GLUCOPHAGE XR - გლუკოფაჟი XR 1000მგ 60 ტაბლეტი

1.  სამკურნალო საშუალების დასახელება

გლუკოფაჟი®XR, 1000 მგ, პროლონგირებული გამოთავისუფლების ტაბლეტები

2.  თვისობრივი და რაოდენობრივი შემადგენლობა

2.1 ზოგადი აღწერა

მეტფორმინი

2.2 თვისობრივი და რაოდენობრივი შემადგენლობა

ერთი პროლონგირებული გამოთავისუფლების 1000 მგ ტაბლეტი შეიცავს

აქტიურ ნივთიერებას – 1000 მგ მეტფორმინის ჰიდროქლორიდს, რაც შეესაბამება 1005,0 მგ მეტფორმინის საფუძველს. 

დამხმარე ნივთიერებები: ნატრიუმის კარმელოზა (ნატრიუმის კარბოქსიმეთილცელულოზა) 50,0 მგ.

დამხმარე ნივთიერებების სრული ჩამონათვალი იხილეთ პუნქტში 6.1.

3.  სამკურნალწამლო ფორმა

პროლონგირებული გამოთავისუფლების ტაბლეტები 

კაფსულისებური ფორმის, ორმხრივ ამოზნექილი, მოთეთროდან თითქმის თეთრი ფერის ტაბლეტები, გრავირებით “1000” ტაბლეტის ერთ მხრეს, და მეორე მხარეს გრავირებით “Mერცკ” (დოზირებისთვის 1000 მგ).

4.   კლინიკური მონაცემები

4.1 გამოყენების ჩვენებები

2 ტიპის შაქრიანი დიაბეტის პროფილაქტიკა და რისკის შემცირება მოზრდილ პაციენტებში, რომელთაც აღენიშნებათ ჭარბი წონა, გლუკოზის მიმართ ტოლერანტულობის დარღვევა და/ან უზმოზზე დარღვეული გლიკემია, და/ან გლიკირებული ჰემოგლობინის მომატებული დონე, რომელთაც აქვთ:
-2 ტიპის შაქრიანი დიაბეტის განვითარების მაღალი რისკი

-2 ტიპის შაქრიანი დიაბეტის პროგრესირება, ცხოვრების წესის აქტიური ცვლილების მიუხედავად 3-6 თვის განმავლობაში

2 ტიპის შაქრიანი დიაბეტის მკურნალობა მოზრდილ პაციენტებში, განსაკუთრებით ჭარბი წონის მქონე პაციენტებში, როცა მხოლოდ დიეტოთერაპია და ფიზიკური ვარჯიში ვერ უზრუნველყოფს გლიკემიის საკმარის კონტროლს. 
გლუკოფაჟი XR გამოიყენება როგორც მონოთერაპიის, ისე სხვა პერორალურ ჰიპოგლიკემიურ საშუალებებთან, ან ინსულინთან კომბინაციაში.

4.2   დოზირების რეჟიმი და მიღების მეთოდი

დოზირების რეჟიმი

თირკმლის ნორმალური ფუნქციის (გორგლოვანი ფილტრაციის სიჩქარე ³90 მლ/წთ) მქონე მოზრდილი პაციენტები

შაქრიანი დიაბეტის განვითარების რისკის შემცირება

მეტფორმინი უნდა დაინიშნოს მხოლოდ იმ შემთხვევაში, როდესაც ცხოვრების წესის მოდიფიკაცია 3-6 თვის განმავლობაში არ ახდენს გლიკემიის ადეკვატურ კონტროლს.

-    მკურნალობა დაწყებულ უნდა იქნეს 500 მგ დოზით ერთხელ დღეღამეში ვახშმისას

-    თერაპიის დაწყებიდან 10-15 დღის შემდეგ რეკომენდებულია გლიკემიის დონის შემოწმება (გლუკოზოტოლერანტული ტესტი და/ან უზმოზე გლიკემიის დონე და/ან გლიკირებული ჰემოგლობინი უნდა იყოს ნორმის ფარგლებში). დოზის ნელ-ნელა ზრდამ შეიძლება გააუმჯობესოს კუჭ-ნაწლავური ამტანობა. მაქსიმალური რეკომენდებული სადღეღამისო დოზა შეადგენს 2000 მგ-ს დღეღამეში ვახშმისას.

-    რეკომენდებულია გლიკემიური სტატუსის (გლუკოზოტოლერანტული ტესტი, უზმოზე გლიკემიის, გლიკირებული ჰემოგლობინის შეფასება) რეგულარული მონიტორინგი (ყოველ 3-6 თვეში ერთხელ).

-    თერაპიის გახანგრძლივების განმეორებითი შეფასების შესახებ გადაწყვეტილება შეიძლება მიღებულ იქნეს, იმ შემთხვევაში, თუ პაციენტმა წარმატებით მოახდინა ცხოვრებისა და კვების მოდიფიცირება. 

მონოთერაპია და კომბინირებული თერაპია სხვა ორალურ ანტიდიაბეტურ საშუალებებთან.

პროლონგირებული გამოთავისუფლების ტაბლეტები 750 მგ:

გლუკოფაჟი XR 750 მგ განკუთვნილია პაციენტებისთვის, რომლებმაც უკვე მიიღეს მეტფორმინის ტაბლეტები (პროლონგირებული ან სწრაფი გამოთავისუფლების). გლუკოფაჟი XR 750მგ დოზა ექვივალენტური უნდა იყოს მეტფორმინის ტაბლეტების (პროლონგირებული ან სწრაფი გამოთავისუფლების) სადღეღამისო დოზისა, 1500მგ-მდე მაქსიმალურად, მიიღება საღამოს კვებისას.

მკურნალობიდან 10-15 დღის შემდეგ რეკომენდებულია სისხლში გლუკოზის გაზომვის საშუალებით შემოწმდეს, რომ გლუკოფაჟი XR 750 მგ-ის დოზა საკმარისია.

პროლონგირებული გამოთავისუფლების ტაბლეტები 1000 მგ:

გლუკოფაჟი XR 1000მგ მიიღება დღეში ერთხელ საღამოს კვებისას, ამასთან მაქსიმალური რეკომენდებული დოზა შეადგენს 2 ტაბლეტს დღეში.

გლუკოფაჟი XR 1000მგ გათვალისწინებულია დამხმარე თერაპიისთვის პაციენტებში, რომლებიც მოცემულ მომენტში იღებენ ან 1000მგ, ან 2000მგ მეტფორმინის ჰიდროქლორიდს. გადასვლისას, გლუკოფაჟი XR-ის  სადღეღამისო დოზა ექვივალენტური უნდა იყოს მეტფორმინის ჰიდროქლორიდის მიმდინარე სადღეღამისო დოზისა.

პაციენტებისათვის, რომლებიც იღებენ მეტფორმინის ჰიდროქლორიდის 2000მგ-ზე მეტ დოზას დღეში, გლუკოფაჟი XR-ზე გადასვლა არ არის რეკომენდებული.

თუ გლიკემიური კონტროლის მიღწევა შეუძლებელია გლუკოფაჟი XR-ის 2000 მგ მაქსიმალური ერთჯერადი დოზის მიღებით, დასაშვებია დოზის გაყოფა ორ მიღებაზე, რომლის დროსაც ორივე დოზა, მიიღება საკვებთან ერთად, დილის და საღამოს კვებისას. თუ გლიკემიური კონტროლის მიღწევა კვლავ შეუძლებელია, პაციენტების გადაყვანა შეიძლება მეტფორმინის ჰიდროქლორიდის სტანდარტულ ტაბლეტებზე, რომლის მაქსიმალური სადღეღამისო დოზა შეადგენს 3000მგ დღეში.

ორალური დიაბეტის საწინააღმდეგო სხვა საშუალებებიდან გადასვლისას, დოზის ტიტრირება უნდა დაიწყოს გლუკოფაჟი XR 500მგ-ით, იქამდე სანამ გადასვლა მოხდება გლუკოფაჟი XR 1000მგ-ზე, როგორც ეს მითითებულია ზემოთ.

კომბინაცია ინსულინთან: 

სისხლში გლუკოზის დონის უკეთესი კონტროლისთვის შესაძლებელია მეტფორმინის ჰიდროქლორიდისა და ინსულინის ერთდროული დანიშვნა. ჩვეულებრივ, გლუკოფაჟი XR-ის საწყისი დოზა შეადგენს 500მგ ერთხელ დღეში, საღამოს საკვების მიღების დროს, ხოლო ინსულინის დოზას არჩევენ სისხლში გლუკოზის კონცენტრაციის შესაბამისად. ტიტრირების შემდეგ უნდა განიხილულ იქნეს გლუკოფაჟი XR 750 მგ-ზე, ან გლუკოფაჟი XR 1000 მგ-ზე გადასვლა.

პაციენტთა სპეციალური ჯგუფები

ხანდაზმული პაციენტები: 

ასაკოვან პაციენტებში თირკმლის ფუნქციის შესაძლო დაქვეითების გამო მეტფორმინის ჰიდროქლორიდის დოზის კორექტირება ხდება თირკმლის ფუნქციური მაჩვენებლების საფუძველზე. საჭიროა თირკმლის ფუნქციის მუდმივი მონიტორინგი.

მეტფორმინი რეკომენდებული არ არის პაციენტებისთვის 75 წელზე ზევით, 2 ტიპის შაქრიანი დიაბეტის დადგომის რისკის შემცირების დაუდგენელი სარგებლის გამო.

თირკმლის ფუნქციის დარღვევის მქონე პაციენტები:

მეტფორმინით მკურნალობის დაწყებამდე აუცილებელია თირკმლის გორგლოვანი ფილტრაციის სიჩქარის განსაზღვრა, შემდგომში კი - მისი ყოველწლიური მონიტორინგი. თირკმლის უკმარისობის პროგრესირების მომატებული რისკის მქონე და ხანდაზმულ პაციენტებში საჭიროა თირკმლის ფუნქციის კონტროლი ყოველ 3-6 თვეში.

თირკმლის გორგლოვანი ფილტრაცია (მლ/წთ)	მაქსიმალური სადღეღამისო დოზა	დამატებითი ინფორმაცია
60-89	2000 მგ	დოზის შემცირება თირკმლის ფუნქციის დაქვეითების შესაბამისად
45-59	2000 მგ	მეტფორმინის დანიშვნამდე უნდა შეფასდეს ფაქტორები, რომლებიც ზრდიან ლაქტოაციდოზის რისკს
30-44	1000 მგ	საწყისი დოზა შეადგენს არაუმეტეს მაქსიმალური დოზის ნახევარისა.
<30	-	მეტფორმინი დანიშვნა უკუნაჩვენებია

ბავშვები

შესაბამისი ინფორმაციის არარსებობის გამო გლუკოფაჟი Xღ ბავშვებში არ გამოიყენება.

4.3 უკუჩვენებები

-   ჰიპერმგრძნობელობა მეტფორმინის ან მედიკამენტის ნებისმიერი სხვა დამხმარე კომპონენტის მიმართ;

-   ნებისმიერი ტიპის მეტაბოლური აციდოზი (ლაქტოაციდოზი, დიაბეტური კეტოაციდოზი);

-   დიაბეტური პრეკომა;

-   თირკმლის მძიმე უკმარისობა (გორგლოვანი ფილტრაციის სიჩქარე <30 მლ/წთ);

-   თირკმლის უკმარისობა ან თირკმელების ფუნქციის დარღვევა (კრეატინინის კლირენსი <30 მლ/წთ);

-   მწვავე დაავადებები, რომლებმაც შეიძლება გამოიწვიოს თირკმლის ფუნქციის დარღვევა, როგორიცაა: დეჰიდრატაცია, მძიმე ინფექცია, შოკი;

-   მწვავე ან ქრონიკული დაავადებები, რასაც თან ახლავს ქსოვილოვანი ჰიპოქსია, როგორიცაა: გულის ან სუნთქვის უკმარისობა, ახალი გადატანილი მიოკარდიუმის ინფარქტი, შოკი;

-   ღვიძლის უკმარისობა, მწვავე ალკოჰოლური ინტოქსიკაცია, ალკოჰოლიზმი.

4.4 განსაკუთრებული მითითებები და სიფრთხილის ზომები გამოყენებისას

ლაქტოაციდოზი

ლაქტოაციდოზი - ძალიან იშვიათი, მაგრამ სერიოზული მეტაბოლური გართულებაა, რომელიც ყველაზე ხშირად ვითარდება თირკმლის ფუნქციის მწვავე გაუარესების, გულ-ფილტვის დაავადებების ან სეფსისის დროს. მეტფორმინის დაგროვება ხდება თირკმლის უკმარისობის მწვავე პროგრესირების ფონზე, რაც ზრდის ლაქტოაციდოზის განვითარების რისკს.

დეჰიდრატაციის შემთხვევაში (მძიმე დიარეა, ღებინება, ცხელება, სითხის მიღების დაქვეითება), რეკომენდებულია მეტფორმინის მიღების დროებით შეწყვეტა და მკურნალ ექიმთან დაკავშირება. 

პაციენტებს, რომლებიც მეტფორმინს იღებენ, სიფრთხილით ენიშნება პრეპარატები, რომლებიც გავლენას ახდენენ თირკმლის ფუნქციაზე, როგორებიცაა: ანტიჰიპერტენზიული, შარდმდენი, არასტეროიდული ანთების საწინააღმდეგო საშუალებები. ლაქტოაციდოზის განმაპირობებელი სხვა რისკ-ფაქტორებია: ალკოჰოლის უკონტროლო მიღება, ღვიძლის უკმარისობა, არაადეკვატურად კონტროლირებადი შაქრიანი დიაბეტი, კეტოზი, ხანგრძლივი შიმშილი, ჰიპოქსიასთან დაკავშირებული ნებისმიერი მდგომარეობა, ლაქტოაციდოზის განმაპირობებელ სამკურნალო საშუალებებთან კომბინირება.

პაციენტები და/ან მათი მომვლელები ინფორმირებული უნდა იყვნენ ლაქტოაციდოზის განვითარების რისკის შესახებ. იგი ხასიათდება აციდოზური ქოშინით, მუცლის ტკივილით, კუნთების კრთომით, ასთენიით და ჰიპოთერმიით, რაც წინ უსწრებს კომას. საეჭვო სიმპტომების გამოვლენის შემთხვევაში, პაციენტმა უნდა შეწყვიტოს მეტფორმინის მიღება და მიმართოს ექიმს. დიაგნოსტიკური გამოკვლევით ვლინდება სისხლის PH-ის დაქვეითება (<7.35), ლაქტატისა (>5 მმოლ/ლ) და ანიონების დონის მატება სისხლში, ასევე ლაქტატი/პირუვატის თანაფარდობის მატება.

თირკმლის ფუნქცია

საჭიროა გორგლოვანი ფილტრაციის სიჩქარის განსაზღვრა მკურნალობის დაწყებამდე და რეგულარულად გლუკოფაჟი XR-ით მკურნალობის დროს. მეტფორმინი უკუნაჩვენებია პაციენტებში, რომელთა გორგლოვანი ფილტრაციის სიჩქარე <30 მლ/წთ-ზე და საჭიროა მისი მიღების დროებით შეწყვეტა თირკმლის ფუნქცის დარღვევით მიმდინარე მდგომარეობების დროს.

გულის ფუნქცია

გულის უკმარისობის მქონე პაციენტები უფრო მიდრეკილნი არიან ჰიპოქსიისა და თირკმლის უკმარისობის რისკის მიმართ. გულის სტაბილური ქრონიკული უკმარისობის დროს მეტფორმინის მიღება შესაძლებელია მხოლოდ გულისა და თირკმლის ფუნქციების სისტემატური მონიტორინგის შემთხვევაში. 

გლუკოფაჟი XR-ით მკურნალობა უკუნაჩვენებია მწვავე და არასტაბილური გულის უკმარისობის მქონე პაციენტებში.

ხანდაზმული პაციენტები

მეტფორმინი რეკომენდებული არ არის პაციენტებისთვის 75 წელზე ზევით, 2 ტიპის შაქრიანი დიაბეტის განვითარების რისკის შემცირების თერაპიულ ეფექტურობაზე შეზღუდული მონაცემების არსებობის გამო.

იოდის შემცველი საკონტრასტო საშუალებების შეყვანა

იოდის შემცველი საკონტრასტო საშუალებების ვენაში შეყვანით რენტგენოლოგიური გამოკვლევისას შესაძლოა თირკმლის უკმარისობის განვითარება. იგი იწვევს მეტფორმინის დაგროვებას და ლაქტოაციდოზის განვითარების რისკს. მეტფორმინის მიღება უნდა შეწყდეს გამოკვლევების ჩატარებისას იოდის შემცველი საკონტრასტო საშუალებების მიღებამდე ან მიღების დროს და უნდა განახლდეს გამოკვლევის დასრულებიდან 48 საათის შემდეგ, მხოლოდ იმ შემთხვევაში, თუ მოხდება თირკმლის ფუნქციის განმეორებითი გამოკვლევა და შემდგომი დარღვევები არ დაფიქსირდება. 

ქირურგია

საჭიროა მეტფორმინის მიღების შეწყვეტა ზოგადი სპინალური ან ეპიდურული ანესთეზიის ქვეშ მიმდინარე გეგმიურ ქირურგიულ ჩარევამდე 48 საათით ადრე. მედიკამენტის მიღების განახლება შესაძლებელია ქირურგიული ჩარევის დასრულებიდან 48 საათის შემდეგ ან საკვების მიღების განახლებისთანავე, იმ პირობით რომ აღდგენილია თირკმლის ნორმალური ფუნქცია.

სიფრთხილის სხვა ზომები

ყველა პაციენტმა უნდა დაიცვას დიეტა, მოხმარებული ნახშირწყლების რაოდენობის სწორი გადანაწილებით დღის განმავლობაში. ჭარბი წონის მქონე პირებმა უნდა გააგრძელონ დაბალკალორიული დიეტა.

დიაბეტის მიმდინარეობის მონიტორინგისთვის საჭიროა ჩვეული ლაბორატორიული გამოკვლევების რეგულარული ჩატარება. 

მეტფორმინმა სისხლის შრატში შეიძლება შეამციროს ვიტამინი B12 დონე. ვიტამინი B12 დაბალი დონის რისკი იზრდება მეტფორმინის დოზის გაზრდით და მკურნალობის ხანგრძლივობით პაციენტებში, რომლებსაც აქვთ ვიტამინი B12 დეფიციტის ცნობილი რისკფაქტორები. თუ არსებობს ეჭვი ვიტამინი B12 დეფიციტზე (მაგ., ანემია ან ნეიროპათია), საჭიროა სისხლის შრატში ვიტამინი B12 დონის მონიტორინგი. ვიტამინი B12 პერიოდული მონიტორინგი შეიძლება საჭირო გახდეს, ვიტამინი B12 დეფიციტის რისკ-ფაქტორების მქონე პაციენტებში. 

მეტფორმინით თერაპია უნდა გაგრძელდეს იქამდე, სანამ ის კარგად გადაიტანება და არ გააჩნია უკუჩვენებები, ხოლო ვიტამინი B12 დეფიციტის შესაბამისი მაკორექტირებელი მკურნალობა ტარდება მოქმედი კლინიკური რეკომენდაციების შესაბამისად. 

მონოთერაპია მეთფორმინით არასდროს არ იწვევს ჰიპოგლიკემიას, თუმცა საჭიროა სიფრთხილის დაცვა მისი ინსულინთან ან დიაბეტის საწინააღმდეგო სხვა ორალურ საშუალებებთან კომბინირებისას (მაგალითად, სულფონილშარდოვანას წარმოებულებთან ან მეგლიტინიდებთან). 

შესაძლებელია ფეკალურ მასებში ტაბლეტის გარსის აღმოჩენა. პაციენტი ინფორმირებული უნდა იყოს, რომ ეს ნორმალურია.

4.5 სხვა სამკურნალო საშუალებებთან ურთიერთქმედება და სხვა სახის ურთიერთქმედებები

არარეკომენდებული კომბინაციები

ალკოჰოლი

მწვავე ალკოჰოლური ინტოქსიკაცია ასოცირდება ლაქტოაციდოზის მომატებულ რისკთან, მწვავე ალკოჰოლური ინტოქციკაციისას, კერძოდ კი: 

-    შიმშილის ან არასაკმარისი საკვების მიღებისას

-    ღვიძლის უკმარისობის შემთხვევაში

იოდის შემცველი საკონტრასტო საშუალებები

-    მეტფორმინის მიღება უნდა შეწყდეს გამოკვლევების ჩატარებისას იოდის შემცველი საკონტრასტო საშუალებების მიღებამდე ან მიღების დროს და უნდა განახლდეს გამოკვლევის დასრულებიდან არანაკლებ 48 საათის შემდეგ, მხოლოდ იმ შემთხვევაში, თუ მოხდება თირკმლის ფუნქციის განმეორებითი გამოკვლევა და შემდგომი დარღვევები არ დაფიქსირდება.

კომბინაცია, რომელიც სიფრთხილეს მოითხოვს გამოყენებისას

ზოგიერთი სამკურნალო საშუალება, როგორიცაა არასტეროიდული ანთების საწინააღმდეგო საშუალებები, ცოგ-2-ის ინჰიბიტორების ჩათვლით, ანგიოტენზინ II-ის რეცეპტორების ბლოკატორები, დიურეტიკები, განსაკუთრებით მარყუჟოვანი, ზრდიან ლაქტოაციდოზის განვითარების რისკს, მათი თირკმელების ფუნქციაზე პოტენციურად უარყოფითი გავლენის გამო. 

სამკურნალო საშუალებები, რომლებისთვისაც დამახასიათებელია ჰიპერგლიკემიური აქტიურობა 

მაგალითად, გლუკოკორტიკოიდები (სისტემური და ადგილობრივი მოქმედების) და სიმპატომიმეტიკები. შესაძლოა საჭირო გახდეს გლუკოზის დონის უფრო ხშირი მონიტორინგი სისხლში, განსაკუთრებით მკურნალობის დასაწყისში. საჭიროების შემთხვევაში უნდა მოხდეს მეტფორმინის დოზის კორექცია სხვა პრეპარატით მკურნალობის დროს და მისი მიღების შეწყვეტისას. 

ორგანული კათიონების ტრანსპორტიორები (ოკტ)

მეტფორმინი წარმოადგენს სუბსტრატს ორივე სუბტრატისთვის  ოკტ1 და ოკტ2-თვის.

მეტფორმინის გამოყენება შემდეგ მედიკამენტებთან ერთად:

-    ოკტ1 ინჰიბიტორები (როგორიცაა, ვერაპამილი) - შესაძლოა მეტფორმინის ეფექტურობის დაქვეითება;

-    ოკტ1 ინდუქტორები (როგორიცაა, რიფამპიცინი) - შესაძლოა მეტფორმინის კუჭ-ნაწლავის ტრაქტიდან შეწოვისა და ეფექტურობის მომატება;

-    ოკტ2 ინჰიბიტორები (როგორიცაა, ციმეტიდინი, დოლუტეგრავირი, რანოლაზინი, ტრიმეტოპრიმი, ვანდეტამიბი, იზავუკონაზოლი) - შესაძლოა დააქვეითონ მეტფორმინის თირკმლისმიერი ელიმინაცია და, შედეგად გაზარდონ მისი პლაზმური კონცენტრაცია;

-    ოკტ1 და ოკტ2 ინჰიბიტორები (როგორიცაა, კრიზოტინიბი, ოლაპარიბი) - შესაძლოა გავლენა მოახდინონ მეტფორმინის ეფექტურობასა და გამოყოფაზე.

მეტფორმინის სხვა სამკურნალო საშუალებებთან კომბინირების დროს საჭიროა სიფრთხილე, განსაკუთრებით თირკმლის უკმარისობის მქონე პაციენტებში, მეტფორმინის პლაზმური კონცენტრაციის მატების შესაძლებლობის გამო.

4.6 ფერტილობა, ორსულობა და ლაქტაცია

ორსულობა და ლაქტაცია

უკონტროლო ჰიპერგლიკემია დაორსულების წინა პერიოდში და ორსულობის დროს დაკავშირებულია თანდაყოლილ პათოლოგიებთან, ორსულობის შეწყვეტასთან, ორსულობით გამოწვეულ ჰიპერტენზიასთან, პრეეკლამფსიასთან და პერინატალური სიკვდილიანობის გაზრდილ რისკთან. მნიშვნელოვანია, რომ სისხლში გლუკოზის დონე ნორმალურთან მაქსიმალურად ახლოს იყოს ორსულობის განმავლობაში, რათა შემცირდეს ჰიპერგლიკემიასთან დაკავშირებული არასასურველი შედეგების რისკი დედისთვის და ბავშვისთვის.

მეტფორმინი კვეთს პლაცენტას კონცენტრაციით, რომელიც შეიძლება იყოს ისეთივე მაღალი, როგორც დედის.

ორსულ ქალებში მეტფორმინის გამოყენების მონაცემების საკმარისი მოცულობა არ მიუთითებს თანდაყოლილი დარღვევების ან ნაყოფის/ნეონატალური ტოქსიკურობის გაზრდის რისკზე, მეტფორმინის ზემოქმედების შემდეგ, ორსულობის წინა პერიოდში და/ან ორსულობის დროს.

ორსულ ქალებში მეტფორმინის გამოყენების შეზღუდული მონაცემები არ მიუთითებს თანდაყოლილი დარღვევების გაზრდილ რისკზე.

შეზღუდულ მონაცემებზე დაყრდნობით, მეტფორმინი არ ახდენს გავლენას მოტორულ და სოციალურ განვითარებაზე 4 წლამდე ასაკის ბავშვებში, რომლებიც ორსულობის დროს ექვემდებარებოდნენ მეტფორმინის ზემოქმედებას.

კლინიკური აუცილებლობისას მეტფორმინის მიღება ორსულობისას ან ორსულობამდე, შეიძლება განხილულ იქნეს, როგორც ინსულინის დამატება ან ალტერნატივა. მეთფორმინი გადადის დედის რძეში. ლაქტაციის პერიოდში ახალშობილებსა და ჩვილებში არასასურველი მოვლენები აღწერილი არ არის. თუმცა ინფორმაციის სიმცირის გამო, არ არის რეკომენდებული ბავშვის ძუძუთი კვება მეთფორმინით მკურნალობის დროს. აუცილებელია ლაქტაციის შეწყვეტაზე გადაწყვეტილების მიღება, ძუძუთი კვების სარგებელისა და ბავშვისთვის გვერდითი ეფექტების განვითარების პოტენციური რისკის შეფასების გათვალისწინებით.

რეპროდუქციული ფუნქცია

მეთფორმინი გავლენას არ ახდენდა მამრი და მდედრი ვირთაგვების რეპროდუქციულ ფუნქციაზე 600 მგ/კგ/დღეში დოზით მიღების პირობებში, რაც დაახლოებით 3-ჯერ აღემატება ადამიანისთვის რეკომენდებულ მაქსიმალურ სადღეღამისო დოზას, გათვლილს სხეულის ზედაპირის ფართობზე.

4.7 გავლენა სატრანსპორტო საშუალებებისა და პოტენციურად საშიში მექანიზმების მართვის უნარზე

მეტფორმინით მონოთერაპია არ იწვევს ჰიპოგლიკემიას და აქედან გამომდინარე, გავლენას არ ახდენს ავტომობილისა და სხვა მექანიზმების მართვის უნარზე. 

თუმცა, პაციენტებს უნდა ახსოვდეთ მეტფორმინის სხვა დიაბეტის საწინააღმდეგო საშუალებებთან (მაგ.: სულფონილშარდოვანას წარმოებულები, ინსულინი ან მეგლიტინიდები) კომბინაციაში მიღების ფონზე ჰიპოგლიკემიის განვითარების რისკის შესახებ და გამოიჩინონ სიფრთხილე.

4.8  არასასურველი რეაქციები

პოსტ-მარკეტინგული მონაცემების შეკრებისას და კონტროლირებად კლინიკურ კვლევებში გვერდითი მოვლენები, რომლებიც აღინიშნებოდა პაციენტებში, რომლებიც ღებულობდნენ გლუკოფაჟ XR-ს, ხასიათისა და სიმძიმის მიხედვით იყო იმ მონაცემების მსგავსი, რომლებიც აღინიშნებოდა სწრაფი გამოთავისუფლების გლუკოფაჟის მიმღებ პაციენტებში.

მკურნალობის დასაწყისში ყველაზე ხშირ გვერდით მოვლენებს წარმოადგენს: გულისრევა, ღებინება, დიარეა, ტკივილი მუცლის არეში და მადის დაქვეითება, რაც უმეტეს შემთხვევაში თავისთავად გაივლის.

გლუკოფაჟი XR-ით მკურნალობის პერიოდში აღინიშნება შემდეგი არასასურველი რეაქციები. 

ასეთი რეაქციების სიხშირე კლასიფიცირდება შემდეგი სახით: ძალიან ხშირი ³1/10; ხშირი ³1/100; <1/10; არახშირი ³1/1 000, < 1/100; იშვიათი ³1/10 000, <1/1 000; ძალიან იშვიათი <1/10 000.

ყოველ ჯგუფში არასასურველი რეაქციების სიხშირე წარმოდგენილია სერიოზულობის შემცირების მიხედვით.

დარღვევები ნივთიერებათა ცვლისა და კვების მხრივ

-    ვიტამინი B12 შემცირება/დეფიციტი

ძალიან იშვიათად

-    ლაქტოაციდოზი

დარღვევები ნერვული სისტემის მხრივ

ხშირი

-    გემოს შეგრძნების დაკარგვა

დარღვევები კუჭ-ნაწლავის ტრაქტის მხრივ:

ძალიან ხშირად:

-    კუჭ-ნაწლავური დარღვევები, როგორებიცაა:

•   გულისრევა

•   ღებინება

•   დიარეა

•   ტკივილი მუცლის არეში და

•   მადის დაკარგვა

აღნიშნული გვერდითი ეფექტები ვლინდება შედარებით უფრო ხშირად თერაპიის დაწყებისას და უმეტეს შემთხვევაში თავისთავად გაივლის. ასევე კუჭ-ნაწლავის ტრაქტის მხრივ ამტანობა შესაძლებელია გაიზარდოს დოზის ეტაპობრივი ზრდით.

დარღვევები ჰეპატობილიარული სისტემის მხრივ

ძალიან იშვიათად

-    ღვიძლის ფუნქციის გამოკვლევების ანომალიური შედეგები

-    ჰეპატიტი

მოცემული რეაქციები გვარდება მეტფორმინის მიღების შეწყვეტისთანავე.

დარღვევები კანისა და კანქვეშა ქსოვილების მხრივ

ძალიან იშვიათად

-    კანის რეაქციები, როგორებიცაა: 

-    ერითემა

-    ქავილი

-    ჭინჭრის ციება

საეჭვო გვერდითი რეაქციების შესახებ შეტყობინება 

მნიშვნელოვანია საეჭვო გვერდითი რეაქციების შესახებ ინფორმაციის მიწოდება სამკურნალო პრეპარატის რეგისტრაციის შემდეგ სამკურნალო პრეპარატის “სარგებელი-რისკის” თანაფარდობის უწყვეტი მონიტორინგის უზრუნველყოფის მიზნით.

4.9 დოზის გადაჭარბება

სიმპტომები: მეტფორმინის ჰიდროქლორიდის 85 გ-მდე დოზით გამოყენების შემთხვევაში ჰიპოგლიკემია არ განვითარებულა, თუმცა აღინიშნა ლაქტოაციდოზის განვითარება. მეტფორმინის ჰიდროქლორიდის სერიოზული დოზის გადაჭარბება, ან თანმხლები რისკ-ფაქტორები ლაქტოაციდოზს განაპირობებს.  

მკურნალობა: ლაქტოაციდოზი არის გადაუდებელი მდგომარეობა, რომელიც ჰოსპიტალიზაციას საჭიროებს. ლაქტატისა და მეტფორმინის ორგანიზმიდან გამოდევნის საუკეთესო საშუალებაა ჰემოდიალიზი. 

5.   ფარმაკოლოგიური თვისებები

5.1. ფარმაკოდინამიკური თვისებები

ფარმაკოთერაპიული ჯგუფი: დიაბეტის დროს გამოყენებული სამკურნალო პრეპარატები. სისხლში გლუკოზის დონის დამაქვეითებელი სამკურნალო პრეპარატები, ინსულინის გარდა. ბიგუანიდები. მეტფორმინი.

მოქმედების მექანიზმი

მეტფორმინის ჰიდროქლორიდი წარმოადგენს ბიგუანიდს ანტიჰიპერგლიკემიური მოქმედებით, რომელიც ამცირებს სისხლში გლუკოზის როგორც ბაზისურ, ასევე პოსტპრანდიალურ დონეს. ის არ ასტიმულირებს ინსულინის სეკრეციას და, შესაბამისად, არ იწვევს ჰიპოგლიკემიას.

მეტფორმინის ჰიდროქლორიდს შეუძლია იმოქმედოს 3 მექანიზმის საშუალებით:

(1) ღვიძლში გლუკოზის გამომუშავების შემცირება გლუკონეოგენეზისა და გლიკოგენოლიზის ინჰიბირების გზით.

(2) კუნთებში ინსულინის მიმართ მგრძნობელობის გაზრდის, პერიფერიული სისხლიდან გლუკოზის მიტაცებისა და მისი უტილიზაციის გაძლიერების გზით.

(3) და ნაწლავებში გლუკოზის შეწოვის შენელებით.

მეტფორმინის ჰიდროქლორიდი ასტიმულირებს გლიკოგენის უჯრედშიდა სინთეზს, ახდენს ზემოქმედებას გლიკოგენსინთაზაზე. მეტფორმინის ჰიდროქლორიდი ზრდის გლუკოზის ყველა ტიპის მემბრანული ტრანსპორტერების (GLUთ) მიერ ტრანსპორტირების უნარს. 

ფარმაკოდინამიკური ეფექტები

კლინიკურ კვლევებში მეტფორმინის ძირითადი არაგლიკემიურ ეფექტს წარმოადგენს წონის სტაბილიზაცია ან წონის ზომიერი დაკლება. ადამიანებში სწრაფი გამოთავისუფლების მეტფორმინის ჰიდროქლორიდი სასარგებლო გავლენას ახდენს ლიპიდურ ცვლაზე, გლიკემიაზე მისი გავლენის მიუხედავად. ეს ეფექტი აჩვენა თერაპიული დოზებისთვის კონტროლირებადმა საშუალო და გრძელვადიანმა კლინიკურმა კვლევებმა: სწრაფი გამოთავისუფლების მეტფორმინის ჰიდროქლორიდი ამცირებს ქოლესტერინის საერთო დონეს, ქოლესტერინის დსლ (დაბალი სიმკვრივის ლიპოპროტეინები) და ტრიგლიცერიდების დონეს. ანალოგიური მოქმედება არ აჩვენა შენელებული გამოთავისუფლების სამკურნალწამლო ფორმამ, შესაძლოა საღამოს მიღების გამო, და ასევე შეიძლება ადგილი ჰქონდეს ტრიგლიცერიდების დონის მომატებას.  

კლინიკური ეფექტურობა და უსაფრთხოება

მე-2 ტიპის შაქრიანი დიაბეტის განვითარების რისკის შემცირება

ჩატარდა რანდომიზებული მულცენტრული კლინიკური კვლევა „დიაბეტის პროფლაქტიკის პროგრამა“ მოზრდილებში შაქრიანი დიაბეტის პროფილაქტიკაში ცხოვრების წესის ინტენსიური მოდიფიკაციის ან მეტფორმინის მიღების ეფექტურობის შესაფასებლად. ჩართვის კრიტერიუმები: ასაკი ≥25 წელი, სხეულის მასის ინდექსი ≥24 კგ/მ2, გლუკოზისადმი ტოლერანტობის დარღვევა, უზმოზე გლიკემიის დონე - 5,3 - 6,9 მმოლ/ლ. პაციენტები იმყოფებოდნენ  შემდეგ თერაპიაზე: ცხოვრების წესის მოდიფიკაცია, ან მეტფორმინი 850 მგ 2-ჯერ ცხოვრების წესის კორექციით, ან პლაცებო ცხოვრების წესის მოდიფიკაციასთან ერთად.

კვლევის მონაწილეების საშუალო მნიშვნელობები (ნ = 3234 2 წლის განმავლობაში): ასაკი 50,6 ± 10,7 წელი, უზმოზე გლიკემიის დონე 5,9 ± 0,46 მმოლ/ლ, გლიკემიის დონე ჭამიდან 2 საათში 9,1 ± 0,9 მმოლ/ლ, სხეულის მასის ინდექსი 34,0 ± 6,7 კგ/მ2. ცხოვრების წესში ინტენსიურმა ჩარევამ, და ასევე მეტფორმინის გამოყენებამ მნიშვნელოვნად შეამცირა დიაბეტის განვითარების რისკი პლაცებოსთან შედარებით, შესაბამისად 58%-ით (95% სანდოობის ინტერვალი 48-66%) და 31%-ით (95% სანდოობის ინტერვალი 17-43%) შესაბამისად.

5.2. ფარმაკოკინეტიკური თვისებები

აბსორბცია

1500 მგ გლუკოფაჟი XR 750 მგ-ის ერთჯერადი პერორალური მიღების შემდეგ პლაზმაში საშუალო მაქსიმალური კონცენტრაცია 1193 ნგ/მლ მიიღწეოდა 5 საათიანი დროის მედიანით, 4-დან 12 საათამდე დიაპაზონში.

1000 მგ გლუკოფაჟი XR 1000 მგ-ის  ერთჯერადი პერორალური მიღების შემდეგ საშუალო მაქსიმალური კონცენტრაცია 1214 ნგ/მლ მიიღწეოდა 5 საათიანი დროის მედიანით (დიაპაზონი 4-დან 10 საათამდე).

ნაჩვენები იქნა, რომ გლუკოფაჟი XR 750 მგ და გლუკოფაჟი XR 1000 მგ ბიოექვივალენტურია გლუკოფაჟი XR 750 მგ ტაბლეტების 1500 მგ დოზის, და გლუკოფაჟი XR 500 მგ ტაბლეტების 1000 მგ დოზის, Cmax  და AUC–ის მხრივ (კონცენტრაციის დროზე დამოკიდებულების მრუდის ქვეშ ფართობი) ჯანმრთელ პაციენტებში ჭამის შემდეგ და უზმოზე. 

ბიოექვივალენტური პრეპარატი ავლენს შემდეგ თვისებებს:

სტაბილურ მდგომარეობაში, სწრაფი გამოთავისუფლების სამკურნალწამლო ფორმის ანალოგიურად,  Cmax  და AUC იზრდება შეყვანილი დოზის არაპროპორციულად. ერთჯერადი პერორალური დოზით 2000 მგ მეტფორმინის ჰიდროქლორიდის პროლონგირებული გამოთავისუფლების ტაბლეტების AUC მსგავსია იმ AUC-ის, რომელიც აღინიშნება 1000 მგ მეტფორმინის ჰიდროქლორიდის სწრაფი გამოთავისუფლების ტაბლეტების დღეში ორჯერ მიღების შემდეგ. 

პროლონგირებული გამოთავისუფლების მეტფორმინის ჰიდროქლორიდის ტაბლეტების ჩმახ და AUC-ის ინდივიდუალური ვარიაბელურობა შედარებადია ინდივიდუალურ ვარიაბელურობასთან, რომელიც აღინიშნება სწრაფი გამოთავისუფლების მეტფორმინის ჰიდროქლორიდის ტაბლეტების მიღების შემთხვევაში.

როდესაც პროლონგირებული გამოთავისუფლების ტაბლეტი მიიღება ჭამის შემდეგ, AUC იზრდება 77% -ით ( Cmax  იზრდება 26%-ით, ხოლო თმახ ხდება უმნიშვნელოდ მეტი, დაახლოებით 1 საათით). საკვების მიღება თითქმის არ ახდენს გავლენას შენელებული გამოთავისუფლების სამკურნალწამლო ფორმიდან მეტფორმინის ჰიდროქლორიდის საშუალო შეწოვაზე. 

მეტფორმინის ჰიდროქლორიდის პროლონგირებული გამოთავისუფლების ტაბლეტების 2000 მგ-მდე დოზით მრავალჯერადი მიღების შემდეგ აკუმულაცია არ ხდება. 

განაწილება

პლაზმის ცილებთან კავშირი უმნიშვნელოა. მეტფორმინი გადანაწილდება ერითროციტებში. მაქსიმალური კონცენტრაცია სისხლში უფრო დაბალია, ვიდრე მაქსიმალური კონცენტრაცია სისხლის პლაზმაში და, როგორც ჩანს, მიიღწევა დაახლოებით ერთსა და იმავე დროში.  სავარაუდოდ, ერითროციტები წარმოადგენენ განაწილების მეორად განყოფილებას. განაწილების საშუალო მოცულობა (Vდ) ცვალებადობს 63-276 ლიტრის დიაპაზონში.

მეტაბოლიზმი

მეტფორმინის ექსკრეცია ხდება უცვლელი სახით შარდთან ერთად. ადამიანებში არავითარი მეტაბოლიტები იდენტიფიცირებული არ არის.

გამოყოფა

მეტფორმინის თირკმელებით კლირენსი არის > 400 მლ/წთ, რაც მიუთითებს იმაზე, რომ მეტფორმინი გამოიყოფა გორგლოვანი ფილტრაციის და მილაკოვანი სეკრეციის საშუალებით. პერორალური მიღების შემდეგ, გამოხატული ტერმინალური ნახევარგამოყოფის პერიოდი შეადგენს დაახლოებით 6,5 საათს.

თირკმელების ფუნქციის დარღვევისას თირკმლის კლირენსი მცირდება კრეატინინის კლირენსის პროპორციულად, და ამგვარად ნახევარგამოყოფის პერიოდი იზრდება, რაც იწვევს სისხლის პლაზმაში მეტფორმინის დონის მომატებას.

 

5.3 პრეკლინიკური კვლევების მონაცემები

პრეკლინიკური კვლევების ჩატარებისას ადამიანისთვის პოტენციური საშიშროება, ტოქსიკურობის გამოვლინებები მრავალჯერადი დოზის გამოყენებისას, გენოტოქსიკურობა, კანცეროგენული პოტენციალი ან ფერტილობაზე ზემოქმედება გამოვლენილი არ ყოფილა.

 

6.   ფარმაცევტული თვისებები

6.1. დამხმარე ნივთიერებების ჩამონათვალი

ერთი პროლონგირებული გამოთავისუფლების 750 მგ ტაბლეტი შეიცავს

დამხმარე ნივთიერებებს: 

ნატრიუმის კარმელოზა (ნატრიუმის კარბოქსიმეთილცელულოზა) 

ჰიპრომელოზა 100 000 cP (ჰიდროქსიპროპილმეთილცელულოზა 2208), 

მაგნიუმის სტეარატი 

გასუფთავებული წყალი

 

ერთი პროლონგირებული გამოთავისუფლების 1000 მგ ტაბლეტი შეიცავს

დამხმარე ნივთიერებებს: 

ნატრიუმის კარმელოზა (ნატრიუმის კარბოქსიმეთილცელულოზა) 

ჰიპრომელოზა 100 000 cP (ჰიდროქსიპროპილმეთილცელულოზა 2208)

მაგნიუმის სტეარატი

გასუფთავებული წყალი

6.2 შეუთავსებლობა

არ განიხილება

6.3 ვარგისობის ვადა

3 წელი.

არ გამოიყენოთ ვარგისობის ვადის გასვლის შემდეგ.

6.4 შენახვის განსაკუთრებული სიფრთხილის ზომები

ინახება არაუმეტეს 25˚C ტემპერატურაზე.

ინახება ბავშვებისთვის მიუწვდომელ ადგილას!

6.5 გამოშვების ფორმა და შეფუთვა

15 ტაბლეტი მოთავსებულია პვქ აპკისა და ალუმინის ფოლგის, ან პვქ/პვდქ აპკისა და ალუმინის ფოლგის კონტურულ-უჯრედოვან შეფუთვაში. 

4 კონტურულ-უჯრედოვანი შეფუთვა სამედიცინო გამოყენების ინსტრუქციასთან ერთად ყაზახურ და რუსულ ენებზე მოთავსებულია მუყაოს კოლოფში (დოზირებისთვის 750 მგ).

10 ტაბლეტი მოთავსებულია პვქ/პვდქ აპკისა და ალუმინის ფოლგის კონტურულ-უჯრედოვან შეფუთვაში. 

6 კონტურულ-უჯრედოვანი შეფუთვა სამედიცინო გამოყენების ინსტრუქციასთან ერთად ყაზახურ და რუსულ ენებზე მოთავსებულია მუყაოს კოლოფში (დოზირებისთვის 1000 მგ).

6.6. სიფრთხილის განსაკუთრებული ზომები გამოყენებული სამკურნალო პრეპარატის ან ნარჩენების გასანადგურებლად, რომლებიც მიიღება სამკურნალო პრეპარატის გამოყენების ან მასთან მუშაობის შემდეგ.

განსაკუთრებული მოთხოვნები არ არსებობს.

6.7 აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა №3 რეცეპტით (გადაუდებელი დახმარებისას გაიცემა ურეცეპტოდ)