Heptral - ჰეპტრალი 400მგ 20 ტაბლეტი

ჰეპტრალი®

სავაჭრო დასახელება

ჰეპტრალი®

საერთაშორისო არაპატენტირებული დასახელება 

ადემეთიონინი

სამკურნალწამლო ფორმა

ნაწლავში ხსნადი გარსით დაფარული ტაბლეტები 

შემადგენლობა

ერთი ტაბლეტი შეიცავს

აქტიური ნივთიერება -  ადემეთიონინი 1,4-ბუტანის დისულფონატი 760 მგ (ექვივალენტურია 400 მგ ადემეთიონინის კათიონის),

დამხმარე ნივთიერებები:  უწყლო კოლოიდური სილიციუმის დიოქსიდი, ნატრიუმის სახამებლის გლიკოლატი (ტიპი A), მაგნიუმის სტეარატი, მიკროკრისტალური ცელულოზა 

გარსი:  მეტაკრილის მჟავა - ეთილის აკრილატის კოპოლიმერი (1:1), მაკროგოლი 6000, პოლისორბატი 80, სიმეთიკონის ემულსია (30%), ნატრიუმის ჰიდროქსიდი, ტალკი 

აღწერა 

გარსით დაფარული ტაბლეტები, თეთრიდან მოყვითალო ფერის, ოვალური ფორმის ბზარების, „ თავსახურის“ ეფექტისა და შეშუპების გარეშე.

იხილეთ ბლოგი: ჰეპტრალი — პრეპარატი, რომელიც ღვიძლის დაავადებების სამკურნალოდ გამოიყენება

ფარმაკოთერაპიული ჯგუფი

საჭმლის მომნელებელი ტრაქტი ნივთიერებათა ცვლა. სხვა პრეპარატები კუჭ-ნაწლავის დაავადებების და მეტაბოლური დარღვევების სამკურნალოდ. ამინომჟავები და მათი წარმოებულები. ადემეთიონინი 

ათქ კოდი А16АА02

ფარმაკოლოგიური თვისებები

ფარმაკოკინეტიკა

აბსორბცია

ადამიანებში, ინტრავენური შეყვანის შემდეგ, ადემეთიონინის ფარმაკოკინეტიკური პროფილი ორფაზიანია, სწრაფი განაწილების ფაზა ქსოვილებში და კლირენსი ნახევარგამოყოფის პერიოდით დაახლოებით 1,5 საათის განმავლობაში.

აბსორბცია ინტრამუსკულარული მიღების შემდეგ არის 96%, მაქსიმალური პლაზმური კონცენტრაცია მიიღწევა 45 წუთის შემდეგ. გამოყენების შემდეგ. ნაწლავური ადემეთიონინის ტაბლეტების პერორალური მიღების შემდეგ (400-1000 მგ), მაქსიმალური პლაზმური კონცენტრაცია მიღწეულია დოზადამოკიდებულად და მერყეობს 0,5-1 მგ/ლ 3-5 საათს შორის. პერორალური მიღების შემდეგ ბიომისაწვდომლობა იზრდება, თუ ადემეთიონინი შეყვანილია კვებას შორის. პლაზმური კონცენტრაცია საწყის მნიშვნელობებამდე მცირდება  24 საათის განმავლობაში.

განაწილება

განაწილების მოცულობა არის 0.41 და 0.44 ლ/კგ ადემეთიონინის 100 მგ და 500 მგ დოზებისთვის, შესაბამისად. შრატის ცილებთან შეკავშირება უმნიშვნელოა და შეადგენს ≤ 5%-ს.

მეტაბოლიზმი

ადემეთიონინის ცვლის პროცესი ციკლურია და მას ადემეთიონინის ციკლი ეწოდება. ამ ციკლის პირველ საფეხურზე ადემეთიონინდამოკიდებული მეთილაზა იყენებს ადემეთიონინს, როგორც სუბსტრატს S-ადენოზილ-ჰომოცისტეინის წარმოებისთვის, რომელიც შემდეგ ჰიდროლიზდება ჰომოცისტეინად და ადენოზინად S-ადენოზილ-ჰომოცისტეინ ჰიდრალაზას მიერ. თავის მხრივ, ჰომოცისტეინი განიცდის მეთიონინად საპირისპირო ტრანსფორმაციას მეთილის ჯგუფის 5-მეთილტეტრაჰიდროფოლატისგან გადატანის გზით. საბოლოო ჯამში, მეთიონინი შეიძლება გარდაიქმნას ადემეთიონინად და დაასრულოს ციკლი.

გამოყოფა

თირკმელებით ექსკრეცია შეადგენს 15,5±1,5%-ს 48 საათის შემდეგ, განავლით ექსკრეცია 23,5±3,5%-ს 72 საათის შემდეგ. 

ფარმაკოდინამიკა

ჰეპტრალი® (აქტიური ნივთიერება - S-ადენოზილ-L-მეთიონინი (ადემეთიონინი)) არის ბუნებრივი წარმოშობის ამინომჟავა, რომელიც იმყოფება სხეულის ყველა ქსოვილსა და სითხეში. ჰეპტრალი® (ადემეთიონინი) ძირითადად მოქმედებს როგორც კოენზიმისა და მეთილის ჯგუფის დონორი ტრანსმეთილირების მრავალ რეაქციაში. ადემეთიონინის მეთილის ჯგუფების გადატანა (ტრანსმეთილაცია) არის უჯრედების ფოსფოლიპიდური მემბრანის აგების საფუძველი და როლს ასრულებს მემბრანის სითხეში.

ჰეპტრალს® (ადემეთიონინი) შეუძლია შეაღწიოს ჰემატოენცეფალურ ბარიერში. ჰეპტრალის (ადემეთიონინის) მაღალი კონცენტრაცია გავლენას ახდენს ტრანსმეთილირების პროცესებზე, რომლებიც ძალიან მნიშვნელოვანია ტვინის ქსოვილში, მათი ზემოქმედების გამო კატექოლამინების (დოფამინი, ადრენალინი, ნორეპინეფრინი), ინდოამინების (სეროტონინი, მელატონინი) და ჰისტამინის მეტაბოლიზმზე.

ჰეპტრალი® (ადემეთიონინი) ასევე წარმოადგენს ბიოქიმიური თიოლის ნაერთების (ცისტეინი, ტაურინი, გლუტათიონი, კოენზიმი A და სხვ.) წინამორბედს ტრანსსულფურიზაციის რეაქციებში.

გლუტათიონი, ძლიერი ანტიოქსიდანტი, მნიშვნელოვანი კომპონენტია ღვიძლის დეტოქსიკაციისთვის. ჰეპტრალი® ზრდის გლუტათიონის დონეს პაციენტებში, რომლებსაც აქვთ ღვიძლის  როგორც ალკოჰოლური, ასევე არაალკოჰოლური წარმოშობის დაზიანება. ფოლიუმის მჟავა და ვიტამინი B12 არის აუცილებელი თანა-ნუტრიენტები ჰეპტრალის (ადემეთიონინი) მეტაბოლიზმსა და დაგროვებაში. 

ღვიძლშიდა ქოლესტაზი

პრეპარატი ეფექტურია ინტრაჰეპატური ქოლესტაზის სამკურნალოდ ღვიძლის დაავადებების, ორსულობის დროს და ღვიძლის სხვა ქრონიკული დაავადებების დროს.

ღვიძლშიდა ქოლესტაზი არის ღვიძლის ქრონიკული დაავადებების გართულება და იწვევს ღვიძლის უჯრედების დაზიანებას. 

ღვიძლის ქრონიკული დაავადებების დროს დარღვეულია ჰეპატოციტების ისეთი ფუნქციები, როგორიცაა ნაღვლის მჟავების კლირენსი და გამომუშავების  და რეგულირება, რაც იწვევს ინტრაჰეპატური ქოლესტაზის განვითარებას. 

ადემეთიონინის გამოყენება შესწავლილია ღვიძლის ქრონიკული დაავადებების მქონე პაციენტებში, რომლებსაც ხშირად თან ახლავს ინტრაჰეპატური ქოლესტაზი: პირველადი ბილიარული ციროზი, პირველადი სკლეროზული ქოლანგიტი, მედიკამენტებით გამოწვეული ღვიძლის დაზიანება, ვირუსული ჰეპატიტი; პარენტერალური კვებით გამოწვეული ქოლესტაზი, ღვიძლის ალკოჰოლური და არაალკოჰოლური წარმოშობის  დაზიანება.

ღვიძლის ქრონიკული დაავადებით (ღქდ) გამოწვეული დაღლილობის აღმოფხვრა 

ნაჩვენებია, რომ ადემეთიონინი ამცირებს დაღლილობის სიმპტომებს ღქდ-ს დროს. დაღლილობის მქონე სუბიექტებს შორის ინტეგრირებულმა ანალიზმა აჩვენა ადემეთიონინით მკურნალობის ეფექტი არა მხოლოდ დაღლილობაზე, არამედ რიგ სხვა სიმპტომებზე, როგორიცაა დეპრესია, სიყვითლე, სისუსტე და ქავილი.

ALD (ღვიძლის ალკოჰოლური დაავადება)პაციენტებში  ადემეთიონინით მკურნალობამ გააუმჯობესა დეპრესიული განწყობა, რაც ასევე აღინიშნა დაღლილობის მქონე პაციენტებში.

უფრო მეტიც, სუბიექტებში, რომლებსაც აღენიშნებათ დაღლილობა ALD ან NALD (ღვიძლის არაალკოჰოლური დაავადება) გამო, სიყვითლე, სისუსტე და ქავილი შემცირდა ადემეთიონინით მკურნალობისას.  

დეპრესია

ჰეპტრალი® (ადემეთიონინი) გამოიყენებოდა პარენტერალურად და პერორალურად დეპრესიის სამკურნალოდ. ანტიდეპრესანტული ეფექტი გამოვლინდა მკურნალობის 5-7 დღეს გვერდითი ეფექტების, მათ შორის  ანტიქოლინერგული რეაქციების არარსებობის შემთხვევაში. 

ორსულობის ღვიძლშიდა ქოლესტაზი

ადემეთიონინით მკურნალობა (ი.ვ., ი.მ., პერორალურად ტაბლეტების სახით) ეფექტურია ორსულობის ღვიძლშიდა ქოლესტაზის დროს და ვლინდება კანის ქავილის შემცირების და ბიოქიმიური პარამეტრების გაუმჯობესების სახით. 

მედიკამენტებით გამოწვეული ღვიძლის დაზიანების პრევენცია და მკურნალობა.

კლინიკური მონაცემები აჩვენებს, რომ ადემეთიონინი ეფექტურია  სხვადასხვა წარმოშობის პრეპარატებით გამოწვეული ღვიძლის დაზიანების როგორც პროფილაქტიკის, ისე  მკურნალობის დროს (მაგალითად, ანტივირუსული პრეპარატების, იმუნოსუპრესანტების, სიმსივნის საწინააღმდეგო თერაპიის გამოყენების შემდეგ). ადემეთიონინის დემონსტრირებული დამცავი ეფექტი შეიძლება აიხსნას მისი აქტიური მონაწილეობით ღვიძლის დეტოქსიკაციის პროცესებში.

გამოყენების ჩვენება

- ღვიძლშიდა ქოლესტაზი პრეციროზულ პირობებში და ღვიძლის ციროზის დროს

- ღვიძლშიდა ქოლესტაზი ორსულ ქალებში

- დეპრესიული სინდრომი

- ღვიძლის ქრონიკული უკმარისობით გამოწვეული დაღლილობის მოხსნა

- მედიკამენტებით გამოწვეული ღვიძლის დაზიანების პროფილაქტიკა და მკურნალობა 

გამოყენების მეთოდი და დოზირება

მკურნალობა შეიძლება დაიწყოს პრეპარატის პარენტერალური შეყვანით (ნელი ინტრავენური ან ინტრამუსკულარული), რასაც მოჰყვება პრეპარატის გამოყენება ტაბლეტის სახით ან თავიდანვე ტაბლეტების გამოყენებით.

ტაბლეტები უნდა გადაიყლაპოს მთლიანად დაღეჭვის გარეშე. აქტიური ნივთიერების უკეთესი შეწოვისა და სრული თერაპიული ეფექტისთვის ტაბლეტების მიღება უნდა მოხდეს კვებას შორის. ჰეპტრალის ტაბლეტი ბლისტერიდან უნდა ამოიღონ მის მიღებამდე დაუყოვნებლივ. თუ ტაბლეტების ორიგინალი ფერი იცვლება (თეთრი- მოყვითალო), ბლისტერის ალუმინის გარსის დაზიანების გამო, თავი უნდა შეიკავოთ მათი გამოყენებისგან. 

დეპრესია:

საწყისი თერაპია:

ინტრავენური ან ინტრამუსკულარული შეყვანა: რეკომენდებული დოზაა 5-12 მგ/კგ/დღე-ღამეში ინტრავენურად ან ინტრამუსკულარულად. ჩვეულებრივი საწყისი დოზაა 400-500 მგ/დღე-ღამეში ინტრავენურად ან ინტრამუსკულარულად, საერთო სადღეღამისო დოზა არ უნდა აღემატებოდეს 1000 მგ-ს 15-20 დღის განმავლობაში.

პერორალური: რეკომენდებული დოზაა 10-25 მგ/კგ/დღე-ღამეში. ჩვეულებრივი საწყისი დოზაა 400-800 მგ/დღე-ღამეში, ჯამური სადღეღამისო დოზა არ უნდა აღემატებოდეს 1600 მგ-ს.

დამხმარე თერაპია:

პერორალური: 500-1600 მგ/დღე-ღამეში.

ღვიძლშიდა ქოლესტაზი/ღვიძლის ქრონიკული უკმარისობით გამოწვეული დაღლილობის შემსუბუქება/ღვიძლის მედიკამენტებით გამოწვეული დაზიანების პრევენცია და მკურნალობა 

საწყისი თერაპია:

ინტრავენური ან ინტრამუსკულარული შეყვანა: რეკომენდებული დოზაა 5-12 მგ/კგ/დღე-ღამეში ინტრავენურად ან ინტრამუსკულარულად. ჩვეულებრივი საწყისი დოზაა 400-500 მგ/დღე-ღამეში ინტრავენურად ან ინტრამუსკულარულად, ჯამური სადღეღამისო დოზა არ უნდა აღემატებოდეს 1000 მგ-ს 2 კვირის განმავლობაში.

პერორალური: რეკომენდებული დოზაა 10-25 მგ/კგ/დღე-ღამეში. ჩვეულებრივი საწყისი დოზაა 400-800 მგ/დღე-ღამეში, ჯამური სადღეღამისო დოზა არ უნდა აღემატებოდეს 1600 მგ-ს.

თერაპიის ხანგრძლივობა დამოკიდებულია დაავადების სიმძიმეზე და მიმდინარეობაზე და განისაზღვრება ექიმის მიერ ინდივიდუალურად.

ხანდაზმული პაციენტები.

მკურნალობის დაწყება რეკომენდებულია  ყველაზე დაბალი რეკომენდებული დოზით, ღვიძლის, თირკმელების ან გულის ფუნქციის დაქვეითების, თანმხლები პათოლოგიური მდგომარეობის არსებობისა და სხვა პრეპარატების გამოყენების გათვალისწინებით. 

გამოყენება თირკმლის უკმარისობის მქონე პაციენტებში

ასეთ პაციენტებში ადემეთიონინის გამოყენებისას რეკომენდებულია სიფრთხილე..

გამოყენება ღვიძლის უკმარისობის მქონე პაციენტებში 

ადემეთიონინის ფარმაკოკინეტიკური პარამეტრები მსგავსია ნორმალურ პირობებში და ღვიძლის ქრონიკული დაავადებების მქონე პაციენტებში.

გვერდითი მოქმედება

გვერდითი მოქმედება კლინიკური კვლევებიდან

ხშირი (≥1/100, <1/10)

- გულისრევა, მუცლის ტკივილი, დიარეა

- თავის ტკივილი

- შფოთვა, უძილობა

- კანის ქავილი

- ასთენია 

ნაკლებად ხშირი (≥ 1/1000, <1/100)

- პირის სიმშრალე, დისპეფსია, მეტეორიზმი, კუჭ-ნაწლავის ტკივილი, კუჭ-ნაწლავის სისხლდენა, კუჭ-ნაწლავის დარღვევები, ღებინება

- შეშუპება, ცხელება, შემცივნება, რეაქციები ინექციის ადგილზე, ინექციის ადგილის ნეკროზი 

- მომატებული მგრძნობელობა, ანაფილაქტოიდური  ან ანაფილაქსიური რეაქციები (მაგალითად, კანის სიწითლე, ქოშინი, ბრონქოსპაზმი, ზურგის ტკივილი, გულმკერდის დისკომფორტი, არტერიული წნევის (ჰიპოტენზია, ჰიპერტენზია) ან პულსის სიხშირის (ტაქიკარდია, ბრადიკარდია) ცვლილებები)

- საშარდე გზების ინფექციები

- ართრალგია, კუნთების კრუნჩხვები

- თავბრუსხვევა, პარესთეზია, დისგევზია

- აჟიოტაჟი, დაბნეულობა

- ხორხის შეშუპება

- მომატებული ოფლიანობა, ანგიონევროზული შეშუპება, კანის ალერგიული რეაქციები (მაგალითად, გამონაყარი, ქავილი, ჭინჭრის ციება, ერითემა)

- "ალები“, ჰიპოტენზია, ფლებიტი

- ეზოფაგიტი

იშვიათი (≥ 1/10000, <1/1000)

- შებერილობა

- სისუსტე

უკუჩვენება

- მომატებული მგრძნობელობა პრეპარატის რომელიმე კომპონენტის მიმართ

- პაციენტები გენეტიკური დარღვევებით, რომლებიც გავლენას ახდენენ მეთიონინის მეტაბოლიზმზე და/ან ჰომოცისტინურიაზე და/ან ჰიპერჰომოცისტეინემიაზე (მაგალითად, ცისტათიონ ბეტა სინთეზის ფერმენტის დეფიციტი, ვიტამინი B12 მეტაბოლიზმის დარღვევა)

წამალთაშორისი ურთიერთქმედება

იყო მოხსენება სეროტონინის სინდრომის განვითარების შესახებ პაციენტში, რომელიც იყენებდა ადემეთიონინს და კლომიპრამინს. ჰეპტრალი სიფრთხილით უნდა იქნას გამოყენებული სეროტონინის სელექციური უკუმიტაცების ინჰიბიტორებთან, ტრიციკლურ ანტიდეპრესანტებთან (როგორიცაა კლომიპრამინი) და ტრიპტოფანის შემცველ მცენარეულ საშუალებებთან ერთად. 

განსაკუთრებული მითითებები

ჰეპტრალი®, ნაწლავში ხსნადი გარსით დაფარული ტაბლეტები, შეიცავს ნატრიუმის სახამებლის გლიკოლატს (ტიპი A), 17,6 მგ. საჭიროა სიფრთხილე უმარილო დიეტაზე მყოფ პირთათვის დანიშვნისას.

პაციენტებში პრეციროზული პირობებით და ღვიძლის ციროზით ჰიპერკრეატინინემიით, ჰეპტრალის ტაბლეტების მიღებისას საჭიროა კრეატინინის დონის მონიტორინგი.

იმის გამო, რომ ვიტამინი B12 და ფოლიუმის მჟავას დეფიციტმა შეიძლება გამოიწვიოს ადემეთიონინის დონის დაქვეითება, სისხლის რუტინული ტესტები უნდა ჩატარდეს რისკის ქვეშ მყოფ პაციენტებში (ანემია, ღვიძლის დაავადება, ორსულობა, ვიტამინის დეფიციტის პოტენციალი, სხვა სამედიცინო პირობების ან დიეტის გამო, როგორიცაა ვეგანიზმი)პლაზმაში ამ ვიტამინების შემცველობის შეფასებისთვის. თუ დეფიციტი გამოვლინდა, რეკომენდებულია ვიტამინ B12 და/ან ფოლიუმის მჟავის მიღება მკურნალობის დაწყებამდე ან ადემეთიონინთან ერთდროულ გამოყენებამდე.

ზოგიერთ პაციენტს ადემეთიონინით მკურნალობის დროს შეიძლება ჰქონდეს თავბრუსხვევა. სატრანსპორტო საშუალებები ან სხვა მექანიზმები არ უნდა მართოთ  მანამ, სანამ მთლიანად არ გაქრება სიმპტომები, რომლებმაც შეიძლება გავლენა მოახდინოს თქვენს რეაქციაზე ამ აქტივობების დროს. 

ჰეპტრალი® არ არის რეკომენდებული ბიპოლარული ფსიქოზის მქონე პაციენტებში გამოსაყენებლად 

იყო შეტყობინებები დეპრესიის ჰიპომანიაში ან მანიაში პროგრესირების შესახებ  ადემეთიონინით მკურნალობის დროს.

პაციენტები უნდა გააფრთხილონ ექიმის ინფორმირების აუცილებლობის შესახებ, თუ ჰეპტრალით თერაპიის დროს მათი ავადმყოფობის სიმპტომები (დეპრესია) არ გაქრება ან გაუარესდება.

დეპრესიით დაავადებული პაციენტები საჭიროებენ ფრთხილად მონიტორინგს და მუდმივ ფსიქიატრიულ დახმარებას ადემეთიონინით მკურნალობისას მკურნალობის ეფექტურობის მონიტორინგისთვის.

იყო შეტყობინებები გარდამავალი ან გაუარესებული შფოთვის შესახებ პაციენტებში, რომლებიც  ჰეპტრალით (ადემეთიონინი)მკურნალობდნენ. უმეტეს შემთხვევაში, მკურნალობის შეწყვეტა საჭირო არ იყო. ზოგიერთ შემთხვევაში, შფოთვა ქრება დოზის შემცირების ან თერაპიის შეწყვეტის შემდეგ.

ადემეთიონინი ურთიერთქმედებს იმუნოლოგიურ ტესტებთან ჰომოცისტეინის დასადგენად, რამაც შეიძლება გამოიწვიოს პლაზმაში ჰომოცისტეინის დონის ცრუ მატება პაციენტებში, რომლებიც  ჰეპტრალით (ადემეთიონინი)მკურნალობენ. ამ კატეგორიის პაციენტებში სისხლის პლაზმაში ჰომოცისტეინის დონის დასადგენად რეკომენდებულია არაიმუნოლოგიური მეთოდების გამოყენება. 

ღვიძლის უკმარისობა

დოზის კორექცია საჭირო არ არის. ჰიპერამონიემიის მქონე პაციენტებში უნდა მოხდეს ამიაკის დონის მონიტორინგი.

თირკმლის უკმარისობა

ჰეპტრალი® უნდა გამოიყენონ სიფრთხილით.

გამოყენება პედიატრიაში

ბავშვებში ჰეპტრალის (ადემეთიონინის) უსაფრთხოება და ეფექტურობა დადგენილი არ არის.

ორსულობა და ლაქტაციის პერიოდი

ორსულობის მესამე ტრიმესტრში ადემეთიონინის მაღალი დოზების გამოყენებამ არ გამოიწვია არასასურველი რეაქციები. ორსულობის პირველ ტრიმესტრში ჰეპტრალი® გამოიყენება  მხოლოდ აუცილებლობის შემთხვევაში.

ლაქტაციის პერიოდში ჰეპტრალი® გამოიყენება მხოლოდ იმ შემთხვევაში, თუ მისი გამოყენების სარგებელი აღემატება ბავშვის რისკს.

პრეპარატის მოქმედების თავისებურებები სატრანსპორტო საშუალების  ან პოტენციურად სახიფათო მექანიზმების მართვის უნარზე 

შეიძლება აღინიშნოს თავბრუსხვევა. სატრანსპორტო საშუალებები ან  სხვა მექანიზმები არ უნდა მართოთ  მანამ, სანამ მთლიანად არ გაქრება სიმპტომები, რომლებმაც შეიძლება გავლენა მოახდინოს თქვენს რეაქციაზე ამ აქტივობების დროს.

დოზის გადაჭარბება

სიმპტომები - გვერდითი მოქმედების გაზრდა.

მკურნალობა - ზოგადი დამხმარე თერაპია სხეულის სასიცოცხლო ფუნქციების და პაციენტის კლინიკური მდგომარეობის მონიტორინგის ფონზე. 

გამოშვების ფორმა და შეფუთვა

10 ტაბლეტი ალუმინი/ალუმინის ბლისტერში. 2 ბლისტერი სამედიცინო გამოყენების ინსტრუქციასთან ერთად მუყაოს კოლოფში.

შენახვის პირობები

ინახება არაუმეტეს 25°C ტემპერატურაზე.

ინახება ბავშვებისთვის მიუწვდომელ ადგილას!

ვარგისიანობის ვადა

3 წელი.

არ გამოიყენოთ ვარგისიანობის ვადის გასვლის შემდეგ.

გაცემის რეჟიმი:

ფარმაცევტული პროდუქტის ჯგუფი - III, გაიცემა რეცეპტის გარეშე