Nalgesin - ნალგეზინი 275მგ 10 ტაბლეტი

ნალგეზინი®

Nalgesin®

სავაჭრო დასახელება: ნალგეზინი®

საერთაშორისო არაპატენტური დასახლება: ნაპროქსენი

წამლის ფორმა: შემოგარსული ტაბლეტები.

შემადგენლობა

1 ტაბლეტი შეიცავს

აქტიური ნივთიერება - ნატრიუმის ნაპროქსენი 275 მგ

(250 მგ ნაპროქსენის ექვივალენტი)

დამხმარე ნივთიერებები: პოვიდონი, მიკროკრისტალური ცელულოზა, ტალკი, მაგნიუმის სტეარატი, გასუფთავებული წყალი.

გარსის შემადგენლობა ოპადრაი YS-1R-4215: ინდიგოკარმინი (E 132), ტიტანის დიოქსიდი (E 171), ჰიპრომელოზა, მაკროგოლი

ასევე, იხილეთ : Nalgesin - ნალგეზინი ფორტე 60 ტაბლეტი

აღწერა

ოვალური, ორმხრივ ამოზნექილი, გარსით დაფარული, ცისფერი ტაბლეტები.

ფარმაკოთერაპიული ჯგუფი: არასტეროიდული ანთების საწინააღმდეგო საშუალება (აასს).

ათქ კოდი: M01AE02

ფარმაკოლოგიური თვისებები

ნალგეზინი წარმოადგენს ნაპროქსენის პრეპარატს, გააჩნია ტკივილგამაყუჩებელი, სიცხის დამწევი და ანთების საწინააღმდეგო მოქმედება. მოქმედების მექანიზმი დაკავშირებულია ციკლოოქსიგენაზა 1 და 2 (ცოგ-1, ცოგ-2) აქტივობის არასელექტიურ ინჰიბირებასთან.

ნალგეზინის აპკისებრი გარსით დაფარული ტაბლეტები კარგად იხსნება, სწრაფად შეიწოვება კუჭ-ნაწლავის ტრაქტიდან და უზრუნველყოფს ტკივილგამყუჩებელი ეფექტის სწრაფ დადგომას.

ფარმაკოკინეტიკა

აბსორბცია კუჭ-ნაწლავის ტრაქტიდან - სწრაფი და სრულია, ბიოშეღწევადობა - 95% (საკვების მიღება პრაქტიკულად არ ახდენს გავლენას შეწოვის არც სისრულეზე და არც

სისწრაფეზე). მაქსიმალური კონცენტრაციის მიღწევის დრო - 1-2 სთ, პლაზმის ცილებთან შეკავშირება>99%, ნახევარგამოყოფის პერიოდი - 12-15 სთ. მეტაბოლიზმი - ღვიძლში დიმეთილნაპროქსენამდე CYP2C9 ფერმენტული სისტემის მონაწილეობით. კლირენსი – 0.13 მლ/წთ/კგ. 98% გამოიყოფა თირკმლებით, აქედან 10% შეუცვლელი სახით; ნაღველით - 0.5-2.5%. წონასწორული კონცენტრაცია ისაზღვრება პრეპარატის 4-5 მიღებისას (2-3 დღე). თირკმლის უკმარისობისას შესაძლებელია მეტაბოლიტების კუმულაცია.

ჩვენებები

· საყრდენ-მამოძრავებელი აპარატის დაავადებები (რევმატოიდული ართრიტი, ფსორიაზული, იუვენილური ქრონიკული ართრიტი, მაანკილოზებელი სპონდილოართრიტი (ბეხტერევის დაავადება); პოდაგრული ართრიტი, რბილი ქსოვილების რევმატიული დაზიანება, პერიფერიული სახსრების და ხერხემლის ოსტეოართროზი, მათ შორის რადიკულური სინდრომით, ტენდოვაგინიტი, ბურსიტი).

· სუსტი, ან ზომიერად გამოხატული ტკივილის სინდრომი: ნევრალგიები, ოსალგიები, მიალგიები, ლუმბოიშიალგია, პოსტტრავმული ტკივილის სინდრომი (დაჭიმულობა და დაზიანებები), რომელსაც თან ახლავს ანთება, პოსტოპერაციული ტკივილი (ტრავმატოლოგიაში, ორთოპედიაში, გინეკოლოგიაში, ყბა-სახის ქირურგიაში), თავის ტკივილი, შაკიკი, ალგოდისმენორეა, ადნექსიტი, კბილის ტკივილი.

· ყურის, ყელის, ცხვირის ინფექციურ-ანთებითი დაავადებების კომპლექსური თერაპიის შემადგენლობაში, გამოხატული ტკივილის სინდრომით (ფარინგიტი, ტონზილიტი, ოტიტი).

· ცხელების სინდრომი „გაციების“ და ინფექციური დაავადებებისას.

ნალგეზინი გამოიყენება სიმპტომური თერაპიისთვის (ტკივილის, ანთების შესამცირებლად და სხეულის მომატებული ტემპერატურის დასაქვეითებლად) და არ ახდენს გავლენას ძირითადი დაავადების პროგრესირებაზე.

უკუჩვენებები

· ჰიპერმგრძნობელობა ნაპროქსენის, ან ნატრიუმის ნაპროქსენის მიმართ; ანამნეზში ბრონქოობსტრუქციის შეტევების მონაცემები, რინიტი, ჭინჭრის ციება აცეტილსალიცილის მჟავას ან სხვა აასს-ს მიღების შემდეგ (აცეტილსალიცილის მჟავას აუტანლობის სრული, ან არასრული სინდრომი - რინოსინუსიტი, ჭინჭრის ციება, ცხვირის ლორწოვანის პოლიპები, ბრონქული ასთმა);

· აორტოკორონარული შუნტირების შემდგომი პერიოდი;

· კუჭის, ან 12-გოჯა ნაწლავის ლორწოვანის ეროზიულ-წყლულოვანი ცვლილებები, აქტიური სისხლდენა კუჭ-ნაწლავიდან;

· ნაწლავების ანთებითი დაავადებები გამწვავების ფაზაში (არასპეციფიური წყლულოვანი კოლიტი (ასკ), კრონის დაავადება);

· ცერებროვასკულური სისხლდენა, ან სისხლდენები და ჰემოსტაზის დარღვევები;

· ღვიძლის გამოხატული უკმარისობა, ან ღვიძლის აქტიური დაავადება;

· თირკმლის გამოხატული უკმარისობა (კრეატინინის კლირენსი ნაკლები 20 მლ/წთ),

მათ შორის დადასტურებული ჰიპერკალიემია, თირკმლების პროგრესირებადი დაავადება;

· ძვლის ტვინის სისწლწარმოქმნის დათრგუნვა;

· ორსულობა, ძუძუთი კვება;

ნალგეზინის ერთი ტაბლეტი შეიცავს 250 მგ ნაპროქსენს, ამიტომ პრეპარატი არ არის რეკომენდებული 9 წელზე ნაკლები ასაკის და/ან 27 კგ ნაკლები წონის ბავშვებისათვის.

სიფრთხილით

გულის იშემიური დაავადება, ცერებროვასკულური დაავადებები, გულის შეგუბებითი უკმარისობა, დისლიპიდემია/ჰიპერლიპიდემია, შაქრიანი დიაბეტი, პერიფერიული არტერიების დაავადებები, მოწევა, კრეატინინის კლირენსი ნაკლები 60 მლ/წთ; კუჭ-ნაწლავის ტრაქტის (კნტ) წყლულოვანი დაზიანების განვითარების ანამნეზური მონაცემები, Helicobacter pylori ინფექციის არსებობა, ხანდაზმული ასაკი, აასს-ს ხანგრძლივი გამოყენება, ალკოჰოლის ხშირი გამოყენება, მძიმე სომატური დაავადებები, თანმხლები თერაპია შემდეგი პრეპარატებით: ანტიკოაგულანტები (მაგ. ვარფარინი), ანტიაგრეგანტები (მაგ. აცეტილსალიცილის მჟავა, კლოპიდოგრელი), სეროტონინის უკუმიტაცების სელექციური ინჰიბიტორები (მაგ. ციტალოპრამი, ფლუოქსეტინი, პაროქსეტინი, სერტრალინი). კნტ-ის მხრივ არასასურველი მოვლენების განვითარების რისკის შესამცირებლად, საჭიროა მინიმალური ეფექტური დოზის გამოყენება, შესაძლო მინიმალური კურსით. 9-დან 12 წლამდე ასაკის ბავშვებში, პრეპარატი ინიშნება მხოლოდ ექიმის რეკომენდაციით.

ორსულობა და ლაქტაციის პერიოდი

ორსულობის და ძუძუთი კვების პერიოდში, ნალგეზინის გამოყენება რეკომენდებული არ არის.

მიღების წესი და დოზები

მიიღება შიგნით. ტაბლეტი უნდა მიიღოთ საკმაო რაოდენობის წყალთან ერთად. მკაცრად მისდიეთ ექიმის მითითებებს. არ შეწყვიტოთ მკურნალობა, ან შეცვალოთ დოზა ექიმთან წინასწარი კონსულტაციის გარეშე.

ჰკითხეთ ექიმს პრეპარატის გამოყენების ხანგრძლივობის შესახებ.

თერაპიის რეკომენდებული სქემა:

ჩვეულებრივ, სადღეღამისო დოზა, რომელიც გამოიყენება ტკივილის შესამსუბუქებლად, შეადგენს 2-4 ტაბლეტს (550 – 1100 მგ).

ძალიან ძლიერი ტკივილისას და ანამნეზში კუჭ-ნაწლავის დაავადებების არარსებობისას, ექიმმა შეიძლება გაზარდოს სადღეღამისო დოზა 6 ტაბლეტამდე (1650მგ), მაგრამ არა უმეტეს 2 კვირისა.

პრეპარატის სიცხის დამწევ საშუალებად გამოყენებისას, საწყისი დოზა შეადგენს 2 ტაბლეტ ნალგეზინს, შემდგომ მიიღება 1 ტაბლეტი ნალგეზინი (275 მგ) ყოველ 6-8 საათში.

შაკიკის შეტევის თავიდან ასაცილებლად, რეკომენდებულია 2 ტაბლეტი (550 მგ) ორჯერ დღეში. ამასთან, მკურნალობა უნდა შეწყდეს, თუ შაკიკის შეტევების სიხშირე, ინტენსივობა და ხანგრძლივობა არ მცირდება 4 – 6 კვირის განმავლობაში. შაკიკის შეტევის პირველი ნიშნებისას, უნდა მიიღოთ 3 ტაბლეტი (825 მგ), ხოლო აუცილებლობისას კიდევ 1 -2 ტაბლეტი (275 – 550 მგ) 30 წუთის შემდეგ.

მენსტრუალური ტკივილის და სპაზმების შესამსუბუქებლად, საშვილოსნოსშიდა სპირალის (სშს) შეყვანის შემდგომი ტკივილის და სხვა გინეკოლოგიური ტკივილებისას, რეკომენდებულია პრეპარატის დანიშვნა 2 ტაბლეტი (550 მგ) საწყისი დოზით, შემდგომ 1 ტაბლეტი (275 მგ) ყოველ 6 – 8 საათში.

პოდაგრის მწვავე შეტევისას, საწყისი დოზა შეადგენს 3 ტაბლეტს (825 მგ), შემდგომ 2

ტაბლეტს (550 მგ) 8 საათის შემდეგ, ხოლო შემდეგ 1 ტაბლეტს (275 მგ) ყოველ 8 საათში, შეტევის მოხსნამდე.

რევმატოიდული დაავადებებისას (რევმატოიდული ართრიტი, ოსტეოართრიტი და მაანკილოზებელი სპონდილიტი), პრეპარატის საწყისი დოზა ჩვეულებრივ შეადგენს 2 – 4 ტაბლეტს (550 – 110 მგ), ორჯერ დღეში, დილით და საღამოს. საწყისი სადღეღემისო დოზა, რომელიც შეადგენს 3 (825 მგ) – 6 (1650მგ) ტაბლეტს, რეკომენდებულია პაციენტებისათვის გამოხატული ღამის ტკივილით და/ან გამოხატული დილის შებოჭილობით, პაციენტებში, რომლებიც გადაყავთ ნატრიუმის ნაპროქსენით მკურნალობაზე, სხვა არასტეროიდული ანთების საწინააღმდეგო პრეპარატების მაღალი დოზებიდან და პაციენტებში, რომლებშიც ტკივილი არის წამყვანი სიმპტომი. ჩვეულებრივ, სადღეღამისო დოზა შედგენს 2 (550 მგ) – 4 (1100 მგ) ტაბლეტს ორ მიღებაზე.

დილის და საღამოს დოზები შეიძლება არ იყოს ერთნაირი. მკურნალი ექიმის თანხმობით, თქვენ შეგიძლიათ მათი შეცვლა სიმპტომების, ანუ ღამის ტკივილის და/ან დილის შებოჭილობის მეტად გამოხატულების მიხედვით.

9 წელზე მეტი ასაკის და/ან 27 კგ-ზე მეტი წონის ბავშვებში, რეკომენდებული სადღეღამისო დოზა 10 მგ/კგ 1-2 მიღებაზე.

თუ გექმნებათ შთაბეჭდილება, რომ პრეპარატის ეფექტი ძალიან ძლიერია, ან სუსტია, აცნობეთ მკურნალ ექიმს, ან ფარმაცევტს.

გვერდითი მოვლენები

გვერდითი მოვლენები შედარებით ხშირია ნალგეზინის მაღალი დოზების გამოყენებისას:

• საჭმლის მომნელებელი სისტემის მხრივ: შეკრულობა, ტკივილი მუცლის არეში, დისპეპსია, გულისრევა, დიარეა, წყლულოვანი სტომატიტები, კუჭ-ნაწლავის ტრაქტის ეროზიულ-წყლულოვანი დაზიანებები და სისხლდენები, „ღვიძლის ფერმენტების“ აქტივობის მომატება, ღვიძლის ფუნქციის დარღვევა, სიყვითლე, სისხლიანი ღებინება, მელენა;
• ცენტრალური ნერვული სისტემის მხრივ: სმენის დაქვეითება, თავბრუსხვევა, თავის ტკივილი, ძილიანობა, დეპრესია, ძილის დარღვევა, კონცენტრაციის შეუძლებლობა, უძილობა, შეუძლოდ ყოფნა, მიალგია და კუნთების სისუსტე, რეაქციის სისწრაფის დაქვეითება, ასეპტიური მენინგიტი, კოგნიტიური დისფუნქცია;
• კანის საფარველის მხრივ: ქავილი, ეკქიმოზები, მომატებული ოფლიანობა, პურპურა, ალოპეცია, ფოტოდერმატოზები;
• ორგანოების მხრივ:ყურებში ხმაური, მხდველობის დარღვევა, სმენის დარღვევა;
• გულ-სისხლძარღვთა სისტემის მხრივ: შეშუპება, ქოშინი, გულის ფრიალი, გულის შეგუბებითი უკმარისობა, ვასკულიტი;
• შარდ-სასქესო სისტემის მხრივ: გლომერულონეფრიტი, ჰემატურია, ინტერსტიციული ნეფრიტი, ნეფროზული სინდრომი, თირკმლის უკმარისობა, თირკმლის პაპილარული ნეკროზი, მენსტრუალური ციკლის დარღვევა;
• სისხლმბადი ორგანოების მხრივ: ეოზინოფილია, გრანულოციტოპენია, ლეიკოპენია,

თრომბოციტოპენია, აპლასტიური ანემია;

• სასუნთქი სისტემის მხრივ: ეოზინოფილური პნევმონიტები;
• ალერგიული რეაქციები: კანის გამონაყარი, ჭინჭრის ციება, ანგიონევროზული შეშუპება, ეპიდერმული ნეკროლიზი, მულტიფორმული ერითემა, სტივენს-ჯონსონის სინდრომი;
• სხვა: წყურვილი, ჰიპერთერმია, ჰიპერგლიკემია, ჰიპოგლიკემია, ჰემოლიზური ანემია.

თუ შენიშნეთ მსგავსი მოვლენები, შეწყვიტეთ პრეპარატის მიღება და შეძლებისთანავე მიმართეთ ექიმს.

ჭარბი დოზა

პრეპარატის დოზის მნიშვნელოვანი გადაჭარბება ხასიათდება ძილიანობით, დისპეპსიური დარღვევებით (გულძმარვა, გულისრევა და ღებინება, ტკივილი მუცელში), სისუსტით, ხმაურით ყურებში, გაღიზიანებადობით, მძიმე შემთხვევებში - სისხლიანი ღებინებით, მელენით, ცნობიერების დარღვევით, კრუნჩხვებით და თირკმლის უკმარისობით. პაციენტისათვის, რომელმაც შემთხვევით, ან წინასწარ განზრახვით მიიღო პრეპარატ ნალგეზინის დიდი რაოდენობა, აუცილებელია კუჭის ამორეცხვა და სიმპტომური თერაპიის ჩატარება: აქტივირებული ნახშირი, ანტაციდები, H2 რეცეპტორების ბლოკატორები, პროტონის ტუმბოს ინჰიბიტორები. ჰემოდიალიზი არაეფექტურია.

ურთიერთქმედები სხვა სამკურნალო საშუალებებთან

ანტიკოაგულანტებით მკურნალობისას, საჭიროა გაითვალისწინოთ, რომ ნაპროქსენმა შესაძლოა გაზარდოს სისხლდენის დრო. პრეპარატი ერთდროულად არ უნდა გამოიყენოთ სხვა აასს-თან (გვერდითი ეფექტების განვითარების რისკის ზრდა).

პაციენტებმა, რომლების ერთდროულად იღებენ ჰიდანტოინებს, ანტიკოაგულანტებს, ან სხვა სამკურნალო პრეპარატებს, რომლებიც მნიშვნელოვანწილად უკავშირდებიან პლაზმის ცილებს, ყურადღება უნდა მიაქციონ მოქმედებების პოტენცირების ნიშნებს, ან ამ პრეპარატების დოზის გადაჭარბებას.

პრეპარატ ნალგეზინმა შეიძლება დააქვეითოს პროპრანოლოლის და სხვა ბეტა-ადრენობლოკატორების ანტიჰიპერტენზიული მოქმედება, ასევე გაზარდოს აგფ ინჰიბიტორების გამოყენებასთან დაკავშირებული თირკმლის უკმარისობის რისკი. ნაპროქსენის მოქმედებით ინჰიბირდება ფუროსემიდის ნატრიურეზული მოქმედება.

ლითიუმის თირკმლისმიერი კლირენსის ინჰიბირება იწვევს პლაზმაში ლითიუმის კონცენტრაციის მატებას. პრობენეციდის მიღება ზრდის ნაპროქსენის დონეს პლაზმაში. ციკლოსპორინი ზრდის თირკმლის უკმარისობის განვითარების რისკს.

ნაპროქსენი ანელებს მეტოტრექსატის, ფენიტოინის, სულფანილამიდების ექსკრეციას, ზრდის მათი ტოქსიური მოქმედების რისკს.

მაგნიუმის და ალუმინის შემცველი ანტაციდური პრეპარატები ამცირებენ ნაპროქსენის აბსორბციას.

განსაკუთრებული მითითებები

არ გადააჭარბოთ ინსტრუქციაში მითითებულ დოზებს. კუჭ-ნაწლავის ტრაქტის (კნტ) მხრივ არასასურველი მოვლენების განვითარების რისკის შესამცირებლად საჭიროა მინიმალური ეფექტური დოზის გამოყენება მინიმალურად ხანმოკლე კურსით.

თუ ტკივილი და ცხელება ნარჩუნდება, ან ძლიერდება, საჭიროა მიმართოთ ექიმს.

ბრონქული ასთმის, სისხლის შედედების დარღვევის, ასევე სხვა ანალგეტიკებისადმი

მომატებული მგრძნობელობის მქონე პაციენტებმა, ნალგეზინის მიღებამდე საჭიროა გაიარონ კონსულტაცია ექიმთან.

სიფრთხილით უნდა დაინიშნოს ღვიძლის დაავადებების და თირკმლის უკმარისობის მქონე პაციენტებში. პაციენტებში თირკმლის უკმარისობით, აუცილებელია კრეატინინის კლირენსის კონტროლი. 20 მლ/წთ კრეატინინის კლირენსისას: ნაპროქსენის დანიშვნა რეკომენდებული არ არის. ქრონიკული ალკოჰოლური და სხვა ფორმის ციროზისას, არაშეკავშირებული ნაპროქსენის კონცენტრაცია იზრდება, ამიტომ ასეთ პაციენტებში რეკომენდებულია შედარებით დაბალი დოზები. ნალგეზინი არ უნდა გამოიყენოთ სხვა ანთების საწინააღმდეგო და ტკივილგამაყუჩებელ პრეპარატებთან ერთად, გარდა ექიმის დანიშნულებისა. ხანდაზმული ასაკის პაციენტებში ასევე რეკომენდებულია შედარებით დაბალი დოზები.

ქირურგიულ ჩარევამდე 48 საათის განმავლობაში თავი უნდა აარიდოთ ნაპროქსენის გამოყენებას. 17-კორტიკოსტეროიდების განსაზღვრის აუცილებლობისას, პრეპარატი უნდა მოიხსნას კვლევამდე 48 საათით ადრე. ანალოგიურად ნაპროქსენმა შესაძლოა გავლენა მოახდინოს შარდში 5-ჰიდროქსიინდოლძმარმჟავას განსაზღვრაზე. ნაპროქსენის, როგორც პროსტაგლანდინების სინთეზის მაბლოკირებელი სხვა პრეპარატების გამოყენებამ, შეიძლება გავლენა მოახდინოს ფერტილობაზე, ამიტომ არ არის რეკომენდებული დაორსულების სურვილის მქონე ქალებში.

ნალგეზინის ყოველი ტაბლეტი შეიცავს დაახლოებით 25 მგ ნატრიუმს. მარილის გამოყენების შეზღუდვისას აუცილებელია ამის გათვალისწინება.

გავლენა ავტომობილის და სხვა მექანიზმების მართვის უნარზე

ნაპროქსენი ანელებს რეაქციის სიჩქარეს პაციენტებში. ეს უნდა გაითვალისწინოთ ავტომობილის მართვის დროს და საქმიანობისას, რომელიც მოითხოვს მომატებულ ყურადღებას.

გამოშვების ფორმა

აპკიანი გარსით დაფარული ტაბლეტები, 275 მგ.

10 ტაბლეტი პვქ/ალუმინის ფოლგის ბლისტერზე. 1 ან 2 ბლისტერი მუყაოს კოლოფში გამოყენების ინსტრუქციასთან ერთად.

შენახვის პირობები

შეინახეთ არა უმეტეს 25^°C ტემპერატურაზე.

შეინახეთ ბავშვებისთვის მიუწვდომელ ადგილას.

ვარგისობის ვადა

5 წელი.

არ გამოიყენოთ პრეპარატი ვარგისობის ვადის გასვლის შემდეგ.

გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.