ვონაბი - Vonab 20მგ 14 ტაბლეტი

ვონაბი

ვონოპრაზანის ტაბლეტები

ტაბლეტები 10 მგ და 20 მგ

აღწერა

ვონაბი შეიცავს ვონოპრაზანს, რომელიც არის მჟავას კალიუმ–კონკურენტული ბლოკატორი (PCAB).

ქიმიურად, ვონოპრაზანი არის 1-[5-(2-ფტორფენილ)-1-(პირიდინ-3-ილსულფონილ)-1H-პიროლ-3-ილ]-N-მეთილმეთანამინის მონოფუმარატი. მისი მოლეკულური ფორმულაა C₁₇H₁₆FN₃O₂S•C₄H₄O ₄ და სტრუქტურული ფორმულა არის:

ვონოპრაზანის ფუმარატი

ხარისხობრივი და რაოდენობრივი შემადგენლობა

ვონაბი (ვონოპრაზანი) ტაბლეტები ხელმისაწვდომია პერორალური მიღებისთვის, როგორც:

ვონაბი ტაბლეტები 10 მგ

თითოეული აპკიანი გარსით დაფარული ტაბლეტი შეიცავს:

ვონოპრაზანის ფუმარატს ვონოპრაზანის ეკვივალენტურს… 10 მგ

ვონაბი ტაბლეტები 20 მგ

თითოეული აპკიანი გარსით დაფარული ტაბლეტი შეიცავს:

ვონოპრაზანის ფუმარატს ვონოპრაზანის ეკვივალენტურს… 20 მგ

ასევე, იხილეთ: ვონაბი - Vonab 10მგ 14 ტაბლეტი

კლინიკური ფარმაკოლოგია

მოქმედების მექანიზმი

ვონოპრაზანი არის მჟავას კალიუმ–კონკურენტული ბლოკატორი (P-CAB) და არ საჭიროებს მჟავათი გააქტიურებას. ის აინჰიბირებს H+, K+-ატფ-აზას შექცევადად და კალიუმ–კონკურენტული სახით. ვონოპრაზანს აქვს ძლიერი ფუძეობა და დიდი ხნის განმავლობაში მდებარეობს კუჭის პარიეტალური უჯრედების მჟავას პროდუქციის ადგილზე, რითიც აინჰიბირებს კუჭის მჟავას პროდუქციას.

ვონოპრაზანი ავლენს ძლიერ მაინჰიბირებელ მოქმედებას კუჭ-ნაწლავის ტრაქტის ზედა ნაწილის ლორწოვანი გარსის დაზიანების ფორმირებაზე.

ვონოპრაზანი არ ავლენს არც ანტი–Helicobacter pylori–ულ აქტივობას და არც მაინჰიბირებელ აქტივობას Helicobacter pylori urease-ს მიმართ.

დამატებითი ეფექტი Helicobacter pylori-ს ერადიკაციაზე:

ითვლება, რომ ვონოპრაზანის როლი Helicobacter pylori-ის ერადიკაციაში მდგომარეობს ინტრაგასტრიკული pH-ის გაზრდაში, რაც იწვევს ამოქსიცილინის ჰიდრატის, კლარითრომიცინის და მეტრონიდაზოლის, რომლებიც ერთდროულად ინიშნება, ანტიბაქტერიული აქტივობის გაძლიერებას.

ფარმაკოკინეტიკა

ფარმაკოკინეტიკა 10 მგ ან 20 მგ ვონოპრაზანის დღიური დოზის თანმიმდევრული მიღებისას ჯანმრთელ მოზრდილ მამაკაცებში დღეში ერთხელ 7 დღის განმავლობაში, AUC (_0-tau) და Cmax იზრდება დოზის მატებასთან ერთად. ამ ზრდის ხარისხი ოდნავ უფრო მაღალია, ვიდრე დოზის თანაფარდობა. ითვლება, რომ წონასწორული მდგომარეობა მიღწეულია შეყვანის მე-3 დღეს, ვინაიდან სისხლში ვონოპრაზანის კონცენტრაციის მინიმალური დონე მუდმივია შეყვანის მე-3 და მე-7 დღეებს შორის. გარდა ამისა, ითვლება, რომ ვონოპრაზანის ფარმაკოკინეტიკა თანმიმდევრული მიღებისას შეიძლება არ იყოს დროზე დამოკიდებული, როგორც ვონოპრაზანის AUC _(0-tau) და T _1/2 მიხედვით აკუმულაციის შეფასების შედეგი.

დოზის მდგომარეობა	10 მგ	20 მგ
T max (სთ)	1.5 (0.75, 3.0)	1.5 (0.75, 3.0)
C max(მგ/მლ)	12.0 ±1.8	26.3 ±6.6.
T1/2(სთ)	7.0 ±1.6	6.1±1.2
AUC (0-tau)(ნგ.სთ/მლ)	79.5±16.1	151.6 ±40.3
საშუალო ±S.D. 9 სუბიექტიდან [Tmax გამოიხატება მედიანათი (მინიმალური მნიშვნელობა, მაქსიმალური მნიშვნელობა)]

 

აბსორბცია

აბსოლუტური ბიოშეღწევადობა დადგენილი არ არის. ვონოპრაზანის ფარმაკოკინეტიკური პარამეტრები ვონოპრაზანის ერთჯერადად მიღების შემდეგ ჯანმრთელ მოზრდილ მამაკაც სუბიექტებში 20 მგ უზმოზე და საკვების მიღებისას წარმოდგენილია ცხრილში შემდეგნაირად:

დოზის მდგომარეობა	უზმოზე	საკვების მიღების შემდეგ
T max (სთ)	1.5 (0.75, 3.0)	3.0 (1.0, 4.0)
C max(ნგ/მლ)	24.3 ±6.6	26.8 ±9.6.
T1/2(სთ)	7.7 ±1.0	7.7±1.2
AUC (0-tau)( ნგ.სთ/მლ)	222.1±69.7	238.3 ±71.1
საშუალო ±S.D. 12 სუბიექტიდან [Tmax გამოიხატება მედიანათი (მინიმალური მნიშვნელობა, მაქსიმალური მნიშვნელობა)]

განაწილება

ცილებთან შეკავშირების მაჩვენებელია 85.2-დან 88.0%-მდე, როდესაც [¹⁴C] ვონოპრაზანი 0.1-დან 10 მკგ/მლ –მდე დიაპაზონში ემატება ადამიანის პლაზმას (in vitro).

მეტაბოლიზმი

ვონოპრაზანი მეტაბოლიზდება ძირითადად ღვიძლის ფერმენტით, რომელიც ახორციელებს სამკურნალო პრეპარატების მეტაბოლიზმს, CYP3A4 და ნაწილობრივ CYP2B6, CYP2C19 და CYP2D6. ვონოპრაზანი ასევე მეტაბოლიზდება სულფოტრანსფერაზა SULT2A1-ით (in vitro).

ვონოპრაზანი ავლენს დროზე დამოკიდებულ მაინჰიბირებელ ეფექტს CYP2B6, CYP2C19 და CYP3A4/5–ზე (in vitro). გარდა ამისა, ვონოპრაზანი აჩვენებს კონცენტრაციაზე დამოკიდებულ უმნიშვნელო ინდუქციურ ეფექტს CYP1A2-ზე, მაგრამ ის აჩვენებს მცირე ინდუქციურ ეფექტს CYP2B6-ზე და CYP3A4/5-ზე (in vitro).

ელიმინაცია

რადიოაქტიური მარკირებული პრეპარატის (15 მგ ვონოპრაზანის სახით) პერორალურად მიღებისას ჯანმრთელ მოზრდილ მამაკაც სუბიექტებში, შეყვანილი რადიოაქტიურობის 98.5% გამოიყოფა შარდით და განავალით მიღებიდან 168 საათში: 67.4% შარდით და 31.1% განავალით.

განსაკუთრებული პოპულაცია

პაციენტები თირკმლის უკმარისობით

თირკმლების დარღვევების გავლენა ვონოპრაზანის ფარმაკოკინეტიკაზე სუბიექტებში თირკმლების ნორმალური ფუნქციით, პაციენტებში თირკმლის მსუბუქი, ზომიერი და მძიმე დაზიანებით და პაციენტებში თირკმლის დაზიანების ტერმინალური სტადიით (ESRD) პრეპარატის მიღებისას ვონოპრაზანის 20 მგ ერთჯერადი დოზის სახით აჩვენა, რომ AUC∞ და Cmax უფრო მაღალი იყო 1.3-2.4-ჯერ და 1.2-1.8-ჯერ, შესაბამისად, პაციენტებში თირკმლების მსუბუქი, ზომიერი და მძიმე დაზიანებით თირკმლების ნორმალური ფუნქციის მქონე პაციენტებთან შედარებით, რაც აჩვენებს ზრდას თირკმლის ფუნქციის შემცირებისას. AUC∞ და Cmax უფრო მაღალი იყო 1.3-ჯერ და 1.2-ჯერ, შესაბამისად, ESRD–ს მქონე პაციენტებში, ვიდრე სუბიექტებში თირკმლების ნორმალური ფუნქციით.

პაციენტები ღვიძლის ფუნქციის დარღვევით

ღვიძლის დარღვევების გავლენა ფარმაკოკინეტიკაზე ღვიძლის ნორმალური ფუნქციის მქონე სუბიექტებში და ღვიძლის მსუბუქი, ზომიერი და მძიმე დარღვევის მქონე პაციენტებში პრეპარატის 20 მგ ვონოპრაზანის ერთჯერადი დოზის მიღებისას აჩვენებს, რომ AUC∞ და Cmax უფრო მაღალი იყო 1.2-2.6-ჯერ და 1.2-1.8-ჯერ, შესაბამისად, ღვიძლის მსუბუქი, ზომიერი და მძიმე დარღვევის მქონე პაციენტებში, ღვიძლის ნორმალური ფუნქციის მქონე სუბიექტებთან შედარებით.

თერაპიული ჩვენებები

ვონაბი (ვონოპრაზანი) ნაჩვენებია:

1. კუჭის წყლული, თორმეტგოჯა ნაწლავის წყლული, რეფლუქს ეზოფაგიტი, კუჭის ან თორმეტგოჯა ნაწლავის წყლულის რეციდივის პრევენცია ასპირინის დაბალი დოზით მიღებისას, კუჭის ან თორმეტგოჯა ნაწლავის წყლულის რეციდივის პრევენცია არასტეროიდული ანთების საწინააღმდეგო საშუალების (აასს) მიღებისას.

2. Helicobacter pylori-ს ერადიკაციასთან დამატება შემდეგ შემთხვევებში:

კუჭის წყლული, თორმეტგოჯა ნაწლავის წყლული, კუჭის ლორწოვანთან ასოცირებული ლიმფური ქსოვილის (MALT) ლიმფომა, იდიოპათიური თრომბოციტოპენიური პურპურა, კუჭის ადრეული სტადიის კიბოს ენდოსკოპიური რეზექციის შემდეგ კუჭი ან Helicobacter pylori-თ გამოწვეული გასტრიტი.

დოზირება და მიღების წესი

კუჭისა და თორმეტგოჯა ნაწლავის წყლული

ჩვეულებრივი დოზა მოზრდილებში პერორალური გამოყენებისთვის არის 20 მგ ვონაბი (ვონოპრაზანი) პერორალურად დღეში ერთხელ კუჭის წყლულის 8 კვირიანი მკურნალობისას და თორმეტგოჯა ნაწლავის წყლულის 6 კვირიანი მკურნალობისას.

რეფლუქს ეზოფაგიტი

ჩვეულებრივი დოზა მოზრდილებში პერორალური გამოყენებისთვის არის 20 მგ ვონაბი (ვონოპრაზანი), რომელიც ინიშნება დღეში ერთხელ მკურნალობის სულ 4 კვირის განმავლობაში. თუ ეს დოზა აღმოჩნდება არასაკმარისი, მიღება უნდა გაგრძელდეს, მაგრამ არა უმეტეს 8 კვირის განმავლობაში.

რეფლუქს-ეზოფაგიტის შემანარჩუნებელი თერაპიისთვის რეციდივებით და გამწვავებებით, პერორალური მიღებისთვის დოზა არის 10 მგ ვონაბი (ვონოპრაზანი) დღეში ერთხელ. თუმცა, როდესაც ეფექტურობა არაადეკვატურია, დოზა შეიძლება გაიზარდოს ვონაბის (ვონოპრაზანის) 20 მგ –მდე დღეში ერთხელ მიღებით.

კუჭის ან თორმეტგოჯა ნაწლავის წყლულის რეციდივის პრევენცია ასპირინის დაბალი დოზით მიღებისას

ჩვეულებრივი დოზა მოზრდილებისთვის არის ერთი ტაბლეტი 10 მგ ვონაბი (ვონოპრაზანი) პერორალურად ერთხელ დღეში.

კუჭის ან თორმეტგოჯა ნაწლავის წყლულის რეციდივის პრევენცია არასტეროიდული ანთების საწინააღმდეგო საშუალების (აასს) მიღებისას

ჩვეულებრივი დოზა მოზრდილთათვის შეადგენს ვონაბის (ვონოპრაზანი) 10 მგ ერთ ტაბლეტს პერორალურად დღეში ერთხელ.

დამატება Helicobacter pylori–ს ერადიკაციასთან

მოზრდილებში სამი პრეპარატისგან შემდგარი შემდეგი სქემა უნდა დაინიშნოს პერორალურად, ერთსა და იმავე დროს დღეში ორჯერ შვიდი დღის განმავლობაში: 20 მგ ვონაბი (ვონოპრაზანი), 750 მგ ამოქსიცილინის ჰიდრატი და 200 მგ კლარითრომიცინი. კლარითრომიცინის დოზა შეიძლება გაიზარდოს კლინიკური ჩვენებების მიხედვით. თუმცა, დოზა არ უნდა აღემატებოდეს 400 მგ ორჯერ დღეში.

თუ Helicobacter pylori-ის ერადიკაცია სამი პრეპარატისგან შემდგარი სქემით, რომელიც შეიცავს პროტონული ტუმბოს ინჰიბიტორს, ამოქსიცილინის ჰიდრატს და კლარითრომიცინს, წარუმატებელი აღმოჩნდა, როგორც ალტერნატიული მკურნალობა, მოზრდილებს უნდა დაენიშნოთ შემდეგი სამი პრეპარატი პერორალურად დღეში ორჯერ შვიდი დღის განმავლობაში: 20 მგ ვონაბი (ვონოპრაზანი), 750 მგ ამოქსიცილინის ჰიდრატი და 250 მგ მეტრონიდაზოლი.

უკუჩვენებები

ვონოპრაზანი უკუნაჩვენებია:

• ვონოპრაზანის ან პრეპარატის რომელიმე დამხმარე ნივთიერების მიმართ ჰიპერმგრძნობელობის მქონე პაციენტებში.

• პაციენტებში, რომლებიც იღებენ ატაზანავირის სულფატს, ნელფინავირს ან რილპივირინის ჰიდროქლორიდს.

გვერდითი რეაქციები

ვონოპრაზანის გამოყენებისას აღინიშნა შემდეგი გვერდითი რეაქციები:

დიარეა, ყაბზობა, წამლისმიერი ჰიპერმგრძნობელობა (ანაფილაქსიური შოკის ჩათვლით), წამლისმიერი გამონაყარი, ჭინჭრის ციება, ჰეპატოტოქსიკურობა, სიყვითლე, გამონაყარი, გულისრევა, მუცლის შებერილობა, გამა-გლუტამილ ტრანსფერაზას მომატება, AST-ს მომატება. ღვიძლის ფუნქციური ტესტის ნორმიდან გადახრა, ALT–ს მომატება, ALP–ს მომატება, LDH–ს მომატება, γ – GPT–ს მომატება, შეშუპება და ეოზინოფილია.

სიფრთხილის ზომები

ზოგადი

მკურნალობისას საჭიროა დაავადების მიმდინარეობაზე გულდასმით დაკვირვება და დაავადების მდგომარეობასთან შესაბამისად მინიმალური თერაპიული აუცილებლობის გამოყენება.

ხანგრძლივ პერიოდში ვონოპრაზანით მკურნალობისას უნდა განხორციელდეს გულდასმით დაკვირვება ისეთი საშუალებებით, როგორიცაა ენდოსკოპია.

რეფლუქს-ეზოფაგიტის განკურნების შენარჩუნებისას ვონოპრაზანი უნდა დაინიშნოს მხოლოდ იმ პაციენტებში, რომლებშიც გამოვლინდება მდგომარეობის განმეორებითი რეციდივი და გამწვავება. თავიდან უნდა იქნას აცილებული იმ პაციენტებში დანიშვნა, რომლებიც არ საჭიროებენ განკურნების შენარჩუნებას.

როდესაც განკურნება შენარჩუნებულია ხანგრძლივი პერიოდის განმავლობაში და როდესაც არ არსებობს რეციდივის რისკი, გათვალისწინებული უნდა იყოს დოზის შემცირება 20 მგ დოზიდან 10 მგ-მდე, ან გამოყენების შეჩერება.

თირკმლების ფუნქციის დარღვევა

ვონოპრაზანი სიფრთხილით უნდა დაინიშნოს პაციენტებში თირკმლის მხრივ დარღვევებით, რადგან შეიძლება განვითარდეს ვონოპრაზანის ექსკრეციის შეფერხება, რამაც შეიძლება გამოიწვიოს სისხლში ვონოპრაზანის კონცენტრაციის მომატება.

ღვიძლის ფუნქციის დარღვევა

ვონოპრაზანი სიფრთხილით უნდა დაინიშნოს ღვიძლის ფუნქციის დარღვევის მქონე პაციენტებში, რადგან შეიძლება მოხდეს ვონოპრაზანის მეტაბოლიზმის და ექსკრეციის შეფერხება, რამაც შეიძლება გამოიწვიოს სისხლში ვონოპრაზანის კონცენტრაციის მომატება. აღინიშნა ღვიძლის ფუნქციის დარღვევები, მათ შორის ღვიძლის დაზიანება. ვონოპრაზანის მიღების შეწყვეტა რეკომენდირებულია პაციენტებში, რომლებსაც აღენიშნებათ ღვიძლის ფუნქციის დარღვევები ან თუ მათ განუვითარდათ ნიშნები ან სიმპტომები, რომლებიც მიუთითებენ ღვიძლის დისფუნქციაზე.

ინტრაგასტრიკული pH-ის მომატება

ვონოპრაზანის დანიშვნა იწვევს ინტრაგასტრიკული pH-ის მატებას და, შესაბამისად, არ არის რეკომენდებული იმ პრეპარატებთან ერთად მიღება, რომელთა აბსორბცია დამოკიდებულია ინტრაგასტრიკულ მჟავე pH-ზე. ვონოპრაზანზე სიმპტომური პასუხი არ გამორიცხავს კუჭის ავთვისებიანი სისმსივნის არსებობას. ამიტომ, ამ პრეპარატის მიღების დაწყებამდე აუცილებელია იმის დადგენა, რომ წყლულს არ გააჩნია ავთვისებიანი ბუნება.

Clostridium difficile, სერიოზული კოლიტი, მათ შორის ფსევდომემბრანული კოლიტი

არსებობს Clostridium difficile-ით გამოწვეული კუჭ-ნაწლავის ინფექციის გაზრდილი რისკი. სერიოზული კოლიტი, რომელსაც თან ახლავს სისხლიანი განავალი, როგორიცაა ფსევდომემბრანული კოლიტი, შეიძლება განვითარდეს ამოქსიცილინის ჰიდრატის ან კლარითრომიცინის გამო, რომლებიც გამოიყენება Helicobacter pylori -ის ერადიკაციისთვის ვონოპრაზანთან ერთად კომბინაციაში. თუ განვითარდა მუცლის ტკივილი და ხშირი დიარეა, უნდა იქნას მიღებული შესაბამისი ზომები, როგორიცაა მკურნალობის დაუყოვნებლივ შეწყვეტა.

კუჭის კეთილთვისებიანი პოლიპები

კუჭის კეთილთვისებიანი პოლიპი განვითარდა პაციენტში პტი-ების ხანგრძლივი მიღებისას.

მოტეხილობები

ოსტეოპოროზით გამოწვეული ბარძაყის, მაჯის ან ხერხემლის მოტეხილობების გაზრდილი რისკი აღინიშნა პაციენტებში, რომლებიც მკურნალობდნენ პროტონული ტუმბოს ინჰიბიტორებით. მოტეხილობების რისკი განსაკუთრებით გაიზარდა იმ პაციენტებში, რომლებიც იღებდნენ მაღალ დოზებს ან ხანგრძლივ (ერთი წელი ან მეტი) მკურნალობას.

ჰიპომაგნემია

მძიმე ჰიპომაგნემია აღინიშნა პაციენტებში, რომლებიც იმყოფებოდნენ ხანგრძლივ მკურნალობაზე პტი-ებით სულ მცირე სამი თვის განმავლობაში და უმეტეს შემთხვევაში ერთი წლის განმავლობაში.

გამოყენება ხანდაზმულებში

ვინაიდან ფიზიოლოგიური ფუნქციები, როგორიცაა ღვიძლის ან თირკმლების ფუნქცია, ხანდაზმულ პაციენტებში ზოგადად დაქვეითებულია, ვონოპრაზანი უნდა დაინიშნოს სიფრთხილით.

18 წელზე ნაკლები ასაკის ბავშვებში გამოყენება

ვონოპრაზანი არ არის შესწავლილი 18 წლამდე ასაკის პაციენტებში.

ორსულობა

ვონოპრაზანი უნდა იქნას გამოყენებული ორსულ ქალებში ან ქალებში, რომლებსაც აქვთ დაორსულების შესაძლებლობა მხოლოდ იმ შემთხვევაში, თუ მოსალოდნელი თერაპიული სარგებელი აღემატება ნებისმიერ შესაძლო რისკს.

მეძუძური დედები

მეძუძურ დედებში მიზანშეწონილია ვონოპრაზანის მიღებისგან თავის არიდება. თუმცა, როდესაც პრეპარატის შეყვანა აუცილებელია, ძუძუთი კვება უნდა შეწყდეს.

წამლისმიერი ურთიერთქმედება

ვონოპრაზანი სიფრთხილით უნდა დაინიშნოს შემდეგ პრეპარატებთან ერთად გამოყენებისას:

პრეპარატები	ნიშნები	მექანიზმი და რისკის ფაქტორები
CYP3A4ინჰიბიტორები კლარითრომიცინი და სხვა	სისხლში ვონოპრაზანის კონც. შეიძლება გაიზარდოს.	აღინიშნა, რომ სისხლში ვონოპრაზანის კონც. გაიზარდა კლარითრომიცინთან ერთდროული გამოყენებისას.
დიგოქსინი, მეთილდიგოქსინი	ამ პრეპარატების ეფექტი შეიძლება გაძლიერდეს.	ვონოპრაზანის კუჭის ანტისეკრეტორულმა ეფექტმა შეიძლება დათრგუნოს დიგოქსინის ჰიდროლიზი, რაც იწვევს სისხლში დიგოქსინის კონცენტრაციის მატებას.
იტრაკონაზოლი, ტიროზინ კინაზას ინჰიბიტორები გეფიტინიბი, ნილოტინიბი, ერლოტინიბი	ამ პრეპარატების ეფექტი შეიძლება შემცირდეს.	ვონოპრაზანის კუჭის ანტისეკრეტორულმა ეფექტმა შეიძლება გამოიწვიოს სისხლში ამ პრეპარატების კონცენტრაციის მატება.

ჭარბი დოზირება

ვონოპრაზანის დოზის გადაჭარბების გამოცდილება არ არსებობს. ვონოპრაზანი არ გამოიყოფა სისხლის მიმოქცევიდან ჰემოდიალიზით. ჭარბი დოზირების შემთხვევაში მკურნალობა უნდა იყოს სიმპტომური და შემანარჩუნებელი.

შენახვა

არ შეინახოთ 30°C-ზე მაღალ ტემპერატურაზე.

დაიცავით მზის სხივებისგან და ტენიანობისგან.

ვარგისობის ვადა ეხება პროდუქტს, რომელიც სწორად არის შენახული მოთხოვნილ პირობებში.

როგორ არის მიწოდებული

ვონაბი (ვონოპრაზანი) ტაბლეტები 10 მგ ხელმისაწვდომია 14 ცალიან შეფუთვაში.

ვონაბი (ვონოპრაზანი) ტაბლეტები 20 მგ ხელმისაწვდომია 14 ცალიან შეფუთვაში.

გაცემის წესი:

ფარმაცევტული პროდუქტის ჯგუფი -III , გაიცემა რეცეპტის გარეშე