Magnesii sulfas - მაგნიუმის სულფატი 25% 5მლ. 10 ამპულა

პრეპარატის

მაგნიუმის სულფატი-დარნიცა

(Mაგნესიუმ სულფატე-Dარნიტსა)

სამედიცინო გამოყენების

ინსტრუქცია

ზოგადი დახასიათება:

საერთაშორისო და ქიმიური სახელწოდება: Mაგნესიი სულფას;

ძირითადი ფიზიკურ-ქიმიური თვისებები: გამჭვირვალე უფერო ხსნარი;

შემცველობა: 1 ამპულა (5 მგ) შეიცავს 1 გ ან 1.25 გ მაგნიუმის სულფატს; 1 ამპულა (10 მლ) შეიცავს 2 გ ან 2.5 გ მაგნიუმის სულფატს;

დამხმარე ნივთიერებები: ქლორწყალბადმჟავას ხსნარი, საინექციო წყალი.

გამოშვების ფორმა. საინექციო ხსნარი 20% ან 25%..

ფარმაკოთერაპიული ჯგუფი. დამატებითი ხსნარი ინტრავენური შეყვანისათვის. მაგნიუმის სულფატი. კოდი Aთჩ B05X A05.

ფარმაკოლოგიური თვისებები. მაგნიუმის სულფატი-დარნიცა ორგანიზმზე ახდენს მრავამხრივ მოქმედებას. პარენტერალური შეყვანისას ახდენს დამამშვიდებელ მოქმედებას ცენტრალურ ნერვულ სისტემაზე (დოზის მიხედვით შესაძლოა გამოვლინდეს სედატიური, ძილის ან ნარკოტიკული ეფექტი). თრგუნავს ნერვ-კუნთოვან გამტარობას, ამცირებს სასუნთქი ცენტრის აგზნებადობას, ამცირებს არტერიულ წნევას (განსაკუთრებით არტერიული ჰიპერტენზიის ფონზე), გააჩნია სპაზმოლიზური ეფექტი შარდის შეკავებისას.

ფარმაკოკინეტიკა. მაგნიუმის სულფატი-დარნიცა გამოიყოფა თირკმელებით, დიურეზის გაძლიერებით.

გამოყენების ჩვენებები. პრეპარატი გამოიყენება როგორც დამამშვიდებელი, სპაზმოლიზური, ნაღვლმდენი და კრუნჩხვების საწინააღმდეგო საშუალება. ენიშნებათ პაციენტებს ჰიპერტონიული დაავადების ადრეულ სტადიაში, ჰიპერტონული კრიზის, ათეროსკლეროზის, ტყვიის კოლიკის და შარდის შეკავების დროს, მშობიარობის გაუტკივარების, ორსულების ტოქსიკოზის დროს; ჰიპომაგნიემიის პროფილაქტიკა და მკურნალობა.

გამოყენების წესი და დოზები. I-II სტადიის ჰიპერტონიული დაავადების დროს შეჰყავთ ყოველდღიურად კუნთებში მკურნალობის კურსზე – 15-20 ინექცია. გარდა ამისა არტერიული წნევის დაწევისას შესაძლოა გამოვლინდეს სტენოკარდიის გამოხატულობის შემცირება.

ჰიპერტონული კრიზისას კუნთებში და ვენაში ნაკადად (ნელა) შეჰყავთ 10-20 მლ 20%-25% ხსნარი.

მშობიარობის გაუტკივარებისათვის კუნთებში შეჰყავთ 5-10-20 მლ პრეპარატის 25% ხსნარი, ხოლო საჭიროების შემთხვევაში ხდება მაგნიუმის სულფატი-დარნიცას და ანალგეტიკების კომბინირება.

ორსულთა გვიანი ტოქსიკოზისას 1-2-ჯერ დღე-ღამეში კუნთებში შეჰყავთ 10-20 მლ პრეპარატის 25% ხსნარი (შეიძლება შეუთავსდეს ნეიროლეფსიურებს).

კრუნჩხვით მდგომარეობებში კუნთებში შეჰყავთ 5-10-20 მლ პრეპარატის 25% ხსნარი.

ტყვიის კოლიკის და შარდის შეკავების დროს კუნთებში შეჰყავთ 5-10 მლ 10-20% ხსნარი, ხოლო ვენაში – 5-10 მლ 5% ხსნარი (ასევე ინიშნება ოყნის სახით).

როგორც ნაღვლმდნი საშუალება ინიშნება შიგნით 1 სუფრის კოვზი 20-25% ხსნარი 3-ჯერ დღე-რამეში.

ახალშობილის ორგანიზმში მაგნიუმის დეფიციტის ლიკვიდირებისათვის ინიშნება მაგნიუმის სულფატის 25% ხსნარი 0.5-0.8 მლ/ს.წ.კგ ერთხელ დღეში 5-8 დღის განმავლობაში; ბავშვებში მშობიარობისას მძიმე ჰიპოქსიით შეყვანა იწყება 0.2 მლ/კგ-ით, მე-3-4-ე დღისათვის დოზის მომატებით 0.8 მლ-კგ-მდე.

ბავშვებისათვის სითხეების შიგნით შეყვანისას აუცილებელია მაგნიუმის სულფატის 25% ხსნარის დამატება დღე-ღამის დოზით 0.5-0.75 მოლი/კგ, შესაყვანი ხსნარის მთელს მოცულობაში მისი განზავებით.

გვერდითი მოქმედება. ღებინება, სუნთქვის გაძნელება.

უკუჩვენებები. ჰიპერმგრძნობელობა პრეპარატის მიმართ. არტერიული ჰიპოტენზია, მდგომარეობები, განპირობებული კალციუმის დეფიციტით და სასუნთქი ცენტრის დათრგუნვით, კახექსია. პრეპარატის გამოყენება ორსულობის დროს რეკომენდებული არ არის.

ურთიერთქმედება სხვა სამკურნალო საშუალებებთან. კალციუმის იონები ახდენს ანტაგონისტურ მოქმედებას მაგნიუმის იონების მიმართ.

პერიფერიული მოქმედების მიორელაქსანტებთან ერთად გამოყენებისას ხდება ნერვ-კუნთოვანი გადაცემის დათრგუნვის გაძლიერება.

ჭარბი დოზა. სიმპტომები: სუნთქვის გაძნელება.

მკურნალობა: პრეპარატის ჭარბი დოზის დროს როგორც ანტიდოტი გამოიყენება კალციუმის პრეპარატები – კალციუმის ქლორიდი ან კალციუმის გლუკონატი. ასევე ტარდება ჟანგბადის ან კარბოგენის ინჰალაცია, ფილტვების ხელოვნური ვენტილაცია (ფხვ).

გამოყენების განსაკუთრებულობანი. მშობიარობის გაუტკივარების შემთხვევაში გათვალიწინებული უნდა იყოს საშვილოსნოს კუნთების კუმშვის უნარის დათრგუნვა, როც მოითხოვს მშობიარობის მასტიმულირებელი საშუალებების გამოყენებას.

შენახვის პირობები და ვადები. ინახება მშრალ, სინათლისაგან დაცულ და ბავშვებისათვის მიუწვდომელ ადგილას, ტემპერატურაზე 15-250ჩ.

ვარგისიანობის ვადა – 3 წელი.

გაცემის პირობები. რეცეპტით.

შეფუთვა. საინექციო 20% და 25% ხსნარი 5 მლ და 10 მლ ამპულებში.

მწარმოებელი. დსს ფარმაცევტული ქარხანა “დარნიცა”.

მისამართი. 02093, უკრაინა, ქ. კიევი, ბორისპოლსკაიას ქ. 13.