გრანი-დენკი - Grani-Denk 1მგ/მლ 3მლ 5 ამპულა

გრანი-დენკ 1მგ/მლ
საინექციო ან საინფუზიო ხსნარის კონცენტრატი – გამოიყენება ინტავენურად
5-HT3  რეცეპტორის ანტაგონისტი
აქტიური ნივთიერება: გრანისეტრონი

წამლის ანოტაცია: ინფორმაცია მომხარებლისათვის
ამ მედიკამენტის მიღებამდე საჭიროა ინსტრუქციიის ყურადღებით წაკითხვა, რადგან ის შეიცავს პაციენტისათვის მნიშვნელოვან ინფორმაციას.
•    საჭიროა ინსტრუქციის შენახვა, შესაძლოა წარმოიშვას მისი ხელახალი გაცნობის საჭიროება.
•    თუ წარმოიშვა დამატებითი შეკითხვები, უნდა მიემართოს მკურნალ ექიმს, ფარმაცევტს ან ექთანს.
•    აღნიშნული მედიკამენტი განკუთვნილია მხოლოდ პაციენტისთვის და არ შეიძლება მისი გადაცემა სხვისთვის. ის შეიძლება საზიანო იყოს სხვისი ჯანმრთელობისათვის, მსგავსი სიმპტომების არსებობის შემთხვევაშიც კი.
•    თუ გამოვლინდება რომელიმე გვერდითი ეფექტი, უნდა მიემართოს ექიმს, ფარმაცევტს ან ექთანს. ეს ასევე მოიცავს ისეთ შესაძლო გვერდით ეფექტებსაც, რომლებიც არ არის ჩამოთვლილი გამოყენების ამ ინსტრუქციაში. იხ. პუნქტი 4.

გამოყენების ამ ინსტრუქციაში მოცემულია:
1.    რა არის გრანი-დენკ 1მგ/მლ და რისთვის გამოიყენება;
2.    რა არის გასათვალისწინებელი გრანი-დენკ 1მგ/მლ-ის მიღებამდე;
3.    გრანი-დენკ 1მგ/მლ-ის მიღების წესი;
4.    შესაძლო გვერდითი ეფექტები;
5.    გრანი-დენკ 1მგ/მლ-ის შენახვის წესი;
6.    შეფუთვის შემადგენლობა და სხვა ინფორმაცია.

1.    რა არის გრანი-დენკ 1 მგ/მლ და რისთვის გამოიყენება იგი

გრანი-დენკ 1მგ/მლ შეიცავს ნივთიერება გრანისეტრონს. იგი მიეკუთვნება ე.წ “5-HT3 რეცეპტორების ანტაგონისტების”, იგივე ღებინების საწინააღმდეგო პრეპარატების ჯგუფს.
გრანი-დენკ 1მგ/მლ გამოიყენება სხვა პრეპარატებით, მათ შორის სიმსივნის სამკურნალოდ ჩატარებული ქიმიოთერაპიით ან სხივური თერაპიით გამოწვეული ან ოპერაციის შემდეგ განვითარებული გულისრევის და ღებინების პრევენციის ან მკურნალობის მიზნით.  
საინექციო ან საინფუზიო ხსნარი შეიძლება დაინიშნოს მოზრდილებსა და ბავშვებში 2 წლის ასაკიდან.

2.    რა არის გასათვალისწინებელი გრანი-დენკ 1მგ/მლ-ის მიღებამდე;

გრანი-დენკ 1მგ/მლ არ მიიღება:
-    თუ პაციენტი ალერგიულია გრანისეტრონის ან ამ მედიკამენტის სხვა ნივთიერებების მიმართ (ჩამოთვლილია მე-6 პუნქტში).
თუ პაციენტი არ არის რაიმეში დარწმუნებული, ინექციამდე უნდა მიმართოს მკურნალ ექიმს, ექთანს ან ფარმაცევტს.

გაფრთხილებები და სიფრთხილის ზომები 
გრანი-დენკ 1მგ/მლ-ის მიღებამდე პაციენტმა უნდა მიმართოს მკურნალ ექიმს, ექთანს ან ფარმაცევტს თუ: 
-    ნაწლავის ობსტრუქციის გამო აღინიშნება პრობლემები ნაწლავის პერისტალტიკის მხრივ;
-    პაციენტს აქვს გულის მხრივ პრობლემები, უტარდება სიმსივნის საწინააღმდეგო მკურნალობა იმ მედიკამენტით, რომელმაც ცნობილია, რომ შესაძლებელია დააზიანოს გული ან თუ ორგანიზმში აღინიშნება კალიუმის, ნატრიუმის ან კალციუმის დონის დისბალანსი (ელექტროლიტური დისბალანსი);
-    პაციენტი იღებს ბუპრენორფინს (ტკივილის საწინააღმდეგო მედიკამენტი), აქვს დეპრესია ან სხვა გარემოებები, რომლებსაც მკურნალობენ ანტიდეპრესანტებით (შერჩევითი სეროტონინის უკუმიტაცების ინჰიბიტორები), როგორიცაა: ფლუოქსეტინი, პაროქსეტინი, სერტრალინი, ფლუვოქსამინი და ესციტალოპრამი ან სეროტონინის ნორეპინეფრინის უკუმიტაცების ინჰიბიტორები, როგორიცაა: ვენლაფაქსინი ან დულოქსეტინი) ან იღებენ სხვა, 5-HT3 რეცეპტორ ანტაგონისტის მედიკამენტებს. 5-HT3 რეცეპტორების ანტაგონისტების ჯგუფიდან სხვა რომელიმე პრეპარატის გამოყენება. მათ შორის დოლასეტრონი და ონდანსეტრონი, რომლებიც გრანი-დენკ 1მგ/მლ-ის მსგავსად გამოიყენება გულისრევის და ღებინების პრევენციისა და მკურნალობისთვის. ამ მედიკამენტების გამოყენებამ გრანი დენკ 1 მგ/მლ-თან, შეიძლება გამოიწვიოს სეროტონინის სინდრომი, პოტენციურად სიცოცხლისათვის საშიში მდგომარეობა (იხ. ,,სხვა მედიკამენტები და გრანი-დენკ 1 მგ/მლ”). 
მნიშვნელოვანია ეცნობოს ექიმს, ფარმაცევტს ან მედდას ყველა იმ მედიკამენტის შესახებ, რომელსაც იღებს პაციენტი. 

გრანი-დენკ 1 მგ/მლ და სხვა პრეპარატები
უნდა მიემართოს მკურნალ ექიმს, ფარმაცევტს ან ექთანს, თუ პაციენტი ღებულობს ან უახლოეს პერიოდში იღებდა ან აპირებს, რომ მიიღოს სხვა მედიკამენტი, ურეცეპტოდ გასაცემი მედიკამენტების ჩათვლით. რადგან, გრანი-დენკ 1მგ/მლ-მ შესაძლებელია ზეგავლენა მოახდინოს ზოგიერთი პრეპარატების მოქმედებაზე. ასევე, სხვა პრეპარატებმა იმოქმედონ აღნიშნული გრანი-დენკ 1მგ/მლ მოქმედებაზე.  
უნდა მიემართოს მკურნალ ექიმს, ექთანს ან ფარმაცევტს, თუ პაციენტი იღებს შემდეგ პრეპარატებს:
-    გულის უჩვეულო რითმის სამკურნალო საშუალებები ან ,,5-HT3 რეცეპტორების ანტაგონისტების” ჯგუფის სხვა პრეპარატები, როგორიცაა დოლასეტრონი ან ონდანსეტრონი (იხ. პუნქტი “გაფრთხილებები და სიფრთხილის ზომები”);
-    ფენობარბიტალი, ეპილეფსიის სამკურნალო პრეპარატი. 
-    კეტოკონაზოლი, პრეპარატი, რომელიც გამოიყენება სოკოვანი ინფექციების სამკურნალოდ
-    ერითრომიცინის ჯგუფის ანტიბიოტიკი, რომელიც გამოიყენება ბაქტერიული ინფექციების სამკურნალოდ
-    ბუპრენორფინი, ტკივილგამაყუჩებელი საშუალება, ან SSRIs (სელექციური სეროტონინის უკუმიტაცების ინჰიბიტორი), დეპრესიის ან/და შფოთვის სამკურნალო საშუალება. მაგალითად: ფლუოკსეტინი, პაროკსეტინი, სერტრალინი, ფლუვოკსამინი, ციტალოპრამი, ესციტალოპრამი ან SNRIs (სეროტონინი ნორადრენალინის უკუმიტაცების ინჰიბიტორი), დეპრესიის ან/და შფოთვის სამკურნალო საშუალება. მაგალითად, ვენლაფაკსინი, დულოკსეტინი ან სხვა ანტიდეპრესანტები, როგორიცაა: მოკლობემიდი, ტრანილციპრომინი, ამიტრიპტილინი, დოქსეპინი ან ტრიმიპრამინი. ეს მედიკამენტები შეიძლება  ურთიერთქმედებდეს გრანი დენკ 1 მგ/მლ-თან და გამოვლინდეს ისეთი სიმპტომები როგორიცაა: უნებლიე, კუნთების რითმული შეკუმშვა, მათ შორის კუნტების, რომლებიც აკონტროლებენ თვალის მოძრაობას, აგზნებადობა, ჰალუცინაციები, კომა, ჭარბოფლიანობა, კანკალი, რეფლექსების გაძლიერება, კუნთის დაჭიმულობის გაზრდა, სხეულის ტემპერატურე 38°-ზე მაღალი. აღნიშნული სიმპტომების გამოვლენისთანავე მიმართეთ ექიმს. 

ორსულობა და ლაქტაციის პერიოდი
ექიმის რეკომენდაციის გარეშე არ შეიძლება ამ ინექციის მიღება, თუ პაციენტი არის ორსულად, ცდილობს დაორსულებას ან ლაქტაციის პარიოდში. 
თუ პაციენტი არის ორსულად ან ლაქტაციის პერიოდში, ფიქრობს რომ არის ორსულად, ან აპირებს დაფეხმძიმებას, ამ მედიკამენტის მიღებამდე უნდა მიმართოს ექიმს, ექთანს ან ფარმაცევტს. 

მანქანის და სხვა მექანიზმების მართვა:
გრანისეტრონი არ ახდენს მანქანისა და სხვა მოწყობილობების მართვაზე რაიმე სახის გავლენას.

გრანი-დენკ 1 მგ/მლ შეიცავს ნატრიუმს
ეს მედიკამენტი შეიცავს 1 მმოლზე ნაკლები რაოდენობის ნატრიუმს (23მგ.) თითოეულ ამპულაში, ძირითადად ეს არის ე.წ „ნატრიუმისაგან თავისუფალი“. 

3.    გრანი-დენკ 1 მგ/მლ-ის მიღების წესი

ინექცია კეთდება მხოლოდ ექიმის ან ექთნის მიერ. გრანი-დენკ 1მგ/მლ-ის დოზა ცვალებადობს პაციენტის მიხედვით. იგი დამოკიდებულია პაციენტის ასაკზე, წონასა და იმაზე, იღებს თუ არა პრეპარატს, რომელიც გამოიყენება გულისრევის და ღებინების პრევენციის/მკურნალობის მიზნით. ექიმი შეარჩევს პაციენტისათვის შესაბამის დოზას. 

გრანი-დენკ 1მგ/მლ ინიშნება ვენაში ინექციის სახით (ინტრავენურად).

სხივური თერაპიის ან ქიმიოთერაპიის შემდეგ განვითარებული გულისრევის და ღებინების პრევენცია: 
ინექცია კეთდება სხივური თერაპიის ან ქიმიოთერაპიის ჩატარებამდე. ვენაში ინექცია გრძელდება დაახლოებითY 30 წამიდან 5 წუთის განმავლობაში და ჩვეულებრივი დოზა შეადგენს 1 მგ-დან 3 მგ-მდე. პრეპარატი უნდა განზავდეს ინექციამდე.

სხივური თერაპიის ან ქიმიოთერაპიის შემდეგ განვითარებული გულისრევის და ღებინების მკურნალობა: 
ინექცია ან ინფუზია გრძელდება დაახლოებით 30 წამიდან 5 წუთის განმავლობაში და ჩვეულებრივი დოზა შეადგენს 1მგ-დან 3 მგ-მდე. პრეპარატი უნდა განზავდეს ვენაში ინექციამდე. პირველი დოზის მიღების შემდეგ, დისკომფორტის შესამცირებლად შესაძლებელია საჭირო გახდეს დამატებითი ინექციის შეყვანა. ინექციებს შორის ინტერვალი უნდა იყოს 10 წუთი მაინც. გრანისეტრინის მაქსიმალური დღიური დოზა შეადგენს 9მგ-ს. 

კომბინაცია სტეროიდებთან
ინექციის ან ინფუზიის ეფექტიანობა შესაძლებელია გაიზარდოს გარკვეული პრეპარატებით, ე.წ. ადრენოკორტიკოსტეროიდებით. სტეროიდის შემთხვევაში 8-20მგ დექსამეტაზონი ინიშნება სხივურ თერაპიამდე ან ქიმიოთერაპიამდე ან 250 მგ მეთილპრედნიზოლონი ინიშნება, როგორც სხივური თერაპიის ან ქიმიოთერაპიის დაწყებამდე, ასევე მის შემდეგაც. 

ბავშვებში სხივური თერაპიის ან ქიმიოთერაპიის შემდეგ განვითარებული გულისრევის და ღებინების მკურნალობა ან პრევენცია:
როგორც ზემოთ იყო აღნიშნული, ბავშვებში გრანი-დენკ 1მგ/მლ ინიშნება ინტრავენური ინექციის სახით, ხოლო დოზა დამოკიდებულია ბავშვის წონაზე. საინექციო ხსნარი უნდა განზავდეს და გაკეთდეს ქიმიოთერაპიის ან სხივური თერაპიის დაწყებამდე 5 წუთის განმავლობაში. ბავშვებში დღეში ინიშნება მაქსიმუმ 2 დოზა, სულ მცირე 10 წუთიანი ინტერვალის გამოტოვებით. 

ოპერაციის შემდეგ განვითარებული გულისრევის და ღებინების მკურნალობა:
ინტრავენური ინექცია მიმდინარეობს დაახლოებით 30 წამიდან 5 წუთამდე და ჩვეულებირივი დოზა შეადგენს 1მგ-ს. გრანისეტრონისს მაქსიმალური დღიური დოზა შეადგენს 3მგ-ს. 

ბავშვებში ოპერაციის შემდეგ განვითარებული გულისრევის და ღებინების პრევენცია და მკურნალობა:
ბავშვებში არ შეიძლება აღნიშნული ინექციის შეყვანა ოპერაციის შემდეგ განვითარებული გულისრევის და ღებინების პრევენციის და მკურნალობის მიზნით. 

გრანი-დენკ 1მგ/მლ-ის დოზის გადაჭარბება
იმის გამო, რომ ინექცია ან ინფუზია კეთდება მკურნალი ექიმის ან ექთნის მიერ, შესაბამისად ნაკლებად სავარაუდოა დოზის გადაჭარბება. თუმცა, ეჭვის გაჩენის შემთხვევაში, უნდა მიმართოთ მკურნალ ექიმს ან ექთანს. დოზის გადაჭარბების სიმპტომია ზომიერი თავის ტკივილი. მკურნალობა სიმპტომურია. 
პრეპარატის გამოყენების შესახებ დამატებითი შეკითხვების არსებობის შემთხვევაში, უნდა მიმართოთ მკურნალ ექიმს, ექთანს ან ფარმაცევტს. 

4.    შესაძლო გვერდითი ეფექტები;

ყველა პრეპარატის მსგავსად, ამ მედიკამენტსაც შესაძლებელია ჰქონდეს გვერდითი ეფექტები, თუმცა ისინი ყველას არ უვითარდება. 
თუ პაციენტს გამოუვლინდება ქვემოთ მითითებული პრობლემები, მან დაუყოვნებლივ უნდა მიმართოს მკურნალ ექიმს:
-    ალერგიული რეაქციები (ანაფილაქსია). მისი ნიშნებია ხორხის, სახის, ენის და პირის ღრუს შეშუპება, სუნთქვის ან ყლაპვის გაძნელება. 

სხვა გვერდითი ეფექტები, რაც შესაძლებელია განვითარდეს აღნიშნული პრეპარატის მიღების დროს:

ძალიან ხშირი (ვლინდება 10-დან 1 მომხმარებელთან):
-    თავის ტკივილი;
-    ყაბზობა. მკურნალი ექიმი გააკონტროლებს პაციენტის მდგომარეობას.
ხშირი (ვლინდება 1-დან 10-მდე მომხმარებელთან 100 პაციენტიდან):
-    პრობლემები ძილის მხრივ (უძილობა);
-    ღვიძლის ფუნქციის მაჩვენებლების ცვლილება, რაც შესაძლებელია გამოვლინდეს სისხლის ანალიზებით;
-    ფაღარათი.

არახშირი (ვლინდება 1-დან 10-მდე მომხმარებელთან 1,000 პაციენტიდან):
-    გამონაყარი ან კანის მხრივ გამოვლენილი ალერგიული რეაქციები ან ჭინჭრის ციება (ურტიკარია). მისი ნიშნები შეიძლება იყოს სიწითლე, ქავილის გამომწვევი ამობურცული ადგილები;
-    ცვლილებები გულისცემის (რითმის) და ეკგ-ს მხრივ (გულის ელექტრული აქტივობის ჩანაწერი);
-    უჩვეულო, უნებლიე მოძრაობები, მათ შორის კანკალი, კუნთების რიგიდობა და კონტრაქტურები;
-    სეროტონინის სინდრომი. ნიშნები შეიძლება მოიცავდეს: დიარეა, გულისრევა, ღებინება, მაღალი ტემპერატურა და არტერიული წნევა, ჭარბოფლიანობა და უჩვეულო გულის რითმი, აღგზნება, დაბნეულობა, ჰალუცინაციები, კანკალი, კუნთის კანკალი, შეკუმშვა ან დაჭიმულობა, კოორდინაციის დაკარგვა და მოუსვენრობა.

გვერდითი ეფექტების შეტყობინება
ნებისმიერი გვერდითი ეფექტის გამოვლენის შემთხვევაში, უნდა მიემართოს მკურნალ ექიმს, ექთანს ან ფარმაცევტს. აღნიშნული მოიცავს ნებისმიერ შესაძლო გვერდით ეფექტებს, რაც არ არის მითითებული აღნიშნულ ინსტრუქციაში.
გვერდითი ეფექტების შეტყობინებით, პაციენტი გვეხმარება ამ მედიკამენტის უსაფრთხოების შესახებ დამატებითი ინფორმაციის მოპოვებაში

5.    გრანი-დენკ 1მგ/მლ-ის შენახვის წესი

აღნიშნული მედიკამენტი ინახება ბავშვებისთვის მიუწვდომელ ადგილას.
არ შეიძლება პრეპარატის გამოყენება ამპულასა ან კოლოფზე “EXP”-ის შემდეგ მითითებული შენახვის ვადის გასვლის შემდეგ. შენახვის ვადა გულისხმობს მითითებული თვის ბოლო დღეს.
შენახვის ვადა:
გაუხსნელი ამპულა: 3 წელი
გასხნის შემდეგ: გამოიყენება დაუყოვნებლივ
განზავების შემდეგ: იხ. “აღნიშნული ინფორმაცია გამოიყენება მხოლოდ ჯანმრთელობის დაცვის პერსონალის მიერ”.
ინახება 25°C-ზე დაბალ ტემპერატურაზე. არ შეიძლება გაყინვა.
ამპულები ინახება მუყაოს კოლოფში სინათლისგან დაცვის მიზნით.
ერთჯერადი გამოყენების. გამოყენების შემდეგ დარჩენილი ნაწილები უნდა განადგურდეს.
არ შეიძლება გრანი-დენკ 1მგ/მლ-ს გამოყენება თუ ხსნარი არ არის სუფთა და თავისუფალი ნაწილაკებისაგან.
არ შეიძლება არც ერთი მედიკამენტის გადაგდება საკანალიზაციო წყლებში. უნდა მიემართოს ფარმაცევტს, იმ მედიკამენტის განადგურებისათვის, რომელსაც პაციენტი აღარ მოიხმარს. აღნიშნული ღონისძიება დაიცავს გარემოს.

6.    შეფუთვა და დამატებითი ინფორმაცია.

ფარმაკოლოდინამიკური თვისებები:
ფარმაკოთერაპიული ჯგუფი: ღებინების საწინააღმდეგო პრეპარატები, სეროტონინ (5-HT3) ანტაგონისტები.
გრანისეტრონი წარმოადგენს ძლიერ ანტიემეტურ და 5-ჰიდროქსიტრიპტამინის (5-HT3) სელექტიურ ანტაგონისტს. რადიოაქტიურად მონიშნული ლიგანდის საშუალებით ჩატარებულმა კვლევებმა გამოავლინა, რომ გრანისეტრონს აქვს ძალიან უმნიშვნელო აფინურობა სხვა ტიპის რეცეპტორების, მათ შორის 5-Hთ -ის და დოპამინის D2 მისაერთებელი ადგილების მიმართ. 
გამოვლენილია ურთიერთქმედება ნეიროტროპულ და სხვა აქტიურ ნივთიერებებთან, რადგან იგი მოქმედებს P 450 ციტოქრომაზე. 
Iნ ვიტრო კვლევებით გამოვლინდა, რომ ციტოქრომ P450-ის ქვეჯგუფი - 3A4 (რომელიც მონაწილეობს ზოგიერთი ძირითადი ნარკოტიკული საშუალების მეტაბოლიზმში) არ მოდიფიცირდება გრანისეტრონის მიერ. მართალია, Iნ ვიტრო კვლევებით გამოვლინდა, რომ კეტოკონაზოლი აინჰიბირებს გრანისეტრონის რგოლის დაჟანგვას, მაგრამ ითვლება, რომ ეს არ არის კლინიკურად მნიშვნელოვანი.  
მართალია, 5-HT3 -ის რეცეპტორის ანტაგონისტების შემთხვევაში გამოვლინდა Qთ ინტერვალის გახანგრძლივება, მაგრამ აღნიშნული მოვლენა იმდენად იშვიათი და უმნიშვნელოა, რომ ჯანმრთელ პირებში ამას არ ექცევა ყურადღება. მიუხედავად ამისა სასურველია, რომ მოხდეს ორივე, როგორც ეკგ მონიტორინგი, ასევე კლინიკურ გამოვლინებებზე დაკვირვება, იმ შემთხვევაში როდესაც პაციენტს კომბინირებულად მკურნალობენ სხვა პრეპარატებით, რომლებიც ახანგრძლივებენ Qთ ინტერვალს.  
 
ფარმაკოკინეტიკა

მოზრდილისთვის რეკომენდებულ დოზაზე 2.5-ჯერ მეტი დოზის მიღების შემთხვევაშიც კი პერორალურად მიღებული პრეპარატის ფარმაკოკინეტიკა არის სწორხაზოვანი. დოზის შემსწავლელი პროგრამიდან ჩანს, რომ ღებინების საწინააღმდეგო ეფექტიანობა ერთმნიშვნელოვნად არ არის დამოკიდებული არც გრანისეტრონის მიღებულ დოზაზე და არც მის პლაზმის კონცენტრაციაზე. 
პროფილაქტიკის მიზნით მიღებული გრანისეტრონის საწყისი დოზის ოთხმაგად გაზრდა არ იწვევდა განსხვავებას არც მკურნალობას დაქვემდებარებულ პაციენტთა პროპორციულობის და არც სიმპტომების კონტროლის ხანგრძლივობის მხრივ. 
განაწილება: გრანისეტრონი ჭარბად გადანაწილდება და მისი განაწილების მოცულობა შეადგენს 3ლ/კგ. ცილებს უერთდება დაახლოებით 65%.
ბიოტრანსფორმაცია: გრანისეტრონი მეტაბოლიზდება ძირითადად ღვიძლში, დაჟანგვის და შემდგომში კონიუგაციის გზით. ძირითადი ნაერთებია 7-OH გრანისეტრონი, მისი სულფატი და გლიკურონიდის კონიუგატები. მართალია, 7-OH-გრანისეტრონს და ინდაზოლინ N-დესმეთილ გრანისეტრონს გამოუვლინდა ღებინების საწინააღმდეგო თვისებები, მაგრამ ნაკლებად სავარაუდოა, რომ ადამიანებში ისინი მნიშვნელოვნად უწყობდნენ ხელს ფარმაკოლოგიურ აქტივობას. 
Iნ ვიტრო ღვიძლის მიკროსომული კვლევებიდან გამოვლინდა, რომ გრანისეტრონის ძირითადი მეტაბოლიზმის გზა ინჰიბირდება კეტოკონაზოლის მიერ, რაც მიუთითებს იმაზე, რომ მეტაბოლიზმი ხორციელდება ციტოქრომ P450-ის 3A ქვეჯგუფის მიერ. 
ელიმინაცია: კლირენსი ძირითადად ხორციელდება ღვიძლისმიერი მეტაბოლიზმით. უცვლელი გრანისეტრონის შარდისმიერი ექსკრეცია შეადგენს საშუალოდ დოზის 12%-ს, ხოლო მეტაბოლიტების რაოდენობა შეადგენს დოზის დაახლოებით 47%-ს. დანარჩენი მეტაბოლიტები გამოიყოფა ფეკალურ მასებთან ერთად. პერორალური და ინტრავენური შეყვანის შემდეგ, პლაზმის ნახევარდაშლის პერიოდი შეადგენს დაახლოებით 9 საათს, რაც საკმაოდ ცვალებადოს ინდივიდებს შორის. 

გრანი-დენკ 1მგ/მლ-ის შემადგენლობა:

-    აქტიური ნივთიერება არის გრანისეტრონი (ჰიდროქლორიდის სახით).
თითოეული 1მლ ამპულა შეიცავს 1მგ გრანისეტრონს, გრანისეტრონის ჰიდროქლორიდის სახით 1მლ სტერილურ ხსნარში.
თითოეული 3მლ ამპულა შეიცავს 3მგ გრანისეტრონს, გრანისეტრონის ჰიდროქლორიდის სახით 3მლ სტერილურ ხსნარში.
-    სხვა დამხმარე ინგრედიენტებია: ნატრიუმის ქლორიდი, ლიმონის მჟავას მონოჰიდრატი, ნატრიუმის ჰიდროქსიდი და საინექციო წყალი.

გაცემის წესი:
სამედიცინო პროდუქტის გაცემის წესი არის სამედიცინო დანიშნულება

გრანი-დენკ 1მგ/მლ-ს აღწერილობა და შეფუთვა
გრანი-დენკ 1მგ/მლ არის სუფთა, უფერო კონცენტრატი საინექციო ან საინფუზიო ხსნარის მოსამზადებლად. 
გრანი-დენკ 1მგ/მლ ხელმისაწვდომია უფერო სახით მინის ამპულებში. 
შეფუთვა: გრანი-დენკ 1მგ/მლ #5 ამპულა 1მლ ან #5 ამპულა 3მლ ხსნარი. 
შესაძლოა ყველა ზომის შეფუთვა არ იყოს გაყიდვაში. 
გაცემის წესი:
ფარმაცევტული პროდუქტის ჯგუფი II, გაიცემა ფორმა №3 რეცეპტით

ასევე, იხილეთ : Grani-Denk 1mg/ml - გრანი დენკი 1მგ/3მლ 5 ამპულა