synthomycin liniment - სინტომიცინის ლინიმენტი 10% 25გ

სინტომიცინი

სავაჭრო სახელწოდება: 

სინტომიცინი.

საერთაშორისო არაპატენტირებული ან ჯგუფური დასახელება: ქლორამფენიკოლი [D, L]. 

წამლის ფორმა: გარეგანი გამოყენების ლინიმენტი.

შემადგენლობა 100 გ ლინიმენტზე

მოქმედი ნივთიერება:

ქლორამფენიკოლი [D, L] (სინტომიცინი)          10,00 გ

დამხმარე ნივთიერებები:

სორბინის მჟავა                                                        0,20 გ

აბუსალათინის ზეთი                                             20,25გ

ემულგატორი #1                                          8,00 გ

ნატრიუმის კარმელოზა                            1,00 გ

გასუფთავებული წყალი                            60,55 გ

აღწერა:

ლინიმენტი თეთრი ან თეთრი ფერის მოყვითალო ელფერით, სუსტი მახასიათებელი სუნით.

ფარმაკოთერაპიული ჯგუფი: დერმატოლოგიაში გამოსაყენებელი ანტიბიოტიკები და ანტიმიკრობული საშუალებები; ანტიბიოტიკები გარეგანი გამოყენებისთვის; გარეგანი გამოყენების სხვა ანტიბიოტიკები.

ATC კოდი:  D06AX02

ასევე, იხილეთ: Syntomycin - სინტომიცინი ლინიმენტი10% 25გ ტუბი

ფარმაკოლოგიური თვისებები

ფარმკოდინამიკა

ფართო სპექტრის მოქმედების ბაქტერიოსტატური ანტიბიოტიკი, მარცხენა- და მარჯვნივმბრუნავი ქლორამფენიკოლის იზომერი. არღვევს ცილის სინთეზის პროცესს მიკრობულ უჯრედში (კარგი ლიპოფილურობის მქონე, აღწევს ბაქტერიის უჯრედოვანი მემბრანის გავლით და შექცევადად უკავშირდება სუბერთეულს 50S ბაქტერიულ რიბოსომას, რომელიც თრგუნავს ამინომჟავების გადაადგილებას მზარდ პეპტიდურ ჯავებთან, რაც იწვევს ცილის სინთეზის დარღვევას). 

აქტიურია გრამდადებითი და გრამუარყოფითი მიკროორგანიზმების უმრავლესობა შტამების მიმართ, რომლებიც მდგრადია პენიცილინის, ტეტრაციკლინების, სულფანილამიდიების მიმართ; ხელს უწყობს დამწვრობის ჩირქოვანი იარებისა და ტროფიული წყლულების გასუფთავებასა და შეხორცებას, აჩქარებს ეპითელიზაციას.

ფარმაკოკინეტიკა

გარეგანი გამოყენებისას შეწოვადობა უმნიშვნელოა.

გამოყენების ჩვენებები 

ინფიცირებული ჭრილობები ჭრილობის პროცესის II ფაზაში (ჩირქის, ნეკროზული ქსოვილების არარსებობა), გამოწვეული მგრძნობიარე მიკროორგანიზმებით, მათ შორის 2-3 ხარისხის დამწვრობა, ხანგრძლივად შეუხორცებელი ტროფიკული წყლულები.

უკუჩვენებები

მომატებული მგრძნობელობა ქლორამფენიკოლისა და პრეპარატის სხვა კომპონენტების მიმართ, ორსულობა, ძუძუთი კვების პერიოდი, ახალშობილობის პერიოდი (4 კვირამდე), ძვლის ტვინის სისხლწარმოქმნის დახშობა, მწვავე ინტერმიტირებადი პორფირია, გლუკო-6-ფოსფატდეჰიდროგენეზის დეფიციტი, კანის დაავადებები (სოკოვანი დაავადებები, ფსორიაზო, ეკზემა).

ოსმოსური აქტივობის არასებობის გამო (საფუძველი – ზეთი, ემულგატორი) არ არის რეკომენდებული ჭრილობის პროცესის პირველ ფაზაში გამოყენება (უხვი ჩირქდენა, ქსოვილების გამოხატული შეშუპება, ტკივილი და ნეკროზული ქსოვილების არსებობა).

თუ თქვენ გაქვთ რომელიმე ჩამოთვლილი დაავადება, აუცილებლად მიმართეთ ექიმს პრეპარატის გამოყენებამდე.

სიფრთხილით 

ბავშვთა ასაკი 4 კვირიდან 3 წლამდე, პაციენტები, რომლებმაც მიიღეს ადრეული მკურნალობა ციტოსტატურო პრეპარატებით ან სხივური თერაპია.

გამოყენება ორსულობისა და ძუძუთი კვების დროს

პრეპარატი უკუნაჩვენებია.

გამოყენების წესი და დოზები

გარეგანად. ჭრილობისა და დამწვრობის ქირურგიული დამუშავების შემდეგ სინტომიცინი ლინიმენტი ისმევა უშუალოდ ჭრილობის ზედაპირზე, რის შემდეგაც ადებენ სტერილური ბინტის ნახვევს (ან უსვამენ შესახვევ ნაჭერს და შემდეგ ადებენ ჭრილობას). ლინიმენტის ტამპონებით ფხვიერად ავსებენ ჩირქოვანი ჭრილობის ღრუს მათი ქირურგიული დამუშავების შემდეგ. მარლის ტურუნდებით კი პრეპარატი სინტომიცინი ლინიმენტი შეჰყავთ ფისტულების მილებში.

ჭრილობებისა და ჭრილობის პროცესის II ფაზაში დამწვრობების მკურნალობისას – 1-ჯერ დღეღამეში, 1-3 დღეღამე, ჭრილობების შეხორცების დინამიკაზე დამოკიდებულებით.

მკურნალობის ხანგრძლივობა განისაზღვრება დაზიანებული უბნების გასუფთავებისა და შეხორცების დინამიკის მიხედვით.

თუ მკურნალობის შემდეგ არ არის გაუმჯობესება, ან სიმპტომები გაუარესდება, ან ახალი სიმპტომები გამოჩნდება, უნდა მიმართოთ ექიმს. გამოიყენეთ პრეპარატი მხოლოდ გამოყენების ინსტრუქციებში არსებული მითითებებისა და გამოყენების მეთოდის მიხედვით.

გვერდითი  მოქმედება

ქავილი, კანის სიწითლე ან კანის დამუშავებული უბნის სიმშრალე, კან-ალერგიული რეაქციები, ანგიონევროზული შეშუპება.

სისხლმბადი ორგანოების მხრივ: რეტიკულოციტოპენია, ლეიკოპენია, გრანულოციტოპენია, თრომბოციტოპენია, ერითროპენია, აპლასტიკური ანემია, აგრანულოციტოზი.

სისხლმბადი ორგანოების მხრივ: რეტიკულოციტოპენია, ლეიკოპენია, გრანულოციტოპენია, თრომბოციტოპენია, ერითროპენია, აპლასტიკური ანემია, აგრანულოციტოზი.

თუ ინსტრუქციებში მითითებული რომელიმე გვერდითი მოვლენა გამწვავდა ან გამოვლინდა სხვა გვერდითი მოვლენა, რომელიც არ არის მითითებული ინსტრუქციებში, დაუყოვნებლივ უნდა აცნობოთ ექიმს.

დოზის გადაჭარბება

პრეპარატ სინტომიცინის ლინიმენტის დოზის გადაჭარბების შემთხვევის შესახებ შეტყობინება დღემდე არ ყოფილა.

ურთიერთმოქმედება სხვა სამკურნალო საშუალებებთან

არ შესწავლილა

განსაკუთრებული მითითებები

მკურნალობის პროცესში აუცილებელია პერიფერიული სისხლის სურათის კონტროლი. ფართო ზედაპირებზე გამოყენებისას ეთანოლის ერთდროული მიღებით შესაძლებელია დისულფირამული რეაქციის განვითარება (კანის საფარის ჰიპერემია, ტაქიკაკრდია, გულისრევა, ღებინება, რეფლექტორული ხველება, კრუნჩხვები).

ავტოტრანსპორტისა და სხვა მექანიზმების მართვისას რეაქციის სიჩქარეზე ზეგავლენის უნარი

ინფორმაცია მავნე გავლენის შესახებ სატრანსპორტო საშუალებების მართვისა და მექანიზმებთან მუშაობის უნარზე – დარეგისტრირებული არ არის.

პრეპარატი სინტომიცინი არ ახდენს გავლენას სატრანსპორტო საშუალებების მართვის უნარზე ან სხვა პოტენციურად სახიფათო საქმიანობაში ჩართვის უნარზე, რომელიც მოითხოვს მომატებულ კონცენტრაციის და ფსიქომოტორული რეაქციების სიჩქარეს.

გამოშვების ფორმა

გარეგანი გამოყენების ლენიმენტი 10%. 

25 გ ალუმინის ტუბებში, მემბრანით, დაბალი წნევის პოლიეთილენის ბუშონებით. ყოველ ტუბს გამოყენების ინსტრუქციასთან ერთად ათავსებენ მუყაოს კოლოფში.

ვარგისობის ვადა

2 წელი.

არ გამოიყენოთ ვარგისიანობის ვადის გასვლის შემდეგ.

შენახვის პირობები

არა უმეტეს 15ºC ტემპერატურაზე.

შეინახეთ ბავშვებისათვის მიუწვდომელ ადგილას.

გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.