Senadexin - სენადექსინი 10 ტაბლეტი

ფარმაკოთერაპიული ჯგუფი: პერისტალტიკის გამაძლიერებელი საფაღარათო საშუალება.

პარასამკურნალო საშუალება

ტაბლეტები

საერთაშორისო არაპატენტირებული სახელწოდება:  А და B სენოზიდები (Sennosides A and B).

შემადგენლობა: აქტიური ინგრედიენტი: სინამაქის (Cassia acutifolia) ფოთლების ექსტრაქტი (შეიცავს 20% A და B სენოზიდების კალციუმის მარილებს) --  0,07გ.

არააქტიური ინგრედიენტები: ლაქტოზა, სახამებელი (სიმინდის და კარტოფილის), პოვიდონი, ვანილინი, მეთილპარაბენი, ნატრიუმის ლაურილსულფატი, ტალკი, კალციუმის სტეარატი.

პარასამკურნალო საშუალება მზადდება სინამაქის (ალექსანდრიული ფოთოლი) ფოთლების (Cassia angustifolia Vahl.; Cassia acutifolia Del.; ojaxi – Fabaceae) საფუძველზე. 

მცენარის ფოთლები შეიცავს ანტრაგლიკოზიდებს: A და B სენოზიდებს და სხვა ანტრაცენწარმოებულებს: რეინს, ალოე-ემოდინს; ფლავონურ გლიკოზიდებს - იზორამნეტინს, კემპფეროლს, კემპფერინს, ორგანულ მჟავებს (ლინოლის, სტეარინის, პალმიტინის და სხვ.), ფიტოსტერინს, ფიტოსტეროლინს, პოლისაქარიდებს და ალკალოიდების კვალს.  

ფარმაკოლოგიური მოქმედება: მცენარეული წარმოშობის საფაღარათო საშუალება (სინამაქის ფოთლების ანტრაგლიგოზიდების ჯამი) იწვევს ნაწლავების ლორწოვანი გარსის რეცეპტორების გაღიზიანებას, რეფლექტორულად აძლიერებს პერისტალტიკას (განსაკუთრებით - მსხვილი ნაწლავის), რაც განაპირობებს ნაწლავების უფრო სწრაფ დაცლას, მისი ნორმალური მუშაობის რიტმის აღდგენას. ხელს არ უშლის საჭმლის მონელებას. 

პრეპარატის მოქმედება იწყება მიღებიდან 8-12 სთ-ის შემდეგ.

ჩვენებები: შეკრულობა (კუჭ-ნაწლავის ტრაქტის ჰიპოტონია და ატონია, მსხვილი ნაწლავის პერისტალტიკის მოდუნება, მათ შორის ოპერაციის შემდგომ პერიოდში, მშობიარობის შემდეგ). 

მიღების წესი და დოზირება: მიიღება პერორალურად.

მოზრდილები და ბავშვები 12 წლის ასაკის ზევით - 1 ან 2 ტაბლეტი საღამოს ძილის წინ. ეფექტის არარსებობის შემთხვევაში რამდენიმე დღის შემდეგ შესაძლებელია დოზის გაზრდა 2-3 ტაბლეტამდე ერთ მიღებაზე. 

1-დან 6-წლამდე ასაკის ბავშვები: მოზრდილთა დოზის ერთი მესამედი ერთჯერად მიღებაზე საღამოს, ძილის წინ;

6-დან 12 წლამდე ასაკის ბავშვები: მოზრდილთა დოზის ნახევარი ერთჯერად მიღებაზე საღამოს, ძილის წინ;

უკუჩვენებები: მომატებული მგრძნობელობა პრეპარატში შემავალი კომპონენტების მიმართ, ნაწლავების გაუვალობა, ჩაჭედილი თიაქარი, მუცლის ღრუს ორგანოების მწვავე ანთებითი დაავადებები, პერიტონიტი, სისხლდენა კუჭ-ნაწლავის ტრაქტიდან, მეტრორაგია, ცისტიტი, სპასტიური კოლიტი, წყალ-მარილოვანი ცვლის დარღვევა. 

ყურადღება: სიფრთხილით ინიშნება – ორსულობისა და ლაქტაციის პერიოდში, 6 წლამდე ასაკის ბავშვებში, ღვიძლის და/ან თირკმლების უკმარისობისას; ოპერაციის შემდგომ პერიოდში.

გვერდითი მოვლენები: პრეპარატის საფაღარათო მოქმედებას შესაძლოა თან ახლდეს მუცლის ჭვალისმაგვარი ტკივილი. დოზის გადაჭარბების დროს ვითარდება გაძლიერებული აირწარმოქმნა ნაწლავებში და ფაღარათი. ასეთ შემთხვევებში საჭიროა დოზის შემცირება ან პრეპარატის მიღების შეწყვეტა. 

განსაკუთრებული მითითებები: პრეპარატით მკურნალობის დროს შარდის შეფერილობა ხდება მოყვითალო-ყავისფერი ან მოწითალო-იისფერი. ამან არ უნდა გამოიწვიოს შეშფოთება: რადგან შარდის ბუნებრივი ფერი აღდგება პრეპარატის მიღების შეწყვეტის შემდეგ. 

ურთიერთქმედება სხვა პეპარატებთან: ხელს უშლის ტეტრაციკლინების აბსორბციას.

გამოშვების ფორმა: 10 ტაბლეტი პვქ/ალუ ბლისტერზე. 

გაცემის წესი: ფარმაცევტული პროდუქტის ჯგუფი III - გაიცემა რეცეპტის გარეშე.

შენახვის პირობები: ინახება მშრალ, გრილ ადგილას.

აკრძალულია პრეპარატის გამოყენება პრეპარატის ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში.

ვარგისიანობის ვადა: 3 წელი.