ენტეროჯერმინა 2მლ.რდ 12 კაფსულა

პრეპარატის მიღების წინ ყურადღებით გაეცანით ჩანართში მოყვანილ ინფორმაციას. ნებისმიერი დამატებითი ინფორმაციის მისაღებად, მიმართეთ თქვენს მკურნალ ექიმს.

აღნიშნული პრეპარატი გამოწერილია პირადად თქვენთვის. დაუშვებელია მისი გადაცემა სხვა პირისათვის იმ შემთხვევაშიც კი, თუ მისი სიმპტომები თქვენსას ემთხვევა, რადგან მედიკამენტი შესაძლოა საზიანო აღმოჩნდეს მისთვის.

შეინახეთ მოცემული ჩანართი, რადგან შეიძლება მოგვიანებით დაგჭირდეთ მისი გადაკითხვა.

პრეპარატის სავაჭრო დასახელება: ენტეროჯერმინა® / Eნტეროგერმინა®

საერთაშორისო არაპატენტირებული დასახელება: ამოღებულია.

სამკურნალო ფორმა: კაფსულები.

შემადგენლობა

ერთი კაფსულა შეიცავს:

აქტიურ ნივთიერებას: 2 მილიარდ Bაცილლუს ცლაუსიი-ის ანტიბიოტიკ-პოლირეზისტენტულ სპორებს.

დამხმარე ნივთიერებები: კაოლინი, მიკროკრისტალური ცელულოზა, მაგნიუმის სტეარატი;

კაფსულის შემადგენლობა: ჟელატინი, ტიტანის დიოქსიდი (E 171), გასუფთავებული წყალი.

აღწერა: მაგარი თეთრი ჟელატინის კაფსულები, რომელიც შეიცავს წვრილ ფხვნილს მოთეთროდან სპილოს ძვლის ფერამდე.

ფარმაკოთერაპიული ჯგუფი: დიარეის საწინააღმდეგო მიკროორგანიზმები.

ათქ კოდი: A07FA.

გამოყენების ჩვენება

ნაწლავის დისბაქტერიოზისა (დისმიკრობიოზის) და შემდგომი ენდოგენური დევიტამინოზის მკურნალობა და პროფილაქტიკა.

ანტიბიოტიკებითა თუ ქიმიოთერაპიული საშუალებებით ჩატარებული მკურნალობის განმავლობაში გადაგვარებული ნაწლავის მიკრობული ფლორის აღდგენის დასახმარებელი თერაპია.

კუჭ-ნაწლავის ფუნქციის მწვავე და ქრონიკული დარღვევები ბავშვებში, რაც დამახასიათებელია ინტოქსიკაციის ან კუჭ-ნაწლავის დისბაქტერიოზისა (დისმიკრობიოზის) და დევიტამინოზისათვის.

გამოყენების წესი და დოზირება

მიიღება პერორალურად.

დოზირება

მოზრდილები: 2-3 კაფსულა დღეში. მკურნალი ექიმის მიერ შეიძლება დანიშნულ იქნას სხვა დღიური დოზირება პაციენტის მდგომარეობის მიხედვით.

პრეპარატის ერთჯერადი დოზებით (1 კაფსულა) პრეპარატის მიღების რეკომენდებული ინტერვალი შეადგენს 3-4 საათს.

6 წელზე უფროსი ასაკის ბავშვები: 1-2 კაფსულა დღეში. მკურნალი ექიმის მიერ შეიძლება დანიშნულ იქნას სხვა დღიური დოზირება პაციენტის მდგომარეობის მიხედვით.

იმ შემთხვევაში, თუ პრეპარატის დღე-ღამის დოზა შეადგენს 1 კაფსულას, პრეპარატი მიიღება დღეში ერთხელ.

იმ შემთხვევაში, თუ პრეპარატის დღე-ღამის დოზა აღემატება 1 კაფსულას, პრეპარატის ერთჯერადი დოზის (1 კაფსულა) მიღების შორის რეკომენდებული ინტერვალი შეადგენს 3-4 საათს.

მიღების წესი

კაფსულა მიიღეთ მცირე რაოდენობის წყლის ან სხვა სითხის მიყოლებით.

იმ შემთხვევაში, თუ ბავშვებს უჭირთ კაფსულის გადაყლაპვა, პრეპარატი გამოიყენეთ სუსპენზიის ფორმით.

უკუჩვენებები

მომატებული მგრძნობელობა მოქმედი ნივთიერების ან პრეპარატის რომელიმე ინგრედიენტის მიმართ.

განსაკუთრებული გაფრთხილება და უსაფრთხოების ზომები

განსაკუთრებული გაფრთხილება

მოცემული პრეპარატის მიღება არ არის უკუნაჩვენები ცელიაკიის (ან გლუტენური დაავადების) მქონე პაციენტებისათვის.

გაფრთხილება გამოყენებასთან დაკავშირებით

ანტიბიოტიკებით ჩატარებული მკურნალობის დროს, პრეპარატი მიიღება ანტიბიოტიკის დოზებს შორის ინტერვალში.

ორსულობა და ძუძუთი კვების პერიოდი

მოცემული პრეპარატის მიღება არ არის უკუნაჩვენები ორსულობისა და ძუძუთი კვების პერიოდში.

გვერდითი მოქმედება

არსებობს ცნობები ისეთი ალერგიული რეაქციების შესახებ, როგორიცაა გამონაყარი და ჭინჭრის ციება, რომლებიც მიღებულია პრეპარატის გამოყენების შედეგად.

ჭარბი დოზირება

დღემდე ჭარბი დოზირების კლინიკური მაჩვენებლები არ გამოვლენილა.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

სხვა სამკურნალო საშუალებებთან ერთდროულ მიღებასთან დაკავშირებით ურთიერთქმედების თაობაზე მონაცემები ცნობილი არ არის.

ზემოქმედება სატრანსპორტო საშუალებების ან სხვა მექანიზმების მართვის შესაძლებლობაზე

პრეპარატი არ მოქმედებს სატრანსპორტო საშუალებების ან სხვა მექანიზმების მართვის შესაძლებლობებზე.

გამოშვების ფორმა

12 კაფსულა პვქ/პვდქ/ალუმინის ბლისტერში. 1 ან 2 ბლისტერი და გამოყენების ინსტრუქცია მოთავსებულია მუყაოს კოლოფში.

შენახვის პირობები

პრეპარატი ინახება არა უმეტეს 30 oC ტემპერატურაზე.

შეინახეთ ბავშვებისათვის მიუწვდომელ ადგილას.

ვარგისიანობის ვადა

3 წელი.

აფთიაქიდან გაცემის პირობა

ფარმაცევტული პროდუქტის ჯგუფი III – გამოყენება შესაძლებელია ექიმის დანიშნულების გარეშე.