ცეფტრიაქსონი - Ceftriaxone 1გ 270 ფლაკონი

ცეფტრიაქსონი

სავაჭრო დასახელება : ცეფტრიაქსონი.

საერთაშორისო არა პატენტირებული დასახელება: Ceftriaxone

გამოშვების ფორმა : საინექციო ხსნარის მოსამზადებელი ფხვნილი 0,5 გ და 1,0 გ.

შემადგენლობა : ერთი ფლაკონი შეიცავს - ცეფტრიაქსონი 0.5 გ ან 1.0 გ (ცეფტრიაქსონის ნატრიუმის მარილის სახით).

აღწერა : თითქმის თეთრი ან მოყვითალო კრისტალური ფხვნილი.

ფარმაკოთერაპიული ჯგუფი : ანტიბაქტერიული პრეპარატები სისტემური გამოყენებისათვის. III თაობის ცეფალოსპორინები.

ათქ კოდი J01DD04.

უფროდეტალური ინფორმაცია პრეპარატის შესახებ ასევე შეგიძლიათ იხილოთ სამედიცინო გამოყენების ინსტრუქციაში .

სამკურნალო საშუალება ცეფტრიაქსონის გამოყენებამდე უნდა მიმართოთ კონსულტაციისთვის ექიმს.ოპტიმალური შედეგის მისაღწევად გამოიყენეთ ეს პრეპარატი ფურცელ-ჩანართში მოცემული ყველა რეკომენდაციის შესაბამისად .

შეინახეთ ფურცელი-ჩანართი, რადგანაც შეიძლება ის კვლავ დაგჭირდეთ.კითხვების გაჩენის შემთხვევაში მიმართეთ ექიმს .

ეს სამკურნალო საშუალება დაგინიშნეს მხოლოდ თქვენ. ნუ გადასცემთ მას სხვა პირებს. ამან შეიძლება ზიანი მიაყენოს მათ,მაშინაცკი,თუ მათი დაავადების სიმპტომები თქვენსას ემთხვევა.

გამოყენების ჩვენებები

პრეპარატი ნაჩვენებია მოზრდილებში და ბავშვებში შემდეგი ინფექციების სამკურნალოდ, დროული ახალშობილების ჩათვლით: ბაქტერიული მენინგიტები, არა-ჰოსპიტალური და ჰოსპიტალური პნევმონიები, შუა ყურის მწვავე ოტიტი, მუცლის ღრუს ინფექციები, შარდგამომყოფი გზების გართულებული ინფექციები, ძვლებისა და სახსრების ინფექციები, კანისა და რბილი ქსოვილების გართულებული ინფექციები, გონორეა, სიფილისი, ბაქტერიული ენდოკარდიტი. ასევე შეიძლება გამოყენებულ იქნას ფილტვების ქრონიკული ობსტრუქციული დაავადების გამწვავების სამკურნალოდ მოზრდილებში; ლაიმის დისემინირებული ბორელიოზის II – III სტადიების სამკურნალოდ მოზრდილებში და ბავშვებში, ახალშობილების ჩათვლით, სიცოცხლის მე-15 დღიდან; ნეიტროპენიის და ცხელების მქონე პაციენტების სამკურნალოდ, რომელიც სავარაუდოდ დაკავშირებულია ბაქტერიულ ინფექციასთან; ბაქტერიემიისას, რომელიც განვითარდა ზემოთ ჩამოთვლილი ინფექციების დროს, და ასევე გამოიყენება ქირურგიული ინფექციების წინასაოპერაციო პროფილაქტიკისთვის.

უკუჩვენებები

- მომატებული მგრძნობელობა ცეფტრიაქსონის, სხვა ცეფალოსპორინების მიმართ;

- ანამნეზში ჰიპერმგრძნობელობის მძიმე რეაქციები (მაგ., ანაფილაქსიური რეაქციები) ნებისმიერი სხვა ტიპის ბეტა-ლაქტამური ანტიბაქტერიული პრეპარატების მიმართ (პენიცილინები, მონობაქტამები, კარბაპენემები);

- დღენაკლი ახალშობილებისათვის 41 კვირის ასაკამდე (გესტაციური ასაკი + ქრონოლოგიური ასაკი);

- დროული ახალშობილებისათვის (სიცოცხლის 28 დღემდე) ბილირუბინის დონის მომატების, სიყვითლის ან ალბუმინის დონის შემცირების, აციდოზის დროს, და ასევე როდესაც საჭიროა კალციუმის შემცველი ხსნარების შეყვანა (ცეფტრიაქსონის კალციუმის ხსნარებთან შეთავსება დაუშვებელია!).

გამოყენების წესი და დოზები

დოზა უნდა შეირჩეს ექიმის მიერ ინდივიდუალურად. დოზა დამოკიდებულია ინფექციის სიმძიმესა და ტიპზე, იმაზე ღებულობს თუ არა პაციენტი სხვა ანტიბიოტიკებს, პაციენტის სხეულის მასაზე და ასაკზე, და თუ რამდენად კარგად ფუნქციონირებენ თირკმელები და ღვიძლი. მკურნალობის ხანგრძლივობა დამოკიდებულია ინფექციის ტიპზე.

მოზრდილებიდა12წელზეუფროსიასაკისბავშვები(სხეულისმასა≥50კგ )

დოზა	გამოყენებისჯერადობა *	ჩვენებები
1-2 გ	1-ჯერ დღეღამეში	არა-ჰოსპიტალური პნევმონიები. ფილტვის ქრონიკული ობსტრუქციული დაავადების გამწვავება. ინტრააბდომინალური ინფექციები. შარდგამომყოფი გზების გართულებული ინფექციები (პიელონეფრიტის ჩათვლით).
2 გ	1-ჯერ დღეღამეში	ჰოსპიტალური პნევმონიები. კანისა და რბილი ქსოვილების გართულებული ინფექციები. ძვლებისა და სახსრების ინფექციები.
2 -4 გ	1-ჯერ დღეღამეში	ნეიტროპენია ცხელებით, რომლებიც გამოწვეულია ბაქტერიული ინფექციით. ბაქტერიული ენდოკარდიტი. ბაქტერიული მენინგიტი.

*პრეპარატის დანიშვნისას დღეში2გ-ზე მეტი დოზით, გასათვალისწინებელია პრეპარატის დღეღამეში 2-ჯერგამოყენების შესაძლებლობა .

ჩვენებები მოზრდილებისა და12 წელზე უფროსი ასაკის ბავშვებისათვის(≥50კგ),რომლებიც საჭიროებენ პრეპარატის შეყვანის სპეციალურ რეჟიმს :

შუა ყურის მწვავე ოტიტი:ერთჯერადად კუნთში შეყვანა 1-2 გ დოზით. მძიმე შემთხვევებში 1-2 გ დღეში 3 დღის განმავლობაში.

ქირურგიული ინფექციების წინა საოპერაციო პროფილაქტიკა : ოპერაციამდე (30-90 წუთით ადრე) ერთჯერადად შეყვანა 2 გ დოზით.

გონორეა : ერთჯერადად შეყვანა 0,5 გ დოზით.

სიფილისი : 0,5 გ ან 1 გ დღეში ერთჯერ, იზრდება 2 გ-მდე დღეში ერთჯერ ნეიროსიფილისის დროს, მკურნალობის ხანგრძლივობაა 10-14 დღე.

დისემინირებული ლაიმის ბორელიოზი:2 გ დღეში ერთჯერ, 14-21 დღის განმავლობაში.

ახალშობილები,ჩვილებიდა15დღიდან12წლამდე ასაკის(<50კგ) ბავშვები

დოზა	გამოყენებისჯერადობა *	ჩვენებები
50-80 მგ/კგ სხეულის მასაზე	1-ჯერ დღეღამეში	ინტრააბდომინალური ინფექციები. შარდგამომყოფი გზების გართულებული ინფექციები (პიელონეფრიტის ჩათვლით). არა-ჰოსპიტალური პნევმონია. ჰოსპიტალური პნევმონია.
50-100 მგ/კგ სხეულის მასაზე (მაქსიმალური დოზა - 4 გ)	1-ჯერ დღეღამეში	კანისა და შარდგამომყოფი გზების გართულებული ინფექციები. ძვლებისა და სახსრების ინფექციები. ნეიტროპენიისა და ცხელების მქონე პაციენტები, რომლებიც გამოწვეულია ბაქტერიული ინფექციით.
80-100 მგ/კგ სხეულის მასაზე (მაქსიმალური დოზა - 4 გ)	1-ჯერ დღეღამეში	ბაქტერიული მენინგიტი.
100 მგ/კგ სხეულის მასაზე (მაქსიმალური დოზა - 4 გ)	1-ჯერ დღეღამეში	ბაქტერიული ენდოკარდიტი.

* დღეღამეში 2 გ-ზე მეტი დოზის დანიშვნისას გასათვალისწინებელია პრეპარატის 2-ჯერ გამოყენების შესაძლებლობა.

ჩვენებები ახალშობილებში, ჩვილებსა და15დღიდან12წლამდე ასაკის ბავშვებში(<50კგ),რომლებიც საჭიროებენ პრეპარატის შეყვანის სპეციალურ რეჟიმს

შუა ყურისმწვავეოტიტი : ერთჯერადად კუნთში 50 მგ/კგ სხეულის მასაზე. მძიმე შემთხვევებში 50 მგ/კგ დღეში 3 დღის განმავლობაში.

ქირურგიულიინფექციებისწინასაოპერაციოპროფილაქტიკა : ერთჯერადად ოპერაციამდე (30-90 წუთით ადრე) 50-80 მგ/კგ სხეულის მასაზე.

სიფილისი: 75-100 მგ/კგ სხეულის მასაზე დღეღამეში ერთჯერ, მკურნალობის ხანგრძლივობაა 10-14 დღე.

დისემინირებულილაიმისბორელიოზი: 50-80 მგ/კგ სხეულის მასაზე დღეღამეში ერთჯერ 14-21 დღის განმავლობაში.

0-14დღის ასაკისახალშობილები(დღენაკლიახალშობილები 41-კვირის ასაკიდან(გესტაციურიასაკი+ქრონოლოგიურიასაკი ).

დოზა	გამოყენებისჯერადობა	ჩვენებები
25-50 მგ/კგ სხეულის მასაზე	1-ჯერ დღეღამეში	ინტრააბდომინალური ინფექციები. კანისა და რბილი ქსოვილების გართულებული ინფექციები. შარდგამომყოფი გზების გართულებული ინფექციები (პიელონეფრიტის ჩათვლით). არა-ჰოსპიტალური და ჰოსპიტალური პნევმონიები. ძვლებისა და სახსრების ინფექციები. ნეიტროპენია და ცხელება, რომლებიც გამოწვეულია ბაქტერიული ინფექციით.
50 მგ/კგ სხეულის მასაზე	1-ჯერ დღეღამეში	ბაქტერიული მენინგიტი. ბაქტერიული ენდოკარდიტი.

არ გადააჭარბოთ მაქსიმალურ სადღეღამისო დოზას 50 მგ/კგ სხეულის მასაზე.

ჩვენებები 0-14 დღის ასაკის ახალშობილებისთვის, რომლებიც საჭიროებენ პრეპარატის შეყვანისსპეციალურრეჟიმს :

შუაყურის მწვავე ოტიტი : ერთჯერადად კუნთში დოზით 50 მგ/კგ სხეულის მასაზე.

ქირურგიული ინექციების წინასაოპერაციო პროფილაქტიკა : ერთჯერადად ოპერაციის წინ 20-50 მგ/კგ სხეულის მასაზე დოზით.

სიფილისი : 50 მგ/კგ სხეულის მასაზე დღეღამეში ერთჯერ, მკურნალობის ხანგრძლივობაა 10-14 დღე.

თერაპიის ხანგრძლივობა დამოკიდებულია დაავადების მიმდინარეობაზე. ცეფტრიაქსონის გამოყენება უნდა გაგრძელდეს 48-72 საათის განმავლობაში სხეულის ტემპერატურის ნორმალიზაციიდან ან გამომწვევის მოშორების დადასტურებიდან.

გამოყენება ხანდაზმული ასაკის პირებში : თირკმლებისა და ღვიძლის ნორმალური ფუნქციონირების პირობებში, ხანდაზმული პაციენტებისათვის დოზის კორექცია საჭირო არ არის.

გამოყენება ღვიძლის ან თირკმელების ფუნქციის დარღვევის მქონე პაციენტებში :

ღვიძლის ან თირკმელების ფუნქციის საშუალო დარღვევის დროს დოზის კორექცია საჭირო არ არის. თირკმლის მძიმე უკმარისობის დროს (კრეატინინის კლირენსი <10 მლ / წთ), ცეფტრიაქსონის დოზა არ უნდა აღემატებოდეს 2 გ-ს დღეში. დიალიზზე მყოფ პაციენტებში პრეპარატის დამატებითი შეყვანა პროცედურის შემდეგ საჭირო არ არის.

გამოყენების წესი. ცეფტრიაქსონი გამოიყენება ინტრავენური ინფუზიის სახით არანაკლებ 30 წუთის განმავლობაში (უპირატესი მეთოდი), ინტრავენურად ნელა ნაკადურად 5 წუთის განმავლობაში, ან კუნთში (ღრმა ინექციები).

ინტრავენური დოზები 50 მგ/კგ ან მეტი ჩვილებში და 12 წლამდე ასაკის ბავშვებში უნდა იქნას შეყვანილი ინფუზიით.

ქირურგიული ინფექციების წინასაოპერაციო პროფილაქტიკისთვის ცეფტრიაქსონი უნდა იქნას შეყვანილი ოპერაციამდე 30-90 წუთით ადრე.

ახალშობილებში ინფუზიის ხანგრძლივობა უნდა იყოს 60 წუთზე მეტი.

კუნთში შეყვანა უნდა განხორციელდეს დიდ კუნთებში, ერთ კუნთში უნდა იქნას შეყვანილი არაუმეტეს 1 გ. 2 გ-ზე მეტი დოზებისთვის უნდა იქნას გამოყენებული ინტრავენური შეყვანის მეთოდი.

ცეფტრიაქსონი უკუნაჩვენებია ახალშობილებში კალციუმის პრეპარატების ან კალციუმის შემცველი ხსნარების შეყვანის აუცილებლობისას (რინგერის ხსნარი, ჰარტმანის ხსნარი). ცეფტრიაქსონი და კალციუმის შემცველი ხსნარები არ უნდა იქნას შერეული ან ერთდროულად გამოყენებული.

ხსნარებისმომზადება.კუნთში ინექციისთვის 1 გ უნდა გაიხსნას 3,5 მლ საინექციო წყალში. ინტრავენური ინექციისთვის 1 გ ცეფტრიაქსონი იხსნება 10 მლ საინექციო წყალში. საინფუზიო ხსნარის მოსამზადებლად 2 გ ცეფტრიაქსონი უნდა გაიხსნას 40 მლ ერთ – ერთ შემდეგ საინფუზიო ხსნარში, კალციუმის იონების გარეშე: 0,9% ნატრიუმის ქლორიდის ხსნარი, ნატრიუმის ქლორიდის ხსნარი 0,45% + გლუკოზის ხსნარი 2,5%, გლუკოზის ხსნარი 5% ან 10 %, 6% დექსტრანის ხსნარი 5% გლუკოზის ხსნარში, 6-10% ჰიდროქსიეთილირებული სახამებელი. ცეფტრიაქსონის შემცველი ხსნარები არ უნდა იყოს შერეული სხვა ანტიბიოტიკების შემცველ ხსნარებთან, როგორც მომზადების, ასევე შეყვანის დროს.

გვერდითიმოქმედება

ყველაზე ხშირია: ეოზინოფილია, ლეიკოპენია, თრომბოციტოპენია, დიარეა, გამონაყარი და ღვიძლის ფერმენტების კონცენტრაციის მომატება.

ინფექციები : სასქესო გზების მიკოზი, სხვადასხვა ლოკალიზაციის სუპერინფექცია, რაც გამოწვეულია სოკოებით ან სხვა რეზისტენტული მიკროორგანიზმებით.

იმუნური სისტემის მხრივ : ჰიპერმგრძნობელობის რეაქციები, ანაფილაქსიური რეაქციები, მათ შორის ანაფილაქსიური შოკი, ანაფილაქტოიდური რეაქციები.

ნერვული სისტემის მხრივ : თავის ტკივილი, თავბრუსხვევა, კრუნჩხვები.

სისხლის და ლიმფური სისტემის მხრივ: ნეიტროპენია, ლეიკოპენია, გრანულოციტოპენია, ეოზინოფილია, თრომბოციტოპენია, ანემია (ჰემოლიზური ანემიის ჩათვლით). ძალიან იშვიათად დაფიქსირდა აგრანულოციტოზის შემთხვევები (<500/მლ³). ხანგრძლივი მკურნალობის დროს აუცილებელია სისხლის სურათის რეგულარული კონტროლი.

საჭმლის მომნელებელი სისტემის მხრივ : სტომატიტი, გლოსიტი, გაუფორმებელი განავალი ან დიარეა, გულისრევა, ღებინება, პანკრეატიტი. ფსევდომემბრანული კოლიტი, ძირითადად გამოწვეული Clostridium difficile-თი.

ჰეპატობილიარული სისტემის მხრივ : კენჭები (პრეციპიტატები) ნაღვლის ბუშტში. იშვიათ შემთხვევებში თან ახლავს ტკივილი, გულისრევა და ღებინება. ღვიძლის ფერმენტების მომატება სისხლის შრატში (ასტ, ალტ, ტუტე ფოსფატაზა), ბირთვული სიყვითლე.

კანისა და კანქვეშა ქსოვილის მხრივ : კანის ალერგიული რეაქციები, როგორიცაა მაკულოპაპულური გამონაყარი ან ეგზანთემა, ჭინჭრის ციება, ალერგიული დერმატიტი, ქავილი, შეშუპება. მულტიფორმული ერითემა, სტივენს ჯონსონის სინდრომი, ლაიელის სინდრომი/ტოქსიკური ეპიდერმული ნეკროლიზი.

შარდის გამომყოფისისტემისმხრივ : ოლიგურია, გლუკოზურია, ჰემატურია. თირკმელებში პრეციპიტატების (კენჭების) წარმოქმნა ანურიითა და თირკმლის ფუნქციის დარღვევით.

ზოგადიდარღვევები : შემცივნება, ტემპერატურის მომატება.

რეაქციებიშეყვანისადგილზე : შეყვანისშემდეგ ვენის ანთება და ტკივილი ინექციის ადგილზე, რაც შეიძლება მინიმუმამდე შემცირდეს ნელი ინექციით, არანაკლებ 2-4 წუთის განმავლობაში.

გავლენა ლაბორატორიული კვლევების შედეგებზე : პროთრომბინის დროის გახანგრძლივება, სისხლის შრატში კრეატინინის დონის მომატება, კოაგულაციის დარღვევები; დადებითი კუმბსის ტესტი; ცრუ დადებითი შედეგი გალაქტოზემიის სინჯებზე, გლუკოზურიაზე. ურთიერთქმედება კალციუმთან.

ცეფტრიაქსონი არ უნდა იქნას დანიშნული ერთდროულად ან შერეული კალციუმის შემცველ ხსნარებთან, თუნდაც ცალკეული საინფუზიო სისტემების გამოყენებით!

ჩამოთვლილია გვერდითი რეაქციების, და ასევე იმს რეაქციების გამოვლენისას, რომლებიც არ არის მითითებული ფურცელ-ჩანართში, აუცილებლად უნდა მიმართოთ ექიმს.

სიფრთხილის ზომები

არსებობს ინფრომაცია ცეფტრიაქსონის მიმართ სერიოზული და სასიკვდილო ჰიპერმგრძნობელობის რეაქციების შესახებ. ჰიპერმგრძნობელობის მძიმე რეაქციების შემთხვევაში, ცეფტრიაქსონით მკურნალობა დაუყოვნებლივ უნდა შეწყდეს! მკურნალობის დაწყებამდე უნდა დადგინდეს, აქვს თუ არა პაციენტს ანამნეზში მძიმე ჰიპერმგრძნობელობის რეაქციები ცეფტრიაქსონის, სხვა ცეფალოსპორინების ან სხვა ბეტა-ლაქტამური ანტიბიოტიკების მიმართ. არსებობს ინფორმაცია მძიმე კანის მხრივი გვერდითი რეაქციების შესახებ (სტივენს ჯონსონის სინდრომი ან ტოქსიკური ეპიდერმული ნეკროლიზი), ინფრომაცია სასიკვდილო გამოსავლის მქონე შემთხვევების შესახებ, კალციუმ-ცეფტრიაქსონის პრეციპიტატების დალექვის გამო ფილტვებსა და თირკმელებში 1 თვეზე ნაკლები ასაკის ნაადრევ და დროულ ახალშობილებში.

მინიმუმ ერთ შემთხვევაში, ცეფტრიაქსონი და კალციუმი შეყვანილი იქნა სხვადასხვა დროს და სხვადასხვა საინფუზიო სისტემების გამოყენებით. არსებულ სამეცნიერო მონაცემებში არ არსებობს ცნობები დადასტურებული სისხლძარღვშიდა პრეციპიტატების შესახებ სხვა პაციენტებში, გარდა ახალშობილებისა, რომლებმაც მიიღეს ცეფტრიაქსონი და კალციუმის შემცველი ხსნარები ან კალციუმის შემცველი სხვა პროდუქტები.

მოწოდებულია ინფორმაციაანტიბაქტერიულ საშუალებასთან ასოცირებული კოლიტისა და ფსევდომემბრანული კოლიტის შესახებ თითქმის ყველა ანტიბაქტერიული საშუალების გამოყენებისას, ცეფტრიაქსონის ჩათვლით. კოლიტის სიმძიმის ხარისხი შეიძლება ცვალებადობდეს მსუბუქიდან სიცოცხლისთვის საშიშამდე. ამიტომაც მნიშვნელოვანია ამ დიაგნოზის გათვალისწინება იმ პაციენტებში, რომლებსაც აღენიშნებათ დიარეა ცეფტრიაქსონით მკურნალობის დროს ან მას შემდეგ. გასათვალისწინებელია ცეფტრიაქსონით მკურნალობის შეწყვეტისა და Clostridium difficile -სთვის სპეციფიკური მკურნალობის დანიშვნის საკითხი. ამ შემთხვევაში არ უნდა იქნას გამოყენებული პერისტალტიკის დამთრგუნველი პრეპარატები.

ისევე, როგორც სხვა ანტიბაქტერიული საშუალებების გამოყენების შემთხვევაში, ცეფტრიაქსონით მკურნალობის ფონზე შეიძლება აღინიშნოს არამგრძნობიარე მიკროორგანიზმებით გამოწვეული სუპერინფექციები.

ცეფტრიაქსონის უსაფრთხოება და ეფექტურობა ახალშობილებში, ჩვილებში და ბავშვებში დადგენილია დოზებისთვის, და აღწერილია პუნქტში „გამოყენების მეთოდი და დოზები“. კვლევებმა აჩვენა, რომ ცეფტრიაქსონს, ისევე როგორც ზოგიერთ სხვა ცეფალოსპორინს, შეუძლია ბილირუბინის გამოდევნა შრატის ალბუმინთან კავშირიდან. ცეფტრიაქსონის გამოყენება უკუნაჩვენებია ნაადრევი და დროული ახალშობილებისთვის, რომლებსაც აქვთ ბილირუბინული ენცეფალოპათიის განვითარების რისკი.

შესაძლებელია იმუნურად განპირობებული ჰემოლიზური ანემიის განვითარება ცეფტრიაქსონის შეყვანისას. ანემიის განვითარებისას აუცილებელია პრეპარატის მოხსნა ანემიის მიზეზის დადგენამდე.

ცეფტრიაქსონის გამოყენებისას თირკმლისა და ღვიძლის მძიმე უკმარისობის მქონე პაციენტებში აუცილებელია პრეპარატის უსაფრთხოებასა და ეფექტურობაზე კლინიკური კონტროლი.

პრეპარატმა შეიძლება წარმოქმნას ნალექი ნაღვლის ბუშტში, და შემდეგ ის გამოავლინონ ულტრაბგერითი კვლევით ჩრდილების სახით. ნალექი ქრება თერაპიის შეწყვეტის შემდეგ. პრეპარატის გამოყენებისას შესაძლებელია სეროლოგიური ტესტების შედეგების მცდარობა: კუმბსის ცრუ დადებითი ტესტი, ტესტები გალაქტოზემიაზე, არა-ფერმენტული ტესტები გლუკოზურიაზე.

პაციენტებში, რომლებსაც შეუყვანეს ცეფტრიაქსონი, აღწერილია პანკრეატიტის ერთეული შემთხვევები. ამ პაციენტების უმეტესობას ჰქონდა სანაღვლე გზების შეგუბების რისკ-ფაქტორები: ადრე გადატანილი პანკრეატიტი, მძიმე დაავადებები და პარენტერალური კვება.

1 გ პრეპარატი შეიცავს 3,6 მმოლ ნატრიუმს (≈83 მგ). ეს უნდა იქნას გათვალისწინებული პაციენტებში, რომლებიც არიან სუფრის მარილის შემცველობის კონტროლირებად დიეტაზე.

გამოყენებაორსულობისადალაქტაციის პერიოდში

ცეფტრიაქსონი ორსულობის დროს შეიძლება დაინიშნოს მხოლოდ მკაცრი ჩვენებებით. ცეფტრიაქსონის დანიშვნისას ძუძუთი კვება უნდა შეწყდეს.

გავლენა ავტომობილის მართვისა დამოძრავ მექანიზმებთან მუშაობის უნარზე.

ცეფტრიაქსონით მკურნალობის დროს შეიძლება განვითარდეს არასასურველი ეფექტები (მაგალითად, თავბრუსხვევა), რაც გავლენას მოახდენს მანქანების მართვის უნარზე (იხილეთ პუნქტი „გვერდითი მოქმედება“). პაციენტები ფრთხილად უნდა იყვნენ სატრანსპორტო საშუალებების ან სხვა მექანიზმების მართვის დროს.

ურთიერთქმედება სხვა სამკურნალო საშუალებებთან

ფარმაცევტიკულად შეუთავსებადია ამსაკრინთან, ვანკომიცინთან, ლაბეტალოლთან, ფლუკონაზოლთან და ამინოგლიკოზიდებთან.

In vitroანტაგონიზმი აღმოჩენილია ქლორამფენიკოლისა და ცეფტრიაქსონს შორის. პრობენეციდი გავლენას არ ახდენს ცეფტრიაქსონის გამოყოფაზე.

კალციუმის შემცველი გამხსნელები, როგორიცაა რინგერის ხსნარი ან ჰარტმანის ხსნარი, არ უნდა იქნას გამოყენებული ცეფტრიაქსონის განსაზავებლად ან ინტრავენურად შესაყვანი ხსნარის შემდგომ განსაზავებლად, რადგანაც შეიძლება წარმოიქმნას ნალექი. ცეფტრიაქსონ-კალციუმის დალექვა ასევე შეიძლება მოხდეს, როდესაც ცეფტრიაქსონი შერეულია კალციუმის შემცველ ხსნარებთან იმავე ინტრავენურ საინფუზიო სისტემაში. არ შეიძლება ცეფტრიაქსონის შეყვანა ერთდროულად კალციუმის შემცველ ინტრავენურ ხსნარებთან, უწყვეტი ინფუზიის ჩათვლით, რომელიც შეიცავს კალციუმს, მაგალითად პარენტერალური კვება Y-შემაერთებლის საშუალებით. თუმცა, ახალშობილების გარდა სხვა პაციენტებში ცეფტრიაქსონის და კალციუმის შემცველი ხსნარები შეიძლება დაინიშნოს თანმიმდევრულად, ერთმანეთის მომდევნოდ, თუ საინფუზიო სისტემა კარგად გაირეცხება ინფუზიებს შორის თავსებადი სითხით. In vitro კვლევებმა მოზრდილების სისხლის პლაზმისა და ახალშობილების ჭიპლარის სისხლის პლაზმის გამოყენებით აჩვენა, რომ ახალშობილებს აღენიშნებათ ცეფტრიაქსონ-კალციუმის დალექვის მომატებული რისკი.

არ არსებობს ინფორმაცია ცეფტრიაქსონსა და პერორალური კალციუმის შემცველ საშუალებებს შორის ურთიერთქმედებაზე, ან ურთიერთქმედებზე კუნთში შესაყვან ცეფტრიაქსონსა და კალციუმის შემცველ საშუალებებს (ინტრავენურად შესაყვანი ან პერორალურად მისაღები) შორის.

ცეფტრიაქსონის გამოყენებამ პერორალურ ანტიკოაგულანტებთან ერთად შეიძლება გაზარდოს K ვიტამინისადმი ანტაგონისტური ეფექტი და სისხლდენის რისკი. ცეფტრიაქსონით მკურნალობის დროს და მას შემდეგ უნდა მოხდეს საერთაშორისო ნორმალიზებული თანაფარდობის (MHO) კონტროლი.

ამინოგლიკოზიდები: ცეფალოსპორინთან ერთდროულად გამოყენებისას ამინოგლიკოზიდების ნეფროტოქსიკურობის პოტენციური მომატების შესახებ არსებობს წინააღმდეგობრივი მონაცემები. ასეთ შემთხვევებში მკაცრად უნდა იქნეს დაცული ამინოგლიკოზიდების კონცენტრაციების (და თირკმლის ფუნქციის) რეკომენდებული მონიტორინგი კლინიკურ პრაქტიკაში.

დოზის გადაჭარბება

დოზის გადაჭარბების შემთხვევაში შესაძლებელია ისეთი სიმპტომების განვითარება, როგორიცაა გულისრევა, ღებინება, დიარეა.

მკურნალობა : ტარდება სიმპტომური და დამხმარე თერაპია. ჰემოდიალიზი და პერიტონეალური დიალიზი არაეფექტურია. სპეციფიკური ანტიდოტი არ არსებობს.

შეფუთვა

0,5 გ და 1,0 გ ფლაკონებში ჰერმეტულად დალუქული რეზინის საცობებით და შემოჭდობილი ალუმინის თავსახურებით.

270 ფლაკონი მოთავსებულია გოფრირებულ მუყაოს კოლოფში. თითოეულ ყუთში ჩადებულია ფურცელ-ჩანართები ფლაკონების ტოლი რაოდენობით.

შენახვის პირობები

სინათლისგან დაცულ ადგილზე, არაუმეტეს 25°C ტემპერატურაზე. ინახება ბავშვებისთვის მიუწვდომელ ადგილზე.

ვარგისიანობის ვადა

3 წელი. არ შეიძლება გამოყენება ვარგისიანობის ვადის გასვლის შემდეგ.

აფთიაქებიდა ნგაცემის პირობები

ფარმაცევტული პროდუქტის ჯგუფი II, გაიცემა ფორმა №3 რეცეპტით.

ასევე, იხილეთ: ცეფტა (ცეფტრიაქს) - Cefta 1გ 100 ფლაკონი