Larytylen - ლარიტილენი პიტნა, ლიმონი 20 საწუწნი ტაბლეტი

შემადგენლობა:

მოქმედი ნივთიერებები: დექვალინის ქლორიდი, დიბუკაინის ჰიდროქლორიდი; 1 საწუწნი ტაბლეტი შეიცავს დექვალინის ქლორიდს 100% ნივთიერებაზე გადაანგარიშებით 0,25 მგ, დიბუკაინის ჰიდროქლორიდს 100% ნივთიერებაზე გადაანგარიშებით 0,03 მგ;

დამხმარე ნივთიერებები: ტაბლეტები პიტნისა და ლიმონის გემოთი: სორბიტი (E 420), ტალკი, სილიციუმის კოლოიდური უწყლო დიოქსიდი, მაგნიუმის სტეარატი, არომატიზატორი ლიმონი, მწარე პიტნის ზეთი. წამლის ფორმა. საწუწნი ტაბლეტები.

ძირითადი ფიზიკო-ქიმიური თვისებები: თეთრი მრგვალი ტაბლეტები ნაზოლით ორივე მხარეს და გამყოფი ხაზით ცალ მხარეს.

ფარმაკოთერაპიული ჯგუფი: ყელის დაავადებების დროს გამოსაყენებელი პრეპარატები.

ათქ კოდი R02A.

ფარმაკოლოგიური თვისებები:

ფარმაკოდინამიკა: როგორც ბაქტერიციდული და ფუნგოსტაზური ნივთიერება დექვალინის ქლორიდი ზეგავლენას ახდენს პირის ღრუსა და ყელის შერეული ინფექციების გამომწვევ მიკროორგანიზმებზე. ამ ადგილობრივი ქიმიოთერაპიული ნივთიერების მოქმედების სპექტრი ფართოა და მოიცავს უმეტეს გრამდადებით და გრამუარყოფით ბაქტერიებს, ასევე სოკოებს, სპიროქეტებსა და პათოგენურ მიკროორგანიზმებს, რომლებიც იწვევენ პირის ღრუსა და ყელის შერეულ ინფექციებს. ორგანიზმში დიბუკაინის ჰიდროქლორიდის დაგროვება ამსუბუქებს ტკივილის სინდრომს, რომელიც ახლავს პირის ღრუსა და ყელის ინფექციებს. დექვალინის ქლორიდის მოქმედების მიმართ მდგრადი მიკროორგანიზმები უცნობია. არ იწვევს კარიესის წარმოქმნას.

ფარმაკოკინეტიკა: ძირითადი აქტიური ინგრედიენტი ძალიან უმნიშვნელო რაოდენობით აბსორბირდება. 

ჩვენებები:

პირის ღრუსა და ყელის მწვავე ანთებითი დაავადებების ადგილობრივი მკურნალობა: გინგივიტი, წყლულოვანი და აფტოზური სტომატიტი, ტონზილიტი, ლარინგიტი და ფარინგიტი. ლარიტილენის გამოყენება ასევე რეკომენდებულია პირში უსიამოვნო სუნის არსებობისას. ლარიტილენის გამოყენება შეიძლება პირის ღრუსა და ყელის შერეული ინფექციის შემთხვევებში (ექიმის რეკომენდაციით); როგორც დამხმარე პრეპარატი კატარული ანგინის, ლაკუნური ანგინისა და პლაუტ-ვენსანის ანგინის მკურნალობისას; პირის ღრუსა და ხახის კანდიდოზის შემთხვევაში. რეკომენდებულია პოსტოპერაციულ პერიოდში ტონზილექტომიისა და კბილების ამოღების შემდეგ.

უკუჩვენებები: ჰიპერმგრძნობელობა პრეპარატის შემადგენლობაში შემავალი ნებისმიერი ნივთიერების მიმართ. ალერგია ამონიუმის მეოთხედურ შენაერთებზე (მაგალითად, ბენზალკონიუმის ქლორიდი).

ურთიერთქმედება სხვა სამკურნალო საშუალებებთან და ურთიერთქმედებათა სხვა სახეობები: დექვალინის ანტიბაქტერიული აქტივობა მცირდება ანიონურ ტენსიდებთან ერთად გამოყენებისას, მაგალითად, კბილის პასტის შემადგენლობაში. პრეპარატის გამოყენების კომბინირება ქოლინესტერაზას ინჰიბიტორების გამოყენებასთან არ შეიძლება. გამოყენების თავისებურებანი: ვინაიდან პრეპარატი არ შეიცავს შაქარს, იგი გამოსადეგია შაქრიანი დიაბეტით დაავადებულებში გამოსაყენებლად. პრეპარატი შეიცავს სორბიტს, ამიტომ მისი გამოყენება არ შეიძლება იშვიათი მემკვიდრეობითი დაავადებების მქონე პაციენტებში, როგორიცაა ფრუქტოზას აუტანლობის სინდრომი. სიფრთხილით უნდა გამოიყენონ სისხლის პლაზმაში ქოლინესტერაზას დაბალი დონის მქონე პაციენტებმა.

გამოყენება ორსულობისა და ლაქტაციის პერიოდში:

ორსულობა: არსებული მონაცემებით, კონტროლირებადი კვლევები არ ჩატარებულა. ამ გარემოებებში ორსულობის პერიოდში პრეპარატის გამოყენება შეიძლება ექიმთან კონსულტაციის შემდეგ, თუ მკურნალობის ეფექტი აღემატება ნაყოფისთვის შესაძლო რისკს.

ლაქტაციის პერიოდი: არსებული მონაცემებით, დედის რძეში მოქმედი ნივთიერებების შეღწევის თაობაზე კლინიკური კვლევები არ ჩატარებულა. ლაქტაციის პერიოდში პრეპარატის გამოყენება რეკომენდებული არ არის.

ავტოტრანსპორტის ან სხვა მექანიზმების მართვისას რეაქციის სისწრაფეზე ზეგავლენის უნარი: არსებული მონაცემებით, ავტომობილის მართვისა და მექანიზმებთან მუშაობის უნარზე ზეგავლენის კვლევები არ ჩატარებულა. თუმცა იმის ალბათობა, რომ პრეპარატს შეუძლია რაიმე ნეგატიური ზეგავლენის მოხდენა ამ მხრივ, ძალიან მცირეა.

გამოყენების წესი და დოზები:

მოზრდილებსა და 12 წელზე უფროს ბავშვებში: ინიშნება 1 ტაბლეტი ყოველ 2 საათში, ანთების სიმპტომების შემცირების შემდეგ - 1 ტაბლეტი ყოველ 4 საათში. 4 წელზე უფროს ბავშვებში: ინიშნება 1 ტაბლეტი ყოველ 3 საათში, ანთების სიმპტომების შემცირების შემდეგ - 1 ტაბლეტი ყოველ 4 საათში. მაქსიმალური სადღეღამისო დოზა შეადგენს 10-12 ტაბლეტს მწვავე ფაზის პერიოდში და 6 ტაბლეტს ანთების სიმპტომების ალაგების შემდეგ. ტაბლეტების გაწუწვნა უნდა მოხდეს ნელა, დაღეჭვის გარეშე. მკურნალობის კურსის ხანგრძლივობას ექიმი განსაზღვრავს ინდივიდუალურად. თუ მკურნალობის 5 დღის შემდეგ სიმპტომები არ ალაგდა ან გაუარესდა, პაციენტმა კონსულტაციისთვის ექიმს უნდა მიმართოს.

ბავშვები. 4 წელზე უმცროს ბავშვებში ამ წამლის ფორმით პრეპარატი არ ინიშნება.

ჭარბი დოზა: ზოგადად პრეპარატი კარგად აიტანება. ჭარბი დოზის შემთხვევაში შესაძლებელია ღებინება, გულისრევა, იშვიათ შემთხვევებში - საყლაპავის წყლულები და ნეკროზი. ჭარბი დოზის მკურნალობა სიმპტომურია, საჭიროების შემთხვევაში შეიძლება დამარბილებელი საშუალებების გამოყენება. არ შეიძლება გულისრევის გამოწვევა და კუჭის ამორეცხვა, ეს ზომები მიზანშეწონილი არ არის.

გვერდითი რეაქციები: პრეპარატის გამოყენების შემდეგ ზოგჯერ შეიძლება გამოვლინდეს ჰიპერმგრძნობელობის რეაქციები, მაგალითად გამონაყარი, ქავილი, წვის შეგრძნება, პირის ღრუსა და ყელის ლორწოვანი გარსის გაღიზიანება. იშვიათ შემთხვევებში, კერძოდ კი ბოროტად გამოყენებისას, შესაძლებელია წყლულისა და ნეკროზის განვითარება. რაიმე უჩვეულო რეაქციების წარმოქმნისას პრეპარატის გამოყენება უნდა შეწყდეს და აუცილებელია ექიმთან კონსულტაცია შემდგომი თერაპიის თაობაზე.

ვარგისობის ვადა: 3 წელი.

შენახვის პირობები: ინახება ორიგინალ შეფუთვაში არაუმეტეს 250C ტემპერატურაზე. შეინახეთ ბავშვებისათვის მიუწვდომელ ადგილას.

შეფუთვა: 10 ტაბლეტი ბლისტერში, 2 ბლისტერი კოლოფში.

გაცემის კატეგორია: ფარმაცევტული პროდუქტის ჯგუფი III, გაიცემა რეცეპტის გარეშე. მწარმოებელი: სსს „კიევმედპრეპარატი“. მწარმოებლის ადგილმდებარეობა და მისი საქმიანობის განხორციელების ადგილის მისამართი: უკრაინა, 01032, ქ.კიევი, საკსაგანსკის ქ., 139.