Xylometazoline - ქსილომეტაზოლინი ცხვირის წვეთები 0.1% 10მლ

სავაჭრო დასახელება: ქსილომეტაზოლინი 

საერთაშორისო არაპატენტირებული დასახელება: ქსილომეტაზოლინი

სამკურნალწამლო ფორმა: ცხვირის წვეთები

შემადგენლობა
1მლ პრეპარატი შეიცავს:
აქტივირებული ნივთიერება:
ქსილომეტაზოლინის ჰიდროქლორიდი 1,0 მგ
დამხმარე ნივთიერებები:
ბენზალკონიუმის ქლორიდი 0,15 მგ
დინატრიუმის ედეტატის დიჰირატი (ტრილონ B) 0,5 მგ
ნატრიუმის ჰიდროფოსფატის დიჰიდრატი 3,54 მგ
კალიუმის დიჰიდროფოსფატი 3,63 მგ
ნატრიუმის ქლორიდი 9,0 მგ
საინექციო წყალი 1 მლ-მდე

აღწერილობა
გამჭვირალე უფერო ან ღია ყვითელი სითხე.

ფარმაკოთერაპიული ჯგუფი
შეგუბების საწინააღმდეგო საშუალება - ალფა-ადრენომიმეტური საშუალება.

ფარმაკოლოგიური თვისებები
ფარმაკოდინამიკა
ქსილომეტაზოლინი მიეკუთვნება ადგილობრივი სისხლძარღვთა შემავიწროებელი საშუალებების ჯგუფს (დეკონგესტანტები). α2-ადრენომიმეტური მოქმედებით. ახდენს სწრაფ, გამოხატულ და ხანგრძლივ სისხლძარღვთა შემავიწროებელ მოქმედებას ცხვირის ღრუს ლორწოვან გარსზე, ამგვარად ხსნის მის შეშუპებას და ჰიპერემიას. აღადგენს ცხვირის ღრუების გამავლობას, აუმჯობესებს ცხვირით სუნთქვას რინიტის დროს.
თერაპიულ კონცენტრაციებში არ აღიზიანებს ცხვირის ღრუს ლორწოვან გარსს, არ იწვევს ჰიპერემიას. მოქმედება იწყება რამდენიმე წუთის შემდეგ და გრძელდება 10-12 საათის განმავლობაში.

ფარმაკოკინეტიკა
ადგილობრივი გამოყენებისას პრაქტიკულად არ შეიწოვება, პლაზმაში კონცენტრაცია იმდენად დაბალია, რომ შეუძლებელია განსაზღვრა თანამეროვე ანალიზის მეთოდებით.

მიღების ჩვენება
- მწვავე რესპირატორული დაავადებები რინიტის (სურდოს) მოვლენებით, მწვავე ალერგიული რინიტი, პოლინოზი, სინუსიტი, ევსტახიტი, შუა ოტიტი (ცხვირ-ხახის ლორწოვანი გარსის შეშუპების შემცირებისთვის)
- ავადმყოფის მომზადება ცხვირის ღრუებზე დიაგნოსტიკური მანიპულაციებისთვის.

უკუჩვენება

- მომატებული მგრძნობელობა პრეპარატის კომპონენტების მიმართ;
- არტერიული ჰიპერეტნზია;
- ტაქიკარდია
- გამოხატული ათეროსკლეროზი;
- გლაუკომა;
- ატროფიული რინიტი;
- ჰიპერთირეოზი;
- ტვინის გარსებზე ქირურგიული ჩარევა (ანამნეზში);
- ტრანსსფენოიდალური ჰიპოფიზექტომიის შემდგომი მდგომარეობა;
- ბავშვთა ასაკი 6 წლამდე;
- ორსულობა.
გამოყენება არ შეიძლება მონოამინოოქსიდაზას (მაო) ინჰიბიტორებით და ტრიციკლური ანტიდეპრესანტებით თერაპიისას, აგრეთვე სხვა პრეპარატების მიღებისას, რომლებიც იწვევს არტერიული წნევის მომატებას.

სიფრთხილით
შაქრიანი დიაბეტი, წინამდებარე ჯირკვლის ჰიპერპლაზია, გულის იშემიური დაავადება (სტენოკარდია), ფეოქრომოციტომა, ლაქტაციის პერიოდი, მომატებული მგრძნობელობა ადრენერგული პრეპარატების მიმართ, რასაც ახლავს უძილობა, თავბრუსხვევა, არითმია, ტრემორი, არტერიული წნევის მომატება.

გამოყენება ორსულობის და ძუძუთი კვების პერიოდში
პრეპარატის გამოყენება ორსულობის დროს უკუნაჩვენებია.
ძუძუთი კვების პერიოდში გამოყენება შესაძლებელია მკურნალი ექიმის დანიშნულებით თუ დედისთვის მოსალოდნელი სარგებელი აჭარბებს ბავშვში გვერდითი ეფექტების განვითარების რისკს.

გამოყენების მეთოდი და დოზირება
ინტრანაზალურად (თითოეულ ნესტოში).
მოზრდილებში და 6 წელზე უფროსი ასაკის ბავშვებში - 2-3 წვეთი თითო ნესტოში 2-3-ჯერ დღეში (აუცილებლობისას შეიძლება გამეორება); გამოყენება არ შეიძლება დღეში 3-ჯერზე მეტად. პრეპარატი გამოიყენება არაუმეტეს 7 დღის განმავლობაში.

გვერდითი ეფექტები
ხშირი და/ან ხანგრძლივი გამოყენებისას - ცხვირ-ხახის ლორწოვანი გარსის გაღიზიანება და/ან სიმშრალე, წვა, ჩხვლეტა, ცემინება, ცხვირ-ხახის ლორწოვანი გარსის ჰიპერსეკრეცია, მომატებული მგრძნობელობის რეაქცია, ცხვირის ღრუს ლორწოვანი გარსის შეშუპება, გულისცემის გახშირება, ტაქიკარდია, არითმია, არტერიული წნევის მომატება, თავის ტკივილი, გულისრევა, ღებინება, უძილობა, მხედველობის დარღვევა, დეპრესია (მაღალი დოზების ხანგრძლივი გამოყენებისას).
თუ რომელიმე აღნიშნული ეფექტი ღრმავდება ან შენიშნავთ ნებისმიერ სხვა გვერდით ეფექტს, რომელიც ინსტრუქციაში აღნიშნული არ არის, მიმართეთ ექიმს.

ჭარბი დოზირება
გვერდითი ეფექტების გაძლიერება (დოზა დამოკიდებული), სხეულის ტემპერატურის დაქვეითება, ცნობიერების დაბინდვა. შემთხვევით შიგნით მიღებისას პრეპარატმა შეიძლება გამოიწვიოს: ძლიერი თავბრუსხვევა, მომატებული ოფლიანობა, თავის ტკივილი, ბრადიკარდია, არტერიული წნევის მომატება, სუნთქვის დათრგუნვა, კომა და კრუნჩხვები; არტერიული წნევის მომატების შემდეგ შეიძლება აღინიშნოს მისი მკვეთრი დაქვეითება.
მკურნალობა სიმპტომურია.

ურთიერთქმედება სხვა სამკურნალო საშუალებებთან
ქსილომეტაზოლინის და მონოამინოოქსიდაზას (მაო) ინჰიბიტორების და ტრიციკლური ანტიდეპრესანტების ერთად გამოყენებამ შეიძლება გამოიწვიოს არტერიული წნევის მომატება, ამიტომ მოცემული საშულებების ერთად მიღება რეკომენდებული არ არის.
გამოყენებამდე საჭიროა ცხვირის გზების გასუფთავება.
არ შეიძლება პრეპარატის რეკომენდებული დოზის გადაჭარბება და ხანგრძლივად (7 დღეზე დიდხანს) გამოყენება. 7 დღეზე დიდხანს პრეპარატის გამოყენებამ შეიძლება გამოიწვიოს “რიკოშეტის” ეფექტი (მედიკამენტოზური რინიტი).
პრეპარატის ხანგრძლივი გამოყენებისას იზრდება ცხვირის ლორწოვანი გარსის რეაქტიული ჰიპერემიის და ატროფიის განვითარების რისკი.
რადგან კონსერვანტის სახით პრეპარატი შეიცავს ბენზალკონიუმის ქლორიდს, განსაკუთრებით ხანგრძლივი გამოყენებისას (7 დღეზე დიდხანს) შეიძლება განვითარდეს ცხვირის ღრუს ლორწოვანი გარსის შეშუპება. მსგავს რეაქციაზე ეჭვისას (ცხვირის გაჭედვა) შესაძლებლობის შემთხვევაში აუცილებელია სამკურნალო საშუალების მიღება, რომელიც კონსერვანტებს არ შეიცავს. თუ ამგვარი სამკურნალო საშუალება არ არსებობს, აუცილებელია სხვა სამკურნალწამლო ფორმის გამოყენება.
“გაციებითი” დაავადებებისას, იმ შემთხვევებში, როდესაც ცხვირში არის ქერქოვანი წარმონაქმნები, უმჯობესია გელის სახით დანიშვნა.

გავლენა სატრანსპორტო საშუალებების და მექანიზმების მართვის უნარზე
ქსილომეტაზოლინმა შეიძლება გავლენა მოახდინოს სატრანსპორტო საშუალებების ან მექანიზმებთან მართვის უნარზე.
პრეპარატით მკრუნალობისას საჭიროა სიფრთხილის დაცვა სანტრანსპორტო საშუალებების მართვის და სხვა პოტენციურად საშიში მოქმედებებისას, რომლებიც ყურადღების კონცენტრაციის მომატებას და სწრაფ ფსიქომოტორულ მოქმედებას მოითხოვს.

გამოშვების ფორმა
ცხვირის წვეთები 0.1%.
10 მლ პლასტმასის ფლაკონში პლასტმასის წვეთოვანით და პირველადი გახსნის კონტროლის თავსახურით ან პოლიმერულ ფლაკონ-წვერთოვანში მოსახრახნი თავსახურით და საცობი-წვეთოვნით.
1 ფლაკონი გამოყენების ინსტრუქციასთან ერთად რუსულ და ქართულ ენებზე მუყაოს კოლოფში.

შენახვის პირობები
არაუმეტეს 25 °С ტემპერატურაზე.
ინახება ბავშვებისთვის მიუწვდომელ ადგილას.

ვარგისიანობის ვადა
2 წელი.
ფლაკონის გახსნის შემდეგ _ 1 თვე.
გამოყენება არ შეიძლება ვარგისიანობის ვადის გასვლის შემდეგ!

გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.