კოფეინი ნ/ბ 200მგ 10

ფარმაცევტული პროდუქტის სამედიცინო
გამოყენების ინსტრუქცია

კოფეინი - ნატრიუმის ბენზოატი

წამლის ფორმა: ტაბლეტები.
ფარმაკოლოგიური ჯგუფი: ცენტრალური ნერვული სისტემის მასტიმულირებელი საშუალება.
საერთაშორისო სახელწოდება: კოფეინი 

ტაბლეტის შემადგენლობა: კოფეინი (80 მგ) + ნატრიუმის ბენზოატი (120 მგ) – 200 მგ;
დამხმარე ნივთიერებები: რძის შაქარი, კარტოფილის სახამებელი, კალციუმის სტეარატი, აეროსილი.
ფარმაკოლოგიური მოქმედება: კოფეინი-ნატრიუმის ბენზოატი ასტიმულირებს ცენტრალურ ნერვულ სისტემას, ზრდის ფიზიკურ და გონებრივ შრომისუნარიანობას, ამცირებს დაღლილობას, აღაგზნებს სუნთქვისა და სისხლძარღვთა მამოძრავებელ ცენტრებს, აძლიერებს გულის კუნთის შეკუმშვის ინტენსივობასა და სიხშირეს, აფართოებს სისხლძარღვებს თავის ტვინში, ჩონჩხის კუნთებში, გულსა და თირკმელებში, ავიწროვებს სისხლძარღვებს მუცლის ღრუს ორგანოებში.
ფარმაკოკინეტიკა: კოფეინი და მისი მარილები კარგად შეიწოვება ნაწლავებიდან (მსხვილი ნაწლავიდან), თ1/2 შეადგენს 5სთ-ს, ზოგიერთ შემთხვევაში 10 სთ-ს. პრეპარატის ძირითადი ნაწილი განიცდის დემეთილირებას და დაჟანგვას, დაახლოებით 10% გამოიყოფა უცვლელი სახით, ახალშობილებსა და ბავშვებში ძუძუთი კვების დროს პრეპარატი ორგანიზმიდან ნელა ელიმინირდება (თ 1/2 - 80-26,3 სთ).

ჩვენება:
• არტერიული ჰიპოტენზია;
• თავის ტკივილი, რომელიც გამოწვეულია თავის ტვინის სისხლძარღვების სპაზმით (მათ შორის, შაკიკი); (გამოიყენება სხვა სამკურნალო საშუალებებთან კომბინაციაში, მაგალითად, აცეტილსალიცილის მჟავასთან);
• დაავადებები, რომელთაც თან ახლავთ ფიზიკური და გონებრივი შრომისუნარიანობის დაქვეითება; ცენტრალური ნერვული სისტემის დათრგუნვა;
• სუნთქვის ცენტრის დათრგუნვა (ნარკოტიკებით მოწამვლა, ინფექციური დაავადებები და სხვა);
• ძილიანობა;
• ფილტვების ვენტილაციის აუცილებელი დონის აღსადგენად ზოგადი ანესთეზიის გამოყენების შემდეგ;
• ბავშვებში გამოიყენება ენურეზის დროს.
უკუჩვენება:
• არტერიული ჰიპერტენზია;
• გულსისხლძარღვთა სისტემის ორგანული დაავადებები (ათეროსკლეროზი);
• აგზნებადობა;
• უძილობა;
• გლაუკომა;
• ხანდაზმულთა ასაკი;
• 5 წლამდე ასაკის ბავშვები.

მიღების წესი და დოზირება: პრეპარატი მიიღება პერორალურად 2-3-ჯერ დღეში. Dდოზები შეირჩევა ინდივიდუალურად. მოზრდილებში და ბავშვებში 14 წლის ზევით ერთჯერადი დოზა შეადგენს 100-200მგ. უმაღლესი ერთჯერადი დოზაა 500მგ, უმაღლესი სადღეღამისო დოზა - 1000მგ. ბავშვებში 5-14 წლამდე პრეპარატი ინიშნება 50-100მგ 2-3ჯერ დღეში. ბავშვებში უმაღლესი სადღეღამისო დოზაა - 500მგ. პრეპარატი არ მიიღება ძილის წინ. თერაპიული კურსის ხანგრძლივობას ადგენს ექიმი დაავადების სიმძიმისა და მკურნალობის შედეგების შესაბამისად.
გვერდითი მოვლენები: შფოთვა, აგზნებადობა, ტაქიკარდია, უძილობა, გულისრევა, ღებინება, პრეპარატის ხანგრძლივმა გამოყენებამ შეიძლება გამოიწვიოს მსუბუქი მიჩვევა.
პრეპარატის მიღების სწრაფად შეწყვეტამ შეიძლება გამოიწვიოს ცენტრალური ნერვული სისტემის დათრგუნვა, ძილიანობის, დაღლილობისა და დეპრესიის განვითარებით.

განსაკუთრებული მითითებები: პრეპარატის გამოყენებისას არ არის რეკომენდებული ყავის, მაგარი ჩაის, სხვა მატონიზირებელი სასმელებისა და ალკოჰოლის მიღება.

ორსულობა და ლაქტაცია: კოფეინი-ნატრიუმის ბენზოატი გადის პლაცენტარულ ბარიერს; ორსულობის დროს პრეპარატის მიღება შესაძლებელია მხოლოდ იმ შემთხვევებში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისთვის;
კოფეინი-ნატრიუმის ბენზოატი გადადის დედის რძეში და ამიტომ მკურნალობის პერიოდში საჭიროა ძუძუთი კვების შეწყვეტა.
სხვა პრეპარატებთან ურთიერთქმედება: ამცირებს საძილე და ნარკოზული საშუალებების მოქმედების ეფექტს, აძლიერებს აცეტილსალიცილის მჟავას, პარაცეტამოლის და სხვა არანარკოტიკული ანალგეზური საშუალებების ბიოშეღწევადობას, აუმჯობესებს ერგოტამინის შეწოვას კუჭ-ნაწლავის ტრაქტში.

დოზის გადაჭარბება: კოფეინის დოზის გადაჭარბებისას შეიძლება განვითარდეს აგზნებადობა, კანკალი, თავის ტკივილი, გონების დაბინდვა, ექსტრასისტოლიები.

მკურნალობა: დოზის გადაჭარბებისას მკურნალობა ხდება გააქტივებული ნახშირის ხსნარით კუჭის გამორეცხვის გზით.

შეფუთვა: 10 ტაბლეტი პოლივინილქლორიდისა და ალუმინის ფოლგის ბლისტერზე.

შენახვა: ინახება არა უმეტეს 25 °C ტემპერატურის პირობებში, მშრალ, სინათლისაგან დაცულ და ბავშვებისთვის მიუწვდომელ ადგილზე.

ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია.

ვარგისიანობის ვადა: 4 წელი.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.