Senadexin - სენადექსინი 50 ტაბლეტი

სენადექსინი
ერთი ტაბლეტის შემადგენლობა
აქტიური ინგრედიენტი:
სინამაქის ფოთლების ექსტრაქტი,
რომელიც შეიცავს 20% А და В
კალციუმის სენოზიდების ჯამს - 0,07 გ
არააქტიური ინგრედიენტები:
რძის შაქარი, სიმინდის სახამებელი, სტეარინის მჟავა, ნიპაგინი, ვანილინი, ტალკი, მაგნიუმის სტეარატი.

აღწერილობა
ყავისფერი ტაბლეტები ჩანართებით, დამახასიათებელი ვანილინის სუნით.

ფარმაკოთერაპიული ჯგუფი
საფაღარათო საშუალება.
ათქ კოდი: A06AB06

ფარმაკოლოგიური თვისებები
მცენარეული წარმოშობის საფაღარათო საშუალება. იწვევს ნაწლავების ლორწოვანი გარსის რეცეპტორების გაღიზიანებას, რეფლექტორულად აძლიერებს პერისტალტიკას (განსაკუთრებით – მსხვილი ნაწლავის), რაც განაპირობებს ნაწლავების უფრო სწრაფ დაცლას. პრეპარატის მოქმედება იწყება მიღებიდან 8-12 სთ-ის შემდეგ.

ჩვენება
სხვადასხვა ეთიოლოგიის ყაბზობა (კუჭ-ნაწლავის ტრაქტის ჰიპოტონია და ატონია, მსხვილი ნაწლავის პერისტალტიკის მოდუნება); რენტგენოლოგიური გამოკვლევისათვის მომზადება.

მიღების წესი და დოზირება
მიიღება პერორალურად. მოზრდილები და ბავშვები 12 წლის ასაკის ზევით – 1 ან 2 ტაბლეტი საღამოს ძილის წინ. ეფექტის არარსებობის შემთხვევაში რამდენიმე დღის შემდეგ შესაძლებელია დოზის გაზრდა 2-3 ტაბლეტამდე ერთ მიღებაზე.
6-დან 12 წლამდე ასაკის ბავშვები: მოზრდილთა დოზის ნახევარი ერთჯერად მიღებაზე საღამოს, ძილის წინ.

გვერდითი მოვლენები
ჭვალისმაგვარი მუცლის ტკივილები, ენტეროკოლიტი, მეტეორიზმი, გულისრევის შეგრძნება, პირღებინება; პრეპატატის ხანგრძლივმა გამოყენებამ შეიძლება გამოიწვიოს დიარეა მეტაბოლური დარღვევებით.

უკუჩვენება
ჰიპერმგრძნობელობა, ნაწლავური გაუვალობა, სპასტიკური კოლიტი, აპენდიციტი, მწვავე ანთებითი დაავადებები მუცლის არეში, პერიტონიტი, ცისტიტი, სპასტიკური ყაბზობა.

სიფრთხილით ინიშნება ღვიძის და/ან თირკმლების უკმარისობისას; 6 წლამდე ასაკის ბავშვებში.

განსაკუთრებული მითითება
რეკომენდებული არ არის პრეპარატის მიღება 2 კვირაზე მეტი ხნის განმავლობაში.
პრეპარატით მკურნალობის დროს შარდის შეფერილობა ხდება მოყვითალო-ყავისფერი ან მოწითალო-ყავისფერი.

ორსულობა და ლაქტაციის პერიოდი
სიფრთხილით ინიშნება ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან
ხელს უშლის ტეტრაციკლინების აბსორბციას.

გამოშვების ფორმა
10 ტაბლეტი ალ/პვქ ბლისტერში.
5 ბლისტერი მუყაოს კოლოფში გამოყენების ინსტრუქციასთან ერთად.
შენახვის პირობები
მშრალ და ბავშვებისათვის მიუწვდომელ ადგილას, არაუმეტეს 25С ტემპერატურაზე.

ვარგისობის ვადა
3 წელი.
აკრძალულია პრეპარატის გამოყენება შეფუთვაზე აღნიშნული ვადის გასვლის შემდეგ.

გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე