სალბუტამოლი - Salbutamol აეროზოლი 100მკგ/200დ

სალბუტამოლი

სავაჭროდასახელება : სალბუტამოლი

საერთაშორისო არაპატენტირებული დასახელება: სალბუტამოლი

სამკურნალო ფორმა: საინჰალაციო აეროზოლი დოზირებული

შემადგენლობა:

ერთი დოზა შეიცავს:

მოქმედი ნივთიერება:0,1 მგ სალბუტამოლი.

დამხმარე ნივთიერებები:ოლეილის სპირტი, ეთანოლი (96%-იან ეთილის სპირტი), ნორფლურანი.

აღწერილობა

პრეპარატი წარმოადგენს თეთრ ან თითქმის თეთრ სუსპენზიას, რომელიც მოთავსებულია წნევის ქვეშ ალუმინის ბალონში მადოზირებელი სარქველით, რომელიც აღჭურვილია ინჰალატორის საცმით დამცავი თავსახურით; პრეპარატი იფრქვევა ბალონიდან აეროზოლის ნაკადის სახით.

ფარმაკოთერაპიული ჯგუფი

ბრონქოდილატაციური საშუალება - სელექციური ბეტა₂-ადრენომიმეტიკი.

ასევე, იხილეთ: SALBUTAMOL - სალბუტამოლი აეროზოლი 100მკგ 200დოზა GMP

ათქ კოდი: R03AC02

ფარმაკოლოგიური თვისებები

ფარმაკოდინამიკა

სალბუტამოლი წარმოადგენს β₂-ადრენორეცეპტორების სელექციურ აგონისტს. თერაპიული დოზებით ის მოქმედებს ბრონქების გლუვი მუსკულატორის β₂-ადრენორეცეპტორებზე, ახდენს რა უმნიშვნელო ზეგავლენას ან საერთოდ არ ახდენს გავლენას მიოკარდიუმის β₁-რეცეპტორებზე. ახდენს გამოხატულ ბრონქოდილატაციურ ეფექტს, ბრონქების სპაზმის პრევენციით ან კუპირებით, ამცირებს წინაღობას სასუნთქ გზებში. ზრდის ფილტვების სასიცოცხლო ტევადობას. ზრდის მუკოცილიარულ კლირენსს (ქრონიკული ბრონქიტის დროს 36%-მდე), ასტიმულირებს ლორწოს სეკრეციას, ააქტიურებს მოციმციმე ეპითელიუმის ფუნქციებს.

რეკომენდებული თერაპიული დოზებით არ ავლენს უარყოფით ზეგავლენას გულ-სისხლძარღვთა სისტემაზე, არ იწვევს არტერიული წნევის მომატებას. ნაკლები ხარისხით, ამ ჯგუფის სამკურნალო საშუალებებთან შედარებით, ახდენს დადებით ქრონო- და ინოტროპულ მოქმედებას. იწვევს კორონარული არტერიების გაფართოებას, გააჩნია რიგი მეტაბოლური ეფექტები: ამცირებს კალიუმის კონცენტრაციას პლაზმაში, გავლენას ახდენს გლიკოგენოლიზზე და ინსულინის სეკრეციაზე, ახდენს ჰიპერგლიკემიურ (განსაკუთრებით პაციენტებში ბრონქული ასთმით) და ლიპოლიზურ ეფექტს, ზრდის რა აციდოზის განვითარების რისკს. საინჰალაციო ფორმების გამოყენების შემდეგ მოქმედება სწრაფად ვითარდება, მოქმედება იწყება 5 წუთის შემდეგ, მაქსიმუმ - 30-90 წუთის შემდეგ (მაქსიმალური ეფექტის 75% მიიღწევა 5 წუთის განმავლობაში), ხანგრძლივობა - 4-6 სთ.

ფარმაკოკინეტიკა

შეწოვა

ინჰალაციის შემდეგ სალბუტამოლის დოზის 10-20% აღწევს ქვედა სასუნთქ გზებს. დოზის დანარჩენი ნაწილი რჩება ინჰალატორში ან ილექება ცხვირ-ხახაში, ხოლო შემდეგ ხდება გადაყლაპვა. სასუნთქ გზებში დალექილი ფრაქცია აბსორბირდება ფილტვის ქსოვილებში და სისხლში, მაგრამ არ მეტაბოლიზდება ფილტვებში.

განაწილება

პლაზმის ცილებთან სალბუტამოლის შეერთების ხარისხი 10%-ს შეადგენს.

მეტაბოლიზმი

ხვდება რა სისხლში, სალბუტამოლი ექვემდებარება ღვიძლისმიერ მეტაბოლიზმს და ეკსკრეტირდება ძირითადად შარდით უცვლელი სახით და ფენოლური სულფატის სახით. საინჰალაციო დოზის გადაყლაპული ნაწილი აბსორბირდება კუჭ-ნაწლავის ტრაქტიდან და ექვემდებარება მნიშვნელოვან მეტაბოლიზმს ღვიძლში „პირველი გავლისას“, გარდაიქმნება რა ფენოლის სულფატად. უცვლელი სალბუტამოლი და კონიუგატი ექსკრეტირდება ძირითადად შარდით.

გამოყოფა

ინტრავენურად შეყვანილი სალბუტამოლის ნახევარგამოყოფის პერიოდი შეადგენს 4-6 საათს. გამოიყოფა ნაწილობრივად თირკმელებით და ნაწილობრივად მეტაბოლიზმის შედეგად არააქტიურ 4’-0-სულფატამდე (ფენოლის სულფატი), რომელიც ასევე ძირითადად შარდით გამოიყოფა. სალბუტამოლის შეყვანილი დოზის მხოლოდ უმნიშვნელო ნაწილი ეკსკრეტირდება განავალით. ორგანიზმში ინტრავენური, პერორალური ან ინჰალაციური გზით შეყვანილი სალბუტამოლის დოზის უმეტესი ნაწილი ეკსკრეტირდება 72 საათის განმავლობაში.

გამოყენების ჩვენებები

1. ბრონქული ასთმა:

· ბრონქული ასთმის შეტევების კუპირება, მათ შორის მძიმე მიმდინარეობის ბრონქული ასთმის გამწვავებისას;

· ბრონქოსპაზმის შეტევების პრევენცია, დაკავშირებული ალერგენის ზემოქმედებასთან ან გამოწვეული ფიზიკური დატვირთვით;

· გამოყენება ერთ-ერთი კომპონენტის სახით ბრონქული ასთმის ხანგრძლივი შემანარჩუნებელი თერაპიის დროს.

2. ფილტვების ქრონიკული ობსტრუქციული დაავადება (ფქოდ), რომელსაც ახლავს სასუნთქი გზების შექცევადი ობსტრუქცია, ქრონიკული ბრონქიტი.

იხილეთ ბლოგი: ბრონქული ასთმა - სიმპტომები, დიაგნოსტიკა და მკურნალობა

უკუჩვენებები

· ჰიპერმგრძნობელობა პრეპარატის მოქმედი ნივთიერების ან მის შემადგენლობაში შემავალი ნებისმიერი კომპონენტის მიმართ.

• ნაადრევი მშობიარობის მართვა.
• აბორტის საშიშროება.
• 2 წლამდე ბავშვთა ასაკი.

სიფრთხილით

სალბუტამოლი სიფრთილით უნდა იქნას გამოყენებული პაციენტებში თირეოტოქსიკოზით, ტაქიარითმიით, მიოკარდიტით, გულის მანკით, აორტის სტენოზით, გულის იშემიური დაავადებით, გულის მძიმე ქრონიკული უკმარისობით, არტერიული ჰიპერტენზიით, ფეოქრომოციტომით, დეკომპენსირებული შაქრიანი დიაბეტით, გლაუკომით.

გამოყენება ორსულობის და ლაქტაციის პერიოდში

ფერტილობა

არ შესწავლილა.

ორსულობა

ორსულ ქალებში პრეპარატი ინიშნება მხოლოდ იმ შემთხვევაში, როდესაც მოსალოდნელი სარგებელი პაციენტისათვის აჭარბებს პოტენციურ რისკს ნაყოფისათვის.

პოსტრეგისტრაციული დაკვირვების მსვლელობაში გამოვლენილი იქნა ბავშვებში სხვადასხვა მანკების განვითარების იშვიათი შემთხვევები, „მგლის ხახის“ და კიდურების განვითარების მანკების ფორმირების ჩათვლით, ორსულობის დროს დედების მიერ სალბუტამოლის მიღების ფონზე. ზოგიერთ შემთხვევაში დედები იღებდნენ რამდენიმე თანმხლებ სამკურნალო პრეპარატს ორსულობის პერიოდში. დეფექტების მუდმივი ხასიათის და თანდაყოლილი ანომალიების აღნიშვნის ფონური სიხშირის არარსებობის გამო, რომელიც შეადგენს 2-დან 3%-მდე, არ არის დადგენილი მიზეზ-შედეგობრივი კავშირი პრეპარატის მიღებასთან.

ლაქტაციის პერიოდი

სალბუტამოლი, სავარაუდოდ, აღწევს დედის რძეში, ამიტომ არ არის რეკომენდებული მისი დანიშვნა მეძუძური დედებისათვის, გარდა იმ შემთხვევებისა, როდესაც მოსალოდნელი სარგებელი პაციენტისთვის აღემატება პოტენციურ რისკს ბავშვისთვის. არ არსებობს მონაცემები იმის შესახებ, ახდენს თუ არა დედის რძეში არსებული სალბუტამოლი მავნე ზემოქმედებას ახალშობილზე.

გამოყენების წესი და დოზირება

სალბუტამოლი, საინჰალაციო აეროზოლი დოზირებული, 100 მკგ/დოზა, განკუთვნილია მხოლოდ საინჰალაციო შეყვანისათვის.

ბეტა₂-ადრენორეცეპტორების გამოყენებაზე მომატებული მოთხოვნა შეიძლება იყოს ბრონქული ასთმის გართულების ნიშანი. მსგავს სიტუაციაში შეიძლება საჭირო გახდეს პაციენტის მკურნალობის სქემის გადაფასება, გლუკოკორტიკოსტეროიდებით ერთდროული თერაპიის დანიშვნის მიზანშეწონილობის განხილვით.

ვინაიდან ჭარბ დოზირებას შეიძლება ახლდეს გვერდითი მოვლენების განვითარება, პრეპარატის დოზა ან მიღების ჯერადობა შეიძლება გაიზარდოს მხოლოდ ექიმის რეკომენდაციით.

სალბუტამოლის მოქმედების ხანგრძლივობა პაციენტების უმრავლესობაში შეადგენს 4-დან 6 საათამდე.

პაციენტებში, რომლებისთვისაც რთულია ჩასუნთქვის სინქრონიზირება დოზირებული წნევის ქვეშ აეროზოლური ინჰალატორის გამოყენებასთან, შეიძლება გამოყენებული იქნას სპეისერი.

ბავშვებში, რომლებიც იღებენ სალბუტამოლს, მიზანშეწონილია პედიატრიული სპეისერის მოწყობილობის გამოყენება სახის ნიღაბით.

ბრონქოსპაზმის შეტევების კუპირება

მოზრდილები

რეკომენდებული დოზა შეადგენს 100 ან 200 მკგ-ს.

ბავშვები

100 მკგ, საჭიროების შემთხვევაში დოზა შეიძლება გაზრდილი იქნას 200 მკგ-მდე.

არ არის რეკომენდებული პრეპარატ სალბუტამოლის გამოყენება ოთხ ჯერზე მატად დღეში. პრეპარატ სალბუტამოლის მაქსიმალური დოზების ხშირად გამოყენების ან დოზის უეცარი გაზრდის საჭიროება მოწმობს ასთმის მიმდინარეობის გაუარესებაზე (იხ. ნაწილი „განსაკუთრებული მითითებები და სიფრთხილის ზომები გამოყენებისას“).

ბრონქოსპაზმის შეტევების პრევენცია, რომლებიც დაკავშირებულია ალერგენის ზემოქმედებასთან ან გამოწვეულია ფიზიკური დატვირთვით

მოზრდილები

200 მკგ მაპროვოცირებელი ფაქტორის ან დატვირთვის ზემოქმედებამდე 10-15 წუთით ადრე.

ბავშვები

100 მკგ მაპროვოცირებელი ფაქტორის ან დატვირთვის ზემოქმედებამდე 10-15 წუთით ადრე, საჭიროების შემთხვევაში შეიძლება დოზის 200 მკგ-მდე გაზრდა.

ხანგრძლივი შემანარჩუნებელი თერაპია

მოზრდილები

200 მკგ-მდე 4-ჯერამდე დღეში.

ბავშვები

200 მკგ-მდე 4-ჯერამდე დღეში.

გამოყენების წესი

მომზადება პირველი გამოყენებისათვის:

პრეპარატის პირველი გამოყენების წინ მოხსენით დამცავი თავსახური ინჰალატორის საცმს. შემდეგ ენერგიულად შეანჯღრიეთ ბალონი ვერტიკალური მოძრაობით, გადმოაბრუნეთ ბალონი ინჰალატორის საცმით ქვევით და მოახდინეთ ორი გაფრქვევა ჰაერში, რათა დარწმუნდეთ სარქველის ადეკვატურ მუშაობაში. თუ ინჰალატორი არ არის გამოყენებული რამდენიმე დღის განმავლობაში, მოახდინეთ ერთი გაფრქვევა ჰაერში ბალონის სათანადოდ შენჯღრევის შემდეგ.

გამოყენება:

1. მოხსენით დამცავი თავსახური ინჰალატორის საცმს. დარწმუნდით ინჰალატორის საცმის შიდა და გარეთა ზედაპირების სისუფთავეში.

2. ენერგიულად შეანჯღრიეთ ბალონი ვერტიკალური მოძრაობებით.

3. გადმოაბრუნეთ ბალონი ინჰალატორის საცმით ქვევით, მოათავსეთ ბალონი ვერტიკალურად დიდ, შუა და საჩვენებელ თითებს შორის, ისე, რომ დიდი თითი მოექცეს ინჰალატორის საცმის ქვემოთ.

4. მაქსიმალურად ღრმად ამოისუნთქეთ, შემდეგ მოათავსეთ ინჰალატორის საცმი კბილებს შორის და მოუჭირეთ ტუჩები ისე, რომ კბილებით არ შეეხოთ.

5. დაიწყეთ ჩასუნთქვა პირით, დააჭირეთ ბალონის ზედა ნაწილს, რათა მოახდინოთ პრეპარატის დოზის გამოფრქვევა, ამასთანავე გააგრძელეთ ნელა და ღრმად შესუნთქვა.

6. შეიკავეთ სუნთქვა, გამოიღეთ ინჰალატორის საცმი პირიდან და მოაშორეთ თითი ბალონის ზედა ნაწილს. გააგრძელეთ სუნთქვის შეკავება რამდენ ხანსაც შესაძლებელია.

7. თუ აუცილებელია მომდევნო ინჰალაციის შესრულება. ამისთვის საჭიროა დაახლოებით 30 წამი ლოდინი, ბალონის ვერტიკალურ პოზიციაში დაჭერით. ამის შემდეგ შეასრულეთ ინჰალაცია ინსტრუქციის შესაბამისად, გადმოცემულის მე-2-6 პუნქტებში.

დააფარეთ ინჰალატორის საცმს დამცავი თავსახური.

მნიშვნელოვანია:

შეასრულოთ მოქმედებები მე-4, მე-5 და მე-6 პუნქტების შესაბამისად, აჩქარების გარეშე. მნიშვნელოვანია, დოზის გაფრქვევის წინ შესუნთქვის დაწყება რაც შეიძლება ნელა. პირველად რამდენჯერმე რეკომენდებულია პრეპარატის გამოყენება სარკის წინ ვარჯიშის შემდეგ. თუ პირის კიდეებში გაჩნდება „ღრუბელი“, საჭიროა თავიდან დაწყება მე-2 პუნქტიდან.

გაწმენდა:

ინჰალატორის საცმი უნდა გაიწმინდოს არანაკლებ კვირაში ერთხელ.

1. მოხსენით დამცავი თავსახური ინჰალატორის საცმს, ინჰალატორის საცმი მოხსენით ბალონიდან.

2. სათანადოდ გარეცხეთ ინჰალატორის საცმი და დამცავი თავსახური თბილი გამდინარე წყლის ქვეშ.

3. სათანადოდ გააშრეთ ინჰალატორის საცმი და დამცავი თავსახური, როგორც შიგნიდან, ისე გარედან.

4. ჩამოაცვით ინჰალატორის საცმი ბალონსა და სარქველის შტოკზე, დახურეთ ინჰალატორის საცმის თავისუფალი ნახვრეტი დამცავი თავსახურით.

არ მოათავსოთ ბალონი წყალში!

გვერდითი მოქმედება

სიხშირის მიხედვით გვერდითი ეფექტები შეიძლება დაყოფილი იქნას შემდეგ კატეგორიებად: ძალიან ხშირი (≥1/10), ხშირი (≥1/100 და ˂1/10), არახშირი (≥1/1000 და ˂1/100), იშვიათი (≥1/10 000 და ˂1/1000), ძალიან იშვიათი (˂1/10000).

სიხშირის კატეგორიები ფორმირებული იყო კლინიკური კვლევების და პოსტრეგისტრაციული დაკვირვების საფუძველზე სალბუტამოლის გამოყენებისას.

დარღვევები იმნურის სისტემის მხრივ:ძალიან იშვიათად - ჰიპერმგრძნობელობის რეაქციები, ანგიონევროზული შეშუპების, ჭინჭრის ციების, ბრონქოსპაზმის, ჰიპოტენზიის და კოლაფსის ჩათვლით.

დარღვევები ნივთიერებათა ცვლის და კვების მხრივ:იშვიათად - ჰიპოკალიემია. ბეტა₂-აგონისტებით თერაპიამ შეიძლება გამოიწვიოს კლინიკურად მნიშვნელოვანი ჰიპოკალიემია.

დარღვევები ნერვული სისტემის მხრივ: ხშირი: ტრემორი, თავის ტკივილი, ძალიან იშვიათი - ჰიპერქატივობა.

დარღვევები გულის მხრივ:ხშირი: ტაქიკარდია, არახშირი: პალპიტაცია, ძალიან იშვიათი - არითმიები, მოციმციმე არითმიის ჩათვლით; სუპრავენტრიკულარული ტაქიკარდია და ექსტრასისტოლია.

დარღვევები სისხლძარღვთა მხრივ:იშვიათად:პერიფერიული ვაზოდილატაცია.

დარღვევები სასუნთქი სისტემის, მკერდის ორგანოების და შუასაყარის მხრივ: ძალიან იშვიათად: პარადოქსული ბრონქოსპაზმი. ისევე, როგორც საინჰალაციო თერაპიისთვის სხვა საშუალებების გამოყენებისას, შეიძლება განვითარდეს პარადოქსული ბრონქოსპაზმი ხიხინების გაძლიერებით პრეპარატის გამოყენებისთანავე. ეს მდგომარეობა საჭიროებს დაუყოვნებლივ მკურნალობას გამოშვების ალტერნატიული ფორმის ან სხვა სწრაფად მოქმედი საინჰალაციო ბრონქოდილატატორის გამოყენებით. პრეპარატი სალბუტამოლი დაუყოვნებლივ უნდა მოიხსნას, შეფასდეს პაციენტის მდგომარეობა და, საჭიროების შემთხვევაში, დაინიშნოს ალტერნატიული თერაპია.

დარღვევები კუჭ-ნაწლავის ტრაქტის მხრივ:არახშირი - პირის ღრუს და ხახის ლორწოვანი გარსის გაღიზიანება.

დარღვევები ჩონჩხ-კუნთოვანი და შემაერთებელი ქსოვილის მხრივ: არახშირი - კუნთების კრუნჩხვა.

ჭარბი დოზირება

სიმპტომები

ჭარბი დოზირების ნიშნები და სიმპტომები მოვლითი მოვლენებია, რომლებიც ფარმაკოლოგიურად განპირობებულია ბეტა-ადრენერგული რეცეპტორების სტიმულირებით (იხ. ნაწილები „განსაკუთრებული მითითებები და სიფრთხილის ზომები გამოყენებისას“ და „გვერდითი მოქმედება“), როგორიცაა არტერიული წნევის დაქვეითება, ტაქიკარდია, კუნთების ტრემორი, გულისრევა, ღებინება.

სალბუტამოლის დიდი დოზების გამოყენებამ შეიძლება გამოიწვიოს ჰიპოკალიემია, აუცილებელია სისხლის შრატში კალიუმის დონის კონტროლირება.

მკურნალობა

საჭიროა პრეპარატის მოხსნა და შესაბამისი სიმპტომატური თერაპიის დანიშვნა, როგორიცაა ბეტა-ადრენორეცეპტორების კარდიოსელექციური ბლოკატორების გამოყენება პაციენტებში კარდიალური სიმპტომატიკით (მაგალითად, ტაქიკარდია, გულისცემის შეგრძნება). ბეტა-ადრენორეცეპტორების ბლოკატორები სიფრთხილით უნდა იქნას გამოყენებული პაციენტებში ბრონქოსპაზმით ანამნეზში.

ურთიერთქმედება სხვა სამკურნალო პრეპარატებთან

არ არის რეკომენდირებული სალბუტამოლის და არასელექციური ბეტა- ადრენორეცეპტორების ბლოკატორების, როგორიც არის პროპრანოლოლი, ერთდროულად გამოყენება.

სალბუტამოლი არ არის უკუნაჩვენები პაციენტებში, რომლებიც იღებენ მკურნალობას მონოამინოოქსიდაზას ინჰიბიტორებით (მაოი).

ავადმყოფებში თირეოტოქსიკოზით აძლიერებს ცენტრალური ნერვული სისტემის სტიმულატორების მოქმედებას, ტაქიკარდიას.

თეოფილინი და სხვა ქსანტინები ერთდროულად გამოყენებისას ზრდიან ტაქიარითმიის განვითარების ალბათობას. ერთდროულმა დანიშვნამ ანტიქოლინერგულ (მათ შორის საინჰალაციო) საშუალებებთან შეიძლება ხელი შეუწყოს თვალშიდა წნევის მომატებას. დიურეზულები და გლუკოკორტიკოსტეროიდები აძლიერებენ სალბუტამოლის ჰიპოკალიემიურ მოქმედებას.

განსაკუთრებული მითითებები

ბრონქული ასთმის მკურნალობის ჩატარება რეკომენდებულია ეტაპობრივად, მკურნალობასა და ფილტვების ფუნქციაზე პაციენტის კლინიკური პასუხის კონტროლირებით.

ბრონქოდილატატორები არ უნდა წარმოადგენდნენ არასტაბილური ან მძიმე მიმდინარეობის ბრონქული ასთმის თერაპიის ერთადერთ ან ძირითად კომპონენტს.

გაზრდილი მოთხოვნილება ხანმოკლე მოქმედების მქონე ბრონქოდილატატორების გამოყენებაზე, კერძოდ ბეტა₂-ადრენორეცეპტორების აგონისტების, ბრონქული ასთმის სიმპტომების კონტროლისათვის, მოწმობს დაავადების მიმდინარეობის გაუარესებაზე. ასეთ შემთხვევებში საჭიროა პაციენტის მკურნალობის გეგმის გადახედვა.

ბრონქული ასთმის უეცარი და პროგრესირებადი გაუარესება შეიძლება წარმოადგენდეს პოტენციურ საფრთხეს პაციენტის სიცოცხლისათვის, ამიტომ მსგავს სიტუაციებში საჭიროა გლუკოკორტიკოსტეროიდების დოზის დანიშვნის ან გაზრდის მიზანშეწონილობის განხილვა. რისკის ჯგუფის პაციენტებისათვის რეკომენდებულია ამოსუნთქვის პიკური სიჩქარის ყოველდღიური მონიტორინგის ჩატარება.

ბეტა₂-ადრენორეცეპტორების აგონისტებით თერაპიამ, განსაკუთრებით მათი პარენტერალურად ან ნებულაიზერის დახმარებით შეყვანისას, შეიძლება გამოიწვიოს ჰიპოკალიემია.

განსაკუთრებული სიფრთხლის გამოჩენაა რეკომენდებული ბრონქული ასთმის მძიმე შეტევების მკურნალობისას, რადგანაც ასეთ შემთხვევებში შეიძლება გაძლიერდეს ჰიპოკალიემია, ქსანტინის წარმოებულების, გლუკოკორტიკოსტეროიდების, დიურეტიკების ერთდროულად გამოყენების შედეგად, ასევე ჰიპოქსიის შედეგად. ასეთ შემთხვევებში აუცილებელია კალიუმის დონის კონტროლი სისხლში შრატში.

საინჰალაციო სალბუტამოლის ადრე ეფექტური დოზის გამოყენებით ეფექტის არარსებობის შემთხვევაში, მინიმუმ სამი საათის განმავლობაში, პაციენტმა უნდა მიმართოს ექიმს რაიმე დამატებითი ზომების მიღების აუცილებლობის საგანზე.

საჭიროა პაციენტისთვის ახსნა-განმარტების ჩატარება სალბუტამოლის ინჰალატორის სწორად გამოყენების შესახებ.

სიფრთხილის ზომები გამოყენებისას

ისევე, როგორც სხვა საინჰალაციო პრეპარატების გამოყენებისას, თერაპიული ეფექტი შეიძლება შემცირდეს ბალონის გაცივებისას. ამიტომ ბალონის პრეპარატით გამოყენებამდე იგი უნდა გაათბოთ ოთახის ტემპერატურამდე (გაათბეთ ბალონი ხელებით რამდენიმე წუთის განმავლობაში, არ შეიძლება სხვა ხერხის გამოყენება!).

პირში არასასიამოვნო შეგრძნების ან ყელში ღიტინის აღნიშვნის შემთხვევაში ინჰალაციის შემდეგ, რეკომენდებულია პირის წყლით გამოვლება.

პრეპარატი არ შეიცავს ოზონის დამღრვევ პროპელენტებს.

ინახება გამათბობელი სისტემისა და პირდაპირი მზის სხივებისგან მოშორებით.

არ გახსნათ ბალონი, დაიცავით ვარდნისა და დარტყმისაგან. არ ჩააგდოთ ბალონი ცეცხლში, თუნდაც ცარიელი იყოს.

ზემოქმედება სატრანსპორტოსაშუალებების,მექანიზმების მართვის უნარზე

მონაცემები არ არსებობს.

გამოშვების ფორმა

საინჰალაციო აეროზოლი, დოზირებული 100 მკგ/დოზა. 200 დოზა (12 მლ) მოთავსებულია ალუმინის ბალონში, ჰერმეტიზირებული მადოზირებელი სარქველით, აღჭურვილი ინჰალატორის საცმით დამცავი სახურავით.

ბალონზე მიკრულია თვითწებვადი ეტიკეტი.

თითოეულ ბალონს, ინჰალატორის საცმს დამცავი სახურავით, ასევე სამედიცინო გამოყენების ინსტრუქციას, ათავსებენ მუყაოს კოლოფში.

შენახვის პირობები

ინახება არა უმეტეს 25°С ტემპერატურაზე. არ გაყინოთ.

ინახება ბავშვებისთვის მიუწვდომელ ადგილზე.

ვარგისობის ვადა

3 წელი. არ გამოიყენოთ ვარგისობის ვადის ამოწურვის შემდეგ.

გაცემის წესი:

ფარმაცევტული პროდუქტის ჯგუფი - II , გაიცემა ფორმა №3 რეცეპტით (გადაუდებელი დახმარებისას გაიცემა ურეცეპტოდ)