Pantoprazole NORMON - პანტოპრაზოლი-ნორმონი 20გ 28 ტაბლეტი

შემადგენლობა:
აპკიანი გარსით დაფარული ნაწლავში ხსნადი 1 ტაბლეტი აქტიური ნივთიერების სახით შეიცავს: ნატრიუმის პანტოპრაზოლის სესკვიჰიდრატი 22,57 მგ, რაც არის 20 მგ პანტოპრაზოლის ექვივალენტური 

ფარმაკოთერაპიული ჯგუფი: პროტონული ტურბოს ინჰიბიტორები. 
პანტოპრაზოლი წარმოადგენს ჩანაცვლებულ ბენზიმიდაზოლს, რომელიც თრგუნავს კუჭში მარილმჟავას გამომუშავებას პარიენტალური უჯრედების პროტონულ ტურბოზე ზემოქმედების ხარჯზე. 
პანტოპრაზოლი ტრანსფორმირდება აქტიურ ფორმაში პარიეტალური უჯრედების სეკრეტორულ მილაკებში, სადაც აინჰიბირებს ფერმენტ H+, K+ - ატფ-აზას, რითიც ახდენს მარილმჟავას გამომუშავების ბოლო ეტაპის ბლოკირებას. ეს ეფექტი დამოკიდებულია პრეპარატის დოზაზე. პანტოპრაზოლი თრგუნავს მარილმჟავას როგორც ბაზალურ, ასევე სტიმულირებულ სეკრეციას. უმრავლეს პაციენტებში სიმპტომატური გაუმჯობესება აღინიშნება მკურნალობის 2 კვირის შემდეგ. როგორც პროტონული ტუმბოს სხვა ინჰიბიტორები და H2-რეცეპტორების ინჰიბიტორები, პანტოპრაზოლი ამცირებს კუჭის წვენის სიმჟავეს, რაც იწვევს გასტრინის გამომუშავების გაძლიერებას, რომელსაც აქვს შექცევადი ხასიათი. რადგანაც პანტოპრაზოლის ურთიერთქმედება ფერმენთტან ხდება უჯრედული რეცეპტორების გვერდის ავლით, მისი ეფექტი მარილმჟავას სეკრეციის მიმართ არ არის დამოკიდებული უჯრედების სტიმულაციაზე სხვა ნივთიერებებით (აცეტილქოლინი, ჰისტამინი, გასტრინი). პრეპარატი ახდენს ერთნაირ ზემოქმედებას ვენაში შეყვანისას და პერორალურად მიღებისას.

ჩვენებები:
•Helicobacter pylori-ს ერადიკაცია ანტიბიოტიკებთან კომბინაციაში პეპტიკური წყლულის მქონე პაციენტებში თორმეტგოჯა ნაწლავის და კუჭის წყლულოვანი დაავადების რეციდივების სიხშირის შემცირების მიზნით, რომელიც გამოწვეულია ამ მიკროორგანიზმით; 
•თორმეტგოჯა ნაწლავის წყლულოვანი დაავადება; 
•საშუალო და მძიმე ხარისხის რეფლუქსური ეზოფაგიტი;
•ზოლინგერ-ელისონის სინდრომი და სხვა ჰიპერსეკრეტული მდგომარეობები. 

მიღების წესები და დოზები:

პრეპარატი მოწოდებულია შიგნით მისაღებად. უნდა მოხდეს ტაბლეტის გადაყლაპვა მთლიანად, დაუღეჭავად ან მისი გატეხვის გარეშე საკმარისი რაოდენობით სითხის მიყოლებით, საუზმის წინ და ვახშმამდე. კუჭისა და თორმეტგოჯა ნაწლავის წყლულოვანი დაავადება, ეროზიული გასტრიტი: 40-80 მგ დღეში. მკურნალობის კურსის ხანგრძლივობაა 2 კვირა თორმეტგოჯა ნაწლავის და 4-8 კვირა კუჭის წყლულოვანი დაავადების გამწვავებისას. კუჭისა და თორმეტგოჯა ნაწლავის წყლულოვანი დაავადების რეციდივის პროფილაქტიკა: 20 მგ დღეში. Helicobacter pylori ერადიკაცია: სამმაგი თერაპიის სახით გამოიყენება კომბინაციები, რომლისთვისაც პანტოპრაზოლ ნორმონის სადღეღამისო დოზა შეადგენს 20-40 მგ 2-ჯერ, ხოლო მკურნალობის ხანგრძლივობა 7-14 დღეს. კომბინაციას ადგენს მკურნალი ექიმი. კომბინირებული თერაპიის დასრულების შემდეგ პრეპარატი პანტოპრაზოლ ნორმონი შეიძლება გაგრძელდეს წყლულის შეხორცების მიზნით. თირკმლის ფუნქციის მძიმე დარღვევების მქონე ან ჰემოდიალიზზე მყოფ პაციენტებს Helicobacter pylori ერადიკაციული თერაპია არ ენიშნებათ. მსუბუქი ხარისხის გასტრო-ეზოფაგური რეფლუქსური დაავადების სიმპტომების მკურნალობა: 20 მგ დღეში. ზოლინგერ-ელისონის სინდრომი: 40-80 მგ დღეში. ღვიძლის ფუნქციის გამოხატული დარღვევების მქონე პაციენტებს დოზა უნდა შეუმცირდეთ 40 მგ-მდე 2 დღეში ერთხელ. ამ შემთხვევაში საჭიროა სისხლის ბიოქიმიური მაჩვენებლების კონტროლი. ღვიძლის ფერმენტების აქტივობის მომატებისას, პრეპარატის მიღება უნდა შეწყდეს. ხანდაზმულები არ საჭიროებენ დოზის კორექციას, თუმცა სადღეღამისო დოზა არ უნდა აღემატებოდეს 40 მგ-ს. პრეპარატი პანტოპრაზოლ ნორმონი არ მიიღება პროფილაქტიკის მიზნით. 

გვერდითი მოვლენები:

-საჭმლის მომნელებელი სისტემის მხრივ: დიარეა, გულისრევა, ტკივილი მუცლის ზედა ნაწილში, მეტეორიზმი.

-ცნ-სისტემის მხრივ: თავის ტკივილი, თავბრუსხვევა, 

-ალერგიული რეაქციები: იშვიათად – გამონაყარი კანზე, ქავილი, კანის ჰიპერემია, ანაფილაქსური რეაქციები.

-სხვადასხვა: მიალგია, სისუსტე, მხედველობის სამკვეთრის დარღვევა, ძალიან იშვიათად ღვიძლის ფუნქციის დაღრვევა, სიყვითლე, ფოტოსენსიბილიზაცია. 

უკუჩვენება:

-ნევროტული გენეზის დისპეფსიები;

-კუჭ-ნაწლავის ტრაქტის ავთვისებიანი დაავადებები;

-მომატებული მგრძნობელობა პანტოპრაზოლის მიმართ;

-ბავშვთა ასაკი 16 წლამდე.

ორსულობა და ლაქტაცია:

ორსულობისა და ლაქტაციის დროს პანტოპრაზოლი ინიშნება მხოლოდ მაშინ, როდესაც მოსალოდნელი სარგებელი დედისთვის ჭარბობს შესაძლო რისკს ნაყოფისთვის ან ჩვილისთვის. ლაქტაციის დროს უნდა შეწყდეს ჩვილის ძუძუთი კვება.

განსაკუთრებული მითითებები:

ღვიძლის ფუნქციის დარღვევისას პრეპარატის სადღეღამისო დოზა არ უნდა აღემატებოდეს 20 მგ-ს. თირკმლის ფუნქციის დარღვევის მქონე პაციენტებში პრეპარატის სადღეღამისო დოზა არ უნდა აღემატებოდეს 40 მგ-ს.

ხანდაზმულ პაციენტებში სადღეღამისო დოზა არ უნდა აჭარბებდეს 40 მგ-ს.

პედიატრიულ პრაქტიკაში პანტოპრაზოლის გამოყენების უსაფრთხოება და ეფექტურობა დადგენილი არ არის. პრეპარატი არ გამოიყენება ბავშვებში.

მკურნალობამდე და მკურნალობის შემდეგ აუცილებელია ენდოსკოპური კონტროლის ჩატარება კუჭნაწლავის სისტემის ავთვისებიანი დაავადების გამოსარიცხად, ვინაიდან პანტოპრაზოლით მკურნალობამ შეიძლება დაფაროს ავთვისებიანი დაავადებების სიმტომატიკა და ხელი შეუშალოს სწორი დიაგნოზის დასმას.

ერთდროული მიღებისას პანტოპრაზოლმა შეიძლება შეცვალოს იმ პრეპარატების შეწოვის ხარისხი, რომელთა ბიოათვისებადობა დამოკიდებულია კუჭის PH -ზე.

ვარგისობის ვადა:

იხილეთ შეფუთვაზე.

შენახვის პირობები და ვადები:

ინახება არაუმეტეს 20-25°С ტემპერატურაზე.