Breviprost - ბრევიპროსტი თვალის წვეთები 0.004% 5მლ

ბრევიპროსტTM 0,04 მგ /მლ, თვალის წვეთები

ტრავოპროსტი

პრეპარატის მიღებამდე სრულად წაიკითხეთ ფურცელ-ჩანართი, რაადგან ის შეიცავს თქვენთვის მნიშვნელოვან ინფორმაციას!

·  შეინახეთ ფურცელ-ჩანართი. შესაძლოა მისი კიდევ ერთხელ წაკითხვა დაგჭირდეთ.

·   თუ დამატებითი კითხვები გაგიჩნდათ, მიმართეთ მკურნალ ექიმს ან აფთიაქის თანამშრომელს.

·    პრეპარატი განკუთვნილია მხოლოდ თქვენთვის. არ გადასცეთ ის სხვა ადამიანებს. მან შეიძლება ავნოს სხვებს, მაშინაც კი, როცა მათი დაავადებების სიმპტომები ემთხვევა თქვენსას.

·    თუ თქვენ გაქვთ რომელიმე არასასურველი რეაქცია, მიმართეთ მკურნალ ექიმს ან აფთიაქის თანამშრომელს. მოცემული რეკომენდაცია ვრცელდება ნებისიერ შესაძლო არასასურველ რეაქციებზე, მათ შორის, რომლებიც არ არის ჩამოთვლილი ფურცელ-ჩანართის მე-4 პუნქტში.

ფურცელ-ჩანართის შინაარსი

1.   რას წარმოადგენს პრეპარატი ბრევიპროსტTM  და რისთვის გამოიყენება

2.    რა უნდა იცოდეთ პრეპარატ ბრევიპროსტTM  გამოყენებამდე

3.     პრეპარატ ბრევიპროსტTM  გამოყენება

4.     შესაძლო არასასურველი რეაქციები

5.      პრეპარატ ბრევიპროსტTM  შენახვა

6.      კოლოფის შიგთავსი და სხვა ცნობები

 

1.  რას წარმოადგენს პრეპარატი  ბრევიპროსტTM  და რისთვის გამოიყენება

პრეპარატი ბრევიპროსტTM  შეიცავს მოქმედ ნივთიერება ტრავოპროსტს, რომელიც პროსტაგლანდინების ანალოგებს მიეკუთვნება. ტრავოპროსტი აქვეითებს თვალშიდა წნევას, შეიძლება გამოიყენებოდეს როგორც ცალკე, ასევე სხვა თვალის წვეთებთან ერთად, რომლებიც თვალშიდა წნევას აქვეითებენ (მაგალითად ბეტა-ბლოკატორები).

პრეპარატი გამოიყენება თვალშიდა წნევის დასაწევად:

- ზრდასრულ პაციენტებში ღიაკუთხოვანი გლაუკომით ან მაღალი თვალშიდა წნევით (ოფთალმოჰიპერტენზია);

-  ბავშვებში 2 თვიდან 18 წლის ასაკამდე ოფთალმოჰიპერტნზიით ან ბავშვთა გლაუკომა.

2.რა უნდა იცოდეთ პრეპარატ ბრევიპროსტTM  -ის გამოყენებამდე

არ გამოიყენოთ პრეპარატი ბრევიპროსტTM   თუ თქვენ გაქვთ მომატებული მგრძნობელობა მოქმედი ნივთიერების ან პრეპარატის სხვა ნებისმიერი კომპონენტის მიმართ (იხ. პუნქტი 6).

განსაკუთრებული მითითებები და უსაფრთხოების ზომები

· ბრევიპროსტTM  -მ შეიძლება წამწამების სიგრძე, სისქე, ფერის ინტენსივობა და/ან მათი რაოდენობა გაზარდოს. აგრეთვე ადგილი ჰქონდა ქსოვილების შეცვლას თვალის ირგვლივ ან ქუთუთოებზე, თმების უჩვეულო ზრდის ჩათვლით.

· ბრევიპროსტTM  -მ შეიძლება შეცვალოს თქვენი ფერადი გარსის შეფერილობა. ცვლილება შეიძლება აღმოჩნდეს მუდმივი. ასევე, შეიძლება ადგილი ჰქონდეს თვალების ირგვლივ კანის ფერის შეცვლას.

· თუ თქვენ გადაიტანეთ კატარაქტის ოპერაცია, ბრევიპროსტTM  -ს გამოყენებამდე გაიარეთ ექიმთან კონსულტაცია.

· თუ თქვენ გაქვთ ან გქონდათ თვალის ანთება (ირიტი/უვეიტი) ბრევიპროსტTM  -ის მიღებამდე გაიარეთ კონსულტაცია ექიმთან.

·  ბრევიპროსტTM  -მა იშვიათ შემთხვევებში შეიძლება გამოიწვიოს ქოშინი, ხიხინი ან გააძლიეროს ასთმის სიმპტომები. თუ თქვენ გაწუხებთ თქვენი სუნთქვის ცვლილებები, რაც შეიძლება მალე შეატყობინეთ თქვენს ექიმს.

·  ბრევიპროსტTM - ი შეიწოვება კანით. პრეპარატის კანის საფარზე მოხვედრისას, აუცილებელია მაშინვე გაასუფთავოთ კანი პრეპარატისგან. ეს განსაკუთრებით მნიშვნელოვანია ორსული ქალებისა და მათთვის, ვინც ორსულობას გეგმავს.

· მოერიდეთ წვეთების კონტაქტს რბილ კონტაქტურ ლინზებთან. კონტაქტური ლინზები უნდა მოიხსნათ პრეპარატის გამოყენებამდე და გაიკეთოთ ჩაწვეთებიდან 15 წუთის გასვლის შემდეგ.

· პრეპარატი შეიცავს პოლიოქსილ 40 ჰიდროგენიზირებულ აბუსალათინის ზეთს და პროპილენგლიკოლს, რომლებმაც შეიძლება გამოიწვიონ კანის რეაქციები და გაღიზიანება.

ბავშვები

ბრევიპროსტTM  -ის გამოყენება შეიძლება 2 თვიდან 18 წლამდე ასაკის ბავშვებში იმავე დოზირებით, როგორც ზრდასრულ პაციენტებში. არ არის რეკომენდებული პრეპარატის გამოყენება 2 თვემდე ასაკის ბავშვებში.

სხვა პრეპარატები და პრეპარატი ბრევიპროსტTM  

შეატყობინეთ თქვენს ექიმს ან აფთიაქის თანამშრომელს, თუ თქვენ იღებთ ან იღებდით სხვა, რომელიმე სამკურნალო საშუალებას.

ორსულობა და ძუძუთი კვება

თუ თქვენ ხართ ორსულად ან თვლით, რომ შეიძლება იყოთ ორსულად ან გეგმავთ ორსულობას, მიმართეთ თქვენს ექიმს ან აფთიაქის თანამშრომელს, მანამ, სანამ მოცემული პრეპარატის გამოყენებას დაიწყებდეთ. პრეპარატ ბრევიპროსტTM  -ის გამოყენება ორსულობის პერიოდში არ არის რეკომენდებული. პრეპარატს შეუძლია შეაღწიოს დედის რძეში. ძუძუთი კვების დროს პრეპარატ ბრევიპროსტTM  -ის გამოყენება არ არის რეკომენდებული.

სანამ მიიღებთ რომელიმე წამალს, გაიარეთ კონსულტაცია ექიმთან.

სატრანსპორტო საშუალებების მართვა და მუშაობა მექანიზმებთან

პრეპარატ ბრევიპროსტTM  -ის მიღების დროს, თქვენ შეიძლება დროებით დაგებინდოთ მხედველობა ან ადგილი ჰქონდეს მხედველობის სხვა დარღვევებს. არ მართოთ სატრანსპორტო საშუალებები ან რაიმე რთული დანადგარი, რომელიც მოითხოვს მკაფიო მხედველობას, სანამ არ გაივლის სიმპტომები.

3.პრეპარატ ბრევიპროსტTM  -ის გამოყენება

ყოველთვის მიიღეთ მოცემული სამკურნალო საშუალება მკურნალი ექიმის რეკომენდაციების სრული დაცვით. ეჭვების გაჩენის შემთხვევაში, რჩევისთვის მიმართეთ ექიმს ან აფთიაქის თანამშრომელს. 

პრეპარატის რეკომენდებული დოზა - თითო წვეთი დაზიანებულ თვალში (თვალებში) დღეში ერთხელ, საღამოს.

პრეპარატი ბრევიპროსტTM  გამოიყენეთ მხოლოდ თვალში (თვალებში) ჩასაწვეთებლად.

 პრეპარატის გამოყენებისას მიჰყევით ქვევით მოცემულ მითითებებს :

· პირველი გამოყენების წინ, მუყაოს ყუთზე, სპეციალურად გამოყოფილ ადგილზე დააწერეთ გახსნის თარიღი.

· დაიბანეთ ხელები პრეპარატის გამოყენების დაწყებამდე.

· მოხსენით ფლაკონს სახურავი.

· ფრთხილად გადასწიეთ თავი უკან. აკურატულად ჩამოსწიეთ ქვევით ქვედა ქუთუთო.

· მიიტანეთ ფლაკონი თვალთან ახლოს. შესაძლოა ამის გაკეთება სარკის წინ უფრო გაგიადვილდეთ.

· არ შეახოთ საწვეთური თვალებს, ქუთუთოებს, მიმდებარე არეს ან სხვა ზედაპირს. ამან შეიძლება წვეთების დაინფიცირება გამოიწვიოს.

· მსუბუქად დააჭირეთ ფლაკონის გვერდებ,ს ქვედა ქუთუთოში ერთი წვეთის ჩასაწვეთებლად.

· დახუჭეთ თვალები. პრეპარატის ცხვირის ღრუში და ყელში ჩადინების შესამცირებლად, თვალის შიდა კუთხეს ფრთხილად დააჭირეთ თითი არანაკლებ 1 წუთისა.

· თუ თქვენ წვეთებს ორივე თვალისთვის იყენებთ, გაიმეორეთ იგივე პროცედურა მეორე თვალისთვის.

·  მოხმარების შემდეგ ფლაკონს მაშინვე მჭიდროდ დაახურეთ სახურავი.

თუ წვეთი არ მოხვდა თვალში, სცადეთ კიდევ ერთხელ.

თუ თქვენ იყენებთ სხვა თვალის წვეთებს, დაიცავით ინტერვალი ჩაწვეთებებს შორის არანაკლებ 5 წუთისა.

თუ თქვენ გამოიყენეთ იმაზე მეტი პრეპარატი ბრევიპროსტTM  ვიდრე საჭირო იყო

გამოიბანეთ თვალი თბილი წლით. აღარ ჩაიწვეთოთ მეტი წვეთი, მანამ, სანამ არ მოვა შემდეგი, დაგეგმილი დოზის ჩაწვეთების დრო.

თუ თქვენ დაგავიწყდათ პრეპარატ ბრევიპროსტTM  -ის გამოყენება

გამოიყენეთ შემდეგი დოზა დანიშნულების სქემის მიხედვით. არ შეიყვანოთ პრეპარატის ორმაგი დოზა, მორიგი დოზის გამოტოვების შემთხვევაში. არ გამოიყენოთ დღეში ერთ წვეთზე მეტი დაზიანებულ თვალში (თვალებში).

თუ თქვენ შეწყვიტეთ პრეპარატ ბრევიპროსტTM  -ის გამოყენება

არ შეწყვიტოთ პრეპარატის გამოყენება მკურნალ ექიმთან კონსულტაციის გარეშე. თვალის არაკონტროლირებადმა წნევამ შეიძლება მიგიყვანოთ მხედველობის დაკარგვამდე.

თუ თქვენ გაქვთ დამატებითი კითხვები მოცემული წამლის გამოყენების თაობაზე, მიმართეთ მკურნალ ექიმს ან აფთიაქის თანამშრომელს.

4.შესაძლო არასასურველი რეაქციები

როგორც ყველა სამკურნალო პრეპარატმა, მოცემულმა პრეპარატმაც შეიძლება გამოიწვიოს არასასურველი რეაქციები, თუმცა ისინი ყველა პაციენტში არ აღმოცენდება.

ჩვეულებრივ, თუ გვერდითი რეაქციები არ არის სერიოზული, შეგიძლიათ გააგრძელოთ პრეპარტის მოხმარება. თუ თქვენ სწუხხართ, მიმართეთ ექიმს ან აფთიაქის თანამშრომელს. ექიმის კონსულტაციის გარეშე არ შეწყვიტოთ პრეპარატის გამოყენება.

ტრავოპროსტის შემცველი სამკურნალო საშუალებების გამოყენებისას, ადგილი ჰქონდა შემდეგ არასასურველ რეაქციებს.

ძალიან ხშირი არასასურველი რეაქციები (შეიძლება ჰქონდეს 10-დან 1 ადამიანზე მეტს) 

დარღვევები მხედველბის ორგანოს მხრივ : თვალის ჰიპერემია (სიწითლე).

ხშირი არასასურველი რეაქციები (შეიძლება ჰქონდეს არაუმეტეს 1 ადამიანს 10-დან)

დარღვევები მხედველობის ორგანოს მხრივ : ფერადი გარსის ჰიპერემია, ტკივილი თვალში, დისკომფორტის შეგრძნება თვალში, თვალების სიმშრალე, თვალების ქავილი და გაღიზიანება.

არახშრი არასასურველი რეაქციები (შეიძლება ჰქონდეს არაუმეტეს 1 ადამიანისა 100-დან)

დარღვევები მხედველობის ორგანოს მხრივ: რქოვანას ეროზია, ირიტი, უვეიტი, თვალის წინა საკნის ანთება, კერატიტი, წერტილოვანი კერატიტი, სინათლის შიში, გამონადენი თვალებიდან, ქუთუთოების ანთება, ქუთუთოების გაწითლება და ქავილი, თვალების ირგვლივ შეშუპება, არამკაფიო მხედველობა, მხედველობის სიმახვილის დაქვეითება, ცრემლდენა, კონიუნქტივის ანთება (კონიუნქტივიტი), ქუთუთოების ამობრუნება, კატრაქტა, ქუთუთოების კიდეებზე ქერქების გაჩენა, წამწამების ზრდა.

სხვა დარღვევები: ალერგიის სიმპტომების გაძლიერება, თავის ტკივილი, გულისცემის შეგრძნება, ხველება, ცხვირის ჩაკეტვა, ყელის გაღიზიანება, თვალების ირგვლივ კანის ჰიპერპიგმენტაცია, კანის გამუქება, კანის გაუფერულება, თმის სტრუქტურის შეცვლა, ზედმეტი თმის ზრდა (ჰიპერტრიქოზი).

იშვიათი არასასურველი რეაქციები (შეიძლება ჰქონდეს არაუმეტეს 1 ადამიანისა 1000-დან)

დარღვევები თვალის ორგანოს მხრივ : ნაპერწკლები და აფეთქებები თვალის წინ (ფოტოფსია), ქუთუთოების ეგზემა, წამწამების არასწორი ზრდა (ტრიქიაზი), კონიუნქტივის შეშუპება, კონიუნქტივალური ფოლიკულები, მანათობელი ორიონები და სხივები სინათლის წყაროს ირგვლივ (გალო-ეფექტი), თვალების ვირუსული ინფექცია (ჰერპესი), თვალების მგრძნობელობის დაქვეითება, მეიბომიტი, ირიდოციკლიტი, თვალის წინა საკნის პიგმენტაცია, გუგის გაფართოება (მიდრიაზი), წამწამების ფერის შეცვლა, წამწამების გასქელება, თვალების დაღლა (ასთენოპია).

სხვა დარღვეევები: თავბრუსხვევა, გემოს დარღვევა (დისგევზია), გულის რითმის დარღვევა, გულის კუნთის სიხშირის კლება, აწეული ან დაწეული სისხლის წნევა, ქოშნი, ასთმა, ალერგიული რინიტი, სიმშრალე ცხვირში, ტკივილი პირ-ხახაში, ხმის შეცვლა, პეპსიური წყლულის გამწვავება, კუჭ-ნაწლავური აშლილობები, სიმშრალე პირში, კანის გაწითლება, დერმატიტი (ალერგიული ან კონტაქტური), გამონაყარი, თმის ფერის შეცვლა, წამწამების ცვენა, სახსრების ტკივილი, ძვალ-კუნთოვანი ტკივილი, საერთო სისუსტე (ასთენია).

სიხშირე უცნობია (არსებულ მონაცემებზე დაყრდნობით შეფასება შეუძლებელია)

დარღვევები მხედველობის ორგანოს მხრივ: მაკულარული შეშუპება, ქუთუთოების ღარის გაღრმავება,

სხვა დარღვევები : საგნების ტრიალის/წრიული მოძრაობის შეგრძნება (ვერტიგო), დეპრესია, შფოთი, უძილობა, ხმაური ყურებში, ტკივილი გულმკერდში, გულის რითმის დარღვევა, ტაქიკარდია, ბრადიკარდია, ასთმის გამწვავება, ცხვირიდან სისხლდენა, დიარეა, ტკივილი მუცელში, გულისრევა, ღებინება, ქავილი, თმების ანომალური ზრდა, მტკივნეული შარდვა, შარდის შეუკავებლობა, პროსტატული სპეციფიური ანტიგენის მატება.

შეტყობინებები არასასურველ რეაქციებზე

თუ თქვენ გაქვთ რაიმე არასასურველი რეაქცია, გაიარეთ კონსულტაცია მკურნალ ექიმთან ან აფთიაქის თანამშრომელთან. მოცემული რეკომენდაცია ვრცელდება ნებისმიერ არასასურველ რეაქციებზე, მათ შორის მათზეც, რომლებიც არ იყო ჩამოთვლილი ფურცელ-ჩანართში. თქვენ, ასევე, შეგიძლიათ შეატყობინოთ არასასურველი რეაქციების თაობაზე პირდაპირ ევრაზიული ეკონომიკური კავშირის წევრ სახელმწიფოების შეტყობინების სისტემით.

5.პრეპერატ ბრევიპროსტTM  -ის შენახვა

შეინახეთ არაუმეტეს 30˚C ტემპერატურაზე. შეინახეთ ბავშვებისთვის მიუწვდომელ ადგილას. არ გამიყენოთ ვარგისობის ვადის (შენახვის ვადის) გასვლის შემდეგ, რომელიც მითითებულია ფლაკონზე და ყუთზე <<годен до>>-ს შემდეგ. ვარგისობის გასვლის ვადად ითვლება შეფუთვაზე მითითებული თვის ბოლო დღე.

მოცემული სამკურნალო პრეპარატი არ ითხოვს შენახვის რაიმე სპეციალურ პირობებს. 

პირველად გახსნის შემდეგ ფლაკონის შიგთავსი გამოიყენეთ 3 თვის მანძილზე. გადააგდეთ ფლაკონი პირველად გახსნიდან 3 თვის შემდეგ, რათა თავიდან აიცილოთ ინფიცირება და გამოიყენეთ ახალი ფლაკონი. გახსნის თარიღი დააწერეთ ყუთს მითითებულ ადგილზე.

არ გადააგდოთ (არ ჩაასხათ) პრეპარატები კანალიზაციაში (წყლის მილები). აფთიაქის თანამშრომელთან დააზუსტეთ, როგორ მოიშოროთ თავიდან პრეპარატები, რომლებიც აღარ დაგჭირდებათ. ეს ზომები ხელს შეუწყობს ბუნების დაცვას.

6.  შეფუთვის შიგთავსი და სხვა ცნობები

პრეპარატის თითოეული მლ შეიცავს 0,04მგ აქტიურ ნივთიერება ტრავოპროსტს.

დამხმარე ნივთიერებები : ბორის მჟავა, მანიტოლი, პროპილენგლიკოლი, ნატრიუმის ქლორიდი, პოლიოქსილ 40 ჰიდროგენიზირებული აბუსალათინის ზეთი, ნატრიუმის ჰიდროქსიდი და/ან ქლოროწყალბადოვანი მჟავა (pH-ის კორექციისთვის). საინექციო წყალი.

პრეპარატ ბრევიპროსტTM  -ის გარეგნული სახე და შეფუთვის შიგთავსი

პრეპარატი ბრევიპროსტTM   თვალის წვეთები, წარმოადგენს გამჭვირვალე ხსნარს უფერულიდან ოდნავ მოყვითალო შეფერილობამდე.

სილიკონის სახურავიან და პირველადი გახსნის კონტროლის მქონე ჩასახრახნ საცობიანი პოლიეთილენის ფლაკონი 5მლ პრეპარატით.

თითოეული ფლაკონი სამედიცინო გამოყენების ინსტრუქციასთან (ფურცელ-ჩანართი) ერთად იდება მუყაოს ყუთში.

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით