ლოსარტან ფარმოზი - Losartan Farmoz 100მგ 60 ტაბლეტი

ლოსარტან ფარმოზი 100 მგ, აპკიანი გარსით დაფარული ტაბლეტები

ლოსარტანის კალიუმი

მედიკამენტის გამოყენებამდე ყურადღებით გაეცანით გამოყენების ინსტრუქციას, რადგან ის შეიცავს თქვენთვის მნიშვნელოვან ინფორმაციას.

შეინახეთ გამოყენების ინსტრუქცია, შესაძლოა კვლავ წარმოიშვას მისი გაცნობის საჭიროება.
დამატებითი კითხვების შემთხვევაში მიმართეთ ექიმს, ფარმაცევტს ან მედდას.
ეს პრეპარატი დაგენიშნათ თქვენ ინდივიდუალურად. ნუ გადასცემთ მას მესამე პირს. პრეპარატმა შესაძლოა ზიანი მიაყენოს მათ იმისდამიუხედავათ თუ თქვენი სიმპტომები მსგავსია. 
თუ განვითარდა რომელიმე გვერდითი მოვლენა, მიმართეთ თქვენს ექიმს, ფარმაცევტს ან მედდას. ეს მოიცავს ნებისმიერ შესაძლო გვერდით მოვლენას, რომელიც არ არის მითთებული ამ ინსტრუქციაში. იხილეთ პარაგრაფი 4.

რას შეიცავს წინამდებარე გამოყენების ინსტრუქცია:
1.    რა არის ლოსარტან ფარმოზი  და რისთვის გამოიყენება ის.

2.    რა უნდა იცოდეთ ლოსარტან ფარმოზის  მიღებამდე.

3.    როგორ გამოიყენება ლოსარტან ფარმოზი.

4.    მოსალოდნელი გვერდითი მოვლენები.

5.    როგორ შევინახოთ ლოსარტან ფარმოზი.

6.     შეფუთვის შემცველობა და სხვა ინფორმაცია.

1. რა არის ლოსარტან ფარმოზი და რისთვის გამოიყენება ის.

ლოსარტანი (ლოსარტან ფარმოზი) განეკუთვნება ანგიოტენზინ-II რეცეპტორების ანტაგონისტების ჯგუფის მედიკამენტებს. ანგიოტენზინ II არის ქიმიური ნივთიერება, რომელიც გამომუშავდება ორგანიზმში, ამკვრივებს სისხლძარღვებს ართულებს სისხლის გავლას სისხლძარღვებში. ეს მდგომარეობა იწვევს არტერიული წნევის მატებას. ლოსარტანი ხელს უშლის ანგიოტენზინ II-ის შეკავშირებას ამ რეცეპტორებთან, რაც იწვევს სისხლძარღვების მოდუნებას და, შესაბამისად, არტერიული წნევის დაქვეითებას. ლოსარტანი ანელებს თირკმლის ფუნქციის გაუარესებას მაღალი არტერიული წნევის და მე-2 ტიპის დიაბეტის მქონე პაციენტებში. 

ლოსარტან ფარმოზი გამოიყენება შემდეგისთვის:

მაღალი არტერიული წნევის (ჰიპერტენზია) მკურნალობა მოზრდილებში, ბავშვებში და 6-18 წლის მოზარდებში.

თირკმელების დაცვა ჰიპერტონიკი, მე-2 ტიპის დიაბეტის მქონე პაციენტებში, რომლებსაც აქვთ ლაბორატორიულად დადასტურებული თირკმლის ფუნქციის დარღვევა და პროტეინურია ≥ 0,5 გ დღეში (მდგომარეობა, როდესაც შარდი შეიცავს ძალიან დიდი რაოდენობით ცილას).

გულის ქრონიკული უკმარისობის მკურნალობა, როდესაც ექიმი არ მიიჩნევს  აგფ ინჰიბიტორებით მკურნალობას (ანგიოტენზინ-გარდამქმნელი ფერმენტის ინჰიბიტორები - მედიკამენტები, რომლებიც გამოიყენება არტერიული წნევის შესამცირებლად) ეფექტურად. თუ გულის უკმარისობა კონტროლდება აგფ ინჰიბიტორით, მკურნალობა არ უნდა შეიცვალოს ლოსარტანით.

მაღალი არტერიული წნევით და მარცხენა პარკუჭის გასქელებით პაციენტებში, ლოსარტანი ამცირებს ინსულტის რისკს ("სახელმძღვანელო LIFE ").

2. რა უნდა იცოდეთ ლოსარტან ფარმოზის გამოყენებამდე

არ მიიღოთ ლოსარტან ფარმოზი

- თუ გაქვთ ალერგია (ჰიპერმგრძნობელობა) ლოსარტანის ან ამ პრეპარატის რომელიმე სხვა ინგრედიენტის მიმართ (მითითებული მე-6 პუნქტში).

თუ ხართ სამ თვეზე მეტი ორსული (ასევე სასურველია არ მიიღოთ ლოსარტან ფარმოზი ორსულობის ადრეულ სტადიაზე - იხილეთ პარაგრაფი ორსულობა).

თუ გაქვთ ღვიძლის მძიმე დაავადება.

თუ გაქვთ დიაბეტი ან ღვიძლის ფუნქციის დარღვევა და მკურნალობთ ალისკირენის შემცველი მედიკამენტით არტერიული წნევის შესამცირებლად.

გაფრთხილება და სიფრთხილის ზომები

ლოსარტან ფარმოზის მიღებამდე გაესაუბრეთ თქვენს ექიმს, ფარმაცევტს ან მედდას.

აცნობეთ ექიმს, თუ ხართ ორსულად ან ფიქრობთ, რომ შესაძლოა ორსულად ხართ. ლოსარტან ფარმოზი არ არის რეკომენდებული ორსულობის ადრეულ ეტაპებზე და არ უნდა იქნას მიღებული ორსულობის მესამე თვის შემდეგ, რადგან ამ დროის შემდეგ გამოყენებისას პრეპარატმა შეიძლება მძიმედ იმოქმედოს ნაყოფზე (იხ. პარაგრაფი ორსულობა).

ლოსარტან ფარმოზის მიღებამდე აცნობეთ ექიმს, თუ:

- გაქვთ ანგიონევროზული შეშუპების ანამნეზი (სახის, ტუჩების, ყელის და/ან ენის შეშუპება) (იხ. აგრეთვე პუნქტი 4. შესაძლო გვერდითი მოვლენები);

- გაწუხებთ ძლიერი ღებინება ან დიარეა, რაც იწვევს ორგანიზმში დიდი რაოდენობით სითხის და/ან მარილების დაკარგვას;

- იღებთ დიურეტიკებს (მედიკამენტები, რომლებიც ზრდიან თირკმელებით გამოყოფილი წყლის რაოდენობას) ან იმყოფებით დიეტაზე მარილის მიღების შეზღუდვით, რაც იწვევს ორგანიზმში სითხისა და მარილის დიდი რაოდენობით დაკარგვას (იხ. პუნქტი 3. „დოზირების განსაკუთრებული მოთხოვნები“);

- თქვენთვის ცნობილია, რომ შევიწროვებული ან ბლოკირებული გაქვთ თირკმელებთან დამაკავშირებელი სისხლძარღვები, ან თუ უახლოეს წარსულში გაკეთებული გაქვთ გადანერგვა;

- გაქვთ ღვიძლის ფუნქციის დარღვევა (იხ. პუნქტი 2. „არ მიიღოთ ლოსარტან ფარმოზი“ და „დოზირების განსაკუთრებული მოთხოვნები“);

- გაქვთ გულის უკმარისობა, თირკმლის უკმარისობით ან მის გარეშე, ან თანმხლები სიცოცხლისათვის საშიში გულის რითმის დარღვევები. განსაკუთრებული ყურადღებაა საჭირო, ბეტა-ბლოკატორებთან ერთდროული მკურნალობისას;

- გაწუხებთ გულის სარქველების ან გულის კუნთის პრობლემები (მაგ. „აორტის სტენოზი“ ან „სისხლის ნაკადის ობსტრუქცია“);

- თუ გაწუხებთ გულის კორონარული დაავადება (გამოწვეული გულის სისხლძარღვებში სისხლის ცირკულაციის შემცირებით) ან ცერებროვასკულარული დაავადება (გამოწვეული ტვინში სისხლის მიმოქცევის შემცირებით);

- გაწუხებთ პირველადი ჰიპერალდოსტერონიზმი (სინდრომი, რომელიც დაკავშირებულია თირკმელზედა ჯირკვლის მიერ ჰორმონი ალდოსტერონის სეკრეციასთან, რომელიც გამოწვეულია ჯირკვლის გადაგვარებით);

- იღებთ რომელიმე ქვემოთ მითითებულ მედიკამენტს მაღალი წნევის სამკურნალოდ:

- აგფ ინჰიბიტორი (მაგ. ენალაპრილი, ლისინოპრილი, რამიპრილი), განსაკუთრებით თუ გაქვთ დიაბეტით გამოწვეული თირკმელების დარღვევები;

- ალისკირენი;

ექიმმა შეიძლება საჭიროდ ჩათვალოს თირკმელების ფუნქციის, არტერიული წნევის და ელექტროლიტების რაოდენობის (მაგ., კალიუმი) კონტროლი სისხლში.

იხილეთ აგრეთვე დამატებითი ინფორმაცია პარაგრაფში „არ მიიღოთ ლოსარტან ფარმოზი“.

ბავშვები და მოზარდები

ლოსარტანის გამოყენება შესწავლილ იქნა ბავშვებში. დამატებითი ინფორმაციისთვის მიმართეთ თქვენს ექიმს. ლოსარტან ფარმოზის გამოყენება არ არის რეკომენდებული თირკმელების ან ღვიძლის პრობლემების მქონე ბავშვებში, რადგან ამ ჯგუფის პაციენტებზე ხელმისაწვდომი ინფორმაცია შეზღუდულია. ლოსარტან ფარმოზი არ არის რეკომენდებული 6 წლამდე ასაკის ბავშვებისთვის, რადგან მისი ეფექტურობა ამ ასაკობრივ ჯგუფში არ არის დადასტურებული.

სხვა მედიკამენტები და ლოსარტან ფარმოზი

აცნობეთ თქვენს ექიმს ან ფარმაცევტს, თუ იღებთ, უახლოეს წარსულში გაქვთ მიღებული ან იწყებთ სხვა მედიკამენტების მიღებას.

განსაკუთრებული სიფრთხილე გმართებთ ლოსარტანი ფარმოზთან ერთად სხვა მედიკამენტების მიღებისას:

- არტერიული წნევის დამწევი სხვა მედიკამენტები, რადგან მათ შეუძლიათ კიდევ უფრო შეამცირონ არტერიული წნევა. არტერიული წნევა ასევე შეიძლება შემცირდეს შემდეგი მედიკამენტების/ჯგუფების გამოყენებისას: ტრიციკლური ანტიდეპრესანტები, ანტიფსიქოზური საშუალებები, ბაკოფლენი, ამიფოსტინი;

- მედიკამენტები, რომლებიც იწვევენ კალიუმის შეკავებას, ან რომლებმაც შეიძლება გაზარდონ კალიუმის დონე (როგორიცაა კალიუმის დანამატები, კალიუმის შემცველი მარილების ჩამნაცვლებელი ან კალიუმის დამზოგველი აგენტები, როგორიცაა ზოგიერთი დიურეტიკი [ამილორიდი, ტრიამტერენი, სპირონოლაქტონი] ან ჰეპარინი);

- არასტეროიდული ანთების საწინააღმდეგო საშუალებები, როგორიცაა ინდომეტაცინი, COX-2 ინჰიბიტორების ჩათვლით (მედიკამენტები, რომლებიც გამოიყენება ანთების სამკურნალოდ და რომლებიც შეიძლება გამოყენებულ იქნას როგორც ტკივილგამაყუჩებლები), რადგან მათ შეუძლიათ შეამცირონ ლოსარტანის წნევის დამწევი მოქმდება.

ექიმმა შეიძლება საჭიროდ ჩათვალოს დოზის შეცვლა და/ან სხვა პრევენციული ღონისძიებების გატარება:

თუ იღებთ აგფ ინჰიბიტორს ან ალისკირენს (იხილეთ აგრეთვე ინფორმაცია „არ მიიღოთ ლოსარტან ფარმოზი“ და „გაფრთხილებები და სიფრთხილის ზომები“).

თუ თირკმელების ფუნქცია დაქვეითებულია, ასეთი მედიკამენტების ერთდროულმა გამოყენებამ შეიძლება გამოიწვიოს თირკმელების ფუნქციის გაუარესება.

ლითიუმის შემცველი მედიკამენტები არ უნდა იქნას მიღებული ლოსარტანთან ერთად, თუ არ ხართ ექიმის მჭიდრო მეთვალყურეობის ქვეშ. შეიძლება საჭირო გახდეს სპეციალური სიფრთხილის ზომები (როგორიცაა სისხლის ანალიზი).

ლოსარტან ფარმოზის მიღება საკვებთან და სასმელთან ერთად

ლოსარტან ფარმოზის მიღება შესაძლებელია საკვებთან ერთად ან მის გარეშე.

ორსულობა და ძუძუთი კვება

ორსულობა.

აცნობეთ ექიმს, თუ ხართ ორსულად ან ფიქრობთ, რომ შესაძლოა ორსულად ხართ. მკურნალი ექიმი გირჩევთ როდის შეწყვიტოთ ლოსარტან ფარმოზის მიღება დაორსულებამდე თუ როგორც კი გაიგებთ, რომ ორსულად ხართ და დაგინიშნავთ სხვა მედიკამენტს ლოსარტან ფარმოზის ნაცვლად. ლოსარტან ფარმოზი არ არის რეკომენდებული ორსულობის ადრეულ ეტაპებზე და არ უნდა იქნას მიღებული ორსულობის მესამე თვის შემდეგ, რადგან ამ დროის შემდეგ გამოყენებისას შეიძლება მძიმედ იმოქმედოს ნაყოფზე (იხ. პუნქტი ორსულობა).

ძუძუთი კვება

აცნობეთ ექიმს, თუ ბავშვს კვებავთ ძუძუთი ან აპირებთ ძუძუთი კვების დაწყებას. ლოსარტან ფარმოზი არ არის რეკომენდებული მეძუძური დედებისთვის, განსაკუთრებით ახალშობილის ან დღენაკლული ბავშვის შემთხვევაში; ასეთ შემთხვევებში ექიმმა შეიძლება დანიშნოს ალტერნატიული მკურნალობა.

ამ პრეპარატის მიღებამდე გაესაუბრეთ თქვენს ექიმს ან ფარმაცევტს.

ავტომობილის მართვა და მექანიზმებთან მუშაობა

არ არის დასრულებული კვლევები ლოზარტანი ფარმოზის გავლენის შესახებ ავტომობილის მართვისა და მექანიზმებთან მუშაობის უნარზე.

ნაკლებად სავარაუდოა, რომ ლოსარტანი ფარმოზმა გავლენა იქონიოს ავტომობილის მართვისა და მექანიზმებთან მუშაობის უნარზე. მიუხედავად ამისა, ისევე როგორც ბევრმა სხვა სამკურნალო საშუალებამ, რომელიც გამოიყენება მაღალი წნევის სამკურნალოდ, ლოსარტანმა შეიძლება გამოიწვიოს თავბრუსხვევა ან ძილიანობა ზოგიერთ ადამიანში. თუ გამოგივლინდათ თავბრუსხვევა ან ძილიანობა, უნდა მიმართოთ ექიმს ავტომობილის მართვის ან მექანიზმებთან მუშაობის დაწყებამდე.

ლოსარტან ფარმოზი შეიცავს მონოჰიდრატირებულ ლაქტოზას. თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, მიმართეთ ექიმს ამ პრეპარატის მიღებამდე.

3. ლოსარტან ფარმოზის მიღების წესი

ყოველთვის მიიღეთ ეს პრეპარატი ზუსტად ისე, როგორც დაგინიშნათ ექიმმა ან ფარმაცევტმა. თუ არ ხართ დარწმუნებული, მიმართეთ თქვენს ექიმს ან ფარმაცევტს. ექიმი განსაზღვრავს ლოსარტან ფარმოზის შესაბამის დოზას, თქვენი ამჟამინდელი ჯანმრთელობის მდგომარეობისა და სხვა გამოწერილი მედიკამენტების საფუძველზე, რომლებსაც შესაძლოა იღებდეთ. მნიშვნელოვანია გააგრძელოთ ლოსარტან ფარმოზის მიღება მანამ, სანამ თქვენი ექიმი ჩათვლის საჭიროდ არტერიული წნევაზე კონტროლის შესანარჩუნებლად.

მოზრდილი პაციენტები, რომლებსაც აწუხებთ მაღალი წნევა

მკურნალობა ჩვეულებრივ იწყება 50 მგ ლოსარტანის ტაბლეტით (50 მგ ლოსარტან ფარმოზის ერთი ტაბლეტი) დღეში ერთხელ. არტერიული წნევის დაქვეითების მაქსიმალური ეფექტი მიიღწევა მკურნალობის დაწყებიდან 3-დან 6 კვირის განმავლობაში. ზოგიერთი პაციენტისთვის დოზა შეიძლება მოგვიანებით გაიზარდოს l00 მგ-მდე (50 მგ ლოსარტან ფარმოზის 2 ტაბლეტი ან l00 მგ ლოსარტან ფარმოზის ერთი ტაბლეტი) ერთხელ დღეში.

აცნობეთ ექიმს, თუ ფიქრობთ, რომ ლოსარტანის ეფექტი ძალიან ძლიერია ან ძალიან სუსტი.

გამოყენება ბავშვებში და მოზარდებში

6 წლამდე ასაკის ბავშვები.

ლოსარტან ფარმოზი არ არის რეკომენდებული 6 წლამდე ასაკის ბავშვებისთვის, რადგან მისი ეფექტურობა ამ ასაკობრივ ჯგუფში არ არის დადასტურებული.

6-დან 18 წლამდე ასაკის ბავშვები.

საწყისი რეკომენდირებული დოზა პაციენტებისთვის, რომელთა წონაა 20-დან 50 კგ-მდე, არის 0,7 მგ ლოსარტანი კგ სხეულის წონაზე დღეში ერთხელ (25 მგ-მდე ლოსარტან ფარმოზი). ექიმმა შეიძლება გაზარდოს დოზა, თუ არტერიული წნევა არ ექვემდებარება კონტროლს.

ბავშვებისთვის შეიძლება უფრო შესაფერისი იყოს ამ მედიკამენტის სხვა ფორმები; ჰკითხეთ თქვენს ექიმს ან ფარმაცევტს.

ზრდასრული პაციენტები, რომლებსაც აწუხებთ მაღალი წნევა და მე-2 ტიპის  დიაბეტი.

მკურნალობა ჩვეულებრივ იწყება 50 მგ ლოსარტანის ტაბლეტით (ერთი 50 მგ ლოსარტან ფარმოზის ტაბლეტი) დღეში ერთხელ. ზოგიერთი პაციენტისთვის დოზა შეიძლება მოგვიანებით გაიზარდოს l00 მგ-მდე (ორი 50 მგ ლოსარტან ფარმოზის ტაბლეტი ან ერთი l00 მგ ლოსარტან ფარმოზის ტაბლეტი) დღეში ერთხელ, მაღალი არტერიული წნევაზე ეფექტის მიხედვით.

ლოსარტანის ტაბლეტები შეიძლება დაინიშნოს სხვა არტერიული წნევის დამწევ საშუალებებთან (მაგ. დიურეტიკები, კალციუმის არხის ბლოკატორები, ალფა- ან ბეტა-ბლოკატორები და ცენტრალური მოქმედების საშუალებები), ასევე ინსულინთან და სხვა ხშირად გამოყენებულ მედიკამენტებთან ერთად, რომლებიც ამცირებენ სისხლში გლუკოზის დონეს. (მაგ. სულფონილშარდოვანას წარმოებულები, გლიტაზონები და გლუკოზიდაზას ინჰიბიტორები).

მოზრდილი პაციენტები, რომლებსაც აწუხებთ გულის უკმარისობა

მკურნალობა ჩვეულებრივ იწყება 12,5 მგ ლოსარტანის ტაბლეტით (ერთი 2,5 მგ ლოსარტან ფარმოზის ტაბლეტი) დღეში ერთხელ. დოზა ჩვეულებრივ თანდათანობით უნდა გაიზარდოს კვირიდან კვირამდე (მაგ., 12,5 მგ ერთხელ დღეში პირველ კვირაში, 25 მგ ერთხელ დღეში მეორე კვირაში,  50 მგ ერთხელ დღეში მესამე კვირაში, 100 მგ ერთხელ დღეში მეოთხე კვირაში, l50 მგ ერთხელ დღეში მეხუთე კვირაში) ექიმის მიერ რეკომენდებული შემანარჩუნებელი დოზის მიღწევამდე. შესაძლებელია გამოყენებულ იქნას მაქსიმალური დოზა 150 მგ ლოსარტანის ოდენობით (მაგ., ლოსარტან ფარმოზის 50 მგ-ის სამი ტაბლეტი ან ლოსარტანის ფარმოზის 100 მგ-ს ერთი ტაბლეტი და 50 მგ ლოსარტან ფარმოზის ერთი ტაბლეტი) დღეში ერთხელ.

გულის უკმარისობის მკურნალობისას ლოსარტანი ხშირად ასოცირდება დიურეტიკებთან (მედიკამენტები, რომლებიც ზრდის თირკმელების მეშვეობით გამოყოფილი წყლის რაოდენობას) და/ან დიგიტალისთან (მედიკამენტები, რომლებიც ხელს უწყობენ გულის გაძლიერებას და ეფექტურობას) და/ან ბეტა-ბლოკატორებთან.

დოზირების სპეციალური მოთხოვნები

ექიმმა შეიძლება საჭიროდ ჩათვალოს დოზის შემცირება, განსაკუთრებით  მკურნალობის დაწყებისას გარკვეულ პაციენტში, რომლებიც მკურნალობენ დიურეტიკების მაღალი დოზებით, ღვიძლის ფუნქციის დარღვევის მქონე პაციენტები ან 75 წელზე უფროსი ასაკის პაციენტები. ლოსარტანის დანიშვნა არ არის რეკომენდებული ღვიძლის მძიმე ფუნქციის მქონე პაციენტებში (იხ. პუნქტი „არ მიიღოთ ლოსარტანი“).

მიღების წესი

ტაბლეტები უნდა იქნას მიღებული ჭიქა წყალთან ერთად. უნდა შეეცადოთ მიიღოთ პრეპარატი ყოველთვის ერთსა და იმავე დროს, ყოველდღე. მნიშვნელოვანია გააგრძელოთ ლოსარტან ფარმოზის მიღება მანამდე, სანამ ექიმი ჩათვლის საჭიროდ.

თუ მიიღეთ საჭიროზე მეტი ლოსარტან ფარმოზი

თუ შემთხვევით მიიღეთ ძალიან ბევრი ტაბლეტი, დაუყოვნებლივ მიმართეთ ექიმს. დოზის გადაჭარბების სიმპტომებია დაბალი წნევა, აჩქარებული პულსი ან გულისცემის შენელების ალბათობა.

თუ დაგავიწყდათ ლოსარტან ფარმოზის მიღება

თუ უნებურად დაგავიწყდათ დღიური დოზის მიღება, განაახლეთ მიღება ჩვეულებრივ მომდევნო დღეს. არ მიიღოთ ორმაგი დოზა გამოტოვებული დოზის ასანაზღაურებლად. თუ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან მედდას.

4. მოსალოდნელი გვერდითი მოვლენები

ყველა მედიკამენტის მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი ყველას არ უვითარდება.

თუ აღგენიშნათ რომელიმე ქვემოთ ჩამოთვლილი გვერდითი მოვლენა, შეწყვიტეთ ლოსარტანის მიღება და დაუყოვნებლივ აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას:

ალერგიული რეაქცია (გამონაყარი კანზე, ქავილი, სახის, ტუჩების, პირის ღრუს ან ყელის შეშუპება, რამაც შეიძლება ხელი შეუშალოს ყლაპვას ან სუნთქვას).

ეს არის იშვიათი, მაგრამ მძიმე გვერდითი მოვლენა, რომელიც ვლინდება 10 000-დან 1-ზე მეტ მაგრამ 1 000-დან 1-ზე ნაკლებ პაციენტში. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია.

ლოსარტანის გამოყენებისას დაფიქსირდა შემდეგი გვერდითი მოვლენები:

ხშირი (შეიძლება აღენიშნოს 10-დან 1-მდე ადამიანს):

- თავბრუსხვევა;

- დაბალი არტერიული წნევა (განსაკუთრებით სისხლძარღვებში წყლის ჭარბი რაოდენობით დაკარგვის დროს, მაგალითად, გულის მძიმე უკმარისობის მქონე ან დიურეტიკების მაღალი დოზით ნამკურნალევ პაციენტებში);

- დოზირებასთან დაკავშირებული ორთოსტატული ეფექტები, როგორიცაა არტერიული წნევის დაქვეითება მჯდომარე ან მწოლიარე მდგომარეობიდან ადგომისას;

- სისუსტე;

- დაღლილობა;

- სისხლში შაქრის დაბალი დონე (ჰიპოგლიკემია);

- სისხლში კალიუმის ჭარბი რაოდენობა (ჰიპერკალემია);

- თირკმლის ფუნქციის დარღვევა, მათ შორის თირკმელების უკმარისობა;

- თრომბოციტების რაოდენობის შემცირება (ანემია);

- სისხლში შარდოვანას, შრატში კრეატინინის და კალიუმის მომატება დონის მომატება გულის უკმარისობის მქონე პაციენტებში.

არახშირი (შეიძლება განვითარდეს 100-დან 1-მდე ადამიანში):

- ძილიანობა;

- თავის ტკივილი;

- ძილის დარღვევა;

- გულისცემის გახშირება (პალპიტაცია);

- ძლიერი ტკივილი გულმკერდის არეში (სტენოკარდია);

- ქოშინი (დისპნოე);

- მუცლის ტკივილი;

- ყაბზობა;

- დიარეა;

- გულისრევა;

- ღებინება;

- ქავილიანი გამონაყარი კანზე (ჭინჭრის ციება);

- ქავილი (პრურიტუსი);

- გამონაყარი კანზე;

- წერტილოვანი შეშუპება (ედემა);

- ხველა.

იშვიათი (შეიძლება აღენიშნოს 1 000-დან 1-მდე ადამიანს):

- ჰიპერმგრძნობელობა;

- ანგიონევროზული შეშუპება;

- სისხლძარღვების ანთება (ვასკულიტი, ჰენოხ-შონლაინის პურპურის ჩათვლით);

- დაბუჟება ან ჩხვლეტის შეგრძნება (პარესთეზია);

- გულის წასვლა (სინკოპე);

- ძალიან სწრაფი და არარეგულარული გულისცემა (წინაგულების ფიბრილაცია);

- ინსულტი;

- ღვიძლის ანთება (ჰეპატიტი);

- სისხლში ალანინ-ამინოტრანსფერაზა (ALT) დონის მომატება, რომელიც ჩვეულებრივ შექცევადია მკურნალობის შეწყვეტის შემდეგ.

უცნობი (სიხშირის განსაზღვრა შეუძლებელია არსებული მონაცემებით):

- თრომბოციტების რაოდენობის შემცირება;

- შაკიკი;

- ღვიძლის ფუნქციის დარღვევა;

- კუნთებისა და სახსრების ტკივილი;

- გრიპის მსგავსი სიმპტომები;

- ზურგის ტკივილი და საშარდე გზების ინფექცია;

- მომატებული მგრძნობელობა მზეზე (ფოტომგრძნობელობა);

- კუნთების აუხსნელი ტკივილი და მუქი (ჩაის ფერის) შარდი (რაბდომიოლიზი);

- იმპოტენცია;

- პანკრეასის ანთება (პანკრეატიტი);

- სისხლში ნატრიუმის დაბალი დონე (ჰიპონატრიემია);

- დეპრესია;

- ზოგადი უსიამოვნო შეგრძნება (სისუსტე);

- ზარი, ზუზუნი, ხმაური ან შუილი ყურში (ტინიტუსი);

- გემოს შეცვლა (დისგევზია).

გვერდითი მოვლენები ბავშვებში არის მოზრდილებში აღნიშნული გვერდითი მოვლენების მსგავსი.

შეტყობინება გვერდითი მოვლენების შესახებ

თუ აღგენიშნათ რომელიმე გვერდითი მოვლენა, მათ შორის ისეთები რომელიც არ არის მითითებული ამ გამოყენების ინსტრუქციაში, მიმართეთ ექიმს ან ფარმაცევტს კონსულტაციისთვის.  გვერდითი ეფექტების შესახებ განაცხადით თქვენ შეგიძლიათ ამ პრეპარატის უსაფრთხოების შესახებ მეტი ინფორმაციის მოწოდებაში დახმარება.

5. ლოსარტან ფარმოზის შენახვის პირობები

ეს პრეპარატი არ საჭიროებს რაიმე განსაკუთრებულ ზომებს შენახვისას. შეინახეთ ლოსარტან ფარმოზი ორიგინალ კონტეინერში. არ გახსნათ ბლისტერი პრეპარატის მიღებამდე.

შეინახეთ ეს პრეპარატი ბავშვებისთვის მიუწვდომელ ადგილას.

არ გამოიყენოთ ეს პრეპარატი გარე შეფუთვაზე ან ბოთლის ეტიკეტზე მითითებული ვარგისიანობის ვადის გასვლის შემდეგ. ვარგისიანობის ვადა ეხება მითითებული თვის ბოლო დღეს.

არ გადააგდოთ პრეპარატი საკანალიზაციო მილში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გაანადგუროთ წამალი რომელსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შემცველობა და სხვა ინფორმაცია

რას შეიცავს ლოსარტან ფარმოზი

აქტიური ნივთიერება არის კალიუმის ლოსარტანი

თითოეული ლოსარტან ფარმოზის 50 მგ ტაბლეტი შეიცავს 100 მგ ლოსარტანის კალიუმს.

- სხვა ინგრედიენტებს წარმოადგენს: მონოჰიდრირებული ლაქტოზა, მიკროკრისტალური ცელულოზა, ჰიდროქსიპროპილცელულოზა, პრე-ჟელატინირებული სიმინდის სახამებელი, მაგნიუმის სტეარატი, ჰიპრომელოზა 5 cps, ტიტანის დიოქსიდი (El71) და მაკროგოლი 400.

ლოსარტან ფარმოზის გარეგნული სახე და შეფუთვის შემცველობა.

ლოსარტან ფარმოზი იწარმოება თეთრი, მრგვალი და ორმხრივ ამოზნექილი აპკიანი გარსით დაფარული ტაბლეტების სახით, ორივე მხრიდან ჭრილით, მოთავსებული ბლისტერში, 10 და 60 ტაბლეტიან შეფუთვაში.

შესაძლებელია, რომ ზოგიერთი ზომის შეფუთვა არ იყოს გაყიდვაში.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით

ასევე, იხილეთ: Lorista - ლორისტა 100მგ 28 ტაბლეტი