის გამოყენება უნდა შეწყდეს ალერგიული რეაქციების ნებისმიერი ნიშნების გამოვლენის შემთხვევაში.

ნუ შეიყვანთ პრეპარატს სუბკონიუქტივალურად ან თვალის წინა საკანში.

პრეპარატის ხანგრძლივმა გამოყენებამ შეიძლება გამოიწვიოს არასპეციფიკური, მათ შორის საკოვანი ინფექციის განვითარება.

პრეპარატით მკურნალობის პერიოდში არ არის რეკომენდირებული კონტაქტური ლინზების გამოყენება.

გამოყენება ორსულობის და ძუძუთი კვების პერიოდში

პრეპარატის გამოყენება ორსულობის დროს შესაძლებელია იმ შემთხვევაში, თუ მოსალოდნელი ეფექტი აღემატება პოტენციურ რისკს ნაყოფისათვის. 

უცნობია გამოიყოფა თუ არა პრეპარატი დედის რძით. საჭიროა სიფრთხილის დაცვა პრეპარატის მეძუძურ დედებში გამოყენებისას.

ზეგავლენა მანქანების ტარების და გამოყენების უნარზე

პაციენტებისთვის, რომლებსაც აპლიკაციის შემდეგ დროებით ეკარგებათ მხედველობის სიმახვილე, არ არის რეკომენდირებული მანქანის ტარება ან რთულ ტექნიკასთან, დაზგებთან ან რომელიმე რთულ მოწყობილობებთან მუშაობა, რაც საჭიროებს მკაფიო მხედველობას ჩაწვეთებისთანავე.

შენახვის ვადა

2 წელი. ნუ გამოიყენებთ შეფუთვაზე მითითებული ვარგისიანობის ვადის გასვლის შემდეგ.

შენახვის პირობები

ინახება 15-30ºC ტემპერატურაზე სინათლისაგან დაცულ და ბავშვებისათვის მიუწვდომელ ადგილას. 

გამოშვების ფორმა

10 მლ პოლიეთილენის ფლაკონ-საწვეთურში.

აფთიაქიდან გაცემის პირობები

ფარმაცევტული პროდუქტის ჯგუფი: III, გაიცემა რეცეპტის გარეშე

მწარმოებელი

დახურული სააქციო საზოგადოება “ლიქვორი”, სასომხეთი