Nystatine - ნისტატინი 500000 20 ტაბლეტი

ნისტატინი

სავაჭრო დასახელება: ნისტატინი.

საერთაშორისო არადაპატენტებული დასახელება: Nystatin.

წამლის ფორმა: აპკიანი გარსით დაფარული ტაბლეტები, 500000 ერთეული.

აღწერა: აპკიანი გარსით დაფარული ტაბლეტები, ღია ყვითელი მომწვანო ელფერით, ვანილინის სუნით, ორმხრივამოზნექილი ზედაპირით.

შემადგენლობა:

ერთი ტაბლეტი შეიცავს: აქტიურ ნივთიერებას: ნისტატინს - 500000 ერთ.; დამხმარე ნივთიერებები: კარტოფილის სახამებელი, ლაქტოზას მონოჰიდრატი, სტეარინის მჟავა, ტალკი, ჟელატინი, ვანილინი, ოპადრი II (მათ შორის: პოლივინილის სპირტი, ნაწილობრივ ჰიდროლიზებული; ტალკი; მაკროგოლი 3350; ლეციტინი (სოიოს); ყვითელი ფერის მღებავი პიგმენტი (შეიცავს ტიტანის დიოქსიდს E 171; ინდიგოკარმინს E 132; ქინოლინის ყვითელს E 104 და ყვითელ მზის ჩასვლას E 110).

ფარმაკოთერაპიული ჯგუფი: ნაწლავის ანტიმიკრობული საშუალებები. ანტიბიოტიკები.

იხილეთ ბლოგი: ნისტატინი — გავრცელებული სოკოვანი ინფექციების სამკურნალო ანტიბიოტიკი

ათქ კოდი: A07AA02.

ფარმაკოლოგიური მოქმედება

ფარმაკოდინამიკა

პოლიენური სოკოს საწინააღმდეგო ანტიბიოტიკი, რომელიც მაღალაქტიურია Candida-ს სახეობის საფუარის მსგავსი სოკოების წინააღმდეგ. ანტიბიოტიკის სტრუქტურა შეიცავს ორმაგ ბმებს, რომლებსაც გააჩნია მაღალი ტროპიზმი სოკოების ციტოპლაზმური მემბრანის სტეროლის სტრუქტურებთან, რაც ხელს უწყობს პრეპარატის მოლეკულის უჯრედის მემბრანაში ჩაშენებას და დიდი რაოდენობით არხების წარმოქმნას, რომელთა მეშვეობითაც ხდება ელექტროლიტების უკონტროლო ტრანსპორტირება; უჯრედის შიგნით ოსმოლარობის ზრდა იწვევს მის სიკვდილს. რეზისტენტობა ძალიან ნელა ვითარდება.

ფარმაკოკინეტიკა

პერორალურად მიღებისას პრაქტიკულად არ შეიწოვება საჭმლის მომნელებელ ტრაქტში (ბიოშეღწევადობა არ აღემატება 3-5%-ს).

მიღებული ანტიბიოტიკის ძირითადი ნაწილი უცვლელი სახით გამოიყოფა ფეკალური მასებით, ამ დროს ფეკალურ მასებში იქმნება მაღალი კონცენტრაცია, რაც საკმარისია საჭმლის მომნელებელი ტრაქტის ლორწოვანი გარსის კანდიდომიკოზის სამკურნალო ეფექტის გამოსავლენად.

აბსორბირებული პრეპარატი (სს) გამოიყოფა ორგანიზმიდან შარდით.

გამოყენების ჩვენებები

კუჭ-ნაწლავის ტრაქტის (კნტ) ნაწლავური ინფექციების სამკურნალოდ, რომლებიც გამოწვეულია ნინსტატინის მიმარ მგრძნობიარე Candida-ს ტიპის საფუარი მსგავსი სოკოებით, ისეთი პრეპარატებით მკურნალობისას, რომლებიც ხელს უწყობენ Candida ზრდას კუჭ-ნაწლავის ტრაქტში (მაგალითად ფართო სპექტრის მოქმედების ანტიბიოტიკები, კორტიკოსტეროიდები, ციტოსტატიკები).

უკუჩვენებები

ჰიპერმგრძნობელობა, ბავშვთა ასაკი - 13 წლამდე (ტაბლეტებისთვის).

დოზირება და მიღების წესი

პერორალურად, საკვების მიღების მიუხედავად. ტაბლეტები იყლაპება დაღეჭვის გარეშე.

მოზრდილებში ინიშნება 500000 ერთ. 3-4-ჯერ დღეში. სადღეღამისო დოზა - 1500000-3000000 ერთ., მძიმე შემთხვევებში - 4000000-6000000 ერთ.-მდე.

13 წელზე უფროსი ასაკის ბავშვები - 500000 ერთ. დღე-ღამეში, 3-4-ჯერ დღეში.

მკურნალობის ხანგრძლივობაა 10-14 დღე.

ქრონიკული მორეციდივე და გენერალიზებული კანდიდოზების დროს ტარდება განმეორებითი კურსები 2-3 კვირიანი ინტერვალით.

მოცემული წამლის ფორმა განკუთვნილი არ არის 13 წლამდე ასაკის ბავშვებისთვის. ამ ასაკობრივი ჯგუფის პაციენტებისთვის განკუთვნილი უნდა იყოს სუსპენზია.

გვერდითი მოვლენები

საჭმლის მომნელებელი სისტემის მხრივ:

- მწარე გემო პირში, დისპეფსიური მოვლენები, გულისრევა, ღებინება, გასტრალგია, დიარეა.

ალერგიული რეაქციები:

- სხეულის ტემპერატურის მატება, შემცივნება, გამონაყარი, ჭინჭრის ციება, ქავილი, ბრონქოსპაზმი, ანგიონევროზული შეშუპება, სახის შეშუპების ჩათვლით, იშვიათად - სტივენს-ჯონსონის სინდრომი.

სხვები:

ფოტოსენსიბილიზაცია, ტაქიკარდია, არასპეციფიკური მიალგიები; არსებობს სოკოების რეზისტენტული ფორმების გავრცელების რისკი, რაც მოითხოვს სამკურნალო საშუალებების მოხსნას.

დოზის გადაჭარბება

სიმპტომები: შესაძლოა გვერდითი ეფექტების მომატება. ნისტატინის პერორალური დოზები, რომლებიც აჭარბებდა 500000 ერთეულს დღე-ღამეში, იწვევდა გულისრევას და კუჭ-ნაწლავის აშლილობას. ვინაიდან კუჭ-ნაწლავის ტრაქტიდან ნისტატინის შეწოვა უმნიშვნელოა, დოზის გადაჭარბება არ იწვევს სისტემურ ტოქსიკურობას.

მკურნალობა:წამლის მოხსნა, სიმპტომური თერაპია.

სიფრთხილის ზომები

არ გამოიყენოთ სისტემური მიკოზების სამკურნალოდ.

აუცილებელია თერაპიის სრული კურსის დასრულება. აუცილებელია მკურნალობის რეჟიმის და სქემების მკაცრად დაცვა მთელი კურსის განმავლობაში, სამკურნალო საშუალების მიღება რეგულარული ინტერვალებით და არ გამოტოვოთ დოზა. დოზის გამოტოვების შემთხვევაში უნდა მიიღოთ ის რაც შეიძლება სწრაფად, მაგრამ თუ შემდეგი დოზის მიღების დროა, არ მიიღოთ ორმაგი დოზა გამოტოვებული დოზის შესავსებად.

ნისტატინს შეუძლია გაზარდოს კანის მგრძნობელობა მზის სხივების მიმართ, ამიტომ მკურნალობის დროს თავიდან უნდა იქნას აცილებული მზის პირდაპირი სხივები და ხელოვნური ულტრაიისფერი გამოსხივება.

პრეპარატი შეიცავს ლაქტოზას. იშვიათი მემკვიდრეობითი გალაქტოზას აუტანლობის, ლაპ ლაქტაზას დეფიციტის ან გლუკოზა-გალაქტოზას მალაბსორბციის მქონე პაციენტებში წამლების გამოყენება არ არის რეკომენდებული.

ტაბლეტების გარსი შეიცავს საკვების აზოსაღებავებს (E 104, E 110, E 132), რომლებმაც შეიძლება გამოიწვიოს ალერგიული რეაქციები.

ტაბლეტების შემადგენლობაში სოიოს ლეციტინის (E 322) არსებობის გამო, პრეპარატი არ უნდა მიიღონ არაქისის ან სოიოს მიმართ მომატებული მგრძნობელობის მქონე პირებმა.

ორსულობა და ლაქტაცია.

მიუხედავად იმისა, რომ ნისტატინი კუჭ-ნაწლავის ტრაქტში მცირე რაოდენობით შეიწოვება, ჯერ კიდევ უცნობია, შეუძლია თუ არა ზიანი მიაყენოს ორსულის მიერ წამლის გამოყენებამ ნაყოფს. წამლების გამოყენება შესაძლებელია მხოლოდ იმ შემთხვევაში, თუ დედისთვის მოსალოდნელი სარგებელი აღემატება ნაყოფის ან ჩვილის შესაძლო რისკს.

უცნობია გამოიყოფა თუ არა ნისტატინი დედის რძეში, ამიტომ ლაქტაციის პერიოდში აუცილებლობის შემთხვევაში მისი გამოყენებისას, გასათვალისწინებელია ძუძუთი კვების შეწყვეტის საკითხი.

ზეგავლენა ავტმანქანებისა და მექანიზმების მართვის უნარზე.

ნისტატინი, თერაპიულ დოზებში მიღებისას, არ მოქმედებს სატრანსპორტო საშუალებების და მექანიზმების მართვის უნარზე.

მედიკამენტოზური ურთიერთქმედება

კლოტრიმაზოლთან ერთდროული გამოყენებისას კლოტრიმაზოლის სოკოს საწინააღმდეგო მოქმედება მცირდება, ქლორამფენიკოლთან - ანტიმიკრობული მოქმედების ურთიერთშესუსტება; თავიდან უნდა იქნას აცილებული მათი ერთდროული გამოყენება.

შეფუთვა

10 ტაბლეტი კონტურულ-უჯრედული შეფუთვაში პოლივინილქლორიდის აპკის და ალუმინის ფოლგისგან. 2 კონტურულ-უჯრედული შეფუთვა ფურცელ-ჩანართთან ერთად მოთავსებულია მუყაოს კოლოფში (№10x2).

შენახვის პირობები

სინათლისა და ნესტისგან დაცულ ადგილას, არაუმეტეს 25°C ტემპერატურაზე.

ინახება ბავშვებისათვის მიუწვდომელ ადგილას.

ვარგისიანობის ვადა.

3 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ.

აფთიაქებიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.