Pafesan - პაფესანი ლიმონის სპრეი 2/0.5მგ 30მლ

სავაჭრო დასახელება

პაფესანი, Pafesan

საერთაშორისო არაპატენტირებული დასახელება

ქლორჰექსიდინი + ლიდოკაინი

Chlorhexidine + Lidocaine

წამლის ფორმა

ყელის სპრეი

აღწერილობა

პაფესანი (ლიმონის გემოთი): ერთგვაროვანი, გამჭვირვალე, უფერო, ტკბილი ხსნარი ლიმონის გემოთი და სპირტის არომატით.

პაფესანი (მენთოლით): ერთგვაროვანი გამჭვირვალე უფერო, ტკბილი ხსნარი  მენთოლის , ევკალიპტის და სპირტის არომატით.

შემადგენლობა

პაფესანი (ლიმონის გემოთი)

1 მლ სპრეი შეიცავს

აქტიური ნივთიერება: ქლორჰექსიდინის გლუკონატი (ქლორჰექსიდინის ბიგლუკონატის ხსნარის სახით) 2 მგ, ლიდოკაინის ჰიდროქლორიდი 0.5 მგ.

დამხმარე ნივთიერებები: გლიცერინი, უწყლო ეთანოლი, სუკრალოზა, ლიმონმჟავას მონოჰიდრატი, არომატიზატორი „ლიმონი“, გასუფთავებული წყალი.

პაფესანი (მენთოლით)

1 მლ სპრეი შეიცავს

აქტიური ნივთიერება: ქლორჰექსიდინის გლუკონატი (ქლორჰექსიდინის ბიგლუკონატის ხსნარის სახით) 2 მგ, ლიდოკაინის ჰიდროქლორიდი 0,5 მგ.

დამხმარე ნივთიერებები: გლიცერინი, უწყლო ეთანოლი, სუკრალოზა, ლიმონმჟავას მონოჰიდრატი, ევკალიპტის ზეთი, ლევომენთოლი, გასუფთავებული წყალი.

ათქ კოდი: R02AA20

ფარმაკოთერაპიული ჯგუფი

ყელის დაავადებების სამკურნალო პრეპარატები. ანტისეპტიკური საშუალებები.

ფარმაკოლოგიური თვისებები

ფარმაკოდინამიკა

პრეპარატი პაფესანი ადგილობრივად ახდენს ტკივილგამაყუჩებელ და ანტიბაქტერიულ მოქმედებას. პრეპარატი ამცირებს ანთებით პროცესს და  თრგუნავს უფრო რთული ბაქტერიული ინფექციის განვითარებას. ამსუბუქებს ტკივილს ყლაპვის დროს.

ქლორჰექსიდინი წარმოადგენს ანტისეპტიკურ საშუალებას, რომელსაც აქვს ანტიბაქტერიული მოქმედება, როგორც გრამდადებით, ისე გრამუარყოფით მიკროორგანიზმებზე (მაგ., Micrococcus sp., Staphylococcus sp., Bacillus sp., Clostridium sp,, Corinebacterium sp.). მას ასევე გააჩნია ანტიფუნგალური მოქმედება დერმატოფიტების და სოკოების მიმართ. პრეპარატი მცირე კონცენტრაციებში ავლენს   ბაქტერიოსტატულ, ხოლო მაღალ კონცენტრაციებში ბაქტერიოციდულ მოქმედებას.

ქლორჰექსიდინი დამუხტულია დადებითად; ამგვარად იგი შეიწოვება ბაქტერიის უჯრედის კედლის უარყოფითად დამუხტულ უბნებში  და უჯრედგარე სტრუქტურებში. აბსორბცია სპეციფიურია და ლოკალიზდება  ბაქტერიის  უჯრედის კედლის უბნებზე, რომელიც შეიცავს ფოსფატებს.

ქლორჰექსიდინი უკავშირდება ბაქტერიის ციტოპლაზმურ მემბრანას. იგი აბსორბირდება კბილების უარყოფოთად დამუხტულ ზედაპირზე. აქტიური ნივთიერებების მცირე რაოდენობა ნერწყვთან ერთად ხვდება კუჭ-ნაწლავის ტრაქტში. ქლორჰექსიდინი არ შეიწოვება. ლიდოკაინის შეწოვა შესაძლებელია პირის ღრუს და ყელის ლორწოვანი გარსიდან. თუმცა, მისი დიდი ნაწილი იშლება და ვერ აღწევს სისტემურ ცირკულაციაში.

ფარმაკოკინეტიკა

ლიდოკაინის ადგილობრივი გამოყენებისას ანესთეზიური ეფექტი ვითარდება 2-5 წუთში და გრძელდება 30-45 წუთი. ანესთეზია ზედაპირულია და არ ვრცელდება ლორწქვეშა სტრუქტურებში. ლიდოკაინი აღწევს როგორც ჰემატოენცეფალურ ბარიერს, ასევე პლაცენტაში და ექსკრეტირდება დედის რძეში. იგი განიცდის პირველად მეტაბოლიზმს ღვიძლში.

ქლორჰექსიდინი პრაქტიკულად არ აბსორბირდება ლორწოვან გარსში და კანში. ქლორჰექსიდინის გადაყლაპვა შესაძლებელია ნერწყვთან ერთად, მაგრამ მისი აბსორბცია კუჭ-ნალწავის ტრაქტიდან ძალიან დაბალია. ქლორჰექსიდინი უმნიშვნელო რაოდენობით მეტაბოლიზდება ღვიძლში. ქლორჰექსიდინის 90% გამოიყოფა ფეკალურ მასებთან ერთად უცვლელი სახით.

ჩვენებები

პირის ღრუს და ყელის ლორწოვანი გარსის ანთებითი პროცესების ადგილობრივი მკურნალობა (სტომატიტები, გინგივიტები)
პირის ღრუს ლორწოვანი გარსის ანთებითი პროცესების დროს ტკივილის კუპირება.
ანგინის სიმპტომების შემსუბუქება (ტკივილი ყლაპვის დროს, გაღიზიანება).
მიღების წესი და დოზირება

მოზრდილებში და მოზარდებში 12 წლის ზემოთ: ინიშნება  3-5 შეფრქვევა 6-10-ჯერ დღეში.

ბავშვები 2,5 წელზე მეტი ასაკის: 2-3 შეფრქვევა  3-5 ჯერ დღეში.

მოზრდილებისთვის მაქსიმალური ერთჯერადი დოზა შეადგენს 1მგ ქლორჰექსიდინს (0,02 მგ/კგ სხეულის მასაზე) და 0,25მგ ლიდოკაინს (0,005მგ/კგ სხეულის მასაზე).

ქლორჰექსიდინის მაქსიმალური დღიური დოზა შეადგენს 10მგ, ლიდოკაინის - 2,5მგ. ადაპტერზე ყოველი დაჭერის შემდეგ გამოიფრქვევა 0,1 მლ ხსნარი.

უკუჩვენებები

ჰიპერმგრძნობელობა პრეპარატის რომელიმე კომპონენტის მიმართ;
ალკოჰოლზე დამოკიდებულება;
2,5 წლამდე ასაკის ბავშვები.
გვერდითი მოვლენები

ქვემოთ მითითებული გვერდითი მოვლენების სიხშირის პარამეტრები განსაზღვრულია შემდეგნაირად: ძალიან იშვიათი (<1/10000), უცნობი სიხშირის.

რეკომენდებული დოზების დაცვით პირის ღრუში და ყელზე ადგილობრივი გამოყენებისას მოკლე პერიოდის განმავლობაში, მოცემული პრეპარატი კარგად გადაიტანება. ძალიან იშვიათად ვითარდება ჰიპერმგრძნობელობის რეაქციები, მაგ, კანის გაღიზიანება და გამონაყარი, რომელიც წარმოადგენს მომატებული მგრძნობელობის შედეგს ამიდური ტიპის საანესთეზიო საშუალებების მიმართ, როგორიცაა ლიდოკაინი, ასევე იშვიათად შეიძლება განვითარდეს ფოტოსენსიბილიზაცია.

ქლორჰექსიდინის გრძელვადიანი და გახანგრძლივებული გამოყენებისას, უცნობი სიხშირით შესაძლებელია კბილების დროებით ყავისფრად შეფერადება, თუმცა შესაძლებელია, მისი მოცილება.

განსაკუთრებული მითითებები

ბაქტერიული ინფექციების დროს, რომელსაც თან ახლავს სხეულის მომატებული ტემპერატურა, პაფესანი გამოიყენება დამატებითი პრეპარატის სახით.

პრეპარატი შეიცავს მენთოლს, ამიტომ მისი დანიშვნა სიფრთხილით უნდა მოხდეს ბავშვთა ასაკში, რომელთაც ანამნეზში აღენიშნებათ კუნთების სპაზმი.

პაფესანი შეიცავს გლიცერინს. დიდი დოზებით გლიცერინს შეუძლია გამოიწვიოს თავის ტკივილი, საჭმლის მონელების დარღვევა.

პრეპარატი შეიცავს ეთანოლს. ღვიძლის დაავადების და ეპილეფსიის შემთხვევაში, მოცემული ფაქტის გათვალისწინება აუცილებელია.

პაციენტებში ჰიპერმგრძნობელობის მიდრეკილებით, პაფესანის მიღება უნდა მოხდეს სიფრთხილით.

პაციენტებში მოცემული პრეპარატის გამოყენება დაუშვებელია უწყვეტად ან ძალიან ხშირად. მისი მიღება რეკომენდებულია ანთებით გამოწვეული ყელის გაღიზიანების და ან ტკივილის   შესამსუბუქებლად.

თუ პაციენტის მდგომარეობა არ მცირდება პრეპარატის მიღებიდან 3-4 დღეში, უნდა დაინიშნოს სხვა სახის მკურნალობა.

მოერიდეთ თვალთან ახლოს პრეპარატის გაფრქვევას.

პრეპარატის გაფრქვევის შემდეგ, პაციენტებმა არ უნდა მიიღონ საკვები, სასმელი და არ უნდა გამოიხეხონ კბილები.

ზემოქმედება ავტოტრანსპორტის და მექანიზმების მართვის უნარზე

არ ჩატარებულა კვლევები ავტომობილის ან პოტენციურად საშიში მექანიზმების მართვის შესაძლებლობის შესახებ.

მიღება ორსულობისა და ლაქტაციის დროს

ორსულობის და ლაქტაციის დროს დასაშვებია პრეპარატის გამოყენება, მხოლოდ გამოყენების ინსტრუქციის შესაბამისად და ხანმოკლე პერიოდით.

გამოყენება პედიატრიაში

პრეპარატი უკუნაჩვენებია 2,5 წლამდე ასაკის ბავშვებში.

ურთიერთქმედება სხვა სამკურნალო საშუალებებთან

პაფესანით მკურნალობის პერიოდში არ არის რეკომენდებული სხვა ანტისეპტიკური ადგილობრივი მოქმედების პრეპარატების ერთდროული გამოყენება, რადგან ისინი კარგავენ ეფექტურობას.

პაფესანის გამოყენება არ არის რეკომენდებული ქოლინესთერაზას ინჰიბიტორებთან ერთად (ანუ ნეოსტიგმინთან, დისტიგმინთან, პირიდოსტიგმინთან) და მიასთენიის სამკურნალო სხვა სახის პრეპარატებთან. პრეპარატის მიღება სიფრთხილით უნდა მოხდეს პაციენტებში, რომლებიც იღებენ სხვა სახის ანტიარითმიულ 1B ტიპის პრეპარატებს   (ტოკაინიდი).

ჭარბი დოზირება

ჭარბი დოზირების შემთხვევაში (დღე-ღამეში ერთ ფლაკონზე მეტი) შესაძლებელია ყლაპვის დარღვევის განვითარება (ყლაპვის რეფლექსის კონტროლის შესუსტება).

ლიდოკაინის ტოქსიური დოზა მოზრდილი ადამიანისთვის შეადგენს >0,5 გ-ს (პრეპარატის რამოდენიმე ფლაკონი).

სიმპტომები: სისტემური ინტოქსიკაცია, რომელიც წარმოადგენს ცენტრალურ ნერვულ სისტემაზე და გულსისხლძარღვთა სისტემაზე ზემოქმედების შედეგს.

სისტემური ინტოქსიკაციის დროს შესაძლებელია განვითარდეს: ცენტრალური ნერვული სისტემის და გულსისხლძარღვთა სისტემის მხრივ (ნევროზი, მთქნარება, აგზნებადობა, ყურებში ხმაური, ნისტაგმი, კუნთების ტრემორი, კრუნჩხვები, დეპრესია, სუნთქვის დარღვევა), დარღვევები გულსისხლძარღვთა სისტემის მხრივ (მიოკარდიუმის ტონუსის დაკარგვა, პერიფერული ვაზოდილატაცია, ჰიპოტონია, არითმია).

მკურნალობა: ჭარბი დოზირების სიმპტომების განვითარების შემთხვევაში მკურნალობა დაუყოვნებლივ უნდა შეწყდეს. აუცილებელია ღებინების გამოწვევა ან კუჭის ამორეცხვა. უფრო მძიმე შემთხვევებში საჭიროა პაციენტის ჰოსპიტალიზაცია სუნთქვის და სისხლის ცირკულაციის შესანარჩუნებლად.

გამოშვების ფორმა

30მლ-იანი  ყელის სპრეი ყვითელი შუშის ფლაკონში გამაფრქვეველი მექანიზმით. 1 ფლაკონი ფურცელ-ჩანართთან ერთად მოთავსებულია მუყაოს კოლოფში.

შენახვის პირობები

ინახება არა უმეტეს 25°C ტემპერატურაზე. ინახება ბავშვებისთვის მიუწვდომელ ადგილას!

ვარგისიანობის ვადა

5 წელი წარმოების თარიღიდან.

არ გამოიყენოთ ვარგისიანობის ვადის გასვლის შემდეგ.

აფთიაქიდან გაცემის პირობები

farmacevtuli produqtis jgufi III, gaicema receptis gareSe.

მწარმოებელი

სავაჭრო ნიშნის და რეგისტრაციის სერტიფიკატის მფლობელია კომპანია

„ვორლდ მედიცინ ოფთალმიქს ილაჩლარი ლტდ. შტი.“, თურქეთი

“WORLD MEDICINE OPHTHALMICS İLAҪLARI LTD. ŞTİ.”, TURKEY