TOBREX - ტობრექსი 0,3% 5მლ. თვალის წვეთები

ტობრექსი

(TOBREX)

შემადგენლობა :

აქტიური ნივთიერება:ტობრამიცინი;

1 მლ ხსნარი შეიცავს 3,0 მგ ტობრამიცინს;

დამხმარე ნივთიერებები:ბენზალკონიუმის ქლორიდი, ბორის მჟავა, ნატრიუმის სულფატი უწყლო, ნატრიუმის ქლორიდი, თილოქსაპოლი, გოგირდმჟავა და/ან ნატრიუმის ჰიდროქსიდი (рН-ის კორექციისთვის), გასუფთავებული წყალი.

წამლის ფორმა.

თვალის წვეთები, ხსნარი.

უფეროდან ღია ყვითლამდე ან ყავისფრამდე შეფერილობის ხსნარი.

ტობრექსი თვალის მალამოს ფორმით იხილეთ აქ: Tobrex - ტობრექსი თვალის მალამო 0.3% 3.5გ

ფარმაკოთერაპიული ჯგუფი .

ანტიმიკრობული პრეპარატები. ანტიბიოტიკები. ათქ კოდი: S01AA12.

კლინიკური თვისებები.

მეტი ინფორმაციისთვის იხილეთ ბლოგები:

ტობრექსი და თვალის ინფექციები — ყველაფერი პრეპარატის შესახებ

თვალის ანთება — გამომწვევი მიზეზები, სიმპტომები და მკურნალობის გზები

ჩვენებები 

პრეპარატი ტობრექსი, თვალის წვეთები გამოიყენება თვალების და მიმდებარე ქსოვილების გარეგანი ინფექციების სამკურნალოდ, რომლებიც გამოწვეულია ტობრამიცინის მიმართ მგრძნობიარე ბაქტერიებით.

განსაკუთრებით პრეპარატი გამოიყენება ისეთი ბაქტერიებით (მაგ: Pseudomonas aeruginosa) გამოწვეული ინფექციების სამკურნალოდ, რომლებიც რეზისტენტულნი არიან სხვა ანტიბიოტიკების უმეტესობის მიმართ.

მათ შორის, ტობრექსი, თვალის წვეთები გამოიყენება შემდეგი დაავადებების სამკურნალოდ:
- ბაქტერიული კონიუნქტივიტი;
- ბლეფარიტი;
- ბლეფაროკონიუნქტივიტი;
- კერატოკონიუნქტივიტი;
- კერატიტი;
- დაკრიოცისტიტი;
- ოპერაციის წინა და შემდგომ პერიოდში როგორც პროფილაქტიკური საშუალება თვალის წინა სეგმენტზე ჩატარებული ოპერაციების დროს.

სხვა ანტიბიოტიკების მსგავსად ტობრექსის წვეთების გამოყენების დროსაც საჭიროა პრეპარატის მიმართ მგრძნობიარე ბაქტერიების შესაბამისი კონტროლი.

უკუჩვენებები

მომატებული მგრძნობელობა პრეპარატის აქტიური ნივთიერების ან სხვა ნებისმიერი კომპონენტის მიმართ.

გამოყენების წესი და დოზები

დოზირების რეჟიმი.

მოზრდილები და 1 წლიდან და მეტი ასაკის ბავშვები.

საშუალო და ზომიერი სიმძიმის ინფექციების სამკურნალოდ გამოიყენება 1-2 წვეთი კონიუნქტივალურ პარკში რეგულარული 4-საათიანი ინტერვალებით 7 დღის განმავლობაში.

მძიმე ინფექციების შემთხვევაში ყოველ საათში ერთხელ მიიღება 2 წვეთი. მდგომარეობის გაუმჯობესების შემდეგ დოზირება შეიძლება შემცირდეს.

ბავშვები.

პრეპარატი ტობრექსი ბავშვებში (1 წლის ასაკიდან და ზემოთ) გამოიყენება იგივე დოზირებით, როგორც მოზრდილებში. 1 წლამდე ასაკის ბავშვებში პრეპარატის გამოყენების შესახებ მონაცემები შეზღუდულია. 2 თვემდე ასაკის ბავშვებში პრეპარატის გამოყენების უსაფრთხოების და ეფექტურობის შესახებ უტყუარი მონაცემები არ მოიპოვება.

ხანდაზმული პაციენტები.

რაიმე სახის საერთო განსხვავებები უსაფრთხოების და ეფექტურობის მხრივ ხანდაზმულ და უფრო ახალგაზრდა პაციენტებს შორის არ დაფიქსირებულა.

პრეპარატის გამოყენება ღვიძლის და თირკმელების ფუნქციების დარღვევების მქონე პაციენტებში.

პრეპარატის გამოყენების უსაფრთხოება და ეფექტურობა ღვიძლის და თირკმელების ფუქნციების დარღვევების მქონე პაციენტებში არ არის დადგენილი.

გამოყენების წესი.

განკუთვნილია ადგილობრივი გამოყენებისთვის ოფთალმოლოგიაში.

პრეპარატის შეყვანის შემდეგ რეკომენდებულია ცხვირ-საცრემლე არხის დახშობა ან ქუთუთოების დახურვა, რაც ამცირებს სისტემურ შეწოვას და პრეპარატის უარყოფით ზეგავლენას ადგილობრივად გამოყენებისას.

თუ ნაჩვენებია ერთზე მეტი ადგილობრივი გამოყენების ოფთალმოლოგიური პრეპარატი, მაშინ დაცული უნდა იყოს არანაკლებ 5 წუთიანი ინტერვალი. თვალის მალამოები გამოიყენება ყველაზე ბოლოს.

გვერდითი რეაქციები 

აღწერილი გვერდითი რეაქციები გამოვლინდა პრეპარატ ტობრექსის, თვალის წვეთების კლინიკურ კვლევებში და კლასიფიცირდა შემდეგი პირობების მიხედვით: ძალიან ხშირი (≥1/10), ხშირი (≥1/100 - <1/10), ნაკლებად ხშირი (≥1/1000 - <1/100), იშვიათი (≥1/10000 - <1/1000) და ძალიან იშვიათი (<1/10000). სიხშირის თითოეულ ჯგუფში გვერდითი რეაქციები წარმოდგენილია სიხშირის კლებადობის მიხედვით.

ორგანოების სისტემური კლასიფიკაცია	გვერდითი რეაქციები
დარღვევები იმუნური სისტემის მხრივ	ნაკლებად ხშირად: ჰიპერმგრძნობელობა
დარღვევები ნერვული სისტემის მხრივ	ნაკლებად ხშირად:თავის ტკივილი
მხედველობის დარღვევები	ხშირად:დისკომფორტი თვალებში, თვალის ჰიპერემია ნაკლებად ხშირად: კერატიტი, რქოვანის შემღვრევა, მხედველობის გაუარესება, მხედველობის დაბინდვა, ქუთუთოების ერითემა, კონიუნქტივალური შეშუპება, ქუთუთოების შეშუპება, ტკივილი თვალებში, თვალების სიმშრალე, თვალებიდან გამონადენი, თვალების ქავილი, მომატებული ცრემლდენა
დარღვევები კანის და კანქვეშა ქსოვილის მხრივ	ნაკლებად ხშირად:ჭინჭრის ციება, დერმატიტი, მადაროზი, ლეიკოდერმა, ქავილი, კანის სიმშრალე

დამატებითი გვერდითი რეაქციები გამოვლინდა პოსტმარკეტინგული დაკვირვების პერიოდში.

მათი წარმოქმნის სიხშირის შეფასება ხელმისაწვდომი მონაცემებიდან შეუძლებელია.

ორგანოების სისტემური კლასიფიკაცია	გვერდითი რეაქციები
დარღვევები იმუნური სისტემის მხრივ	ანაფილაქსიური რეაქცია
მხედველობის დარღვევები	თვალის ალერგია, თვალების გაღიზიანება, ქუთუთოების ქავილი
დარღვევები კანის და კანქვეშა ქსოვილის მხრივ	სტივენს-ჯონსონის სინდრომი, მულტიფორმული ერითემა, გამონაყარი

ჭარბი დოზა.

პრეპარატ ტობრექსის, თვალის წვეთების, ხსნარის თავისებურებებიდან გამომდინარე დოზის გადაჭარბების დროს არ არის მოსალოდნელი ტოქსიკური ეფექტები პროდუქციის ადგილობრივად გამოყენებისას ან ერთი ფლაკონის შიგთავსის შემთხვევით ჩაყლაპვისას.

გამოყენება ორსულობის ან ძუძუთი კვების პერიოდში .

ორსულობა .

ორსულ ქალებში თვალების სამკურნალოდ ტობრამიცინის გამოყენების შესახებ მონაცემები არ არსებობს ან შეზღუდულია. ორსულ ქალებში ინტრავენურად შეყვანისას ტობრამიცინი კვეთს პლაცენტას. სავარაუდოდ ტობრამიცინი არ გამოიწვევს ემბრიოტოქსიურობას.

ცხოველებში ჩატარებულ კვლევებში გამოვლინდა ემბრიოტოქსიურობა ისეთი დოზების შემთხვევაში, რომლებიც მნიშვნელოვნად აღემატებოდნენ ადამიანისთვის განკუთვნილ მაქსიმალურ დოზებს. ტობრამიცინს არ გამოუვლენია ტერატოგენური მოქმედება ვირთაგვებში და ბოცვრებში ჩატარებულ ექსპერიმენტულ კვლევებში. ორსულობის პერიოდში ტობრექსი გამოიყენება მხოლოდ უკიდურესი აუცილებლობის შემთხვევაში.

ძუძუთი კვების პერიოდი.

ტობრამიცინი გამოიყოფა დედის რძეში სისტემური შეყვანის შემდეგ. უცნობია გამოიყოფა თუ არა ტობრამიცინი დედის რძეში მხედველობის ორგანოების სამკურნალოდ ადგილობრივად გამოყენებისას. ნაკლებ სავარაუდოა, რომ ტობრამიცინი აღმოჩნდეს დედის რძეში ან კლინიკური ზეგავლენა მოახდინოს ჩვილზე დედის მიერ პრეპარატის გამოყენების შემდეგ. მიუხედავად ამისა ძუძუზე მყოფ ბავშვებში რისკების გამორიცხვა შეუძლებელია. უნდა გადაწყდეს ძუძუთი კვების შეწყვეტის ან პრეპარატ ტობრექსით მკურნალობის შეწყვეტის/შეჩერების საკითხი ბავშვისთვის ძუძუთი კვების სარგებლიანობის და დედისთვის მკურნალობის სარგებლიანობის გათვალისწინებით.

ფერტილურობა.

ადამიანის რეპროდუქციულ ფუნქციაზე ტობრამიცინის ზეგავლენის კვლევები თვალის წვეთების ადგილობრივად გამოყენებისას არ ჩატარებულა.

გამოყენების თავისებურებები.

ზოგიერთ პაციენტს შესაძლოა აღენიშნოს მომატებული მგრძნობელობა ადგილობრივი გამოყენების ამინოგლიკოზიდების მიმართ. ჰიპერმგრძნობელობის ხარისხი შესაძლოა ვარირებდეს ადგილობრივი ეფექტებიდან საერთო რეაქციებამდე, როგორიც არის ერითემა, ქავილი, ჭინჭრის ციება, გამონაყარი კანზე, ანაფილაქსია, ანაფილაქტოიდური ან ბულოზური რეაქციები. მომატებული მგრძნობელობის ნიშნების გამოვლენისას პრეპარატის გამოყენება უნდა შეწყდეს.

შესაძლოა განვითარდეს ჯვარედინი ჰიპერმგრძნობელობა სხვა ამინოგლიკოზიდების მიმართ და არსებობს იმის ალბათობა, რომ ადგილობრივი ოფთალმოლოგიური გამოყენებისას ტობრამიცინის მიმართ მგრძნობიარე პაციენტები შესაძლოა ასევე მგრძნობიარენი იყვნენ სხვა ადგილობრივი და/ან სისტემური ამინოგლიკოზიდების მიმართ.

რეკომენდებულია სიფრთხილე, რადგან ტობრამიცინის სისტემური თერაპიის შემთხვევაში დაფიქსირდა სერიოზული გვერდითი რეაქციები, მათ შორის, ნეიროტოქსიკურობა, ოტოტოქსიკურობა და ნეფროტოქსიკურობა.

სიფრთხილეა საჭირო თვალის წვეთების ტობრექსის ისეთ პაციენტებში დანიშვნისას, რომლებსაც დადგენილი აქვთ ან არსებობს ეჭვი ნერვ-კუნთოვანი სისტემის მხრივ დარღვვებზე, როგორიც არის მიასთენია გრავის ან პარკინსონის დაავადება. ამინოგლიკოზიდებმა შესაძლოა გაამწვავონ კუნთების სისუსტე, რაც განპირობებულია ნერვ-კუნთოვან ფუნქციაზე მათი პოტენციური ზეგავლენით.

სხვა ანტიბიოტიკების მსგავსად პრეპარატ ტობრექსის ხანგრძლივად გამოყენებამ შესაძლოა გამოიწვიოს არამგრძნობიარე მიკროორგანიზმების, მათ შორის სოკოების ზრდა. სუპერინფექციის ნიშნების გამოვლენისას უნდა დაიწყოს შესაბამისი მკურნალობა.

კონტაქტური ლინზების ტარება თვალის ინფექციის მკურნალობის დროს არ არის რეკომენდებული. მოერიდეთ რბილ კონტაქტურ ლინზებთან კონტაქტს. იმ შემთხვევაში თუ პაციენტებისთვის ნებადართულია კონტაქტური ლინზების ტარება, მათ უნდა მიეცეთ მითითება, რომ მოიხსნან კონტაქტური ლინზები პრეპარატის გამოყენებამდე და განმეორებით გაიკეთონ მინიმუმ 15 წუთში.

ზეგავლენა რეაქციის სიჩქარეზე ტრანსპორტის მართვის ან სხვა მექანიზმებთან მუშაობის დროს.

მხედველობის სიმკვეთრის დროებით დაკარგვა ან სხვა ვიზუალური დარღვევები ზეგავლენას ახდენენ ტრანსპორტის მართვის ან მექანიზმებთან მუშაობის უნარზე. თუ მხედველობის სიმკვეთრე დაირღვა პრეპარატის შეყვანის შემდეგ, მაშინ პაციენტი უნდა დაელოდოს მხედველობის აღდგენას მანამდე, სანამ დაიწყებს ტრანსპორტის მართვას ან მექანიზმებთან მუშაობას.

ურთიერთქმედება სხვა პრეპარატებთან და სხვა სახის ურთიერთქმედებები.

კლინიკურად მნიშვნელოვანი ურთიერთქმედებები არ არის აღწერილი.

ფარმაკოლოგიური თვისებები.

ფარმაკოდინამიკა.

მოქმედების მექანიზმი.

ტობრამიცინი წარმოადგენს ძლიერ, სწრაფმოქმედ ბაქტერიციდულ ამინოგლიკოზიდურ ანტიბიოტიკს მოქმედების ფართო სპექტრით. იგი ძირითადად მოქმედებს ბაქტერიულ უჯრედებზე სინთეზის დათრგუნვის და რიბოსომაზე პოლიპეპტიდების შეგროვების გზით.

რეზისტენტობის მექანიზმი.

ტობრამიცინის მიმართ რეზისტენტობა განპირობებულია რამდენიმე სხვადასხვა მექანიზმით, მათ შორის (1) ბაქტერიულ უჯრედში რიბოსომული სუბერთეულის ცვლილებებით; (2) უჯრედში ტობრამიცინის გადატანის პროცესში ჩარევით და (3) რიგი ადენალირებადი, ფოსფორილირებადი და აცეტილირებადი ფერმენტების მეშვეობით ტობრამიცინის ინაქტივაციით. გენეტიკური ინფორმაცია ინაქტივირებადი ფერმენტების წარმოებისთვის შეიძლება გადატანილი იქნეს ბაქტერიულ ქრომოსომებზე ან პლაზმიდებზე. შესაძლოა წარმოიქნას ჯვარედინი რეზისტენტობა სხვა ამინოგლიკოზიდების მიმართ.

საკონტროლო წერტილები.

საკონტროლო წერტილები და in vitro სპექტრი, როგორც ქვემოთ არის მითითებული, ეფუძნება სისტემურ გამოყენებას. ამ საკონტროლო წერტილების გამოყენება შეუძლებელია სამკურნალო საშუალების ადგილობრივი გამოყენებისთვის, რადგანაც უფრო მაღალი კონცენტრაციები მიიღება ადგილობრივად, ხოლო ადგილობრივ ფიზიკურ/ქიმიურ მდგომარეობებს შეუძლიათ ზეგავლენა მოახდინონ პროდუქტის აქტივობაზე შეყვანის ადგილას. EUCAST-ის (ანტიმიკრობული მგრძნობელობის ტესტირების ევროპული კომიტეტი) შესაბამისად ტობრამიცინისთვის განსზღვრულია შემდეგი საკონტროლო წერტილები.

• EnterobacteriaceaeS ≤ 2 მგ/ლ, R > 4 მგ/ლ
• Pseudomonas spp. S ≤ 4 მგ/ლ, R > 4 მგ/ლ
• Acinetobacter spp. S ≤ 4 მგ/ლ, R > 4 მგ/ლ
• Staphylococcus spp. S ≤ 1 მგ/ლ, R > 1 მგ/ლ

· არ უკავშირდება სახეობას S ≤ 2 მგ/ლ, R> 4 მგ/ლ

კლინიკური ეფექტურობა სპეციფიური პათოგენების წინააღმდეგ.

ქვემოთ მოცემული ინფორმაციის მიხედვით შეიძლება მხოლოდ მიახლოებით განისაზღვროს მიკროორგანიზმის მგრძნობელობის ალბათობა სამკურნალო საშუალების შემადგენლობაში შემავალი ტობრამიცინის მიმართ. აქ წარმოდგენილია ბაქტერიები, რომელთა გამოყოფა მოხდა თვალის გარეგანი ინფექციებიდან, მაგ: კონიუნქტივიტის დროს.

შეძენილი რეზისტენტობის გავრცელება შეიძლება ვარირებდეს გეოგრაფიული თვალსაზრისით და დროის მიხედვით ცალკეული სახეობებისთვის, სასურველია ხელმისაწვდომი იყოს ინფორმაცია რეზისტენტობის ადგილობრივად გავრცელების შესახებ, განსაკუთრებით მწვავე ინფექციების მკურნალობისას. საჭიროების მიხედვით შესაძლებელია ექსპერტთა კონსულტაციების გათვალისწინება, როდესაც რეზისტენტობის ადგილობრივი გავრცელება ისეთია, რომ ტობრამიცინის სარგებლიანობა ეჭვს ბადებს სულ მცირე, ინფექციების ზოგიერთი სახეობის შემთხვევაში.

ჩვეულებრივ მგრძნობიარე სახეობები
აერობული გრამდადებითი მიკროორგანიზმები:
• Bacillus megaterium;
• Bacillus pumilus;
• Corynebacterium macginleyi;
• Corynebacterium pseudodiphtheriticum;
• Kocuria kristinae;
• Staphylococcus aureus (მეტიცილინის მიმართ მგრძობიარე - MSSA);
• Staphylococcus epidermidis (კოაგულაზა-დადებითი და -უარყოფითი);
• Staphylococcus haemolyticus (მეტიცილინის მიმართ მგრძობიარე - MSSH);
• სტრეპტოკოკები (მათ შორის, A ჯგუფის ზოგიერთი ბეტა-ჰემოლიზური სახეობა, ზოგიერთი არაჰემოლიზური სახეობა და ზოგიერთი Streptococcus pneumoniae ).

აერობული გრამუარყოფითი მიკროორგანიზმები:
• Acinetobacter calcoaceticus;
• Acinetobacter junii;
• Acinetobacter ursingii;
• Citrobacter koseri;
• Enterobacter aerogenes;
• Escherichia coli;
• H. aegyptius;
• Haemophilus influenzae;
• Klebsiella oxytoca;
• Klebsiellapneumoniae;
• Morganella morganii;
• Moraxella catarrhalis;
• Moraxella lacunata;
• Moraxella oslonensis;
• Neisseria-ს ზოგიერთი სახეობა;
• Proteus mirabilis;
• Proteus vulgaris-ის შტამების უმეტესობა;
• Pseudomonas aeruginosa;
• Serratia liquidifaciens.

ანტიბაქტერიული აქტივობა სხვა პათოგენების წინააღმდეგ
სახეობები, რომელთა შემთხვევაში შეძენილი რეზისტენტობა შესაძლოა პრობლემას წარმოადგენდეს:
• Acinetobacter baumanii;
• Bacillus cereus;
• Bacillus thuringiensis;
• Kocuria rhizophila;
• Staphylococcus aureus (მეტიცილინის მიმართ რეზისტენტული - MRSA);
• Staphylococcus haemolyticus (მეტიცილინის მიმართ რეზისტენტული - MRSH);
• Staphylococcus, სხვა კოაგულაზა-უარყოფითი სახეობები;
• Serratia marcescens.

რეზისტენტული ორგანიზმები
აერობული გრამდადებითი მიკროორგანიზმები:
• Enterococcus faecalis;
• Streptococcus mitis;
• Streptococcus pneumoniae;
• Streptococcus sanguis;
• Chryseobacterium indologenes.

აერობული გრამუარყოფითი მიკროორგანიზმები :
• Haemophilus influenzae;
• Stenotrophomonas maltophilia.

ანაერობული ბაქტერიები:
• Propionibacterium acnes.

ბაქტერიული მგრძნობელობის კვლევები ცხადყოფს, რომ ზოგიერთ შემთხვევებში გენტამიცინის მიმართ რეზისტენტული მიკროორგანიზმები ინარჩუნებს ტობრამიცინის მიმართ მგრძნობელობას.

ფარმაკოკინეტიკური/ფარმაკოდინამიკური მაჩვენებლების ურთიერთკავშირი]

პრეპარატ ტობრექსის შემთხვევაში არ არის დადგენილი ფარმაკოკინეტიკური/ფარმაკოდინამიკური მაჩვენებლების ურთიერთკავშირი. გამოქვეყნებულმა in vitro და in vivo კვლევებმა ცხადყო, რომ ტობრამიცინს გააჩნია ხანგრძლივი ეფექტი, რომელიც მიუხედავად სისხლის შრატში დაბალი კონცენტრაციისა ეფექტურად თრგუნავს ბაქტერიების ზრდას.

სისტემური გამოყენების კვლევების მიხედვით უფრო მაღალი მაქსიმალური კონცენტრაციები დაფიქსირდა პრეპარატის დღეში ერთჯერ მიღებისას, ვიდრე დღეში რამდენჯერმე მიღებისას. თუმცა არსებული მონაცემების მიხედვით პრეპარატის ეფექტი დღეში ერთჯერადად და მრავალჯერადად მიღებისას ერთნაირია. ტობრამიცინი ავლენს კონცენტრაციაზე დამოკიდებულ ანტიმიკრობულ მოქმედებას და ეფექტი ძლიერდება მინიმალურ დამთრგუნველ კონცენტრაციაზე ან მინიმალურ ბაქტერიციდულ კონცენტრაციაზე ზემოთ ანტიბიოტიკის კონცენტრაციის მატებასთან ერთად.

ფარმაკოკინეტიკა.

შეწოვა.

ტობრამიცინი ძნელად შეიწოვება რქოვანადან და კონიუქტივიდან და 0,3% ტობრამიცინის ადგილობრივად შეყვანისას მაქსიმალური კონცენტრაცია 3 მკგ/მლ წყლის გარემოში მიიღწევა 2 საათში, რომელიც შემდეგ სწრაფად მცირდება. სწრაფი დაქვეითება 0,3% ტობრამიცინის ადგილობრივი შეყვანისას. გარდა ამისა, ტობრამიცინის სისტემური შეწოვა ადამიანებში ტობრამიცინის ადგილობრივად შეყვანის შემდეგ უმნიშვნელოა. მიუხედავად ამისა, 0,3% ტობრამიცინის ადგილობრივად შეყვანისას ადამიანის ცრემლში ხვდება 527 ± 428 მკგ/მლ ტობრამიცინი. კონცენტრაცია თვალების ზედაპირზე, როგორც წესი, აღემატება უფრო მეტად რეზისტენტული იზოლატების მინიმალურ დამთრგუნველ კონცენტრაციას (მდკ > 64 მკგ/მლ).

განაწილება.

ადამიანებში განაწილების სისტემური მოცულობა შეადგენს 0,26 ლ/კგ-ს. ადამიანის პლაზმის ცილებთან შეკავშირება შეადგენს 10%-ზე ნაკლებს.

ბიოტრანსფორმაცია.

ტობრამიცინი გამოიყოფა ძირითადად შარდთან ერთად უცვლელი სახით.

გამოყოფა.

ტობრამიცინი ექსკრეტირდება შარდში სწრაფად და ექსტენსიურად გორგლოვანი ფილტრაციის გზით, ძირითადად უცვლელი სახით. სისტემური კლირენსი შეადგენდა 1,43 ± 0,34 მლ/წთ/კგ-ს ნორმალური წონის მქონე პაციენტებში ინტრავენურად შეყვანის შემდეგ, ხოლო მისი სისტემური კლირენსი მცირდებოდა თირკმლის ფუნქციის პროპორციულად. პლაზმიდან ნახევარგამოყოფის პერიოდი შეადგენს დაახლოებით ორ საათს.

ფარმაკოკინეტიკის სწორხაზოვნება/არასწორხაზოვნება

თვალიდან ან სისტემური შეწოვა დოზების კონცენტრაციის ზრდასთან ერთად ადგილობრივად გამოყენების შემდეგ არ არის შეფასებული. შესაბამისად თვალების სამკურნალოდ გამოყენებისას შეუძლებელია ზემოქმედების სწორხაზოვნების დადგენა.

გამოყენება ღვიძლის და თირკმლის ფუნქციების დარღვევების მქონე პაციენტებში.

ტობრამიცინის ფარმაკოკინეტიკა თვალების მკურნალობისას ამ ჯგუფის პაციენტებში არ არის შესწავლილი.

ასაკის ზეგავლენა ფარმაკოკიმეტიკაზე.

ტობრამიცინის ფარმაკოკინეტიკის მხრივ ცვლილებები არ ფიქსირდება ხანდაზმულ და უფრო ახალგაზრდა პაციენტებს შორის.

გამოყენება პედიატრიაში.

ამინოგლიკოზიდები, მათ შორის ტობრამიცინი, როგორც წესი გამოიყენება ბავშვებში, ჩვილ ბავშვებში და ახალშობილებში სერიოზული ინფექციების სამკურნალოდ, რომლებიც გამოწვეულია გრამუარყოფითი ბაქტერიებით. ტობრექსი (0,3% ტობრამიცინი) მოწონებულია ბავშვებში გამოსაყენებლად. ტობრამიცინის კლინიკური ფარმაკოლოგია ბავშვებში აღწერილი იყო სისტემური შეყვანისთვის.

ვარგისიანობის ვადა.

3 წელი.

შეფუთვის პირველად გახსნის შემდეგ გამოიყენება 4 კვირის განმავლობაში.

შენახვის პირობები

შეინახეთ არაუმეტეს 30 °С ტემპერატურაზე.

შეინახეთ ბავშვებისთვის მიუწვდომელ ადგილას.

შეფუთვა.

5 მლ ფლაკონში, 1 ფლაკონი კოლოფში.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით