Panangin - პანანგინი 50 დრაჟე

პანანგინი®(Panangin® )

აპკის გასრით დაფარული ტაბლეტები, 158 მგ/140 მგ

საერთაშორისო არადაპატენტებული დასახელება: არ არსებობს

სამკურნალო ფორმა:აპკიანი გარსით დაფარული ტაბლეტები

შემადგენლობა

აპკის გარსით დაფარული ერთი ტაბლეტი შეიცავს:

აქტიური ნივთიერებები: კალიუმის ასპარაგინატი 158 მგ (კალიუმის ასპარაგინატის ჰემიჰიდრატის სახით 166,3 მგ); მაგნიუმის ასპარაგინატი 140 მგ (175 მგ მაგნიუმის ასპარაგინატის ტეტრაჰიდრატის სახით);

დამხმარე ნივთიერებები: სილიციუმის დიოქსიდს კოლოიდური უწყლო, კარტოფილის სახამებელი, პოვიდოი K-30, მაგნიუმის სტეარატი, ტალკი, სიმინდის სახამებელი;

აპკიანი გარსი: მაკროგოლი 6000, ტიტანის დიოქსიდი (E 171), ბუტილირებული მეტაკრილატის ძირითადი კოპოლიმერი (ეუდრაგიტი E), ტალკი.

აღწერილობა

თეტრი ან მოთეთრო ტაბლეტები, დაფარული აპკიანი გარსით, დისკის ფორმის, ორმხრივად ამოზნექილი, ოდნავ პრიალა და უმნიშვნელოდ არათანაბარი ზედაპირით.

ფარმაკოთერაპიული ჯგუფი: მინერალური დანამატები.

ათქ კოდი: A12CX

იხილეთ ბლოგი: პანანგინი — როდის იღებენ გულის მკვებავ პრეპარატს

ფარმაკოლოგიური თვისებები

ფარმაკოდინამიკა

მაგნიუმის და კალიუმის იონები წარმოადგენენ მნიშვნელოვან უჯრედშიდა კატიონებს და მნიშვნელოვან როლს თამაშობენ მრავალრიცხოვანი ფერმენტების ფუნქციონირებაში, მაკრომოლეკულებსა და უჯრედშიდა სტრუქტურებს შორის კავშირის წარმოქმნაში, ასევე კუნთების კუმშვადობის მოლეკულურ მექანიზმში. კალიუმის, კალციუმის, ნატრიუმის და მაგნიუმის იონების უჯრედშიდა და უჯრედგარე შეფარდება გავლენას ახდენს მიოკარდიუმის კუმშვადობაზე. ენდოგენური ასპარაგინატი მოქმედებს იონების გადამტანის სახით: გააჩნია მაღალი აფინურობა უჯრედებისადმი, მისი მარილების უმნიშნელო დისოციაციის გამო, იონები კომპლექსური ნაერთის სახით აღწევენ უჯრედშიდა სივრცეში. კალიუმის ასპარაგინატი და მაგნიუმის ასპარაგინატი აუმჯობესებენ მიოკარდის მეტაბოლიზმს. მაგნიუმის/კალიუმის დეფიციტი ზრდის არტერიული ჰიპერტენზიის, კორონარული არტერიების ათეროსკლეროზის, არითმიების და მიოკარდში მეტაბოლური ცვლილებების რისკს.

ფარმაკოკინეტიკა

მაგნიუმი

მაგნიუმის საერთო მარაგი 70 კგ მასის ადამიანის სხეულში შეადგენს საშუალოდ 24 გ-ს (1000 მმოლი); მაგნიუმის 60%-ზე მეტი მოდის ძვლოვან ქსოვილზე და დაახლოებით 40% ჩონჩხის კუნთებსა და სხვა ქსოვილებზე. ორგანიზმში მაგნიუმის საერთო მარაგის 1% იმყოფება უჯრედგარე სითხეში, ძირითადად სისხლის შრატში. ჯანმრთელ მოზრდილ პირებში მაგნიუმის შემცველობა სისხლის შრატში იმყოფება 0,7-1,10 მმოლი/ლ დიაპზონში.

საკვებით მაგნიუმის მოხმარების რეკომენდირებული დოზა მამაკაცებისათვის შეადგენს 350 მგ-ს დღეში, ქალებისათვის - 280 მგ-ს დღეში. მაგნიუმზე მოთხოვნილება იზრდება ორსულობისა და ძუძუთი კვების დროს.

მაგნიუმი შეიწოვება კუჭ-ნაწლავის ტრაქტიდან აქტიური ტრანსპორტის გზით. ორგანზმში მაგნიუმის ბალანსის ძირითად რეგულატორს წარმოადგენენ თირკმელები. იონიზირებული მაგმიუმის 3-5% გამოიყოფა თირკმელებით.

შარდის მოცულობის გაზრდა (მაგალითად, მაღალეფექტური მარყუჟოვანი შარდმდენებით მკურნალობის დროს) იწვევს იონიზირებული მაგნიუმის ეკსკრეციის ზრდას. თუ მაგნიუმის შეწოვა წვრილ ნაწლავში მცირდება, შემდგომი ჰიპომაგნიემია იწვევს მისი ეკსკრეციის შემცირებას (˂0,5 მმოლი/დღეში).

კალიუმი

კალიუმის საერთო მარაგი 70 კგ მასის ადამიანის სხეულში შეადგენს საშუალოდ 140 გ-ს (3570 მმოლი). კალიუმის საერთო მარაგი ქალებში რამდენადმე უფრო დაბალია ვიდრე მამაკაცებში და უმნიშვნელოდ მცირდება ასაკთან ერთად. ორგანიზმში კალიუმის საერთო მარაგის 2% იმყოფება უჯრედის გარეთ, დარჩენილი 98% - უჯრედის შიგნით.

საკვებით კალიუმის მოხმარების ოპტიმალური ნორმა შეადგენს 3-4 გ-ს (75-100 მმოლი) დღეში. კალიუმის გამოყოფის ძირითადი გზაა - თირკმლისმიერი (თირკმელებით გამოიყოფა კალიუმის დაახლოებით 90% ყოველდღიურად). დარჩენილი 10% გამოიყოფა კუჭ-ნაწლავის ტრაქტით. ამგვარად, თირკმელები პასუხისგებელია კალიუმის გრძელვადიან ჰომეოსტაზზე, ასევე სისხლის შრატში კალიუმის შემცველობაზე. ხანმოკლე პერსპექტივაში კალიუმის შემცველობა სისხლში ასევე რეგულირდება კალიუმის დინებით უჯრედშიდა და უჯრედგარე სივრცეს შორის.

გამოყენების ჩვენებები

კალიუმის და მაგნიუმის დამატებითი წყაროს სახით.

მკურნალი ექიმის დანიშნულებით:

- კომპლექსური თერაპიის შემადგენლობაში გულის ქრონიკული დაავადებების (გულის უკმარისობის დროს პოსტინფარქტულ პერიოდში), რითმის დარღვევების დროს, განსაკუთრებით პარკუჭოვანი არითმიების დროს;

- დამატებითი თერაპიის სახით საგულე გლიკოზიდების მიღებისას.

უკუჩვენებები

- მომატებული მგრძნობელობა პრეპარატის მოქმედი ნივთიერებების ან ნებისმიერი დამხმარე ნივთიერების მიმართ;

- თირკმლის მწვავე ან ქრონიკული უკმარისობა;

- ადისონის დაავადება;

- III ხარისხის ატრიოვენტრიკულარული ბლოკადა;

- კარდიოგენული შოკი (არტერიული წნევა < 90 mmHg);

- 18 წლამდე ბავშვთა ასაკი.

გამოყენება ორსულობის და ძუძუთი კვების პერიოდში

მონაცემები, რომლებიც მიუთითებენ პრეპარატის პანანგინი® ფორტე ნეგატიურ ზეგავლენზე ორსულობის ან ძუძუთი კვების დროს, არ არსებობს.

გამოყენების წესი და დოზირება

მოზრდილები

რეკომენდირებული დღიური დოზა: 1-2 ტაბლეტი 3 ჯერ დღეში.

დღიური დოზა შეიძლება გაიზარდოს 3 ტაბლეტამდე დღეში 3–ჯერ.

მიღების წესი

პერორალური.

პანანგინი® მიიღება ჭამის შემდეგ, ვინაიდან კუჭის მჟავე გარემოს შეუძლია პრეპარატის ეფექტურობის შემცირება.

გვერდითი მოვლენები

– პრეპარატის მაღალი დოზების გამოყენებისას შესაძლებელია კუჭის მოქმედების გახშირება.

შესაძლო არასასურველი რეაქციების შესახებ შეწტყობინება

სამკურნალო საშუალების რეგისტრაციის შემდეგ მიღებული არასასურველი რეაქციების შესახებ შეწტყობინება ძალზე მნიშვნელოვანია. ეს სარგებელი/რისკის თანაფარდობის მონიტორინგის გაგრძელების საშუალებას იძლევა. ჯანდაცვის მუშაკებს სთხოვენ აცნობონ ნებისმიერი საეჭვო არასასურველი რეაქციის შესახებ რეპორტინგის ეროვნული სისტემის გამოყენებით.

ჭარბი დოზირება

ინფორმაცია კალიუმის ასპარაგინატის და მაგნიუმის ასპარაგინატის შემცველი პრეპარატებით ჭარბი დოზირების შესახებ არ არსებობს, მაღალი დოზების მიღების დროსაც კი. თირკმელების დიდი რაოდენობის კალიუმის გამოყოფის უნარის გათვალისწინებით, პრეპარატის დოზის გაზრდამ შეიძლება გამოიწვიოს ჰიპერკალიემია მხოლოდ კალიუმის გამოყოფის მწვავე და აშკარა დარღვევების ფონზე.

მაგნიუმი ხასიათდება ფართო თერაპიული დიაპაზონით და თირკმელების უკმარისობის არარსებობის შემთხვევაში სერიოზული გვერდითი ეფექტები ძალიან იშვიათია.

ლიტერატურული მონაცემების თანახმად მაგნიუმის დანამატების პერორალურმა მიღებამ შეიძლება გამოიწვიოს მსუბუქი გვერდითი რეაქციები ფაღარათის სახით. პრეპარატ პანანგინი®–ს მაღალმა დოზებმა შეიძლება გამოიწვიოს კუჭის მოქმედების გახშირება მასში მაგნიუმის შემცველობის გამო.

ჰიპერკალიემიის სიმპტომები: საერთო სისუსტე, პარესთეზია, ბრადიკარდია, დამბლა, არითმია.

ჰიპერმაგნიემიის სიმპტომები: გულისრევა, ღებინება, ლეტარგიული ძილი, არტერიული წნევის დაქვეითება, ბრადიკარდია, სისუსტე, ჰიპორეფლექსია.

მკურნალობა:ჭარბი დოზირების დროს საჭიროა პრეპარატის მიღების შეწყვეტა; რეკომენდირებულია სიმპტომატური მკურნალობა (კალციუმის ქლორიდის ინტრავენური შეყვანა; საჭიროების შემთხვევაში - ჰემოდიალიზი).

ურთიერთქმედება სხვა სამკურნალო საშუალებებთან

კალიუმის ასპარაგინატის და მაგნიუმის ასპარაგინატის შემცველი პრეპარატების მედიკამენტური ურთიერთქმედების კვლევები არ ჩატარებულა. სამეცნიერო ლიტერატურის მონაცემებით კალიუმს და მაგნიუმს შეუძლიათ ზოგიერთ პრეპარატებთან ურთიერთქმედება. კალიშემნახველ შარდმდენებთან, ანგიოტენზინ-გარდამქნელი ფერმენტის ინჰიბიტორებთან, ბეტა-ადრენობლოკატორებთან, ციკლოსპორინთან, ჰეპარინთან და არასტეროიდულ ანთების საწინააღმდეგო პრეპარატებთან კომბინირებული გამოყენებისას იზრდება ჰიპერკალიემიის განვითარების რისკი.

ტეტრაციკლინები (პერორალური გამოყენებისას), რკინის მარილები და ნატრიუმის ფტორიდი ამცირებენ კალიუმის ასპარაგინატის და მაგნიუმის ასპარაგინატის აბსორბციას კუჭ-ნაწლავის ტრაქტიდან.

ინტერვალი ზემოთ მითითებული პრეპარატების და პრეპარატის პანანგინი® მიღებებს შორის უნდა იყოს არანაკლებ 3 საათი.

სიფრთხილის ზომების გამოყენებისას

განსაკუთრებულ ყურადღებას საჭიროებენ პაციენტები დაავადებებით, რომლებსაც ახლავს ჰიპერკალიემია: რეკომენდებულია სისხლის შრატში ელექტროლიტების შემცველობის რეგულარული კონტროლი.

გამოყენება პედიატრიაში

პანანგინი® უკუნაჩვენებია ბავშვებსა და მოზარდებში, რადგანაც მისი გამოყენების უსაფრთხოება და ეფექტურობა პაციენტთა ამ კატეგორიაში დადგენილი არ არის.

ზემოქმედება სატრანსპორტო საშუალებების მართვის და მექანიზმებთან მუშაობის უნარზე

პანანგინი® არ ახდენს გავლენას სატრანსპორტო საშუალებების და სხვა მექანიზმების მართვის უნარზე.

შეფუთვა

აპკიანი გარსით დაფარული 50 ტაბლეტი, პოლიპროპილენის ფლაკონებში ადვილად გახსნის საწინააღმდეგო სპეციალური დამცავით თავსახურით, პოლიეთილენის შუასადებით. ფლაკონი მოთავსებული მუყაოს კოლოფში გამოყენების ინსტრუქციასთან ერთად.

შენახვის პირობები

ინახება არაუმეტეს 25°C ტემპერატურაზე.

ინახება ბავშვებისათვის მიუწვდომელ ადგილას.
ვარგისიანობის ვადა

5 წელი.

ნუ გამოიყენებთ შეფუთვაზე მითითებული ვარგისიანობის ვადის გასვლის შემდეგ.

გაცემის წესი:

ფარმაცევტული პროდუქტის ჯგუფი -III გაიცემა რეცეპტის გარეშე