Panangin - პანანგინი 10მლ 5 ამპულა

პრეპარატის სავაჭრო დასახელება: პანანგინი® (PANANGIN®)

საერთაშორისო არაპატენტირებული დასახელება (სად): არ მიესადაგება

გამოშვების ფორმა: საინფუზიო ხსნარის კონცენტრატი

შემადგენლობა

მოქმედი ნივთიერებები: კალიუმის ასპარაგინატი 452 მგ (475,73 მგ კალიუმის ასპარაგინატის ჰემიჰიდრატის ფორმით) და მაგნიუმის ასპარაგინატი 400 მგ (499,80 მგ მაგნიუმის ასპარაგინატის ტეტრაჰიდრატის ფორმით) თითოეულ 10 მლ ამპულაში. 

დამხმარე ნივთიერებები: საინექციო წყალი. 

აღწერილობა

უფერო ან ოდნავ მომწვანო, გამჭვირვალე ხსნარი. 

ფარმაკოთერაპიული ჯგუფი: ვენაში შესაყვანი საინფუზიო ხსნარები. ხსნარები, რომლებიც ზეგავლენას ახდენენ ელექტროლიზურ ბალანსზე.

ფარმაკოლოგიური თვისებები

ფარმაკოდინამიკა

კალიუმისა და მაგნიუმის იონები მნიშვნელოვანი უჯრედშიდა კატიონებია, რომლებიც აუცილებელია რიგი ფერმენტების ფუნქციონირებისთვის, მაკრომოლეკულების სუბუჯრედულ სტრუქტურებთან შეერთებისთვის, ასევე კუნთების კუმშვის მოლეკულური მექანიზმისთვის. კალიუმის, კალციუმის, ნატრიუმისა და მაგნიუმის იონების უჯრედგარე და უჯრედშიდა კონცენტრაციების შეფარდება ზეგავლენას ახდენს მიოკარდის კუმშვის უნარზე. ასპარაგინატი ენდოგენური ნივთიერება - კალიუმისა და მაგნიუმის იონების გადამტანია; გააჩნია გამოხატული აფინიტეტი უჯრედების მიმართ, თუმცა მისი მარილები სუსტად დისოცირდება. ამის შედეგად უჯრედშიდა სივრცეში იონები აღწევენ კომპლექსური შენაერთების სახით. მაგნიუმისა და კალიუმის ასპარაგინატები აუმჯობესებენ მიოკარდის მეტაბოლიზმს. მაგნიუმისა და კალიუმის არასაკმარისი შემცველობა ორგანიზმში ზრდის არტერიული ჰიპერტენზიის, კორონარული სისხლ-ძარღვების ათეროსკლეროზული დაზიანების, გულის რითმის დარღვევების, მიოკარდის პათოლოგიის განვითარების რისკს. 

ფარმაკოკინეტიკა

მონაცემები არ არსებობს.

გამოყენების ჩვენებები

პრეპარატი ნაჩვენებია დამატებითი თერაპიისთვის გულის ქრონიკული დაავადებების (გულის უკმარისობისას, პოსტინფარქტულ პერიოდში), გულის რითმის დარღვევების, უპირველესად პარკუჭების არითმიების დროს.

როგორც დამატებითი თერაპია სათითურას პრეპარატებთან კომბინაციაში.

უკუჩვენებები

თირკმლის მწვავე და ქრონიკული უკმარისობა, ადისონის დაავადება, III ხარისხის ატრიოვენტრიკულური ბლოკადა, კარდიოგენული შოკი (ა/წ < 90 mmHg).

ჰიპერმგრძნობელობა პრეპარატის მოქმედი ნივთიერებების ან თავში „შემადგენლობა“ ჩამოთვლილი ნებისმიერი ნივთიერების მიმართ.

გამოყენება ორსულობისა და ლაქტაციის პერიოდში

პაციენტების აღნიშნულ კატეგორიაში პრეპარატის მავნე ზემოქმედების ფაქტები დღემდე არ დაფიქსირებულა.  

გამოყენების წესი და დოზები

პრეპარატი განკუთვნილია მხოლოდ ვენაში შესაყვანად. ამ მიზნით 1-2 ამპულას შიგთავსს აზავებენ  გლუკოზას 5% ხსნარში და შეჰყავთ ვენაში ნელი წვეთოვანი ინფუზიის სახით. საჭიროების შემთხვევაში ამ დოზის გამეორება შეიძლება 4-6 საათში.

პრეპარატის გამოყენება შეიძლება კომბინირებულ თერაპიაში.

გვერდითი მოქმედება

დარღვევები ნივთიერებათა ცვლისა და კვების მხრივ

ძალიან სწრაფად შეყვანამ შეიძლება გამოიწვიოს ჰიპერკალიემიის/ჰიპერმაგნიემიის სიმპტომები.

შეტყობინებები სავარაუდო არასასურველი რეაქციების შესახებ

შეტყობინებები სავარაუდო არასასურველი რეაქციების შესახებ სამკურნალო პრეპარატის რეგისტრაციის შემდეგ ასრულებს მნიშვნელოვან როლს და შესაძლებელს ხდის დაკვირვებას სამკურნალო პრეპარატის „სარგებელი-რისკის“ შეფარდებაზე. მედიცინის მუშაკებისთვის რეკომენდებულია სამკურნალო პრეპარატის სავარაუდო არასასურველი რეაქციების შესახებ შეტყობინება ანგარიშგების ეროვნული სისტემის მეშვეობით.

თუ ნებისმიერი აღნიშნული გვერდითი ეფექტი გაძლიერდა, ან თქვენ შენიშნეთ ნებისმიერი სხვა გვერდითი ეფექტი, რომელიც არ არის აღწერილი ინსტრუქციაში, ამის შესახებ აცნობეთ მკურნალ ექიმს.

ჭარბი დოზა

დღემდე ჭარბი დოზის შემთხვევები აღწერილი არ არის. დოზის გადაჭარბების დროს ჰიპერკალიემიისა და ჰიპერმაგნიემიის რისკი იზრდება.

ჰიპერკალიემიის სიმპტომები: დაღლილობა, კუნთების სისუსტე, პარესთეზიები, გონების დაბინდვა, გულის ფუნქციის დარღვევა (ბრადიკარდია, ატრიოვენტრიკულური ბლოკადა, არითმიები, გულის გაჩერება).

ჰიპერმაგნიემიის სიმპტომები: ნერვ-კუნთოვანი აგზნებულობის დაქვეითება, ღებინება, გულისრევა, ძილიანობა, ა/წ-ს დაქვეითება. სისხლში მაგნიუმის იონების ძალიან მაღალი კონცენტრაციისას: ღრმა მყესების რეფლექსების დათრგუნვა, სუნთქვის დამბლა, კომა.

ჭარბი დოზის შემთხვევაში პრეპარატ პანანგინით მკურნალობა უნდა შეწყდეს და ჩატარდეს სიმპტომური მკურნალობა (ვენაში კალციუმის ქლორიდის შეყვანა დოზით 100 მგ/წთ, საჭიროებისას ჰემოდიალიზის დანიშვნა).

ურთიერთქმედება სხვა სამკურნალო საშალებებთან

პრეპარატის კომბინირებამ კალიუმის დამზოგველ შარდმდენებთან და/ან აგფ ინჰიბიტორებთან შეიძლება გამოიწვიოს ჰიპერკალიემია.

სიფრთხილის ზომები

სწრაფმა შეყვანამ შეიძლება გამოიწვიოს სახის ჰიპერემია.

განსაკუთრებული სიფრთხილე საჭიროა პრეპარატის დანიშვნისას ავადმყოფებში დაავადებებით, რომლებსაც ახლავს ჰიპერკალიემია. პაციენტთა ამ კატეგორიაში რეკომენდებულია სისხლის შრატში ელექტროლიზების კონცენტრაციის რეგულარული კვლევა. 

ზეგავლენა სატრანსპორტო საშუალებების მართვისა და მექანიზმებთან მუშაობის უნარზე

პრეპარატი არ ახდენს ზეგავლენას სატრანსპორტო საშუალებებისა და სხვა მექანიზმების მართვის უნარზე.

შეფუთვა

10 მლ პრეპარატი უფერო შუშის ამპულაში (1 ჰიდროლიზური კლასი) გატეხვის წერტილით და მარკირების რგოლით, 5 ამპულა პლასტიკურ სადებში პოლიმერული ფირფიტით ან ფირფიტის გარეშე. 1 პლატისკური სადები მუყაოს კოლოფში სამედიცინო გამოყენების ინსტრუქციასთან ერთად. 

შენახვის პირობები

სამკურნალო საშუალება შენახვის სპეციალურ პირობებს არ საჭიროებს.

შეინახეთ ბავშვისთვის მიუწვდომელ ადგილას.

ვარგისობის ვადა

3 წელი.

შეფუთვაზე მითითებული ვარგისობის ვადის გასვლის შემდეგ გამოყენება არ შეიძლება.

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით