Augmentin - აუგმენტინი 1გ 14 ტაბლეტი

აუგმენტინი 875 მგ/ 125 მგ გარსით დაფარული ტაბლეტები

ამოქსიცილინი/კლავულანის მჟავა

პრეპარატის მიღებამდე ყურადღებით წაიკითხეთ დანართი ფურცელი

- შეინახეთ ეს დანართი ფურცელი, შეიძლება ისევ დაგჭირდეთ მისი გადაკითხვა. 

- დამატებითი კითხვების შემთხვევაში მიმართეთ თქვენს ექიმს ან ფარმაცევტს.

- ეს პრეპარატი  დაგენიშნათ თქვენ. არ გადასცეთ ის სხვა პირებს. ამან შეიძლება ზიანი მიაყენოს მათ (იმ შემთხვევაშიც კი, თუ მათი სიმპტომები გავს თქვენსას. 

- თუ რომელიმე გვერდითმა მოვლენამ მიიღო სერიოზული ხასიათი, ან შენიშნეთ ისეთი გვერდითი მოვლენები, რომლებიც არ არის აღწერილი ამ დანართ ფურცელში,  მიმართეთ თქვენს ექიმს, ან ფარმაცევტს.

დანართ ფურცელში მოცემულია: 

1. რა არის აუგმენტინი და  რისთვის გამოიყენება
2. აუგმენტინის მიღებამდა
3. როგორ მივიღოთ აუგმენტინი
4. შესაძლო გვერდითი მოვლენები
5. აუგმენტინის შენახვის პირობები
6. დამატებითი ინფორმაცია   

1.   რა არის აუგმენტინი და რისთვის გამოიყენება

აუგმენტინი ანტიბიოტიკია, რომლის მოქმედების მექანიზმიც წარმოადგენს ინფექციური დაავადებების გამომწვევი ბაქტერიების გაუვნებელყოფას. ის შეიცავს ორ მოქმედ ნივთიერებას - ამოქსიცილინს და კლავულანის მჟავას. ამოქსიცილინი მიეკუთვნება პენიცილინების ჯგუფის პრეპარატს, რომლის მოქმედებაც ზოგჯერ შეიძლება იყოს  ბლოკირებული (ინაქტივირებული). 

მეორე მოქმედი ნივთიერება (კლავულანის მჟავა) ხელს უშლის ამ მოვლენას.

აუგმენტინი გამოიყენება ზრდასრულებსა და ბავშვებში შემდეგი ინფექციების სამკურნალოდ:

·       ყურისა და სინუსის ღრუს ინფექციები;

·       სასუნთქი გზების ინფექციები;

·       საშარდე გზების ინფექციები;

·       კანისა და რბილი ქსოვილების, მათ შორის სტომატოლოგიური ინფექციები;

·       ძვლებისა და სახსრების ინფექციები.

აუგმენტინი — რა უნდა ვიცოდეთ ბაქტერიული დაავადებების სამკურნალო პრეპარატზე იხილეთ ბლოგი.

2.   აგუმენტინის გამოყენებამდე

არ მიიღოთ აუგმენტინი

·       თუ ხართ ალერგიული (ჰიპერმგრძნობიარე) ამოქსაციკლინის, კლავულანის მჟავას, პენიცილინის, ან აუგმენტინის ნებისმიერი სხვა შემადგენელი ნივთიერების მიმართ (ჩამოთვლილი ნაწილში 6).

·       თუ გქონდათ ალერგიული რეაქცია (ჰიპერმგრძნობელობა) ნებისმიერი სხვა 

ანტიბიოტიკის მიმართ. ეს მოიცავს გამონაყარს კანზე,  სახის, ან ყელის შეშუპებას.

·       თუ ადრე გქონდათ დარღვევები ღვიძლის მხრივ, ან სიყვითლე (კანის გაყვითლება) ანტიბიოტიკების გამოყენებისას.

არ მიიღოთ აუგმენტინი თუ რომელიმე ზემოაღნიშნული გეხებათ თქვენ.

თუ რაიმეში არ ხართ დარწმუნებული აუგმენტინის მიღებამდე მიმართეთ თქვენს ექიმს, ან ფარმაცევტს. 

გამოიჩინეთ განსაკუთრებული სიფრთხილე აუგმენტინის გამოყენებისას 

პრეპარატის გამოყენებამდე აცნობეთ თქვენს ექიმს, ან ფარმაცევტს, თუ:

• გაქვთ ინფექციური მონონუკლეოზი
• მკურნალობთ ღვიძლის ან თირკმელების დაავადებებს;
• გაქვთ არარეგულარული შარდვა. 
 თუ არ ხართ დარწმუნებული ზემოთ ჩამოთვლილი გეხებათ თუ არა თქვენ, აუგმენტინის მიღებამდე მიმართეთ ექიმს, ან ფარმაცევტს.

ზოგიერთ შემთხვევაში ექმმა შეიძლება დაგინიშნოთ გამოკვლევა ინფექციის გამომწვევი ბაქტერიების სახეობის დასადგენად. შედეგების მიხედვით ექიმი დაგინიშნავთ აუგმენტინის საჭირო დოზას, ან სხვა პრეპარატს. 

მდგომარეობები, რომელთაც ესაჭიროებათ განსაკუთრებული ყურადღება

აუგმენტინმა შესაძლოა გააუარესოს ზოგიერთი არსებული მდგომარეობა, ან გამოიწვიოს გვერდითი მოვლენების განვითარება. ეს მოიცავს ალერგიულ რეაქციებს, კრუნჩხვებს და მსხვილი ნაწლავის ანთებას. აუგმენიტინის გამოყენებისას საჭიროა ზოგიერთი სიმპტომის ნიშნების კონტროლი, რათა მინიმუმამდე იქნას დაყვანილი გართულებათა რისკი. იხილეთ “მდგომარეობები, რომელთაც ესაჭიროებათ განსაკუთრებული ყურეადღება” ნაწილში 4.

სისხლისა და შარდის ანალიზები 

თუ აპირებთ სისხლის (მაგალითად სისხლის წითელი უჯრედების ან ღვიძლის ფუნქციის ანალიზი), ან შარდის (გლუკოზის განსაზღვრისას) ანალიზის გაკეთებისას, აცნობეთ თქვენს ექიმს, ან მედდას რომ თქვენ ღებულობთ აუგმენტინს. ამის გაკეთება საჭიროა, რადგან აუგმენტინმა შესაძლოა გავლენა მოახდინოს ანალიზის შედეგებზე.  

გამოყენება სხვა სამკურნალო საშუალებეთან 

აცნობეთ თქვენს ექიმს, ან ფარმაცევტს, თუ იღებთ, ან ახლო წარსულში იღებდით სხვა სამკურნალო საშუალებებს, მათ შორის ურეცეპტოდ გასაცემ პრეპარატებს და მცენარეულ საშუალებებს. 

აუგმენტინთან ერთად ალოპურინოლის გამოყენებისას (გამოიყენება პოდაგრის დროს), იზრდება კანის მხრივ ალერგიული რეაქციების განვითარების რისკი. 

თუ იღებთ პრობენეციდს (გამოიყენება პოდაგრის დროს), ექიმმა შესაძლოა მოახდინოს აუგმენტინის დოზის კორექცია. 

თუ აუგმენტინი გამოიყენება ისეთ პრეპარატებთან ერთად, რომლებიც ხელს უშლიან თრომბის წარმოქმნას (მაგალითად ვარფარინი), საჭიროა სისხლის დამატებითი ანალიზების ჩატარება. 

აუგმენტინმა შეიძლება გავლენა მოახდინოს მეტოტრექსატის (გამოიყენება კიბოს, ან რევმატიული დაავადებების სამკურნალდ) მოქმედებაზე.

ორსულობა და ლაქტაცია 

თუ ხართ ორსულად, ან ფიქრობთ, რომ შეიძლება იყოთ ორსულად, ან ხართ ლაქტაციის პერიოდში, აცნობეთ ამის შესახებ თქვენს ექიმს, ან ფარმაცევტს. 

ნებისმიერი პრეპარატის მიღებამდე კონსულტაციისათვის მიმართეთ თქვენს, ექიმს ან ფარმაცევტს.

სატრანსპორტო საშუალებების მართვა და მექანიზმებთან მუშაობა

აუგმენტინმა შესაძლოა გამოიწვიოს გვერდითი მოვლენები და სიმპტომებმა შესაძლოა გავლენა იქნონიონ მართვის უნარზე. 

არ მართოთ სატრანსპორტო საშუალება, ან იმუშაოთ მექნიზმებთან, თუ თავს კარგად არ გრძნობთ.

3. როგორ მივიღოთ აუგმენტინი

ყოველთვის მიიღეთ აუგმენტინი ზუსტად ექიმის დანიშნულების შესაბამისად. თუ რაიმეში არ ხართ დარწმუნებული, კონსულტაციისათვის  მიმართეთ თქვენს ექიმს, ან ფარმაცევტს. 

ზრდასრულები და ბავშვები სხეულის მასისთ 40 კგ 

·       ჩვეული დოზა – 1 ტაბლეტი ორჯერ დღეში.

·       გაზრდილი დოზა – 1 ტაბლეტი სამჯერ დღეში. 

ბავშვები სხეულის მასით 40 კგ-ზე ნაკლები

6 წელზე უმცროსი ასაკის ბავშვებში უმჯობესია მკურნალობა ჩატარდეს აუგმენტინის პერორალური სუსპენზიით ან პაკეტებით. 

40 კგ-ზე ნაკლები წონის ბავშვებში აუგმენტინის გამოყენებამდე აუცილებელია კონსულტაცია ექიმთან ან ფარმაცევტთან. 

კონსულტაციისათვის მიმართეთ ექიმს, ან ფარმაცევტს, თუ აუგმენტინი უნდა მიიღოს ბავშვმა რომელთა სხეულის მასა ნაკლებია 40-ზე.

ტაბლეტები არ გამოიყენება ბავშვებში სხეულის 25კგ-ზე ნაკლები სხეულის მასით.  

პაციენტები თირკმლის ან ღვიძლის ფუნქციის დარღვევით

·       თუ გაქვთ თირკმლის ფუნქციის დარღვევა, შესაძლოა საჭირო გახდეს დოზის კორექცია. ექიმმა შესაძლოა დაგინიშნოთ პრეპარატის სხვა დოზა, ან სხვა პრეპარატი.

·       თუ გაქვთ ღვიძლის ფუნქციის დარღვევა, შესაძლოა საჭირო გახდეს სისხლის ანალიზების ხშირად ჩატარება ღვიძლის ფუნქციონირების მონიტორინგისათვის. 

აუგმენტინის მიღების წესი

·       ტაბლეტი მიიღება მთლიანად, ჭიქა წყლის დაყოლებით ჭამის წინ, ან ჭამის დასრულებისთანავე. 

·       გადაყლაპვის გასაადვილებლად შესაძლებელია ტაბლეტის გაყოფა გამყოფი ხაზის საშუალებით. ტაბლეტის ორივე ნაწილი მიიღება ერთმანეთის მიყოლებით. 

·       დოზების მიღება უნდა მოხდეს თანაბარი ინტერვალით დღის განმავლობაში, მიღებებს შორის ინტერვალი უნდა იყოს სულ მცირე 4 საათი. არ მიიღოთ 2 დოზა ერთი საათის განმავლობაში.

·       არ მიიღოთ აუგმენტინი ორ კვირაზე მეტ ხანს. თუ გაუმჯობესებას ვერ იგრძნობთ, მიმართეთ თქვენს ექიმს.

თუ მიიღეთ აუგმენტინის ჭარბი დოზა

აუგმენტინის ჭარბი დოზის მიღებისას შეიძლება განვითარდეს დისკომფორტი მუცელლის არეში (გულისრევა, ღებინება, ან ფაღარათი), ან კრუნჩხვები. 

დაუყოვნებლივ მიმართეთ ექიმს. თან იქონიეთ პრეპარატის კოლოფი, ან ფლაკონი, რათა აჩვენოთ ექიმს. 

თუ დაგავიწყდათ აუგმენტინის მიღება

თუ დაგავიწყდათ დოზის მიღება, მიიღეთ ის გახსენებისთანავე. შემდეგი დოზა არ მიიღოთ მალევა, დაიცადეთ 4 საათი შემდეგი დოზის მიღებამდე.

თუ შეწყვიტეთ აუგმენტინის მიღება

აუგმენტინის უნდა მიიღოთ მკურნალობის დასრულებამდე იმ შემთხვევაშიც კი, თუ თავს უკეთ გრძნობთ. ინფექციასთან საბრძოლველად აუცილებელია ყოველი დანიშნული დოზის მიღება. თუ ორგანზმში ბაქტერია დარჩა, დაავადება შეიძლება განმეორდეს. 

ამ პრეპარატთან დაკავშირებით დამატებითი კითხვების შემთხვევაში მიმართეთ თქვენს ექიმს ან ფარმაცევტს. 

4. შესაძლო გვერდითი მოვლენები

სხვა პრეპარატების მსგავსად,  აუგმენტინმაც შესაძლოა გამოიწვიოს გვერდითი მოვლენები, თუმცა არა ყველა ადამიანში.

მდგომარეობები, რომელთაც ესაჭიროებათ განსაკუთრებული ყურეადღება 

ალერგიული რეაქციები:

·       გამონაყარი კანზე

·       სახსრების ანთება (ვასკულიტი), რომელიც ვიზუალურად წითელი, ან იასამნისფერი ლაქების სახით ვლინდება კანზე და შეიძლება გავლენა მოახდინოს სხეულის სხვა ნაწილებზე

·       ცხელება, სახსრების ტკივილი, ლიმფური ჯირკვლების შეშუპება კისრის არეში, იღლიის (იღლია), ან საზარდულის არეში 

·       შეშუპება, ზოგჯერ სახის ან პირის ღრუს (ანგიონევროზული შეშუპება), რაც იწვევს სუნთქვის გაძნელებას

·       კოლაფსი.

ნებისმიერი ამ სიმპტომის გამოვლენისას დაუყოვნებლივ მიმართეთ ექიმს. შეწყვიტეთ აუგმენტინის მიღება.

მსხვილი ნაწლავის ანთება

მსხვილი ნაწლავის ანთება იწვევს წლისებურ ფაღარათს ჩვეულებრივ სისხლით და ლორწოთი, მუცლის ტკივილს და/ან ცხელებას.

ამ სიმპტომების გამოვლენისას  დაუყოვნებლივ მიმართეთ ექიმს რჩევისათვის. 

ძალიან ხშირი გვერდითი მოვლენები

ვლინდება 10-დან 1-ზე მეტ პაციენტში 

·       ფაღარათი (ზრდასრულებში). 

ხშირი გვერდითი მოვლენები

ვლინდება 10-დან 1 პაციენტში

·       კანდიდოზი (ჩანდიდა – ვაგინის, პირის ღრუს, ან კანის ნაკეცებში განვითარებული სოკოვანი ინფექციური დაავადება) 

·       გულისრევის შეგრძნება (გულისრევა), განსაკუთრებით მაღალი დოზების მიღებისას

ასეთ შემთხვევაში აუგმენტინი მიიღეთ ჭამის წინ

·       ღებინება

·       ფაღარათი (ბავშვებში)

არახშირი გვერდითი მოვლენები

ვლინდება 100-დან 1 პაციენტში

·       გამონაყარი, ქავილი

·       ურტიკარია (გამონაყარი ქავილით) 

·       დისპეპსია

·       თავბრუსხვევა

·       თავის ტკივილი

არახშირი გვერდითი მოვლენები სისხლის მხრივ:

·       ღვიძლში წარმოქმნილი ზოგიერთი ქიმიური ნივთიერების (ფერმენტის) მომატებული რაოდენობა.

იშვიათი გვერდითი მოვლენები

ვლინდება 1,000-დან 1 პაციენტში

·       გამონაყარი, რომელიც შეიძლება იყოს ვეზიკულარული და გავდეს პატარა ლაქებს (მუქი ლაქები ცენტრში, გარშემო უფრო ღია ფერის ზონით, რომელიც შემოსაზღვრულია მუქი რგოლით კიდეებზე – მულტიფორმული ერითემა)

ნებისმიერთი ზემოაღნიშნული სიმპტომის გამოვლენისას დაუყოვნებლივ მიმართეთ ექიმს.

იშვიათი გვერდითი მოვლენები სისხლის მხრივ 

·       სისხლის შედედების პროცესში მონაწილე უჯრედების შემცირებული რაოდენობა,

·       სისხლის თეთრი უჯრედების რაოდენობის შემცირება 

სხვა გვერდითი მოვლენები

სხვა გვერდითი მოვლენები გამოვლინდა ადამიანთა ძალიან მცირე ნაწიში, მაგრამ მათი გამოვლენის ზუსტი სიხშირე უცნობია.

·       ალერგიული რეაქციები (იხ. ზევით)

·       ნაწლავთა ანთება (იხ. ზევით)

·       მძიმე რეაქციები კანის მხრივ:

- გამონაყარი კანის ფართო მონაკვეთზე ბუშტუკებით და კანის აქერცვლით,

    განსაკუთრებით პირის, ცხვირის, თვალებისა და სასქესო ორგანოების გარშემო

   (სტივენს-ჯონსონის სინდრომი) და უფრო მძიმე ფორმა, რაც იწვევს კანის

   ძლიერ აქერცვლას (სხეულის ზედაპირის 30%-ზე მეტი – ტოქსიკური

   ეპიდერმული ნეკროლიზი);

- გამონაყარი კანის ფართო მონაკვეთზე სიწითლით და ჩირქიანი ბუშტუკებით     

  (ბულოზური ექსფოლიაციური დერმტიტი);

- წითელი, ქერცლოვანი გამონაყარი, კანქვეშა კვანძებით და ბუშტუკებით (ეგზანთემატოზური პუსტულოზი) 

ამ სიმპტომებიდან ნებისმიერის გამოვლენის შემთხვევაში დაუყოვნებლივ მიმართეთ ექიმს.

·       ღვიძლის ანთება (ჰეპატიტი)

·       სისხლში ბილირუბინის (ღვიძლში გამომუშავებული ნივთიერება) მომატების გამო განვითარებული სიყვითლე, რაც იწვევს კანის და თვალების გაყვითლებას

·       თირკმლის არხების ანთება

·       სისხლის შედედების შენელება

·       ჰიპერაქტივობა

·       კრუნჩხვები (ადამიანებში, რომებიც იღებენ აუგმენტინს მაღალი დოზებით, ან თირკმლის ფუნქციის დარღვევის მქონე ადამიანებში)

·       ენის გაშავება. 

·       კბილებზე ნადები (ბავშვებში), რომელიც შორდება გამოხეხვის შემდეგ. 

გვერდითი მოვლენები სისხლის, ან შარდის მხრივ

·       სისხლის თეთრი უჯრედების რაოდენობის მკვეთრი შემცირება

·       სისხლის წითელი უჯრედების რაოდენობის შემცირება (ჰემოლიზური ანემია)

·       კრისტალები შარდში.

გვერდითი მოვლენების განვითარების შემთხვევაში

მიმართეთ თქვენს ექიმს, ან ფარმაცევტს, თუ რომელიმე გვერდითი მოვლენა გახდა სერიოზული, ან საგანგაშო, ან თუ შენიშნეთ ისეთი გვერდითი მოვლენები,  რომლებიც არ არის აღწერილი ამ დანართ ფურცელში.

5. აუგმენტინის შენახვის პირობები

შეინახეთ ბავშვებისათვის მიუწვდომელ ადგილას.

არ გამოიყენოთ აუგმენტინი შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადა ეხება თვის ბოლო დღეს.  

ბლისტერზე არსებული ტაბლეტები მოთავსებული დამცავ ალუმინის პაკეტში, რომელიც შეიცავს ნესტისაგან დამცავ ნივთიერებას, უნდა იქნას გამოყენებული დამცავი პაკეტის გახსნიდან 30 დღის განმავლობაში.

ტაბლეტები შეინახეთ არაუმეტეს 25°C ტემპერატურისა ორიგინალ შეფუთვაში ნესტისაგან დასაცავად. 

არ გამოიყენოთ პრეპარატი დაზიანების ნიშნების არსებობის შემთხვევაში.

არ გადაყაროთ პრეპარატები გამდინარე წყალში, ან საყოფაცხოვრებო ნარჩენებთან ერთად. გამოუსადეგარი პრეპარატის განადგურების შესახებ რჩევისათვის მიმართეთ ფარმაცევტს. ეს ზომები დაიცავს გარემოს დაბინძურებისაგან.  

6. დამატებითი ინფორმაცია   

რას შეიცავს აუგმენტინი

-      მოქმედი ნივთიერებებია ამოქსიცილინი და კლავულანის მჟავა. თითოეული შემოგარსული ტაბლეტი შეიცავს 875 მგ ამოქსიცილინის ამოქსიცილინის ტრიჰიდრატის სახით და 125 მგ კლავულანის მჟავას კალიუმის კლავულანის სახით. 

-    სხვა ნივთიერებებია ტაბლეტის ბირთვი – მაგნიუმის სტეარატი, ნატრიუმის სახამებელი ტიპი A, კაჟბადის უწყლო კოლოიდური დიოქსიდი, მიკროკრისტალური ცელულოზა. გარსი – ტიტანის დიოქსიდი (E171), ჰიპრომელოზა 5ცპს, ჰიპრომელოზა 15ცპს, მაკროგოლი 4000, მაკროგოლი 6000), დიმეთიკონი. 

აუგმენტინის გარეგანი ფორმა და შეფითვის შემადგენლობა

აუგმენტინის  875 მგ / 125 მგ ტაბლეტს აქვს კაფსულის ფორმა, არის თეთრი, ან თითქმის თეთრი, გამყოფი ხაზით და გრავირებით Aჩ ერთ მხარეს. გამყოფი ხაზი განკუთვნილია მხოლოდ ტაბლეტის გადაყლაპვის გაადვილების მიზნით გასაყოფად და არა ტაბლეტის ორ თანაბარ ნაწილად გასაყოფად. 

აუგმენტინის 875 მგ / 125 ტაბლეტები მოთავსებულია ბლისტერზე, რომელიც თავის მხრივ მოთავსებულია დამცავ ალუმინის პაკეტში და შემდეგ მუყაოს კოლოფში და შეფუთვაში არის 14 შემოგარსული ტაბლეტი, ან მუყაოს კოლოფში მოთავსებულია 2, 4, 10, 12, 14 16, 20, 24, 30, 100, ან 500 შემოგარსული ტაბლეტი ბლისტერზე.

ყველა ზომის შეფუთვა შეიძლება არ იყოს მარკეტიზებული.

ასევე, იხილეთ : Augmentin - აუგმენტინი 625მგ 14 ტაბლეტი