Fluconazolo - ფლუკონაზოლი 150მგ 1 კაფსულა

ფლუკონაზოლი

ფლუკონაზოლი USP 150 მგ

FLUCONAZOLE

 

ხარისხობრვი და რაოდენობრივი შემადგენლობა: თითოეული კაფსულა შეიცავს ფლუკონაზოლს USP 150 მგ.

ფარმაცევტული ფორმა: მყარი კაფსულა. თეთრი ფერის გაუმჭვირვალე ხუფი და თეთრი ფერის გაუმჭვირვალე კორპუსი, ხუფზე შავი მელნით დაბეჭდილი მონოგრამა, ლაქების  გარეშე.

ფარმაკოლოგიური თვისებები:

ფარმაკოთერაპიული ჯგუფი: სოკოს საწინააღმდეგო საშუალება სისტემური გამოყენებისთვის. ტრიაზოლის წარმოებული, ATC კოდი: J02AC01.

ფლუკონაზოლი, იმიდაზოლის ჯგუფის სისტემური სოკოს საწინააღმდეგო საშუალება გამოიყენება ვაგინალური კანდიდოზის დროს. იგი აინჰიბირებს სოკოს   ლანოსტეროლის 14 ალფა-დემეთილაზას, რაც ხელს უშლის სოკოს უჯრედის მემბრანის ძირითადი კომპონენტის ერგოსტეროლის ჩამოყალიბებას.

ფლუკონაზოლი ურთიერთქმედებს 14-ალფა დემეთილაზა,  ციტოქრომ P-450 ფერმენტებთან, რაც საჭიროა ლანოსტეროლის ერგოსტეროლად გარდასაქმნელად.

რადგან ერგოსტეროლი წარმოადგენს სოკოს უჯრედის მემბრანის ძირითად კომპონენტს, მისი სინთეზის ინჰიბირების შედეგად იზრდება უჯრედული შეღწევადობა, რაც იწვევს უჯრედული შიგთავსის გაჟონვას. ფლუკონაზოლს ასევე შუუძლია ენდოგენური რესპირაცია, ფოსფოლიპიდების მემბრანასთან ურთიერთქმედება, საფუარას მიცელარულ ფორმად გარდაქმნის ინჰიბირება, პურინების ინჰიბირება, ტრიგლიცერიდების და/ან ფოსფოლიპიდების ბიოსინთეზის შემცირება.  

ფარმაკოდინამიკა

შეწოვა

პერორალური მიღების შემდეგ ფლუკონაზოლი კარგად შეიწოვება და ინტრავენური შეყვანისას პლაზმაში კონცენტრაციას აღწევს 90% (და სისტემური ბიოშეღწევადობა). საკვები არ ახდენს გავლენას ფლუკონაზოლის შეწოვის ხარისხზე პერორალური მიღებისას. უზმოზე, პლაზმაში კონცენტრაციის პიკი მიიღწევა დოზის მიღებიდან  0.5, 1.5 საათში. პლაზმიური კონცენტრაცია  დოზის პროპორციულია. 90% სტაბილური კონცენტრაცია მიიღწევა დოზის მიღებიდან 4-5 დღეს, პრეპარატის ერთხელ დღეში მრავალჯერადი მიღებისას. დარტყმითი დოზის მიღება (1 დღეში), რომელიც ორჯერ აჭარბებს ჩვეულებრივ დღიურ დოზას, დაახლოებით 90% აღწევს პლაზმაში კონცენტრაციას მე-2 დღისთვის.

განაწილება:

მნიშვნელოვანი მოცულობა ნაწილდება მთლიანი ორგანიზმის სითხეებში. პლაზმის ცილებთან კავშირი დაბალია (11-12%).

ფლუკონაზოლი კარგად გადადის მთლიანი ორგანიზმის სითხეებში. ფლუკონაზოლის კონცენტრაცია ნერწყვსა და ნახველში მისი პლაზმური კონცენტრაციის მსგავსია. სოკოვანი მენინგიტის შემთხვევაში ფლუკონაზოლის კონცენტრაცია თავზურგტვინში შეადგენს  მისი პლაზმური კონცენტრაციის დაახლოებით 80%-ს. რქოვანას გარსში, ეპიდერმისში და ოფლში აღინიშნება ფლუკონაზოლის მაღალი კონცენტრაცია, რომელიც აჭარბებს პლაზმისმიერს. ფლუკონაზოლი გროვდება რქოვანა გარსში. 

დღეში ერთხელ 50 მგ-ის მიღებისას ფლუკონაზოლის კონცენტრაცია რქოვანა გარსში 12დღის შემდეგ შეადგენს 73 მკგ/გ, ხოლო მკურნალობის შეწყვეტიდან 7 დღის შემდეგ– მხოლოდ 5,8 მკგ/გ. კვირაში ერთხელ 150 მგ მიღებისას კონცენტრაცია რქოვანა გარსში შეადგენს მე-7 დღეზე – 23,4 მკგ/გ, ხოლო 7 დღის შემდეგ განმეორებითი დოზის მიღებიდან-7,1მკგ/გ.

ფლუკონაზოლის კონცენტრაცია ფრჩხილში 4 თვიანი მიღების (150 მგ კვირაში ერთხელ) შემდეგ შეადგენს 4,05 მკგ/გ ჯანმრთელ და 1,8 მკგ/გ დაზიანებულ ფრჩხილებში. მკურნალობიდან 6 თვის შემდეგ ფლუკონაზოლი კიდევ აღინიშნებოდა ფრჩხილების ნიმუშებში.

ბიოტრანსფორმაცია

ფლუკონაზოლი მეტაბოლიზდება მხოლოდ მცირე მოცულობით. რადიოაქტიური დოზის მხოლოდ 11% გამოიყოფა შარდში შეცვლილი სახით. ფლუკონაზოლი არის CYP2C9 და CYP3A4 იზოფერმენტების სელექტიური ინჰიბიტორი. ფლუკონაზოლი ასევე არის CYP2C19 იზოფერმენტის ინჰიბიტორი.

გამოყოფა

პლაზმაში ფლუკონაზოლის ნახევადრაშლის პერიოდი შეადგენს 30 საათს. პრეპარატი გამოიყოფა ძირითადად თირკმლებით; დაახლოებით 80% შეყვანილი დოზისა ვლინდება შარდში შეუცვლელი სახით. ფლუკონაზოლის კლირენსი პროპორციულია კრეატინინის კლირენსისა. მოცირკულირე მეტაბოლიტები არ აღინიშნება.

პლაზმიდან ნახევარგამოყოფის ხანგრძლივი პერიოდი განაპირობებს იმას, რომ პრეპარატი მიიღება ერთხელ ვაგინალური კანდიდოზის დროს და დღეში ერთხელ ან კვირაში ერთხელ – სხვა ჩვენებების დროს.

სამკურნალო ჩვენებები

ფლუკონაზოლი ნაჩვენებია მწვავე ან შექცევადი ვაგინური კანდიდოზის, ლორწოვანების კანდიდოზის (ოროფარინგეალური კანდიდოზი, ეზოფაგიტი, კანდიდურია), სისტემური კანდიდოზის და კრიპტოკოკური ინფექციების (მათ შორის მენინგიტი) დროს.

დოზა და მიღების წესი

მწვავე ან შექცევადი ვაგინური კანდიდოზის დროს მიიღება პრეპარატის ერთჯერადი 150მგ დოზა. ლორწოვანების კანდიდოზის დროს (გარდა ვაგინალურისა): 50 მგ  ყოველდღიურად (დღეში 100 მლ გართულებული ინფექციების დროს) 7-14 დღე; ოროფარინგეალური კანდიდოზის  და სხვა ლორწოვანი გარსის ინფექცისების (მაგ: ეზოფაგიტი, კანდიდურია) დროს 14-30 დღე. სისტემური კანდიდოზის ან კრიპტოკოკური ინფექციების (მათ შორის მენინგიტი) დროს - 400მგ დასაწყისში და შემდეგ 200 მგ დღეში. მკურნალობა გრძელდება შედეგის შესაბამისად.

1 წელზე მეტი ასაკის ბავშვებში, ზედაპირული კანდიდოზური ინფექციების დროს, 1-2 მგ/კგ  დღეში, სხეულის წონის შესაბამისად. სისტემური კანდიდოზის და კრიპტოკოკური ინფექციების დროს - 3-6 მგ/კგ  დღეში სხეულის წონის შესაბამისად (მძიმე, სიცოცხლისათვის საშიში ინფექციების დროს 5-დან 13 წლამდე ასაკის, 12 მგ/კგ-ზე მეტი წონის ბავშვებში დღიური მაქსიმალური დოზა შეადგენს 400მგ-ს). ან ლიცენზირებული ექიმის მითითების შესაბამისად.

უკუჩვენება

უკუნაჩვენებია ჰიპერმგრძნობელობის და ღვიძლის შორსწასული დაავადების მქონე პაციენტებში.

სპეციალური გაფრთხილებები და სიფრთხილის ზომები

ქატოსებრი სირსველი

ფლუკონაზოლის შესწავლა მოხდა ბავშვებში ქატოსებრი სირსველის მკურნალობის დროს. იგი არ აღემატებოდა გრიზეოფულვინის ეფექტურობას და საერთო წარმატების მაჩვენებელი შეადგენდა <20%. ამიტომ,  ფლუკონაზოლი არ გამოიყენება ქატოსებრი სირსველის სამკურნალოდ.

კრიპტოკოკოზი

კრიპტოკოკით გამოწვეული სხვა ლოკალიზაციის ინფექციების (მაგ. ფილტვის და კანის კრიპტოკოკი) დროს, პრეპარატის  ეფექტურობა არ არის დადგენილი, რის გამოც არ არსებობს დოზის რეკომენდაციები.

ღრმა ენდემური მიკოზი

ფლუკონაზოლით სხვა ფორმის ენდემური მიკოზების, როგორიცაა paracoccidioidomycosis, lymphocutaneous sporotrichosis და histoplasmosis, მკურნალობის დროს გამოყენების ეფექტურობის მტკიცებულება შეზღუდულია, რის გამოც არ არსებობს დოზის რეკომენდაციები.

თირკმლის სისტემა

ფლუკონაზოლის კაფსულები სიფრთხილით გამოიყენება თირკმლის ფუნქციის დარღვევის მქონე პაციენტებში.

ჰეპატობილიარული სისტემები

ფლუკონაზოლის კაფსულები სიფრთხილით გამოიყენება ღვიძლის ფუნქციის დარღვევის მქონე პაციენტებში.

იშვიათ შემთხვევებში ფლუკონაზოლის გამოყენებას ახლდა ღვიძლის ტოქსიური ცვლილებები, ლეტალურ შედეგამდეც, ძირითადად პაციენტებში სერიოზული თანამდევი დაავადებებით. ფლუკონაზოლის გამოყენებასთან დაკავშირებული ჰეპატოტოქსიური ეფექტის გამოვლენის დროს არ არის აღნიშნული კავშირი პრეპარატის საერთო დღიურ დოზასთან, მკურნალობის ხანგრძლივობასთან, სქესთან და ასაკთან. ფლუკონაზოლის ჰეპატოტოქსიური ეფექტი ჩვეულებრივ იყო შექცევადი და თერაპიის შეწყვეტის შემდეგ მისი ნიშნები ქრებოდა.

იმ პაციენტებში, სადაც ფლუკონაზოლის გამოყენებისას ირღვევა ღვიძლის ფუნქციური მაჩვენებლები, აუცილებელია დაკვირვება ღვიძლის უფრო სერიოზული დაზიანების ნიშნების გამოვლენის მიზნით. ღვიძლის დაზიანების ნიშნების ან სიმპტომების გამოვლენის შემთხვევაში (ასთენია, ანორექსია, მუდმივი გულისრევა, ღებინება და სიყვითლე), რაც შეიძლება დაკავშირებული იყოს ფლუკონაზოლთან, საჭიროა პრეპარატის შეწყვეტა და კონსულტაცია ექიმთან.

გულ-სისხლძარღვთა სისტემა

ფლუკონაზოლის ჩათვლით ზოგიერთი აზოლების გამოყენებამ აჩვენა ეკგ-ზე QT ინტერვალის გაზრდა. პოსტ მარკეტინგული დაკვირვების დროს იშვიათად აღინიშნა QT ინტერვალის გაზრდა და პარკუჭების ციმციმი/თრთოლვა, იმ პაციენტებში რომლებიც იღებდნენ ფლუკონაზოლის კაფსულებს.  ეს მოვლენები აღინიშნებოდა მძიმედ დაავადებულ პაციენტებში, მრავლობითი რისკ ფაქტორებით, როგორიცაა გულის სტრუქტურული დაავადება, ელექტროლიტური ბალანსის დარღვევა და თერაპია, რომელიც ამ დარღვევების განვითარებას უწყობს ხელს.

ფლუკონაზოლი სიფრთხილით გამოიყენება ასეთი პოტენციურად  პროარითმიული მდგომარეობების მქონე პაციენტებში. სხვა წამლებთან ერთად მიღება  უკუნაჩვენებია, რადგან ცნობილია რომ ხანგრძლივდება QT ინტერვალი და მეტაბოლიზდება ციტოქრომ P-450-ის (CYP) 3A4 საშუალებით.

ჰალოფანტრინი

რეკომენდებული თერაპიული დოზის მიღებისას ჰალოფანტრინმა აჩვენა  QT ინტერვალის გახანგრძლივება და წარმოადგენს CYP3A4 სუბსტრატს. ფლუკონაზოლის მიღება ჰალოფანტრინთან ერთად არ არის რეკომენდებული.

დერმატოლოგიური რეაქციები

ფლუკონაზოლის მიღებისას იშვიათ შემთხვევებში აღნიშნულია კანის ექსფოლაციური რეაქციები, როგორიცაა სტივენს-ჯონსონის სინდრომი და ტოქსიური ეპიდერმალური ნეკროლიზი. შიდსით დაავადებულები უფრო მიდრეკილები არიან კანის რეაქციებისკენ. ზედაპირული სოკოვანი ინფექციის მკურნალობის პროცესში გამონაყარის განვითარებისას, რომელსაც ფლუკონაზოლს უკავშირებენ, საჭიროა პრეპარატის მიღების შეწყვეტა. ინვაზიური/სისტემური სოკოვანი ინფექციების შემთხვევაში გამონაყარის გამოვლენისას საჭიროა პაციენტებზე დაკვირვება და ფლუკონაზლის შეწყვეტა ბულოზური დაზიანების ან პოლიფორმული ერითემის გაჩენისას.

ჰიპერმგრძნობელობა

იშვიათ შემთხვევებში აღნიშნულია ანაფილაქსია.

ციტოქრომ P450

ფლუკონაზოლი არის პოტენციური CYP2C9 და ზომიერი CYP3A4  ინჰიბიტორი. ფლუკონაზოლი ასევე არის CYP2C19 ინჰიბიტორი. სიფრთხილეა საჭირო ფლუკონაზოლის კაფსულების გამოყენებისას იმ პრეპარატებთან ერთად, რომლებიც განიცდიან მეტაბოლიზმს CYP2C9, CYP2C19 და CYP3A4 -ით ან გააჩნიათ ვიწრო თერაპიული ფანჯრის ეფექტი.

ტერფენადინი

ფლუკონაზოლის ერთდროული მიღებისას დოზით 400 მგ-ზე ნაკლები დღეში ტერფენადინთან ერთად საჭიროა მკაცრი კონტროლი. 

სხვა პრეპარატებთან ურთიერთქმედება და ურთიერთქმედების სხვა სახეები

ფლუკონაზოლი მოქმედებს სოკოს ციტოქრომის P-450-ის ფერმენტების ინჰიბირებით. იგი გაცილებით ნაკლებად აქტიურია ძუძუმწოვრებში P-450-ის ფერმენტების წინააღმდეგ, მაგრამ არსებობს წამლებთან ურთიერთქმედების პოტენცია რომლებიც მეტაბოლიზდებიან P-450-ით.

ციკლოსპორინი

ზოგიერთი მონაცემების მიხედვით ფლუკონაზოლი ზრდის  ციკლოსპორინის დონეს.

ფენიტოინი

ფლუკონაზოლი მნიშვნელოვნად ზრდის ფენიტოინის დონეს.

ანტიკოაგულანტები

ფლუკონაზოლმა აჩვენა პროთრომბინის დროის გახანგრძლივება იმ სუბიექტებში რომლებიც იღებენ ვარფარინს.

პერორალური ჰიპოგლიკემია

ტოლბუტამიდთან ერთად მიღებისას ფლუკონაზოლმა აჩვენა ნახევარგამოყოფის პერიოდის გახანგრძლივება შრატში. თუმცა შრატში გლუკოზას დონეზე არ დაფიქსირდა არასასურველი ეფექტები.

რიფამპიცინი

იწვევს ფლუკონაზოლის პლაზმური დონის შემცირებას. 

პერორალური კონტრაცეპტივები

არ არის ნანახი კლინიკურად მნიშვნელოვანი ურთიერთქმედება.

გვერდითი მოვლენები

 გულისრევა, დისკომფორტი მუცელში, დიარეა, მეტეორიზმი, თავის ტკივილი, გამონაყარი; იშვიათად: დისპეპსია, ღებინება, ღვიძლის ფერმენტების დარღვევა, პაროქსიზმი, ალოპეცია და სტივენს-ჯონსონის სინდრომი.

ჭარბი დოზირება და მკურნალობა

ფლუკონაზოლის ჭარბი დოზის მიღებისას აღინიშნა ჰალუცინაციები და პარანოიდული ქცევა.

ჭარბი დოზირების შემთხვევაში, უნდა მოხდეს სიმპტომური თერაპიის დანიშვნა, საჭიროა  კუჭის ამორეცხვა თუ კლინიკურად ნაჩვენებია. რადგან ფლუკონაზოლი ძირითადად გამოიყოფა შარდში, ფორსირებული დიურეზი ზრდის ელიმინაციის ხარისხს; სამ საათიანი ჰემოდიალიზი აქვეითებს პლაზმაში კონცენტრაციას 50%-ით. 

გამოყენება ორსულობის დროს და ლაქტაცია

ორსულობა

ორსულობის დროს ფლუკონაზოლის გამოეყნებაზე მონაცემები მეტად შეზღუდულია. თუმცა ორსულობის დროს ფლუკონაზოლი გამოიყენება მხოლოდ მაშინ, როდესაც შესაძლო სარგებელი აშკარად აჭარბებს პოტენციურ რისკს.

ლაქტაცია

ფლუკონაზოლი ვლინდება ქალის რძეში პლაზმურთან მიახლოებული კონცენტრაციებით, ამიტომ, მისი დანიშვნა ლაქტაციის პერიოდში არ არის რეკომენდებული.

გავლენა სატრანსპორტო საშუალებების მართვასა და მექანიზმებთან მუშაობის უნარზე

სატრანსპორტო საშუალებების ან მექანიზმების  მართვის დროს უნდა გაითვალისწინოთ, რომ იშვიათად შეიძლება გამოვლინდეს თავბრუსხვევა ან პაროქსიზმი.

დამხმარე ნივთიერებების ჩამონათვალი: ლუდიპრესი, მაგნიუმის სტეარატი, აეროსილი-200 (კოლოიდური უწყლო სილიციუმი), კროსპოვიდონი, მყარი ჟელატინის კაფსულა #2.

შენახვის პირობები: შეინახეთ მშრალ, სინათლისაგან დაცულ ადგილას

 არაუმეტეს 300C ტემპერატურაზე. არ გამოიყენოთ მედიკამენტი ვადის ამოწურვის

შემდეგ. შეინახეთ ბავშვებისათვის მიუწვდომელ ადგილას.

შენახვის ვადა: 36 თვე.

წამლის ფორმა და შეფუთვა: 1 კაფსულა თითოეულ ბლისტერზე & 1 ბლისტერი, ჩანართთან ერთად მოთავსებულია მუყაოს კოლოფში.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

სავაჭრო ლიცენზიის ნომერი: DAR NO: 210-207-62

პირველი ლიცენზიის თარიღი: 30-03-2002

ჩანართის შემოწმების თარიღი: ყოველ ორ წელში

მწარმოებელის დასახელება და მისამართი:

GRUG INTERNATIONAL LIMITED

252, TONGI INDUSTRIAL AREA,

ტონგი, გაზიპური, ბანგლადეში.