NOSPA Forte - ნოშპა ფორტე 80მგ 24 ტაბლეტი

ნო-შპა® ფორტე / NO-SPA® forte
SANOFI
სავაჭრო დასახელება: ნო-შპა® ფორტე/ NO-SPA® forte
საერთაშორისო არაპატენტირებული დასახელება: დროტავერინი / drotaverine
სამკურნალწამლო ფორმა: ტაბლეტები.

შემადგენლობა

ერთი ტაბლეტი შეიცავს: 
მოქმედ ნივთიერებას: 80 მგ დროტავერინის ჰიდროქლორიდს.
დამხმარე ნივთიერებებს: 
მაგნიუმის სტეარატს (E470), ტალკს (E553), პოვიდონს (E1201), სიმინდის სახამებელს, ლაქტოზის მონოჰიდრატს. 

ასევე, იხილეთ : NOSPA - ნოშპა 40მგ 24 ტაბლეტი

აღწერა
მომწვანო ან ნარინჯისფერი შეფერილობის მქონე ყვითელი ფერის ამობურცული მოგრძო ტაბლეტები. ერთ მხარეს მარკირებაNOSPA, მეორე მხარეს – გამყოფი ხაზი.

ფარმაკოთერაპიული ჯგუფი: კუჭ-ნაწლავის ტრაქტის ფუნქციური დარღვევების სამკურნალო საშუალება. პაპავერინი და მისი წარმოებულები.
ათქ კოდი: A03AD02

ფარმაკოლოგიური თვისებები

ფარმაკოდინამიკა:     
მოქმედების მექანიზმი
დროტავერინი წარმოადგენს იზოქინოლინის წარმოებულს, რომელიც ავლენს სპაზმოლიზურ მოქმედებას გლუვ მუსკულატურაზე ფერმენტ ფოსფოდიესტერაზა IV-ის (ფდე IV) დათრგუნვით. ფერმენტ ფოსფოდიესტერაზა IV-ის ინჰიბირება იწვევს ცამფ-ის მომატებულ კონცენტრაციას, რაც ახდენს მიოზინის კინაზის მსუბუქი ჯაჭვის ინაქტივაციას და იწვევს გლუვი მუსკულატურის მოდუნებას. 
დროტავერინი აინჰიბირებს ფდე IV-ს ინ ვიტრო ფდე III და ფდე V-ის იზოენზიმების ინჰიბირების გარეშე. გლუვი კუნთების კუმშვის უნარის შესამცირებლად ფდე IV ფუნქციურად ძალიან მნიშვნელოვანია, მისი სელექციური ინჰიბიტორები შეიძლება სასარგებლო იყოს ჰიპერკინეტიკური დაავადებებისა და კუჭ-ნაწლავის ტრაქტის სპაზმური მდგომარეობებით განპირობებული სხვადასხვა სიმპტომების სამკურნალოდ. 
იზოენზიმი ფდე-III ახდენს ცამფ-ის ჰიდროლიზებას მიოკარდიუმისა და სისხლძარღვების გლუვ მუსკულატურაში და აღნიშნულით აიხსენაბა ის ფაქტი, რომ დროტავერინი წარმოადგენს ეფექტიან სპაზმოლიზურ საშუალებას გულ-სისხლძარღვთა მხრივ სერიოზული გვერდითი მოქმედების და გულ-სისხლძარღვთა მხრივ ძლიერი თერაპიული აქტივობის გარეშე. 
პრეპარატი ეფექტიანია გლუვი მუსკულატურის როგორც ნერვული, ასევე კუნთოვანი ეტიოლოგიის სპაზმის შემთხვევაში, რომელიც გამოწვეულია ნერვული რეგულაციის და თვითრეგულაციის  დარღვევით. მიუხედავად ვეგეტაციური ინერვაციის ტიპისა, დროტავერინი მოქმედებს კუჭ-ნაწლავის, ნაღვლის, უროგენიტალური და სისხლძარღვოვანი სისტემების გლუვ კუნთებზე.
პაპავერინთან შედარებით მისი მოქმედება უფრო ძლიერია, ხოლო შეწოვა – უფრო სწრაფი და სრული, ის უფრო ნაკლებად უკავშირდება პლაზმის ცილებს. დროტავერინის უპირატესობას წარმოადგენს ის, რომ მას არ გააჩნია მასტიმულირებელი მოქმედება სასუნთქ სისტემაზე, რაც აღინიშნებოდა პაპავერინის პარენტერალური შეყვანის შემდეგ. 

ფარმაკოკინეტიკა:
აბსორბცია
დროტავერინი სწრაფად და სრულად შეიწოვება როგორც პერორალური მიღების, ასევე კუნთში შეყვანის შემდეგ. პლაზმაში მაქსიმალური კონცენტრაცია მიიღწევა პერორალურად მიღებიდან 45-60 წუთში. 

განაწილება
დროტავერინი მაღალი ხარისხით უკავშირდება პლაზმის ცილებს, განსაკუთრებით ალბუმინს (95-98%), ალფა- და ბეტა-გლობულინებს.

ბიოტრანსფორმაცია და გამოყოფა
დროტავერინი მეტაბოლიზდება ღვიძლში, მისი ნახევარგამოყოფის პერიოდი შეადგენს 8-10 საათს. ღვიძლში პირველად გავლის შემდეგ დოზის 65% არის სისხლში უცვლელი სახით. 72 საათში დროტავერინი პრაქტიკულად სრულად გამოიყოფა ორგანიზმიდან, 50%-ზე მეტი გამოიყოფა შარდით და დაახლოებით 30% - განავალთან ერთად. დროტავერინი ძირითადად გამოიყოფა მეტაბოლიტების სახით, შარდში საწყისი ნაერთი არ აღინიშნება.

გამოყენების ჩვენება

•    ბილიარული ტრაქტის დაავადებებით გამოწვეული გლუვი მუსკულატურის სპაზმი: ქოლეცისტოლითიაზი, ქოლანგიოლითიაზი, ქოლეცისტიტი, პერიქოლეცისტიტი, ქოლანგიტი, პაპილიტი;
•    საშარდე გზების გლუვი მუსკულატურის სპაზმი: ნეფროლითიაზი, ურეთროლითიაზი, პიელიტი, ცისტიტი, შარდის ბუშტის ტენეზმები; 
•    კუჭ-ნაწლავის გლუვი მუსკულატურის სპაზმის დროს: კუჭისა და თორმეტგოჯა ნაწლავის წყლულოვანი დაავადება, გასტრიტი, კუჭის პილორული და კარდიალური ნაწილის სპაზმი, ენტერიტი, კოლიტი, სპასტიკური კოლიტი შეკრულობით და მეტეორიზმით;
•    ტენზიური ტიპის თავის ტკივილი;
•    გინეკოლოგიაში: დისმენორეა. 

უკუჩვენება    

•    მომატებული მგრძნობელობა პრეპარატის მოქმედი ნივთიერების ან ნებისმიერი დახმარე ნივთიერების მიმართ;
•    ღვიძლის ან თირკმელების მძიმე უკმარისობა; 
•    გულის მძიმე უკმარისობა (გულის დაბალი წუთმოცულობის სინდრომი).

დოზირება და გამოყენების წესი  

პრეპარატი განკუთვნილია პერორალურად მისაღებად. ყოველთვის მიიღეთ პრეპარატი ჩანართში მოყვანილი ინსტრუქციის ან მკურნალი ექიმის რეკომენდაციის სრული დაცვით. 

მოზრდილები
ჩვეულებრივი დღიური დოზა შეადგენს 120-240 მგ-ს, ე.ი. 1.5-3 ტაბლეტს დღეში, რომლებიც მიიღება 2-3 მიღებაზე. მოზრდილთათვის ერთჯერადი დოზა შეადგენს 40-80 მგ-ს (0.5-1 ტაბლეტი). 

ბავშვები
ბავშვებში დროტავერინის გამოყენების კლინიკური ცდები არ არის ჩატარებული. 

იმ შემთხვევაში, როდესაც ბავშვებში დროტავერინის მიღება აუცილებელია:
12 წელზე უფროსი ასაკის ბავშვები: ჩვეულებრივი დღიური დოზა შეადგენს 160 მგ-ს, ე.ი. 2 ტაბლეტს,  რომლებიც მიიღება 2-4 მიღებაზე. 12 წელზე უფროსი ასაკის ბავშვებისთვის ერთჯერადი დოზა შეადგენს 40-80 მგ-ს (0.5-1 ტაბლეტს).

ასევე, იხილეთ ბლოგი : ნოშპა — რა უნდა ვიცოდეთ პრეპარატის გვერდითი მოვლენების შესახებ

არასასურველი რეაქციები
•    კუჭ-ნაწლავის ტრაქტის მხრივ:
იშვიათად: გულისრევა, შეკრულობა
•    ნერვული სისტემის მხრივ: 
იშვიათად: თავის ტკივილი, Lთავბრუსხვევა, უძილობა
•    გულ-სისხლძარღვთა სისტემის მხრივ:
იშვიათად: გახშირებული გულისცემა, ჰიპოტენზია
•    იმუნური სისტემის მხრივ:
იშვიათად: ალერგიული რეაქცია (ანგიონევროზული შეშუპება, ჭინჭრის ციება, გამონაყარი, ქავილი) (იხ. პარაგრაფი ~უკუჩვენება~).

ჩამოთვლილი გვერდითი რეაქციების ან ისეთი რეაქციების გამოვლენის შემთხვევაში, რომლებიც არ არის აღწერილი ჩანართში, უნდა მიმართოთ ექიმს!  

დოზის გადაჭარბება

დროტავერინით დოზის გადაჭარბებამ შეიძლება გამოიწვიოს გულის რიტმისა და გამტარობის დარღვევები, მათ შორის ჰისის კონის ფეხების სრული ბლოკადა და გულის გაჩერება, რამაც შეიძლება მიგვიყვანოს ლეტალურ შედეგამდე. 
დოზის გადაჭარბების შემთხვევაში პაციენტი უნდა იმყოფებოდეს დაკვირვების ქვეშ და ჩაუტარდეს სიმპტომური და შემანარჩუნებელი მკურნალობა. რეკომენდებულია ღებინების გამოწვევა ან/და კუჭის გამორეცხვა. 

განსაკუთრებული მითითებები და სიფრთხილის ზომები

ჰიპოტენზიის დროს პრეპარატის გამოყენება საჭიროებს სიფრთხილის ზომების დაცვას. 
პრეპარატის ერთი ტაბლეტი შეიცავს 104 მგ ლაქტოზას. რეკომენდებული დოზირების თანახმად მიღებისას ყოველი დოზა შეიცავს 156 მგ-მდე ლაქტოზას. ლაქტოზის მიმართ აუტანლობის მქონე პაციენტებში აღნიშნულმა შეიძლება გამოიწვიოს არასასურველი რეაქციები კუჭ-ნაწლავის ტრაქტის მხრივ. 
მოცემული სამკურნალწამლო ფორმა არ უნდა მიიღონ ლაქტოზის დეფიციტის, გალაქტოზემიის ან გლუკოზა/გალაქტოზის აბსორბციის დარღვევის სინდრომის მქონე პაციენტებმა.
ბავშვების მიერ პრეპარატის გამოყენების კლინიკური კვლევები არ არის ჩატარებული.   

ორსულობა, ძუძუთი კვება და ფერტილობა

რეტროსპექტული კლინიკური კვლევებისა და ცხოველებზე ჩატარებული კვლევების მონაცემებით, ორსულობის პერიოდში დროტავერინის პერორალური გამოყენება არ ახდენს პირდაპირ და არაპირდაპირ დამაზიანებელ გავლენას ორსულობის მიმდინარეობაზე, ემბრიონის განვითარებაზე, მშობიარობასა და პოსტნატალურ განვითარებაზე. მაგრამ, ორსულობის დროს პრეპარატის დანიშვნისას საჭიროა სიფრთხილე. 
საჭირო კლინიკური მონაცემების არ არსებობის გამო ძუძუთი კვების პერიოდში პრეპარატის დანიშვნა რეკომენდებული არ არის. 
ცნობები ფერტილობაზე პრეპარატის გავლენის შესახებ არ არსებობს. 

ურთიერთქმედება სხვა სამკურნალო საშუალებებთან

ფოსფოდიესტერაზას ინჰიბიტორები, როგორიცაა პაპავერინი, ამცირებს ლევოდოპას ანტიპარკინსონულ ეფექტს.  
ლევოდოპასთან პრეპარატის ერთდროულად გამოყენების შემთხვევაში საჭიროა სიფრთხილის ზომების დაცვა, რადგან მცირდება ლევოდოპას ანტიპარკინსონული ეფექტი და აღინიშნება ტრემორის და რიგიდულობის გაძლიერება.  

ზემოქმედება სატრანსპორტო საშუალებების მართვის ან სხვა მექანიზმებთან მუშაობის უნარზე
პრეპარატის მიღების შემდეგ თავბრუსხვევის გამოვლენის შემთხვევაში თავი უნდა შეიკავოთ სატრანსპორტო საშუალებების მართვის ან პოტენციურად საშიშ სხვა მექანიზმებთან მუშაობისგან.  

ვარგისობის ვადა
3 წელი. არ გამოიყენოთ ვარგისობის ვადის გასვლის შემდეგ.
გამოშვების ფორმა: 
24 ტაბლეტი პვქ/ალუმინის ბლისტერში. 1 ბლისტერი მუყაოს კოლოფში ჩანართთან ერთად.

შენახვის პირობები:

შეინახეთ ბავშვებისთვის მიუწვდომელ ადგილას! 
შეინახეთ არაუმეტეს 25˚C ტემპერატურაზე, სინათლისგან დაცულ ადგილზე.

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე