Penasin - პენასინი წვეთები 500მგ/მლ 20მლ

პენასინი

Penasin

500 მგ/მლ ორალური წვეთები, ხსნარი

ექვივალენტური სამედიცინო პროდუქტი

 

შემადგენლობა

პენასინი  1მლ ხსნარი (შეესაბამება 20 წვეთს) პენასინი 500მგ/მლ ორალური წვეთები/ ხსნარი შეიცავს:

აქტიური ნივთიერება 500 მგ მეტამიზოლ ნატრიუმი

შემავსებლები: ორფაზინი ნატრიუმის ფოსფატის დოდეკაჰიდრატი, ნატრიუმის მონობაზური ფოსფატის დიჰიდრატი, ჟოლოს არომატიზატორი, ნატრიუმის სახამებელი, გამოხდილი წყალი

ფარმაკოთერაპიული ჯგუფი

პენასინი არის სამედიცინო პროდუქტი, რომელსაც ახასიათებს ძლიერი ანალგეზური, ანტიპირეტული და ანტისპაზმური

თერაპიული ჩვენება

მწვავე ან ისეთი ტკივილი ან ცხელება, რომელიც სხვა საშუალებებზე არ რეაგირებს.

უკუჩვენება

პენასინი არ უნდა გამოიყენონ პაციენტებში, რომლებსაც აღენიშნებათ:

-          მომატებული მგრძნობელობა აქტიური ნივთიერების ან რომელიმე შემავსებლის მიმართ;

-          მომატებული მგრძნობელობა სხვა პირაზოლონებზე (მაგ. ფენაზონი, პროპიფენაზონი) ან პირაზოლინზე (მაგ. ფენილბუტაზონი, ოქსიფენბუტაზონი);

-          ანამნეზში პირზოლონების გამოყენებასთან დაკავშირებული აგრანულოციტოზი

-          ძვლის ტვინის ფუნქციის დარღვევა (მაგ. ციტოსტატური სამედიცინო პროდუქტებით მკურნალობის შემდეგ) ნ ჰემატოპოეზური დარღვევები როგორიცაა გრანულოციტოპენია;

-          პაციენტებში, რომლებსაც აღენიშნებათ ბრონქოსპაზმი ან სხვა ანაფილაქტოიდური რეაქციები (მაგ. ურტიკარია, რინიტი, ანგიოედემა) არა-ნარკოტიკული ანალგეტიკების (მაგ. სალიცილატები, პარაცეტამოლი, დიკლოფენაკი, იბუპროფენი, ინდომეტაცინი, ნაპროქსენი) მიმართ;

-          მწვავე ღვიძლისმიერი შუალედური პორფირია (პორფირიის შეტევების რისკი)

-          გლუკოზა-6-ფოსფატდეჰიდროგენაზას მემკვიდრული დეფიციტი (ჰემოლიზის რისკი)

-          3 თვის ასაკამდე ან 5კგ-ზე მცირე წონის ჩვილები

პენასინის გამოყენება რეკომენდებული არ არის ორსულობის პირველი 3 თვის განმავლობაში და შემდეგი სამი თვის განმავლობაში გამოყენებისას უნდა მიიღონ რისკის და სარგებლის ფრთხილი შედარების შემდეგ. პენასინი არ უნდა გამოიყენონ ორსულობის ბოლო სამი თვის განმავლობაში. იხ. აგრეთვე განსაკუთრებული გაფრთხილებები „ორსულობა და ძუძუთი კვება“.

უსაფრთხოების ზომები გამოყენებისთვის

მეტამიზოლით გამოწვეული აგრანულოციტოზი იმუნოალერგიული წარმოშობის შემთხვევაა, რომელიც მინიმუმ ერთი კვირა გრძელდება. ეს რეაქციები ძალიან იშვიათია, შეიძლება იყოს მწვავე, სიცოცხლისთვის სახიფათო და ფატალური. არ არის დოზა დამოკიდებული და შეიძლება განვითარდეს მკურნალობის პერიოდში ნებისმიერ დროს.

ყველა პაციენტს უნდა ურჩიონ მკურნალობის შეწყვეტა და ექიმის გადაუდებელი კონსულტაცია თუ აღინიშნება  ნიშნები და სიმპტომები, რომლებიც შეიძლება დაკავშირებული იყოს ნეითროპენიასთან (ნეიტროფილები/მმ3 < 1500), მკურნალობა დაუყოვნებლივ უნდა შეწყდეს და აუცილებელია სასწრაფოდ CBC კონტროლი და მონიტორინგი მაჩვენებლის ნორმალიზებამდე.

ანაფილაქსიური შოკი:  ასეთი რეაქციები ვითარდება ძირითადად მგრძნობიარე პაციენტებში. აქედან გმომდინარე მეტამიზოლი სიფრთხილით უნდა გამოიყენონ პაციენტებში რომლებსაც აღენიშნებათ ასთმა ან ატოპია (იხ. „უკუჩვენება“).

მკურნალობა დაუყოვნებლივ უნდა შეწყდეს თუ შენიშნავთ ანაფილქსიის (ურტიკარია, ანგიოედემა, გამონაყარი, ქოშინი, გენერალიზებული სიფერმკრთალე ან ჰიპერემია, ჰიპოტენზია, შოკი, ხორხის შეშუპება), აგრანულოციტოზის (ცხელებასთან დაკავშირებული უეცარი ნეითროპენია, მნიშვნელოვანი ასთენია, პირის ღრუს, ხორხის და/ან პერინეალური წყლულები) ან თრომბოციტოპენიის (სისხლდენის ტენდენცია პეტექიებით ან მათ გარეშე) ნიშნებს ან სიმპტომებს. 

მეტამიზოლთან დაკავშირებული რისკების გარეშე პრეპარატი უნდა გამოიყენონ მხოლოდ ალტერნატიული თერაპიის გამოყენების შესაძლებლობის შეფასების შემდეგ.

პაციენტებმა, რომლებსაც მეტამიზოლის გამოყენებისას უკვე აღენიშნებოდათ მომატებული მგრძნობელობის რეაქცია, მეტამიზოლი ან სხვა პირაზოლონები აღრ უნდა მიიღონ.

ამ სამედიცინო პროდუქტის გამოყენებას მოერიდეთ მსუბუქი დაავადებებისას. ამას გარდა, პირზოლონი უნდა გამოიყენონ მხოლოდ იმ პერიოდში, რომელიც აუცილებელია ტკივილის სიმპტმების ან ცხელების კონტროლისთვის; ანალგეზური საშუალებების მაღალი დოზა ან ხანგრძლივი მკურნალობა უნდა შეფასდეს ექიმის მიერ.

პენასინის, ისევე როგორც პროსტაგლანდინების და ციკლოოქსიგენაზას სინთეზის მაინჰიბირებელი პრეპარატების გამოყენება რეკომენდებული არ არის ქალებში რომლებიც ორსულობას გეგმავენ. პენასინის გამოყენება უნდა შეწყდეს ქალებში რომლებსაც გააჩნიათ ფერტილობის პრობლემები ან რომლებიც იტარებენ ფერტილობის ტესტებს.

ურთიერთქმედება

აცნობეთ ექიმს ან ფარმაცევტს თუ იღებთ, ბოლო პერიოდში მიღებული გაქვთ ან გეგმავთ რაიმე სხვა მედიკამენტის მიღებას რეცეპტის გარეშე გაცემული საშუალებების ჩთვლით.

ციკლოსპორინის და პენასინის ერთდროული გამოყენებისას შეიძლება შემცირდეს პლაზმაში ციკლოსპორინის დონე. აქედან გამომდინარე აუცილებელი იქნებ პლზმში ციკლოსპორინის დონის რეგულარული შემოწმება. როგორც სხვა ანალგეზური საშუალებების გამოყენებისას, პენასინით მკურნალობისას უნდა მოერიდონ ალკოჰოლის მიღებას, რადგან გამორიცხული არ არის ნივთიერებებს შორის ურთიერთქმედება.

განსაკუთრებული გაფრთხილებები

ორსულობა და ლაქტაცია

ორსულობა

მეტამიზოლი გადის პლაცენტურ ბარიერს. არ არსებობს მონაცემები ნაყოფზე ტოქსიური ეფექტის შესახებ: მეტამიზოლ ნატრიუმმა არ გამოავლინა ტერატოგენური ეფექტები ვირთხებში და კურდღლებში და ფეტოტოქსიურობა აღინიშნა მხოლოდ დედისთვის ტოქსიური დოზის გამოყენებისას.არ არსებობს ორსულობის დროს მეტამიზოლის გამოყენების გამოცდილება.  

პენასინის გამოყენება რეკომენდებული არ არის ორსულობის პირველი 3 თვის განმავლობაში და შემდეგი სამი თვის განმავლობაში გამოყენებისას უნდა მიიღონ რისკის და სარგებლის ფრთხილი შედარების შემდეგ. პენასინი არ უნდა გამოიყენონ ორსულობის ბოლო სამი თვის განმავლობაში.

პროსტაგლანდინების სინთეზის ინჰიბირებამ შეიძლება ცუდად იმოქმედოს ორსულობაზე და/ან ემბრიო/ფეტალურ განვითარებაზე.

ეპიდემიოლოგიური კვლევების მონაცემები ჩვენებს აბორტის და გულის მალფორმციების და გასტროშიზისის მომატებულ რისკს პროსტაგლანდინების სინთეზის ინჰიბიტორის გამოყენებისას ორსულობის ადრეულ პერიოდში. კარდიოვასკულური მალფორმაციის აბსოლუტური რისკი გიზარდა 1%-ზე ნაკლები მჩვენებლიდან დაახლოებით 1.5%-ამდე. ითვლება რომ რისკი ზირდება დოზას და თერაპიის ხანგრძლივობასთან ერთად. ცხოველებში პროსტაგლანდინების სინთეზის ინჰიბიტორის გამოყენებამ არ გამოავლინა პრე და პოსტ-იმპლანტაციური დანაკარგის და ემბრიო-ფეტალური ლეტალობის ზრდა.

დამატებით, სხვადასხვა მალფორმციების ზრდა კარდიოვასკულურის ჩათვლით აღწერილია ცხოველებში, რომლებშიც ორგანოგენეზის პერიოდში გამოიყენებოდა პროსტაგლანდინების სინთეზის ინჰიბიტორები.

ორსულობს მესამე ტრიმესტრში პროსტაგლანდინების სინთეზის ყველა ინჰიბიტორის გამოყენებამ ნაყოფში შეიძლება გამოიწვიოს:

-კარდიოპულმონარული ტოქსიურობა (არტერიული სადინრის ნაადრევი დახურვა და ფილტვისმიერ ჰიპერტენზია);

-თირკმლის დისფუნქცია, რომელიც შეიძება პროგრესირდეს თირკმლის უკმარისობამდე ოლიგოჰიდრამნიზოით.

ორსულობის ბოლოს გამოყენებისას დედასა და ახალშობილში შეიძება გამოიწვიოს შემდეგი:

-სისხლდენის დროის შესაძლო გახანგრძლივება, ანტი-აგრეგაციული ეფექტი რომელიც შეიძლება აღინიშნოს ძალიან მცირე დოზის შემთხვევაშიც;

-საშვილოსნოს შეკუმშვის ინჰიბირება, რამაც შეიძლება გამოიწვიოს დაგვიანებული ან გახანგრძლივებული მშობიარობა.

ლაქტაცია

მეტამიზოლ ნატრიუმის მეტაბოლიტები გამოიყოფა რძეში. აქედან გამომდინარე პენსინის გამოყენების პერიოდში და მისი მიღების დასრულებიდან 48 საათის განმავლობაში ძუძუთი კვებას უნდა მოერიდონ.

ანაფილაქსიური და ანაფილაქტოიდური რეაქციები

შესაძლო მწვავე ანაფილაქსიური რეაქციების რისკი მნიშვნელოვნად იზრდება პაციენტებში რომლებსაც აღენიშნებათ:

-ანალგეზური ასთმის სინდრომი ან ურტიკარიის/ანგიოედემის ტიპის ანლგეზური აუტანლობა (იხ. „უკუჩვენება“)

-          ბრონქული ასთმა, განსაკუთრებით პციენტებში რომლებსაც აღენიშნებთ პოლიპოზური რინოსინუსიტი

-          ქრონიკულ ურტიკარია

-          ალკოჰოლის აუტანლობა. ასეთი პაციენტები რეაგირებენ ალკოჰოლური სასმელის მინიმალურ რაოდენობაზე ისეთი სიმპტომებით როგორიცაა ცემინება, ცრემლდენა და მწვავე ალები. ალკოჰოლის ამგვარი აუტანლობა შეიძლება მიუთითებდეს ადრე არადიაგნოსტირებულ ასთმის სინდრომზე.

-          საღებავების (მაგ. ტრტრაზინი) ან დამცავი საშუალებების (მაგ. ბენზოატები) აუტანლობა)

პენასინის გამოყენებამდე პაციენტი დეტალურად უნდა გამოიკითხოს. პაციენტებში, რომლებსაც აღენიშნებათ ანაფილაქტოიდური რეაქციების მაღალი რისკი, პენასინი უნდა გამოიყენონ მხოლოდ პოტენციური რისკის და მოსალოდნელი სარგებლის ფრთხილი შეფასების შემდეგ. ამ შემთხვევაში პენასინის გამოყენებისას საჭიროა ინტენსიური სამედიცინო ზედამხედველობა დ ხელმისაწვდომი უნდა იყოს გადაუდებელი მკურნალობის პირობები.

იზოლირებული ჰიპოტენზიური რეაქციები

მეტამიზოლის გამოყენებამ შეიძლება გამოიწვიოს ჰიპოტენზიური რეაქციები (იხ. „არასასურველი ეფექტები“). ეს რეაქციები შეიძლება შეიძლება იყოს დოზა-დამოკიდებული და მათი განვითარების ალბთობა უფრო მეტია პარენტერალური გამოყენებისას. ამგვარი რეაქციების რისკი ასევე იზრდება:

-          პაციენტებში რომლებსაც აღენიშნებათ ჰიპოტენზია მოცულობის შემცირებით ან დეჰიდრატაციით, ცირკულატორული არასტაბილურობით და საწყისი ცირკულატორული უკმარისობით

-          პაციენტებში, რომლებსაც აღენიშნებათ მაღალი ცხელება.

აქედან გამომდინარე ჩვენება ფრთხილად უნდა შეფსდეს ამ პაციენტებში და საჭიროა მათი ინტენსიური მონიტორინგი. პრევენციული ზომები (მაგ. ცირკულაციის სტაბილიზაცია) შეიძლება უცილებელი იყოს ჰიპოტენზიური რეაქციების რისკის შემცირებისთვის. ჰიპოტენზიის ან არასტაბილური ცირკულაციის შემთხვევაში აგრეთვე იხ. პარაგრაფი „უკუჩვენება“.

მეტამიზოლის გამოყენება დასაშვებია მხოლოდ იმ შემთხვევაში თუ ჰემოდინამიური პარამეტრები ინტენსიურად კონტროლდება პაციენტებში, რომლებშიც უნდა მოერიდონ სისხლის წნევის შემცირებას მაგ. გულის მწვავა კორონარული დაავადება ან მნიშვნელოვანი ცერბროვასკულური სტენოზი.

მეტამიზოლის მაღალი დოზების გამოყენებას უნდა მოერიდონ თირკმლის ან ღვიძლის დაზიანებული ფუნქციის მქონე პაციენტებში, რადგან ამ შემთხვევაში მცირდება პრეპარატის ელიმინაცია.

გავლენა ავტომობილის მართვის და მექანიზმების გამოყენებაზე

რეკომენდებული დოზის გამოყენებისას, არ აღინიშნება კონცენტრაციის ან ქმედუნარიანობის დაზიანება. თუმცა მღალი დოზის გამოყენებისას უნდა გაითვალისწინო კონცენტრაციის და რეაქციის უნარის დაქვეითების შესაძლებლობა, რაც რისკია იმ სიტუაციებში როდესაც ეს უნარები გნსაკუთრებით მნიშვნელოვანია (მაგ. ავტომობილის მართვა ან მექანიზმების გამოყენება), განსაკუთრებით ალკოჰოლის მოხმარებისას.

დოზირება და გამოყენების მეთოდი

პენსინი ორალური წვეთები, ხსნარი

მოზრდილები და 15 წლის და უფროსი ასაკის ბავშვები:

20-40 წვეთი 4-ჯერ დღე-ღამეში

5-14 წლის ბავშვები:

10-15 წვეთი დღე-ღამეში მაქსიმუ 4-ჯერ

4 თვეზე უფროსი ასაკის და 4 წლამდე ასაკის ბავშვები:

2-6 წვეთი მაქსიმუმ 4-ჯერ დღე-ღამეში.

წვეთები მიიღება წყალთან ერთად.

ღვიძლის ან თირკმლის დაზიანების მქონე პაციენტებში მეტამიზოლის მაღალი დოზის გამოყენება რეკომენდებული არ არის, რადგან შემცირებულია მისი გამოყოფის სისწრაფე. ხანმოკლე მკურნალობისთვის დოზის შემცირება აუცილებელი არ არის. არ არსებობს ხანგრძლივი გამოყენების გამოცდილება ღვიძლის და თირკმლის დაზიანებული ფუნქციის მქონე პაციენტებში.

ხანდაზმულებში და კომპრომეტირებული ზოგადი სტატუსის მქონე პაციენტებში შეიძლება აღინიშნოს ღვიძლის ან თირკმლის ფუნქციის დაზიანება.

დოზის გადაჭარბება

პენასინის შემთხვევით გადაყლაპვის/დოზის გადაჭარბებისას დაუყოვნებლივ მიმართეთ ექიმს ან უახლოეს საავადმყოფოს.

სიმპტომები:

დოზის მწვავე გადაჭარბებას ახლავს გულისრევა, ღებინება, მუცლის ტკივილი, თირკმლის დაზიანება/თირკმლის მწვავე უკმარისობა (მაგ. ინტერსტიციალური ნეფრიტის კლინიკური სურათ) და უფრო იშვიათად ცენტრალური ნერვული სისტემის სიმპტომები (თავბრუსხვევა, ძილიანობა, კომა, კონვულსიები) და სისხლის წნევის დაქვეითება, ზოგჯერ შოკის და ტაქიკარდიის ჩათვლით.

ძალიან მაღალი დოზის შემდეგ უვნებელი მეტაბოლიტის ელიმინაციამ (რუბაზონის მჟავა) შეიძლება გამოიწვიოს შარდის წითელი შეფერილობა.

თერაპიული ზომები:

მეტამიზოლის სპეციფიური ანტიდოტი უცნობია. თუ მიღება ცოტა ხნის წინ მოხდა შეიძლება მიიღონ შეწოვის შესამცირებელი ზომები როგორიცაა პირველადი დეტოქსიკაცი (კუჭის ამორეცხვა) ან შეწოვის შემცირების ზომები (აქტივირებული ნახშირი). ძირითადი მეტაბოლიტი (4-N-მეთილამინოანტიპირინი) შეიძლება გამოიყოს ჰემოდიალიზით, ჰემოფილტრაციით, ჰემოპერფუზიით ან პლაზმის ფილტრაციით.

არასასურველი ეფექტები

როგორც ყველა მედიკამენტს პენასინს შეიძლება ქონდეს გვერდითი ეფექტები, თუმცა ისინი ყველას არ უვითარდება.

·         ანაფილაქსიური/ანაფილაქტოიდური რეაქციები

იშვიათ შემთხვევებში მეტამიზოლმა შეიძლება გამოიწვიოს ანაფილაქსიური/ანაფილაქტოიდური რეაქცია რაც შეიძლება იშვიათად იყოს სერიოზული და სიცოცხლისთვის სახიფათო. ეს რეაქციები შეიძლება განვითარდეს თერაპიის ნებისმიერ დროს, არ არის დაკავშირებული სადღეღამისო დოზასთან და შეიძლება დაფიქსირდეს იმ შემთხვევაშიც თუ ადრე მეტამიზოლ ნატრიუმის გამოყენება ხდებოდა გართულებების გარეშე.

უფრო მსუბუქი ანაფილაქსიური/ანაფილაქტოიდური რეაქციები ტიპიურად ვითარდება კანის დ ალორწოვანი კარსის რეაქციებს ფორმით (როგორიცაა ქავილი, წვა, სიწითლე, ბუშტუკები, შეშუპება), ქოშინი და უფრო იშვიათად გასტროინტესტინური სიმპტომებით. ასეთი მსუბუქი რეაქციები შეიძლება პროგრესირდეს უფრო მწვავე ფორმებად გენერალიზებული ურტიკარიით, მწვავე ანგიოედემით; (ხორხის შეშუპების ჩათვლით), მწვავე ბრონქოსპაზმით, გულის არითმიით, სისხლის წნევის დაქვეითებით (ზოგჯერ წინ უსწრებს წნევის მომატება) ცირკულატორული შოკით. ამგვარი რეაქცეიბი შეიძლება განვითარდეს მეტამიზოლის გამოყენების შემდეგ ან მისი მიღებიდან რამდენიმე საათში; თუმცა უმრავლეს შემთხვევებში ვითარდება გამოყენებიდან რამდენიმე საათის განმავლობაში. თუმცა ანაფილაქსიური შოკის რისკი უფრო მაღალია პარენტერალური გამოყენებისას. ანალგეზური ასთმის სინდრომით დაავადებულ პაციენტებში ამგვარი რეაქციები ჩვეულებრივ ასთმის შეტევის ფორმას იღებს:
 ·        კანის და ლორწოვანი გარსების სხვა რეაქციებით

კანის და ლორწოვანი გარსების ზემოაღნიშნული რეაქციების დამატებით შეიძლება ზოგჯერ განვითარდეს პრეპარტით ფიქსირებული ერუპციებით, იშვიათად გამონაყარი და იზოლირებულ შემთხვევებში სტივენს-ჯონსონის სინდრომი ან ლაიელის სინდრომი, რამაც შეიძლება საფრთხე შეუქმნას პაციენტის სიცოცხლეს. აქედან გამომდინარე კანის რეაქციების შემთხვევაში დაუყოვნებლივ უნდა შეწყდეს სამედიცინო პროდუქტის მიღებ დ აუცილებელია ექიმის დაუყოვნებელი კონსულტაცია.

·         ჰემატოლოგიური რეაქციები.

იშვიათად ვითარდება ლეიკოპენია და ძალიან იშვიათად აგრანულოციტოზი ან თრომბოციტოპენია. ეს რეაქციები მიჩნეულია იმუნოლოგიურად. ისინი შეიძლება განვითარდეს იმ შემთხვევაშიც თუ მეტამიზოლ ნატრიუმის ადრე გამოყენება ხდებოდა გართულებების გარეშე. აგრანულოციტოზმა შეიძლება საფრთხე შეუქმნას პაციენტის სიცოცხლეს და შეიძლება იყოს ლეტალური. აგრნულოციტოზის ტიპიური ნიშნები მოიცავს ლორწოვანი გარსების ანთებით დაზიანებას (მაგ. პირის ღრუში, ცხვირის და ყელის მიდამოში, გენიტალურ ან ანლურ მიდამოში), ყელის სიმშრალეს, ცხელებას (პერსისტიულ ან მორეციდივე ცხელებას). თუმცა პაციენტებში რომლებიც ანტიბიოტიკებს იღებენ აგრანულოციტოზის ტიპიური ნიშნები შეიძება იყოს მინიმალური. ერითროციტების დალექვის სისწრაფე (ედრ) მნიშვნელოვნად იზრდება და ლიმფური კვანძების შეშუპება ჩვეულებრივ მსუბუქია ან არ აღინიშნება. თრომბოციტოპენიის ტიპიური ნიშნები მოიცავს სისხლდენის მომატებას და პეტექიებს კანზე და ლორწოვან გარსებზე.

·         იზოლირებული ჰიპოტენზიური რეაქციები.

ზოგჯერ გამოყენების შემდეგ შეიძლება აღინიშნოს ტრანზიტორული იზოლირებული ჰიპოტენზიური რეაქციები. ეს შეიძლება იყოს ფარმაკოლოგიური წარმოშობის და არ ახლდეს ანაფილაქტოიდური ან ანაფილაქსიური რეაქციის სხვა ნიშნები. ამგვარი რეაქცია მხოლოდ იშვიათად იწვეევს სისხლის წნევის მწვავე დაქვეითებას.

·         სხვ არეაქციები

ძალიან იშვიათად, განსაკუთრებით ჰიპოვოლემიის ან თირკმლის დაავადების მქონე პაციენტებში დოზის გადაჭარბების შემდეგ შეიძლება გნვითრდეს თირკმლის ფუნქციის მწვავე გაუარესება (თირკმლის მწვავე უკმარისობა) ანურიით, ოლიგურიით, ან პროტეინურიით. აღწერილი მწვავე ინტერსტიციალური ნეფრიტის იზოლირებული შემთხვევები. ზოგჯერ აღწერილია შარდის წითელი შეფერილობ, რაც შეიძლება განპირობებული იყოს მეტაბოლიტის დაბალი კონცენტრაციით არსებობით (რუბაზონის მჟავა); ფერი ქრება მკურნალობის დასრულებისას.

გამოყენების ინსტრუქციის დაცვა ამცირებს არასასურველი ეფექტების რისკს.

გვერდითი ეფექტების გამწვავების დროს ან იმ შემთხვევაში თუ შენიშნავთ რაიმე მოვლენას, რომელიც ინსტრუქციაში აღნიშნული არ არის, მიმართეთ ექიმს ან ფარმაცევტს.

შენახვის ვადა და პირობები
 შენახვის ვადა - exp: ვარგისიანობის ვადა იხ. შეფუთვაზე.

ვარგისიანობის ვადა ეხება სათანადოდ შენახულ დაუზიანებელ პროდუქტს გაუხსნელ შეფუთვაში.

სიფრთხილე: სამედიცინო პროდუქტი არ გამოიყენოთ კოლოფზე მითითებული ვარგისიანობის ვადის გასვლის შემდეგ.

ინახება 25°-ზე დაბალ ტემპერატურაზე/  

მედიკამენტები არ გადააგდოთ ნარჩენ წყალთან ან საყოფაცხოვრებო ნაგავთან ერთად. კითხეთ ფარმაცევტს როგორ უნდა გადააგდოთ არასაჭირო მედიკამენტები. ეს ზომები ხელს შეუწყობს გარემოს დაცვას.

მედიკამენტები შეინახეთ ბავშვებისთვის მიუწვდომელ ადგილას.

პენასინის აღწერა და შეფუთვის შემადგენლობა

პენასინი არის გამჭვირვალე, უფერო ან ღია ყვითელი სითხე, ხილის გემოთი და სუნით. შეფუთვა შეიცავს 20მლ ფლაკონს.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე

ფლაკონს გააჩნია „ბავშვისადმი რეზისტენტული სახურავი“. ფლაკონის გახსნისთვის: სახურვი მოხსენით საათის ისრის მიმართულებით მოტრიალებით. გამოყენების შემდეგ სახურავი კვლავ მჭიდროდ მოახრახნეთ, ბავშვისადმი რეზისტენტული თავსახური სათანადოდაა დაცული თუ ფლაკონის მოტრიალებისას სახურავზე ზეწოლის გარეშე გაიგონებთ ტკაცუნის ხმას.