ტრედეროლი - Trederol 20000სე 20 ტაბლეტი

ტრედეროლი®20 000სე

აპკიანი გარსით დაფარული ტაბლეტები
ქოლეკალციფეროლი (D3 ვიტამინი) განკუთვნილია მოზრდილებისათვის

მედიკამენტის მიღებამდესაჭიროა გამოყენების ინსტრუქციის ყურადღებით წაკითხვა , რადგან შეიცავს პაციენტისათვის მნიშვნელოვან ინფორმაციას.

· საჭიროა ინსტრუქციის შენახვა. შესაძლოა, წარმოიშვას მისი ხელახალი გაცნობის აუცილებლობა.

· დამატებითი კითხვების არსებობისას საჭიროა ექიმთან ან ფარმაცევტთან მიმართვა.

· მედიკამენტი განკუთვნილია მხოლოდ პაციენტისათვის. დაუშვებელია მისი სხვა პირებისათვის მიცემა. ის საზიანო შეიძლება აღმოჩნდეს მათთვის, სიმპტომების მსგავსების მიუხედავად.

· ნებისმიერი გვერდითი მოვლენის განვითარებისას პაციენტმა უნდა მიმართოს მკურნალ ექიმს ან ფარმაცევტს. ეს მოიცავს ისეთ შესაძლო გვერდით მოვლენებს, რომლებიც არ არის ჩამოთვლილი ინსტრუქციაში, იხ. პარაგრაფი 4.

ინსტრუქციაში მოცემულია:

1. რას წარმოადგენს ტრედეროლი ® და მისი გამოყენება;

2. რა უნდა იცოდეს პაციენტმა ტრედეროლის ® მიღებამდე;

3. ტრედეროლის ® მიღების წესი;

4. შესაძლო გვერდითი მოვლენები;

5. ტრედეროლის ® შენახვის წესი;

6. შეფუთვის შემცველობა და სხვა ინფორმაცია.

1.რას წარმოადგენს ტრედეროლი® და მისი გამოყენება

ტრედეროლი ® შეიცავს აქტიურ ნივთიერება ქოლეკალციფეროლს.

D ვიტამინი მიიღება საკვებით და ის ასევე წარმოიქმნება კანში მზის ზემოქმედების შედეგად. ტრედეროლი ® ექიმის მიერ შეიძლება დაინიშნოს D ვიტამინის მძიმე უკმარისობის საწყისი მკურნალობისათვის. D ვიტამინის უკმარისობა შეიძლება განვითარდეს, როცა დიეტა ან ცხოვრების წესი არ უზრუნველყოფს საკმარისი რაოდენობის D ვიტამინის მიღებას ან როცა ორგანიზმი საჭიროებს უფრო მეტ D ვიტამინს. ტრედეროლი ® ნაჩვენებია მოზრდილებისათვის.

2.რა უნდა იცოდეს პაციენტმა ტრედეროლის ® მიღებამდე

დაუშვებელია ტრედეროლის® მიღება

· თუ პაციენტი ალერგიულია ქოლეკალციფეროლის (D3 ვიტამინის) ან მედიკამენტის სხვა რომელიმე ინგრედიენტის მიმართ (ჩამონათვალი იხ. მე-6 პარაგრაფში);

· თუ პაციენტს D ვიტამინის მაღალი დონე აქვს სისხლში (D ჰიპერვიტამინოზი);

· თუ პაციენტს კალციუმის მაღალი დონე აქვს სისხლში (ჰიპერკალციემია) ან შარდში (ჰიპერკალციურია), ან პაციენტს აღენიშნება დაავადება ან მდგომარეობა, რომელიც იწვევს ჰიპერკალციემიას ან ჰიპერკალციურიას;

· თუ პაციენტს აღენიშნება თირკმელების კალციფიკაცია, თირკმლის კენჭები ან თირკმლის სერიოზული პრობლემები.

გაფრთხილებები და სიფრთხილის ზომები

ტრედეროლის ® მიღებამდე საჭიროა ექიმთან ან ფარმაცევტთან კონსულტაცია, თუ:

· პაციენტს აღენიშნება თირკმლის დაზიანება ან დაავადება. ექიმი გასინჯავს კალციუმის და ფოსფატების დონეებს სისხლსა და შარდში;

· პაციენტს აღენიშნება კალციუმის შემცველი თირკმლის კენჭების ფორმირების ტენდენცია;

· პაციენტს აღენიშნება მულტისისტემური ქრონიკული ანთებითი მდგომარეობა, ე.წ. სარკოიდოზი, რომელიც აზიანებს ფილტვებს, გულსა და თირკმელებს. ამ შემთხვევაში არსებობს D ვიტამინის მის აქტიურ ფორმად გაძლიერებული გარდაქმნის რისკი;

· პაციენტი იღებს D ვიტამინის შემცველ საკვებ დანამატებს ან წარმოებულებს, იღებს D3 ვიტამინით მდიდარ საკვებს ან რძეს;

· პაციენტი რეზისტენტულია პარათირეოიიდული ჰორმონის მიმართ (ფსევდოჰიპოპარათიროიდიზმი).

გარანტირებული უნდა იყოსკალციუმის ადექვატური მიღება საკვებით. ექიმმაშეიძლება ჩაატაროს რეგულარული ლაბორატორიული კვლევები კალციუმის რაოდენობის შესამოწმებლად სისხლსა და შარდში.

თუ პაციენტი იღებს 1 000 სე-ზე მეტ D ვიტამინს დღეში საკვებიდან, სხვა მედიკამენტიდან ან საკვები დანამატიდან, ექიმი დანიშნავს სისხლის გარკვეულ ანალიზებს. ასეთი ანალიზები განსაკუთრებით მნიშვნელოვანია ხანდაზმულებში ან შეზღუდული მობილობის მქონე პირებში, რომელბიც ასევე იღებენ საგულე გლიკოზიდებს ან შარდმდენებს (იხ. პარაგრაფი „სხვა მედიკამენტები და ტრედეროლი®“).

ბავშვები და მოზარდები

ეს მედიკამენტი არ უნდა იქნას გამოყენებული 18 წლამდე ასაკის ბავშვებსა და მოზარდებში.

სხვა მედიკამენტები და ტრედეროლი®

მკურნალ ექიმს ან ფარმაცევტს უნდა ეცნობოს, თუ პაციენტი იღებს, უახლოეს წარსულში იღებდა ან აპირებს მიიღოს ნებისმიერი სხვა მედიკამენტი.

განსაკუთრებით, ქვემოთ ჩამოთვლილი მედიკამენტები შეიძლება ურთიერთქმედებაში შევიდნენ ტრედეროლთან®:

· ეპილეფსიის სამკურნალო მედიკამენტები (როგორიცაა ფენიტოინი) ან საძილე პრეპარატები (ბარბიტურატები, როგორიცაა ფენობარბიტალი), რადგან ამ მედიკამენტებმა შეიძლება დააქვეითონ D ვიტამინის ეფექტი;

· გლუკოკორტიკოიდები (სტეროიდული ჰორმონები, როგორიცაა ჰიდროკორტიზონი ან პრედნიზონი). შეიძლება დააქვეითონ D ვიტამინის ეფექტი;

· საგულე პრეპარატები (საგულე გლუკოზიდები, როგორიცაა დიგოქსინი). მკურნალმა ექიმმა შეიძლება მოახდინოს გულის ფუნქციის მონიტორინგი ელექტროკარდიოგრამაზე (ეკგ) და გაზომოს სისხლსა და შარდში კალციუმის დონე;

· საფაღარათო საშუალებები (როგორიცაა პარაფინის ზეთი), ქოლესტერინის დონის დამწევი მედიკამენტი ქოლესტირამინი, ან მედიკამენტი, რომელიც გამოიყენება საკვებით მიღებული ცხიმების შეწოვის დასაქვეითებლად -ორლისტატი, რომელმაც შეიძლება დააქვეითოს D ვიტამინის შეწოვა;

· აქტინომიცინი (გამოიყენება ზოოგიერთი ტიპის ავთვისებიანი სიმსივნის სამკურნალოდ) და მიდაზოლის ჯგუფის სოკოს საწინააღმდეგო მედიკამენტები (კლოტრიმაზოლი და კეტოკონაზოლი, გამოიყენება სოკოვანი დაავადების სამკურნალოდ), რადგან შეიძლება გავლენა იქონიოს D ვიტამინის მეტაბოლიზმზე;

· რიფამპიცინი და იზონიაზიდი (გამოიყენება ტუბერკულოზის დროს) - შეიძლება დაქვეითდეს D ვიტამინის ეფექტი;

· დიურეტიკები, ე.წ. „შარდმდენები“, გამოიყენება შარდის გამოყოფის გასაზრდელად (როგორიცაა ბენზოთიადიაზინის წარმოებულები) - შეიძლება გაიზარდოს კალციუმის კონცენტრაცია სისხლში (ჰიპერკალციემია) ან შარდში (ჰიპერკალციურია);

· ფოსფატების მაღალი დოზების მიღებისას შეიძლება გაიზარდოს სისხლში ფოსფატების გაზრდილი კონცენტრაციის რისკი (ჰიპერფოსფატემია).

ფეხმძიმობა და ძუძუთი კვება

ფეხმძიმობის ან ძუძუთი კვების დროს, შესაძლო ფეხმძიმობის ან მისი დაგეგმვის შემთხვევაში საჭიროა მკურნალ ექიმთან ან ფარმაცევტთან მიმართვა ამ მედიკამენტის გამოყენებამდე.

ფეხმძიმობა

ტრედეროლი ® არ არის რეკომენდებული და პროდუქტის უფრო დაბალი დოზა უნდა იქნას გამოყენებული ფეხმძიმობის დროს. D ვიტამინის დოზის გადაჭარბება თავიდან უნდა იქნას აცილებული ფეხმძიმობის დროს, რადგან გახანგრძლივებულმა ჰიპერკალციემიამ (კალციუმის გაზრდილი დონე სისხლში) შეიძლება გამოიწვიოს ფიზიკური და ფსიქიკური უნარის შეზღუდვა, ასევე გულის და თვალის თანდაყოლილი დაავადებები ბავშვში.

ძუძუთი კვება

D ვიტამინი და მისი მეტაბოლიტები გადადის ადამიანის რძეში. თუ D ვიტამინით მკურნალობა კლინიკურად ნაჩვენებია ძუძუთი კვების დროს, ეს გათვალისწინებული უნდა იქნას, როცა დამატებით ინიშნება D ვიტამინი ბავშვებში. ტრედეროლი®არ არის რეკომენდებული და პროდუქტის დაბალი დოზები უნდა იქნას გამოყენებულ ძუძუთი კვების დროს.

ავტომობილისადა სხვა მექანიზმების მართვა

ტრედეროლი ® არ ახდენს გავლენას ავტომობილის ან სხვა მექანიზმების მართვის უნარზე.

ტრედეროლი ® შეიცავს საქაროზას. თუ პაციენტს დადგენილი აქვს რომელიმე შაქრის აუტანლობა, საჭიროა ექიმთან კონსულტაცია ამ მედიკამენტის მიღებამდე.

ტრედეროლი ® შეიცავს ნატრიუმს. ეს მედიკამენტი შეიცავს 1 მმოლ-ზე (23 მგ) ნაკლებ ნატრიუმს ერთ აპკიანი გარსით დაფარულ ტაბლეტში, რაც ნიშნავს, რომ ფაქტობრივად „თავისუფალია“ ნატრიუმისაგან.

3.ტრედეროლის ® მიღების წესი

მედიკამენტის მიღება ყოველთვის უნდა მოხდეს ზუსტად ექიმის ან ფარმაცევტის დანიშნულების მიხედვით. თუ პაციენტი არ არის დარწმუნებული, საჭიროა მკურნალ ექიმთან ან ფარმაცევტთან კონსულტაცია.

დოზა დამოკიდებულია იმაზე, თუ რამდენად დაბალია D ვიტამინის დონე. მკურნალი ექიმი კონსულტაციას გაუწევს პაციენტს ტაბლეტების დოზის და რაოდენობის შესახებ, და რამდენჯერ უნდა მოხდეს მათი მიღება.

რეკომენდებული დოზაა:

D ვიტამინის უკმარისობის საწყისი მკურნალობა მოზრდილებში:

20 000 სე/კვირაში ექვივალენტური დოზა 4-5 კვირის განმავლობაში.

ტრედეროლი ® 5 000 სე აპკიანი გარსით დაფარული ტაბლეტები: 4 ტაბლეტი კვირაში.

ტრედეროლი ® 10 000 სე აპკიანი გარსით დაფარული ტაბლეტები: 2 ტაბლეტი კვირაში.

ტრედეროლი ® 20 000 სე აპკიანი გარსით დაფარული ტაბლეტები: 1 ტაბლეტი კვირაში.

მკურნალობის 4-5 კვირის შემდეგ მიზანშეწონილია უფრო დაბალი შემანარჩუნებელი დოზა.

ტაბლეტები უნდა გადაიყლაპოს მთლიანად, წყლის მიყოლებით, უმჯობესია ძირითადი საკვების მიღების დროს.

ტრედეროლი®20 000სე აპკიანი გარსით დაფარული ტაბლეტები

გამყოფი ხაზი განკუთვნილია მხოლოდ ტაბლეტის გასატეხად, მისი მთლიანად გადაყლაპვის გაძნელების შემთხვევაში.

ბავშვებსა და მოზარდებში გამოყენება

პროდუქტი არ გამოიყენება 18 წლამდე ასაკის ბავშვებსა და მოზარდებში.

ტრედეროლის ® დოზის გადაჭარბებისას

მნიშვნელოვანია, რომ არ იქნას გადაჭარბებული დანიშნული დოზა.

შემთხვევით დანიშნულზე მეტი რაოდენობით ტაბლეტების გადაყლაპვისას საჭიროა დაუყოვნებლივ ექიმთან მიმართვა ან სამედიცინო დახმარების აღმოჩენა.

თუ შესაძლებელია, პაციენტმა თან უნდა იქონიოს ტაბლეტები, კოლოფი და გამოყენების ინსტრუქცია, რათა აჩვენოს ექიმს.

დიდი რაოდენობით ტაბლეტების მიღებისას შეიძლება აღინიშნოს გულისრევა ან ღებინება, შეკრულობა ან მუცლის ტკივილი, კუნთების სისუსტე, დაღლილობა, მადის დაკარგვა, თირკმლის პრობლემები და მძიმე შემთხვევებში არარეგულარული გულისცემა.

ტრედეროლის ® მიღების დავიწყებისას

ტაბლეტების მიღების დავიწყებისას მათი მიღება უნდა მოხდეს შესაძლებლობისთანავე. შემდეგი დოზის მიღება უნდა მოხდეს ჩვეულ დროს, ექიმის დანიშნულების მიხედვით. თუ მოახლოებულია შემდეგი დოზის მიღების დრო, დავიწყებული დოზა უნდა იქნას გამოტოვებული და ჩვეულებრივად უნდა იქნას მიღებული შემდეგი დოზა.

დაუშვებელია დოზის გაორმაგება გამოტოვებულის სანაცვლოდ.

ტრედეროლის ® მკურნალობის შეწყვეტისას

მედიკამენტის მიღება უნდა გაგრძელდეს ექიმის დანიშნული ხანგრძლივობით. მედიკამენტის მიღების შეწყვეტა არ უნდა მოხდეს პაციენტის მდგომარეობის გაუმჯობესების მიუხედავად. ტაბლეტების მიღების ნაადრევად შეწყვეტისას ჩივილები შეილება გაუარესდეს ან ისევ განვითარდეს.

ამ მედიკამენტის გამოყენებასთან დაკავშირებით დამატებითი კითხვების არსებობისას საჭიროა ექიმთან, ფარმაცევტთნ ან ექთანთან მიმართვა.

4. შესაძლო გვერდითი მოვლენები

სხვა სამკურნალო საშუალებების მსგავსად, ეს მედიკამენტიც იწვევს გვერდით მოვლენებს, თუმცა ისინი ყველას არ უვითარდება .

ტრედეროლის ® გვერდითი მოვლენებია:

არახშირი: შეიძლება აღინიშნოს 100-დან 1-ზე ნაკლებ პაციენტში

· კალციუმის დონის მომატება სისხლში (ჰიპერკალციემია). შეიძლება აღინიშნოს გულისრევა ან ღებინება, მადის დაკარგვა, ყაბზობა, მუცლის ტკივილი, ძლიერი წყურვილი, კუნთების სისუსტე, ძილიანობა ან ცნობიერების დაბინდვა;

· კალციუმის დონის მომატება შარდში (ჰიპერკალციურია).

იშვიათი: შეიძლება აღინიშნოს 1,000-დან 1-ზე ნაკლებ პაციენტში

· კანზე გამონაყარი;

ქავილი;

· კვანძოვანი გამონაყარი ქავილით (ჭინჭრის ციება).

სიხშირე უცნობია: სიხშირის შეფასება ვერ ხერხდება არსებული მონაცემების საფუძველზე

ყაბზობა;
მეტეორიზმი;
გულისრევა;
მუცლის ტკივილი;
დიარეა;

· ჰიპერმგრძნობელობითი რეაქციები, როგორიცაა ანგიონევროზული შეშუპება ან ხორხის შეშუპება (პირის ირგვლივ, ცხვირის, ხახის და საჭმლის მომნელებელი ტრაქტის ან ხორხის შეშუპება).

ექიმს ან ფარმაცევტს უნდა ეცნობოს, თუ რომელიმე გვერდითი მოვლენა იღებს სერიოზულ ხასიათს ან აღინიშნება ისეთი გვერდითი მოვლენა, რომელიც არ არის ჩამოთვლილი.

გვერდითი მოვლენების შესახებ შეტყობინება

ნებისმიერი გვერდითი მოვლენის განვითარებისას საჭიროა მკურნალ ექიმთან ან ფარმაცევტთან მიმართვა. ეს მოიცავს ისეთ შესაძლო გვერდით მოვლენებს, რომლებიც არ არის ჩამოთვლილი ინსტრუქციაში.გვერდითი მოვლენების შესახებ შეტყობინება ხელს უწყობს წამლის უსაფრთხოების შესახებ მეტი ინფორმაციის შეგროვებას.

5.ტრედეროლის ® შენახვის წესი

მედიკამენტი ინახება ბავშვებისთვის მიუწვდომელ ადგილას.

ინახება 30ºC-ის ქვემოთ. დაუშვებელია პრეპარატის გამოყენება ბლისტერსა და მუყაოს კოლოფზე მითითებული შენახვის ვადის გასვლის შემდეგ, შენახვის ვადა გულისხმობს მითითებული თვის ბოლო დღეს.

დაუშვებელია პრეპარატის გადაგდება საკანალიზაციო წყალში ან საყოფაცხოვრებო ნაგავში. ნებისმიერი გამოუყენებელი პრეპარატის განადგურების შესახებ ინფორმაციის მისაღებად საჭიროა ფარმაცევტთან მიმართვა. აღნიშნული ღონისძიებები ემსახურება გარემოს დაცვას.

6. შეფუთვის შემცველობა და სხვა ინფორმაცია

რას შეიცავს ტრედეროლი®

· აქტიური ნივთიერებაა ქოლეკალციფეროლი (D3 ვიტამინი).

ტრედეროლი ® 5 000 სე აპკიანი გარსით დაფარული ტაბლეტების ყოველი ტაბლეტი შეიცავს 125 მიკროგრამ ქოლეკალციფეროლს (D3 ვიტამინი, რომელიც შეესაბამება 5 000 სე-ს, ქოლეკალციფეროლის კონცენტრატის ფხვნილის სახით).

ტრედეროლი ® 10 000 სე აპკიანი გარსით დაფარული ტაბლეტების ყოველი ტაბლეტი შეიცავს 250 მიკროგრამ ქოლეკალციფეროლს (D3 ვიტამინი, რომელიც შეესაბამება 10 000 სე-ს, ქოლეკალციფეროლის კონცენტრატის ფხვნილის სახით).

ტრედეროლი ® 20 000 სე აპკიანი გარსით დაფარული ტაბლეტების ყოველი ტაბლეტი შეიცავს 500 მიკროგრამ ქოლეკალციფეროლს (D3 ვიტამინი, რომელიც შეესაბამება 20 000 სე-ს, ქოლეკალციფეროლის კონცენტრატის ფხვნილის სახით).

· სხვა დამხმარე ნივთიერებებია:

ნატრიუმის ასკორბატი (E301), ალ-რაც-ალფა-ტოკოფეროლი, სახამებლის ნატრიუმ ოქტენილ სუქცინატი (E1450), საქაროზა, საშუალო ჯაჭვის ტრიგლიცერიდები, სილიციუმის კოლოიდური უწყლო დიოქსიდი (E551), ნატრიუმის კროსკარმელოზა (E468), მიკროკრისტალური ცელულოზა (PH 102) (E460), მაგნიუმის სტეარატი (E470ბ), პოლივინილსპირტი (E1203), ტიტანის დიოქსიდი (E171), მაკროგოლი 3350, ტალკი (E533B).

ტრედეროლის ® ფორმა და შეფუთვა

ტრედეროლი ® 5 000 სე აპკიანი გარსით დაფარული ტაბლეტები არის თეთრი ან ღია ყვითელი ფერის, მრგვალი ტაბლეტები, ამოტვიფრული ლოგოთი “5”, დიამეტრით, დაახლოებით, 7 მმ.
ტრედეროლი ® 10 000 სე აპკიანი გარსით დაფარული ტაბლეტები არის თეთრი ან ღია ყვითელი ფერის, მოგრძო ფორმის ტაბლეტები, ამოტვიფრული ლოგოთი “10”, ტაბლეტის ზომა დაახლოებით არის სიგრძეში 13 მმ და სიგანეში 6.7 მმ.
ტრედეროლი ® 20 000 სე აპკიანი გარსით დაფარული ტაბლეტები არის თეთრი ან ღია ყვითელი ფერის, ოვალური ფორმის ტაბლეტები, გამყოფი ხაზით, ტაბლეტის ზომა დაახლოებით არის სიგრძეში 17 მმ და სიგანეში 9.5 მმ.
ტრედეროლი ® 5 000 სე აპკიანი გარსით დაფარული ტაბლეტები ხელმისაწვდომია შეფუთვით 30, 40 და 60 აპკიანი გარსით დაფარული ტაბლეტი პვქ/პვდქ/ალუმინის ბლისტერებზე.
ტრედეროლი ® 10 000 სე აპკიანი გარსით დაფარული ტაბლეტები ხელმისაწვდომია შეფუთვით 10 და 20 აპკიანი გარსით დაფარული ტაბლეტი პვქ/პვდქ/ალუმინის ბლისტერებზე.
ტრედეროლი ® 20 000 სე აპკიანი გარსით დაფარული ტაბლეტები ხელმისაწვდომია შეფუთვით 4, 10 და 20 აპკიანი გარსით დაფარული ტაბლეტი პვქ/პვდქ/ალუმინის ბლისტერებზე.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

ასევე , იხილეთ : Devit - დევიტი 50000სე 8 ტაბლეტი