რივოქსარი - Rivoksar 2.5მგ 56 ტაბლეტი

რივოქსარი

აპკიანი გარსით დაფარული ტაბლეტები 2,5მგ

გამოიყენება ორალურად

• აქტიური ინგრედიენტი:2,5მგ რივაროქსაბანი აპკიანი გარსით დაფარულ ყოველი ტაბლეტში.

• ექსციპიენტები:მიკროკრისტალური ცელულოზა (ტიპი 102), ლაქტოზის გრანულები (ლაქტოზის მონოჰიდრატი SD) (მიღებული ძროხის რძიდან), ნატრიუმის კროსკარმელოზა, ჰიდროქსიპროპილ მეთილცელულოზა (E5) (ჰიპრომელოზა), მაგნიუმის სტეარატი, პოლოქსამერი 188 (მიკრონიზებული) ოპადრაი 04F220012 ყვითელი (ჰპმც 2910/ჰიპრომელოზა, მაკროგოლი/პეგ, ტიტანის დიოქსიდი, რკინის ყვითელი ოქსიდი).

· ეს მედიკამენტი არის დამატებითი მონიტორინგის სუბიექტი. ეს ხელს უწყობს უსაფრთხოების შესახებ ახალი ინფორმაციის იდენტიფიკაციას. გვერდითი ეფექტების შეტყობინებით შეგიძლიათ დაგვეხმაროთ. გვერდითი ეფექტების შეტყობინების წესი იხ. პარაგრაფი 4-ის ბოლოს.

ამ მედიკამენტის მიღების დაწყებამდე ყურადღებით წაიკითხეთ ეს ჩანართი სრულად, რადგან ის შეიცავს თქვენთვის მნიშვნელოვან ინფორმაციას • შეინახეთ ეს ფურცელი-ფურცელი. შეიძლება დაგჭირდეთ ხელახლა წაკითხვა. • თუ თქვენ გაქვთ დამატებითი შეკითხვები, მიმართეთ თქვენს ექიმს ან ფარმაცევტს. • ეს წამალი გამოწერილია მხოლოდ თქვენთვის, არ გადასცეთ ის სხვებს. • ამ პროდუქტის გამოყენებისას აცნობეთ ექიმს, რომ იყენებთ ამ სამკურნალო პროდუქტს. • ზუსტად დაიცავით რაც წერია ამ ჩანართში. არ მიიღოთ რეკომენდებული დოზაზე დაბალი ან მაღალი დოზებ

ამ ჩანართში:

1. რა არის რივოქსარი და რისთვის გამოიყენება?

2. რივოქსარის მიღებამდე

3. როგორ მიიღება რივოქსარი?

4. შესაძლო გვერდითი ეფექტები

5. როგორ ინახება რივოქსარი?

 

1. რა არის რივოქსარი და რისთვის გამოიყენება?

•რივოქსარის თითოეული აპკიანი გარსით დაფარული ტაბლეტი შეიცავს 2,5 მგ აქტიურ სუბსტანციას (რივაროქსაბანი).

რივოქსარი შეიცავს ლაქტოზის გრანულებს (ლაქტოზას მონოჰიდრატი SD) (მიღებულია ძროხის რძისგან). რივაროქსაბანი მიეკუთვნება წამლების ჯგუფს, რომელსაც ეწოდება ანტითრომბოზული აგენტები და ავლენს თავის ეფექტს Xa ფაქტორის ინჰიბირებით, რომელიც ასრულებს როლს სისხლის შედედებაში, რითაც ამცირებს სისხლის თრომბის წარმოქმნის ტენდენციას.

•რივოქსარი არის მრგვალი, ორმხრივამოზნექილი, აპკიანი გარსით დაფარული ტაბლეტები, ამოტვიფრული ,,R1,, ერთ მხარეს და გლუვი მეორე მხარეს. რივოქსარი ხელმისაწვდომია 56 ტაბლეტიანი შეფუთვით.

•რივოქსარი გამოიყენება გულ-სისხლძარღვთა დაავადებების, გულის შეტევის და სისხლძარღვებში თრომბის წარმოქმნის პრევენციის მიზნით, სტენტის დაყენების შემდეგ. თქვენი ექიმი ასევე მოგცემთ სხვა ანტითრომბოზულ საშუალებებს აცეტილსალიცილის მჟავას ან აცეტილსალიცილის მჟავას ანტიკოაგულანტებთან -კლოპიდოგრელთან ან ტიკლოპიდინთან ერთად.

•რივოქსარი გამოიყენება, თუ თქვენ გაქვთ სისხლის შედედების მაღალი რისკის დიაგნოზი, სიმპტომატური კორონარული არტერიის დაავადების (CAD) ან პერიფერიული არტერიის დაავადების (PAH) გამო. რივოქსარი ამცირებს თრომბის წარმოქმნის რისკს (ათეროთრომბოზული მოვლენები) მოზრდილებში. გარდა ამისა, ცალკე რივოქსარი არ დაგენიშნებათ. თქვენი ექიმი ასევე გირჩევთ აცეტილსალიცილის მჟავას მიღებას.

ასევე, იხილეთ: ქსარელტო ტაბ. 2.5მგ N56

2. რივოქსარის გამოყენებამდე

არ მიიღოთ რივოქსარი:

• თუ გაქვთ ალერგია რივაროქსაბანზე ან ამ წამლის რომელიმე სხვა ინგრედიენტზე

• თუ გაქვთ დაავადება ან მდგომარეობა სხეულის რომელიმე ორგანოში, რომელიც ზრდის სერიოზული სისხლდენის რისკს (მაგ. კუჭის წყლული, დაზიანება ან სისხლდენა თავის ტვინში, თავის ტვინის ან თვალის ოპერაცია უახლოეს წარსულში)

• თუ ღებულობთ მედიკამენტებს სისხლის შედედების თავიდან ასაცილებლად (მაგ. ვარფარინი, დაბიგატრანი, აპიქსაბანი ან ჰეპარინი) იმ შემთხვევების გარდა, როდესაც იცვლება ანტიკოაგულაციური მკურნალობა ან შეიყვანება ჰეპარინი ვენურ ან არტერიულ კათეტერში მისი გამავლობის შესანარჩუნებლად.

• თუ გაქვთ მწვავე კორონარული სინდრომი და ადრე გქონდათ სისხლდენა ან თრომბი ტვინში (ინსულტი)

• თუ გაქვთ კორონარული არტერიის დაავადება ან პერიფერიული არტერიის დაავადება და ადრე გქონდათ სისხლდენა ტვინში (ინსულტი) ან სადაც იყო იმ მცირე არტერიების ბლოკირება, რომლებიც სისხლს აწვდიდნენ ტვინის ღრმა ქსოვილებს (ლაკუნარული ინსულტი) ან თუ გქონდათ თრომბი. თქვენს ტვინში (იშემიური, არალაკუნარული ინსულტი) წინა თვეში

• თუ გაქვთ ღვიძლის დაავადება, რომელიც იწვევს სისხლდენის გაზრდის რისკს

• თუ ხართ ორსულად ან ძუძუთი კვებავთ.

შესწავლილია რივაროქსაბანის ეფექტურობა და უსაფრთხოება აცეტილსალიცილის მჟავასთან (ასპირინთან) და კლოპიდოგრელ/ტიკლოპიდინთან ერთად. სხვა ანტითრომბოციტულ საშუალებებთან (მედიკამენტები, რომლებიც ამცირებენ თრომბოციტების რაოდენობას სისხლში), როგორიცაა პრასუგრელი ან ტიკაგრელორი, არ არის შესწავლილი და ამიტომ არ უნდა იქნას გამოყენებული.

რივოქსარის გამოყენებისას მიიღეთ სპეციალური ზომები:

თუ გაქვთ სისხლდენის მომატებული რისკი, ეს შეიძლება იყოს შემდეგ სიტუაციებში:

• თირკმელების მძიმე დაავადება, ვინაიდან თირკმელების ფუნქციამ შეიძლება გავლენა მოახდინოს თქვენს

ორგანიზმში მოქმედ წამლის რაოდენობაზე

• თუ იღებთ მედიკამენტებს სისხლის თრომბების პრევენციისთვის (მაგ., ვარფარინი, დაბიგატრანი,

აპიქსაბანი ან ჰეპარინი), როდესაც იცვლება ანტიკოაგულაციური მკურნალობა ან

იღებთ ჰეპარინს, ვენური ან არტერიულინ კათეტერის საშუალებით, გამავლობის შესანარჩუნებლად (იხ.

სხვა სამკურნალო საშუალებები და რივოქსარი)

• დარღვევები სისხლდენის სახით

• ძალიან მაღალი არტერიული წნევა, რომელიც არ კონტროლდება მედიკამენტებით მკურნალობით

• კუჭის ან ნაწლავის დაავადებები, რომლებმაც შეიძლება გამოიწვიოს სისხლდენა მაგ., ნაწლავის ან კუჭის

ანთება ან საყლაპავის ანთება მაგ., გასტროეზოფგური რეფლუქსური დაავადების გამო (დაავადება

როდესაც კუჭის მჟავა გადადის საყლაპავში)

• სისხლძარღვების პრობლემა თვალის უკან (რეტინოპათია)

• ფილტვის დაავადება, როდესაც ბრონქები გაფართოებულია და ავსებულია ჩირქით (ბრონქოექტაზია), ან

ადრე აღგენიშნებოდათ ფილტვიდან სისხლდენა.

• ხართ 75 წელზე უფროსი

• თქვენ იწონით 60 კგ ან ნაკლებს

• გაქვთ კორონარული არტერიის დაავადება გულის მძიმე სიმპტომური უკმარისობით

• თუ გაქვთ გულის სარქველის პროთეზი.

• თუ იცით, რომ თქვენ გაქვთ დაავადება, რომელსაც ეწოდება ანტიფოსფოლიპიდური სინდრომი

(იმუნური სისტემის დარღვევა, რომელიც იწვევს სისხლის შედედების რისკის გაზრდას), აცნობეთ თქვენს

ექიმს, რომელიც გადაწყვეტს, მკურნალობის შეცვლის საჭიროებას.

თუ გესაჭიროებათ ოპრაცია:

· ძალიან მნიშვნელოვანია რივოქსარის მიღება ოპერაციის წინ და შემდეგ ზუსტად ექიმის დანიშნულ დროს

· თუ თქვენი ოპერაცია მოიცავს კათეტერს ან ინექციას ზურგის ტვინში (მაგალითად, ეპიდურული ან სპინალური ანესთეზიისას ან ტკივილის შემცირების მიზნით)

- ძალიან მნიშვნელოვანია რივოქსარის მიღება ინექციის ან კათეტერის ამოღების წინ და შემდეგ ზუსტად იმ დროს, როგორც ექიმმა გითხრათ.

- დაუყოვნებლივ აცნობეთ ექიმს თუ ანესთეზიის დასრულების შემდეგ აღგენიშნებათ ფეხების დაბუჟება ან სუსუსტე ან ნაწლავის ან შარდის ბუშტის პრობლემები, რადგან შეიძლება აუცილებელი იყოს სასწრაფო ზომეის მიღება.

ბავშვები და მოზარდები

რივოქსარი არ არის რეკომენდებული 18 წლამდე ასაკის ადამიანებისთვის. ბავშვებში და მოზარდებში მისი გამოყენების შესახებ საკმარისი ინფორმაცია არ არის.

ნეირაქსიალური (ეპიდურული/სპინალური ანესთეზია ან სპინალური პუნქცია (სითხის ამოღება ზურგის ტვინიდან) ტარდება თრომბის და ემბოლიის დროს (თრომბის გამოყოფის ნაწილი) ანტითრომბოზული აგენტების წარმოქმნის პრევენციის მიზნით (აგენტები, რომლებიც ხელს უშლიან სისხლის შედედებას), პაციენტებს ხანგრძლივი ვადიანი ან მუდმივი დამბლა, რამაც შეიძლება გამოიწვიოს ეპიდურული ან ზურგის ჰემატომა (სისხლის შეგროვება ზურგის ტვინის მემბრანაზე ან ზურგის ტვინში) რისკის თვალსაზრისით.

ასაკის მატებამ შეიძლება გაზარდოს სისხლდენის რისკი.

თუ თქვენ გაქვთ რომელიმე ქვემოთ ჩამოთვლილი გვერდითი მოვლენა, დაუყოვნებლივ აცნობეთ ექიმს:

• კანის ვრცელი გამონაყარი, ბუშტუკები ან ლორწოვანის დაზიანებები, რომლებიც ვრცელდება (მაგ. პირის ღრუში ან თვალებზე) (სტივენს-ჯონსონის სინდრომი/ტოქსიკური ეპიდერმული ნეკროლიზი),

• გამოიწვიოს გამონაყარი, ცხელება, ვისცერული ანთება, ჰემატოლოგიური დარღვევები და

წამლისმიერი რეაქცია, რომელიც იწვევს სისტემურ დაავადებას (DRESS სინდრომი).

თუ ეს გაფრთხილებები გეხებათ თქვენ, თუნდაც წარსულში ნებისმიერ დროს, გთხოვთ, მიმართოთ ექიმს.

რივოქსარის მიღება საკვებთან და სასმელთან ერთად

რივოქსარის მიღება შეგიძლიათ საკვებთან ერთად ან მის გარეშე.

ორსულობა

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

რივოქსარი არ უნდა იქნას გამოყენებული ორსულობის დროს.

მისი გამოყენება შესაძლებელია მხოლოდ ეფექტური კონტრაცეფციის მეთოდით, თუ არსებობს დაორსულების შესაძლებლობა.

თუ მკურნალობის დროს არმოაჩენთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ლაქტაცია

ამ მედიკამენტის გამოყენებამდე მიმართეთ თქვენს ექიმს ან ფარმაცევტს.

რივოქსარი არ უნდა იქნას გამოყენებული მეძუძურ დედებში.

ავტომობილის მართვა და მექანიზმების გამოყენება

რივოქსარმა შეიძლება გამოიწვიოს გვერდითი ეფექტები, როგორიცაა თავბრუსხვევა ან სისუსტე. თუ გაქვთ ასეთი სიმპტომები, არ უნდა მართოთ ავტომობილი და არ გამოიყენოთ მექანიზმები. ეს გვერდითი ეფექტები არ არის ხშირი რივოქსარისთვის (იხ. ნაწილი "4. რა არის შესაძლო გვერდითი ეფექტები")

მნიშვნელოვანი ინფორმაცია რივოქსარის ზოგიერთი ინგრედიენტის შესახებ

რივოქსარი შეიცავს ლაქტოზას. თუ ექიმმა გითხრათ, რომ გაქვთ აუტანლობა (ინტოლერანტობა) ზოგიერთი შაქრის მიმართ, ამ სამკურნალო საშუალების მიღებამდე მიმართეთ ექიმს.

სხვა მედიკამენტები და რივოქსარი

აცნობეთ ექიმს ან ფარმაცევტს თუ იღებთ, ბოლო პერიოდში მიღებული გაქვთ ან შეიძლება მიიღოთ სხვა მედიკამენტები, ურეცეპტოდ გასაცემი მედიკამენტების ჩათვლით.

თუ თქვენ იღებთ:

• სოკოვანი ინფექციის საწინააღმდეგო ზოგიერთი მედიკამენტი (მაგ., ფლუკონაზოლი, იტრაკონაზოლი,

ვორიკონაზოლი, პოზაკონაზოლი) თუ არ ხდება მათი მხოლოდ კანზე წასმა

• კეტოკონაზოლის ტაბლეტები (გამოიყენება კუშინგის სინდრომის სამკურნალოდ - როდესაც ორგანიზმი

წარმოქმნის კორტიზოლის ჭარბ რაოდენობას)

• ბაქტერიული ინფექციის სამკურნალო ზოგიერთი მედიკამენტი (მაგ., კლარითრომიცინი, ერითრომიცინი)

• ზოგიერთი ანტივირუსული მედიკამენტი აივ/შიდსის სამკურნალოდ (მაგ., რიტონავირი)

• სისხლის შედედების შემამცირებელი სხვა მედიკამენტები (მაგ. ენოქსპარინი, კლოპიდოგრელი ან K

ვიტამინის ანტაგონისტები, როგორიცაა ვარფარინი და აცენოკუმაროლი, პრაზუგრელი და ტიკაგრელორი (იხ.

განყოფილება ,,გაფრთხილება და უსაფრტხოების ზომები,,))

• ანთების საწინააღმდეგო და ტკივილგამაყუჩებელი მედიკამენტები (მაგ. ნაპროქსენი ან

აცეტილსალიცილის მჟავა)

• დრონედარონი, მედიკამენტი, რომელიც გამოიყენება გულის ანომალური რითმის მკურნალობისთვის

• ზოგიერთი მედიკამენტი დეპრესიის სამკურნალოდ (სეროტონინის უკუმიტაცების სელექციური ინჰიბიტორები (SSRIS) ან სეროტონინის ნორეპინეფრინის უკუმიტაცების ინჰიბიტორები (SNRIS))

თუ რომელიმე ზემოთ აღნიშნული გეხებათ თქვენ, რივოქსარის მიღებამდე აცნობეთ ექიმს, რადგან

რივოქსარის ეფექტი შეიძლება გაიზარდოს.

თქვენი ექიმი გადაწყვეტს, უნდა გამოიყენოთ თუ არა ეს მედიკამენტი და უნდა იყოთ თუ არა ინტენსიური მეთვალყურეობის ქვეშ.

თუ ექიმი ფიქრობს, რომ გაგაჩნით კუჭის ან ნაწლავის წყლულის მომატებული რისკი, შეიძლება გამოიყენოს წყლულის პრევენციული მკურნალობა.

თუ თქვენ ღებულობთ:

• ეპილეფსიის სამკურნალო ზოგიერთი მედიკამენტს (ფენიტოინი, კარბამაზაეპინი, ფენობარბიტალი)

• კრაზანა (Hypericum Perforatum) დერპესიის დროს გამოყენებული მცენარეული პრეპარატი

• რიფამპიცინი, ანტიბიოტიკი

თუ რომელიმე ზემოთ აღნიშნული გეხებათ, მედიკამენტის მიღებამდე აცნობეთ ექიმს, რადგან რივოქსარის ეფექტი შეიძლება შემცირდეს.

თქვენი ექიმი გადაწყვეტს, უნდა მიიღოთ თუ არა რივოქსარი და უნდა იყოთ თუ არა ინტენსიური მეთვალყურეობის ქვეშ.

თუ ამჟამად იყენებთ ან ცოტა ხნის წინ იყენებდით რაიმე რეცეპტით ან ურეცეპტოდ გასაცემ წამალს, გთხოვთ აცნობოთ მათ შესახებ თქვენს ექიმს ან ფარმაცევტს.

3. როგორ მიიღება რივოქსარი?

რეკომენდებული დოზაა 1 ტაბლეტი 2,5მგ დღე-ღამეში ორჯერ. რივოქსარი არ მოგცემათ დამოუკიდებლად. თქვენი ექიმი ასევე მოინდომებს დაგინიშნოთ აცეტილსალიცილის მჟავა მასთან ერთად. თუ თქვენ იღებთ რივოქსარს მწვავე კორონარული სინდრომის შემდეგ, ექიმმა შეიძლება ასევე გირჩიოთ, რომ მიიღოთ კლოპიდოგრელი ან ტიკლოპიდინი. თქვენი ექიმი გეტყვით, რამდენი უნდა მიიღოთ (ჩვეულებრივ, 75-დან 100 მგ აცეტილსალიცილის მჟავა დღეში, ან 75-დან 100მგ აცეტილსალიცილის მჟავას დღეში პლუს 75მგ კლოპიდოგრელი ან ტიკლოპიდინის სტანდარტული დღიური დოზა).

გამოყენების გზა და მეთოდი:

რივოქსარი უნდა მიიღოთ დღეში ორჯერ წყლის დაყოლებუით, სანამ ექიმი არ გეტყვით შეწყვეტას. ის შეიძლება გამოყენებულ იქნას საკვებთან ერთად ან უზმოზე. მიიღეთ რივოქსარი ყოველდღე დაახლოებით ერთსა და იმავე დროს (მაგ. ერთი ტაბლეტი დილით, ერთი ტაბლეტი საღამოს). თქვენი ექიმი გადაწყვეტს რამდენ ხანს გააგრძელოს მკურნალობა.

პაციენტებში, რომლებსაც არ შეუძლიათ ტაბლეტების მთლიანად გადაყლაპვა, რივოქსარი შეიძლება გამოყენებულ იქნას პერორალურად მისი დაფხვნით და რბილ საკვებთან შერევით უშუალოდ გამოყენებამდე, როგორიცაა წყალი ან ვაშლის პიურე.

დაფხვნილი რივოქსარის ტაბლეტი შეიძლება შეიყვანოთ კუჭის მილით. რივოქსარის მიღებამდე უნდა დადასტურდეს, რომ მილი კუჭშია (კუჭის პოზიციაში). დაფხვნილი ტაბლეტი უნდა შეიყვანოთ კუჭის მილში მცირე რაოდენობა წყალში გახსნილი, რასაც მოჰყვება მილის წყლით ჩარეცხვა.

რივოქსარით მკურნალობა მწვავე კორონარული სინდრომის შემდეგ უნდა დაიწყოს რაც შეიძლება სწრაფად, მწვავე კორონარული სინდრომის სტაბილიზაციის შემდეგ; ის უნდა დაიწყოს პაციენტის საავადმყოფოში მიღებიდან არა უადრეს 24 საათის შემდეგ და როდესაც პარენტერალური (ინექციით) ანტიკოაგულაციური (კოაგულანტული) თერაპია წყდება. თუ თქვენ დაგისვეს მწვავე კორონარული დაავადების ან პერიფერიული არტერიის დაავადების დიაგნოზი, თქვენი ექიმი გეტყვით, როდის უნდა დაიწყოთ რივოქსარის მიღება.

თქვენი ექიმი გადაწყვეტს, რამდენ ხანს გჭირდებათ მკურნალობის გაგრძელება.

სხვადასხვა ასაკობრივი ჯგუფები:

გამოყენება ბავშვებში:რივოქსარი არ არის რეკომენდებული 18 წლამდე ასაკის ბავშვებში გამოყენებისთვის. ბავშვებში და მოზარდებში მისი გამოყენების შესახებ საკმარისი ინფორმაცია არ არის.

გამოყენება ხანდაზმულებში:ხანდაზმულებში შეიძლება გამოყენებულ იქნას იმავე გზით, დოზის სპეციალური კორექცია საჭირო არ არის.

გამოყენება სპეციალურ შემთხვევები:

თირკმლის უკმარისობა:

თირკმლის მსუბუქი და ზომიერი უკმარისობის დროს მისი გამოყენება შესაძლებელია იმავე დოზით. სიფრთხილით უნდა იქნას გამოყენებული თირკმლის მძიმე უკმარისობის მქონე პაციენტებში. რივოქსარი არ უნდა იქნას გამოყენებული, თუ გაქვთ თირკმლის ძალიან მძიმე უკმარისობა.

ღვიძლის უკმარისობა:

ის არ უნდა იქნას გამოყენებული ღვიძლის დაავადების მქონე პაციენტებში, რამაც შეიძლება გამოიწვიოს სისხლდენის რისკი.

თუ გაქვთ შთაბეჭდილება, რომ რივოქსარის ეფექტი ძალიან ძლიერია ან ძალიან სუსტი, მიმართეთ თქვენს ექიმს ან ფარმაცევტს.

თუ იყენებთ საჭიროზე მეტ რივოქსარს

თუ თქვენ გამოიყენეთ მეტი რივოქსარი, ვიდრე უნდა მიგეღოთ, მიმართეთ ექიმს ან ფარმაცევტს.

რივოქსარის გადაჭარბებული გამოყენება ზრდის სისხლდენის რისკს.

თუ დაგავიწყდათ რივოქსარის გამოყენება:

თუ დაგავიწყდათ დოზის მიღება, გამოტოვეთ დავიწყებული დოზა და მიიღეთ შემდეგი ტაბლეტი ჩვეულებრივ დროს.

არ მიიღოთ ორმაგი დოზა გამოტოვებული დოზის ასანაზღაურებლად.

ეფექტები, რომლებიც შეიძლება მოხდეს RIVOKSAR-ით მკურნალობის შეწყვეტისას

გამოიყენეთ რივოქსარი რეგულარულად და იმდენ ხანს, რამდენიც ექიმმა დაგინიშნათ.

არ შეწყვიტოთ რივოქსარის მიღება ექიმთან კონსულტაციის გარეშე. თუ შეწყვეტთ ამ მედიკამენტის მიღებას, შეიძლება გაიზარდოს მორიგი გულის შეტევის ან ინსულტის, ან გულის ან სისხლძარღვთა დაავადებით გამოწვეული სიკვდილის რისკი.

4. შესაძლო გვერდითი ეფექტები

როგორც ყველა მედიკამენტმა რივოქსარმაც შეიძლება გამოიწვიოს გვერდითი ეფექტები, თუმცა ისინი ყველას არ უვითარდება.

თუ აღგენიშნებათ რომელიმე შემდეგი მოვლენა, შეწყვიტეთ რივოქსარის მიღება და დაუყოვნებლივ აცნობეთ ექიმს, ან მიმართეთ უახლოესი საავადმყოფოს გადაუდებელი დახმარების დეპარტამენტს.

როგორც სხვა მსგავსმა მედიკამენტებმა (ანტიტრომბოზული საშუალებები), რივოქსარმა შეიძლება გამოიწვიოს პოტენციურად სიცოცხლისთვის სახიფათო სისხლდენა. ჭარბმა სისხლდენამ შეიძლება გამოიწვიოს არტერიული წნევის უეცარი დაქვეითება (შოკი). ზოგ შემთხვევაში სისხლდენა შეიძლება იყოს ფარული.

შესაძლო გვერდითი ეფექტები, რომლებიც შეიძლება იყოს სისხლდენის ნიშანი:

დაუყოვნებლივ აცნობეთ ექიმს თუ აღგენიშნებათ რომელიმე შემდეგი გვერდითი ეფექტი:

• ხანგრძლივი ან ჭარბი სისხლდენა

• გადაჭარბებული სისუსტე, დაღლილობა, სიფერმკრთალე, თავბრუსხვევა, თავის ტკივილი, აუხსნელი

შეშპება, სუნთქვის უკმარისობა (სუნთქვის გაძნელება), გუმლკერდის ტკივილი ან გულის ანგინა,

რომლებიც შეიძლება იყოს სისხლდენის ნიშნები.

ასეთი სისხლდენის რისკი უფრო მაღალია მათში, ვისაც აქვს ძალიან მაღალი წნევა და/ან მათ შორის, ვინც ერთდროულად ღებულობს ანტიკოაგულაციურ საშუალებებს.

თქვენმა ექიმმა შეიძლება გადაწყვიტოს თქვენზე უფრო ინტენსიური დაკვირვება ან შეგიცვალოთ მკურნალობა.

შესაძლებელია გვერდითი მოვლენები, რომლებიც შეიძლება იყოს კანის ძლიერი რეაქციის ნიშანი :

დაუყონებლივ აცნობეთ თქვენს ექიმს, თუ თქვენ გაქვთ კანის რეაქციები, როგორიცაა:

• კანის ინტენსიური გამონაყარის, ბუშტუკების ან ლორწოვანი გარსის დაზიანებების გავრცელება, მაგ. პირის ღრუში ან თვალებზე (სტივენს-ჯონსონის სინდრომი/ტოქსიკური ეპიდერმული ნეკროლიზი). ამ გვერდითი ეფექტის სიხშირე ძალზე იშვიათია (10000-დან 1-მდე).

• წამლისმიერი რეაქცია, რომელიც იწვევს გამონაყარს, ცხელებას, შინაგანი ორგანოების ანთებას, ჰემატოლოგიურ ანომალიებს და სისტემურ დაავადებებს (dress სინდრომი). ამ გვერდითი ეფექტის სიხშირე ძალზე იშვიათია (10000-დან 1-მდე).

შესაძლებელია გვერდითი მოვლენები, რომლებიც შეიძლება იყოს ძლიერი ალერგიული რეაქციების ნიშანი

დაუყოვნებლივ აცნობეთ ექიმს, თუ აღგენიშნებათ რომელიმე შემდეგი გვერდითი მოვლენები:

• სახის, ტუჩების, პირის, ენის ან ყელის შეშუპება; ყლაპვის გაძნელება; ჭინჭრის ციება და სუნთქვის გაძნელება; არტერიული წნევის უეცარი ვარდნა. ამ გვერდითი მოვლენების სიხშირე არის ძალიან იშვიათი (ანაფილაქსიური რეაქციები, მათ შორის ანაფილაქსიური შოკი; შეიძლება განვითარდეს 10 000 ადამიანიდან 1-მდე) და იშვიათი (ანგიონევროზული და ალერგიული შეშუპება; 100 ადამიანიდან 1-მდე).

სხვა გვერდითი ეფექტები:

ხშირი (შეიძლება აღინიშნოს 10-დან 1 ადამიანში):

• სისხლის წითელი უჯრედების შემცირება, რის გამოც შეიძლება ადგილი ჰქონდეს კანის სიფერმკრთალეს,

სისუსტეს და ქოშინის.

• კუჭიდან ან ნაწლავიდან სისხლდენა, უროგენიტალური სისხლდენა (სისხლიანი შარდის და ჭარბი

მენსტრუალური სისხლდენის ჩათვლით), ცხვირიდან სისხლდენა, ღრძილებიდან სისხლდენა.

• თვალში სისხლდენა (თვალის სკლერაში სისხლდენის ჩათვლით)

• სისხლდენა ქსოვილებში ან სხეულის ღრუებში (ჰემატომა, სისხლჩაქცევები)

• სისხლიანი ხველა

• სისხლდენა კანიდან ან კანქვეშა სისხლდენა

• სისხლდენა ოპერაციის შემდეგ

• ქირურგიული ჭრილობიდან სისხლის ან სითხის გამოდინება

• კიდურების შეშუპება

• კიდურების ტკივილი

• თირკმლის ფუნქციის დარღვევა (შეიძლება გამოვლინდეს თქვენი ექიმის მიერ ჩატარებულ ტესტებში)

• ცხელება

• კუჭის ტკივილი, საჭმლის მონელების დარღვევა, ავადობის შეგრძნება ან ავადობა, ყაბზობა, დიარეა

• სისხლის დაბალი წნევა (სიმპტომები შეიძლება იყოს თავბრუსხვევა ან გულის წასვლა ადგომისას)

• ზოგადი ძალის და ენერგიის დაქეითება (სისუსტე, დაღლილობა), თავის ტკივილი, თავბრუსხვევა

• გამონაყარი, კანის ქავილი

• სისხლის ტესტებმა შეიძლება გამოავლინოს ღვიძლის ენზიმების მომატება

ნაკლებად ხშირი (შეიძლება აღინიშნოს 100-დან 1-მდე ადამიანში)

• სისხლდენა ტვინში ან ქალასშიდა

• სახსარშიდა სისხლდენა, რაც იწვევს ტკივილს და შეშუპებას

• თრომბოციტოპენია (თრომბოციტების დაბალი რაოდენობა, ეს არის უჯრედები, რომლებიც ხელს უწყობენ

სისხლის შედედებას)

• ალერგიული რეაქციები, კანის ალერგიული რეაქციების ჩათვლით

• ღვიძლის ფუნქციის დაზიანება (შეიძლება დაფიქსირდეს ექიმის დანიშნულ ტესტებში)

• სისხლის ტესტებმა შეიძლება გამოავლინოს ბილირუბინის, პანკრეასის ან ღვიძლის ენზიმების ან

თრომბოციტების რაოდენობის მომატება

• გულის წასვლა

• შეუძლოდ ყოფნა

• სწრაფი გულისცემა

• პირის რრუს სიმშრალე

• ჭინჭრის ციება

იშვიათი (შეიძლება აღინიშნოს 1000-დან 1-მდე ადამიანში)

• კუნთებში სისხლდენა

• ქოლესტაზი (ნაღვლის ნაკადის შემცირება), ჰეპატიტის ჩათვლით. ჰეპატოცელულური დაზიანება (ღვიძლის ანთება, ღვიძლის დაზიანება)

• კანის და თვალის სკლერების სიყვითლე (სიყვითლე)

• ლოკალური შეშუპება

• სისხლის დაგროვება (ჰემატომა) საზარდულში, გულის პროცედურების გართულების სახით, როდესაც

კათეტერს დგავენ ბარძაყის არტერიაში (ფსევდოანევრიზმა)

უცნობი(არსებული მონაცემებით სიხშირის შეფასება შეუძლებელია):

• თირკმლის უკმარისობა მწვავე სისხლდენის შემდეგ

• წნევის მომატება ფეხის ან ხელის კუნთებში სისხლდენის შემდეგ, რომელიც იწვევს ტკივილს, შეშუპებას,

მგრძნობელობის დაზიანებას, დაბუჟებას ან დამბლას (კომპარტმენტ სინდრომი სისხლდენის შემდეგ)

თუ თქვენ შენიშნავთ გვერდით ეფექტებს, რომლებიც ჩამოთვლილი არ არის ამ ჩანართში, მიმართეთ ექიმს ან ფარმაცევტს.

5. როგორ ინახება რივოქსარი?

რივოქსარი შეინახეთ ბავშვებისთვის მიუწვდომელ ადგილზე, საკუთარ შეფუთვაში

ინახება ოთახის ტემპერატურაზე, არა უმეტეს 25°C ტემპერატურაზე, ორიგინალურ შეფუთვაში.

გამოიყენეთ ვარგისიანობის ვადების შესაბამისად.

არ გამოიყენოთ რივოქსარი შეფუთვაზე მითითებული ვარგისობის ვადის გასვლის შემდეგ.

„ვადის გასვლის თარიღი, რომელიც დაწერილია ფრაზის „Exp: შემდეგ წარმოადგენს თვეს და ამ თვის ბოლო დღე არის ვადის გასვლის თარიღი.

არ გამოიყენოთ რივოქსარი, თუ შეამჩნევთ რაიმე დაზიანებას პროდუქტზე და/ან მის შეფუთვაზე.

არ გადააგდოთ ვადაგასული ან მედიკამენტები, რომლებსაც აღარ იყენებთ! გადაეცით გარემოს დაცვისა და ურბანიზაციის სამინისტროს მიერ განსაზღვრულ საკოლექციო სისტემას.

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით