Asibrox - ასიბროქსი 600მგ 10 შუშხუნა ტაბლეტი

შემადგენლობა

ასიბროქსი 200მგ

1 შუშხუნა ტაბლეტი შეიცავს 

აქტიური ნივთიერება: აცეტილცისტეინი 200 მგ

დამხმარე ნივთიერებები: ასკორბინის Mმჟავა, ნატრიუმის კარბონატი უწყლო, ნატრიუმის ჰიდროკარნობატი, ლიმონმჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.

ასიბროქსი 600მგ

1 შუშხუნა ტაბლეტი შეიცავს

აქტიური ნივთიერება: აცეტილცისტეინი 600 მგ

დამხმარე ნივთიერებები: ასკორბინის მჟავა, ნატრიუმის კარბონატი უწყლო, ნატრიუმის ჰიდროკარბონატი, ლიმონმჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.

პრეპარატის ათქ კოდი: R05CB01

ფარმაკოთერაპიული ჯგუფი

მუკოლიზური საშუალებები.

ფარმაკოლოგიური თვისებები

ფარმაკოდინამიკა

აცეტილცისტეინს (N-აცეტილ-L-ცისტეინი) (ასიბროქსის აქტიური ნივთიერება) გააჩნია ძლიერი მუკოლიზური, გამათხიერებელი მოქმედება ლორწოვანზე და ლორწოვან-ჩირქოვან სეკრეტზე მუკოპროტეინული კომპლექსების და ნუკლეინის მჟავების დეპოლიმერიზაციით, რომლებიც ანიჭებენ ნახველის და სხვა სეკრეტების მინისებრ და ჩირქოვან კომპონენტებს სიბლანტეს.

გარდა ამისა, აცეტილცისტეინი თვითონ მოქმედებს პირდაპირ ანტიოქსიდანტურად, ვინაიდან გააჩნია თავისუფალი ნუკლეოფილური თიოლური ჯგუფი (-SH), რომელსაც აქვს პირდაპირი ურთიერქმედების უნარი მჟანგველი რადიკალების ელექტროფილურ ჯგუფებთან. აცეტილცისტეინი იცავს ალფა1-ანტიტრიპსინს (ელასტაზას ფერმენტის მაინჰიბირებელი) ინაქტივაციისგან ჰიპოქლორული მჟავას მოქმედების ქვეშ (HOH1) - ძლიერი მჟანგველი აგენტი, რომელიც გამომუშავდება მიელოპეროქსიდაზას ფერმენტით აქტივირებული ფაგოციტების ზემოქმედებით. გარდა აღნიშნულის, მოლეკულის სტრუქტურა ხელს უწყობს მის მაღალ განვლადობას უჯრედულ მემბრანებში. უჯრედის შიგნით აცეტილცისტეინი დეაცეტილირდება და წარმოიქმნება L-ცისტერინი - ამინომჟავა, რაც აუცილებელია გლუტათიონის სინთეზისთვის (GSH).

GSH - მაღალრეაქტიული ტრიპეპტიდი, გავრცელებულია ცოცხალი ორგანიზმების სხვადასხვა ქსოვილებში, რომელიც აუცილებელია ფუნქციური შესაძლებლობების  და უჯრედების მორფოლოგიური მთლიანობის შესანარჩუნებლად, რაც ძირითადი მექანიზმია მჟანგველი რადიკალებისგან უჯრედშიდა დაცვისთვის, როგორც ეგზოგენური ისე ენდოგენური და სხვადასხვა ციტოტოქსიური სუბსტანციებისგან.

მსგავსი აქტივობა ხდის პრეპარატს განსაკუთრებულად სასარგებლოს სასუნთქი სისტემის მწვავე და ქრონიკული დაავადებების სამკურნალოდ, რომლებიც ხასიათდება სქელი და ბლანტი ლორწოვანი და ლორწოვან-ჩირქოვანი სეკრეციით.

ფარმაკოკინეტიკა

მონიშნული აცეტილსალიცილით ადამიანებში ჩატარებულმა კვლევებმა დაადასტურეს პრეპარატის კარგი შეწოვა შიგნით მიღებისას. რადიოაქტიურობის თვალსაზრისით პლაზმაში მაქსიმალური მნიშვნელობები შეინიშნებოდა 2-3სთ-ში. კვლევების ჩატარებისას პრეპარატის მიღებიდან 5სთ-ის შემდეგ, დადასტურდა აცეტილსალიცილის მნიშვნელოვანი კონცენტრაციების არსებობა ფილტვის ქსოვილებში.

გამოყენების ჩვენებები

სასუნთქი გზების ორგანოების დაავადებების მკურნალობა, რომლებიც ხასიათდება სქელი და ბლანტი ჰიპერსეკრეციით.

მიღების წესი და დოზირება

ასიბროქსი მიიღება შიგნით.

ასიბროქსის ერთი ტაბლეტი, რომელიც შეიცავს 200მგ აცეტილცისტეინს, უნდა გაიხსნას 100მლ ოთახის ტემპერატურის სასმელ წყალში ან ერთი ტაბლეტი 600მგ აცეტილსალიცილით 200მლ ოთახის ტემპერატურის სასმელ წყალში.

პრეპარატი მიიღება ჭამის შემდეგ. სითხის დამატებით მიღება აძლიერებს აცეტილცისტეინის მუკოლიზურ ეფექტს. მიიღება გახსნისთანავე, გამონაკლის შემთხვევებში 2სთ შეიძლება გააჩეროთ მომზადებული ხსნარი.

მოზრდილებში და მოზარდებში 14 წლიდან, პრეპარატი ინიშნება 200მგ 2-3-ჯერ დღეში ან 600მგ ერთხელ დღეში.

6-14 წლის ასაკის ბავშვებში ინიშნება 200მგ 2-ჯერ დღეში.

2-6 წლის ასაკის ბავშვებში 200მგ ერთხელ დღეში.

მუკოვისციდოზის დროს:

- მოზრდილებში და 14 წელზე მეტი ასაკის მოზარდებში ინიშნება 200მგ 2-3-ჯერ დღეში ან 600მგ ერთხელ დღეში.

- ბავშვებში 6 წლის ასაკიდან – 200მგ 3 -ჯერ დღეში.

- 2-6 წლის ასაკის ბავშვებში – 200მგ 2-ჯერ დღეში.

- 30კგ-ზე მეტი სხეულის მასის მქონე პაციენტებში შეიძლება მიიღებოდეს 800მგ დღეში.

ხანმოკლე გაციების დროს მიღების ხანგრძლივობაა 5-10 დღე. ქრონიკული ბრონქიტის და მუკოვისცდიზის დროს მიიღება უფრო ხანგრძლივად ინფექციებისგან პროფილაქტიკური ეფექტის მისაღწევად.

უკუჩვენებები

- მომატებული მგრძნობელობა აცეტილცისტეინის და პრეპარატის სხვა კომპონენტების მიმართ, ასევე სხვა ნივთიერებების მიმართ, რომელიც მსგავსია ქიმიური ბუნებით;

- 2 წლამდე ასაკის ბავშვები.

- ორსულობა და ლაქტაცია.

არასასურველი რეაქციები

არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირი (≥ 1/10); ხშირი (≥ 1/100, მაგრამ < 1/10); არახშირი (≥ 1/1000, მაგრამ < 1/100); იშვიათი (≥ 1/10000, მაგრამ < 1/1000); ძალიან იშვიათი (< 1/10000); სიხშირე უცნობია (შეუძლებელია დადგენა არსებული მონაცემების მიხედვით).

იმუნურის სისტემის მხრივ: არახშირი - ჰიპერმგრძნობელობა; ძალიან იშვიათი - ანაფილაქსიური შოკი, ანაფილაქსიური/ანაფილაქტოიდური რეაქცია.

ნერვული სისტემის მხრივ: არახშირი - თავის ტკივილი.

სმენის და წონასწორობის ორგანოების მხრივ:  არახშირი - ყურებში შუილი.

გულის მხრივ: არახშირი – ტაქიკარდია.

სისხლძარღვების მხრივ: ძალიან იშვიათი – ჰემორაგია.

სასუნთქი, გულკმერდის და შუასაყარის ორგანოების მხრივ: იშვიათი – ბრონქოსპაზმი, დისპნოე; სიხშირე უცნობია - ბრონქული ობსტრუქცია.

კუჭ-ნაწლავის ტრაქტის მხრივ: არახშირი - ღებინება, დიარეა, სტომატიტი, ტკივილი მუცლის არეში, გულისრევა; იშვიათი - დისპეფსია.

კანის და კანქვეშა ქსოვილების მხრივ: არახშირი - ჭინჭრის ციება, გამონაყარი, ანგიონევროზული შეშუპება, ქავილი.

ზოგადი დარღვევები და რეაქციები შეყვანის ადგილას: არახშირი - პირექსია; სიხშირე უცნობია - შეშუპება სახეზე.

გავლენა ლაბორატორიულ და ინსტრუმენტალურ გამოკვლევებზე: არახშირი - დაბალი არტერიული წნევა.

რეგისტრირებულია კანზე მწვავე რეაქციების იშვიათი შემთხვევები აცეტილცისტეინის მიღებასთან დაკავშირებით, როგორიცაა სტივენს-ჯონსონის სინდრომი და ლაიელას სინდრომი.

უმეტეს შემთხვევებში გამოვლინდა მინიმუმ ერთი სხვა საეჭვო სამკურნალო პრეპარატი კანის და ლორწოვანი გარსების ზემოთ მითითებული სინდრომების გენეზში მონაწილეობის დიდი ალბათობით; ამასთან ერთად, კანის და ლორწოვანი გარსების ცვლილებისას მიმართეთ ექიმს. მსგავს შემთხვევაში აცეტილცისტეინის მიღება უნდა შეწყდეს.

ზოგიერთმა კვლევამ დაადასტურა თრომბოციტების აგრეგაციის შემცირება აცეტილცისტეინის მიღებისას. კლინიკური მნიშვენლობა არ დადგენილა.

განსაკუთრებული მითითებები

ქრონიკული ასთმით დაავადებულ პაციენტებში აუცილებელია თერაპიის დროს მკაცრი კონტროლი; მკურნალობა დაუყოვნებლივ უნდა შეწყდეს ბრონქოსპაზმის განვითარებისას.

მუკოლიზურ პრეპარატებს შეუძლიათ გამოიწვიონ ბრონქული ობსტრუქცია 2 წლამდე ასაკის ბავშვებში. სინამდვილეში, ბრონქული ლორწოს დრენირების შესაძლებლობა შეზღუდულია მოცემულ ასაკობრივ კატეგორიაში, რაც განპირობებულია სასუნთქი გზების ფიზიოლოგიური თვისებებით. შესაბამისად, მუკოლიზური პრეპარატების გამოყენება არ არის რეკომენდებული 2 წლამდე ასაკის ბავშვები.

პრეპარატის მიღება საჭიროებს განსაკუთრებულ ყურადღებას პაციენტებში პეპტური წყლულით ან პეპტური წყლულით ანამნეზში, კერძოდ, სხვა პრეპარატებთან ერთად მიღება, რომლებიც მოქმედებენ კუჭზე უარყოფითად.

N-აცეტილცისტეინის მიღებამ, განსაკუთრებით მკურნალობის დასაწყისში, შეიძლება გაათხიეროს ბრონქული სეკრეტი და გაზარდოს მისი მოცულობა. თუ პაციენტი ეფექტურად ვერ ამოახველებს, აუცილებელია პოსტურალური დრენაჟი და ბრონქული სეკრეტის ასპირაცია სეკრეტის შეკავების გამოსარიცხად.

ასიბროქსი შეიცავს სორბიტოლს და ნატრიუმის საქარინს, ამიტომ პრეპარატის გამოყენებამდე აუცილებელია ექიმთან კონსულტაცია.

პრეპარატი ასიბროქსი 200მგ შეიცავს 403,1მგ ნატრიუმს. პრეპარატი ასიბროქსი 600მგ შეიცავს 356,8მგ ნატრიუმს. ნატრიუმის რაოდენობა უნდა გავითვალისწინოთ იმ პაციენტების მკურნალობისას, რომლებსაც აღენიშნებათ თირკმელების ფუნქციის დარღვევა ან რომლებიც იმყოფებიან ნატრიუმის დაბალი შემცველობის კვებაზე.

ზემოქმედება ავტოტრანსპორტის და მექანიზმების მართვის უნარზე

ასიბროქსი არ ზემოქმედებს ავტომობილის მართვის და სამუშაოების შესრულების უნარზე, რაც მოითხოვს ფსიქომოტორული რეაქციების ძლიერ სისწრაფეს.

გამოყენება ორსულობის და ლაქტაციის დროს

აცეტილცისტეინის კვლევები ცხოველებში არ ავლენენ ტერატოგენულ მოქმედებას; თუმცა, სხვა პრეპარატების მსგავსად, მოცემული პრეაპრატის მიღება ორსულობის და ლაქტაციის დროს დასაშვებია მხოლოდ აუცილებლობის შემთხვევაში ექიმის უშუალო კონტროლის ქვეშ.

გამოყენება პედიატრიაში

პრეპარატი უკუნაჩვენებია 2 წლამდე ასაკის ბავშვებში.

ურთიერთქმედება სხვა სამკურნალო საშუალებებთან 

წამალთაშორისი ურთიერთქმედება

წამალთაშორისი ურთიერთქმედების კვლევები ჩატარდა მხოლოდ მოზრდილ პაციენტებში.

ხველის საწინააღმდეგო საშუალებების და აცეტილცისტეინის მიღება დაუშვებელია ერთდროულად, ვინაიდან ხველის რეფლექსის დათრგუნვამ შეიძლება გამოიწვიოს ბრონქული სეკრეტის დაგროვება.

აქტივირებულმა ნახშირმა შეიძლება შეასუსტოს აცეტილცისტეინის მოქმედება.

არ არის რეკომენდებული სხვა პრეპარატებთან შერევა.

ანტიბიოტიკების და აცეტილცისტეინის ურთიერთქმედების მონაცემები ეყრდნობა ინ ვიტრო კვლევებს, რომლებშიც ხდებოდა ორი სუბსტანციის შერევა და დადასტურდა შესუსტებული ანტიბიოტიკური მოქმედება. ამასთან ერთად, უსაფრთხოების მიზნით რეკომენდებულია ანტიბიოტიკის შიგნით მიღება არანაკლებ 2სთ ინტერვალის დაცვით აცეტილცისტეინის მიღებასთან მიმართებაში. დამტკიცებულია, რომ ნიტროგლიცერინის და აცეტილცისტეინის ერთად მიღება იწვევს მნიშვნელოვან ჰიპოტენზიას და არტერიების დროებით დილატაციას შესაძლო თავის ტკივილით.

იტროგლიცერინის და აცეტილცისტეინის ერთდროული გამოყენებისას აუცილებელობის შემთხვევაში საჭიროა პაციენტის წნევის მონიტორინგ, რადგან შეიძლება თავი იჩინოს ჰიპოტენზიის მწვავე ფორმამ. ასევე აუცილებლად უნდა მოხდეს პაციენტების გაფრთხილება თავის ტკივილის განვითარების შესახებ.

ურთიერთქმედება “სამკურნალო საშუალება - ლაბორატორიული ტესტი”

აცეტილცისტეინმა შეიძლება ინტერფერირება მოახდინოს სალიცილატებზე ანალიზის კოლორიმეტრიულ მეთოდთან.

აცეტილცისტეინმა შესაძლოა მოახდინოს ინტერფერირება შარდში კეტონების განსაზღვრის ტესტთან.

ლითონებთან კონტაქტისას, რეზინით წარმოიქმნება სულფიდები დამახასიათებელი სუნით.

ჭარბი დოზირება

ჭარბი დოზირების შემთხვევები შიგნით მიღებისას არ აღწერილა.

ჯანმრთელ მოხალისეებში სამი თვის განმავლობაში აცეტილცისტეინის ყოველდღიური 11,6გ დოზის მიღებისას არ შეინიშნებოდა მძიმე ფორმის არასასურველი მოვლენები. 500მგ აცეტილცისტეინის დოზის მიღებისას სხეულის მასაზე შიგნით, გადაიტანებოდა ინტოქსიკაციის ნიშნების გარეშე.

სიმპტომები

ჭარბმა დოზირებამ შეიძლება გამოიწვიოს სიმპტომები კუჭ-ნალწავის ტრაქტის მხრივ, როგორიცაა გულისრევა, ღებინება და დიარეა.

მკურნალობა

არ არის გათვალისწინებული სპეციალური ანტიდოტები; თერაპია ჭარბი დოზირებისას ემყარება სიმპტომურ მკურნალობას. 

შენახვის პირობები

ინახება ნესტისგან დაცულ ადგილას არაუმეტეს 25℃ ტემპერატურაზე.

ინახება ბავშვებისთვის მიუწვდომელ ადგილას!

ტაბლეტის ამოღების შემდეგ ტუბი მჭიდროდ უნდა დაიხუროს.

ვარგისობის ვადა

3 წელი წარმოების თარიღიდან.

არ გამოიყენება ვარგისობის ვადის გასვლის შემდეგ.

აფთიაქიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.