აზითრომაგი-500 - Azythromag-500 500მგ 3 ტაბლეტი

აზითრომაგი - 500

აზითრომიცინის ტაბლეტები U.S.P. 500 მგ

საერთაშორისო არაპატენტირებული( გენერიული) დასახელება: აზითრომიცინი

შემადგენლობა:

თითოეული აპკიანი გარსით დაფარული ტაბლეტი შეიცავს:

აქტიური სუბსტანცია (-ები):

აზითრომიცინის დიჰიდრატი USP 524 მგ

ექვივალენტი აზითრომიცინის (უწყლო) 500 მგ-ის

არააქტიური სუბსტანცია(ები):

მიკროკრისტალური ცელულოზა-124.25 მგ

ნატრიუმის ლაურილ სულფატი-7.0 მგ

კოლოიდური სილიციუმის დოქსიდი-6.0 მგ

ნატრიუმის მეთილპარაბენი-0.6 მგ

ნატრიუმის პროპილპარაბენი-0.15 მგ

მაგნიუმის სტეარატი-15.0 მგ

სიმინდის სახამებელი-15.0 მგ

გასუფთავებული წყალი-30.0 მგ

პოვიდონი-K30-6.5 მგ

კროსპოვიდონი-15.0 მგ

გარსი:

ჰიპრომელოზა ( HPMC E-15)-11.50 მგ

პოლიეთილენის გლიკოლი-1.0 მგ

იზოპროპილის სპირტი-116.0 მგ

ტიტანიუმის დიოქსიდი-1.7 მგ

დიქლორმეთანი-174.0 მგ

გასუფთავებული ტალკი-22.0 მგ

სანსეტის ყვითელი-0.30 მგ

ჩვენება:

აზითრომიცინის მიღება ნაჩვენებია შემდეგი მიკროორგანიზმებით გამოწვეული ინფექციების დროს, რომლებიც მგრძნობიარეა აზითრომიცინის მიმართ:

· მწვავე ბაქტერიული სინუსიტი (სწორად დასმული დიაგნოზით);

· შუა ყურის მწვავე ბაქტერიული ანთება (სწორად დასმული დიაგნოზით);

•ფარინგიტი/ტონზილიტი;

· ქრონიკული ბრონქიტის გამწვავება (სწორად დასმული დიაგნოზით);

· მსუბუქიდან საშუალო სიმძიმის არაჰოსპიტალური პნევმონია;

· კანისა და რბილი ქსოვილის ინფექციები;

•არაგართულებული Chlamidia Trachomatis-ით გამოწვეული ურეთრიტი და ცერვიციტი.

გასათვალისწინებელია ანტიბაქტერიული საშუალებების შესაბამისი გამოყენების ოფიციალური რეგულაციები.

დოზირება და მიღების წესი:

აზითრომიცინი მიიღება ერთხელ დღეში. სხვადასხვა ინფექციური დაავადებების მკურნალობის ხანგრძლივობა მოცემულია ქვემოთ.

ტაბლეტის მიღება შესაძლებელია საკვების მიღების დროს ან მისგან დამოუკიდებლად.

ტაბლეტები მიიღება ½ ჭიქა წყალთან ერთად.

ბავშვებსა და მოზარდებში, რომელთა სხეულის მასა აღემატება 45 კგ, მოზრდილებსა და ხანდაზმულ პირებში:

ჯამური დოზა არის 1500 მგ, მიიღება 500 მგ ერთხელ დღეში 3 დღის მანძილზე. ალტერნატიულად, იგივე ჯამური დოზა (1500 მგ) შეიძლება მიღებულ იქნას 5 დღეში, 500 მგ პირველ დღეს და 250 მგ 2-5 დღეებში.

არაგართულებული Chlamidia Trachomatis-ით გამოწვეული ურეთრიტისა და ცერვიციტის შემთხვევაში, დოზირება არის 1000 მგ ერთჯერადად პერორალური მიღება.

ბავშვებსა და მოზარდებში, რომელთა სხეულის მასა არის 45 კგ ნაკლები:

აზითრომიცინის ტაბლეტები არ მიიღება პაციენტებში რომელთა სხეულის მასა არის 45 კგ ნაკლები. დოზირების სხვა ფორმები დაშვებულია პაციენტთა ამ ჯგუფისათვის.

ხანდაზმულ პაციენტებში:

ხანდაზმული პაციენტებისათვის მოქმედებს იგივე დოზირება, რაც მოზრდილებში.

იქიდან გამომდინარე, რომ ასაკოვანი პაციენტები შეიძლება იყვნენ ისინი, ვისაც აღენიშნებათ პროარითმიული მდგომარეობა, განსაკუთრებული სიფრთხილე გვმართებს არითმიის და torsades de pointes-ის განვითარების რისკთან.

პაციენტებში, რომელთაც აღენიშნებათ რენალური ფუნქციის მოშლა:

დოზის დარეგულირება არ არის საჭირო პაციენტებში, რომელთაც აღენიშნებათ მსუბუქიდან საშუალო სიმძიმის რენალური დისფუნქცია (GFR (გლომერულური ფილტრაციის ხარისხი) - 10-80 მლ/წთ).

პაციენტებში, რომელთაც აღენიშნებათ ჰეპატური დისფუნქცია:

დოზის რეგულირება არ არის საჭირო პაციენტებში, რომელთაც აღენიშნებათ მსუბუქიდან საშუალო სიმძიმის ჰეპატური დისფუნქცია.

მიღების წესი: პერორალურად

ჭარბი დოზირება:

დოზის გადაჭარბების შემთხვევაში აღინიშნება გულისრევა, პირღებინება, დიარეა, დისკომფორტი მუცლის ღრუში, გთხოვთ შეატყობინეთ თქვენს ექიმს.

გამოტოვებული დოზა:

თუ თქვენ გამოტოვეთ პრეპარატის მიღება, გამოტოვებული დოზა უნდა მიიღოთ რაც შეიძლება მალე, ხოლო შემდეგი დოზა 24 სთ-იანი ინტერვალით.

ფარმაკოკინეტიკა:

ფარმაკოთერაპიული ჯგუფი: ანტიბაქტერიული საშუალებები სისტემური გამოყენებისთვის, მაკროლიდები

ათქ - კოდი: J01FA10

აზითრომიცინი არის მაკროლიდური ჯგუფის ანტიბიოტიკი, რომელიც განეკუთვნება აზალიდის წარმოებულს.

მოლეკულა იქმნება აზოტის ატომის დამატებით ერითრომიცინი A-ს ლაქტონის რგოლზე. აზითრომიცინის ქიმიური სახელწოდებაა 9-დეოქსი-9ა-აზა-9ა-მეთილ-9ა-ჰომოერითრომიცინი A. მოლეკულური მასაა 749.0.

მოქმედების მექანიზმი:

აზითრომიცინი არის აზალიდის წარმოებული, მაკროლიდის ანტიბიოტიკების ქვეჯგუფი. 50S-რიბოსომულ ქვეჯგუფთან შეერთებით, აზიტრომიცინი გვერდს უვლის პეპტიდური ჯაჭვების გადაადგილებას რიბოსომის ერთი მხრიდან მეორეზე. ამის შედეგად, რნმ-დამოკიდებული პროტეინის სინთეზის პრევენცია ხდება მგრძნობიარე ორგანიზმებში.

PK/PD კავშირი

აზიტრომიცინის შემთხვევაში AUC/MIC არის ძირითადი PK/PD პარამეტრი, რომელიც ყველაზე კარგად ურთიერთქმედებს აზითრომიცინთან.

რეზისტენტულობის მექანიზმი:

რეზისტენტულობა აზითრომიცინზე შეიძლება იყოს თანდაყოლილი ან შეძენილი. არსებობს რეზისტენტულობის სამი ძირითადი მექანიზმი ბაქტერიაში: სამიზნე ადგილის შეცვლა, ცვლილება ანტიბიოტიკის ტრანსპორტირებაში და ანტიბიოტიკის მოდიფიკაცია.

სრული ჯვარედინი რეზისტენტულობა არსებობს Streptococcus pneumonia-სა და A ჯგუფის ბეტაჰემოლიზურ სტრეპტოკოკს შორის, ასევე Enterococcus faecalis და ოქროსფერ სტაფილოკოკს შორის, მათ შორის მეტიცილინთან - რეზისტენტული ოქროფერი სტაფილოკოკი, ერითრომიცინთან, აზითრომიცინთან, სხვა მაკროლიდებსა და ლინკოსამიდებთან ურთიერთქმედებისას.

გვერდითი ეფექტები:

ქვემოთ მოცემული გვერდითი ეფექტები კლასიფიცირდება სისტემურ-ორგანული კლასის და სიხშირის შესაბამისობის მიხედვით, შემდეგი მონაცემებით:

ძალიან ხშირად გვხვდება (≥1/10)

ხშირად (≥1/100-<1/10)

არახშირად (≥1/1,000-<1/100)

იშვიათად (≥1/10,000-<1/1,000)

ძალიან იშვიათად (≤1/10,000)

სისხლის და ლიმფური სისტემის დისფუნქცია:

იშვიათად: თრომბოციტოპენია

იშვიათია გარდამავალი, ზომიერი ნეიტროპენიის გამოვლინების შემთხვევები.

ფსიქიატრიული აშლილობა:

იშვითად: აგრესიული დამოკიდებულება, შფოთვა, აღზნება, ნევროტულობა

ნერვული სისტემის აშლილობა:

არახშირად: თავბრუხვევა/ვერტიგო, ძილიანობა, თავის ტკივილი, კრუნჩხვა, გემოს გაუკუღმართება.

კარდიალური დისფუნქცია:

იშვიათად: პარესთეზია, ასთენია, უძილობა, ჰიპერაქტიურობა

ყურის და კარიბჭე-ლოკოკინის სისტემის დისფუნქცია:

იშვიათად: მაკროლიდური ჯგუფის ანტიბიოტიკებს ახასიათებთ სმენის დაზიანება. გარკვეულ პაციენტებში, რომლებიც ღებულობენ აზითრომიცინს, დადგენილია სმენის გაუარესება, სიყრუე და ყურებში შუილი. ბევრი ამ შემთხვევათაგანი უკავშირდება ექსპერიმენტულ კვლევას, სადაც აზითრომიცინი გამოიყენებოდა დიდი დოზებით ხანგრძლივი პერიოდის მანძილზე. დამატებითი ანგარიშების თანახმად, ამ პრობლემების უმეტესობა შექცევადია. პალპიტაცია, არითმია პარკუჭოვანი ტაქიკარდიის თანხლებით იქნა დადგენილი.

კუჭ-ნაწლავის დისფუნქცია:

ხშირად: გულისრევა, პირღებინება, დიარეა, დისკომფორტი მუცლის ღრუში (ტკივილი, სპაზმი).

არახშირად: ფაღარათი, მეტეორიზმი, საჭმლის მონელების აშლილობა, ანორექსია.

იშვიათად: ყაბზობა, ენის ფერის შეცვლა, ფსევდომემბრანული კოლიტის შემთხვევები.

ჰეპატო-ბილიარული დისფუნქცია:

იშვიათად: ჰეპატიტი და ქოლესტაზური სიყვითლე ვლინდება, მათ შორის ღვიძლის ფუნქციის დარღვევა, ასევე ღვიძლის ნეკროზი და ჰეპატური დისფუნქცია, რაც იშვიათ შემთხვევებში სრულდება ფატალური შედეგით.

კანისა და კანქვეშა ქსოვილის დაზიანებები:

არახშირად: ალერგიული რეაქციები მათ შორის ქავილი და გამონაყარი

იშვიათად: ალერგიული რეაქციები მათ შორის ანგიონევროზული შეშუპება, ურტიკარია და ფოტოსენსიტიურობა, გამოვლენილია კანის რეაქციის სერიოზული შემთხვევები, როგორიც არის მულტიფორმული ერითემა, სტივენს-ჯონსონის სინდრომი და ტოქსიკური ეპიდერმული ნეკროლიზი.

ძვალკუნთოვანი, შემაერთებელი ქსოვილის და ძვლოვანი სისტემის დისფუნქცია;

არახშირად: ართრალგია

რენალური და საშარდე გზების დისფუნქცია:

იშვიათად: ინტერსტიტული ნეფრიტი და თირკმლის მწვავე დისფუნქცია.

რეპროდუქციული სისტემის და სარძევე ჯირკვლის დისფუნქცია:

არახშირად: ვაგინიტი

ზოგადი დაზიანებები:

იშვიათად: ანაფილაქსია, მათ შორის ხორხის ედემა (იშვიათ შემთხვევებში იწვევს ფატალურ შედეგს); კანდიდოზი.

მიმართეთ თქვენს ექიმს, თუ გაქვთ რომელიმე გვერდითი მოვლენა.

ასევე მიმართეთ ექიმს, თუ შეამჩნევთ სხვა გვერდით მოვლენებს, რომლებიც არ არის ჩამოთვლილი ინსტრუქციაში.

უკუჩვენებები:

ამ პროდუქტის გამოყენება აკრძალულია პაციენტებში, რომელთაც აღენიშნებათ ჰიპერმგრძნობელობა აზითრომიცინზე, ერითრომიცინზე, ნებისმიერ მაკროლიდზე ან კეტოლიდის ანტიბიოტიკზე.

სიფრთხილის ზომები

აზითრომიცინის და სხვა მაკროლიდების შემთხვევაში, იშვიათ შემთხვევებში სერიოზული ალერგიული რეაქციები, მათ შორის ანგიოედემა და ანაფილაქსია (იშვიათად ფატალური შედეგით) იქნა აღწერილი. გარკვეული რეაქციები აზითრომიცინთან დაკავშირებით ავლენს არსებულ სიმპტომებს და მოითხოვს შედარებით ხანგრძლივ პერიოდს დაკვირვებისა და მკურნალობისათვის. იქიდან გამომდინარე, რომ ღვიძლი წარმოადგენს მთავარ გზას აზითრომიცინის გამოყოფისათვის, პრეპარატის გამოყენება უნდა განხორციელდეს დიდი სიფრთხილით იმ პაციენტებში, რომელთაც აღენიშნებათ ღვიძლის მძიმე დაავადება. ფულმინანტური ჰეპატიტის შემთხვევებს პოტენციურად მივყავართ ფატალურ შედეგებამდე აზითრომიცინის შემთხვევაში. გარკვეულ პაციენტებს შესაძლოა ჰქონოდეთ უკვე ჰეპატური პათოლოგია ან შეიძლება იღებდნენ სხვა ჰეპატოტოქსიკურ სამედიცინო პრეპარატებს.

ღვიძლის დისფუნქციის ნიშნების და სიმპტომების შემთხვევაში, როგორიც არის სწრაფად პროგრესირებადი ასთენია, რომელიც უკავშირდება სიყვითლეს, მუქი ფერის შარდს, სისხლდენას ან ჰეპატურ ენცეფალოპათიას, დაუყოვნებლივ უნდა განხორციელდეს ღვიძლის ფუნქციის შემოწმება/გამოკვლევა. აზითრომიცინის მიღება უნდა შეწყდეს ღვიძლის დისფუნქციის დადგენისას.

თირკმელების უკმარისობა: დოზის რეგულირება არ არის საჭირო იმ პაციენტებში, რომელთაც აღენიშნებათ მსუბუქიდან საშუალო სიმძიმის თირკმელების უკმარისობა (GFR 10-80 მლ/წთ). პაციენტებში, რომელთაც აღენიშნებათ თირკმლების მწვავე უკმარისობა (GFR <10 მლ/წთ) აზიტრომიცინის სისტემური მოქმედება გაიზარდა 33%.

პაციენტებში, რომლებიც იღებენ ერგოტამინის წარმოებულებს, ერგოტიზმის დალექვა ხდება მაკროლიდური ანტიბიოტიკების მიღებისას. არანაირი ინფორმაცია არ არსებობს ერგოტამინსა და აზითრომიცინს შორის ურთიერთქმედების არსებობის შესაძლებლობასთან დაკავშირებით. თუმცაღა, ერგოტიზმის თეორიული შესაძლებლობის გამო, აზითრომიცინისა და ერგოტამინის წარმოებულების ერთდროული მიღება უნდა შეწყდეს.

პროლონგირებული კარდიალური რეპოლარიზაცია და QT ინტერვალი, კარდიალური არითმიისა და torsades de pointes განვითარების რისკი ვლინდება სხვა მაკროლიდებით მკურნალობისას. მსგავსი ეფექტი აზითრომიცინის შემთხვევაში არ შეიძლება ბოლომდე გამოირიცხოს პაციენტებში, პროლონგირებული კარდიალური რეპოლარიზაციის მომატებული რისკის პირობებში.

მაშასადამე დიდი სიფრთხილე არის საჭირო შემდეგი პაციენტების მკურნალობისას:

· რომელთაც აღენიშნებათ თანდაყოლილი ან შეძენილი დასაბუთებული QT-ინტერვალის გახანგრძლივება.

· რომლებიც ამჟამად გადიან მკურნალობას სხვა აქტიური ნივთიერებებით, რაც ახანგრძლივებს QT ინტერვალს, როგორიც არის IA და III კლასის არითმიის საწინააღმდეგო საშუალებები, ციზაპრიდი და ტერფენადინი.

· რომელთაც აღენიშნებათ ელექტროლიტური დისბალანსი, განსაკუთრებით კი ჰიპოკალემია და ჰიპომაგნეზემიის შემთხვევებში.

· რომელთაც აღენიშნებათ შესაბამისი ბრადიკარდია, კარდიალური არითმია ან გულის მწვავე უკმარისობა.

სუპერინფექციები: ნებისმიერი სხვა ანტიბაქტერიული საშუალებების გამოყენების შემთხვევაში, რეკომენდირებულია დაკვირვება სხვა არამგრძნობიარე ორგანიზმებით სუპერინფექციის ნიშნებზე, მათ შორის სოკოზე.

Clostridium Difficile-თი გამოწვეული დიარეა ვლინდება თითქმის ყველა ანტიბაქტერიული საშუალების გამოყენებისას, მათ შორის აზითრომიცინის შემთხვევაში და შესაძლოა გამოიწვიოს მსუბუქი სიმძიმის დიარეიდან ფატალურ კოლიტამდე. მკურნალობა ანტიბაქტერიული საშუალებებით ცვლის ნაწლავის ნორმალურ მიკროფლორას და იწვევს C. difficile-ს ჭარბი ზრდას. C. difficile გამოყოფს A და B ტოქსინებს, რაც ხელს უწყობს C. Difficile-თი გამოწვეული დიარეის განვითარებას. C. Difficile-ს ჰიპერტოქსინის გამომყოფი შტამები იწვევენ დაავადების გართულებას და სიკვდილიანობას, რადგანაც ეს ინფექციები შეიძლება იყოს რეფრაქტორული ანტიმიკრობული თერაპიისადმი და შეიძლება საჭირო გახდეს კოლექტომია. Clostridium Difficile-თი გამოწვეული დიარეა უნდა იქნას გათვალისწინებული ყველა პაციენტში, რომელთაც აღენიშნებათ დიარეა ანტიბიოტიკების გამოყენებისას. საჭიროა დეტალური სამედიცინო ანამნეზი, თუკი გამოვლენილი იქნება Clostridium Difficile-თი გამოწვეული დიარეის განვითარება ორ თვეზე მეტ ხანში ანტიბიოტოკების გამოყენებიდან.

მიასთენია გრავისის სიმპტომების და პირველად გამოვლენილი მიასთენიის სინდრომის გაღიზიანება ვლინდება პაციენტებში, რომლებიც გადიან აზითრომიცინით თერაპიას.

უსაფრთხოება და ეფექტურობა MAC-ის (Mycobacterium avium complex) პრევენციისთვის და მკურნალობისთვის ბავშვშვთა ასაკში არაა შესწავლილი.

შემდეგი უნდა იქნას გათვალისწინებული აზითრომიცინით მკურნალობის მიღებამდე:

აზითრომიცინის გარსით დაფარული ტაბლეტები არ გამოიყენება მწვავე ინფექციების მკურნალობისათვის, სადაც ანტიბიოტიკის მაღალი კონცენტრაცია სისხლში წარმოადგენს სწრაფ აუცილებლობას.

აზითრომიცინი არ არის პირველი რიგის არჩევის პრეპარატი ინფექციების ემპირიული თერაპიისთვის, სადაც რეზისტენტული იზოლატების სიჭარბე 10%-ზე მეტია.

ზონებში, სადაც დიდი ალბათობაა ერითრომიცინი A რეზისტენტულობისა, განსაკუთრებით მნიშვნელოვანია გავითვალისწინოთ აზითრომიცინისა და სხვა ანტიბიოტიკების მიმართ მგრძნობელობის განვითარება.

გრძელვადიანი გამოყენება: არანაირი გამოცდილება არ არის ხსენებული დანიშნულებისათვის აზითრომიცინის გრძელვადიანი გამოყენების უსაფრთხოებასა და ეფექტურობასთან დაკავშირებით. სწრაფად პროგრესირებადი ინფექციების შემთხვევაში, გასათვალისწინებელია სხვა ანტიბიოტიკით მკურნალობა.

რაც შეეხება სხვა მაკროლიდებს, Streptococcus pneumoniae-ს მაღალი რეზისტენტულობის კოეფიციენტი (>30%) გამოვლენილ იქნა აზითრომიცინის შემთხვევაში რამოდენიმე ევროპულ ქვეყანაში. ეს უნდა იქნას გათვალისწინებული Streptococcus pneumoniae-ით გამოწვეული ინფექციების მკურნალობის დროს.

ფარინგიტი/ტონზილიტი:

აზითრომიცინი არ არის პირველი რიგის არჩევის პრეპარატი ფარინგიტის და ტონზილიტის მკურნალობის დროს, გამოწვეული Streptococcus pyogenes -იით. ამისთვის და მწვავე რევმატული ცხელების პროფილაქტიკისათვის პირველ რიგში ინიშნება პენიცილინი.

სინუსიტი:

ხშირად, აზითრომიცინი არ არის პირველი რიგის არჩევის პრეპარატი სინუსიტის მკურნალობისას.

მწვავე ოტიტი:

ხშირად, აზითრომიცინი არ არის პირველი რიგის არჩევის პრეპარატი მწვავე ოტიტის მკურნალობის დროს.

კანისა და რბილი ქსოვილი ინფექციები:

რბილი ქსოვილის ინფექციების ძირითადი გამომწვევი რეაგენტი, ოქროსფერი სტაფილოკოკი, ხშირად რეზისტენტულია აზითრომიცინის მიმართ. მაშასადამე, მგრძნობელობაზე ტესტი მიჩნეულია, როგორც აზითრომიცინთან რბილი ქსოვილის ინფექციების მკურნალობის წინაპირობა.

ინფიცირებული დამწვრობითი ჭრილობები:

აზითრომიცინი არ გამოიყენება ინფიცირებული დამწვრობითი ჭრილობების სამკურნალოდ.

სქესობრივი გზით გადამდები დაავადებები:

სქესობრივი გზით გადამდები დაავადებების შემთხვევაში უნდა გამოირიცხოს თანმხლები ინფექცია გამოწვეული T. Palladium-ით.

ნევროლოგიური ან ფსიქიატრიული დაავადებები:

აზითრომიცინი გამოიყენება დიდი სიფრთხილით პაციენტებში, რომელთაც აღენიშნებათ ნევროლოგიური ან ფსიქიატრიული დაავადებები.

წამლებთან ურთიერთქმედება:

ანტაციდები: აზითრომიცინის მიღება უნდა მოხდეს სულ მცირე 1 საათით ადრე ანტაციდის მიღებამდე ან მისი მიღებიდან 2 საათის შემდეგ.

ციკლოსპორინი: მაკროლიდური ანტიბიოტიკების გარკვეული ნაწილი მოქმედებს ციკლოსპორინის მეტაბოლიზმზე. იქიდან გამომდინარე, რომ არ ჩატარებულა აზითრომიცინისა და ციკლოსპორინის შესაძლო კომბინირებული ეფექტების შესახებ ფარმაკოკინეტიკური და კლინიკური კვლევები, თერაპიული სიტუაცია უნდა იქნას დიდი სიფრთხილით გაკონტროლებული ამ პრეპარატების ერთდროულად მიღებამდე. თუკი კომბინირებული მკურნალობა მიჩნეული იქნება როგორც გამართლებული, ციკლოსპორინის დონე უნდა იქნას დიდი სიფრთხილით გაკონტროლებული და დოზა უნდა იქნას შესაბამისად შერჩეული.

დიგოქსინი: გარკვეულ პაციენტებში დადგენილია, რომ მაკროლიდები ასუსტებენ დიგოქსინის მეტაბოლიზმს ნაწლავებში. შესაბამისად, პაციენტებში, რომლებიც ღებულობენ აზითრომიცინს და დიგოქსინს, უნდა იქნას გათვალისწინებული დიგოქსინის კონცენტრაციის ზრდის შესაძლებლობა და გაკონტროლდეს დიგოქსინის დონე.

ტერფენადინი: აზითრომიცინი მიიღება დიდი სიფრთხილით ტერფენადინთან ერთად.

კუმარინის ანტოკოაგულანტები: ვლინდება ჰემორაგიის მომატებული ტენდენცია აზითრომიცინის და ვარფარინის ან კუმარინის მსგავსი პერორალური ანტიკოაგულანტების ერთდროულ გამოყენებისას. ყურადღება უნდა მიექცეს პროთრომბინის დროის კონტროლის სიხშირეს.

ზიდოვუდინი: აზიტრომიცინის მიღება ზრდის ფოსფორილირებული ზიდოვუდინის, კლინიკურად აქტიური მეტაბოლიტის კონცენტრაციას ერთბირთვიან უჯრედებში პერიფერიული ცირკულირებისას. ამ კვლევების კლინიკური მნიშვნელობა არის გაურკვეველი, მაგრამ შესაძლოა სარგებლის მომტანი იყოს პაციენტებისათვის.

რიფაბუტინი: ნეიტროპენია შეინიშნება აზითრომიცინისა და რიფაბუტინის ერთდროული მიღებისას. თუმცაღა ნეიტროპენია უკავშირდება რიფაბუტინის გამოყენებას, რა შემთხვევაშიც არ ვლინდება აზიტრომიცინთან კომბინირების გამომწვევი კავშირი.

ორსულობა და ლაქტაციის პერიოდი:

ორსულობა:

არ არის არანაირი ინფორმაცია აზითრომიცინის გამოყენებასთან დაკავშირებით ორსულებში. ცხოველებში რეპროდუქციულ ტოქსიკურობაზე ჩატარებულ კვლევებში გამოვლინდა პლაცენტარული ბარიერის მიღმა გადაცემა, თუმცა არ შეინიშნება ტერატოგენური ეფექტი. აზითრომიცინის უსაფრთხოება არ დადასტურდა ორსულობის დროს აქტიური ნივთიერების გამოყენებასთან დაკავშირებით. მაშასადამე, აზითრომიცინი გამოიყენება ორსულობის დროს მხოლოდ მაშინ, თუკი სარგებელი გადაწონის რისკს.

ლაქტაცია:

აზითრომიცინი გამოიყოფა დედის რძეში, მაგრამ არ არის არანაირი შესაბამისი და კარგად კონტროლებადი კლინიკური კვლევები მეძუძურ დედებში, რაც ასახავდა დედის რძეში აზითრომიცინის გამოყოფის ფარმაკოკინეტიკას.

იმის გამო, რომ არ არის საკმარისი მონაცემები აზიტრომიცინის გავლენის შესახებ ძუძუთი კვებაზე მყოფ ბავშვზე, ძუძუთი კვება უნდა შეწყდეს აზითრომიცინით მკურნალობის დროს. სხვა გამოვლინებებთან ერთად დიარეა, ლორწოვანი გარსების სოკოვანი ინფექცია, ისევე როგორც მგრძნობელობა, შესაძლებელია გამოვლინდეს ძუძუთი კვებაზე მყოფ ბავშვში. რეკომენდირებულია ძუძუთი კვების შეწყვეტა მკურნალობის დროს და მკურნალობის დასრულებიდან 2 დღის შემდეგ. ამის შემდეგ შესაძლოა ძუძუთი კვების გაგრძელება.

ზემოქმედება ფერტილობაზე:

ვირთხებზე ჩატარებულ რეპროდუქციულ კვლევებში აღინიშნა შემცირებული ორსულობის კოეფიციენტი აზითრომიცინით მკურნალობის შედეგად. ამ შედეგის შესაბამისობა ადამიანებში უცნობია.

ზემოქმედება სატრანსპორტო საშუალებების მძღოლებზე და პოტენციურად საშიშ მექანიზმებზე მომუშავე პერსონალზე:

გამოიყენეთ პრეპარატი სიფრთხილით სატრანსპორტო საშუალებების მართვისა და პოტენციურად საშიშ მექანიზმებთან მუშაობის დროს, გვერდითი ეფექტების გათვალისწინებით.

შენახვის პირობები:

ინახება არაუმეტეს 30^oC ტემპერატურაზე. დაიცავით მზის პირდაპირი სხივებისგან. შეინახეთ ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი დეფექტის შემთხვევაში პრეპარატის მიღება დაუშვებელია.

ვარგისიანობის ვადა:

3 წელი.ვარგისიანობის ვადის ამოწურვის შემდეგ ფარმაცევტული პროდუქტის გამოყენება აკრძალულია.

სტანდარტული შეფუთვა:

500 მგ 3 ტაბლეტი შეფუთულია ალუ-პვს ბლისტერში.ერთი ბლისტერი მოთავსებულია დაბეჭდილი მუყაოს კოლოფში, სამედიცინო გამოყენების ინსტრუქციასთან ერთად.
გამოყენებამდე ყურადღებით გაეცანით თანდართულ ინსტრუქციას.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

ასევე , იხილეთ : Azibiot - აზიბიოტი 500 მგ. 3 ტაბლეტი