Supremaza - სუპრემაზა 150მგ 2 კაფსულა

ფლუკონაზოლი სუპრემაზა 150 მგ კაფსულა

მედიკამენტის მიღებამდე საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისათვის მნიშვნელოვან ინფორმაციას.
- საჭიროა ინსტრუქციის შენახვა. შესაძლოა წარმოიშვას მისი ხელახალი გაცნობის აუცილებლობა.
- დამატებითი კითხვების არსებობის შემთხვევაში პაციენტმა უნდა მიმართოს მკურნალ ექიმს, ფარმაცევტს ან ექთანს.
- მედიკამენტი განკუთვნილია მხოლოდ პაციენტისათვის. დაუშვებელია მისი სხვა პირებისათვის მიცემა. სიმპტომების მსგავსების მიუხედავად, ის საზიანო შეიძლება აღმოჩნდეს მათთვის.
- ნებისმიერი გვერდითი მოვლენის განვითარებისას პაციენტმა უნდა მიმართოს მკურნალ ექიმს, ექთანს ან ფარმაცევტს. ეს მოიცავს ისეთ შესაძლო გვერდით მოვლენებს, რომლებიც არ არის ინსტრუქციაში ჩამოთვლილი. იხ. პარაგრაფი 4.
ინსტრუქციაში მოცემულია:

1. რას წარმოადგენს ფლუკონაზოლი სუპრემაზა და მისი გამოყენება 
2. რა უნდა იცოდეს პაციენტმა  ფლუკონაზოლი სუპრემაზას მიღებამდე
3. ფლუკონაზოლი სუპრემაზას მიღების წესი
4. შესაძლო გვერდითი მოვლენები
5. ფლუკონაზოლი სუპრემაზას შენახვის წესი
6. შეფუთვის შემცველობა და სხვა ინფორმაცია

1. რას წარმოადგენს ფლუკონაზოლი სუპრემაზა და მისი გამოყენება

ფლუკონაზოლი სუპრემაზა მიეკუთვნება სოკოს საწინააღმდეგო მედიკამენტების ჯგუფს. მისი აქტიური ნივთიერებაა ფლუკონაზოლი.

ფლუკონაზოლი სუპრემაზა გამოიყენება სოკოებით გამოწვეული ინფექციების სამკურნალოდ და ასევე, შეიძლება გამოყენებულ იქნეს კანდიდოზური ინფექციების განვითარების პრევენციისათვის. სოკოვანი ინფექციების ყველაზე ხშირი მიზეზია კანდიდა (ჩანდიდა) სოკო.

მოზრდილები
მედიკამენტი ექიმის მიერ შეიძლება დაინიშნოს შემდეგი ტიპის სოკოვანი ინფექციების სამკურნალოდ:
- კრიპტოკოკული მენინგიტი – თავის ტვინის სოკოვანი ინფექცია;
- კოქციდიოიდომიკოზი – ბრონქოპულმონარული სისტემის დაავადება;
- კანდიდათი გამოწვეული ინფექციები, რომლებიც შეიძლება ნანახი იქნას სისხლის მიმოქცევის სისტემაში, სხვადასხვა ორგანოებში (მაგ.: გული, ფილტვები) ან საშარდე გზებში;
- ლორწოვანი გარსის რძიანა – პირის ღრუს, ხახის ლორწოვანი გარსის ინფექცია და პირის ღრუს დაზიანებები, რომელიც გამოწვეული კბილის პროთეზით;
- სასქესო ორგანოების რძიანა – საშოს ან სასქესო ასოს ინფექცია;
- კანის ინფექციები – მაგ.: ათლეტის ტერფი, ტრიქოფიტია, დერმატოფიტოზი (ნაირფერი ლიქენი), ფრჩხილების ინფექცია.

ასევე, ფლუკონაზოლი სუპრემაზა შეიძლება დაინიშნოს:
- კრიპტოკოკული მენინგიტის რეციდივის პრევენციისათვის;
- პირისა და ხახის რძიანას რეციდივის პრევენციისათვის;
- ვაგინალური რძიანას რეციდივის შესამცირებლად;
- კანდიდათი გამოწვეული ინფექციების პრევენციისათვის (თუ იმუნური სისტემა დასუსტებულია ან არ ფუნქციონირებს სათანადოდ).

ბავშვები და მოზარდები (0-17 წლის ასაკის)
მედიკამენტი ექიმის მიერ შეიძლება დაინიშნოს შემდეგი ტიპის სოკოვანი ინფექციების სამკურნალოდ:
- ლორწოვანი გარსის რძიანა - ინფექცია, რომელიც აზიანებს პირის, ხახის ლორწოვან გარსს;
- კანდიდათი გამოწვეული ინფექციები, რომლებიც აღინიშნება სისხლის მიმოქცევის სისტემაში, სხვადასხვა ორგანოებში (მაგ.: გული, ფილტვები) ან საშარდე გზებში;
- კრიპტოკოკული მენინგიტი – თავის ტვინის სოკოვანი ინფექცია.

ასევე, ფლუკონაზოლი სუპრემაზა შეიძლება დაინიშნოს:
- კანდიდათი გამოწვეული ინფექციების პრევენციისათვის (თუ იმუნური სისტემა დასუსტებულია ან არ ფუნქციონირებს სათანადოდ);
- კრიპტოკოკული მენინგიტის რეციდივის პრევენციისათვის.

იხილეთ ბლოგი: სუპრემაზა — ეფექტიანი პრეპარატი, რომელიც სოკოვანი ინფექციის დამარცხებაში დაგეხმარებათ

2. რა უნდა იცოდეს პაციენტმა  ფლუკონაზოლი სუპრემაზას მიღებამდე

დაუშვებელია ფლუკონაზოლი სუპრემაზას მიღება:
- თუ პაციენტი ალერგიულია ფლუკონაზოლის, სოკოვანი ინფექციების სამკურნალო სხვა მედიკამენტის ან პრეპარატში შემავალი სხვა რომელიმე ნივთიერების მიმართ (იხ. პარაგრაფი 6). სიმპტომები შეიძლება მოიცავდეს ქავილს, კანის სიწითლეს ან სუნთქვის გაძნელებას;
- თუ პაციენტი იღებს ასტემიზოლს, ტერფენადინს (ალერგიის საწინააღმდეგო ანტიჰისტამინური მედიკამენტები);
- თუ პაციენტი იღებს ცისაპრიდს (გამოიყენება დისპეფსიის დროს);
- თუ პაციენტი იღებს პიმოზიდს (გამოიყენება ფსიქიკური დაავადებების დროს);
- თუ პაციენტი იღებს ქინიდინს (გამოიყენება არითმიის დროს);
- თუ პაციენტი იღებს ერითრომიცინს (გამოიყენება ინფექციების სამკურნალოდ).

გაფრთხილებები და სიფრთხილის ზომები
ფლუკონაზოლი სუპრემაზას მიღებამდე პაციენტმა უნდა მიმართოს მკურნალ ექიმს, ფარმაცევტს ან ექთანს:
- თუ პაციენტს აღენიშნება თირკმლის ან ღვიძლის პრობლემები;
- თუ პაციენტს აღენიშნება გულის დაავადება, მათ შორის გულის რითმის პრობლემები;
- თუ პაციენტს აღენიშნება კალიუმის, კალციუმის ან მაგნიუმის დონის ცვლილება სისხლში;
- თუ პაციენტს განუვითარდა კანის მძიმე რეაქციები (კანის ქავილი, სიწითლე ან სუნთქვის გაძნელება);
- თუ პაციენტს განუვითარდა “თირკმელზედა ჯირკვლის უკმარისობის” ნიშნები, როცა თირკმელზედა ჯირკვლები არ გამოყოფენ ადექვატური რაოდენობით გარკვეულ სტეროიდალ ჰორმონებს, როგორიცაა: კორტიზოლი (ქრონიკული ან ხანგრზლივი დაღლილობა, კუნთების სისუსტე, მადის დაკრგვა, წონის კლება, მუცლის ტკივილი);
- თუ პაციენტს წარსულში ჰქონდა კანის მძიმე გამონაყარი ან კანის აქერცვლა, ბუშტუკოვანი გამონაყარი და/ან პირის ღრუში წყლულები ფლუკონაზოლის სუპრემაზას მიღების შემდეგ;
- თუ სოკოვანი ინფექცია არ უმჯობესდება, შეიძლება საჭირო გახდეს სოკოს საწინააღმდეგო ალტერნატიული მკურნალობა.

კანის სერიოზული რეაქციები, წამლისმიერი რეაქციის ეოზინოფილიითა და სისტემური სიმპტომებით (DღEშშ) ჩათვლით, აღწერილ იქნა ფლუკონაზოლი სუპრემაზით მკურნალობასთან კავშირში. უნდა შეწყდეს ფლუკონაზოლი სუპრემაზას მიღება და საჭიროა გადაუდებელი სამედიცინო დახმარება, თუ განვითარდა კანის ამ სერიოზულ რეაქციებთან დაკავშირებული სიმპტომები, აღწერილია მე-4 პარაგრაფში.

სხვა მედიკამენტები და ფლუკონაზოლი სუპრემაზა
მკურნალ ექიმს დაუყოვნებლივ უნდა ეცნობოს, თუ პაციენტი იღებს ასტემიზოლს, ტერფენადინს (ანტიჰისტამინებს ალერგიის სამკურნალოდ), ცისაპრიდს (დისპეფსიის სამკურნალოდ), პიმოზიდს (ფსიქიკური დაავადებების სამკურნალოდ), ქინიდინს (არითმიის სამკურნალოდ) ან ერითრომიცინს (ანტიბიოტიკი - ინფექციის სამკურნალოდ), რადგან ამ მედიკამენტების მიღება დაუშვებელია ფლუკონაზოლ სუპრემაზასთან ერთად (იხ. პარაგრაფი “დაუშვებელი ფლუკონაზოლის მიღება”).

ზოგიერთი მედიკამენტი შეიძლება ურთიერთქმედებაში შევიდეს ფლუკონაზოლ სუპრემაზასთან.

მკურნალ ექიმს აუცილებლად უნდა ეცნობს, თუ პაციენტი იღებს რომელიმე ქვემოთ ჩამოთვლილ მედიკამენტს:
- რიფამპიცინი ან რიფაბუტინი (ინფექციის საწინააღმდეგო ანტიბიოტიკები);
- ალფენტანილი ფენტანილი (საანესთეზიო საშუალებები);
- ამიტრიპტილინი და ნორტრიპტილინი (ანტიდეპრესანტები);
- ამფოტერიცინი B, ვორიკონაზოლი (სოკოს საწინააღმდეგო მედიკამენტები);
- სისხლის გამათხევადებლები თრომბოზის განვითარების პრევენციისათვის (ვარფარინი ან მსგავსი მედიკამენტები);
- ბენზოდიაზეპინები (მიდაზოლამი, ტრიაზოლამი ან მსგავსი მედიკამენტები) – გამოიყენება ძილის დარღვევის ან შფოთვის დროს;
- კარბამაზეპინი, ფენიტოინი (გამოიყენება გულყრების დროს);
- ნიფედიპინი, ისრადიპინი, ამლოდიპინი, ფელოდიპინი და ლოზარტანი (ანტიჰიპერტენზიული საშუალებები);
- ციკლოსპორინი, ევეროლიმუსი, სიროლიმუსი ან ტაკროლიმუსი (გამოიყენება გადანერგილი ორგანოს მოცილების პრევენციისათვის);
- ციკლოფოსფამიდი, ვინკა ალკალოიდები (ვინკრისტინი, ვინბლასტინი ან მსგავსი მედიკამენტები) – გამოიყენება ავთვისებიანი სიმსივნის დროს;
- ჰალოფანტრინი (გამოიყენება მალარიის დროს);
- სტატინები (ატორვასტატინი, სიმვასტატინი და ფლუვასტატინი ამ მსგავსი მედიკამენტები) – გამოიყენება ქოლესტერინის მაღალი დონის დასწევად;
- მეთადონი (გამოიყენება ტკივილის დროს);
- ცელეკოქსიბი, ფლურბიპროფენი, ნაპროქსენი, იბუპროფენი, ლორნოქსიკამი, მელოქსიკამი, დიკლოფენაკი (არასტეროიდული ანტიანთებითი პრეპარატები (NშAID));
- პერორალური კონტრაცეპტივები;
- პრედნიზონი (სტრეოიდი);
- ზიდოვუდინი, ე.წ. Aძთ, საქვინავირი (გამოიყენება აივ-ინფექციის დროს);
- დიაბეტის საწინააღმდეგო მედიკამენტები, როგორიცა ქლორპროპრამიდი, გლიბენკლამიდი, გლიპიზიდი ან ტოლბუტამიდი;
- თეოფილინი (გამოიყენება ასთმის გასაკონტროლებლად);
- ვიტამინი A (საკვები დანამატი);
- ივაკაფტორი (გამოიყენება კისტოზური ფიბროზის დროს);
- ამიოდარონი (გამოიყენება არითმიის, არარეგულარული გულისცემის სამკურნალოდ);
- ჰიდროქლორთიაზიდი (შარდმდენი).

მკურნალ ექიმს ან ფარმაცევტს უნდა ეცნობოს, თუ პაციენტი იღებს, ახლო წარსულში იღებდა ან აპირებს მიიღოს ნებისმიერი მედიკამენტი. 

ფლუკონაზოლი სუპრემაზას მიღება საკვებთან და სასმელთან ერთად
მედიკამენტის მიღება შეიძლება საკვებთან ერთად ან მის გარეშე.

ორსულობა, ძუძუთი კვება და რეპროდუქციული უნარი
ფლუკონაზოლი სუპრემაზა არ უნდა იქნას მიღებული ორსულობის, შესაძლო ორსულობის, მისი დაგეგმვის შემთხვევაში ან ძუძუთი კვების დროს, თუ ექიმის მიერ არ არის დანიშნული.

ფლუკონაზოლი მიღება ორსულობის პირველი ტრიმესტრის განმავლობაში შეიძლება გაზარდოს აბორტის რისკი.

ფლუკონაზოლი დაბალი დოზებით მიღებამ პირველი ტრიმესტრის განმავლობაში შეიძლება ოდნავ გაზარდოს ძვლების და/ან კუნთების თანდაყოლილი ანომალიების რისკი ახალშობილებში.

ძუძუთი კვების გაგრძელება შეიძლება ფლუკონაზოლი სუპრემაზას 200 მგ-მდე დოზის ერთჯერადად მიღების შემდეგ. დაუშვებელია ძუძუთი კვება ფლუკონაზოლი სუპრემაზას განმეორებითი დოზის მიღების შემდეგ.

ავტომობილის ან სხვა მექანიზმების მართვა  
ავტომობილის ან სხვა მექანიზმების მართვის დროს მხედველობაში უნდა იქნას მიღებული, რომ ზოგიერთ შემთხვევაში შეიძლება განვითარდეს თავბრუსხვევა ან გულყრები.

ფლუკონაზოლი სუპრემაზა შეიცავს ლაქტოზას
თუ პაციენტს დადგენილი აქვს ზოგიერთი შაქრის აუტანლობა, პრეპარატის გამოყენებამდე უნდა მიმართოს მკურნალ ექიმს.

ფლუკონაზოლი სუპრემაზა შეიცავს ნატრიუმს 
ეს მედიკამენტი შეიცავს 1 მმოლ-ზე (23 მგ-ზე) ნაკლებ ნატრიუმს ერთ კაფსულაში, რაც ნიშნავს, რომ ფაქტობრივად „თავისუფალია ნატრიუმისგან“.

3. ფლუკონაზოლი სუპრემაზას მიღების წესი

მედიკამენტის მიღება ყოველთვის უნდა მოხდეს ზუსტად მკურნალი ექიმის ან ფარმაცევტის დანიშნულების მიხედვით. თუ პაციენტი არ არის დარწმუნებული, უნდა მიმართოს მკურნალ ექიმს ან ფარმაცევტს. 

კაფსულა უნდა გადაიყლაპოს მთლიანად, ჭიქა წყალთან ერთად. უმჯობესია კაფსულების მიღება მოხდეს ერთსა და იმავე დროს.

მედიკამენტის რეკომენდებული დოზები სხვადასხვა ინფექციებისათვის მოცემულია ქვემოთ:

მოზრდილები

ჩვენება დოზა
კრიპტოკოკული მენინგიტის მკურნალობა 400 მგ პირველ დღეს, შემდეგ 200-400 მგ ერთხელ დღეში 6-8 კვირის განმავლობაში ან უფრო ხანგრძლივად, საჭიროების მიხედვით. ზოგჯერ დოზა შეიძლება გაიზარდოს 800 მგ-მდე
კრიპტოკოკული მენინგიტის რეციდივის პრევენცია 200 მგ ერთხელ დღეში, სანამ ექიმი არ შეწყვეტს მკურნალობას
კოქციდიოიდომიკოზის მკურნალობა 200-400 მგ ერთხელ დღეში 11-24 თვე ან უფრო ხანგრძლივად, საჭიროების მიხედვით. ზოგჯერ დოზა შეიძლება გაიზარდოს 800 მგ-მდე
კანდიდათი გამოწვეული შინაგანი სოკოვანი ინფექციების მკურნალობა 800 მგ პირველ დღეს, შემდეგ 400 მგ ერთხელ დღეში, სანამ ექიმი არ შეწყვეტს მკურნალობას.
პირის, ხახის ლორწოვანი გარსის ინფექციის და პირის ღრუს დაზიანების რომელიც გამოწვეული კბილის პროთეზით, პრევენცია 200 მგ-400 მგ პირველ დღეს, შემდეგ 100-200 მგ ერთხელ დღეში, სანამ ექიმი არ შეწყვეტს მკურნალობას.
ლორწოვანი გარსების რძიანას მკურნალობა – დოზა დამოკიდებულია ინფექციის ლოკალიზაციაზე 50-400 მგ ერთხელ დღეში 7-30 დღე, სანამ ექიმი არ შეწყვეტს მკურნალობას
პირის და ხახის ლორწოვანი გარსების ინფექციის რეციდივის პრევენცია 100-200 მგ ერთხელ დღეში ან 200 მგ 3-ჯერ კვირაში, სანამ პაციენტი იმყოფება ინფექციის განვითარების რისკის ქვეშ.
სასქესო ორგანოების რძიანას მკურნალობა 150 მგ ერთჯერადი დოზის სახით
ვაგინალური რძიანას რეციდივის პრევენცია 150 მგ ყოველ მესამე დღეს, სულ 3 დოზა (1-ლ, მე-4 და მე-7 დღეს) და შემდეგ ერთხელ კვირაში 6 თვე, სანამ პაციენტი იმყოფება ინფექციის განვითარების რისკის ქვეშ
კანისა და ფრჩხილების სოკოვანი ინფექციების მკურნალობა ინფექციის ადგილის მიხედვით 50 მგ ერთხელ დღეში, 150 მგ კვირაში ერთხელ, 300-400 მგ კვირაში ერთხელ 1-4 კვირის განმავლობაში (ათლეტის ტერფი – შეიძლება 6 კვირამდე, ფრჩხილების ინფექცია – სანამ არ შეიცვლება დაინფიცირებული ფრჩხილი)
კანდიდათი გამოწვეული ინფექციის პრევენცია (იმუნური სისტემა დასუსტებულია ან არ ფუნქციონირებს სათანადოდ) 200-400 მგ ერთხელ დღეში, სანამ პაციენტი იმყოფება ინფექციის განვითარების რისკის ქვეშ

12-17 წლის ასაკის მოზარდები
საჭიროა ექიმის მიერ დანიშნული დოზების მიღება (მოზრდილების ან ბაშვების დოზირება).

11 წლის ასაკის ჩათვლით ბავშვები
ბავშვებისათვის მაქსიმალური დოზაა 400 მგ დღეში.
დოზა გამოითვლება ბავშვის წონის მიხედვით კილოგრამებში.

ჩვენება  დღიური დოზა
კანდიდათი გამოწვეული ლორწოვანი გარსების რძიანა და ხახის ინფექციები – დოზა და ხანგრძლივობა დამოკიდებულია ინფექციის სიმძიმეზე და ლოკალიზაციაზე
 3 მგ სხეულის წონის 1 კგ-ზე (6 მგ სხეულის წონის 1 კგ-ზე მიიღება პირველ დღეს)
კანდიდათი გამოწვეული კრიპტოკოკული მენინგიტი ან შინაგანი სოკოვანი ინფექციები 6-12 მგ სხეულის წონის 1 კგ-ზე
კანდიდათი გამოწვეული ინფექციების პრევენცია (თუ იმუნური სისტემა დასუსტებულია ან არ ფუნქციონირებს სათანადოდ). 
3-12 მგ სხეულის წონის 1 კგ-ზე

0-4 კვირის ასაკის ბავშვები
3-4 კვირის ასაკის ბავშვებში გამოყენება:
იგივე დოზა, რაც ზემოთ არის აღწერილი, მხოლოდ ყოველ 2 დღეში. მაქსიმალური დოზაა 12 მგ სხეულის წონის 1 კგ-ზე ყოველ 48 სთ-ში.
2 კვირაზე ნაკლები ასაკის ბავშვებში გამოყენება:
იგივე დოზა, რაც ზემოთ არის აღწერილი, მხოლოდ ყოველ 3 დღეში. მაქსიმალური დოზაა 12 მგ სხეულის წონის 1 კგ-ზე ყოველ 72 სთ-ში.
ხანდაზმულები
გამოიყენება მოზრდილებისათვის რეკომენდებული დოზა, თუ არ აღინიშნება თირკმლის პრობლემები.
თირკმლის პრობლემების მქონე პაციენტები
ექიმმა დოზა შეიძლება შეცვალოს თირკმლის ფუნქციის მიხედვით.

ფლუკონაზოლი სუპრემაზას დოზის გადაჭარბებისას
ერთბაშად დიდი რაოდენობით კაფსულების მიღებამ შეიძლება ცუდად გახადოს პაციენტი. საჭიროა დაუყოვნებლივ ექიმთან ან უახლოეს ჰოსპიტალში მიმართვა. დოზის გადაჭარბების სიმპტომები შეიძლება მოიცავდეს სმენით, მხედველობით ან შეგრძნებით ჰალუცინაციებს და პარანოიდულ ქცევას. ამ დროს საჭიროა სიმპტომური მკურნალობა (შესაბამისი ზომების მიღება და კუჭის ამორეცხვა საჭიროების შემთხვევაში).

ფლუკონაზოლი სუპრემაზას დოზის გამოტოვებისას
დაუშვებელია ორმაგი დოზის მიღება გამოტოვებულის სანაცვლოდ. დოზის გამოტოვებისას შემდეგი დოზის მიღება უნდა მოხდეს გახსენებისთანავე. თუ მოახლოებულია შემდეგი დოზის მიღების დრო, დავიწყებული დოზა უნდა იქნას გამოტოვებული. 

მედიკამენტის შესახებ დამატებითი კითხვების არსებობის შემთხვევაში პაციენტმა უნდა მიმართოს მკურნალ ექიმს ან ფარმაცევტს.

4. შესაძლო გვერდითი მოვლენები

სხვა მედიკამენტების მსგავსად, ეს მედიკამენტიც იწვევს გვერდით მოვლენებს, თუმცა არა ყველა პაციენტში. 
მცირე რაოდენობით პაციენტებს განუვითარდათ ალერგიული რეაქციები, თუმცა მძიმე ალერგიული რეაქციების შემთხვევები იშვიათია. თუ პაციენტს აღენიშნება რომელიმე ქვემოთ ჩამოთვლილი, საჭიროა დაუყოვნებლივ მიმართვა მკურნალ ექიმთან: 
- უეცრად განვითარებული ხმაურიანი სუნთქვა, სუნთქვის გაძნელება ან მკერდის არეში მოჭერის შეგრძნება;
- ქუთუთოების, სახის ან ტუჩების შეშუპება;
- მთელი სხეულის ქავილი, კანის სიწითლე ან წითელი ლაქები ქავილით;
- კანზე გამონაყარი;
- კანის მძიმე რეაქციები, როგორიცაა გამონაყარი ბუშტუკებით (პირის ღრუში და ენაზე).
ფლუკონაზოლი სუპრემაზამ შეიძლება გავლენა იქონიოს ღვიძლზე, ღვიძლის პრობლმების ნიშნებია:
- დაღლილობა
- მადის დაკარგვა
- ღებინება
- კანისა და სკლერების გაყვითლება (სიყვითლე).
თუ რომელიმე ქვმოთ ჩამოთვლილი სიმპტომი აღენიშნება პაციენტს, უნდა შეწყვიტოს ფლუკონაზოლი სუპრემაზას მიღება და დაუყოვნებლივ უნდა მიმართოს ექიმს:
- გავრცობილი გამონაყარი, სხეულის მაღალი ტემპერატურა და გადიდებული ლიმფური კვანძები (DღEშშ სინდრომი ან წამლის მიმართ ჰიპერმგრძნობელობის სინდრომი).

სხვა გვერდითი მოვლენებია:
თუ გვერდითი მოვლენები იღებს მძიმე ხასიათს ან ვლინდება ისეთი ეფექტები, რომლებიც არ არის ჩამოთვლილი ინსტრუქციაში, საჭიროა ექიმთან ან ფარმაცევტთან მიმართვა.

ხშირი გვერდითი მოვლენები (შეიძლება აღინიშნოს 100-დან 1-10 პაციენტში):
• თავის ტკივილი
• დისკომფორტი კუჭის არეში, დიარეა, გულისრევა, ღებინება
• ღვიძლის ფუნქციის მარკერების დონის მომატება სისხლის ანალიზებში
• გამონაყარი კანზე

არახშირი გვერდითი მოვლენები (შეიძლება აღინიშნოს 1.000-დან 1-10 პაციენტში):
• ერითროციტების რაოდენობის შემცირება, რაც იწვევს კანის სიფერმკრთლეს, სისუსტეს ან ქოშინს;
• მადის დაქვეითება;
• უძილობა, ძილიანობა;
• გულყრები, თავბრუსხვევა, ტრიალის შეგრძნება, ჩხვლეტის, წვის ან დაბუჟების შეგრძნება, გემოს ცვლილება;
• ყაბზობა, საჭმლის მონელების გაძნელება, მეტეორიზმი, პირის სიმშრალე;
• კუნთების ტკივილი;
• ღვიძლის დაზიანება და კანისა და თვალების გაყვითლება (სიყვითლე);
• ბუშტუკები კანზე, ჭინჭრის ციება, ქავილი და გაძლიერებული ოფლიანობა;
• დაღლილობა, ზოგადი სისუსტე, ცხელება.

იშვიათი გერდითი მოვლენები (შეიძლება აღინიშნოს 10.000-დან 1-10 პაციენტში):
• ლეიკოციტების რაოდენობის შემცირება – უჯრედები, რომლებიც ებრძვინ ინფექციას და თრომბოციტების რაოდენობის შემცირება – უჯრედები, რომლებიც აჩერებენ სისხლდენას;
• კანის წითელი ან იასამნისფერი შეფერილობა, რაც გამოწვეულია თრომბოციტების რაოდენობის შემცირებით, სისხლის უჯრედების სხვა ცვლილებებით;
• სისხლის ანალიზის ცვლილებები (ქოლესტერინის, ცხიმების მაღალი დონე სისხლში);
• კალიუმის დაბალი დონე სისხლში;
• ტრემორი;
• ეკგ ცვლილებები, გულისცემის სიხშირის ან რითმის ცვლილებები;
• ღვიძლის უკმარისობა;
• ალერგიული რეაქციები (ზოგჯერ მძიმე), მათ შორის გავრცელებული ბუშტუკოვანი გამონაყარი და კანის აქერცვლა, კანის მძიმე რეაქციები, სახის ან ტუჩების შეშუპება;
• თმის ცვენა.

გვერდითი მოვლენების შესახებ შეტყობინება
ნებისმიერი გვერდითი მოვლენის განვითარებისას, მათ შორის, რომელიც არ არის ჩამოთვლილი ინსტრუქციაში, საჭიროა მკურნალ ექიმთან, ფარმაცევტთან ან ექთანთან მიმართვა.

5. ფლუკონაზოლი სუპრემაზას შენახვის წესი

ფლუკონაზოლი სუპრემაზა 50 მგ კაფსულები
მედიკამენტი არ საჭიროებს შენახვის სპეციალურ პირობებს.
ფლუკონაზოლი სუპრემაზა 150 მგ კაფსულები
მედიკამენტი არ საჭიროებს შენახვის სპეციალურ პირობებს.
ფლუკონაზოლი სუპრემაზა 200 მგ კაფსულები
ინახება 25°C ტემპერატურის ქვემოთ.
ინახება მშრალ და სინათლისაგან დაცულ ადგილას.

ინახება ბავშვებისთვის მიუწვდომელ ადგილას.

დაუშვებელია პრეპარატის გამოყენება შეფუთვაზე მითითებული შენახვის ვადის გასვლის შემდეგ. შენახვის ვადა გულისხმობს მითითებული თვის ბოლო დღეს.

დაუშვებელია პრეპარატის გადაგდება კანალიზაციაში ან საყოფაცხოვრებო ნაგავში. გამოუყენებელი მედიკამენტების განადგურების შესახებ ინფორმაციის მისაღებად, პაციენტმა უნდა მიმართოს ფარმაცევტს. აღნიშნული ზომები ემსახურება გარემოს დაცვას.

6. შეფუთვის შემცველობა და სხვა ინფორმაცია

ფლუკონაზოლი სუპრემაზა შეიცავს 
- აქტიური ნივთიერებაა ფლუკონაზოლი.
- თითოეული კაფსულა შეიცავს 50 მგ, 150 მგ ან 200 მგ ფლუკონაზოლს.
- სხვა დამხმარე ნივთიერებებია: 
კაფსულის შიგთავსი: ლაქტოზის მონოჰიდრატი, მიკროკრისტალური ცელულოზა, პრეჟელატინიზებული სახამებელი,  სიმინდის სახამებელი, კოლოიდური უწყლო სილიციუმის დიოქსიდი, ნატრიუმის ლაურილსულფატი და მაგნიუმის სტეარატი.
გარსი:
50 მგ: ჟელატინი, ტიტანის დიოქსიდი (E171) და ქინოლინის ყვითელი (E104);
150 მგ: ჟელატინი, ტიტანის დიოქსიდი (E171), ინდიგოტინი (E132) და ერითროზინი (E127);
200 მგ: ჟელატინი და ტიტანის დიოქსიდი (E171),
ფლუკონაზოლი სუპრემაზას ფორმა და შეფუთვა
მედიკამენტი წარმოდგენილია კაფსულების სახით ფლუკონაზოლის 50 მგ, 150 მგ და 200 მგ დოზებით.
ფლუკონაზოლი სუპრემაზა 50 მგ კაფსულებს აქვთ ყვითელი თავსახური და თეთრი კორპუსი და შიგთავსი თეთრი ან მოთეთრო ფხვნილია.
ფლუკონაზოლი სუპრემაზა 150 მგ კაფსულებს აქვთ ლურჯი თავსახური და ვარდისფერი კორპუსი და შიგთავსი თეთრი ან მოთეთრო ფხვნილია.
ფლუკონაზოლი სუპრემაზა 200 მგ კაფსულები თეთრია და შიგთავსი თეთრი ან მოთეთრო ფხვნილია.

ფლუკონაზოლი სუპრემაზა 50 მგ ხელმისაწვდომია შეფუთვით, რომელშიც 7 კაფსულაა.
ფლუკონაზოლი სუპრემაზა 150 მგ ხელმისაწვდომია შეფუთვით, რომელშიც 1 ან 2 კაფსულაა.
ფლუკონაზოლი სუპრემაზა 50 მგ ხელმისაწვდომია შეფუთვით, რომელშიც 7 ან 14 კაფსულაა.

ყველა შეფუთვა ბაზარზე შეიძლება არ იყოს წარმოდგენილი.

გაცემის წესი:
ფარმაცევტული პროდუქტის ჯგუფი II, გაიცემა ფორმა №3 რეცეპტით