Salicylic acid - სალიცილის მჟავა 1% სპირტხსნარი 40მლ

სალიცილის მჟავას სპირტიანი ხსნარი 1%
წამლის ფორმა: გარეგანი ხსნარი.
შემადგენლობა:
სალიცილის მჟავას სპირტიანი ხსნარი 1%:
სალიცილის მჟავა - 1გ,
ეთილის სპირტი 70% - 100მლ-მდე.
ფარმაკოლოგიური ჯგუფი: ანტისეპტიკური, დერმატოტროპული, ანტიმიკოზური საშუალება.
ფარმაკოლოგიური მოქმედება: სალიცილის მჟავა წარმოადგენს არომატულ ოქსიმჟავას, აღიზიანებს ქსოვილებს და იწვევს ლორწოვან გარსზე მომწველ მოქმედებას, რაც დაკავშირებულია ალბუმინატების წამოქმნასთან. სალიცილის მჟავას სპირტიანი ხსნარი ხასიათდება ადგილობრივი გამაღიზიანებელი, ანტისეპტიკური, კერატოლიზური და ანთების საწინააღმდეგო მოქმედებით. იწვევს ცილების, მათ შორის მიკრობული ცილების კოგულაციას, აღიზიანებს მგრძნობიარე ნერვულ დაბოლოებებს, ამცირებს ტკივილის შეგრძნებას.
ფარმაკოკინეტიკა:
არ ხასიათდება გამოხატული რეზორბციული მოქმედებით.
ჩვენება: ცხიმოვანი სებორეა, მქერცლავი სირსველი (ლიქენი), ჩვეულებრივი აკნე, ქრონიკული ეგზემა.
გამოყენების წესი და დოზირება: გარეგანად. ხსნარს ბამბის ტამპონით დაიტანენ დაზიანებულ ზედაპირზე (5მლ ხსნარი ნაწილდება 8-10სმ დიამეტრის უბანზე) 2-3ჯერ დღეში, შეზელვის გარეშე.
გვერდითი მოვლენები: შესაძლებელია განვითარდეს ალერგიული რეაქციები პრეპარატის კომპონენტების მიმართ (ქავილი, წვის შეგრძნება, კანზე გამონაყარი).
უკუჩვენებები: მომატებული მგრძნობელობა სალიცილის მჟავასადმი.
ჭარბი დოზირება: დოზის გადაჭარბების შემთხვევები არ დაფიქსირებულა.
ორსულობა: გამოყენება შესაძლებელია, რეკომენდებულია პრეპარატის გამოყენება მცირე რაოდენობით (არ უმეტეს 5 მლ) და მცირე ფართობის ზედაპირზე.
განსაკუთრებული მითითებები: არ შეიძლება პრეპარატის დატანა ხალის ირგვლივ უბნებსა და მეჭეჭებზე (განსაკუთრებით მეჭეჭებზე, რომლებიც ლოკალიზებული არიან სახეზე და გენიტალურ არეში). ბავშვებში რეკომენდებული არ არის რამდენიმე უბნის ერთდროული დამუშავება.
ურთიერთქმედება სხვა სამკურნალო საშუალებებთან: სალიცილის მჟავამ შეიძლება გაზარდოს კანის გამტარობა სხვა სამკურნალო საშუალებების, ადგილობრივ გამოყენებადი პრეპარატების მიმართ და ამით გააძლიეროს მათი აბსორბცია. შეწოვის შედეგად სალიცილის მჟავამ შეიძლება გააძლიეროს მეთოტრექსატის, პერორალური ანტიკოაგულანტებისა და სულფანილშარდოვანას წარმოებულების გვერდითი ეფექტები.
პრეპარატის ზემოქმედება ავტოტრანსპორტსა და მექანიზმების მართვის უნარზე: პრეპარატი არ მოქმედებს ავტოტრანსპორტისა და მექანიზმების მართვის უნარზე.
გამოშვების ფორმა: 40მლ ხსნარი მუქი ნარინჯისფერი შეფერილობის პოლიმერული მასალის ან მინის ფლაკონებში;
გაცემის წესი: ფარმაცევტული პროდუქტის III ჯგუფი - (გაცემის რეჟიმი: ურეცეპტოდ).
შენახვის პირობები: ინახება გრილ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.