Elocom - ელოკომი 15გ. კრემი

ზოგადი დახასიათება:
საერთაშორისო და ქიმიური დასახელებები:მომეტასონე; 9,21-დიქლორო-17[(2-ფურანილკარბონილ)ოქსი]-11β-ჰიდროქსი-16α-მეთილპრეგნა-1,4-დიენ-3,20-დიონ მონოჰიდრატი;
ძირითადი ფიზიკურ-ქიმიური თვისებები: თეთრი ან თითქმის თეთრი ფერის რბილი კონსისტენციის ერთგვაროვანი კრემი, უცხო ჩანართების გარეშე
შემადგენლობა
კრემის 1 გ შეიცავს 1 მგ მომეტაზონის ფუროატს;
დამხმარე ნივთიერებები: ჰექსილენგლიკოლი, გამოხდილი წყალი, ფოსფორმჟავა, პროპილენგლიკოლის სტეარატი, სტეარილის სპირტი და ცეტეარეტი-20, ტიტანის დიოქსიდი, ოქტენილსუქცინატის სახამებლის ალუმინის მარილი, თეთრი ცვილი, თეთრი ვაზელინი

ფარმაკოლოგიური თვისებები.
ფარმაკოდინამიკა.
მომეტაზონის ფუროატი – სინთეზური კორტიკოსტეროიდია, რომელსაც ანთების საწინააღმდეგო, ქავილის საწინააღმდეგო და სისხლძარღვების შემავიწროებელი მოქმედება გააჩნია.

ფარმაკოკინეტიკა.
ადგილობრივი მოქმედების კორტიკოსტეროიდების კანის გზით შეღწევადობის ხარისხი მრავალ ფაქტორზეა დამოკიდებული, მათ შორისაა პრეპარატის შემადგენლობა და ეპიდერმული ბარიერის მთლიანობა. ანთებამ და კანში მიმდინარე სხვა პროცესებმა შესაძლებელია კანის გზით პრეპარატის შეღწევადობის ზრდა გამოიწვიოს.
მომეტაზონის ფუარატის 0,1%-იანი კრემის კანის გავლით აბსორბციის კვლევა ადამიანებზე ტარდებოდა რადიაოქტიული 3H-მომეტაზონის ფუარატის შემცველი 0,1%-იანი კრემის ერთჯერადი გამოყენებით დაუზიანებელ კანზე, რომელიც მასზე 8 საათის განმავლობაში რჩებოდა. 5-დღიანი დაკვირვების შედეგად მიღებული მონაცემებით, რომელშიც იზოტოპის განავალში და შარდში გამოყოფილი რაოდენობა ფასდებოდა, გამოყენებული დოზის დაახლოებით 0,4%-მა სისტემური აბსორბცია განიცადა. კვლევის განმავლობაში რადიოაქტიული ნივთიერების შემცველობა პლაზმაში და ერითროციტებში, საწყის რაოდენობასთან შედარებით რამდენადმე მაღალი რჩებოდა, რაც შეესაბამებოდა კონცენტრაციას ≤0,1 ნგ/მლ.

გამოყენების ჩვენებები.
ანთების და ქავილის სიმპტომების ადგილობრივი მკურნალობა კანის იმ დაავადებებისა, რომლებიც კორტიკოსტეროიდებით მკურნალობას ექვემდებარება, მათ შორის ფსორიაზის და ატოპიური დერმატიტის, დროს.

გამოყენების წესი და დოზები.
ელოკომი ესმევა კანის დაზიანებულ უბნებზე, დღეში 1-ხელ. მკურნალობის ხანგრძლიობა დაავადების სიმძიმის და მიმდინარეობის მიხედვით ინდივიდუალურად განისაზღვრება.
სახეზე კორტიკოსტეროიდების ადგილობრივად გამოყენების ხანგრძლივობა ბავშვებსა და მოზრდილებში, არ უნდა აჭარბებდეს 5 დღეს. პრეპარატის უწყვეტად გამოყენების ხანგრძლივობა არ უნდა აჭარბებდეს 2-3 კვირას. 

გვერდითი მოქმედება.
პრეპარატ ელოკომის გამოყენების შემდეგ იყო შეტყობინებები შემდეგი ადგილობრივი რეაქციების შესახებ:  პარესთეზიის, ქავილის, კანის ატროფიის ნიშნების, წვის, ფოლიკულიტის, ფერიმჭამელას მსგავსი რეაქციის, პაპულების, პუსტულების და ტელეანგიექტაზიის სახით (სიხშირე - ძალიან იშვიათი).  
სხვა ძლიერმოქმედი კორტიკოსტეროიდული პრეპარატების გამოყენებისას შემდეგი ადგილობრივი გვერდითი რეაქციები იქნა დარეგისტრირებული, რომლებიც პრეპარატ ელოკომის გამოყენების დროსაც შესაძლებელია: კანის გაღიზიანება, ჰიპერტრიქოზი, ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი, კანის მაცერაცია, მეორადი ინფექცია, სტრიები და კანის გამოყელვა (სიხშირე - იშვიათი).
შესაძლებელია სისტემური გვერდითი რეაქციები (იხ. განყოფილება `გამოყენების თავისებურებები~) მალამოს დიდ ზედაპირებზე, ხანგრძლივად გამოყენების დროს, განსაკუთრებით, ოკლუზიური სახვევის ქვეშ. 
ყველა არასასურველი მოვლენა, რომლებიც დარეგისტრირებულა სისტემური მოქმედების გლუკოკორტიკოიდების მოქმედებისას, მათ შორის ჰიპოთალამო-ჰიპოფიზური სისტემის დათრგუნვა, შეიძლება განვითარდეს ძლიერმოქმედი გლუკოკორტიკოიდების დანიშვნისას, განსაკუთრებით, ჩვილებსა და ბავშვებში (იხ. განყოფილება `გამოყენება პედიატრიაში~). 

უკუჩვენებები.
ეკოლომი უკუნაჩვენებია პაციენტებისთვის, რომელთაც პრეპარატის რომელიმე კომპონენტის მიმართ ჰიპერმგრძნობელობა აღენიშნებათ. ისევე, როგორც სხვა გლუკოკორტიკოიდები, ელოკომი უკუნაჩვენებია პაციენტებში ვულგარული ფერიმჭამელებით, აკნეთი, როზაცეათი, პერიორალური დერმატიტით, პერიანალური და გენიტალური ქავილით, კანის ბაქტერიული ან ვირუსული ინფექციებით (ჰერპესი, ჩუტყვავილა, სარტყლისებური ლიქენი) ან სოკოვანი ეტიოლოგიით, ტუბერკულოზის, სიფილისის, და პოსტვაქცინალური რეაქციების მქონე პაციენტებში. 

დოზის გადაჭარბება.
სიმპტომები: ადგილობრივი გლუკოკორტიკოსტეროიდების გადაჭარბებულმა ან ხანგრძლივმა გამოყენებამ შეიძლება ჰიპოფიზურ-თირკმელზედა სისტემის ფუნქციის დათრგუნვა გამოიწვიოს, რაც შესაძლებელია თირკმელზედა ჯირკვლების ქერქის მეორადი უკმარისობის განვითარების მიზეზი გახდეს.

მკურნალობა.
ნაჩვენებია შესაბამისი სიმპტომური მკურნალობა. ჰიპერკორტიციზმის მწვავე სიმპტომები, ჩვეულებრივ, შექცევადია. აუცილებლობის შემთხვევაში, ნაჩვენებია ელექტროლიტური დისბალანსის კორექცია. ხანგრძლივი გამოყენებისას რეკომენდირებულია კორტიკოსტეროიდების თანდათანობით მოხსნა.

გამოყენების თავისებურებები.
ელოკომი მხოლოდ დერმატოლოგიური გამოყენებისთვისაა ნაჩვენები და არ არის განკუთვნილი ოფთალმოლოგიური გამოყენებისთვის.
თუ პრეპარატის გამოყენებისას შეინიშნება გაღიზიანება ან მომატებული მგრძნობელობა, მკურნალობა უნდა შეწყდეს და დაინიშნოს შესაბამისი თერაპია.
ინფექციის განვითარების შემთხვევაში, უნდაგამოიყენოთ შესაბამისი სოკოს საწინააღმდეგო ან ანტიბაქტერიული საშუალება. თუ ხანმოკლ ეპერიოდის განმავლობაში ვერ ხერხდებ დადებითი ეფექტის მიღწევა, ინფექციის ნიშნების ლიკვიდაციამდ ეპრეპარატის გამოყენება უნდა შეწყდეს.
სისტემური გლუკოკორტიკოსტეროიდების რაიმე გვერდითი ეფექტი, მათ შორი სთირკმელზე და ჯირკვლების ქერქის ფუნქციის დათრგუნვა, გლუკოკორტიკოსტეროიდების ადგილობრივი გამოყენების დროსაც შეიძლება აღინიშნოს, განსაკუთრებით მცირე ასაკის ბავშვებში.
პრეპარატის გამოყენებისას სხეულის დიდ ფართობზე ან მაღალი დოზებით, რეკომენდებულია თირკმელზედა ჯირკვლების ფუნქციის პერიოდული კონტროლი სისხლსა და შარდში კორტიზოლის კონცენტრაციის განსაზღვრით, თირკმელზედა ჯირკვლების ადენოკორტიკოტროპული ჰორმონის სტიმულაციის შემდეგ. 
საჭიროა განსაკუთრებული სიფრთხილე ფსორიაზის მქონე პაციენტებთან, რადგან გლუკოკორტიკოსტეროიდების ადგილობრივმა გამოყენებამ ფსორიაზის დროს, შესაძლოა, წარმოქმნას დაავადების რეციდივის საფრთხე ტოლერანტობის განვითარების, პუსტულოზური ფსორიაზის გენერალიზაციის რისკის და ლოკალურიან სისტემური ტოქსიკურობის განვითარების გამო, კანის ბარიერული ფუნქციის დარღვევის შედეგად. 
გლუკოკორტიკოსტეროიდების სისტემური აბსორბცია ადგილობრივი გამოყენებისას უფრო მაღალი იქნება, თუ მკურნალობას ხეულის ფართო ზედაპირზე ტარდება ან ოკლუზიური სახვევები გამოიყენება. ასეთ შემთხვევებში, აგრეთვე, პრეპარატის ხანგრძლივი გამოყენებისას, სიფრთხილის ზომების მიღებაა საჭირო. 
როგორც გლუკოკორტიკოიდების ყველა ძლიერმოქმედი პრეპარატის გამოყენების დროს, საჭიროა პრეპარატ ელოკომის ოკლუზიური ნახვევის ქვეშ,  ხანგრძლივი დროის განმავლობაში, და ასევე სახესა და კანის ნაკეცებზე (იღლიისა და საზარდულის მიდამოებში) გამოყენების თავიდან არიდება.  
პრეპარატი არ უნდამოხვდეს თვალში (არც ქუთუთოებზე), ჭრილობებზე და ლორწოვანგარსზე. 
გლუკოკორტიკოსტეროიდებმა შეიძლება შეცვალოს კანისზოგიერთი დაზიანების გარეგნული სახე, რაც ართულებს დიაგნოზის დასმას. 
ელოკომი შეიცავს პროპილენგლიკოლს, რომელსაცშეუძლია გამოიწვიოს კანის გაღიზიანება. 
ელოკომი შეიცავს სტეარილის სპირტს, რომელსაც შეუძლია გამოიწვიოს ადგილობრივი რეაქციები (მაგ. ეგზემა). 

გამოყენება პედიატრიაში.
ადგილობრივი კორტიკოსტეროიდების გავლენით ჰიპოთალამო-ჰიპოფიზურ-ადრენალური სისტემის დათრგუნვის ნიშნები და კუშინგის სინდრომი ბავშვებში შეიძლება უფრო ხშირი იყოს, ვიდრე მოზრდილებში, რაც პრეპარატის უფრო მაღალ აბსორბციას უკავშირდება, კანის ზედაპირის ფართობის სხეულის მასასთან შეფარდების უფრო დიდი მაჩვენებლის გამო. ამისგამო, ბავშვებში ადგილობრივი კორტიკოსტეროიდების გამოყენება პრეპარატის მინიმალური ეფექტური რაოდენობით უნდა შემოიფარგლოს. ქრონიკულმა კორტიკოსტეროიდულმა თერაპიამ შეიძლება ბავშვის ზრდისა და განვითარების დარღვევა გამოიწვიოს.
ელოკომის გამოყენება არ შეიძლება კანისუბნებზე ბავშვის საფენების ან წყალგაუმტარი საცვლების შიგნით, ვინაიდან ამ შემთხვევაში პრეპარატიოკლუზიური სახვევის ქვეშ ექცევა.
არსებობს შეზღუდული მონაცემები პრეპარატის გამოყენების შესახებ 2 წლამდე ბავშვებში. 2 წელზე უფროს ბავშვებში ელოკომის გამოყენების ხანგრძლივობა არ უნდა აღემატებოდეს 5 დღეს.

ორსულობა და ლაქტაცია.
 ორსულებში ადგილობრივი გლუკოკორტიკოსტეროიდების გამოყენების უსაფრთხოება არ არის დამტკიცებული, ამისგამო, ამ ჯგუფის სამკურნალო პრეპარატების ორსულობის პერიოდში დანიშვნა მხოლოდ მაშინაა გამართლებული, როცა ქალისთვის პოტენციური სარგებელი ნაყოფისთვის პოტენციურ რისკს აღემატება. ორსულობისპერიოდში ამ ჯგუფის პრეპარატები არ უნდა გამოიყენებოდეს დიდი დოზებით ან ხანგრძლივად. ორსულებში ელოკომის დანიშვნისას გასათვალისწინებელია, გლუკოკორტიკოიდების პლაცენტაში შეღწევის და ნაყოფზე ზემოქმედების შესაძლებლობა.
გაურკვეველია, კორტიკოსტეროიდების ადგილობრივმა გამოყენებამ შეიძლება თუ არა სისტემური აბსორბციის გზით მათი დედის რძეში გამოყოფა გამოიწვიოს. ძუძუთი კვების შეწყვეტის ან პრეპარატის მოხსნის გადაწყვეტილებისმ იღებისას საჭიროა დედისთვის პრეპარატის გამოყენების აუცილებლობის გათვალისწინება.

გავლენა სატრანსპორტო საშუალებებისა და სხვა მექანიზმების მართვის უნარზე
ელოკომი გავლენას არ ახდენსა ვტომობილის მართვისა და მოძრავ მექანიზმებთან მუშაობის უნარზე.

სხვასამკურნალო საშუალებებთან ურთიერთქმედება.
ურთიერთქმედება არ არის ცნობილი.

შენახვის პირობები და ვადა.
შეინახეთ ბავშვებისთვის მიუწვდომელადგილას, არაუმეტეს 25°C ტემპერატურაზე. შენახვისვადა – 2 წელი. პრეპარატის გამოყენება შეფუთვა ზემითითებული ვარგისიანობის ვადის ამოწურვის შემდეგ არ არის რეკომენდირებული.

აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.
შეფუთვა. მუყაოს კოლოფში 15 გ ტუბი #1.