პირანტელი - Pyrantel სუსპენზია 250მგ/5მლ 15მლ

პირანტელი

Pyrantel

საერთაშორისო არაპატენტირებული დასახელება

პირანტელი

წამლის ფორმა

სუსპენზია პერორალური გამოყენებისათვის, 250 მგ/5მლ

შემადგენლობა

15 მლ სუსპენზია შეიცავს

მოქმედი ნივთიერება –პირანტელს 0,750 გ/15 მლ (პირანტელის ემბონატის სახით 2,1625 გ/15 მლ);

დამხმარე ნივთიერებები: ნატრიუმის ბენზოატი, კარბოქსიმეთილცელულოზის ნატრიუმის მარილი, სორბიტოლი 70%, გლიცერინი, მაგნიუმ-ალუმინის სილიკატი, პოლისორბატი 80, პოვიდონი, გარგრის არომატიზატორი, ანტიფოამი, ლიმონ მჟავას მონოჰიდრატი, ნატრიუმის ჰიდროჟანგი, გასუფთავებული წყალი.

ასევე, იხილეთ :Helmintox - ჰელმინტოქსი სუსპენზია 15 მლ

აღწერა

ღია ყვითელი ფერის სუსპენზია, დამახასიათებელი სუნით.

ფარმაკოთერაპიული ჯგუფი

ანტიჰელმინთური პრეპარატები. ტეტრაჰიდროპირიმიდინის წარმოებულები.

ფარმაკოლოგიური თვისებები

პირანტელი წარმოადგენს ეფექტურ პრეპარატს ნაწლავური მრგვალი ჭიებით დასნებოვნებისას. მოქმედებს ნაწლავური ნემატოდების მუსკულატურაზე მათი ნერვ-კუნთოვანი შეერთების დეპოლარიზაციის გზით და ქოლინესთერაზას მოქმედების ბლოკადით. უძრავი პარაზიტები გამოიყოფა ნაწლავიდან პერისტალტიკური მოძრაობების საშუალებით. არ იწვევს ჰელმინთების მიგრაციას, არა აქვს გამაღიზიანებელი მოქმედება. მოქმედებს მომწიფებულ ფორმებზე და განვითარების ადრეულ სტადიაში მყოფ პარაზიტებზე და არ მოქმედებს ჭუპრებზე მათი ქსოვილებში მიგრაციის დროს. პრეპარატი უპირველეს ყოვლისა გამოიყენება მახვილათი (Enterobius vermicularis) და ასკარიდათი (Ascaris lumbricoides) დასნებოვნებისას. შეიძლება გამოყენებული იქნას ანკილოსტომით დასნებოვნებისას. უფრო ეფექტურ მოქმედებას ახდენს ანკილოსტომიდოზის (Ancylostoma duodenale, მკურნალობისას, ვიდრე ნეკატოროზის (Necator americanus) მკურნალობისას. 

პირანტელის ემბონატი – პრაქტიკულად წყალში უხსნადია და უმნიშვნელო რაოდენობით შეიწოვება საჭმლის მომნელებელი ტრაქტიდან. შეწოვილი პირანტელის ემბონატი სწრაფად მეტაბოლიზდება და გამოიყოფა განავალითა და შარდით. პირანტელის  ემბონატი ძალიან სწრაფად მეტაბოლიზდება ღვიძლში N-მეთილ-1,3-პროპანოდიამინამდე და გამოიყოფა შარდითა და განავალით. პირანტელის ემბონატის 15%-ზე ნაკლები გამოიყოფა შეუცვლელი და მეტაბოლიტების სახით შარდით. 50%-ზე მეტი გამოიყოფა განავალთან ერთად შეუცვლელი სახით.

მიღების ჩვენებები

- ენტერობიოზი

- ასკარიდოზი

- ანკილოსტომოზი

- ნეკატოროზი

მიღების წესი და დოზები

დოზები

-  ასკარიდოზი გამოწვეული  Ascaris lumbricoides.

მოზრდილები და ბავშვები სხეულის მასით 10 კგ-ზე მეტი: ერთჯერადი დოზა 11 მგ/კგ. როგორც წესი, საკმარისია ერთჯერადი დოზის მიღება, მაგრამ არასაკმარისი ეფექტის შემთხვევაში პრეპარატის დოზის მიღება უნდა განმეორდეს 2-3 კვირაში. 

-   ენტერობიოზი, გამოწვეული Enterobius vermicularis.

მოზრდილები და ბავშვები სხეულის მასით 10 კგ-ზე მეტი: ერთჯერადი დოზა 11 მგ/კგ. პრეპარატის დოზის მიღება უნდა განმეორდეს 2-3 კვირაში. 

-  ანკილოსტომოზი (Ancylostoma duodenale), ნეკატოროზი (Necator americanus)

 მოზრდილები და ბავშვები სხეულის მასით 10 კგ-ზე მეტი: მიიღება 11 მგ/კგ ერთჯერ დღეში 3 დღის განმავლობაში. 

ქვემოთ მოყვანილია ცხრილი, რომელშიც მითითებულია პრეპარატ პირანტელის დოზირება სხეულის მასიდან გამომდინარე.

შეფუთვას თან ერთვის შკალიანი მზომი.

დოზირება ღვიძლის უკმარისობის მქონე პაციენტებში   

ღვიძლის უკმარისობის მქონე პაციენტებისათვის შესაძლოა იყოს განხილული უფრო დაბალი დოზები, რადგან სამკურნალო პრეპარატი იწვევს ასპარტატამინოტრანსფერაზას (АСТ) დონის დროებით მომატებას.  

გამოყენების წესი

    პრეპარატი მიიღება შიგნით ჭამის დროს ან ჭამის შემდეგ.

    გამოყენების წინ შეანჯღრიეთ ერთგვაროვანი სუსპენზიის მიღებამდე.

თუ პაციენტს დასმული აქვს ენტერობიოზის დიაგნოზი, მკურნალობა უნდა გაიაროს ოჯახის ყველა წევრმა, აგრეთვე უნდა იყოს დაცული სანიტარულ-ჰიგიენური პროცედურები, განმეორებითი ინვაზიის პრევენციის მიზნით. 

პრეპარატის გამოყენების წინ არ არის საჭირო საფაღარათო საშუალებების მიღება. 

გამოყენებიდან 14 დღის შემდეგ აუცილებელია საკონტროლო პარაზიტოლოგიური გამოკვლევა.

გვერდითი მოვლენები

პრეპარატი ჩვეულებრივ კარგად გადაიტანება.

პირანტელის გვერდითი მოვლენები იშვიათად ვლინდება (≥1/10 000 <1/1000), ისინი ხანმოკლეა და ქრება მკურნალობის შეწყვეტის შემდეგ.

პირანტელის მიღების პერიოდში გამოვლენილი გვერდითი მოვლენები წარმოდგენილია ქვევით, სისტემების და ორგანოების კლასიფიკაციის მიხედვით.

დარღვევები ნერვული სისტემის მხრივ

თავის ტკივილი და თავბრუსხვევა, ძილიანობა ან უძილობა

დარღვევები კუჭ-ნაწლავის ტრაქტის მხრივ

გულისრევა, ღებინება, მადის დარღვევა, მუცლის ტკივილი, დიარეა, ღვიძლის ფერმენტების მომატებული აქტივობა.

დარღვევები კანის და კანქვეშა ქსოვილის მხრივ

კანის ალერგიული გამონაყარი

სამკურნალო პრეპარატის ბრუნვაში გაშვებისას აუცილელებელია შეტყობინება შესაძლო გვერდითი მოვლენების შესახებ. ეს იძლევა სამკურნალო საშუალების თანაფარდობის სარგებლობა/რისკი მონიტორინგის ჩატარების შესაძლებლობას.

წინააღმდეგ ჩვენებები

- მომატებული მგრძნობელობა პრეპარატის კომპონენტების მიმართ

- ერთდროულად პიპერაზინის გამოყენება

- მიასთენია (მკურნალობის პერიოდი)

ურთიერთქმედება სხვა სამკურნალო საშუალებებთან

შეიძლება გაზარდოს თეოფილინის კონცენტრაცია სისხლის პლაზმაში.

პირანტელი არ უნდა იქნას გამოყენებული პიპერაზინთან ერთად, რადგან ეს საშუალებები ანტაგონისტურად მოქმედებენ და ამან შესაძლოა გამოიწვიოს ორივე სამკურნალო საშუალების მოქმედების შესუსტება.  

განსაკუთრებული მითითებები

სიფრთხილით გამოიყენეთ 2 წლამდე ასაკის ბავშვებში. 

პაციენტებში ღვიძლის უკმარისობით საჭიროა სიფრთხილე და ასპარტატ-ამინოტრანსფერაზას (Aჩთ) აქტივობის კონტროლი. შესაძლოა საჭირო გახდეს დოზის შემცირება.

პრეპარატის გამოყენებისას, საჭიროა სიფრთხილე პაციენტებში არასაკმარისი კვებით და ანემიით.

სუსპენზია შეიცავს სორბიტოლს, რომელიც წარმოადგენს ფრუქტოზის წყაროს. 

5 მლ სუსპენზია შეიცავს 3,06 გ სორბიტოლს. პრეპარატის დანიშვნა არ შეიძლება პირებში ფრუქტოზის იშვიათი მემკვირდული აუტანლობით. სორბიტოლმა შესაძლოა გამოიწვიოს კუჭ-ნაწლავის ტრაქტის მოქმედების დარღვევა და გამოავლინოს მსუბუქი საფაღარათო მოქმედება. 

ორსულობის და ლაქტაციის პერიოდი

ორსულობა

ცხოველებზე გამოკვლევები არ აჩვენებენ პირანტელის ემბონატის მავნე მოქმედებას ნაყოფზე, მაგრამ, გამომდინარე იქიდან რომ არ არსებობს კონტროლირებული კლინიკური გამოკვლევები პირანტელის ემბონატის გამოყენების შესახებ ორსულებში პრეპარატის გამოყენება ორსულობის პერიოდში არ არის რეკომენდებული იმ შემთხვევების გარდა როდესაც მოსალოდნელი სარგებელი დედისათვის აღემატება  რისკს ნაყოფისათვის.

ლაქტაცია

დედის რძეში პირანტელის ემბონატის შეღწევის შესახებ არანაირი კვლევა არ ჩატარებულა, ამასთან დაკავშირებით არ არის რეკომენდებული პრეპარატის  გამოყენება მეძუძურ დედებში. თუ მკურნალობა აუცილებელია, ძუძუთი კვება უნდა შეწყდეს თერაპიის ჩატარების პერიოდზე.  

სამკურნალო საშუალების გავლენის თავისებურებები სატრანსპორტო საშუალებების და პოტენციურად საშიში მექანიზმების მართვის უნარზე 

კვლევები, ავტოტრანსპორტის და მოძრავი მექანიზმების მართვის უნარზე პრეპარატის გავლენის შესახებ, არ ჩატარებულა. 

დოზის გადაჭარბება

ძირითადი სიმპტომები: არამკაფიო მხედველობა, დაბინდული ცნობიერება, ორთოსტატული გულის წასვლა, ოფლიანობა, სისუსტე, არარეგულარული გულისცემა,  კუნთების სპაზმი და ტრემორი, ჰიპოქსია (სუნთქვის გაძნელება, გონების დაკარგვა). 

დოზის გადაჭარბების მკურნალობა: პირანტელისთვის სპეციალური ანტიდოტი არ არის. დოზის გადაჭარბებისას ტარდება სიმპტომური მკურნალობა (კუჭის ადრეული  ამორეცხვა, სასუნთქი გზების გამავლობის და სუნთქვის უზრუნველყოფა, არტერიული წნევის უზრუნველყოფა).

გამოშვების ფორმა და შეფუთვა

სუსპენზია პერორალური გამოყენებისათვის 250 მგ/5 მლ 15 მლ ფლაკონებში. 

1 ფლაკონი შკალიან საზომთან და სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

შეინახეთ არაუმეტეს 25°C ტემპერატურაზე. დაიცავით სინათლისგან. შეინახეთ ბავშვებისათვის მიუწვდომელ ადგილას.

ვარგისობის ვადა

3 წელი.

გახსნილი ფლაკონი აუცილებელია გამოყენებული იქნას 21 დღის განმავლობაში.

არ გამოიყენოთ შეფუთვაზე მითითებული ვარგისობის ვადის გასვლის შემდეგ.

აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა #3 რეცეპტით.