Canephron N - კანეფრონი N 60 დრაჟე

კანეფრონი N #60 დრაჟე

სამკურნალწამლო ფორმა:

შიგნით მისაღები წვეთები და დრაჟე
შემადგენლობა:
100 გ წვეთი შეიცავს:
29 გ წყალ-სპირტიან ექსტრაქტს, რომელიც მიღებულია შემდეგი სამკურნალო მცენარეული ნედლეულისგან:
1. ასისათავას ბალახი        (Herba Centauri)         0,6 გ
2. ცისკარას ფესვი         (Radix Levistici)      0,6 გ
3. როზმარინის ფოთლები      (Folia Rosmarini)     0,6  გ
ეთანოლის შემცველობა: 19% (მოცულობითი თანაფარდობით)
დამატებითი ინგრედიენტები: გამოხდილი წყალი.
1 დრაჟე შეიცავს შემდეგი სამკურნალო მცენარეების დაფხვნილ ნედლეულს:
1. ასისათავას ბალახი        (Herba Centauri)         18 მგ
2. ცისკარას ფესვი         (Radix Levistici)      18 მგ
3. როზმარინის ფოთლები      (Folia Rosmarini)     18 მგ
დამატებითი ინგრედიენტები: 
კალციუმის კარბონატი, დექსტრინი, საფრქვევით გამომშრალი გლუკოზას სიროფი, ლაქტოზას მონოჰიდრატი, მაგნიუმის სტეარატი, სიმინდის სახამებელი (პრე-ჟელატინირებული), მონტანის გლიკოლის ცვილი, პოვიდონი (25,30), ბუნებრივი აბუსალათინის ზეთი, საქაროზა, შელაკი, მაღალდისპერსიული სილიციუმის დიოქსიდი, ტალკი;
საღებავი: რკინის (III) ოქსიდი (E172), რიბოფლავინი (E101), ტიტანის დიოქსიდი (E 171).
აღწერილობა:
შიგნით მისაღები წვეთები: გამჭვირვალე ან ოდნავ შემღვრეული, მოყვითალო-მოყავისფრო სითხე. 
დრაჟე: ფორთოხლისფერი, მრგვალი, ორმხრივამოზნექილი და გლუვი ზედაპირით.
ფარმაკოლოგიური თვისებები:
კანეფრონ® N–ში შემავალი ინგრედიენტები ხასიათდებიან შარდმდენი, სპაზმოლიზური, ანთების საწინააღმდეგო და ანტიბაქტერიული თვისებებით.
გამოყენების ჩვენებები:
პრეპარატი გამოიყენება შარდის ბუშტისა (ცისტიტი) და თირკმელების (პიელონეფრიტი) ქრონიკული ანთებითი დაავადებების კომპლექსური  მკურნალობისა და თირკმელების ქრონიკული არაინფექციური დაავადებების (გლომერულონეფრიტი, ინტერსტიციული ნეფრიტი) დროს, ასევე შარდის გამომყოფ სისტემაში კენჭების წარმოქმნის ხელისშემშლელ საშუალებად (ასევე მათი გამოძევების შემდეგ). 
უკუჩვენებები:
მომატებული მგრძნობელობა პრეპარატის აქტიური ნივთიერებების ან დამატებითი ინგრედიენტების მიმართ.
მწვავე პეპტიური წყლული.
გვერდითი მოვლენები:
მომატებული მგრძნობელობა/ალერგიული რეაქციები და გასტროენტერალური დარღვევები (გულისრევა, პირღებინება, ფაღარათი) შეიძლება განვითარდეს იშვიათ შემთხვევებში. მომატებული მგრძნობელობის/ალერგიული რეაქციების პირველი ნიშნების გამოვლენისთანავე კანეფრონი® N მიღება უნდა შეწყდეს.
გამოყენების წესი და დოზირება:
მოზრდილები:   50 წვეთი ან 2 დრაჟე 3-ჯერ დღეში;
სკოლის ასაკის ბავშვები:     25 წვეთი ან 1 დრაჟე 3-ჯერ დღეში;
ბავშვები 1 წლის ასაკიდან:   15 წვეთი 3-ჯერ დღეში;
დაავადების მწვავე პერიოდის გავლის შემდეგ საჭიროა კანეფრონ® N-ით მკურნალობის გაგრძელება 2 - 4 კვირის განმავლობაში.
საჭიროების შემთხვევაში, მაგალითად ბავშვებისათვის მისი მწარე გემოს შესამცირებლად, შესაძლებელია წვეთების მიღება სხვა სითხეებთან ერთად.
დრაჟე მიიღება დაღეჭვის გარეშე, მცირე რაოდენობის წყალთან ერთად. 
დოზის გადაჭარბება:
დოზის გადაჭარბების არცერთი შემთხვევა არ არის აღწერილი.
დოზის გადაჭარბების შემთხვევაში, საჭიროა სიმპტომური მკურნალობის ჩატარება. 
ურთიერთქმედება სხვა სამკურნალწამლო საშუალებებთან:
ანტიბაქტერიულ სამკურნალო პრეპარატებთან კომბინაცია შესაძლებელია და მიზანშეწონილია. ურთიერთქმედება სხვა მედიკამენტებთან ცნობილი არ არის. 
გამოყენება ორსულობისა და ლაქტაციის დროს:
ორსულობისა და ლაქტაციის პერიოდში რეკომენდებული დოზის მიღების შემთხვევაში არ არსებობს მტკიცებულება პრეპარატის საზიანო ზემოქმედების შესახებ. თუმცა, კანეფრონი® N -ის, ისევე როგორც სხვა ნებისმიერი პრეპარატის დანიშვნა ორსულობისა და ლაქტაციის პერიოდში ხდება მკურნალი ექიმის მიერ, მხოლოდ პრეპარატის მიღების რისკისა და სარგებლიანობის განსაზღვრის შემდეგ.
განსაკუთრებული მითითებები:
არ არის რეკომენდებული კანეფრონი® Nდრაჟეს მიღება 6 წლამდე ასაკის ბავშვებში და კანეფრონი® N შიგნით მისაღები წვეთების გამოყენება 1 წლამდე ასაკის ბავშვებში.
კანეფრონი®N-ის მიღების წინ გთხოვთ მიმართოთ ექიმს კონსულტაციისათვის ქვემოჩამოთვლილ შემთხვევებში:
_ თირკმელების ფუნქციის დაქვეითება 
_ თირკმელების ანთებითი დაავადებები
_ შეშუპებისას, რომელიც გამოწვეულია გულის ან თირკმლის უკმარისობით.
შარდში სისხლის გაჩენის, შარდის გამოყოფის გაძნელების ან შარდის მწვავე შეკავების შემთხვევაში დაუყონებლივ მიმართეთ ექიმს.
კანეფრონი® N –ის დრაჟე შეიცავს გლუკოზას, საქაროზას და ლაქტოზას. თუ გაქვთ რომელიმე ამ შაქრის აუტანლობა პრეპარატის  მიღებამდე დაუკავშირდით მკურნალ ექიმს.
კანეფრონი® N -ის შიგნით მისაღები წვეთები შეიცავს 19% (მოცულობით) ეთანოლს. ალკოჰოლის შემცველობის გამო პრეპარატის გამოყენება არ შეიძლება ალკოჰოლიზმით დაავადებულ პაციენტებში და ასევე წარმატებული ანტიალკოჰოლური მკურნალობის შემდეგ. ღვიძლის დაავადებების დროს პრეპარატის მიღება შესაძლებელია ექიმთან კონსულტაციის შემდეგ.
კანეფრონი® N -ით მკურნალობის დროს რეკომენდებულია დიდი რაოდენობით სითხის მიღება. გამოყენებისას ფლაკონი დაიჭირეთ ვერტიკალურად. შესაძლებელია ხსნარის მსუბუქად შემღვრევა ან უმნიშვნელო ნალექის წარმოქმნა, რაც გავლენას არ ახდენს პრეპარატის ეფექტურობაზე. გამოყენების წინ ფლაკონი შეანჯღრიეთ. პრეპარატი არ ახდენს ზეგავლენას ავტომობილის მართვასა და მექანიკურ დანადგარებთან მუშაობის უნარზე.
შაქრიანი დიაბეტით დაავადებულთა საყურადღებოდ: 
ათვისებადი ნახშირწყლების შემცველობა 1 დრაჟეში შეადგენს დაახლოებით 0.02 „პურის ერთეულს“. 
გამოშვების ფორმა:
დრაჟე: ბლისტერები, 20 დრაჟე თითოეულზე; შეფუთვა: 60 და 120 დრაჟე;
შიგნით მისაღები წვეთები: 50 და 100 მლ ფლაკონები
შენახვის პირობები:
შეინახეთ მშრალ და სინათლისაგან დაცულ ადგილას, ტემპერატურაზე არაუმეტეს 25Oc. შეინახეთ ბავშვებისათვის მიუწვდომელ ადგილას.
ვარგისიანობის ვადა:  
შიგნით მისაღები წვეთები: 24 თვე.
დრაჟე: 3 წელი. 
გახსნილი ფლაკონის გამოყენება შესაძლებელია 6 თვის განმავლობაში.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ!
აფთიაქიდან გაცემის წესი:
ფარმაცევტული პროდუქტის III ჯგუფი – გამოყენება შესაძლებელია ექიმის დანიშნულების გარეშე.