ზიფექს - Zifex დუო ვაგინალური პესარია 500/200მგ 7 ცალი

ზიფექს® დუო 500 მგ / 200 მგ პესარიები
მეტრონიდაზოლი/კლოტრიმაზოლი

ასევე, იხილეთ : Ginemax - გინემაქსი 7 ვაგინალური სუპოზიტორია

ამ პრეპარატის გამოყენებამდე, ყურადღებით და სრულად გაეცანით წინამდებარე ფურცელ-ჩანართს, რადგან ის შეიცავს თქვენთვის მნიშვნელოვან ინფორმაციას.
- შეინახეთ წინამდებარე ფურცელი-ჩანართი. შესაძლებელია დაგჭირდეთ მისი ხელახალი წაკითხვა.
- დამატებითი კითხვების შემთხვევაში მიმართეთ თქვენს ექიმს ან ფარმაცევტს.
- ეს პრეპარატი განკუთვნილია პირადად თქვენთვის. არ გადასცეთ იგი სხვა პირებს. ამან შესაძლოა ზიანი მოუტანოს მათ იმ შემთხვევაშიც, თუ მათი სიმპტომები არის თქვენი სიმპტომების მსგავსი.
- თუ აღგენიშნებათ რომელიმე გვერდითი მოვლენა, მიმართეთ თქვენს ექიმს ან ფარმაცევტს. აღნიშნული მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი წინამდებარე ფურცელ-ჩანართში. იხ. პარაგრაფი 4.

მოცემული ფურცელი-ჩანართი შეიცავს შემდეგ ინფორმაციას:
1. რას წარმოადგენს ზიფექს® დუო და რისთვის გამოიყენება
2. რა უნდა იცოდეთ ზიფექს® დუოს გამოყენებამდე
3. როგორ გამოიყენება ზიფექს® დუო
4. შესაძლო გვერდითი მოვლენები
5. როგორ ინახება ზიფექს® დუო
6. შეფუთვის შემადგენლობა და სხვა ინფორმაცია

1. რას წარმოადგენს ზიფექს® დუო და რისთვის გამოიყენება

ზიფექს® დუო ნაჩვენებია მგრძნობიარე მიკროორგანიზმებით გამოწვეული ვაგინალური ინფექციების სამკურნალოდ (პროტოზოები, ბაქტერიები, სოკოები).
ზიფექს® დუო ნაჩვენებია მოზრდილ პაციენტებში.

იხილეთ ბლოგი: ინტიმური ჰიგიენა

2. უნდა იცოდეთ ზიფექს® დუოს გამოყენებამდე

არ გამოყენოთ ზიფექს® დუო:
- თუ გაქვთ ალერგია მეტრონიდაზოლის, კლოტრიმაზოლის ან ამ პრეპარატის რომელიმე სხვა ინგრედიენტის მიმართ (ჩამოთვლილი მე-6 პარაგრაფში).

გაფრთხილებები და სიფრთხილის ზომები
ზიფექს® დუოს გამოყენებამდე გაიარეთ კონსულტაცია თქვენს ექიმთან ან ფარმაცევტთან.
ამ პრეპარატით მკურნალობა უნდა შეწყდეს ნერვული სისტემის მხრივ დარღვევების გამოვლენის შემთხვევაში: არაკოორდინირებული მოძრაობები, თავბრუსხვევა, დაბნეულობა, გულყრითი კრუნჩხვები. ეს სიმპტომები შეიძლება გამოვლინდეს განსაკუთრებით ხანგრძლივი მკურნალობის დროს.
რეკომენდებულია სიფრთხილე, თუ გაწუხებთ ცენტრალური ან პერიფერიული ნერვული სისტემის დაავადებები, გაქვთ ტვინის დაავადება, რომელიც გამოწვეულია ღვიძლის დარღვევით (ღვიძლის ენცეფალოპათია), ან სისხლისმიერი დარღვევებით.
თქვენმა ექიმმა შეიძლება გირჩიოთ პერიოდულულად სისხლის საერთო ანალიზის გაკეთება, განსაკუთრებით სისხლის თეთრი უჯრედების რაოდენობის კონტროლისთვის, რომელთა რაოდენობაც შეიძლება შემცირდეს.
არ მიიღოთ ალკოჰოლი ამ მედიკამენტის გამოყენებისას და მკურნალობის დასრულებიდან 48 საათის შემდეგ. შეიძლება გქონდეთ რეაქცია, როგორიცაა წამოწითლება (სახეზე გაწითლება), ღებინება, სწრაფი გულისცემა.
შეიძლება შენიშნოთ მუქი შარდი (მეტრონიდაზოლის მეტაბოლიტის გამო).
Trichomonas vaginalis-ით გამოწვეული ინფექცია ჩვეულებრივ ასოცირდება გონოკოკთან; ამიტომ რეკომენდებულია გონოკოკის შეფასება და ადეკვატური თერაპიის დაწყება.
თუ მეტრონიდაზოლი პარალელურად მიიღება პერორალური ფორმებით, რეკომენდებულია ყურადღება მიაქციოთ ამ პრეპარატთან დაკავშირებულ გაფრთხილებებს და სიფრთხილის ზომებს, უკუჩვენებებს და გვერდით მოვლენებს.
ამ პესარიების გამოყენებამ რეზინის კონტრაცეპტივებთან ერთად (მაგ. პრეზერვატივი ან დიაფრაგმა) შეიძლება გაზარდოს ამ კონტრაცეპტული მოწყობილობების გაფუჭების რისკი. კლოტრიმაზოლი ამცირებს ვაგინალური სპერმიციდების ეფექტურობას. ეფექტები დროებითია. აირჩიეთ ჩასახვის საწინააღმდეგო სხვა ფორმა ამ მედიკამენტის გამოყენებისას და მკურნალობის დასრულებიდან 5 დღის განმავლობაში.

ბავშვები და მოზარდები
პესარიები არ არის რეკომენდებული ბავშვებისთვის, ხოლო მოზარდების შემთხვევაში მხოლოდ ექიმის რეკომენდაციით.

სხვა პრეპარატები და ზიფექს® დუო
აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ იღებდით ან შესაძლოა მიიღოთ სხვა პრეპარატები.
განსაკუთრებით მნიშვნელოვანია აცნობოთ თქვენს ექიმს ან ფარმაცევტს, თუ იღებთ შემდეგს:
მეტრონიდაზოლთან დაკავშირებული ურთიერთქმედება:
- დისულფირამი;
- ალკოჰოლი;
- ბუსულფანი;
- პერორალური ანტიკოაგულანტები (როგორიცაა ვარფარინი);
- ლითიუმი;
- ციკლოსპორინი;
- ფენიტოინი;
- ფენობარბიტალი;
- 5-ფტორურაცილი.
მეტრონიდაზოლს შეუძლია ტრეპონემების (სიფილისზე პასუხისმგებელი პათოგენური ბაქტერიების) იმობილიზაცია და, შესაბამისად, შეიძლება გამოიწვიოს ნელსონ-მაიერის ტესტის ცრუ დადებითი შედეგი.
კლოტრიმაზოლთან დაკავშირებული ურთიერთქმედება:
- ვაგინალური სპერმიციდები;
- ტაკროლიმუსი.

ზიფექს® დუო საჭმელთან, სასმელთან და ალკოჰოლთან ერთად
არ მიიღოთ ალკოჰოლი ზიფექს® დუოს გამოყენებისას.

ორსულობა, ძუძუთი კვება და ფერტილობა
თუ ხართ ორსულად ან ძუძუთი კვებავთ ბავშვს, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.
სიფრთხილეა რეკომენდებული ორსულობის დროს, განსაკუთრებით პირველ ტრიმესტრში.
არ გამოიყენოთ ეს პრეპარატი ძუძუთი კვების დროს.

სატრანსპორტი საშუალებების მართვა და მექანიზმების გამოყენება
ზიფექს® დუო არ ახდენს ან ახდენს უმნიშვნელო ზეგავლენას სატრანსპორტი საშუალებების მართვისა და მექანიზმების გამოყენების უნარზე.
ინტრავაგინალური გამოყენების შემდეგ მოქმედი ნივთიერებების სისტემური შეწოვა დაბალია. თუმცა, არ მართოთ სატრანსპორტი საშუალებები ან არ გამოიყენოთ მექანიზმები, თუ აღგენიშნებათ პარესთეზია, ატაქსია, თავბრუსხვევა, დაბნეულობა, გულყრითი კრუნჩხვები.

3. როგორ გამოიყენება ზიფექს® დუო

ყოველთვის გამოიყენეთ ეს პრეპარატი ზუსტად ისე, როგორც თქვენი ექიმი ან ფარმაცევტი დაგინიშნავთ. თუ არ ხართ დარწმუნებული, მიმართეთ თქვენს ექიმს ან ფარმაცევტს.
რეკომენდებული დოზა არის ზიფექს® დუოს ერთი პესარი დღეში ერთხელ.
მკურნალობის ხანგრძლივობა: 7-დან 10 დღემდე.
პესარიები საშოში ღრმად უნდა მოათავსოთ, სასურველია საღამოს.
რეკომენდირებულია მამრობითი სქესის პარტნიორის თანმხლები სპეციფიური სამედიცინო მკურნალობა, იქნება ეს უსიმპტომო თუ Trichomonas vaginalis უარყოფითი კულტურის მქონე მამრობითი პარტნიორის მკურნალობა.
არ გამოიყენოთ ზიფექს® დუო მენსტრუალური ციკლის დროს; მკურნალობა უნდა დასრულდეს მენსტრუაციის დაწყებამდე.
ზიფექს® დუოთი მკურნალობისას რეკომენდებულია ვაგინალური სქესობრივი კავშირის თავიდან აცილება, რადგან პარტნიორი შეიძლება დაინფიცირდეს, ხოლო რეზინის კონტრაცეპტივების (მაგ. პრეზერვატივი ან დიაფრაგმები) ეფექტურობა და უსაფრთხოება შეიძლება შემცირდეს.

თუ გამოიყენეთ ზიფექს® დუო საჭიროზე მეტი რაოდენობით
ვინაიდან ზიფექს® დუოს მოქმედი ნივთიერებების შეწოვა შეუძლებელია მთელ ორგანიზმში, თუ თქვენ იყენებთ იმაზე მეტ პესარს, ვიდრე რეკომენდირებულია, ნაკლებად სავარაუდოა, რომ გამოგივლინდეთ გვერდითი მოვლენები. თუ შემთხვევით ან თვითმკვლელობის მიზნით გადაყლაპავთ პესარიებს, შეიძლება აღგენიშნოთ ღებინება, მოძრაობების კოორდინაციის დარღვევა (ატაქსია) და მცირედი დეზორიენტაცია. ამ შემთხვევაში დაუყოვნებლივ დაუკავშირდით თქვენს ექიმს ან მიმართეთ უახლოესი საავადმყოფოს სასწრაფო დახმარების განყოფილებას.

თუ დაგავიწყდათ ზიფექს® დუოს გამოყენება
არ გამოიყენოთ ორმაგი დოზა გამოტოვებული დოზის ასანაზღაურებლად.

თუ შეწყვეტთ ზიფექს® დუოს გამოყენებას
გააგრძელეთ ზიფექს® დუოს გამოყენება მკურნალობის დასრულებამდე, იმდენ ხანს, რამდენსაც თქვენი ექიმი გირჩევთ. თქვენ გჭირდებათ ყველა დოზა ინფექციის წინააღმდეგ ბრძოლაში. თუ ბაქტერიების ნაწილი გადარჩება, მათ შეუძლიათ გამოიწვიონ ინფექციის რეციდივი.
თუ გაქვთ დამატებითი შეკითხვები ამ პრეპარატის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

სხვა სამკურნალო საშუალებების მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი არ უვითარდება ყველა პაციენტს.
ინტრავაგინალური შეყვანის შემდეგ მოქედი ნივთიერებების სისტემური შეწოვა დაბალია. თუმცა, გვერდითი მოვლენების გამოვლენა არ არის გამორიცხული.
მეტრონიდაზოლთან დაკავშირებული გვერდითი მოვლენები:
ძალიან იშვიათი გვერდითი მოვლენები:
- ლეიკოპენია;
- აგრანულოციტოზი;
- ნეიტროპენია;
- თრომბოციტოპენია;
- პანციტოპენია;
- ანაფილაქსიური შოკი;
- ენცეფალოპათია (მაგ., დაბნეულობა, ცხელება, თავის ტკივილი, ჰალუცინაციები, დამბლა, ფოტოფობია, მხედველობის ველის დარღვევა და თვალის მოძრაობები, კისრის რიგიდულობა);
- ქვემწვავე ცერებრალური სინდრომი (მაგ., არაკოორდინირებული მოძრაობები, მეტყველების დარღვევა, სიარულის დარღვევები, თვალის უნებლიე მოძრაობა და ტრემორი);
შეიძლება განვითარდეს სხვა რეაქციები: ცვლილებები ღვიძლის ფუნქციის ტესტებში, ქოლესტაზური ჰეპატიტი და სიყვითლე, რომლებიც შექცევადია პრეპარატის შეწყვეტის შემდეგ. სხვა რეაქციები: ანაფილაქსიური შოკი, პუსტულური გამონაყარი.
იშვიათი გვერდითი მოვლენები:
- პანკრეატიტი;
- ტკივილი გულ-მკერდის არეში;
- გულისრევა;
- ღებინება;
- დიარეა;
- ენის ანთება;
- პირის სიმშრალე;
- პირის ღრუს ლორწოვანი გარსის ანთება;
- მეტალის გემო პირში;
- მადის დაკარგვა;
- წამოწითლება;
- ქავილი.
გვერდითი მოვლენები უცნობი სიხშირით:
- ანგიონევროზული შეშუპება (კვინკეს შეშუპება);
- ჭინჭრის ციება;
- ფსიქოზური დარღვევები (დაბნეულობა, ჰალუცინაციები, დეპრესიული განწყობა);
აღინიშნა მგრძნობიარე პერიფერიული ნეიროპათიები მაღალი დოზებით ან ხანგრძლივი მკურნალობისას (პარესთეზია, ფორმირება) ან გარდამავალი ეპილეფსიური კრუნჩხვები. უმეტეს შემთხვევაში ნეიროპათია ქრება მკურნალობის შეწყვეტის ან დოზის შემცირების შემდეგ. ასევე შეიძლება აღინიშნოს თავის ტკივილი, კრუნჩხვები, თავბრუსხვევა, მხედველობის გარდამავალი დარღვევები, როგორიცაა დიპლოპია (ორმაგი ხედვა), მიოპია, მოწითალო შეფერილობის შარდი.

კლოტრიმაზოლთან დაკავშირებული გვერდითი მოვლენები:
იშვიათი გვერდითი მოვლენები:
- დაბალი არტერიული წნევა;
- სინკოპე;
- სუნთქვის პრობლემები;
- ქავილი;
- გარდამავალი გამონაყარი კანზე;
- ტკივილები კუჭ-ნაწლავის არეში;
- ვაგინალური პილინგი;
- ვაგინალური ქავილი;
- გაღიზიანება.
შეყვანის ადგილას იშვიათად აღინიშნა შემდეგი გვერდითი მოვლენები: ადგილობრივი გაღიზიანება, საშოს სიმშრალე, ადგილობრივი წვის შეგრძნება, ცხელება.
გვერდითი მოვლენები გამოვლენის სიხშირის მიხედვით კლასიფიცირდება შემდეგნაირად:
ძალიან ხშირი: შეიძლება გავლენა იქონიოს 10-დან 1-ზე მეტ ადამიანზე
ხშირი: შეიძლება გავლენა იქონიოს 10-დან 1 ადამიანზე
არახშირი: შეიძლება გავლენა იქონიოს 100-დან 1 ადამიანზე
იშვიათი: შეიძლება გავლენა იქონიოს 1000-დან 1 ადამიანზე
ძალიან იშვიათად: შეიძლება გავლენა იქონიოს 10000-დან 1 ადამიანზე
სიხშირე უცნობია: სიხშირის შეფასება შეუძლებელია არსებული მონაცემებით

შეტყობინება გვერდითი მოვლენების შესახებ
ნებისმიერი გვერდითი მოვლენის გამოვლენის შემთხვევაში, ან ისეთი გვერდითი მოვლენების აღნიშვნის შემთხვევაში, რომლებიც არ არის მითითებული წინამდებარე ფურცელ-ჩანართში, მიმართეთ თქვენს ექიმს ან ფარმაცევტს.
გვერდითი მოვლენების შეტყობინებით, თქვენ დაგვეხმარებით უზრუნველვყოთ მეტი ინფორმაცია წამლის უსაფრთხოებასთან დაკავშირებით.

5. როგორ ინახება ზიფექს® დუო

შეინახეთ ეს პრეპარატი ბავშვებისთვის მიუწვდომელ ადგილას.
არ გამოიყენოთ ეს პრეპარატი შეფუთვაზე მითითებული ვარგისიანობის ვადის (EXP) გასვლის შემდეგ. ვარგისიანობის ვადად ითვლება მითითებული თვის ბოლო დღე.
შეინახეთ 25°C-ზე დაბალ ტემპერატურაზე, ორიგინალ შეფუთვაში, სინათლისგან დაცულ ადგილას.
არ გადაყაროთ სამკურნალო საშუალებები საყოფაცხოვრებო ნაგავში ან გამდინარე წყლებში. ჰკითხეთ თქვენს ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაბინძურების თავიდან აცილებას.

6. შეფუთვის შემადგენლობა და სხვა ინფორმაცია

რას შეიცავს ზიფექს® დუო:
- მოქმედი ნივთიერებებია: მეტრონიდაზოლი და კლოტრიმაზოლი. თითოეული პესარი შეიცავს 500 მგ მეტრონიდაზოლს და 200 მგ კლოტრიმაზოლს.
- სხვა ინგრედიენტებია ნახევრად სინთეზური გლიცერიდები.

ზიფექს® დუოს გარეგნული სახე და შეფუთვის შემადგენლობა
თეთრი ან მოყვითალო-თეთრი მყარი პესარი კვერცხუჯრედის ფორმით, ცხიმოვანი გლუვი ზედაპირით და ერთგვაროვანი იერით ჭრილზე.
დასაკეცი მუყაოს კოლოფები 1 პვქ-პე სტრიპით, რომელზეც მოთავსებულია 7 პესარი.
დასაკეცი მუყაოს კოლოფები 1 პვქ სტრიპით, რომელზეც მოთავსებულია 7 პესარი.
დასაკეცი მუყაოს კოლოფები 2 პვქ-პე სტრიპით, რომელზეც მოთავსებულია 7 პესარი.
დასაკეცი მუყაოს კოლოფები 2 პვქ სტრიპით, რომელზეც მოთავსებულია 7 პესარი.

ყველა ზომის შეფუთვა შეიძლება არ იყოს გაყიდვაში.

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.