Dicloberl - დიკლობერლი 75მგ/3მლ 5 ამპულა

დიკლობერლი^® N75

75 მგ/3 მლ, საინექციო ხსნარი

ნატრიუმის დიკლოფენაკი

მოცემული სამკურნალო საშუალების გამოყენების დაწყებამდე ყურადღებით წაიკითხეთ სრული ჩანართი, რადგან ის შეიცავს თქვენთვის მნიშვნელოვან ინფორმაციას . - შეინახეთ მოცემული ჩანართი. შეიძლება, კვლავ დაგჭირდეთ მისი გადაკითხვა. - თუ დამატებითი კითხვები გაგიჩნდათ, მიმართეთ თქვენს ექიმს ან ფარმაცევტს. - მოცემული პრეპარატი გამოწერილია მხოლოდ თქვენთვის. არ გადასცეთ ის სხვა პირებს. ეს შესაძლოა, საზიანო აღმოჩნდეს მათთვის იმ შემთხვევაშიც კი, თუ მათი დაავადების ნიშნები თქვენსას ემთხვევა. - რომელიმე გვერდითი მოქმედების გამოვლენის შემთხვევაში მიმართეთ თქვენს ექიმს ან ფარმაცევტს. ეს ასევე ეხება ნებისმიერი შესაძლო გვერდითი მოქმედების გამოვლენას, რომელიც არ არის მითითებული წინამდებარე ჩანართში. იხ. პარაგრაფი 4.

მოცემული ჩანართის შინაარსი

1. რას წარმოადგენს დიკლობერლი ^® N75 და რისთვის გამოიყენება

2. რა უნდა იცოდეთ პრეპარატ დიკლობერლი ^® N75-ის გამოყენებამდე

3. როგორ გამოიყენება პრეპარატი დიკლობერლი ^® N75

4. შესაძლო გვერდითი მოქმედება

5. პრეპარატ დიკლობერლი ^® N75-ის შენახვის პირობები

6. შეფუთვის შემადგენლობა და დამატებითი ინფორმაცია

1.რას წარმოადგენს დიკლობერლი^®N75 და რისთვის გამოიყენება

ნივთიერება,თერაპიული ჯგუფი ან მოქმედების მექანიზმი

პრეპარატი დიკლობერლი ^® N75 არის ანთების საწინააღმდეგო და ტკივილგამაყუჩებელი სამკურნალო საშუალება (არასტეროიდული ანთების საწინააღმდეგო სამკურნალო საშუალება/ანტირევმატული საშუალება, (აასს)).

გამოყენება

მწვავე ინტენსიური ტკივილის სიმპტომური მკურნალობა, რომელიც გამოწვეულია შემდეგი მდგომარეობებით:

- სახსრების მწვავე ანთება (მწვავე ართრიტი), პოდაგრის შეტევების ჩათვლით

- სახსრების ქრონიკული ანთებითი პროცესები (ქრონიკული ართრიტი), კერძოდ, რევმატოიდული ართრიტი (ქრონიკული პოლიართრიტი)

- ბეხტერევის დაავადება (მაანკილოზებელი სპონდილიტი) და ხერხემლის სხვა ანთებითი და რევმატული დაავადებები

- გაღიზიანების მოვლენები სახსრებისა და ხერხემლის დეგენერაციული დაავადებების დროს (ართროზი და სპონდილოართროზი);

- რბილი ქსოვილების დაზიანებით მიმდინარე ანთებითი პროცესები რევმატული დაავადებების დროს

- ტკივილის სინდრომით მიმდინარე შეშუპებება ან პოსტტრავმული ანთებითი პროცესები

პრეპარატი დიკლობერლი ^® N 75 ნაჩვენებია მოზრდილებში გამოსაყენებლად.

მითითება: საინექციო ხსნარი გამოიყენება მხოლოდ იმ შემთხვევაში, როდესაც საჭიროა მოქმედების დაწყების განსაკუთრებული სისწრაფე ან შეუძლებელია პერორალური ფორმით მიღება ან სუპოზიტორიის გამოყენება. ასეთ შემთხვევაში, უნდა გაკეთდეს ერთჯერადი ინექცია მკურნალობის დაწყების მიზნით.

მიმართეთ ექიმს, თუ მდგომარეობა არ გაუმჯობესდა ან გრძნობთ მდგომარეობის გაუარესებას.

ასევე, იხილეთ : Naclofen - ნაკლოფენი (დიკლოფენაკი) 75მგ/3მლ. 5 ამპულა

2.რა უნდა იცოდეთ პრეპარატ დიკლობერლი^®N75-ის გამოყენებამდე

არ მიიღოთ პრეპარატი დიკლობერლი^® N75

- თუ გაქვთ ალერგია დიკლოფენაკის ან მოცემული პრეპარატის ნებისმიერი სხვა კომპონენტების მიმართ (მითითებულია პარაგრაფში 6);

- თუ აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიღების შემდეგ წარსულში ადგილი ჰქონდა სუნთქვის გაძნელებას (ბრონქოსპაზმი), ასთმის შეტევებს, ტკივილს გულ-მკერდის არეში, ცხვირის ლორწოვანი გარსის შეშუპებას ან რეაქციებს კანის მხრივ;

- გაურკვეველი მიზეზით სისხლის წარმოქმნის დარღვევების დროს;

- თუ ამჟამად გაქვთ კუჭის ან ნაწლავის წყლული სისხლდენით ან პერფორაციით (აღნიშნულს შეიძლება თან ახლდეს სისხლიანი ღებინება, სისხლდენა დეფეკაციის დროს, ახალი სისხლი განავალში ან შავი კუპრისებრი განავალი);

- ამჟამად ან წარშულში კუჭის/თორმეტგოჯა ნაწლავის წყლულის (პეპტიური წყლული) ან სისხლდენის (დადასტურებული წყლულის ან სისხლდენის ორი ან მეტი ერთმანეთისგან დამოუკიდებელი ეპიზოდი) განმეორებითი შემთხვევების დროს;

- წარსულში კუჭ-ნაწლავის ტრაქტიდან სისხლდენის ან წყლულის პერფორაციის არსებობისას, რომლებიც დაკავშირებულია არასტეროიდული ანთების საწინააღმდეგო საშუალებების მიღებასთან;

- თავის ტვინში სისხლჩაქცევის (ცერებროვასკულური სისხლდენა) ან ამჟამად არსებული სხვა სისხლდენის შემთხვევაში;

- თირკმელების ან ღვიძლის ფუნქციის მძიმე დარღვევების შემთხვევაში;

- თუ გაქვთ გულის დიაგნოსტირებული დაავადება ან/და თავის ტვინის სისხლძარღვების დაავადება, მაგალითად, თუ გადატანილი გაქვთ მიოკარდიუმის ინფარქტი, ინსულტი, მიკრო ინსულტი (ტრანზიტორული იშემიური შეტევა), გულის ან თავის ტვინის სისხლძარღვების შეგუბება ან ამ შეგუბების აღმოსაფხვრელად ჩატარებული ოპერაცია, ან შეგუბებული სისხლძარღვის შუნტირება;

- თუ ამჟამად გაქვთ ან წარსულში გქონდათ სისხლის მიმოქცევის დარღვევები (პერიფერიული არტერიების დაავადება);

- ორსულობის ბოლო სამი თვე;

- ბავშვებსა და 18 წლამდე ასაკის მოზარდებში, პრეპარატში მოქმედი ნივთიერების ძალიან მაღალი შემცველობის გამო.

გაფრთხილება და სიფრთხილის ზომები

ქვემოთ წარმოდგენილია სიტუაციები, როდესაც პრეპარატ დიკლობერლი ^® N75-ის გამოყენება შეიძლება მხოლოდ გარკვეული პირობების (მაგალითად, პრეპარატის მიღებებს შორის ინტერვალის გაზრდა ან დოზის შემცირება და ექიმის დაკვირვება) და სიფრთხილის განსაკუთრებული ზომების დაცვით. ამ საკითხზე კონსულტაციისთვის მიმართეთ მკურნალ ექიმს. ეს ასევე მნიშვნელოვანია იმ შემთხვევაშიც, თუ აღნიშნული მდგომარეობები აღინიშნებოდა წარსულში.

პრეპარატ დიკლობერლი ^® N75-ის გამოყენებამდე კონსულტაციისთვის მიმართეთ ექიმს ან ფარმაცევტს.

ზოგადი ინფორმაცია

მოერიდეთ პრეპარატ დიკლობერლი ^® N75-ის და აასს-ის ერთდროულად მიღებას, ე.წ. ცოგ-2-ის ინჰიბიტორების (ციკლოოქსიგენაზა-2-ის სელექციური ინჰიბიტორების) ჩათვლით, რადგან არ არის ეფექტის გაძლიერების რაიმე მტკიცებულება და შესაძლებელია გვერდითი მოქმედებები გახშირდეს ან დამძიმდეს.

გვერდითი მოქმედების მინიმუმამდე შემცირება შესაძლებელია პრეპარატის უმცირესი ეფექტიანი დოზის ხანმოკლე დროის განმავლობაში მიღებით, რაც აუცილებელია სიმპტომების მოსახსნელად (იხ. პარაგრაფი 3 „როგორ გამოიყენება პრეპარატი დიკლობერლი ^® N75“).

კუჭ-ნაწლავისტრაქტიდანსისხლდენა,წყლულის განვითარებადაპერფორაცია

არსებობს მონაცემები ყველა აასს-ის მიღებისას კუჭ-ნაწლავის ტრაქტიდან სისხლდენის, წყლულის განვითარებისა და პერფორაციის შესახებ, რომლებიც შეიძლება საფრთხეს წარმოადგენდეს სიცოცხლისთვის და განვითარდეს მკურნალობის ნებისმიერ ეტაპზე, მიმანიშნებელი სიმპტომებით ან მათი გამოვლენის გარეშე, და არ არის დამოკიდებული ანამნეზში კუჭ-ნაწლავის ტრაქტის სერიოზული შემთხვევების არსებობაზე.

წარსულში წყლულის მქონე პაციენტებში, განსაკუთრებით გართულებული სისხლდენით ან პერფორაციით, ასევე ხანდაზმულ პაციენტებში, კუჭ-ნაწლავის ტრაქტიდან სისხლდენის, წყლულისა და პერფორაციის განვითარების რისკი იზრდება აასს-ის დოზის გაზრდის შემთხვევაში. ასეთი პაციენტების მკურნალობის დაწყება და გაგრძელება, რეკომენდებულია რაც შეიძლება დაბალი დოზებით.

ასეთი პაციენტებისთვის, აგრეთვე მათთვის, ვისაც ესაჭიროება თანმხლები თერაპია აცეტილსალიცილის მჟავას (ასმ) დაბალი დოზებით ან სხვა პრეპარატებით, რომლებიც ზრდის კუჭ-ნაწლავის ტრაქტის მხრივ გართულების რისკს, აუცილებელია განხილული იქნას კუჭის დამცავი საშუალებებით, მაგალითად, მიზოპროსტოლით ან პროტონული ტუმბოს ინჰიბიტორებით, კომბინირებული თერაპიის დანიშვნის შესაძლებლობა.

თუ წარსულში გქონდათ გვერდითი მოქმედება კუჭ-ნაწლავის ტრაქტის მხრივ, განსაკუთრებით, თუ ხართ ხანდაზმული, ექიმს უნდა აცნობოთ ყველა უჩვეულო სიმპტომის შესახებ მუცლის ღრუს ორგანოების მხრივ (პირველ რიგში, კუჭ-ნაწლავის ტრაქტიდან სისხლდენის შესახებ), განსაკუთრებით მკურნალობის საწყის ეტაპზე.

რეკომენდებულია სიფრთხილის ზომების დაცვა, თუ ერთდროულად იღებთ პრეპარატებს, რომლებმაც შესაძლოა გაზარდოს წყლულის ან სისხლდენის განვითარების რისკი, მაგალითად, სისტემური კორტიკოსტეროიდები, სისხლის შედედების დამთრგუნველი ისეთი პრეპარატები, როგორიცაა ვარფარინი, სეროტონინის უკუმიტაცების სელექციური ინჰიბიტორები, რომლებიც, სხვა პრეპარატებთან ერთად, გამოიყენება განწყობის დათრგუნვის დროს, ან თრომბოციტების აგრეგაციის ინჰიბიტორები, როგორიცაა აცეტილსალიცილის მჟავა (იხ. პარაგრაფი 2 „სხვა სამკურნალო საშუალებები და პრეპარატი დიკლობერლი ^® N75“).

პრეპარატ დიკლობერლი ^® N75-ით მკურნალობისას კუჭ-ნაწლავიდან სისხლდენის ან წყლულის განვითარების შემთხვევაში, პრეპარატის მიღება უნდა შეწყდეს. საჭიროა პაციენტის ინფორმირება იმის შესახებ, რომ მუცლის ზედა არეში ძლიერი ტკივილის, შავი (კუპრისებრი) განავალის და სისხლიანი ღებინების გამოვლენის შემთხვევაში შეწყვიტოს პრეპარატის მიღება და დაუყოვნებლივ მიმართოს ექიმს (იხ. პარაგრაფი 4 „შესაძლო გვერდითი მოქმედება“).

კუჭ-ნაწლავის ტრაქტის მხრივ დარღვევების მიმანიშნებელი სიმპტომების, ანამნეზში კუჭის ან ნაწლავის წყლულის, სისხლდენის ან პერფორაციის მქონე პაციენტების, ან წარსულში კუჭ-ნაწლავის ტრაქტის დაავადებების (წყლულოვანი კოლიტი, კრონის დაავადება) მქონე ავადმყოფების აასს-ით მკურნალობა საჭიროა სიფრთხილით და საგულდაგულო საექიმო დაკვირვებით, რადგან ასეთი პაციენტების მდგომარეობა შეიძლება გაუარესდეს (იხ. პარაგრაფი 4 „შესაძლო გვერდითი მოქმედება“).

თუ ახლახანს ჩაგიტარდათ ოპერაცია კუჭზე ან ნაწლავზე ან გეგმავთ მის ჩატარებას, პრეპარატ დიკლობერლი ^® N75-ის გამოყენებამდე აცნობეთ ამის შესახებ თქვენს ექიმს, რადგან პრეპარატ დიკლობერლი ^® N75-ს ზოგჯერ შეუძლია გაართულოს კუჭ-ნაწლავის ტრაქტზე ოპერაციის შემდგომი ჭრილობის შეხორცება.

ზე მოქმედება გულ-სისხლძარღვთა სისტემაზე

ისეთი მედიკამენტების გამოყენება, როგორიცაა პრეპარატი დიკლობერლი ^® N75, შეიძლება დაკავშირებული იყოს გულის შეტევის (მიოკარდიუმის ინფარქტის) ან ინსულტის განვითარების რისკის გაზრდასთან.

პრეპარატ დიკლობერლი ^® N75-ის მიღების დაწყებამდე დარწმუნდით, რომ თქვენი მკურნალი ექიმი ინფორმირებულია შემდეგი გარემოებების შესახებ:

- თუ ეწევით

- თუ გაქვთ შაქრიანი დიაბეტი

- თუ გაქვთ სტენოკარდია, თრომბოზი, მომატებული არტერიული წნევა, ქოლესტერინის ან ტრიგლიცერიდების მომატებული დონე

გვერდითი მოქმედების მინიმუმამდე შემცირება შესაძლებელია პრეპარატის უმცირესი ეფექტიანი დოზის რაც შეიძლება ხანმოკლე დროის განმავლობაში მიღების გზით. თუ გაქვთ გულის პრობლემები ან გადატანილი გაქვთ ინსულტი, მკურნალობასთან დაკავშირებულ საკითხზე მიმართეთ თქვენს ექიმს ან ფარმაცევტს.

კანის რეაქციები

ცნობილია, რომ აასს-ის გამოყენება დაკავშირებული იყო კანის მძიმე რეაქციების ძალიან იშვიათ შემთხვევებთან კანის გაწითლებით და ბუშტუკების წარმოქმნით, ზოგჯერ ლეტალური გამოსავლით (ექსფოლიაციური დერმატიტი, სტივენს-ჯონსონის სინდრომი და ტოქსიკური ეპიდერმული ნეკროლიზი/ლაიელის სინდრომი) (იხ. პარაგრაფი 4 „შესაძლო გვერდითი მოქმედება“). როგორც ჩანს, კანის რეაქციების განვითარების რისკი მკურნალობის დასაწყისში უფრო მაღალია, რადგან, უმეტეს შემთხვევაში, ასეთი რეაქციები ვითარდება მკურნალობის დაწყებიდან პირველი თვის განმავლობაში. კანზე გამონაყარის, ლორწოვანი გარსების (მაგალითად, პირის ღრუს ან ცხვირის) დაზიანების პირველი ნიშნების ან მომატებული მგრძნობელობის რეაქციის სხვა სიმპტომების შემთხვევაში შეწყვიტეთ პრეპარატ დიკლობერლი ^® N75-ის მიღება და დაუყოვნებლივ მიმართეთ ექიმს.

ზემოქმედება ღვიძლის ფუნქციაზე

ღვიძლის ფუნქციის დარღვევის მქონე პაციენტებში პრეპარატის გამოყენების დაწყებამდე საჭიროა სიფრთხილის ზომების დაცვა (რჩევისთვის მიმართეთ ექიმს ან ფარმაცევტს), რადგან მათი მდგომარეობა დიკლოფენაკით მკურნალობისას შეიძლება გაუარესდეს. როგორც სხვა აასს-ის შემთხვევაში, დიკლოფენაკის მიღებისას შეიძლება გაიზარდოს ღვიძლის ერთი ან რამდენიმე ფერმენტის დონე. სიფრთხილის ზომის სახით, დიკლოფენაკით ხანგრძლივი მკურნალობისას ან მისი მრავალჯერადი მიღების შემთხვევაში რეკომენდებულია ღვიძლის ფუნქციის რეგულარული კონტროლი. ღვიძლის ფუნქციის დარღვევების კლინიკური სიმპტომების გამოვლენის შემთხვევაში პრეპარატ დიკლობერლი ^® N75-ით მკურნალობა დაუყოვნებლივ უნდა შეწყდეს.

დიკლოფენაკის გამოყენებისას შეიძლება განვითარდეს ჰეპატიტი მიმანიშნებელი სიმპტომების გარეშე.

ღვიძლის პორფირიის მქონე პაციენტებში (სისხლის წარმოქმნის დარღვევებით მიმდინარე დაავადება) პრეპარატ დიკლობერლი ^® N75-ის გამოყენებისას საჭიროა სიფრთხილის ზომების დაცვა, რადგან აღნიშნულმა შეიძლება გამოიწვიოს დაავადების გამწვავება.

ზემოქმედებათირკმელების ფუნქციაზე

რადგან აასს-ის, მათ შორის დიკლოფენაკის გამოყენების ურთიერთკავშირის დროს ცნობილია სითხის შეკავების და შეშუპების განვითარების შესახებ, ამიტომ საჭიროა სიფრთხილის განსაკუთრებული ზომების დაცვა მისი დანიშვნისას პაციენტებში თირკმელების ფუნქციის დარღვევებით, ანამნეზში არტერიული ჰიპერტენზიით, ხანდაზმულ პირებში, პაციენტებში, რომლებიც იღებენ კომბინირებულ მკურნალობას დიურეზულებით ან თირკმელების ფუნქციის მნიშვნელოვნად დამაქვეითებელი პრეპარატებით, აგრეთვე, პაციენტებში ნებისმიერი გენეზის უჯრედგარე სითხის მოცულობის გამოხატული შემცირებით, მაგალითად, მნიშვნელოვანი ქირურგიული ჩარევის წინ ან შემდეგ. ამ შემთხვევაში, სიფრთხილის ზომის სახით დიკლოფენაკის გამოყენებისას რეკომენდებულია თირკმელების ფუნქციის კონტროლი. მკურნალობის შეწყვეტა, როგორც წესი, იწვევს მკურნალობამდე არსებული მდგომარეობის დაბრუნებას.

სხვამითითებები

პრეპარატი დიკლობერლი ^® N75 უნდა იქნას გამოყენებული მხოლოდ სარგებელისა და რისკის თანაფარდობის გულდასმით შეფასების შემდეგ:

• სისხლის წარმოქმნის გარკვეული თანდაყოლილი დარღვევებისას (მაგალითად, მწვავე გარდამავალი პორფირია);

· გარკვეული აუტოიმუნური დაავადებების დროს (სისტემური წითელი მგლურა და შერეული კოლაგენოზები).

განსაკუთრებით საგულდაგულო საექიმო მეთვალყურეობაა საჭირო შემდეგ შემთხვევებში:

· ალერგიის (მაგალითად, სხვა სამკურნალო საშუალებებზე გამოვლენილი კანის რეაქციები, ასთმა, ალერგია მტვერზე), ცხვირის ლორწოვანი გარსის ქრონიკული შეშუპების ან სასუნთქი გზების ქრონიკული დაავადებების დროს, რომლებიც მიმდინარეობს მათი შევიწროებით, ან სასუნთქი გზების ქრონიკული ინფექციების დროს, რადგან ამ შემთხვევაში იზრდება ალერგიული რეაქციების განვითარების რისკი.

ბრონქული ასთმის მქონე პაციენტებში დიკლოფენაკის პარენტერალური შეყვანის შემთხვევაში რეკომენდებულია განსაკუთრებული სიფრთხილე, რადგან შესაძლებელია სიმპტომების გამწვავება.

დიკლობერლი^®N75 არ უნდა იქნას შეყვანილი ანთების ან ინფექციის კერაში.

ჰიპერმგრძნობელობის მძიმე მწვავე რეაქციები (მაგალითად, ანაფილაქსიური შოკი) აღინიშნება იშვიათად. პრეპარატ დიკლობერლი ^® N75-ის გამოყენების შემდეგ განვითარებული ჰიპერმგრძნობელობის რეაქციის პირველი ნიშნების გამოვლენის შემთხვევაში მკურნალობა უნდა შეწყდეს. საჭირო სამედიცინო ღონისძიებები უნდა განხორციელდეს სპეციალისტების მიერ, განვითარებული სიმპტომების შესაბამისად.

დიკლოფენაკს შეუძლია დროებით დათრგუნოს თრომბოციტების აგრეგაცია. ამის გამო აუცილებელია სისხლის შედედების დარღვევების მქონე პაციენტების საგულდაგულო მეთვალყურეობა.

როგორც სხვა აასს-მა, დიკლოფენაკმა შეიძლება შენიღბოს ინფექციის სუბიექტური და ობიექტური სიმპტომები. პრეპარატ დიკლობერლი ^® N75-ით მკურნალობის დროს ინფექციის პირველი ნიშნების (მაგალითად, გაწითლება, შეშუპება, ტემპერატურის ადგილობრივი მომატება, ტკივილი, სხეულის ტემპერატურის მომატება) გამოვლენის ან მათი გაღრმავების შემთხვევაში დაუყოვნებლივ უნდა მიმართოთ ექიმს.

სისხლის შედედების დამთრგუნველი ან სისხლში შაქრის დონის დამწევი საშუალებების ერთდროულად მიღებისას, სიფრთხილის ზომის სახით საჭიროა სისხლის შედედების მაჩვენებლების ან სისხლში შაქრის დონის კონტროლი.

პრეპარატ დიკლობერლი ^® N75-ის ხანგრძლივი გამოყენებისას საჭიროა ღვიძლის და თირკმელების ფუნქციის რეგულარული კონტროლი, აგრეთვე სისხლის საერთო ანალიზის ჩატარება.

ქირურგიული ჩარევის წინ, პრეპარატ დიკლობერლი ^® N75-ის მიღების შესახებ აცნობეთ ექიმს ან სტომატოლოგს.

ტკივილგამაყუჩებელი საშუალებების ხანგრძლივი გამოყენებისას შეიძლება გამოვლინდეს თავის ტკივილი, რომლის მკურნალობა არ შეიძლება მათი დოზის გაზრდით. თუ პრეპარატ დიკლობერლი ^® N75-ის გამოყენების მიუხედავად, ხშირად გაწუხებთ თავის ტკივილი, რჩევისთვის მიმართეთ მკურნალ ექიმს.

ზოგადად, ტკივილგამაყუჩებელი საშუალებების ჩვეულმა მიღებამ, განსაკუთრებით რამდენიმე ტკივილგამაყუჩებელი მოქმედი ნივთიერების ერთდროულად გამოყენებამ, შეიძლება გამოიწვიოს თირკმელების შეუქცევადი დაზიანება თირკმელების უკმარისობის განვითარების რისკით (ანალგეზიური ნეფროპათია).

ბავშვები და მოზარდები

დიკლობერლი ^® N75 არ არის შესაფერისი ბავშვებსა და 18 წლამდე ასაკის მოზარდებში გამოსაყენებლად (იხ. პარაგრაფი 2 „არ მიიღოთ პრეპარატი დიკლობერლი ^® N75).

ხანდაზმული პირები

შესაძლო გვერდითი მოქმედების პროფილის გათვალისწინებით, ხანდაზმულ პირებში საჭიროა მათი ჯანმრთელობის მდგომარეობის განსაკუთრებით გულდასმით კონტროლის ჩატარება. ხანდაზმული პაციენტების მკურნალობისას , განსაკუთრებით თანმხლები დაავადებების არსებობასთან დაკავშირებით, საჭიროა სიფრთხილის ზომების დაცვა.

კერძოდ, რეკომენდებულია, ხანდაზმული ასაკის დასუსტებულ ან სხეულის დაბალი წონის მქონე პაციენტებს დაენიშნოთ პრეპარატის ყველაზე დაბალი ეფექტიანი დოზა. ხანდაზმულ პაციენტებში მომატებულია აასს-ის არასასურველი რეაქციების განვითარების სიხშირე, განსაკუთრებით ისეთების, როგორიცაა კუჭ-ნაწლავის ტრაქტიდან სისხლდენა, წყლულის და პერფორაციის განვითარება. ხანდაზმულ პაციენტებში ამ რეაქციებს კუჭ-ნაწლავის ტრაქტის მხრივ აქვს უფრო სერიოზული შედეგები და შეიძლება დასრულდეს ლეტალური შედეგით.

პრეპარატ დიკლობერლი^®N75-ის გამოყენება სხვა სამკურნალო საშუალებებთან ერთად

აცნობეთ მკურნალ ექიმს ან ფარმაცევტს, თუ იღებთ, ახლო წარსულში იღებდით ან შეიძლება მიგეღოთ ნებისმიერი სხვა სამკურნალო საშუალება.

სხვააასს(მათშორისასპირინი)დაკორტიკოსტეროიდები

პრეპარატ დიკლობერლი ^® N75-ის და არასტეროიდული ანთების საწინააღმდეგო საშუალებების ჯგუფის სხვა ანთების საწინააღმდეგო და ტკივილგამაყუჩებელი პრეპარატების ან გლუკოკორტიკოიდების (ანთების საწინააღმდეგო პრეპარატები ან პრეპარატები, რომლებიც გამოიყენება ჩანაცვლებითი ჰორმონალური თერაპიის სახით) ერთდროულად გამოყენებისას იზრდება კუჭ-ნაწლავის ტრაქტში წყლულის ან სისხლდენის განვითარების რისკი. დოკლოფენაკის მიღება რეკომენდებული არ არის სხვა აასს-თან ერთად.

დიგოქსინი,ფენიტოინი,ლითიუმის პრეპარატები

პრეპარატ დიკლობერლი ^® N75-ის და დიგოქსინის (გულის მუშაობის გამაძლიერებელი საშუალება), ფენიტოინის (საშუალება კრუნჩხვითი შეტევების სამკურნალოდ) ან ლითიუმის (ფსიქიკური აშლილობების სამკურნალო საშუალება) ერთდროულად გამოყენებისას შეიძლება გაიზარდოს სისხლში მათი კონცენტრაცია. აუცილებელია შრატში ლითიუმის დონის კონტროლი. რეკომენდებულია სისხლის შრატში დიგოქსინის და ფენიტოინის დონის კონტროლი.

დიურეზულები,ბეტა-ადრენობლოკერები,აგფინჰიბიტორებიდაანგიოტენზინიII რეცეპტორებისანტაგონისტები

დიკლობერლი ^® N75-ს შეუძლია დაასუსტოს შარდმდენი საშუალებების და არტერიული წნევის დამაქვეითებელი პრეპარატების (დიურეზულების და ჰიპოტენზიური პრეპარატების, მაგალითად ბეტა-ადრენობლოკერების, აგფ ინჰიბიტორების და ანგიოტენზინი II რეცეპტორების ანტაგონისტების) მოქმედება. ამიტომ, რეკომენდებულია არტერიული წნევის პერიოდული კონტროლი.

დიკლობერლი ^® N75-ს შეუძლია შეასუსტოს აგფ ინჰიბიტორების და ანგიოტენზინი II რეცეპტორების ანტაგონისტების (გულის უკმარისობის და მომატებული არტერიული წნევის სამკურნალო საშუალებები) მოქმედება. ამ პრეპარატების ერთდროული მიღების დროს თირკმელების მხრივ დარღვევების გაღრმავების რისკი შეიძლება გაიზარდოს. დარწმუნდით, რომ იღებთ საკმარისი რაოდენობის სითხეს და შემოწმებული იყო თირკმელების ფუნქციის მაჩვენებლები.

პრეპარატი დიკლობერლი ^® N75-ის და კალიუმის შემანარჩუნებელი შარდმდენი საშუალებების (გარკვეული სახეობის დიურეზულების) ერთდროულად მიღებისას შეიძლება გაიზარდოს სისხლში კალიუმის დონე. ამის გამო, რეკომენდებულია კალიუმის დონის ხშირი კონტროლი.

სეროტონინისუკუმიტაცებისსელექციურიინჰიბიტორები(სუსი )

გარკვეულმა ანტიდეპრესანტებმა (სეროტონინის უკუმიტაცების სელექციური ინჰიბიტორები [სუსი]) შეიძლება გაზარდოს კუჭ-ნაწლავიდან სისხლდენის და წყლულის განვითარების რისკი.

მეტოტრექსატი

მეტოტრექსატის (ზოგიერთი ანთებითი დაავადების ან კიბოს ზოგიერთი სახეობის სამკურნალო საშუალება) მიღებამდე ან მიღების შემდეგ 24 საათის განმავლობაში პრეპარატ დიკლობერლი ^® N75-ის მიღებამ შესაძლოა გამოიწვიოს სისხლში მეტოტრექსატის კონცენტრაციის მომატება და გააძლიეროს მისი გვერდითი მოქმედებები.

ციკლოსპორინი

არასტეროიდულმა ანთების საწინააღმდეგო საშუალებებმა (როგორიცაა, დიკლოფენაკი) შეიძლება გააძლიეროს თირკმელებზე ციკლოსპორინის (გამოიყენება ტრანსპლანტანტების მოშორების პროფილაქტიკისათვის, და აგრეთვე რევმატიზმის სამკურნალოდ) დამაზიანებელი მოქმედება. თქვენ უნდა მიიღოთ დიკლოფენაკის უფრო მცირე დოზა.

ანტიკოაგულანტებიდაანტიაგრეგანტები

არასტეროიდული ანთების საწინააღმდეგო საშუალებების ზემოქმედებით შეიძლება გაძლიერდეს თრომბოციტების აგრეგაციის დამთრგუნველი საშუალებების და ისეთი ანტიკოაგულანტების (გამოიყენება სისხლის შედედების პროფილაქტიკისთვის) მოქმედება, როგორიცაა ვარფარინი. საჭიროა უფრო ხშირი ვიზიტები ექიმთან.

პრობენეციდი

პრობენეციდის შემცველ პრეპარატებს (პოდაგრის სამკურნალო საშუალება) შეუძლია შეანელოს დიკლოფენაკის გამოყოფა. აღნიშნულმა შეიძლება გააძლიეროს დიკლოფენაკის გვერდითი მოქმედება.

დიაბეტის საწინააღმდეგო საშუალებები

სისხლში შაქრის დონის დამწევი (დიაბეტის საწინააღმდეგო) საშუალებებთან ერთად დიკლოფენაკის მიღებისას არსებობს ცალკეული ცნობები სისხლში შაქრის დონის შეცვლის შესახებ; ამ შემთხვევაში საჭირო გახდა დიაბეტის საწინააღმდეგო საშუალების დოზის კორექცია. ამიტომ, მათი ერთდროულად გამოყენების დროს, სიფრთხილის ზომის სახით, რეკომენდებულია სისხლში შაქრის დონის კონტროლი.

ქინოლონისრიგისანტიბაქტერიულისაშუალებები

ქინოლონების (გარკვეული ტიპის ანტიბიოტიკი) და არასტეროიდულ ანთების საწინააღმდეგო საშუალებების ერთდროულად გამოყენებისას შეიძლება განვითარდეს კრუნჩხვა.

კოლესტიპოლიდაქოლესტირამინი

მოცემულ საშუალებებს (სისხლის ლიპიდების დონის დამაქვეითებელი პრეპარატები) შეუძლია გაახანგრძლივოს ან დააქვეითოს ორგანიზმში დიკლოფენაკის შეწოვა. ამიტომ, პრეპარატ დიკლობერლი ^® N75-ის მიღება რეკომენდებულია კოლესტიპოლის/ქოლესტირამინის მიღებამდე სულ მცირე 1 საათით ადრე ან მისი მიღებიდან 4-6 საათის შემდეგ.

CYP2C9-ის ძლიერმოქმედი ინჰიბიტორები

დიკლოფენაკის ვორიკონაზოლთან (მძიმე სოკოვანი ინფექციების სამკურნალო საშუალება) და სულფინპირაზონთან (პოდაგრის სამკურნალო პრეპარატი) ერთდროულად გამოყენებისას შეიძლება გაიზარდოს სისხლში დიკლოფენაკის დონე. ეს შეიძლება იწვევდეს ორგანიზმში დიკლოფენაკის დაგროვებას და მისი გვერდითი მოქმედებების გაძლიერებას.

ტენოფოვირი:

აასს-თან (მაგალითად, დიკლოფენაკთან) ერთად ტენოფოვირის (სამკურნალო საშუალება, რომელიც გამოიყენება B ჰეპატიტის სამკურნალოდ ან აივ/შიდსის პროფილაქტიკისთვის ან სამკურნალოდ) გამოყენებისას შეიძლება გაიზარდოს სისხლში შარდოვანას და კრეატინინის (თირკმელების მუშაობის მაჩვენებლები) კონცენტრაცია. ამიტომ, ეფექტის შესაძლო გაძლიერების შესაფასებლად საჭიროა თირკმელების ფუნქციის კონტროლის ჩატარება.

დეფერასიროქსი

აასს-თან (მაგალითად, დიკლოფენაკთან) ერთად დეფერასიროქსის (სამკურნალო საშუალება, რომელიც ინიშნება სისხლის გარკვეული ტიპის ნაკლებობის მქონე პაციენტებში სისხლის ხანგრძლივი გადასხმის დროს) გამოყენებისას შეიძლება გაიზარდოს კუჭისა და ნაწლავის მხრივ გვერდითი მოვლენების რისკი. ამიტომ, დეფერასიროქსის აასს-თან კომბინირებული გამოყენების შემთხვევაში საჭიროა ექიმის დაკვირვება.

მიფეპრისტონი

გამოიყენება ორსულობის შეწყვეტისთვის.

პროსტაგლანდინსინთეტაზას ინჰიბიტორების მოქმედებით მიფეპრისტონის ეფექტიანობის შეცვლის თეორიული რისკის გათვალისწინებით, აასს არ უნდა დაინიშნოს მიფეპრისტონის შეყვანიდან 8-12 დღის განმავლობაში.

პემეტრექსედი

აასს-თან ერთად პემეტრექსედის გამოყენებისას შეიძლება გაძლიერდეს პემეტრექსედის მოქმედება; ამიტომ, აასს-ის მაღალი დოზების გამოყენებისას საჭიროა სიფრთხილის ზომების დაცვა.

პრეპარატ დიკლობერლი^®N75-ის მიღება ალკოჰოლთან ერთად

არ მიიღოთ ალკოჰოლი პრეპარატ დიკლობერლი ^® N75-ით მკურნალობის დროს.

ორსულობა,ძუძუთი კვება და შვილოსნობის ფუნქცია

თუ ხართ ორსულად ან ბავშვს ძუძუთი კვებავთ, ფიქრობთ, რომ ხართ ორსულად, ან გეგმავთ ორსულობას, ამ სამკურნალო საშუალების გამოყენებამდე კონსულტაციისთვის მიმართეთ თქვენს ექიმს ან ფარმაცევტს.

ორსულობა

პრეპარატ დიკლობერლი ^® N75-ით მკურნალობის დროს ორსულობის დადგენის შემთხვევაში აცნობეთ ექიმს. ორსულობის პირველი და მეორე ტრიმესტრის განმავლობაში დიკლობერლი ^® N75-ის გამოყენება შეიძლება მხოლოდ მკურნალ ექიმთან კონსულტაციის შემდეგ.

არ გამოიყენოთ პრეპარატი დიკლობერლი ^® N75 ორსულობის ბოლო სამ თვეში, რადგან აღნიშნულმა შეიძლება ზიანი მიაყენოს მომავალ ბავშვს ან გამოიწვიოს პრობლემები მშობიარობის დროს. პრეპარატმა შეიძლება გამოიწვიოს დარღვევები თირკმელებისა და გულის მხრივ თქვენს მომავალ ბავშვში. პრეპარატმა შეიძლება გავლენა მოახდინოს თქვენი და თქვენი ბავშვის სისხლდენისადმი მიდრეკილებაზე, ასევე გამოიწვიოს მშობიარობის დაყოვნება ან მოსალოდნელზე უფრო მეტად გაახანგრძლივოს ის. პრეპარატ დიკლობერლი ^® N75-ის მიღება არ არის რეკომენდებული ორსულობის პირველი ექვსი თვის განმავლობაში, გარდა იმ შემთხვევებისა, როდესაც ეს ძალიან აუცილებელია, ასევე თქვენი ექიმის რეკომენდაციით. თუ ამ შემთხვევაში ან დაორსულების მცდელობის პერიოდში თქვენთვის აუცილებელია ამ პრეპარატით მკურნალობა, საჭიროა მისი ყველაზე დაბალი დოზის გამოყენება მინიმალური დროის განმავლობაში.

ორსულობის მე-20 კვირიდან რამდენიმე დღეზე მეტი ხნით პრეპარატ დიკლობერლი ^® N75-ის მიღება თქვენს მომავალ ბავშვში შეიძლება იწვევდეს ბავშვის გარშემო არსებული ამნიონური სითხის დონის შემცირებას (მცირეწყლიანობა) ან ბავშვის გულში სისხლძარღვის (არტერიული სადინრის) შევიწროებას. თუ საჭიროა რამდენიმე დღეზე მეტი მკურნალობა, თქვენმა ექიმმა უნდა გირჩიოთ დამატებითი კონტროლი.

ძუძუთიკვება

როგორც სხვა აასს, დიკლოფენაკი უმნიშვნელო რაოდენობით გამოიყოფა დედის რძეში. ამიტომ, ჩვილზე გვერდითი მოქმედების თავიდან აცილების მიზნით, ძუძუთი კვების დროს დიკლოფენაკის გამოყენება არ შეიძლება.

შვილოსნობისფუნქცია

როგორც პროსტაგლანდინების სინთეზის დამთრგუნველ სხვა პრეპარატებს, დიკლობერლი ^® N75-ს შეუძლია გაართულოს ჩასახვა. აუცილებლად აცნობეთ მკურნალ ექიმს, თუ გეგმავთ ორსულობას ან გაქვთ დაორსულებასთან დაკავშირებული პრობლემები.

სატრანსპორტო საშუალებების მართვა და მექანიზმებთან მუშაობა

ვინაიდან პრეპარატ დიკლობერლი ^® N75-ის მაღალი დოზებით გამოყენებისას შეიძლება ადგილი ჰქონდეს ისეთ გვერდით მოვლენებს ცენტრალური ნერვული სისტემის მხრივ, როგორიცაა, დაღლილობის შეგრძნება და თავბრუსხვევა, შეიძლება შეიცვალოს რეაქცია, ხოლო ცალკეულ შემთხვევებში შემცირდეს საგზაო მოძრაობაში აქტიური მონაწილეობის და მექანიზმებთან მუშაობის უნარი. ეს დარღვევები განსაკუთრებით გამოხატულია პრეპარატის მიღებისას ალკოჰოლთან ერთად. ამ შემთხვევაში თქვენ კარგავთ მოულოდნელ სიტუაციებზე სწრაფი და ზუსტი რეაგირების უნარს. ასეთ შემთხვევებში არ მართოთ ავტომობილი ან სხვა სატრანსპორტო საშუალები! არ იმუშაოთ მექანიზმებთან ან ხელსაწყოებთან! არ იმუშაოთ არამყარი წონასწორობის პირობებში!

მითითება:

პრეპარატ დიკლობერლი ^® N75-ის შემადგენლობაში შემავალ პროპილენგლიკოლს შეუძლია გამოიწვიოს ისეთი სიმპტომები, რომლებიც ვლინდება ალკოჰოლის მიღების შემდეგ.

პრეპარატი დიკლობერლი^®N75 შეიცავს ბენზილის სპირტს,პროპილენგლიკოლს და ნატრიუმს

მოცემული პრეპარატი შეიცავს 105 მგ ბენზილის სპირტს ერთ ინექციაზე. ბენზილის სპირტმა შეიძლება გამოიწვიოს ალერგიული რეაქციები.

მოცემული პრეპარატის 1 მლ შეიცავს 200 მგ პროპილენგლიკოლს, რაც შეესაბამება 600 მგ-ს ერთ ინექციაზე.

მოცემული პრეპარატი შეიცავს 1 მმოლ-ზე (23 მგ) ნაკლებ ნატრიუმს ერთ ინექციაზე, ე.ი. შეიძლება ჩაითვალოს, რომ ის „პრაქტიკულად არ შეიცავს ნატრიუმს“.

3.როგორ გამოიყენება პრეპარატი დიკლობერლი^® N75

მოცემული პრეპარატი ყოველთვის გამოიყენეთ თქვენი ექიმის ან ფარმაცევტის დანიშნულების შესაბამისად. ეჭვის არსებობის შემთხვევაში, რჩევისთვის მიმართეთ მკურნალ ექიმს ან ფარმაცევტს.

რეკომენდებული დოზა

მოზრდილები:

პრეპარატ დიკლობერლი ^® N75-ით მკურნალობის დაწყება საჭიროა ერთჯერადი ინექციის სახით. მკურნალობის გაგრძელების მიზნით პრეპარატი ინიშნება პერორალური ან რექტალური სამკურნალწამლო ფორმით. ინექციის გაკეთების დღესაც კი ჯამური დოზა არ უნდა აჭარბებდეს 150 მგ-ს.

დიკლობერლი – ართრიტის მკურნალი პრეპარატი იხილეთ ბლოგი

გამოყენების წესი

პრეპარატი დიკლობერლი ^® N75 გამოიყენება დუნდულა კუნთში ღრმა ინექციისთვის (დუნდულა კუნთში). შესაძლებელია ანაფილაქსიური რეაქციების (მძიმე ალერგიული რეაქციები) განვითარება, ამიტომ საჭიროა პაციენტის მეთვალყურეობა სულ მცირე 1 საათის განმავლობაში.

მიმართეთ მკურნალ ექიმს, თუ ფიქრობთ, რომ პრეპარატ დიკლობერლი ^® N 75-ის მოქმედება ძალიან ძლიერია ან ძალიან სუსტია.

პრეპარატის გამოყენება

მითითება: ამპულების გამოყენება, რომლებსაც აქვთ გადატეხვის წერტილი .

არ საჭიროებს ქლიბის გამოყენებას!

დაიჭირეთ ამპულა გადატეხვის წერტილით ზემოთ ამპულის თავში არსებული ხსნარი მოაცილეთ ამპულაზე თითის დაკაკუნებით ან შენჯღრევით მიმართეთ ამპულის ფერადი წერტილი ზემოთ ქვემოთ მიმართული მოძრაობით გადატეხეთ ამპულის თავი.

 

თუ მიიღეთ პრეპარატ დიკლობერლი^®N75-ის საჭიროზე მეტი დოზა

დიკლოფენაკის დოზის გადაჭარბების ტიპიური კლინიკური სურათი არ არსებობს. დოზის გადაჭარბების სიმპტომები შეიძლება გამოიხატოს დარღვევებით ცენტრალური ნერვული სისტემის მხრივ, როგორიცაა თავის ტკივილი, თავბრუსხვევა, გულის წასვლის წინა მდგომარეობა და გულის წასვლა (ასევე მიოკლონური კრუნჩხვები ბავშვებში), ასევე მუცლის ტკივილით, გულისრევით და ღებინებით. გარდა ამისა, შესაძლოა განვითარდეს კუჭ-ნაწლავის ტრაქტიდან სისხლდენა და ღვიძლისა და თირკმელების ფუნქციის დარღვევა. აგრეთვე, შესაძლოა არტერიული წნევის დაცემა, სუნთქვის გაძნელება (სუნთქვის დათრგუნვა) და კანისა და ლორწოვანი გარსების მოლურჯო-მოწითალო შეფერილობა (ციანოზი).

სპეციფიკური ანტიდოტი არ არსებობს.

პრეპარატ დიკლობერლი ^® N75-ის დოზის გადაჭარბებაზე ეჭვის არსებობის შემთხვევაში მიმართეთ მკურნალ ექიმს. ის მიიღებს საჭირო ზომებს მოწამვლის სიმძიმის მიხედვით.

მოცემული პრეპარატის გამოყენების შესახებ დამატებითი კითხვების არსებობის შემთხვევაში მიმართეთ მკურნალ ექიმს ან ფარმაცევტს.

4 შესაძლო გვერდითი მოქმედება

როგორც ყველა სამკურნალო საშუალებას, მოცემულ პრეპარატსაც შეუძლია გამოიწვიოს გვერდითი მოქმედება, თუმცა ის არ ვლინდება ყველა პაციენტში.

ზოგიერთი გვერდითი მოქმედება შეიძლება იყოს სერიოზული. თუ შენიშნეთ ქვემოთ მოყვანილი გვერდითი მოქმედების განვითარება, აცნობეთ თქვენს ექიმს, რომელიც მიიღებს გადაწყვეტილებას საჭირო ზომების შესახებ.

გასათვალისწინებელია, რომ ქვემოთ ჩამოთვლილი არასასურველი სამკურნალწამლო რეაქციები ძირითადად დამოკიდებულია პრეპარატის დოზაზე და შეიძლება განსხვავდებოდეს ინდივიდუალურად.

ყველაზე ხშირია გვერდითი მოქმედება კუჭ-ნაწლავის ტრაქტის მხრივ.

განსაკუთრებით ხანდაზმულ პაციენტებში, შეიძლება განვითარდეს კუჭის/თორმეტგოჯა ნაწლავის წყლული (პეპტიური წყლული), პერფორაცია ან სისხლდენა კუჭ-ნაწლავის ტრაქტში, ზოგჯერ ლეტალური შედეგით (იხ. პარაგრაფი 2 „გაფრთხილება და სიფრთხილის ზომები”). არსებობს ცნობები იმის შესახებ, რომ პრეპარატის მიღების შემდეგ შეიძლება გამოვლინდეს გულისრევა, ღებინება, ფაღარათი, მეტეორიზმი, შეკრულობა, ჩივილები საჭმლის მონელების დარღვევაზე, ტკივილი მუცლის არეში, კუპრისებრი განავალი, სისხლიანი ღებინება, კუჭის ლორწოვანი გარსის ანთება (გასტრიტი), პირის ღრუს ლორწოვანი გარსის ანთება და წყლულები (წყლულოვანი სტომატიტი), წყლულოვანი კოლიტისა და კრონის დაავადების დამძიმება (იხ. პარაგრაფი 2 „გაფრთხილება და სიფრთხილის ზომები”). კუჭ-ნაწლავის ტრაქტში სისხლდენის განვითარების რისკი დამოკიდებულია პრეპარატის დოზაზე და გამოყენების ხანგრძლივობაზე.

შეწყვიტეთ პრეპარატ დიკლობერლი^®N75-ის მიღება,თუ შენიშნავთ, რომ:

გაქვთ სპაზმი და ზომიერი ინტენსივობის ტკივილის შეგრძნება მუცლის არეში, რომელიც გამოვლინდა პრეპარატ დიკლობერლი ^® N75-ის მიღების დაწყებისთანავე, რომლებსაც მუცლის ტკივილის გამოვლენიდან 24 საათის განმავლობაში თან ახლავს სისხლდენა სწორი ნაწლავიდან ან სისხლიანი ფაღარათი (სიხშირე უცნობია, არსებული მონაცემების საფუძველზე შეფასება შეუძლებელია).

დაუყოვნებლივ უნდა მიმართოთ მკურნალ ექიმს, თუ შენიშნავთ რომელიმე ქვემოთ მოყვანილი მოვლენის განვითარებას:

რეაქციები ინექციის ადგილზე, მათ შორის ტკივილი ინექციის ადგილზე, გაწითლება, შეშუპება, გამაგრება, წყლულები და სილურჯეების განვითარება. ეს შეიძლება იწვევდეს კანისა და კანქვეშა ქსოვილების გაშავებას და კვდომას ინექციის ადგილის გარშემო, რომლის შეხორცება მიმდინარეობს ნაწიბურების განვითარებით, რაც ასევე ცნობილია, როგორც ნიკოლაუს სინდრომი.

ტკივილი გულ-მკერდის არეში, რომელიც შეიძლება იყოს სერიოზული ალერგიული რეაქციის ნიშანი, სახელწოდებით კუნის სინდრომი.

აასს-ით მკურნალობის დროს ცნობილია ორგანიზმში სითხის დაგროვების (შეშუპება), არტერიული წნევის მომატების და გულის უკმარისობის შესახებ.

შეიძლება, არსებობს კავშირი დიკლობერლი ^® N75-ის მსგავსი პრეპარატების გამოყენებასა და არტერიული თრომბოზის და მისი შედეგების, მაგალითად გულის შეტევის (მიოკარდიუმის ინფარქტის) ან ინსულტის განვითარების რისკის მომატებას შორის (იხ. პარაგრაფში 2 პუნქტები „არ მიიღოთ პრეპარატი დიკლობერლი ^® N75” და „გაფრთხილება და სიფრთხილის ზომები“).

ხშირად: შეიძლება აღენიშნოს 10-დან 1 ადამიანს

- ჩივილები კუჭ-ნაწლავის ტრაქტის მხრივ, როგორიცაა გულისრევა, ღებინება და ფაღარათი, აგრეთვე, კუჭ-ნაწლავიდან უმნიშვნელო სისხლდენა, რომელმაც, ცალკეულ შემთხვევაში, შეიძლება გამოიწვიოს სისხლის წითელი სხეულების რაოდენობის შემცირება (ანემია)

- მომატებული მგრძნობელობის ისეთი რეაქციები, როგორიცაა კანზე გამონაყარი და კანის ქავილი

- დარღვევები ცენტრალური ნერვული სისტემის მხრივ, როგორიცაა თავის ტკივილი, თავბრუსხვევა, გონების დაკარგვის წინა მდგომარეობა, მოუსვენრობა (აგზნება), გაღიზიანებადობა ან დაღლილობის შეგრძნება

- საჭმლის მონელების დარღვევა (დისპეფსია), მუცლის შებერილობა (მეტეორიზმი), სპაზმები კუჭის არეში (ტკივილი მუცლის არეში), უმადობა, აგრეთვე წყლულები კუჭ-ნაწლავის ტრაქტში (ზოგჯერ სისხლდენით და პერფორაციით)

- სისხლში ღვიძლის ფერმენტების დონის მომატება

- თავბრუსხვევა

- რეაქციები შეყვანის ადგილზე, ტკივილი შეყვანის ადგილზე, გამაგრება შეყვანის ადგილზე.

ზოგჯერ: შეიძლება აღენიშნოს 100-დან 1 ადამიანს

- ჭინჭრის ციება

ასეთ შემთხვევაში დაუყოვნებლივ შეწყვიტეთ პრეპარატის გამოყენება და მიმართეთ ექიმს.

- სისხლიანი ღებინება, სისხლი განავალში ან სისხლიანი ფაღარათი

- ღვიძლის დაზიანება (განსაკუთრებით, ხანგრძლივი მკურნალობის დროს), ღვიძლის ანთება (ჰეპატიტი) სიყვითლით ან მის გარეშე, ცალკეულ შემთხვევაში ძალიან მძიმე [ელვისებური] მიმდინარეობით წინასწარი სიმპტომების გარეშეც)

- თმის ცვენა

- შეშუპება (ორგანიზმში სითხის დაგროვება), განსაკუთრებით პაციენტებში მომატებული არტერიული წნევით ან თირკმელების ფუნქციის დარღვევით

იშვიათად: შეიძლება აღენიშნოს 1000-დან 1 ადამიანს

- მომატებული მგრძნობელობის რეაქციები, ანაფილაქსიური და ანაფილაქტოიდური რეაქციები, რომლებიც შეიძლება გამოვლინდეს სასუნთქი გზების შევიწროების, ჰაერის უკმარისობის გრძნობის (რესპირატორული დისტრესი), გულისცემის აჩქარების, არტერიული წნევის დაცემის (ჰიპოტენზია) და შოკის სახით

- კუჭის ლორწოვანი გარსის ანთება (გასტრიტი), სისხლდენა კუჭ-ნაწლავიდან (ჰემორაგია)

- დარღვევები ღვიძლის მხრივ

- ასთმა სუნთქვის გაძნელებით (ქოშინი)

- მომატებული მგრძნობელობის რეაქციები ბენზილის სპირტზე

ძალიან იშვიათად: შეიძლება აღენიშნოს 10 000-დან 1 ადამიანს

- ანთების საწინააღმდეგო გარკვეული საშუალებების გამოყენებისას (არასტეროიდული ანთების საწინააღმდეგო საშუალებების, რომლებსაც აგრეთვე მიეკუთვნება დიკლობერლი ^® N75) აღწერილია ინფექციური ანთებითი პროცესების გამწვავების შემთხვევები (მაგალითად, მანეკროზებელი ფასციიტის განვითარება).

პრეპარატ დიკლობერლი ^® N75-ის გამოყენების დროს ინფექციის პირველი ნიშნების გამოვლენისას (მაგალითად, გაწითლება, შეშუპება, ტემპერატურის ადგილობრივი მომატება, ტკივილი, სხეულის ტემპერატურის მომატება) ან მათი გაღრმავების შემთხვევაში დაუყოვნებლივ უნდა მიმართოთ ექიმს. ის განსაზღვრავს ინფექციის საწინააღმდეგო თერაპიის ან ანტიბიოტიკებით მკურნალობის აუცილებლობას.

- დიკლოფენაკის გამოყენების დროს აღინიშნა მენინგიტის ისეთი სიმპტომები (ასეპტიური მენინგიტი), როგორიცაა თავის ტკივილი, გულისრევა, ღებინება, სხეულის ტემპერატურის მომატება, კისრის დაჭიმულობა ან ცნობიერების დაბინდვა. როგორც ჩანს, გარკვეული აუტოიმუნური დაავადებების მქონე პაციენტები (სისტემური წითელი მგლურა, შემაერთებელი ქსოვილის კომბინირებული დაავადება) წარმოადგენენ რისკის ჯგუფს.

- სისხლის წარმოქმნის დარღვევები (ანემია, ლეიკოპენია (სისხლში ლეიკოციტების რაოდენობის შემცირება), თრომბოციტოპენია (სისხლში თრომბოციტების რაოდენობის შემცირება), პანციტოპენია (ერითროციტების და ლეიკოციტების, ასევე თრომბოციტების რაოდენობის შემცირება), აგრანულოციტოზი (სისხლში ნეიტროფილების რაოდენობის კრიტიკული შემცირებით გამოწვეული მძიმე მდგომარეობა, რომელიც საფრთხეს წარმოადგენს სიცოცხლისთვის), ჰემოლიზური და აპლასტიური ანემია (სისხლის ნაკლებობა ერითროციტების დაჩქარებული დაშლის გამო)).

პირველი ნიშნები შეიძლება იყოს: სხეულის ტემპერატურის მომატება, ყელის ტკივილი, ეროზია პირის ღრუში, გრიპის მსგავსი სიმპტომები, გამოხატული დაღლილობა, სისხლდენა ცხვირიდან, სისხლჩაქცევა კანში.

ასეთ შემთხვევაში დაუყოვნებლივ შეწყვიტეთ ამ პრეპარატის შეყვანა და მიმართეთ ექიმს. ტკივილგამაყუჩებელი ან სიცხის დამწევი პრეპარატებით თვითმკურნალობა უკუნაჩვენებია.

პრეპარატით ხანგრძლივი მკურნალობის დროს საჭიროა სისხლის საერთო ანალიზის რეგულარულად განსაზღვრა.

- ანგიონევროზული შეშუპება (სახის, ენის ან ხმის აპარატის შესიება)

აღნიშნული რომელიმე სიმპტომის განვითარების შემთხვევაში, რომელიც შეიძლება გამოვლინდეს პრეპარატის პირველივე გამოყენებისას, შეწყვიტეთ დიკლოფენაკის გამოყენება და დაუყოვნებლივ მიმართეთ საექიმო დახმარებისთვის.

- აღინიშნა სისხლძარღვების (ვასკულიტი) და ფილტვების (პნევმონიტი) ალერგიული ხასიათის ანთების შემთხვევები

- ფსიქოზური რეაქციები, დეპრესია, შფოთვის შეგრძნება, უძილობა, კოშმარული სიზმრები

- მგრძნობელობის დარღვევები, გემოს აღქმის, მეხსიერების დარღვევები, დეზორიენტაცია, კრუნჩხვა, კანკალი, ინსულტი (ტვინში სისხლის მიმოქცევის დარღვევა)

- მხედველობის დარღვევა (არამკვეთრი მხედველობა და მხედველობის გაორება)

- ხმაური ყურებში, სმენის დარღვევა

- გახშირებული გულისცემა (გულისცემის შეგრძნება), ტკივილი გულ-მკერდის არეში, გულის კუნთის სისუსტე (გულის უკმარისობა), გულის შეტევა (მიოკარდიუმის ინფარქტი)

- მომატებული არტერიული წნევა (არტერიული ჰიპერტენზია)

- პირის ლორწოვანი გარსის ანთება (სტომატიტი), მათ შორის წყლულებით (წყლულოვანი სტომატიტი), ენის ანთება, საყლაპავის დაზიანება, შეკრულობა, აგრეთვე დარღვევები მუცლის ქვედა მიდამოების მხრივ, როგორიცაა, მაგალითად, მსხვილი ნაწლავის ანთება (კოლიტი), მათ შორის, მსხვილი ნაწლავის ანთება სისხლდენით ან კრონის დაავადების/წყლულოვანი კოლიტის გაღრმავება (მსხვილი ნაწლავის გარკვეული ანთებითი დაავადებები წყლულების თანხლებით), კუჭქვეშა ჯირკვლის ანთება (პანკრეატიტი), ნაწლავის სანათურის შევიწროება

მუცლის ზედა არეში ძლიერი ტკივილის, სისხლიანი ღებინების, განავალში სისხლის ან შავი განავლის გამოვლენის შემთხვევაში უნდა შეწყვიტოთ პრეპარატ დიკლობერლი ^® N75-ის გამოყენება და დაუყოვნებლივ მიმართოთ ექიმს.

- ღვიძლის ნეკროზი, ღვიძლის უკმარისობა

ამიტომ, ხანგრძლივი მკურნალობის დროს რეკომენდებულია ღვიძლის მაჩვენებლების რეგულარული კონტროლი.

- ისეთი მძიმე რეაქციები კანის მხრივ, როგორიცაა კანზე გამონაყარი გაწითლებით (ეგზანთემა, ეგზემა, ერითემა, მულტიფორმული ერითემა) და ბუშტუკების წარმოქმნით (მაგალითად, სტივენს-ჯონსონის სინდრომი, ტოქსიკური ეპიდერმული ნეკროლიზი/ლაიელის სინდრომი) ან აქერცვლა (ექსფოლიაციური დერმატიტი); მომატებული მგრძნობელობა სინათლის მიმართ (ფოტომგრძნობელობის რეაქცია), ლოკალური სისხლჩაქცევები კანში (პურპურა), რაც ასევე შეიძლება იყოს ალერგიის ნიშანი

- თირკმლის ქსოვილის დაზიანება (ინტერსტიციული ნეფრიტი, პაპილარული ნეკროზი), რომელსაც შეიძლება თან ახლდეს თირკმელების ფუნქციის მწვავე დარღვევება (თირკმელების უკმარისობა), შარდში ცილების (პროტეინურია) გამოვლენა ან/და სისხლი შარდში (ჰემატურია); ნეფროზული სინდრომი (შეშუპება და შარდით ცილების მნიშვნელოვანი გამოყოფა).

აუცილებელია თირკმელების ფუნქციის რეგულარულად შემოწმება.

შარდის გამოყოფის შემცირება, ორგანიზმში სითხის დაგროვება (შეშუპება) და ზოგადად შეუძლოდ ყოფნა შეიძლება იყოს თირკმელების მხრივ დარღვევების ნიშნები თირკმელების უკმარისობამდე. ამ სიმპტომების გამოვლენის ან გაღრმავების შემთხვევაში უნდა შეწყვიტოთ პრეპარატ დიკლობერლი ^® N75-ის მიღება და დაუყოვნებლივ მიმართოთ მკურნალ ექიმს.

- აბსცესი ინექციის ადგილზე.

სიხშირე უცნობია: (არსებული მონაცემების საფუძველზე სიხშირე შეფასებას არ ექვემდებარება).

- ქსოვილის დაზიანება ინექციის ადგილზე;

- იშემიური კოლიტი

გარკვეული გვერდითი მოქმედებების გამოვლენის შემთხვევაში დაიცავით ზემოთ აღნიშნული მითითებები!

შეტყობინება გვერდითი მოქმედების შესახებ

რომელიმე გვერდითი მოქმედების გამოვლენის შემთხვევაში მიმართეთ მკურნალ ექიმს ან ფარმაცევტს. ეს ასევე ეხება ნებისმიერ შესაძლო გვერდით მოქმედებას, რომელიც არ არის მითითებული მოცემულ ჩანართში. გვერდითი მოქმედების შესახებ ინფორმაციის გაგზავნა ასევე შეგიძლიათ უშუალოდ შეტყობინებათა ეროვნული სისტემის საშუალებით. გვერდითი მოქმედების შესახებ ინფორმაციის გაგზავნით შეგიძლიათ დახმარება მოცემული სამკურნალო საშუალების უსაფრთხოების შესახებ მეტი ინფორმაციის შეგროვებაში.

5.პრეპარატ დიკლობერლი^®N75-ის შენახვის პირობები

მოცემული სამკურნალო საშუალება შეინახეთ ბავშვებისათვის მიუწვდომელ ადგილას.

არ შეიძლება მოცემული პრეპარატის გამოყენება ვარგისობის ვადის გასვლის შემდეგ, რომელიც მითითებულია დასაკეც კოლოფსა და ამპულაზე წარწერა „ვარგისია“-ს შემდეგ. ვარგისობის ვადის გასვლის თარიღი გულისხმობს მითითებული თვის ბოლო დღეს.

ვარგისობის ვადა: 3 წელი.

შენახვის პირობები

პრეპარატი ინახება არაუმეტეს 30˚C ტემპერატურაზე.

სინათლის ზემოქმედებისგან დაცვის მიზნით პრეპარატი შეინახეთ ორიგინალ შეფუთვაში.

პრეპარატების კანალიზაციის მილში ან საყოფაცხოვრებო ნაგავთან ერთად გადაგდება არ შეიძლება. არასაჭირო პრეპარატების უტილიზაციის საკითხთან დაკავშირებით მიმართეთ ფარმაცევტს. ეს ზომები ხელს უწყობს გარემოს დაცვას.

6.შეფუთვის შემადგენლობა და დამატებითი ინფორმაცია

პრეპარატ დიკლობერლი^®N75-ის შემადგენლობა

პრეპარატის მოქმედი ნივთიერებაა ნატრიუმის დიკლოფენაკი.

ერთ ამპულა 3 მლ საინექციო ხსნარით შეიცავს 75 მგ ნატრიუმის დიკლოფენაკს.

1 მლ საინექციო ხსნარი შეიცავს 25 მგ ნატრიუმის დიკლოფენაკს.

სხვა კომპონენტები:

პროპილენგლიკოლი (600 მგ/3 მლ), ბენზილის სპირტი (105 მგ/3 მლ), აცეტილცისტეინი, მანიტოლი, ნატრიუმის ჰიდროქსიდის 1 ნ. ხსნარი, საინექციო წყალი

პრეპარატ დიკლობერლი^®N75-ის აღწერა და შეფუთვის შემადგენლობა

გამჭვირვალე, უფერო ხსნარი, 3 მლ-იან გამჭვირვალე მინის ამპულაში.

შეფუთვის ზომები:

ორიგინალი შეფუთვა, რომელიც შეიცავს 1 ამპულას 3 მლ საინექციო ხსნარით.

ორიგინალი შეფუთვა, რომელიც შეიცავს 3 ამპულას თითოში 3 მლ საინექციო ხსნარით.

ორიგინალი შეფუთვა, რომელიც შეიცავს 5 ამპულას თითოში 3 მლ საინექციო ხსნარით.

შესაძლოა, გაყიდვაში ყველა ზომის შეფუთვა არ იყოს წარმოდგენილი.

გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.