ალერდექსი თვ.წვ.0.1% 10მლ

საერთაშორისო არაპატენტირებული დასახელება: Dexamethasone.

წამლის ფორმა: თვალის წვეთები, სუსპენზია 0,1%.

შემადგენლობა

პრეპარატის 1 მგ შეიცავს:

აქტიური ინგრედიენტები: დექსამეტაზონი 1 მგ.

დამხმარე ინგრედიენტები: ნატრიუმის ქლორიდი, ნატრიუმის დიჰიდრატის ედეტატი, ბენზალკონიუმის ქლორიდი, ლიმონის მჟავა მონოჰიდრატი, ჰიდროქსიპროპილემეთილცელულოზა, დინატრიუმის ფოსფატი დოდეკაჰიდრატი, პოლისორბატი 80, გასუფთავებული წყალი.

ფარმაკოთერაპიული ჯგუფი

ანთების საწინააღმდეგო პრეპარატი თვალის დაავადებების სამკურნალოდ. კორტიკოსტეროიდული საშუალება.

ათქ კოდი: S01BA01.

ფარმაკოლოგიური თვისებები

გლუკოკორტიკოიდული პრეპარატი ადგილობრივი გამოყენებისთვის ოფთალმოლოგიაში. თრგუნავს ლეიკოციტებისა და ქსოვილური მაკროფაგების ფუნქციებს. ზღუდავს ლეიკოციტების მიგრაციას ანთების მიდამოში. არღვევს მაკროფაგების ფაგოციტოზის უნარს, მათ შორის ინტერლეიკინ 1-ის წარმოშობის მიმართ. ხელს უწყობს ლიზოსომური მემბრანების სტაბილიზაციას, პროტეოლიზური ფერმენტების კონცენტრაციის დაქვეითების მეშვეობით ანთების არეში. ამცირებს ჰისტამინის გამოთავისუფლებით გამოწვეყკუ კაპილარულ გამტარობას. თრგუნავს ფიბრობლასტების აქტივობასა და კოლაგენის წარმოშობას.

იგი აინჰიბირებს ფოსპოლიპაზა A2 ქტივობას, რაც იწვევს პროსტაგლანდინებისა და ლეიკოტრიენების სინთეზის დათრგუნვას. თრგუნავს ციკლოოქსიგენაზის (ცოგ) გამოთავისუფლებას, უმთავრესად ცოგ-2-ის, რაც აგრეთვე ხელს უწყობს პროსტაგლანდინების გამომუშავების შემცირებას.

ამცირებს მოცირკულირე ლიმფოციტების (T- და B-უჯრედების), მონოციტების, ეოზინოფილებისა და ბაზოფილების რიცხვს სისხლძარღვოვანი არხიდან ლიმფოიდურ ქსოვილში მათი გადაადგილების შედეგად; თრგუნავს ანტისხეულების წარმოქმნას. სისხლძარღვებზე უშუალო აპლიკაციისას, ახდენს ვაზოკონსტრიქტორულ ეფექტს. ადგილობრივი გამოყენებისას, დექსამეტაზონის თერაპიული აქტივობა განპირობებულია ანთებისაწინააღმდეგო, ალერგიის საწინააღმდეგო და ანტიექსუდაციური მოქმედებით.

ჩვენებები

ნაჩვენებია სტეროიდებით თერაპიას დაქვემდებარებული კონიუქტივის, რქოვანასა და თვალის წინა სეგმენტის არაინფექციური ანთებითი მდგომარეობების მკურნალობისთვის, როგორიცაა:

წინა უვეიტი
თვალის ფერადი გარსის ანთება
თვალის წამწამის სხეულის ანთება
ალერგიული კონიუქტივიტი
გაზაფხულის კონიუქტივიტი
სარტყლისებრი ჰერპესი, თვალის დაზიანებით
ზედაპირული წერტილოვანი კერატიტი
არასპეციფიური ზედაპირული კერატიტი

აგრეთვე, ნაჩვენებია ქიმიური, რადიაციული ან თერმული დამწვრობისას ან თვალში უცხო სხეულის მოხვედრით მიღებული ტრავმების, მათ შორის რქოვანას ტრავმების სამკურნალოდ.

ნაჩვენებია ოპერაციის შემდგომი გამოყენებისთვის, ანთებითი რეაქციების შესამცირებლად და ტრანსპლანტანტის რეაქციის დასათრგუნად.

დოზირების რეჟიმი

მოზრდილები, მოზარდები და ბავშვები.

სუსპენზიის ჩაწვეთების სიხშირე და მკურნალობის ხანგრძლივობა დამოკიდებულია დაავადების სიმძიმესა და მკურნალობის შედეგზე.

მწვავე ანთებების დროს გამოიყენება 1 ან 2 წვეთი ყოველ 30-60 წუთში გამოჯანმრთელებამდე.

თუ სიმპტომების გაუმჯობესება არ შეინიშნება, განიხილული უნდა იქნას სუბკონიუქტივალური და სისტემური სტეროიდული თერაპიისჩატარების შესაძლებლობა.

გამოჯანმრთელების ნიშნების გამოვლენისას, დოზა უნდა შემცირდეს 1 წვეთამდე ყოველ 4 საათში.

გვერდითი მოქმედებები

ალერგიის შესაძლო გამოვლინებები.

უკუჩვენებები

ჩუტყვავილას ვაქცინაცია, ჩუტყვავილა ან რქოვანასა და კონიუქტივის სხვა ინფექციური დაავადებები (გარდა სარტყლისებრი ჰერპესისა თვალის დაზიანებით);
მარტივი ჰერპესული კერატიტი;
თვალის სტრუქტურების სოკოვანი დაზიანებები;
თვალის მიკობაქტერიული ინფექციები;
არანამკურნალები მწვავე ბაქტერიული ინფექციები;
მომატებული მგრძნობელობა დექსამეტაზონის ან ნებისმიერი შემადგენელი დამხმარე ნივთიერებების მიმართ.

ორსულობა და ლაქტაცია

ალერდექსის გამოყენება 0,1%-იანი თვალის სუსპენზიის ფორმით ორსულობისა და ლაქტაციის (ძუძუთი კვების) პერიოდში, შესაძლებელია მხოლოდ იმ შემთხვევაში, როდესაც დედისთვის სავარაუდო სარგებელი აღემატება ნაყოფისთვის ან ჩვილისთვის პოტენციურ რისკს.

გავლენა სატრანსპორტო საშუალებების მართვასა და სპეციალურ დანადგარებთან მუშაობაზე

პრეპარატის ჩაწვეთების შემდეგ ცრემლდენის შესაძლებლობის გამო, არ უნდა გამოიყენოთ პრეპარატი უშუალოდ სატრანსპორტო საშუალების მართვის ან მექანიზმებთან მუშაობის წინ.

განსაკუთრებული მითითებები

პრეპარატის განმეორებითმა ან ხანგრძლივმა გამოყენებამ შეიძლება გამოიწვიოს თვალის ჰიპერტენზია ზოგიერთ პაციენტებში.

არ გამოიყენოთ პრეპარატი კონტაქტური ლინზების ტარებისას. პრეპარატის ჩაწვეთების წინ უნდა მოიხსნას ლინზები; მათი ჩასმა შესაძლებელია ჩაწვეთებიდან 15 წუთის შემდეგ.

დოზის გადაჭარბება

დექსამეტაზონს გააჩნია ფართო თერაპიული ინდექსი.

დოზის გადაჭარბების სიმპტომია ადგილობრივი გვერდითი რეაქციების გაძლიერება. დოზის გადაჭარბების რაიმე სისტემური რეაქციები ცნობილი არ არის.

მკურნალობა: სიმპტომური. ალერდექსის ადგილობრივი გამოყენებისას სპეციფიური ანტიდოტი არ არსებობს. შემთხვევითი ან განზრახული დოზის გადაჭარბებისას უნდა მიმართოთ ექიმს.

სხვა წამლებთან ურთიერთქმედება

ალერდექსის 0,1%-იანი თვალის სუსპენზიის ფორმით ადგილობრივი გამოყენებისას, პრეპარატის ურთიერთქმედება სხვა სამკურნალო საშუალებებთან არ აღინიშნება.

აფთიაქიდან გაცემის პირობა

ფარმაცევტული პროდუქტის ჯგუფი III, გაიცემა რეცეპტის გარეშე.

შენახვის პირობები და ვარგისობის ვადა

ვარგისობის ვადა 3 წელი დახურულ ორიგინალურ შეფუთვაში შენახვისას.

ფლაკონის გახსნის შემდეგ, თვალის წვეთები უნდა გამოიყენოთ 4 კვირის განმავლობაში.

შეინახეთ ტემპერატურაზე არაუმეტეს 25°C სინათლისგან დაუცულ ადგილას (ორიგინალურ შეფუთვაში).

შეინახეთ ბავშვებისათვის მიუწვდომელ ადგილას.

გამოშვების ფორმა და შეფუთვა

პოლიმერული ფლაკონი-წვეთოვანი, რომელიც შეიცავს 5 მლ ან 10 მლ ხსნარს და ინსტრუქციას დასაკეც მუყაოს კოლოფში.

მწარმოებელი