STREPSILS - სტრეპსილსი ექსპრესი საწუწნი ტაბლეტები 24 ცალი

სტრეფსილს® ექსპრესი

Strepsils® EXPRESS

სავაჭრო დასახელება: სტრეფსილს® ექსპრესი

საერთაშორისო არაპატენტირებული ან ჯგუფური დასახელება: ამილმეტაკრეზოლი+დიქლორბენზილის სპირტი+ლიდოკაინი

წამლის ფორმა: საწუწნი ტაბლეტები

შემადგენლობა

ერთი საწუწნი ტაბლეტი შეიცავს

აქტიური ნივთიერება: 2,4 - დიქლორბენზილის სპირტი 1,2 მგ, ამილმეტაკრეზოლი 0,6 მგ, ლიდოკაინის ჰიდროქლორიდის მონოჰიდრატი 10მგ.

დამხმარე ნივთიერებები: ღვინის მჟავა 26მგ, ნატრიუმის საქარინატი 2.08მგ, ლევომენთოლი 2,08მგ, პიტნის ფოთლების ზეთი 2,08მგ, ანისის თელის ზეთი 0,52მგ, საღებავი ქინოლონური ყვითელი 0,0046მგ, ინდიგოკარმინი 0,0156მგ, თხევადი საქაროზა 1523,4მგ, თხევადი დექსტროზა (დექსტროზა, ოლიგო- და პოლისაქარიდები) 980,9მგ.

აღწერა

ბრტყელცილინდროვანი ტაბლეტები მოცისფრო-მომწვანო ფერის გამოსახულებით ასო S ტაბლეტის ორივე მხარეს, მენთოლის არომატით. დასაშვებია თეთრი ნაფიფქის, ჰაერის უმნიშვნელო ბუშტუკების არსებობა კარამელის მასაში და არაერთგვაროვანი კიდეები.

იხილეთ ბლოგი: სტრეპსილსი - პრეპარატი პირის ღრუსა და ყელის ინფექციურ-ანთებითი დაავადებების სამკურნალოდ

ფარმაკოთერაპიული ჯგუფი: ანტისეპტური საშუალება

ათქ კოდი: R02AA03

ფარმაკოლოგიური თვისებები

პრეპარატს გააჩნია ანტისეპტური მოქმედება, აქტიური ფართო სპექტრის გრამდადებითი და გრამუარყოფითი მიკროორგანიზმების მიმართ, აქვს ანტიმიკოზური მოქმედება. ასევე გააჩნია ადგილობრივი საანესთეზიო და შეშუპების საწინააღმდეგო მქომედება.

გამოყენების ჩვენებები

ყელის ძლიერი ტკივილის სიმპტომური მკურნალობა ინფექციურ-ანთებითი დაავადებების დროს

უკუჩვენებები

მომატებული მგრძნობელობა პრეპარატის კომპონენტების მიმართ
ანამნეზში ალერგიების არსებობა ადგილობრივი საანესთეზიო საშუალებების მიმართ
ანამნეზში მეტჰემოგლობინემიის არსებობა ან მისდამი მიდრეკილება
ასთმა ან ბრონქოსპაზმი
ბავშვთა ასაკი 12 წლამდე.
საქაროზა/იზომალტაზას დეფიციტი, ფრუქტოზას აუტანლობა, გლუკოზო-გალაქტოზური მალაბსორბცია
სიფრთხილით

ორსულობა, ძუძუთი კვების პერიოდი, შაქრიანი დიაბეტი

გამოყენება ორსულობის და ლაქტაციის დროს

ორსულობისას და ლაქტაციის დროს პრეპარატი მიიღება მხოლოდ ექიმის რეკომენდაციით მაშინ, თუ დედისთვის მოსალოდნელი სარგებელი აჭარბებს ბავშვსა და ნაყოფზე რისკს.

მიღების წესი და დოზები

ყურადღებით წაიკითხეთ ინსტრუქცია პრეპარტის მიღებამდე.

ადგილობრივად. მოზრდილები და ბავშვები 12 წლის ზევით: ერთი ტაბლეტი უნდა გაიწუწნოს ნელა ყოველ 2 საათში ერთხელ.  არ მიიღოთ 8 ტაბლეტზე მეტი 24 საათის განმავლობაში. არ გადააჭარბოთ მითითებულ დოზას.

მკურნალობის კურსის ხანგრძლივობა - არაუმეტეს 3 დღე. თუ პრეპარატის მიღებისას 3 დღის მანძილზე სიმპტომები ნარჩუნდება, აუცილებელია მკურნალობის შეწყვეტა და ექიმთან მიმართვა.

გვერდითი მოქმედება

ქვემოთ ჩამოთვლილი გვერდითი რეაქციები შეინიშნებოდა პრეპარატის ხანმოკლე პერიოდით მიღებისას რეკომენდებული დოზებით. ქრონიკული მდგომარეობების მკურნლაობისას და ხანგრძლივი გამოყენებისას შესაძლებელია სხვა გვერდითი რეაქციების განვითარება.

გვერდითი რეაქციების განვითარების სიხშირე დაფუძნებულია შემდეგ კრიტერიუმებზე: ძალიან ხშირი (≥1/10), ხშირი (≥1/100-<1/10), არახშირი (≥1/1000-<1/100), იშვიათი (≥1/10000 - <1/1000), ძალიან იშვიათი (<1/10000), სიხშირე უცნობია (მონაცემები არასაკმარისია სიხშირის დასადგენად).

იმუნური სისტემის მხრივ:

სიხშირე უცნობია: ჰიპერმგრძნობელობის რეაქციები (მათ შორის ანგიონევროზული შეშუპება, ჭინჭრის ციება, ჰიპოტენზია გულის წასვლით).

კუჭ-ნაწლავის ტრაქტის მხრივ:

სიხშირე უცნობია: გულისრევა, პირის ღრუში წვის და ჩხვლეტის შეგრძნება, შეშუპება.

კანის და კანქვეშა ქსოვილების მხივ

სიხშირე უცნობია: გამონაყარი.

ზემოთმითითებული ან სხვა გვერდითი რეაქციების განვითარებისას, რომელიც არ არის მითითებული მოცემულ ინსტრუქციაში, შეწყვიტეთ პრეპარატის მიღება და მიმართეთ ექიმს.

ჭარბი დოზირება

ნაკლებად მოსალოდნელმა, შესაძლო ჭარბმა დოზირებამ შეიძლება გმაოიწვიოს დისკომფორტი კუჭ-ნაწლავის ტრაქტის მხრივ..

უნდა გაითვალისწინოთ რომ ლიდოკაინის მრალი დოზებით ინტოქსიკაციამ შეიძლება გამოიწვიოს ჰიპოტონია, ასისტოლია, ბრადიკარდია, აპნოე (სუნთქვის გაჩერება), კრუნჩხვები, კომა, გულის გაჩერება, სუნთქვის გაჩერება და ლეტალური გამოსავალი.

მკურნალობა: სიმპტომური ექიმის კონტროლის ქვეშ.

ურთიერთქმედება სხვა სამკურნალო საშუალებებთანან

ლიდოკაინის ადგილობრივად გამოყენებისას მოქმედება შეიძლება გაძლიერდეს პრეპარატის მიღებისას ერითრომიცინთან, იტრაკონაზოლთან, ციმეტიდინთან, ფლუვოქსამინთან, ბეტა-ადრენობლოკატორებტან, სხვა ანტიარითმიულ საშუალებებთან ერთად, მაგ, მექსიმეთილთან ერთად.

განსაკუთრებული მითითებები

რეკომენდებულია პრეპარატის მიღება მაქსიმალურად შესაძლო მოკლე კურსით და მინიმალური ეფექტური დოზით, რაც აუცილებელია სიმპტომების მოსახსნელად. ენის მგრძნობელობის შესაძლო დაკარგვისას რეკომენდებულია ცხელი საკვების და სასმელის მიღებისას სიფრთხილე. შაქრიანი დიაბეტით დაავადებულებმა უნდა გაითვალისწინონ, რომ თითოეული ტაბლეტი შეიცავს დახლოებით 2,6 გ შაქარს (0,22პე).

სიმპტომების შენარჩუნებისას ან სხეულის მაღალი ტემპერატურის განვითარებისას ასევე თავის ტკივილის დროს, მიმართეთ ექიმს.

ზემოქმედება ავტომობილის და მექანიზმების მართვის უნარზე

პრეპარატი არ მოქმედებს ავტოტრანსპორტის და მექანიზმების მართვის უნარზე ასევე სხვა პოტენციურად საშიში სახეობის საქმიანობაზე, რაც საჭიროებს ყურადღების მომატებულ კონცენტრაციას და ფსიქომოტორული რეაქციების სისწრაფეს.

გამოშვების ფორმა

საწუწნი ტაბლეტები. 2, 4, 6, 8, 10 ან 12 ტაბლეტი ბლისტერზე (პვქ/პვდქ/ალუმინის). 1, 2, 3, 4 ან 5 ბლისტერი მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები

შეინახეთ არაუმეტეს 25°C ტემპერატურაზე.

შეინახეთ ბავშვებისთვის მიუწვდომელ ადგილას.

ვარგისობის ვადა

3 წელი

არ გამოიყენოთ ვარგისობის ვადის გასვლის შემდეგ.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.